Te Kōhanga Reo o Hinerangi - 16/08/2017

1 Te Horopaki

E tū ana Te Kōhanga Reo o Hinerangi ki te marae o Wairuru, i te whanga o Waihau. Nō Te Whānau-ā-Apanui te whānau. Nā te āhua o ngā tatauranga tamariki i moe te kōhanga reo mō tētahi wā, ā, nō nā tata tonu nei noa i whakatuwhera anō ai. Ko tā te whānau aronga, ko te tāutu i ngā huarahi ka whakapūmau i te tū o te kōhanga reo.

2 Ngā Whakaaturanga o te Aromātai

He pēhea rawa ngā tamariki e whakaatu ana i te mōhiotanga ki tō rātou tuakiri me tō rātou aronga toi whenuatanga?

Ka kitea ki ngā tamariki he pakari tō rātou tuakiri me tō rātou aronga toi whenuatanga.

Ngā Taumata Whakahirahira

E hāpaitia ana te ako a ngā tamariki i te reo Māori. Ka whakarato ngā kaimahi i te whānuitanga o ngā tūmomo rautaki taunekeneke, whakaongaonga anō hoki e hāpai ana i te mōhiotanga o ngā tamariki ki te reo Māori. Ko ētahi o ēnei, ko ngā karakia Ringatū, ngā mihimihi, ngā waiata, ngā pepeha, ngā pātere, me ngā tauparapara. Ka whakamahi ngā kaimahi i ngā pātai, ngā kōrero akiaki me ngā tohu ā-ringa. Ka whakaatu ā-tinana nei ngā pēpi i tō rātou māramatanga ki te reo Māori. Ka rangona te reo ā-iwi o Te Whānau-a-Apanui. E whakawhanake ana te tūmāia o ngā tamariki i roto i te reo Māori, hei ākonga nohinohi.

Ka rongo ngā tamariki i ngā hononga e hāpai ana, e whai hua ana hoki. Ka whakanuia e ngā kaimahi ngā mahi angitu a ngā tamariki i roto i ngā akoranga. E whakatairanga ana rātou i ngā taunekeneke papai ki waenga i ngā tamariki, tae atu ki te pukuhohe me te katakata i a rātou e ako ana. Ko te whakapapa te tino tūāpapa o te whanaungatanga, te awhi, te tautoko, te aroha, me te manaaki. Ka akiaki ngā kaimahi i te whakaute me te whai whakaaro nui o ngā tamariki ki ētahi atu. Ka tū pakari ngā tamariki nā tō rātou mōhio ki tō rātou tuakiri me tō rātou aronga toi whenuatanga.

E wātea ana ki ngā tamariki te whānuitanga o ngā tūmomo wheako akoranga. E ahu mai ana te hōtaka akoranga i te whakapapa o te moki, i ngā rongoā Māori, ā, i te taiao māoriori hoki. Ka whakarato ngā kaimahi i ngā whai wāhitanga mō ngā tamariki ki te tae atu ki ngā tūmomo kaupapa katoa o te marae me te hapori. He haerenga i ia te wā, kia āhei ai ngā tamariki ki te tūhura i te moana me ngā ngahere o te takiwā nei. E whakatairanga ana aua wheako akoranga i te tūmāia me te mōhiotanga o ngā tamariki ki tō rātou Apanuitanga. Ka akiaki ngā kaimahi i te kōkiri o ngā tamariki i tā rātou ako, i runga anō i te āhua o ō rātou ake ngākau nuitanga. He pakari te tūhura haere o ngā tamariki i te ao māoriori, tūturu hoki.

Te Whakamahere me te Aromātai

E whai pūtake ana ngā mahere, ā, kua āta whakaritea hoki. Ka whakamahere ngā kaimahi i tētahi hōtaka akoranga e hāngai ana ki te hapori, ā, e arotahi ana ki ngā āhuatanga e whai pānga nui ana ki Te Whānau-a-Apanui. Ka whakamahere ngā kaimahi i ngā hōtaka e poipoi ana i ngā matea ake me ngā āheinga ake o ia tamaiti. Ka whai wāhi nui ngā tamariki ki te whānuitanga o ngā tūmomo taumahi e whakawhānui ana i ā rātou wheako ako. Ka whakamahia Te Whāriki hei ārahi i tā ngā kaimahi mahere ā-wiki, o ia rā hoki, ā, e hono ana ki ngā kaupapa me ngā mahere ako. Ka tuhia ngā kitenga o ia te wā ki ngā pūkete ako a ngā tamariki. Ka hāpai aua tuhinga i te aroturukitanga o ngā kaimahi i te ahu whakamua o te ako a ngā tamariki. Ko ngā pūrongo ahu whakamua te huarahi aromatawai matua e whāia ana. He pai te whakamōhio i te whānau mō te ahu whakamua a ā rātou tamariki i roto i ngā akoranga.

E whakahaere ana te whānau i te kōhanga reo hei painga mō ngā tamariki. Kei te tūtohinga ngā tino whakamāramatanga ki te whakahaere i ngā whakaritenga i te kōhanga reo. Kua whakaritea ngā kaupapa here me ngā tukanga e pā ana ki te hauora me te haumaru. Ko te waiora o ngā tamariki te aronga matua. Ka kitea te kawenga tōtika a te whānau hei kaituku mahi. E hāngai ana ngā tuhinga kaimahi ki te wā. Kua whakaritea ngā tuhinga tūranga mahi, ngā kirimana, me ngā mahi arowhai a ngā pirihimana. Ko te waiora o ngā tamariki kei te pūtake o ngā whakahaeretanga katoa.

Kua whakatakotohia e te whānau ā rātou whāinga me ā rātou kaupapa matua mō meāke nei. Kua oti Te Ara Tūāpae, te mahere rautaki, me ngā mahere ā-tau. E whai hua ana te aromātai o roto. He auau te pūrongo ki ngā hui ā-whānau ngā āhuatanga katoa e hāngai ana ki ngā mahi whakahaere a te whānau. Ka arotahi aua pūrongo ki ngā whakapaitanga. Ka whakarerekē haere i runga i ngā matea me ngā whai wāhitanga ka pupū ake. E tino mōhio ana te whānau, e tika ana kia āta whakarite i te pūmautanga o te whakahaeretanga o te kōhanga reo. Ka taea te whakatau ki ngā tamariki me ō rātou whānau, te whakapūmautanga o tō rātou kōhanga reo mō meāke nei.

Ngā Whakaritenga Matua ka Whai Ake

Kāhore ngā kaimahi e aromātai ana i te whai huatanga o te hōtaka akoranga. E mōhio ana ngā kaimahi, ko te aromātai tonutanga o te hōtaka ka hāpai i tā rātou aro nui ki ngā tamariki hei ākonga. Kāhore ngā tamariki e whiwhi ana i ngā hua ka puta i tētahi hōtaka e aroturukitia ana, e aromātaitia ana hoki i ia te wā.

Kāhore anō kia oti i te whānau te kaupapa here e pā ana ki te arohaehae i ngā kaimahi. Ko te whakaoti i tētahi kaupapa here, ngā tukanga anō hoki e tika ana, me ngā tuhinga hoki e whai pānga ana ki tēnei āhuatanga, ka ārahi i te whakaotinga a ngā kaimahi i ā rātou arohaehae. Nā ngā putanga arohaehae ka whai pānga ake te whakawhanaketanga ngaio. Ko te whakatairanga ake i ngā mōhiotanga me ngā pūkenga o ngā kaimahi mā te whakawhanaketanga ngaio, ka hāpai i te whiwhinga anō hoki o ngā tamariki i ngā wheako akoranga e tino whai pānga nui ana. 

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

  • te haumaru whatumanawa (tāpiri atu ko te ārahi mauritau, ko te ārai tamariki)
  • te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
  • te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
  • ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

4 Ngā Taunakitanga

I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:

  • whakapakarihia e ngā kaimahi ngā mahi e pā ana ki te aromātai hōtaka
  • whakawhanakehia e te whānau tētahi kaupapa here e pā ana ki te arohaehae, ā, kia whakatinanahia anō hoki ngā mahi ka arohaehae i ngā kaimahi.

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Hinerangi i roto i te toru o ngā tau.

Lynda Pura-Watson

Kaiurungi Whakaturuki Arotake Māori

16 Hereturikōkā, 2017 

Ngā kōrero e pā ana ki te kōhanga reo 

Te tūwāhi

Kei te whanga o Waihau

Te tau a te Tāhuhu o te Mātauranga

46612

Te tau tohu o Te Kōhanga Reo

12A003

Te tūmomo raihana

He Kōhanga Reo

Kua raihanatia ki te ture

Ngā Ture Mātauranga (Ratonga Kōhungahunga) 2008

Te tokomaha mō te raihana

20, kia tekau ki raro i te rua o ngā tau

Te tokomaha kei te rārangi ingoa

10, tokorua kei raro i te rua o ngā tau

Te ira tangata

Kōtiro 4

Tama 6

Ngā hononga ā-iwi

Māori

100%

Te wā i te kōhanga reo te rōpū arotake

Pipiri 2017

Te wā o tēnei pūrongo

16 Hereturikōkā, 2017

Ngā pūrongo o mua a Te Tari Arotake Mātauranga

NA

1 Context

Te Kōhanga Reo o Hinerangi is based on Wairuru Marae, Waihau Bay. Whānau whakapapa to Te Whānau-ā-Apanui. Due to roll numbers the kōhanga reo has been in recess and recently re-opened. The whānau focus is to identify ways of sustainability for the kōhanga reo.

2 The Evaluation Findings

How well do children demonstrate knowledge of who they are and where they belong?

Children demonstrate a strong sense of their identity and belonging.

Ngā Taumata Whakahirahira

Children are supported to learn te reo Māori. Kaimahi provide a range of interactive and stimulating strategies to support children’s knowledge of te reo Māori. These include karakia o te Ringatu, mihimihi, waiata, pepeha, patere and tauparapara. Kaimahi use questions, prompts and hand signs. Babies use non-verbal gestures to express their understanding of te reo Māori. The dialect of Te Whānau-ā-Apanui is evident. Children are developing confidence in te reo Māori as early learners.

Children experience supportive and positive relationships. Kaimahi acknowledge children’s success in learning. They promote positive interactions amongst children including humour and laughter while they learn. Whakapapa provides a strong foundation for whanaungatanga of awhi, takutoko, aroha and manaaki. Kaimahi encourage children to be respectful and considerate of others. Children are strong in their identity and belonging.

Children have access to a range of learning experiences. The learning programme is based on the whakapapa of the moki, rongoa Māori and the natural environment. Kaimahi provide children with opportunities to attend all marae and community activities. There are regular excursions where children explore the moana and ngāhere in the local area. These learning experiences enhance children’s confidence and knowledge about their Apanuitanga. Kaimahi encourage children to initiate learning based on their interests. Children confidently explore the natural and physical world.

Planning and Evaluation

Planning is purposeful and well organised. Kaimahi plan a localised learning programme that focuses on what is important to Te Te Whānau-a-Apanui. Kaimahi plan programmes to cater for children’s individual needs and abilities. Children enjoy a range of activities to extend their learning experiences. Te Whāriki is used to guide kaimahi weekly and daily planning which links to kaupapa and mahere ako. Regular observations are recorded in children’s learning journals. These records assist kaimahi to monitor their learning progress. Progression reports are the main method of assessment. Whānau are well informed about their children’s progress in learning.

Whānau manage the kōhanga reo in the best interests of the children. The charter provides clear directions to manage the operations of the kōhanga reo. Health and safety policies and procedures are in place. The well-being of children is paramount. Whānau show they are responsible employers. Personnel documentation is current. Job descriptions, employment contracts and police vetting are in place. Children’s wellbeing is at the heart of all operations.

Whānau have set their goals and future priorities. Te Ara Tūāpae, strategic plan and annual plans are complete. Internal evaluation is effective. There is regular reporting to whānau hui on all aspects of whānau operations. This reporting focuses on improvements. Changes are made according to needs and opportunities that arise. Whānau are highly aware of the need to ensure the management of the kōhanga reo is sustainable. Children and their whānau can be assured that the future of their kōhanga reo is secure.

Key Next Steps

Kaimahi do not evaluate the effectiveness of the learning programme. Kaimahi acknowledge that ongoing evaluation of the programme will assist them focus on children’s as learners. Children do not benefit from a programme that is not regularly monitored and evaluated.

Whānau have not completed kaimahi appraisal policy. Completion of a policy and appropriate procedures together with relevant documentation would provide guidance for kaimahi to complete their appraisals. Appraisal outcomes will lead to appropriate professional development. Children will experience relevant learning experiences when kaimahi knowledge and skills are enhanced through professional development.

3 Whānau Management Assurance on Compliance Areas

During the evaluation, ERO looked at the kōhanga reo systems for managing the following areas that have a potentially high impact on children's wellbeing:

  • emotional safety (including positive guidance and child protection)
  • physical safety (including supervision; sleep procedures; accidents; medication; hygiene; excursion policies and procedures)
  • suitable staffing (including qualification levels; police vetting; teacher registration; ratios)
  • evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

4 Recommendations

ERO and the Kōhanga Reo whānau developed the following recommendations:

  • Kaimahi are to strengthen programme evaluation practices

  • Whānau to develop an appraisal policy and implement kaimahi appraisals. 

When is ERO likely to evaluate the kōhanga reo again?

The next ERO evaluation of Te Kōhanga Reo o Hinerangi will be in three years.

Lynda Pura-Watson

Deputy Chief Review Officer Māori

16 August 2017 

Information about the Kōhanga Reo 

Location

Waihau Bay

Ministry of Education profile number

46612

Kōhanga Reo Identification Number

12A003

Licence type

Te Kōhanga Reo

Licensed under

Education (Early Childhood Services) Regulations 2008

Number licensed for

20 children, including up to 10 aged under 2

Kōhanga Reo roll

10 children, including up to 2 aged under 2

Gender composition

Girls 4

Boys 6

Ethnic composition

Māori

100%

Review team on site

June 2017

Date of this report

16 August 2017

Most recent ERO report(s)

NA