Te KKM o Puau Te Moananui-a-Kiwa - 22/06/2017

Ngā Whakaaturanga

E tū ana Te Kura Kaupapa Māori o Pūau Te Moananui-ā-Kiwa ki Ukutoia, i Tāmaki-makau-rau. E tū pakari ana, e tū rangatira ana ngā ākonga hei raukura mō ō rātou whānau. E whai wāhi atu ana ngā ākonga ki te whānuitanga o ngā tūmomo wheako i te hapori me te takiwā whānui o te tāone nui, ā, e whakamana ana ēnei i tō rātou tuakiri hei Māori.

Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Pūau Te Moananui-a-Kiwa i roto i ngā tau e toru, arā, ko Te Rākeitanga. 

1 Te Horopaki

E tū ana Te Kura Kaupapa Māori o Pūau Te Moananui-ā-Kiwa i Ukutoia, ki Tāmaki-makau-rau. I whakahou anōtia ngā whare i te tau 2014 kia moroki te taiao ako. Kua hūnukutia te kōhanga reo ki te kura. Kua whakaritea e te whānau ngā hononga ki ngā marae o tēnei takiwā, ki a Ngāti Whātua, ā, ki te hapori whānui hoki.

Whai muri i te arotake o mua i tū ai i te tau 2014 kua kopoua tētahi poari hou. Nō te tau 2016 te tumuaki i whakatūngia ai, ā, koia nei tōna tūranga tuatahi hei tumuaki. Nō te tau 2017 ngā kaiako o te wharekura i kopoua ai, ā, e ako ana rātou i ō rātou ake tūranga, ā rātou ake kawenga mahi anō hoki ki te whakapuaki i te mātauranga mō ngā ākonga o ngā tau 9 ki te 13.

2 Te Tino Uaratanga

He pēhea rawa te tū pakari, te tū rangatira o ngā ākonga hei raukura mō ō rātou whānau?

E tū pakari ana, e tū rangatira ana ngā ākonga hei raukura mō ō rātou whānau.

Te Ira Tangata

E whanake ana te māramatanga o ngā ākonga ki tō rātou tū hei tuakana, hei teina. E pou here ana te whanaungatanga i ngā whakaritenga katoa, puta noa i te kura. He pai te taunekeneke a ngā ākonga ki te whānau, ngā hapū, ngā iwi, ngā rōpū hapori, me ngā manuhiri nō tāwāhi. Ka whakapuakihia ngā uaratanga me ngā tūmanako o te kura mō ngā ākonga hou. Ka kitea te manaaki me te whakaaro nui o ngā ākonga mō ētahi atu.

Te Reo

Ka whai wāhi atu ngā ākonga ki te reo Māori mā te whānuitanga o ngā tūmomo horopaki ako. Ka whakamahi ngā kaiako i ngā rautaki hopu reo ka whakapakari ake i ngā pūkenga whakawhiti kōrero o ngā ākonga. Ka rongo ngā ākonga i ngā tauira reo papai i te ōkawa me te ōpaki o ngā tūmomo horopaki. Ka whakaemi, ka whakamahi hoki ngā kaiako i ngā hōtuku aromatawai ki te whakarōpū i ngā ākonga i runga anō i ō rātou āheinga me ngā matea ako o ia ākonga. Kua whakamaheretia e ngā kaiako tētahi hōtaka whakawhanaketanga ngaio, hei kōkiri i te ako a ngā ākonga i te reo matatini.

Ahakoa te aronga ā-kura ki te hāpai i te whakawhanaketanga reo o te whānau, me whakatinana i tētahi rautaki ka aroturuki i ngā matea whakawhanaketanga reo o ngā ākonga. Ka whakamahi ngā ākonga i te reo Māori ki ngā horopaki ōkawa.

Ngā Iwi

E ako ana ngā ākonga i tō rātou tū hei tangata whenua. He aronga ā-kura ki te whakatairanga i te mōhiotanga o ngā ākonga ki ō rātou tuakiri. Ahakoa e whakawhanake tonuhia ana te marau ā-kura, e noho pūmau ana te whānau ki te hītori me ngā kōrero tuku iho e pā ana ki a Pūau. Ka whakamahia aua mōhiotanga ki te whakawhanake i ngā hōtaka akoranga e arotahi ana ki a Pūau, nāna i whai wāhi nui ki te hapori, te marae, me ngā hononga hoki ki ngā hapū me ngā iwi. Ka akiaki ngā kaiako i ngā ākonga me ngā mātua ki te tito i ngā whakataukī me ngā waiata e whakamana ana i a Pūau me tōna tūnga ki te kura. Ka whakarato ngā kaiako i ngā whai wāhitanga mō ngā ākonga ki te taunekeneke ki ngā whānau i ngā tūmomo kaupapa marae i te hapori me te takiwā whānui. Ka whakarato ngā kaiako i ngā whai wāhitanga mō ngā ākonga nō iwi kē ki te whakarite i ngā haerenga o te whānau ki ō rātou marae, puta noa i ngā rohe. E ako ana ngā ākonga i ō rātou tūranga ki tētahi horopaki rumaki reo Māori i te tāone.

Te Ao

Kei te mārama ngā ākonga i ngā hononga ki waenga i te wā o mua me nāianei. Ka whakatairangatia te rōnakitanga me te noho whakarawe, puta noa i te kura. Ka whakamahere ngā kaiako i ngā wheako akoranga e whakamahi ana i ngā mātauranga Māori tuku iho ki te horopaki tonu o te tāone. Kua āta whakaritea ngā pouaka māra, hei whakatupu kai mā te whānau. Ka whakarato ngā kaiako i ngā kaupapa tuku iho pērā i te mau rākau, te poi, te tītī tōrea, me te haka hei whakatairanga ake i ngā pūkenga me ngā mōhiotanga o ngā ākonga ki ngā mahi a te rēhia. Ka tiaki ngā ākonga i ngā arawai o te hapori, ā, e whakawhanake ana rātou i tō rātou noho haepapa ki te taiao. Nā te hononga ki tētahi rōpū nō tāwāhi ka puta ake ngā whai wāhitanga mō ngā ākonga ki te whakapuaki i ngā taonga Māori tuku iho ki a rātou. Ko te tino whakangao ki te hangarau whakawhiti mōhiohio e whakarato ana i ngā whai wāhitanga mō ngā ākonga ki te whakawhānui ake i tō rātou tirohanga ki te ao. Ka whakamahi ngā ākonga i ngā mātauranga tuku iho hei ārahi i ā rātou hīkoi o nāianei.

Āhuatanga Ako

E whakawhanake ana ngā ākonga i ngā pūkenga ki te kōkiri i tā rātou ake ako. Ka mahi ngā kaiako ki tētahi taiao akoranga e whakatairanga ana i te mahi ngātahi me te ako ngātahi. Nā te āhua o ngā wāhi ako, ka kawe ngātahi ngā kaiako i ngā mahi ki te whakamahere me te whakapuaki i te hōtaka o ia rā. Ka whakarōpū ngā kaiako i ngā ākonga, i runga anō i ō rātou āheinga me ō rātou matea i roto i ngā wāhi ako. E whakawātea ana ngā wāhi ako i ngā kaiako ki te whakamahi i ō rātou pūmanawa ake i roto i te marautanga. Kua whakawhanakehia ngā hōtaka whanonga hei hāpai i ngā ākonga ki te whakarite i ngā whakataunga papai i roto i ā rātou akoranga. Kua whakatinanahia tētahi pūnaha whakahoahoa e hāpai ana i te whakahaeretanga o ngā matea o ia ākonga, o ia rōpū ākonga hoki. Kua whakaritea ngā taumahi hei āta whakamahi i ngā taiao ako o roto, o waho hoki. E hāpai ana ngā hōtuku aromatawai i ngā mahi a ngā kaiako ki te tāutu i ngā tino matea ako. Ka whakamahia aua mōhiohio hei whakatinana haere i ngā mahere hōtaka e pā ana ki te reo matatini me te pāngarau.

Te Mātauranga i te Wharekura

E whakarato ana ngā kaiako i te whānuitanga o ngā tūmomo whiringa marau ki ngā ākonga o ngā tau 9 ki te 13. Kua waihangatia te hōtaka kia tutuki i ngā ākonga Te Taumata Mātauranga ā-Motu kua Taea, ā, kia whai atu hoki rātou i ngā ara umanga. Ka kitea ki ngā putanga o Te Taumata Mātauranga ā-Motu kua Taea, te whakatutuki haere o ngā ākonga i ngā taumata katoa. Ka whakapuakihia te hōtaka o te wharekura mā te reo Pākehā.

Ngā wāhanga i tāutuhia ai e te kura hei whakawhanake ake

Kei te whakawhanake tonuhia te whakamahinga a ngā ākonga i te reo Māori. Ahakoa e whakamahi ana ngā ākonga i te reo Māori ki ngā horopaki ōkawa, i te nuinga o te wā ko te reo Pākehā te reo ōpaki. He mea nui kia whakawhanakehia e te whānau tētahi rautaki reo ka whakapakari ake i te reo whakawhitiwhiti kōrero o ngā ākonga ki te whānuitanga o ngā tūmomo horopaki. He pai kē atu ki ngā ākonga te whakawhiti kōrero mā te reo Pākehā.

Kāhore ngā paetae ako a ngā ākonga e aroturukitia ana i ia te wā. Ahakoa he kawenga ā ngā kaiako ki te whakaemi me te tātari i ngā hōtuku i ia te wā, kāhore tēnei e whakatutukihia ana ki ngā wāhanga katoa o te kura. He mea nui kia toro atu ngā kaiako ki te āwhina ka whakapai ake i tā rātou whakamahinga o ngā hōtuku paetae.

3 Te Arotake Whaiaro me te Ārahitanga

E whakawhanake ana te tumuaki i tētahi rōpū ārahi matua ka hautū ngātahi i te marautanga, puta noa i te kura. E arotahi ana ia ki te whakamahi i ngā pūkenga, ngā mōhiotanga, me ngā pūmanawa o te rōpū ārahi, hei whakapai i ngā putanga ako o ngā ākonga. Tū ai ngā hui i ia te wā ki te tāutu i ngā rautaki ka whakapai ake i ngā putanga.

E whakawhanake ana te poari i tōna māramatanga ki ngā tūranga me ngā kawenga e pā ana ki te kāwana i te kura. Whakaaro huritao ai rātou i ia te wā ki te kounga o te mātauranga e whakaratohia ana, hei tāutu i ngā āhuatanga ki te whakapai ake. Ko ngā pūnaha me ngā tukanga ā-kura te aronga, hei ārahi i ngā whakaritenga e pā ana ki te kāwanatanga me te whakahaeretanga. Kua whakatutukihia e te poari tētahi arotake matawhānui o ngā whakahaeretanga, puta noa i te kura, hei wāhanga tonu o te arotake whaiaro. Kua tāutuhia e rātou ngā kaupapa matua ka hāpai ake i ngā whakawhanaketanga ā-kura. E hāngai ana ngā whakataunga ki te ako me ngā whakatutukitanga o ngā ākonga. E whakawhanake ana te poari i ngā rautaki ka whakatairanga i te whai wāhi mai o te whānau ki te kura.

4 Te Whakatau a te Whānau ki ngā Wāhanga Tautukunga

I mua atu i te whakahaerenga o te arotake i whakatutukihia e te poari me te tumuaki he Tauāki Kupu Tūturu a te Whānau mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

  • ngā whakahaere a te poari
  • te marautanga
  • ngā whakahaere mō te hauora, te haumaru, me te oranga tinana
  • ngā whakahaere o ngā kaimahi
  • ngā whakahaere o te pūtea
  • ngā whakahaere o ngā rawa me ngā taonga.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:

  • te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
  • te haumaru ā-tinana o ngā ākonga
  • te rēhitatanga o ngā kaiako
  • ngā tukanga ki te whakatū kaimahi
  • te whakaunu, te aukati, te pana me te whakarerenga
  • te tae ā-tinana atu a ngā ākonga ki te kura.

5 Ngā Taunakitanga

E taunakihia ana, kia tahuri te whānau, te poari, me ngā kaiako ki te:

  • whakawhanake ngātahi i tētahi rautaki reo ā-kura ka whakapai ake i te kounga o te reo Māori
  • whakamahi i ngā mōhiohio aromatawai i tātarihia ai, hei pūrongo ki te poari i ia te wā, i te ahu whakamua a ngā ākonga me ō rātou whakatutukitanga.

Te Whakarāpopototanga

E tū ana Te Kura Kaupapa Māori o Pūau Te Moananui-ā-Kiwa ki Ukutoia, i Tāmaki-makau-rau. E tū pakari ana, e tū rangatira ana ngā ākonga hei raukura mō ō rātou whānau. E whai wāhi atu ana ngā ākonga ki te whānuitanga o ngā tūmomo wheako i te hapori me te takiwā whānui o te tāone nui, ā, e whakamana ana ēnei i tō rātou tuakiri hei Māori.

Hei ā hea Te Tari Arotake Mātauranga arotake anō ai i te kura?

Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Pūau Te Moananui-a-Kiwa i roto i ngā tau e toru, arā, ko Te Rākeitanga.

Lynda Pura-Watson

Kaiurungi Whakaturuki Arotake Māori

22 Pipiri, 2017

Ngā Kōrero e pā ana ki te kura 

Te tūwāhi

Kei Ukutoia, i Tāmaki-makau-rau

Te tau a te Tāhuhu o te Mātauranga

4228

Te tūmomo kura

Kura Te Aho Matua

Te tokomaha o ngā ākonga o te kura

151

Te ira tangata

Kōtiro 76

Tama tāne 75

Ngā hononga ā-iwi

Māori

100%

Ngā āhuatanga motuhake

Te Aho Matua

Te wā i te kura te rōpū arotake

16 Haratua 2017

Te rā o tēnei pūrongo

22 Pipiri, 2017

Ngā pūrongo o mua a Te Tari Arotake Mātauranga

Arotake Mātauranga

Pipiri 2014

The Purpose of an ERO Review

The purpose of ERO’s reviews is to give whānau and the wider kura community information about the quality of education that the kura provides and their children receive. ERO’s reports are intended to be clear, concise, constructive and evaluative. An ERO report answers an evaluative question about Te Tino Uarātanga. Under the overarching question ERO reports on the quality of Te Aho Matua education and learning outcomes for children. ERO also reports on self-review processes and practices.

Findings

Te Kura Kaupapa Māori o Pūau Te Moananui-ā-Kiwa is in Glen Innes, Auckland. Students exemplify the hopes and aspirations of their whānau. Students have a range of experiences in the local and wider community to affirm their identity as Māori in an urban setting.

The next ERO review of Te Kura Kaupapa Māori o Pūau Te Moananui-ā-Kiwa will be in three years – Te Rākeitanga – Expansive Evaluation. 

1 Context

Te Kura Kaupapa Māori o Puau Te Moananui-ā-Kiwa is in Glen Innes, Auckland. The buildings were redesigned in 2014 creating a modern learning environment. The kōhanga reo has been relocated onto the kura site. The whānau have established connections to the local marae, Ngāti Whātua and the wider community.

Since the previous review in 2014 a new board has been elected. The principal was appointed in 2016 and is a first time principal. Wharekura teachers were appointed in 2017 and are learning their respective roles and responsibilities in the delivery of education for year’s 9 – 13 students.

2 Te Tino Uaratanga

To what extent do students exemplify the hopes and aspirations of their whānau?

Students exemplify the hopes and aspirations of their whānau.

Te Ira Tangata

Students are developing an understanding of their roles as tuakana and teina. Whanaungatanga underpins school-wide practices. Students interact positively with whānau, hapū, iwi, community groups and overseas visitors. New students are introduced to the school values and expectations. Students show care and concern for others.

Te Reo

Students are exposed to te reo Māori in a variety of learning contexts. Kaiako use language acquisition strategies to strengthen students’ communication skills. Students are exposed to good language models in formal and informal settings. Kaiako gather and use assessment data to group students based on ability and individual learning needs. Kaiako have planned a professional development programme to accelerate student’s literacy learning.

Although there is a school-wide focus to support whānau language development, a strategy to monitor students’ language development needs to be implemented. Students use te reo Māori in formal situations.

Ngā Iwi

Students are learning about their role as tangata whenua. There is a school-wide emphasis to enhance student knowledge about their identity. Although the marau-ā-kura is in a developmental phase, the whānau are committed to the history and stories about Pūau. This knowledge is used to develop learning programmes that focus on Pūau who contributed to the local community, marae and connections to the hapū and iwi. Kaiako encourage students and parents to compose whakataukī and waiata to acknowledge Pūau and her place in the kura. Kaiako provide students with opportunities to interact with whānau in different marae settings in the local and wider communities. Kaiako provide opportunities for students from other iwi to plan trips for the whānau to visit their marae in other rohe. Students are learning about their roles in an urban immersion setting.

Te Ao

Students understand the connections between the past and present. Sustainability and self-sufficiency are promoted throughout the school. Kaiako plan learning experiences that use traditional Māori knowledge in an urban setting. Garden boxes are well established for growing kai for whānau. Kaiako provide traditional activities such as mau rākau, poi, tititōrea and haka to enhance students’ skills and knowledge in traditional Māori performing arts. Students care for local waterways and they are developing a sense of responsibility for the physical environment. A relationship with an overseas group provides opportunities for students to share Māori traditions with them. A significant investment into information and communication technology (ICT) provides students with opportunities to broaden their world view. Students use traditional knowledge to guide them in the present.

Āhuatanga Ako

Students are developing skills to be independent learners. Kaiako work in a learning environment that promotes working and learning collaboratively. Learning spaces allow kaiako to share responsibility for planning and delivery of the daily programme. Kaiako group students based on abilities and needs within the learning spaces. The learning spaces provide kaiako with flexibility to use their individual currciulum strengths. Behaviour programmes have been developed to support students to make positive choices in their learning. A buddy system has been implemented to manage individual and group needs. Activities are organised to incorporate indoor and outdoor learning environments. Assessment data supports kaiako to identify specific learning needs. This is used to inform programme planning for literacy and numeracy.

Wharekura Education

Kaiako provide students with a range of curriculum options for years 9 to 13. The programme has been designed for students to achieve National Certificates in Education Achievement (NCEA) and pursue vocational pathways. NCEA results show students are achieving in all levels. The wharekura programme is delivered in English.

Kura-identified areas of development

Students’ use of te reo Māori is developing. Although students use te reo Māori in formal settings, English is predominantly used informally. It is important for whānau to develop a language strategy to strengthen students’ language of communication in a range of settings. Students prefer to communicate in English.

Students learning achievement is not consistently monitored. Although kaiako have responsibilities to regularly gather and analyse data, this is not consistently followed school-wide. It is important that kaiako seek assistance to improve their use of achievement data.

3 Self-Review and leadership

The Tumuaki is developing a senior leadership team to collaboratively lead curriculum school-wide. She is focussed on using the leadership teams’ skills, knowledge and experience to improve students learning outcomes. Regular meetings are held to identify strategies to improve outcomes.

The Board is developing its’ understanding about governance roles and responsibilities. They regularly reflect on the quality of education provided to identify improvement. School-wide systems and processes are a focus to guide governance and management practices. The board has undertaken a comprehensive review of school-wide operations as part of self-review. They have identified priorities to support school-wide developments. Decision making is based on students learning and achievement. The board are developing strategies to promote whānau engagement in the school.

4 Whānau assurance on legal requirements

Before the review, the board of trustees and principal completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

  • board administration
  • curriculum
  • management of health, safety and welfare
  • personnel management
  • financial management
  • asset management.

During the review, ERO checked the following items because they have a potentially high impact on student achievement:

  • emotional safety of students (including prevention of bullying and sexual harassment)
  • physical safety of students
  • teacher registration
  • processes for appointing staff
  • stand-downs, suspensions, expulsions and exclusions
  • attendance.

5 Recommendations

The whānau, board and kaiako collaboratively develop:

  • a school-wide language strategy to improve the quality of te reo Māori
  • use analysed assessment information to regularly report student progress and achievement to the board of trustees.

Conclusion

Te Kura Kaupapa Māori o Pūau Te Moananui-ā-Kiwa is in Glen Innes, Auckland. Students exemplify the hopes and aspirations of their whānau. Students have a range of experiences in the local and wider community to affirm their identity as Māori in an urban setting.

When is ERO likely to review the kura again?

The next ERO review of Te Kura Kaupapa Māori o Pūau Te Moananui-ā-Kiwa will be in three years – Te Rākeitanga – Expansive Evaluation.

Lynda Pura-Watson

Deputy Chief Review Officer Māori

22 June 2017 

Information about the Kura 

Location

Glenn Innes, Auckland

Ministry of Education profile number

4228

Kura type

Kura Te Aho Matua

Kura roll

151

Gender composition

Girls 76

Boys 75

Ethnic composition

Māori

100%

Special features

Te Aho Matua

Review team on site

16 May 2017

Date of this report

22 June 2017

Most recent ERO report(s)

Education Review

June 2014