Te Kōhanga Reo o E Tū Puritia - 19/11/2018

1 He Whakamārama

He Kupu Whakataki

Ka whakahaeretia tētahi aromātai tāpiri i runga o te whakataunga ā te Toihau Arotake i Te Tari Arotake Mātauranga.

E aromātai ana Te Tari Arotake Mātauranga i te whānuitanga me te whai hua o ngā mahi ā te kōhanga reo ki te whakatutuki i ngā take i whakatakotohia ai i roto i te pūrongo aromātai mātauranga o mua atu i tēnei, me ētahi atu wāhanga rānei i tāutuhia ai whai muri o taua aromātai.

Ngā Whakataunga mō ngā Whakapuakitanga

Ko tēnei aromātai tāpiri i whakaritea i runga i te aromātai o te whakatutukitanga a te whānau i te whakahaeretanga o te kōhanga reo, ki ngā wāhanga i tāutuhia ai e te pūrongo a Te Tari Arotake Mātauranga, i mua atu, me ngā take rānei kua tāutuhia whai muri o taua aromātai. Ko ngā whakataunga mō ngā whakapuakitanga e pā ana ki tēnei aromātai, ko te titiro ki:

  • Ngā Taumata Whakahirahira – tae atu ki te whakapakari ake i te hōtaka akoranga kia whai wāhi nui mai ai ngā tamariki, me te whakapai ake i te kounga o ngā whakaritenga a ngā kaimahi
  • te whakamahere me te aromātai – tae atu ki te whakamahere hōtaka, te aromatawai, te aromātai, te arotake whaiaro, te whakamahere rautaki, me ngā mahi whakahaere a te whānau
  • ngā wāhanga kāhore e tutuki ana e ai ki te ture – tae atu ki ngā kaupapa here me ngā tukanga e pā ana ki ngā akoako hōneatanga ina he rū whenua rānei, he ahi rānei, ki te moe, ki ngā aituā me ngā maiki, ki ngā āhuatanga mōrearea, ki te ārai tamariki, ki te whakahaere i te whanonga, me
  • ētahi atu take i tāutuhia ai i te wā o te arotake.

2 Te Horopaki

E tū ana Te Kōhanga Reo o E Tū Puritia ki te taha o te kura tuatahi o Noera, ki Kirikiriroa. I tāutu te pūrongo o mua a Te Tari Arotake Mātauranga i ngā take i hāngai ai ki te hōtaka akoranga, me ētahi āhuatanga o ngā mahi whakahaere a te whānau, tae atu ki ngā take i whai pānga ai ki te hauora me te haumaru. Mai i taua arotake, kua aro atu ngā mahi a te whānau ki te whakatutuki haere i aua take.

3 Ngā Whakaaturanga

E ako ana ngā tamariki ki tētahi taiao e āta whakamana ana i te reo Māori. He tino pakari ngā kaimahi ki te kōrero i te reo Māori. Ka whakamahi rātou i ngā rautaki reo e tika ana, pērā i te whakatauira, i te tāruarua, i te patapatai, i ngā tohu ā-ringa hei whakawhānui i te whakamahinga a ngā tamariki i te reo Māori. E hāpai ana aua rautaki i te ako a ngā tamariki i ngā hanganga reo e whai pānga ana ki ngā horopaki ōkawa me ngā horopaki ōpaki. Ka whai wāhi atu ngā tuākana ki te ārahi i ngā karakia, i ngā hīmene, i ngā waiata, i ngā mihimihi. Ka ako rātou i ngā tongi, ā, he pārekareka anō hoki ki a rātou te pānui me te whai wāhi atu ki ngā whakawhitinga kōrero. Ka ngākau nui rātou ki te tautoko me te ārahi i ngā tēina, me te mahi hoki ki ō rātou taha. E whanake ana ngā tamariki ki te kōrero i te reo Māori.

Tērā ētahi whakapaitanga i whakatutukihia ai ki ētahi āhuatanga o ngā mahi whakahaere a te whānau ki te kōhanga reo. Ka whakamaheretia te hōtaka akoranga i nāianei mā te whakaaro nui ki ngā matea o ngā tamariki. He tino aronga mārama ki ngā mahere hei hāpai i te whakatinanatanga a ngā kaimahi i te hōtaka akoranga. Kua whiriwhirihia e te whānau te hoki atu ki tētahi hōtaka aromatawai ā-ipurangi. Ko ngā mātua e āhei ana ki te whakapā atu ki te ipurangi, ka taea e rātou te whai ā-ipurangi i te ahunga whakamua o ngā akoranga me ngā whakawhanaketanga hoki o ā rātou tamariki, ā, ka taea e ērā atu o ngā mātua tētahi kape ā-pepa nei te whiwhi i te kōhanga reo. Kua whakahoungia ētahi o ngā kaupapa here me ngā tukanga, ā, kua whakaritea hoki te nuinga o ngā rēhita e pā ana ki te hauora me te haumaru.

Ngā Whakaritenga Matua ka Whai Ake

Kāhore anō ētahi o ngā kaupapa here me ngā tukanga mō te hauora me te haumaru kia arotakengia, mai i te tau 2012. He mea nui kia aro mātua atu te whānau, heoi, kia whakahoungia hoki e rātou aua tūāhuatanga, tae atu hoki ki te whakatinanatanga o ngā mahi e arowhai ana i ngā āhuatanga mōrearea.

Me mātua arotake i te whakahaeretanga me ngā whakaritenga, hei tāutu i ngā wāhanga e tika ana ki te āta hāpai ake mā ngā pūkenga me ngā mākohakoha. I tēnei wā e ārahi ana te kaiako i te hōtaka akoranga, ā, e whakahaere ana hoki ia i ngā whakaritenga i te kōhanga reo. Nā te nui o ngā mahi a te kaiako, kāhore ētahi wāhanga o ngā mahi whakahaere i te tari e whakatutukihia ana. He mea nui, kia whai whakaaro te whānau ki ngā huarahi ka tohaina ake te nui o ngā mahi, kia wātea ai te kaiako ki te aro pū ake ki tōna tūranga matua, arā, ki āna mahi ki te taha o ngā tamariki.

Ahakoa kei ngā whāinga rautaki ngā kaupapa matua i tāutuhia ai mā te whānau, kāhore anō kia whakaritea tētahi mahere mahi hei ārahi i te whakatutukitanga a te whānau i aua kaupapa matua, i tā rātou aroturuki hoki i te ahu whakamua.

Kei te aromātai hōtaka ētahi mahi tonu hei whakatutuki. Me whai tautoko ngā kaimahi, hei whakapiki ake i tō rātou māramatanga me tā rātou whakatinanatanga o te aromātai hōtaka. Ka hāpai tēnei i tā rātou aroturuki i te whai huatanga o te hōtaka ki te whakatutuki i ngā matea o ngā tamariki katoa.

Kāhore te tukanga arohaehae a ngā kaimahi e āta hāpai ana i ngā kaimahi ki te tāutu i ō rātou pūmanawa, me ngā āhuatanga hoki hei whakawhanake ake. He mea nui, kia whakamahia ngā mōhiohio arohaehae hei tāutu i ngā whai wāhitanga e tika ana mō ngā kaimahi i roto i te whakawhanaketanga ngaio.

4 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

  • mahi tahi te whānau me ngā kaimahi ki te taha o ngā kaupapa kaimahi ā-rohe o te Poari Matua o Ngā Kōhanga Reo ki te whakatutuki i ngā whakaritenga matua i tāutuhia ai ki tēnei pūrongo hei whai ake, ā, ki te whakapakari hoki i ngā mahi whakahaere a te whānau.

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o E Tū Puritia i roto ngā tau e rua.

Lynda Pura-Watson

Kaiurungi Whakaturuki Arotake Māori

19 Whiringa ā-rangi, 2018

Ngā kōrero e pā ana ki te kōhanga reo

Te tūwāhi

Kei Kirikiriroa

Te tau a te Tāhuhu o te Mātauranga

35002

Te tau tohu o Te Kōhanga Reo

04C048

Te tūmomo raihana

Te kōhanga reo

Kua raihanatia ki te ture

Ngā Ture Mātauranga (Ratonga Kōhungahunga) 2008

Te tokomaha mō te raihana

30, kia ono ki raro i te rua o ngā tau

Te tokomaha kei te rārangi ingoa

14 ngā tamariki, kotahi te tamaiti kei raro i te rua o ngā tau

Te ira tangata

Kōtiro 8

Tama 6

Ngā hononga ā-iwi

Māori

100%

Te wā i te kōhanga reo te rōpū arotake

15 Whiringa-ā-nuku 2018

Te wā o tēnei pūrongo

19 Whiringa ā-rangi, 2018

Ngā pūrongo o mua a Te Tari Arotake Mātauranga

Arotake Tāpiri

Arotake Mātauranga

Arotake Tāpiri

Pipiri 2017

Poutū-te-rangi 2016

Poutū-te-rangi 2013

1 Background

Introduction

A supplementary evaluation is undertaken at the discretion of the Chief Review Officer of the Education Review Office (ERO).

ERO evaluates the extent and effectiveness of actions a kōhanga reo has taken towards addressing issues specified in its previous ERO evaluation and/or any additional areas identified since that evaluation.

Terms of Reference

This supplementary evaluation is based on an evaluation of the performance of the kōhanga reo governing body and management in relation to areas identified in the previous ERO report or issues identified since that evaluation. The terms of reference for this evaluation are to investigate:

  • Ngā Taumata Whakahirahira – including strengthening the learning programme to engage children and improving the quality of kaimahi practices

  • planning and evaluation – including programme planning, assessment, evaluation, self review, strategic planning and whānau management

  • areas of non-compliance – including policies and procedures relating to earthquake and fire drills, sleeping, accidents and incidents, hazards, child protection and behaviour management

  • and any other issues identified during the course of the review.

2 Context

Te Kōhanga Reo o E Tū Puritia is located next to Nawton Primary School in Hamilton. The previous ERO report identified concerns relating to the learning programme and aspects of whānau management, including health and safety matters. Since that review, the whānau have worked towards addressing these concerns.

3 Findings

Children learn in an environment where te reo Māori is highly valued. Kaimahi are strong speakers of te reo Māori. They use appropriate language strategies such as modelling, repetition, questioning and hand signs to extend children’s use of te reo Māori. These strategies assist children to learn language structures in formal and informal settings. Tuākana take a lead in karakia, hīmene, waiata, and mihimihi. They learn tongi, enjoy reading and participate in discussions. They are happy to support, guide and work closely with tēina. Children are developing as speakers of te reo Māori.

There have been some improvements in aspects of whānau management in the kōhanga reo. The learning programme is now planned to consider the needs of children. Planning provides clear direction for kaimahi to implement the learning programme. Whānau have opted to return to an online assessment programme. Parents with access to internet are able to follow their children’s learning progress and development while other parents can obtain a printed copy from the kōhanga reo. Some policies and procedures have been updated, and most health and safety registers are in place.

Key Next Steps

There are some health and safety policies and procedures that have not been reviewed since 2012. It is important that whānau prioritise and update these including the implementation of hazard checks.

A review of management and operations is essential to identify where skills and expertise can be better utilised. The kaiako is currently leading the learning programme as well as managing the operations of the kōhanga reo. As a result of the significant workload for the kaiako, aspects of administration are not completed. It is important for whānau to consider ways to distribute the workload so the kaiako can focus more on her primary role to work with children.

While strategic goals have identified priorities for the whānau, there is no action plan in place to guide whānau to achieve these priorities and monitor progress.

Programme evaluation needs further work. Support is required for kaimahi to increase their understanding and implementation of programme evaluation. This will assist them to monitor how well the programme is meeting the needs of all children.

The appraisal process for kaimahi does not effectively support kaimahi to identify their strengths and areas for development. It is important that appraisal information be used to identify relevant professional development opportunities for kaimahi.

4 Recommendation

ERO and the kōhanga reo whānau developed the following recommendation:

  • that the whānau and kaimahi work with the local kaimahi of Te Kōhanga Reo National Trust to address the key next steps identified in this report and to strengthen whānau management.

When is ERO likely to evaluate the kōhanga reo again?

The next ERO evaluation of Te Kōhanga Reo o E Tū Puritia will be within two years.

Lynda Pura-Watson

Deputy Chief Review Officer Māori

19 November 2018

Information about the Kōhanga Reo

Location

Hamilton

Ministry of Education profile number

35002

Kōhanga Reo Identification Number

04C048

Licence type

Te Kōhanga Reo

Licensed under

Education (Early Childhood Services) Regulations 2008

Number licensed for

30 children, including up to 6 aged under 2

Kōhanga Reo roll

14 children, including 1 aged under 2

Gender composition

Girls 8

Boys 6

Ethnic composition

Māori

100%

Review team on site

15 October 2018

Date of this report

19 November 2018

Most recent ERO report(s)

Supplementary Review

Education Review

Supplementary Review

June 2017

March 2016

March 2013