Te Kōhanga Reo O Hairini

1 Te Horopaki

E tū ana Te Kōhanga Reo o Hairini ki te marae o Hairini, ki Tauranga. Koia nei te kōhanga reo tuatahi i whakatūngia ai i Tauranga Moana, i te tau 1982. Kua whai wāhi matua te marae ki te whakawhanaketanga o te aronga toi whenuatanga o ngā tamariki, me ō rātou ngākau titikaha, ō rātou mōhiotanga anō hoki ki ngā kawa me ngā tikanga Māori. Nō Ngāti Ranginui te nuinga o ngā tamariki me ō rātou whānau. E ai ki ngā mātua, e hiahia ana rātou kia ako, kia tūmāia ā rātou tamariki i roto i te reo me ngā tikanga o Hairini.

He nui ngā whakarerekētanga ki ngā tūnga kaimahi whai muri i te pūrongo o mua a Te Tari Arotake Mātauranga, ā, kua whai pānga tēnei tūāhuatanga ki te kounga o te hōtaka akoranga me ngā mahi whakahaere a te whānau.

2 Ngā Whakaaturanga o te Aromātai

He pēhea rawa ngā tamariki e whakapuaki i ō rātou tuakiri mā te reo Māori, ā, he pēhea rawa hoki tā rātou whai i ngā tikanga Māori?

Ka kitea ki ngā tamariki tō rātou tākare nui ki te ako me te tūhura i te reo Māori me ngā tikanga Māori.

Ngā Taumata Whakahirahira

E tīmata ana ngā tamariki ki te ako i te reo Māori. Ka ako, ka whakamahi hoki rātou i ngā waiata me ngā karakia hei āhuatanga tonu o ā rātou mahinga o ia rā. Ka tautoko, ka akiaki hoki te whānau i ngā tamariki i a rātou e tū ana ki te taki i ō rātou pepeha. He matatau ētahi o ngā mātua ki te kōrero i te reo Māori, ā, e hiahia ana hoki ētahi atu ki te ako i te reo Māori ki te taha o ā rātou tamariki. He tino whai wāhitanga mō ngā tamariki ki te whai wāhi mātātoa atu ki te whānau i ngā kaupapa ōkawa i te marae. E whanake ana te ngākau titikaha o ngā tuākana me ngā tēina ki te mihi ki te whānau. E ako ana ngā tamariki i te whai pānga matua o tō rātou reo ki ō rātou tuakiri.

Ko te whai wāhi nui a ngā tamariki ki te marae e whakapūmautia ana tā rātou whai hononga me tō rātou tū tangata. Kei te marae te hōhonutanga o ngā whai wāhitanga mō ngā tamariki ki te whakatairanga i tō rātou mōhio ki a rātou anō. E hāpaitia ana tā rātou ako i te tū o te tangata whenua me te manuhiri. E ai ki ngā mātua, koia rā tētahi tino āhuatanga whakahirahira i ngā akoranga a ā rātou tamariki. Ka kitea te tino aronga nui o ngā mema o te whānau ki te ako a ā rātou tamariki, ka taetae atu rātou ki ngā kaupapa i te kōhanga reo, ā, ka whai wāhi atu hoki ki te hāpai i ngā whakahaeretanga me te atawhai o ā rātou tamariki ki te kōhanga reo i ia rā. He mātauranga anō hoki ā ētahi o te whānau i ahu mai i tā rātou tupu ake ki te taha o ō rātou kaumātua i te marae.

He pai te taunekeneke a ngā tamariki ki waenga i a rātou anō, puta noa i te rā. He mauritau te nuinga o ngā tamariki, ā, he whakaute, he manaakitanga hoki tō ngā hononga ki waenga i a rātou anō. He pārekareka ki ngā tamariki te hui ngātahi ki te whāriki mō ngā karakia, ngā mihimihi, ngā pepeha, me ngā waiata ā-ringa. Ka whakanuia ngā whakamātau a ia tamaiti ki te tū me te whakapuaki i ā rātou mihi. Ka menemene ngā pēpi i te wā e whakamihia ana rātou e te whānau i ngā mihimihi o te ata. E puāwai mai ana te manaakitanga, te whakaute, me te whakahoahoa ki waenga i ngā tamariki.

Ngā Whakaritenga Matua ka Whai Ake

Kāhore ngā tamariki e whai wāhi atu ana ki ngā hōtaka akoranga e whakatairanga ana, e whakawhānui ana hoki i ō rātou pūkenga ki te whakawhiti kōrero. Kāhore ngā kaimahi e kapo atu ana i ngā whai wāhitanga katoa ki te āta whakauru i ngā tamariki ki ngā whakawhitinga kōrero mā te reo Māori, hei whakawhānui ake i tō rātou mōhiotanga me tō rātou māia ki te reo. He iti noa ngā rauemi me ngā taumahi hei hāpai i te whakawhanaketanga reo o ngā tamariki. Kāhore ngā wāhi ako e āta whakaritea ana kia āhei ai ngā tamariki ki te whakamahi i te reo Māori me te ako i ngā tikanga. Kāhore ngā akoranga reo a ngā tamariki e āta whakahaerehia ana, e āta whakaritea hoki.

Te Whakamahere me te Aromātai

E mōhio ana te whānau, e tika ana kia arotakengia tā rātou tūtohinga, ā, kia whakamahia hei whakapai ake i tō rātou mōhiotanga ki ngā tūranga, ā rātou kawenga mahi, me ngā kaupapa matua i te kōhanga reo. Kei te māramahia e te whānau kia mātātoa tā rātou whai wāhi atu ki te whakahaere i te kōhanga reo hei painga mō ā rātou tamariki. Ka kitea ki ngā tamariki tō rātou āheinga ki te whakapakari i te whai wāhi atu a ia tangata, a te katoa hoki, ki te whakahaeretanga o te kōhanga reo. Tērā ētahi kaupapa matua i tāutuhia ngātahitia ai, hei whakatutuki mā te tautoko anō hoki o ngā kaimahi a te Poari Matua o Ngā Kōhanga Reo.

Ngā Whakaritenga Matua ka Whai Ake

He whāiti ngā whakaritenga whakahaere a te whānau. He maha ngā whakarerekētanga kua pā ki te whānau me ngā tūnga kaimahi, whai muri i te arotake o mua a Te Tari Arotake Mātauranga. Nā tēnei tūāhuatanga, kua riro i ngā kaimahi, inarā i te kaiwhakahaere, te nuinga o ngā tūranga me ngā kawenga mahi a te whānau hei pīkau, i roto i ngā whakahaeretanga o te kōhanga reo. Kāhore te tūtohinga e tohu ana i te tino aronga ki ngā kaimahi me te whānau, i roto i ngā taumata me ngā tūmanako e tika ana mō te atawhai me te waiora o ngā tamariki. Kāhore i te rawaka te whakahaeretanga o ngā ngākau nuitanga me ngā matea ako o ngā tamariki, ā, me pakari ake, me whai hua ake ngā mahi whakahaere a te whānau.

Kāhore i te rawaka ngā pūnaha ki te whakahaere i ngā kaimahi. Kāhore ngā tukanga ki te toro atu me te whakatū i ngā kaimahi hou e āta whakahaerehia ana. I ngā tau e rua kua pahure ake nei, kāhore he kaiako i te kōhanga reo e mau ana i te Tohu Whakapakari. Kāhore anō ngā arohaehae kia whakatutukingia, ā, kāhore te whakawhanaketanga ngaio e whakahāngaitia ana ki ngā matea i tāutuhia ai mō ngā kaimahi. Kāhore ngā tuhinga tūranga mahi e āta hāngai ana ki ngā kawenga mahi i whakaritea ai mā ia kaimahi. Nā tēnei, kei te noho rangirua te āhua o ngā mahi a ētahi o ngā kaimahi, tae atu ki ō rātou tūranga ake, ā rātou kawenga mahi ake hoki.

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

I te wā o te arotake, i tāutuhia e Te Tari Arotake Mātauranga ngā wāhanga kāhore e tutuki ana e ai ki te ture. Kia tutukihia ai e te whānau o te kōhanga reo ngā herenga ā-ture, me tahuri rātou ki te:

• āta whakarite i te whakatutukitanga o ngā herenga me ngā taumata katoa e tika ana mō ngā kaimahi, tae atu ki ngā tohu mātauranga, te whakaritenga o ngā kaimahi, me ngā mahi a te kaituku mahi papai
  [R44 Ture Mātauranga (Kōhungahunga) 2008; GMA7 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008; Te Ture Hononga Mahi 2000; Te Ture Tūmataiti 1993]
• āta whakarite i te whakaratonga o te whānau i ngā hōtaka i āta whakamōhiotia ai, i whakamaheretia ai, i aromātaitia ai, ā, i arotakengia ai hoki, ā, kia aro nui aua hōtaka ki te whānuitanga o ngā matea, ngā ngākau nuitanga, me ngā āheinga o ngā tamariki, heoi, e whakatairanga ana hoki i te ako mā te kounga tonu o ngā taunekeneke
  [R43 Ture Mātauranga (Kōhungahunga) 2008; C2-4 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
• āta whakarite i te hōhonutanga o te reo me ngā tikanga Māori ki ngā wheako akoranga me ngā taiao e whakawhiwhia ana ki ngā tamariki, hei whakatairanga, hei whakawhānui anō hoki i tō rātou whakawhanaketanga ā-tangata.
  [R43 Ture Mātauranga (Kōhungahunga) 2008; C7-10 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]

4 Ngā Taunakitanga

I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:

• whakapai ake i ngā pūnaha whakahaere kaimahi, hei āta whakarite i te tino tautoko mō ngā kaimahi ki te whakarato i te kounga o te atawhai me ngā akoranga ki ngā tamariki
• toro atu ki te tautoko me te ārahitanga o te Poari Matua o Ngā Kōhanga Reo, hei āta whakarite i te whai huatanga o ngā mahi whakahaere a te whānau i te kōhanga reo, ā, kia whakahaerehia te kōhanga reo ki Te Korowai me te tūtohinga
• whakatinana i te pai o ngā whakaritenga aromātai o roto e arotahi ana ki te tupu tonu me te kounga o ngā putanga ki ngā tamariki.

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Hairini i roto ngā tau e rua.

Lynda Pura-Watson

Kaiurungi Whakaturuki Arotake Māori

09 Haratua, 2018

Ngā kōrero e pā ana ki te kōhanga reo

1 Context

Te Kōhanga Reo o Hairini is located at Hairini Marae, Tauranga. The kōhanga reo was the first to open in Tauranga Moana in 1982. The marae has been vital in developing children’s sense of belonging, confidence and knowledge of Māori customs and traditions. Most children and their whānau are of Ngāti Ranginui descent. Parents report that they want their children to learn and be confident in the language and customs specific to Hairini.

Since the previous ERO review, there have been many changes in staff which have impacted on the quality of the learning programme and whānau management.

2 The Evaluation Findings

How well do children to express who they are in te reo Māori and use tikanga Māori?

Children show that they a keenness to learn and explore te reo Māori and tikanga Māori.

Ngā Taumata Whakahirahira

Children are early learners of te reo Maori. They learn and use waiata and karakia as part of their daily routines. The whānau provide support and encouragement to children who stand to recite their pepeha. Some parents are fluent speakers te reo Māori while others want to learn with their children. Children enjoy opportunities to actively participate with whānau during formal marae occasions. Tuākana and tēina are developing in confidence to mihi to whānau. Children learn that their language is integral to who they are.

Children experience a marae environment that reinforces their sense of place and cultural identity. The marae provides a rich source of opportunities for children to enhance their knowledge of who they are. They are supported to learn about the tangata whenua and manuhiri roles. Parents report this is an important feature in their children’s learning. Whānau members show a strong interest in their children’s learning, attend kōhanga reo events, and present to assist with the daily operations and care of their children at kōhanga reo. There are members that have knowledge of growing up on the marae with their kaumātua.

Children interact positively with each other throughout the day. Most children appear settled and form respectful and caring relationships with each other. Children enjoy time together on the whāriki for karakia, mihimihi, pepeha and waiata ā-ringa. Individuals are praised for their efforts to stand and perform their mihi. Pēpi smile when they are acknowledged by the whānau during morning mihi. Care, respect and friendships between children are formed.

Key Next Steps

Children do not participate in programmes of learning that promote and extend their conversational language skills. Kaimahi do not take all opportunities to actively engage children in conversations using te reo Māori to extend their language knowledge and confidence. There are limited resources and activities to support children’s language development. Learning areas are not well organised to allow children to use te reo Māori and learn tikanga. Language learning for children is not well managed and organised.

Planning and Evaluation

The whānau recognise the need to review their tūtohinga and use that to improve their knowledge of roles, responsibilities and priorities in the kōhanga reo. The whānau understand the importance of taking a more proactive role in managing the kōhanga reo for the benefit of their children. The whānau demonstrate ability to strengthen their individual and collective contribution to the management of the kōhanga reo. There are agreed priorities that need to be addressed with support from TKRNT kaimahi.

Key Next Steps

Whānau management practices are limited. Many staffing and whānau changes have occurred since the previous ERO review. This has resulted in the reliance on kaimahi, and in particular the kaiwhakahaere, to carry out most of the roles and responsibilities of whānau to manage the kōhanga reo. The tūtohinga does not provide clear direction to kaimahi and whānau about appropriate standards and expectations for the care and wellbeing of children. Children’s interests and their learning needs are not adequately managed through sound and effective whānau whakahaere.

Personnel management systems are inadequate. Recruitment and appointment processes are not well managed. For the past two years, there has been no kaiako in the kōhanga reo who holds the Tohu Whakapakari qualification. Appraisals have not been carried out, and professional development is not aligned to the identified needs of kaimahi. Job descriptions do not accurately reflect the roles assigned to kaimahi. Consequently, there is confusion about the role of some kaimahi, their respective roles and responsibilities.

3 Whānau Management Assurance on Compliance Areas

During the evaluation, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

ERO identified areas of non-compliance. In order for the kōhanga reo whānau to meet compliance requirements, they need to:

• ensure all requirements and standards are met for employees, including qualifications, the organisation of employees and good employer obligations
  [R44 Education (Early Childhood Services) Regulations 2008; GMA 7 Licensing Criteria for Kōhanga Reo affiliated with Te Kōhanga Reo National Trust 2008; Employment Relations Act 2000; Privacy Act 1993]
• ensure that whānau provides well informed, planned, evaluated and reviewed programmes are is responsive to the diverse needs, interests and abilities of children, and enhances learning through quality interactions
  [R43 Education (Early Childhood Services) Regulations 2008; C2-4 Licensing Criteria for Kōhanga Reo affiliated with Te Kōhanga Reo National Trust 2008]
• ensure that children have rich te reo and tikanga Māori learning experiences and environments that enhance and extend their whole development.
  [R43 Education (Early Childhood Services) Regulations 2008; C7-10 Licensing Criteria for Kōhanga Reo affiliated with Te Kōhanga Reo National Trust 2008]

4 Recommendations

ERO and the Kōhanga Reo whānau developed the following recommendations:

• improve personnel management systems to ensure that kaimahi are well supported to provide quality care and learning for children
• seek support and guidance from TKRNT to ensure the kōhanga reo is effectively managed by the whānau and operates in accordance with Te Korowai and the tūtohinga
• implement good internal evaluation practices that focus on continual growth and quality outcomes for children.

When is ERO likely to evaluate the kōhanga reo again?

The next ERO evaluation of Te Kōhanga Reo o Hairini will be within two years.

Lynda Pura-Watson

Deputy Chief Review Officer Māori

9 May 2018

Information about the Kōhanga Reo