Te KKM o Puau Te Moananui-a-Kiwa - 19/06/2014

Ngā Whakaaturanga

1 Te Horopaki

He aha ngā āhuatanga whakahirahira o te horopaki o tēnei kura?

E tū ana Te Kura Kaupapa Māori o Pūau Te Moana-nui-ā-Kiwa ki Ukutoia, ki Tāmaki-makau-rau. He kura kaupapa Māori Te Aho Matua tēnei.

E whanake haere ana tēnei kura hei wāhi whakahirahira mō ngā ākonga tokomaha, me ngā mātua. He tino hononga tō ētahi o te whānau me ngā ākonga ki te kura me tōna hapori. Ka whai wāhi nui te hapori ki ngā nekehanga i te kura. Ka tautoko te whānau i ngā whakahaeretanga o ia rā, ā, ka whai wāhi hoki rātou ki te ahunga whakamua o te kura mō meāke nei. Ka tino piki ake te tatauranga ākonga i te kura a meāke nei, ā, kua tīmata te whakahou ake o ngā whare.

He kaha te tūhonohono o te kura me ngā kōhanga reo o te takiwā. Ka whai hua anō hoki ngā hononga i whakaritea ai ki waenga i te kura me ngā marae, me te iwi hoki o Ngāti Whātua.

Kua whakatūngia tētahi poari hou. Kua roa nei te tumuaki e mahi ana ki te kura, ā, kua pērā hoki ētahi o ngā kaimahi matua.

2 Te Tino Uaratanga

He pēhea te whai huatanga o ngā ākonga ki te whakawhanake i te oranga ā-tinana, ā-wairua hoki, mā te hono tāngaengae o te tinana, te hinengaro, me te wairua?

Ka tino tautokona ngā ākonga kia whakawhanakehia tō rātou oranga ā-tinana, ā-wairua hoki mā te hono tāngaengae o te tinana, te hinengaro, me te wairua.

Te Ira Tangata

Ka tino tautokona ngā ākonga kia whakawhanakehia tō rātou oranga ā-tinana, ā-wairua hoki mā tā rātou whai wāhi ki te ao o te kura. Ka kitea ngā hononga papai o ngā ākonga ki waenga i a rātou anō, ki te hapori whānui tonu o te kura. Ko ngā tikanga o ia rā, ngā mahi a te rēhia, me ngā hākinakina e hāpai hoki ana i ngā ākonga ki te whakawhanake i tō rātou oranga ā-tinana, ā-wairua hoki. Ka tautāwhitia, ka whakanuia hoki ngā hononga o te whānau i te kura. Ka tūhuratia ngā hononga ā-whakapapa ki ngā tūpuna, ngā hapū, me ngā iwi e ngā ākonga. Ka ako ngā ākonga i a rātou anō, i tō rātou tūrangawaewae hoki. Ka tautokona ngā ākonga kia whakawhirinaki atu rātou, kia ako hoki rātou, mai i ngā pākeke me ngā kaumātua. Ka whai wāhi ngā ākonga ki te maha o ngā tūmomo kaupapa hākinakina, ngā mahi a te rēhia hoki, tae atu ki te kauhoe, te waka ama, te mau rākau, me te kapa haka. Ka whai hua ngā ākonga nā te karapu parakuihi o ia rā, ā, he kaupapa nui tēnei, he pai te taetae atu. Ka whiwhi hoki ngā ākonga i te miraka me ngā huarākau i te kura, hei whakarite hoki i a rātou ki te ako. Tāpiri atu ki tēnei, he pakari, he tau hoki te whakahono atu a te tumuaki ki te maha o ngā ratonga tautoko o waho, hei whakarato i te atawhai me te tautoko e tika ana mō ngā ākonga. Ka whakawhanake ngā ākonga i te tino aronga toi whenuatanga ki te kura me tōna hapori.

Te Reo

Ka tino tautokona ngā ākonga kia pānui, kia tuhituhi, kia kōrero hoki mā te reo Māori.

Ka rongo ngā tamariki i ngā tauira papai o te reo Māori. Kōrero Māori ai ngā ākonga i te reo Māori puta noa i te rā. Ka tautokona ngā mema o te whānau kia taetae atu ki ngā whakangungu o te reo Māori, tae atu ki Te Ataarangi, Te Ara Reo me te Kura Reo. He tūmanako nui kia noho pūmau ki te reo Māori ngā whānau me ngā ākonga e whakauru ana ki te kura. Kua whakawhanakehia ngā hōtaka akoranga e tika ana mō ngā ākonga e tīmata ana ki te ako i te reo Māori.

Ka kitea te ngākau nui o ngā kaiako ki te whakapai me te whakamahine hoki i ā rātou whakaritenga whakaako. Ka haere tonu te ako ngaio, te whakawhanaketanga ngaio e pā ana ki te whakaako me te ako i te reo matatini. Ka whakapuaki ngātahi ngā kaiako i ō rātou mōhiotanga, ā rātou rauemi hoki ki waenga i a rātou. E wātea ana ki ngā kaimahi ngā whakaata e pā ana ki te whakahaere me te whakamahi i ngā tūmomo aromatawai.

Te wāhanga hei whakawhanake

Kāhore te poari e whakamōhiotia ana mō te ahunga whakamua me ngā whakatutukitanga o ngā ākonga, puta noa i te kura. Ahakoa kei te kura ētahi mōhiohio e pā ana ki te ahunga whakamua me ngā whakatutukitanga, kāhore anō ēnei kia āta tātarihia.

Kāhore i te rawaka te tātari, te whakamārama hoki o ngā paetae ākonga e pā ana ki te tuhituhi me te pānui. Kāhore ngā kaimahi e whakamahi ana i ngā hōtuku hei tāutu i ngā ākonga e tika ana mō ētahi tino hōtaka ka whakapiki ake i te āhua o tā rātou ahunga whakamua.

I tēnei wā, kāhore he paetae ākonga e pā ana ki te ahunga whakamua me ngā whakatutuki i roto i te reo ā-waha.

Ngā Iwi

E tino tautokona ana ngā ākonga kia whakawhanake ai tō rātou māramatanga ki a rātou anō, ki tō rātou tūrangawaewae hoki.

Ka kitea te ārahitanga, te ngākau nuitanga hoki o ngā kaumātua, ngā pākeke, me ngā mātua ki te angitu tonu o te kura. Ka ako ngā ākonga me te whānau i ō rātou tūranga, ā rātou kawenga mahi hoki i roto i tā rātou whai wāhi ki te hapori o te kura. He whakaute, he tautoko hoki kei ngā hononga me ngā taunekeneke. Ka tautokona te ako a ngā ākonga i ngā hononga ā-whānau, ā-hapū, ā-iwi hoki mā ngā haerenga, te kapa haka, me ngā akoranga hītori. He whai wāhitanga mō ngā ākonga ki te whakataurite me te whakatairite i ō rātou wheako, ō rātou mōhiotanga hoki ki ngā tūmomo iwi.

Ka ngākau nui ki te rere mutunga kore o te mātauranga mō ā rātou tamariki. I tēnei wā, ka whakarato te kōhanga reo me te kura i te mātauranga rumaki reo Māori mō ngā tamariki, mai i te tau 0 ki te 18. I nāianei, e tūhura haere ana te poari me te hapori whānui i ngā huarahi ki te whakawhānui i te kura ki ngā reanga o te whare wānanga.

  • He pai te whakawhānaungatanga ki waenga i ngā ākonga
  • Ka ako ngā ākonga i tō rātou tūranga hei tangata whenua, hei manuhiri hoki
  • He pakari te tū tangata, te tū ā-hapori hoki o ngā ākonga.

Te Ao

E tino tautokona ana ngā ākonga ki te tūhura me te whakatewhatewha i te ao o nehe, o nāianei, anamata hoki.

Ka whakamahi ngā kaiako i te marautanga o te kura ki te waihanga me te whakatinana i ngā hōtaka e hāpai ana i ngā ākonga ki te rangahau, te tūhura, me te whakatewhatewha i te ao. Ka whakarato ki ngā kaiako te whānuitanga o ngā tūmomo whai wāhitanga ki te ako ngaio me te whakawhanake ngaio, kia pakari ake ai te mōhiotanga ki te marautanga. Ka whakamahia e ngā kaiako te aronga tuitui ki te ako, hei āta whakarite i te whānuitanga me te hōhonutanga o ngā akoranga. He pai te hono o ngā whāinga ako ki ngā putanga o Te Aho Matua mō ngā ākonga. Ka whakamahi ngā ākonga i te taiao māori hei horopaki mō ngā akoranga, pērā i te hī ika me te whakatupu kai. Ka whakamahi rātou i te hangarau whakawhitiwhiti hei whakatairanga i ā rātou akoranga. E whakawhanake ana ngā ākonga ki te kōkiri i ā rātou ake akoranga.

  • E tautokona ana ngā ākonga kia whakamahi rātou i te hangarau whakawhitiwhiti, me te tūhura, te whakatewhatewha hoki i te ao whānui
  • E whakawhanake ana ngā ākonga i ngā pūkenga ki te kōkiri i ā rātou ake akoranga
  • E tautokona ana ngā ākonga kia ū ai rātou ki te aronga whakamātau i roto i ngā akoranga
  • Ka whakamahi ngā ākonga i te pāngarau, te pūtaiao, me te hangarau hei whakatewhatewha i te ao, i tua atu hoki.

Āhuatanga Ako

Ka ngana ngā ākonga ki te ako.

He pai ngā rauemi, te whakaritenga, me te hihiri hoki o ngā akomanga. Ka whakarato ngā kaiako i ngā taiao ako e whakaongaongatia ana, ā, e hāpai ana ngā rauemi o roto i te mātauranga. Ka tautoko ngā kaiako i ngā ākonga ki te whakamahi tika i te hangarau whakawhitiwhiti. Ka ākina e ngā kaiako te kōkiri a ngā ākonga i ā rātou ake akoranga. Ka whakarato ngā kaiako i hōtaka akoranga i whakahāngaitia ai ki ngā tūmomo reanga, mō te pāngarau me te reo matatini. Ka tautoko ngā mātua mā te taetae atu i ia te wā, me te āwhina i te roanga o te rā.

  • Ka arotahi, ka ngana nui hoki ngā ākonga ki ngā mahi
  • He tākare ngā ākonga ki te ako.

Te wāhanga hei whakawhanake

Kāhore ngā ākonga e tino mōhio ana ki tēnā o ā rātou mahi e whai hua ana, me ngā āhuatanga hoki ka whakapai ake, inā ki te reo matatini. Me whakapai ngā kaiako i te kounga o te kōrero urupare ki ngā ākonga.

Ngā wāhanga i tāutuhia ai e te kura hei whakawhanake:

Kua tāutuhia e te kura, e tika ana kia whakapai ake i te kounga o te arotake whaiaro, me te āta hāngai i te titiro ki te whakapai i te aromatawai me te whakamahinga o ngā paetae ākonga hei āta kōkiri mārika i te ahunga whakamua, ngā whakatutukitanga, me te ngana hoki o ngā ākonga.

3 Te arotake whaiaro me te ārahitanga

He whāiti te māramatanga o ngā kaiwhakahaere matua ki te whai pānga nui o ngā paetae ākonga ki te arotake whaiaro. Ko te pakari, te whai kiko hoki o ngā hōtuku e pā ana ki ngā paetae ākonga, ka noho matua ki te whakamōhio i ngā whakataunga i whakaritea ai puta noa i te kura, tae atu hoki ki te kāwanatanga.

4 Te Whakatau a te Whānau ki ngā Wāhanga Tautukunga

I mua atu i te whakahaerenga o te arotake i whakatutukitia e te poari whakahaere me te tumuaki he Tauāki Kupu Tūturu a te Whānau mā te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

  • ngā whakahaere a te poari
  • te marautanga
  • ngā whakahaere mō te hauora, te haumaru me te oranga tinana
  • ngā whakahaere o ngā kaimahi
  • ngā whakahaere o te pūtea
  • ngā whakahaere o ngā rawa me ngā taonga.

I te wā o te arotake, i whakamātauhia e te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:

  • te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
  • te haumaru ā-tinana o ngā ākonga
  • te rēhitatanga o ngā kaiako
  • ngā tukanga ki te whakatū kaimahi
  • te whakaunu, te aukati, te pana me te whakarerenga
  • te tae ā-tinana atu a ngā ākonga ki te kura.

I tāutuhia e te Tari Arotake Mātauranga te wāhanga nei kāhore i tutuki e ai ki te ture:

I tāutuhia e te poari me te tumuaki ngā wā i whakaunu i ngā ākonga. Kāhore te poari i whai i ngā tukanga e tika ana ki te Ture Mātauranga 1989, me te pūrongo i aua mahi ki te Tāhuhu o te Mātauranga.

4.1 Me whakarite te poari i te whakatinanatanga o ngā tukanga me ngā mahi katoa e tika ana mō te whakaunu, te aukati, te whakarerenga, te pana rānei o tētahi ākonga, i runga i ngā whakaratonga tika i te Ture Mātauranga, me te Education Stand-down, Suspensions, Exclusions, and Expulsion Rules 1999, me te ārahitanga ka tukuna e te Tāhuhu o te Mātauranga.

[Wāhanga 13-18 Te Ture Mātauranga 1989]

5 Ngā Taunakitanga

E taunaki ana te Tari Arotake Mātauranga:

Kia arotake, kia whakapai hoki te tumuaki me ngā kaimahi i te whakamahinga o ngā paetae ākonga.

Hei ā hea te Tari Arotake Mātauranga arotake anō ai i te kura?

Tērā ka whakahaeretia e te Tari Arotake Mātauranga te arotake whai muri, i roto i ngā tau e toru.

Lynda Pura-Watson Kaiwhakahaere ā-Motu mō ngā Ratonga Arotake Māori (Te Uepū ā-Motu)

19 Pipiri 2014

1 Context

What are the important features of this school’s context?

Te Kura Kaupapa Māori o Puau Te Moananui-ā-Kiwa is in Glen Innes, Auckland. This is a Te Aho Matua Kura Kaupapa Māori.

This kura is developing as a special place for many students and parents. Some whānau and students connect personally to the kura and its community. The community is well engaged in the life of the kura. Whānau support the daily operations and help set the future direction of the kura. Significant roll growth is expected in the near future and building renovations are underway.

The kura has a strong working relationship with local Kōhanga reo. Effective relationships have been established with the local marae and Ngāti Whātua.

A new board of trustees is in place. The principal is long serving at the kura as are some of the senior staff members.

2 Te Tino Uaratanga

How well do students develop physical and spiritual wellbeing through the harmonious alignment of body, mind and spirit?

Students are well supported to develop physical and spiritual wellbeing through the harmonious alignment of body, mind and spirit?

Te Ira Tangata

Students are well supported to develop spiritual and physical wellbeing through their involvement in the daily life of the kura. Students demonstrate positive relationships with each other and with the wider kura community. Daily tikanga practices, recreation and sporting pursuits also support students to develop physical and spiritual wellbeing. Whānau relationships are embraced and celebrated in the kura. Whakapapa connections to tipuna and to hapū and iwi are investigated by students. Students learn about who they are and where they come from. Students are supported to interact with and learn from pakeke and kaumātua. Students participate in many sporting and recreational activities including swimming, waka ama, mau rākau and kapa haka. Students benefit from the daily breakfast club which is popular and well attended. Students receive milk in schools and fruit to ensure that they are ready for learning. In addition the principal has built sound and meaningful relationships with many external support agencies to provide suitable care and support for students. Students develop a strong sense of belonging to the kura and its community.

Te Reo

Students are well supported to read, write and converse in te reo Māori.

Children hear good models of te reo Māori. Staff speak te reo Māori consistently throughout the day. Whānau members are supported to attend te reo Māori training including Ātaarangi, Te Ara Reo and Kura Reo. There is a high expectation that whānau and students enrolling at the kura have a commitment to te reo Māori. Learning programmes have been developed for emergent learners of te reo Māori where appropriate.

Teachers demonstrate their commitment to improve and to refine their teaching practice. They have ongoing professional learning and development about the teaching and learning of literacy. Teachers share their knowledge and resources with each other. Videos of how to manage and use assessment tools are available for staff to access.

Area for development

The board is not well informed about the progress and achievement of students across the kura. While the kura has some information about student progress and achievement this has not been well analysed.

The analysis and interpretation of student achievement information in writing and reading is inadequate. Staff do not use the data to identify the students who require specific programmes to increase their rate of progress.

There is no current student achievement information about oral language progress and achievement.

Ngā Iwi

Students are well supported to develop an understanding of who they are and where they are from.

Kaumātua, pakeke and parents show leadership and commitment to the ongoing success of the kura. Students and whānau learn about their roles and responsibilities as members of the kura community. Relationships and interactions are respectful and supportive. Students are supported to learn about whānau, hapū and iwi connections through excursions, kapa haka and history lessons. There are opportunities for students to compare and contrast their experiences and knowledge of different iwi.

Whānau are committed to seamless education for their children. Currently the kōhanga reo and kura provide a te reo Māori immersion education pathway for children from 0-18 years old. The board and wider community are now exploring ways to extend the kura to tertiary levels.

  • Students relate well to each other
  • Students learn about their role as tangata whenua and as manuhiri
  • Students have a strong sense of self and community.

Te Ao

Students are well supported to explore and investigate the past, present and future.

Teachers use the kura curriculum to design and implement programmes that assist students to research, explore and investigate the world. A range of professional learning and development opportunities are provided for teachers to build curriculum knowledge. An integrated approach to learning is used by teachers to ensure breadth and depth of learning. Learning objectives link well with Te Aho Matua outcomes for students. Students use the natural environment as a context for learning such as fishing and growing food. They use ICT to enhance their learning. Students are developing as independent learners.

  • Students are supported to use ICT and to explore and investigate the wider world
  • Students are developing skills to work independently
  • Students are supported to have an experiential approach to learning
  • Students use maths, science and technology to investigate the world and beyond.

Āhuatanga Ako

Students are engaged in learning.

Classrooms are well resourced, organised and inviting. Teachers provide stimulating learning environments where resources support the curriculum. Teachers support students to use ICT appropriately. Self directed and independent learning is encouraged by teachers. Teachers provide differentiated learning programmes for pangarau and literacy. Parents support by attending regularly and helping during the day.

  • Students are focussed and on task
  • Students are enthusiastic about learning.

Areas for improvement

Students are not well informed about what they are doing well and what they can do better particularly in literacy. Teachers need to improve the quality of feedback to students.

Kura-identified areas of development

The kura have identified the need to improve the quality of self review with a particular emphasis on improving assessment and the use of student achievement information to accelerate student progress, achievement and engagement.

3 Self Review and leadership

Senior leaders have a limited understanding of the extent to which student achievement information contributes to self review. Sound and detailed analysis of student achievement data is vital to inform decision making throughout the kura, including governance. Board assurance on legal requirements

4 Whānau assurance on legal requirements

Before the review, the board of trustees and principal completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

  • board administration
  • curriculum
  • management of health, safety and welfare
  • personnel management
  • financial management
  • asset management.

During the review, ERO checked the following items because they have a potentially high impact on student achievement:

  • emotional safety of students (including prevention of bullying and sexual harassment)
  • physical safety of students
  • teacher registration
  • processes for appointing staff
  • stand-downs, suspensions, expulsions and exclusions
  • attendance.

ERO identified the following area of non-compliance:

The board and principal identified occasions when students had been stood down. The board has not followed appropriate procedures in the Education Act 1989 for reporting this to the Ministry of Education.

4.1  The board of trustees must ensure that all procedures and practices relating to the stand-down/suspension/exclusion and/or expulsion of any student are implemented in accordance with the relevant provisions of the Education Act, and the Education Stand-down, Suspensions, Exclusions, and Expulsion Rules 1999 and guidance issued by the Ministry of Education.[Sections 13-18 Education Act 1989]

5 Recommendations

ERO recommends that:

The principal and staff review and improve the use of student achievement information.

When is ERO likely to review the kura again?

ERO is likely to carry out the next review in three years.

Lynda Pura-Watson

National Manager Review Services Māori (Te Uepū-ā-Motu) (Acting)

19 June 2014

About the Kura

Location

Auckland

Ministry of Education profile number

4228

Kura type

Kura Kaupapa Māori

Kura roll

133

Gender composition

Girls 57

Boys 76

Ethnic composition

Māori 133

100%

Special Features

Te Aho Matua Wharekura

Review team on site

March 2014

Date of this report

19 June 2014

Most recent ERO reports

Te Aho Matua Review

Supplementary Te Aho Matua Review

Supplementary Te Aho Matua Review

April 2010

October 2006

March 2005