Te Kōhanga Reo o Ākina Te Reo - 11/06/2014

1 Te Aromātai

Te Horopaki

Ko Tongariro te maunga,

Ko Taupō-nui-a-Tia te moana,

Ko Te Heuheu te tangata,

Ko Ngāti Tūwharetoa te iwi.

E tū ana Te Kōhanga Reo o Ākina Te Reo ki Tūrangi. I ahu mai te kōhanga reo i te hiahia o te whānau mō tētahi hōtaka i hangahanga ake ai mō ngā tamariki kei te toru ki te whā o ngā tau. I te tau 2014, i whakawhānui ake te rārangi ingoa hei whakauru hoki i ngā tamariki e rua tau kē te pakeke. Ko ngā tamariki kei raro i te rua o ngā tau, ka haere ki Te Kōhanga Reo o Māwake, ā, he rauhanga ki reira hei poipoi i taua reanga. Kua whakapakari ake ngā hononga ki waenga i ngā kōhanga reo e rua, nā tā rātou kawe ngātahi ki te atawhai i ā rātou tamariki. He harikoa ngā mātua, ā, ka whakamihi rātou i te hua o tēnei āhuatanga mō ā rātou tamariki.

Ngā Whakaaturanga o te Arotake

I whakaritea e te whānau te Mana Reo, ā, i whakawhanake rātou ko te Tari Arotake Mātauranga i tētahi pātai aromātai, hei whakahāngai i te arotake.

He pēhea te whai huatanga o ngā kaiako me te kaiwhakahaere ki te poipoi i te reo Māori, hei hāpai i te whakawhanaketanga reo o ngā tamariki?

Ka noho pūmau ngā kaiako me te kaiwhakahaere ki te poipoi i te reo Māori, hei hāpai i te whakawhanaketanga reo o ngā tamariki.

Ka tino manaakitia, ka tautokona hoki ngā tamariki i roto i te whakawhanaketanga o tō rātou reo Māori. Kei te hōtaka o te kōhanga reo te whānuitanga o ngā taumahi, ngā whakaaturanga, me ngā mahinga e akiaki ana, e whakahihiri ana hoki i te whakamahinga o te reo Māori. Ko te whai wāhi mai o te kuia e whai wāhi matua ana ki te tautoko e whakaratohia ana i roto i te hōtaka akoranga. Ka aroturuki ia i te reo Māori mā ngā taunekeneke me ngā whakawhitinga kōrero e whai pūtake ana ki te taha o ngā tamariki me tamariki whānau. Ka whakamanatia, ka whakakoia hoki ngā whakapuakitanga a ngā tamariki.

Ka rumakina ngā tamariki ki te reo Māori, puta noa i te rā. He mātau ngā kaimahi ki te kōrero i te reo Māori. Ka whakapuaki ngā tamariki i ō rātou pepeha, ngā mihimihi, me ngā waiata hoki ki te taha o ō rātou hoa, ki tētahi taiao akoranga haumaru, tautoko hoki.

He pai ngā whai wāhitanga ako reo e karapoti ana i ngā tamariki. Ka whakamahi ngā kaiako i te whānuitanga o ngā rautaki hei whakatairanga i te reo Māori mā ngā tūmomo horopaki. Nā te whakapuaki i te reo hou mā te reo e mōhio kētia ana, ka whakawhānui ake ngā kupu a ngā tamariki. Ka kitea te māramatanga o ngā tamariki ki ngā kīanga me ngā rerenga kōrero māmā o te reo Māori, ā, ka whakamātau rātou i ngā whakamahinga o te reo. He pārekareka ki ngā tamariki te ako.

Haereere ai ngā tamariki ki te marae o te wāhi nei, ā, ka whai wāhi atu hoki ki ngā tūmomo huihuinga i te hapori. Ka tino whakatauira ngā kaumātua i te reo ki ngā tamariki. Ko te rongo i te reo ki ngā tūmomo wheako akoranga, ki ngā taiao hoki, e whakarato ana i te whānuitanga o ngā tūmomo horopaki e whakaongaonga ana i te ako reo mā ngā huarahi e whai pūtake ana. E tīmata ana ngā tamariki ki te mārama haere ki tō rātou tū hei tangata whenua, me te whakahirahiratanga o te reo Māori hei reo whakawhitiwhiti kōrero.

Ka whai wāhi atu te whānau ki tā rātou ake huarahi ako reo. Ka whakanui, ka whakamana hoki rātou i te reo Māori, ā, ka ākina hoki kia whai wāhi rātou ki ngā hōtaka whakangungu ka whakaratohia e Te Poari Matua o Ngā Kōhanga Reo. Kei te mārama rātou, he mea nui kia whakapakari rātou i tō rātou āheinga reo Māori, hei hāpai i ā rātou tamariki i te kāinga.

Te Whakaritenga Whaimuri

Me whai whakaaro ngā kaiako ki ngā huarahi ka whakapakari ake i te māia me te tū o ngā tamariki ki te kaha ake i tā rātou whakamahinga i te reo Māori i ā rātou taunekeneke o ia rā, ki te taha o ō rātou hoa, ngā pākeke hoki.

Te Whakamahere me te Aromātai

He pēhea te whai huatanga o te whānau ki te whakahaere i te kōhanga reo?

Ka whakahaere te whānau i ngā whakaritenga o te kōhanga reo i ia rā. E ako ana rātou i ō rātou tūranga, ā rātou kawenga mahi hoki. He tirohanga tā rātou ki ngā whāinga o te wā roa me te wā poto, ā, ka arotahi ēnei ki te whakapai tonutanga puta noa i te kōhanga reo. I nāianei, he pai te tūnga o te whānau ki te whai i tētahi tukanga e pakari ake ana ki te tāutu i ngā āhuatanga hei whakapai ake, hei whakatinana, hei aroturuki hoki mā ngā huarahi nahanaha.

Whakaritenga Whaimuri

  • Ka whakarite i tētahi hōtaka arotake whaiaro auau, ā, me whai pānga ngā kaupapa here me te pūrongo i ngā wāhanga matua o te whakahaeretanga o te kōhanga reo
  • Ka noho matua, ka whakatinana anō hoki i te mahere rautaki hei hāpai i te whakahaeretanga o ngā whāinga me ngā wawata o te kōhanga reo mō te reo Māori
  • Ka whakawhanake i te kiko o te whakamahere hōtaka me te aromātai hei ārahi i te whakapuakitanga o ngā hōtaka akoranga
  • Ka whakarite i ngā mahi aromatawai e tika ana ki te whakaemi i ngā mōhiohio e pā ana ki te āhua o te ahunga whakamua o ngā tamariki i roto i te roanga o te wā
  • Ka rapu i te tautoko hei hāpai i te aromātai, te aroturuki hoki i te whai huatanga o te whakaako me te ako.

Ka whakarite i tētahi pūnaha mō te pūrongo ki ngā mātua mō te ahunga whakamua a ngā tamariki me tō rātou whakawhanaketanga.

2 Te Whakatau a te Whānau ki ngā Wāhanga Tautukunga

Te Tirohanga Whānui

I mua o te arotake, i whakakīia e te kaipupuri raihana, te whānau, me ngā kaimahi o te kōhanga reo tētahi Tauāki Kupu Tūturu a te Whānau o te Kōhanga me tētahi Rārangi Tātari Whaiaro. I roto i ēnei tuhinga i oati rātou, i whāia e rātou ngā huarahi whai take hei whakatutuki i ā rātou herenga ā-ture e pā ana ki:

  • ngā whakahaerenga ā te whānau
  • te hauora, te waiora me te whai oranga
  • ngā whakahaerenga kaimahi
  • ngā whakahaerenga pūtea me ngā whakahaerenga rawa.

I te wā o te arotake, i whakamātauhia e te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā hua ka puta ki ngā tamariki:

  • te haumaru whatumanawa (tāpiri atu ko te whakatau tamariki, ko te ārai i ngā mahi whakaweti, mahi tūkino)
  • te haumaru ā-tinana (tāpiri atu ko te whakatau tamariki; ko ngā whakaritenga whakamoe, tiaki tamariki; ko ngā aituā me te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
  • ngā tohu mātauranga me ngā whakaritenga kaimahi
  • ngā whakaritenga, tikanga hōneatanga e pā ana ki te ahi me te rū whenua.

Ngā Taunakitanga

  1. Kia toro atu ki te tautoko ka whakawhanake i te māramatanga ki ngā hua o te whakamahere, te aromatawai, te aromātai, me te whakahaeretanga o te kōhanga reo.

Hei Whakarāpopoto

E tū ana Te Kōhanga Reo o Ākina Te Reo ki Tūrangi. Ka noho pūmau ngā kaiako me te kaiwhakahaere ki te puritanga me te whakahaumanu o te reo Māori. E whakawhanake ana ngā tamariki hei ākonga o te reo Māori. Ka whakahaere te whānau i ngā whakahaeretanga o te kōhanga reo i ia rā. Mā te haere tonutanga o te tautoko o Te Poari Matua o Ngā Kōhanga Reo, ka hāpai i te whānau ki te whakapakari i ngā whakahaeretanga o te kōhanga reo, me te whakapakari anō hoki i te māia me te āheinga o te whānau i roto i te reo Māori.

Tērā ka whakahaeretia e te Tari Arotake Mātauranga te arotake whai muri o Te Kōhanga Reo o Ākina Te Reo i roto i ngā tau e rua.

Lynda Pura Watson

Acting National Manager Review Services Māori (Te Uepū-ā-Motu)

11 Pipiri 2014

1 Evaluation

Context

Ko Tongariro te maunga,

Ko Taupō-nui-a-Tia te moana,

Ko Te Heuheu te tangata,

Ko Ngāti Tūwharetoa te iwi.

Te Kōhanga Reo o Ākina Te Reo is located in Tūrangi. The kōhanga reo grew from whānau desire for a more structured programme for 3-4 year old children. In 2014, the roll was extended to include children from 2 years of age. Children under two attend Te Kōhanga Reo o Māwake as they have the facilities to cater for this age group. Relationships between both kōhanga reo have strengthened because they share responsibilities for the children in their care. Parents are happy and acknowledge the benefit this has for their children.

Review Findings

The whānau chose Mana Reo and developed an evaluative question with ERO to focus the review.

How well do kaiako and kaiwhakahāere nurture te reo Māori to support children’s language development?

Kaiako and kaiwhakahāere are committed to nurturing te reo Māori to support children’s language development.

Children are well cared for and supported in their te reo Māori development. The kōhanga reo programme includes a range of activities, visual displays and routines that encourage and motivate the use of te reo Māori. The presence of their kuia is integral to providing support in the learning programme. She monitors te reo Māori through meaningful interactions and conversations with children and whānau. Children’s contributions are valued and affirmed.

Children are immersed in te reo Māori throughout the day. Kaimahi are competent speakers of te reo Māori. Children practice their pepeha, mihimihi and waiata with their peers in a safe, supportive learning environment.

Children are surrounded by positive language learning opportunities. Kaiako use a range of strategies to promote te reo Māori in different settings. The introduction of new language alongside known language builds the vocabulary for children. Children demonstrate that they understand simple phrases and sentences in te reo Māori and are practicing language use. Children have fun learning.

Children visit the local marae and participate in community events. Kaumātua provide good language models for children. Exposure to different learning experiences and environments provide a range of social settings that stimulate language learning in meaningful ways. Children are beginning to understand their role as tangata whenua and the importance of te reo Māori as the language of communication.

Whānau are involved in their own language learning journey. They acknowledge and value te reo Māori and are encouraged to participate in training programmes provided by Te Kōhanga Reo National Trust. They understand the importance of building their te reo Māori capability to support their children at home.

Key Next Step

Kaiako should consider ways to build children’s confidence and independence to use te reo Māori more often in their daily interactions with each other and adults.

Planning and Evaluation

How well do whānau manage the kōhanga reo?

Whānau manage operations of the kōhanga on a day-to-day basis. They are learning about their roles and responsibilities. They have an overview of their long and short term goals that focus on ongoing improvement across the kōhanga reo. Whānau are in a good position to follow a more thorough process of identifying where improvements can be made, implemented and monitored in a strategic way.

Key Next Steps

  • Establish a regular programme of self review that includes policy and reporting on key areas of kōhanga reo operation.
  • Prioritise and implement strategic planning to assist the management of kōhanga reo goals and aspirations for te reo Māori.
  • Develop detailed programme planning and evaluation to guide the delivery of learning programmes.
  • Establish realistic assessment practices to gather information about how children are progressing over time.
  • Seek support to evaluate and monitor the effectiveness of teaching and learning.
  • Establish a system to report to parents about their children’s progress and development.

2 Whānau Management Assurance on Compliance Areas

Overview

Before the review, the licensee, whānau and staff of the kōhanga reo completed an ERO Kōhanga Whānau Assurance Statement and Self-Audit Checklist. In these documents they have attested that they had taken all reasonable steps to meet their legislative obligations related to:

  • administration
  • health, safety and welfare
  • personnel management
  • financial and property management.

During the review, ERO checked the following items because they have a potentially high impact on outcomes for children:

  • emotional safety (including behaviour management, prevention of bullying and abuse)
  • physical safety (including behaviour management, sleeping and supervision practices; accidents and medication; hygiene and routines; travel and excursion policies and procedures)
  • staff qualifications and organisation
  • evacuation procedures and practices for fire and earthquake.

Recommendations

  1. Seek support to develop understanding about the benefits of planning, assessment, evaluation and kōhanga reo operation.

Conclusion

Te Kōhanga Reo o Ākina Te Reo is located in Tūrangi.Kaiako and kaiwhakahaere are committed to the retention and revitalisation of te reo Māori.Children are developing as learners of te reo Māori. Whānau manage operation of the kōhanga reo on a day-by-day basis. On-going support from Te Kōhanga Reo National Trust should support whānau to strengthen kōhanga reo operations and build whānau confidence and ability in te reo Māori.

The next ERO review of Te Kōhanga Reo o Ākina Te Reo will be in two years.

Lynda Pura Watson

National Manager Review Services Māori (Te Uepū-ā-Motu)

11 June 2014

About the Kōhanga Reo

Location

Tūrangi

Ministry of Education profile number

43001

Type

Kōhanga Reo

Number licensed for

14 including 0 under 2 years old

Roll number

11 including 0 under 2 years old

Gender composition

Girls 2

Boys 9

Ethnic composition

Māori

100%

Review team on site

April 2014

Date of this report

11 June 2014

Most recent ERO reports

Education Review

May 2011