Te Kōhanga Reo ki Whakarewarewa

1 Te Horopaki

Kei Rotorua Te Kōhanga Reo ki Whakarewarewa e tū ana. He tino tātai whakapapa ō ngā tamariki ki ngā hapū maha o Te Arawa. Ka whai wāhi nui te kuia ki te kōhanga reo. Ko tōna matatau ki te reo Māori me ngā mātauranga o te hapori nei, e whai pānga matua ana ki te whakawhanaketanga o te māramatanga me te mōhiotanga o ngā tamariki ki a rātou anō, hei uri o Te Arawa.

2 Ngā Whakaaturanga o te Aromātai

He pēhea rawa te tūhonohono o ngā tamariki ki a rātou anō me te ao e noho nei rātou?

Ka tūhonohono ngā tamariki ki a rātou anō me te ao e noho nei rātou, mā ngā taunekeneke papai, ngā hononga e whai pūtake ana, me ō rātou tātai whakapapa.

Ngā Taumata Whakahirahira

E tino whakatairangatia ana te ako a ngā tamariki i te reo Māori. Ka whakarato ngā kaimahi i te whānuitanga o ngā tūmomo wheako e whakapakari ake ana, e whakawhānui ake ana hoki i tō rātou mōhio ki te reo Māori, me tā rātou whakamahi i te reo. E hāpaitia ana te taki a ngā tamariki i ngā karakia me ō rātou pepeha, me tā rātou waiata i ngā hīmene. Ko ngā haka, ngā mōteatea, ngā waiata, te pānui pukapuka, me te reo e whai pānga ana ki ngā kaupapa ako, e whakamahi katoatia ana e ngā kaimahi hei whakawhānui ake i ngā kupu kōrero a ngā tamariki. Ka taea e ngā tamariki tuākana ngā pātai a ngā kaiako te whakautu mā ngā kōrero poto. Ka āta whakarite ngā kaimahi i te whai wāhi atu a ngā pēpi ki te wāhanga ōkawa o te hōtaka akoranga. Ka kitea te māramatanga o ngā pēpi ki tēnā e kōkirihia ana mā ō rātou reo ā-tinana, ā-kanohi hoki. E whanake ana ngā tamariki ki te kōrero i te reo Māori.

Ka whai wāhi atu ngā tamariki ki ngā akoranga e whakanui ana i ō rātou tuakiri hei aronga matua. Ka whakarato ngā kaimahi i ngā whai wāhitanga mō ngā tamariki ki te tae atu ki ngā whakatau. Ka kite ngā tamariki i ngā tikanga me ngā kawa e whai wāhi ana ki te whakatau manuhiri. Ka kitea anō hoki tō rātou māramatanga ki te whanonga e tika ana i aua wā. Whakapuaki ai te kuia ki ngā tamariki i ia te wā i ngā kōrero tuku iho e pā ana ki te hītori o Tūhourangi Ngāti Wāhiao. Ko ngā mahere a ngā kaimahi e āta whakarite ana i te taetae atu a ngā tamariki ki te maha o ngā wāhi whakahirahira e whai pānga nui ana ki Te Arawa. Ko ngā ngāwhā, ngā roto, ngā ngahere o te takiwā, me ngā wāhi whakahirahira pērā i a Maketū, ētahi o ngā wāhi ka kitea e ngā tamariki. E ako ana ngā tamariki i a rātou anō, i ō rātou tūrangawaewae hoki.

He tino hononga ō ngā tamariki ki ētahi atu, ā, kua ahu mai i te whanaungatanga. He manaaki, he awhi hoki tō ngā taunekeneke a ngā kaimahi ki ngā tamariki. He tika ngā taunekeneke a ngā tamariki tuākana ki ngā pēpi. Ka whai whakaaro nui rātou ki tō rātou tū hei tuākana. Ka whakarato ngā kaimahi i ngā whai wāhitanga mō ngā tuākana ki te ārahi. Whakanuia ai e ngā kaimahi ngā whakatutukitanga a ngā tamariki i ia te wā. E whai pūtake ana, e whai kiko ana hoki ngā taunekeneke katoa. Kua tāutuhia e te whānau, ka kawe mai rātou i ā rātou tamariki ki tēnei kōhanga reo, nā tō rātou whakapono ki te āheinga o ngā kaimahi ki te whakarato i tētahi tino wāhi ako mō ā rātou tamariki. He mauritau, he harikoa hoki te āhua o ngā tamariki.

E hāpai ana te kuia i ngā tamariki ki te ako i te mana o ngā atua. Ka ako ngā tamariki i te whai hononga o ngā atua ki a rātou, ā, e mōhio ana rātou ki ngā pūmanawa o ia atua, me ōna tūhonohono. Kei te mārama rātou, he kaitiaki, he uri hoki ō ngā atua. Haere ai ngā tamariki ki Te Puia i Rotorua i ia te wā, ā, e whakaatuhia ana i konei te whakairo, te raranga, me ētahi atu mahi toi. E whai hua ana ngā tamariki i tō rātou tūhonohono i ngā hononga, ngā whakapapa, me te whanaungatanga i tō rātou ao.

He mātātoa te tūhura o ngā tamariki i tō rātou taiao. Ko ngā mahere a ngā kaimahi e āta whakarite ana i te whai wāhi nui o ngā tamariki ki te ako, mā te whakarato i te whānuitanga o ngā tūmomo wheako ako. He tau te whai wāhi atu a ngā tamariki ki ngā horopaki ako ōkawa. He whai wāhitanga anō hoki mō rātou ki te kōkiri i te ako e whai pānga nui ana ki a rātou. He pakari tā rātou nekeneke haere puta noa i te whānuitanga tonu o tō rātou kōhanga reo. Ko ngā akoranga e pā ana ki te ao tūroa, ka tuituia hoki e ngā kaimahi ki roto i te marautanga. He kōrero mō ia rākau me ia manu e noho ana ki te takiwā nei, ā, e wātea ana aua kōrero ki ngā tamariki. Ka ako ngā tamariki i ngā atua Māori me tō rātou whai pānga matua ki te taiao. He ākonga pukumahi ngā tamariki.

Te Whakamahere me te Aromātai

Kua whakaritea ngā mahi ki te whakamahere me te aromātai i te hōtaka, me te aromatawai hoki. Ka āta tāutu ngā mahere i tēnā ka ākona e ngā tamariki, me ngā huarahi ka whāia ki te whakapuaki i aua mātauranga. Ka whai wāhi nui ngā mātauranga o te takiwā nei ki ngā mahere. He pai te whakahaere me te whakarite i te ako a ngā tamariki. Kua whakatakotohia anō hoki te aromātai hōtaka. Aromātai ai te kaiako i te hōtaka akoranga i ia wiki. Ka arotahi āna aromātai ki tēnā i whai hua ai, ki tēnā anō hoki kīhai i whai hua ai, ki ngā take anō hoki i pērā ai, ā, ki te huarahi anō hoki ka whai ake. Ka whai hua ngā tamariki i te wā e whakatutuki ana ngā mahere me ngā mahi aromātai i ō rātou matea ako. He pūkete tā ia tamaiti e whakamahia ana e ngā kaimahi hei huarahi aromatawai matua. Kei ngā pūkete a ia tamaiti ngā whakaahua o ā rātou mahi. Ko ngā kitenga a ngā kaiako e whakatakoto mōhiohio ana mō ngā aromatawai. E whakamōhiotia ana te whānau ki tēnā e ākona ana e ngā tamariki, ki ngā mahi ki te whakapai ake i te hōtaka, me te ahu whakamua a ngā tamariki.

E whakahaere ana te whānau i tō rātou kōhanga reo hei painga mō ā rātou tamariki. Kua āta tuhia ngā mahi whakahaere, ā, e whai hua ana, kei te kounga kairangi hoki. Ka whakapūmau te whānau me ngā kaimahi i ngā kaupapa e whakatutuki ana i ō rātou matea me ō rātou tūmanako. He huringa taiāwhio ki te arotake i ngā kaupapa here, ā, he pai anō hoki te aroturuki i ngā kaupapa here me ngā tukanga. He haepapa te whānau o te kōhanga reo hei kaituku mahi. Kua āta whakaritea te katoa o ngā tuhinga tūranga mahi, ā, e hāngai ana hoki ēnei ki te wā. Kua oti ngā mahi ki te arohaehae i ngā kaimahi. He aronga tonutanga ki te whakarato i te ako ngaio me te whakawhanaketanga ngaio. E whai hua ana te arotake whaiaro. Ka arotakengia ngā wāhanga katoa o te kōhanga reo. Whiwhi ai te whānau i ngā pūrongo i ia te wā ki ā rātou hui. Ka tuhia anō hoki ngā whakatutukitanga me ngā hua ka puta i ngā mahi rautaki. Kua whakaritea ngā mahi ki te whakamahere rautaki, ā, kua whakatakotohia ngā whāinga me ngā kaupapa matua hei āta whakarite i te whakatutukitanga o ngā putanga hei te pae tawhiti. Ka aroturuki tētahi mahere mahi i te whakatutukitanga o ngā whāinga. Ka whai hua ngā tamariki i te wā e whakaarohia ana ō rātou matea mō meāke nei.

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo ki Whakarewarewa i roto i te toru o ngā tau.

Lynda Pura-Watson

Kaiurungi Whakaturuki Arotake Māori

31 Hōngongoi, 2018

Ngā kōrero e pā ana ki te kōhanga reo

1 Context

Te Kōhanga Reo ki Whakarewarewa is in Rotorua. Children have strong whakapapa links to the many hapū of Te Arawa. The kuia plays a key role in the kōhanga reo. Her fluency in te reo Māori as well as her wealth of local knowledge is critical to the development of children’s understanding and knowledge of themselves as descendants of Te Arawa.

2 The Evaluation Findings

How well do children connect with each other and their world around them?

Children connect with each other and their world around them through positive interactions, meaningful relationships and whakapapa.

Ngā Taumata Whakahirahira

Children are well resourced to learn te reo Māori. Kaimahi provide children with a range of experiences to build on and extend their knowledge and use of te reo Māori. Children are supported to recite karakia, their pepeha and hīmene. Kaimahi also use haka, mōteatea, waiata, pānui pukapuka and language appropriate to kaupapa ako to build children’s vocabulary. Older children are able to respond to questions from kaiako using short verbal replies. Kaimahi ensure babies can participate in the formal part of the learning programme. Babies show their understanding of what is happening through their body language and facial expressions. Children are developing as speakers of te reo Māori.

Children participate in learning where their identity is a priority. Kaimahi provide opportunities for children to attend whakatau. Children observe tikanga and kawa related to welcoming manuhiri. They also demonstrate an understanding of appropriate behaviour during these times. The kuia constantly tells children stories related to the history of Tūhourangi Ngāti Wāhiao. Kaimahi planning ensures that children visit a number of significant sites that are relevant to Te Arawa. The ngāwhā, lakes, local forests, and significant places like Maketū are some of the places visited by children. Children are learning about who they are and where they are from.

Children have established relationships based on whanaungatanga. Kaimahi interactions with children are based on manaaki and awhi. The older children interact with the babies appropriately. They take their role as tuakana seriously. Kaimahi provide tuakana with leadership opportunities. Children’s successes are regularly affirmed by kaimahi. All interactions are meaningful and purposeful. The whānau identify that the reasons for bringing their children to this kōhanga reo is because they have faith in the kaimahi to provide the best possible place for their children to learn. Children appear to be secure and happy.

The kuia supports children to learn about the mana of atua. Children learn that atua are connected to them and know the attributes of each atua, especially relationships. They understand atua have kaitiaki and tamariki. Children visit Te Puia in Rotorua where the cultural practices of carving, weaving and other traditional Māori art forms are exhibited. Children benefit when they connect relationships, whakapapa and whanaungatanga in their world.

Children actively explore their environment. Kaimahi planning ensures children maximise their learning through providing a range of learning experiences. Children participate comfortably in formal learning situations. They also have opportunities to initiate learning that is important to them. Children move confidently in and around their kōhanga reo environment. Kaimahi incorporate learning about the natural environment into the curriculum. Every tree and bird that inhabits the area has a story which children have access to. Children learn about atua Māori and how they influence nature. Children are busy learners.

Planning and Evaluation

Programme planning, evaluation and assessment practice are in place. Planning clearly identifies what children will be learning and how this knowledge will be implemented. Local knowledge has a strong focus in planning. Children’s learning is well managed and organised. Programme evaluation is in place. The kaiako evaluates the learning programme weekly. Her evaluations focus on what went well, what did not go well and why, and where to next. Children benefit when planning and evaluation practice meets their learning needs. Kaimahi use individual profiles as the main method of assessment. Children’s profiles include photos of what they are doing. Kaiako observations provide information for assessments. The whānau is informed of what children are learning, programme improvements and children’s progress.

The whānau manage their kōhanga reo in the best interests of their children. Management practices are well documented, effective and of high quality. The whānau and kaimahi uphold kaupapa that meets their needs and expectations. There is a cycle of policy review, and policies and procedures are monitored well. The whānau of the kōhanga reo are responsible employers. All employee documentation is current and in place. Kaimahi appraisals are complete. There is an ongoing focus of providing professional learning and development. Self- review is effective. All areas of the kōhanga reo are reviewed. The whānau receive regular reports at their hui. Strategic achievements and successes are recorded. Strategic planning is in place and goals and priorities set to ensure long term outcomes are realised. An action plan monitors the achievement of goals. Children benefit when their future needs are considered.

3 Whānau Management Assurance on Compliance Areas

During the evaluation, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

When is ERO likely to evaluate the kōhanga reo again?

The next ERO evaluation of Te Kōhanga Reo ki Whakarewarewa will be in three years.

Lynda Pura-Watson

Deputy Chief Review Officer Māori

31 July 2018

Information about the Kōhanga Reo