Te Kōhanga Reo o Hineteiwaiwa

1 Te Horopaki

E tū ana Te Kōhanga Reo o Hineteiwaiwa ki te wāhi akoranga matua o Te Whare Wānanga o Tāmaki-makau-rau. E poipoi ana te kōhanga reo i ngā whānau e taetae mai ana ki te whare wānanga, me rātou hoki e mahi ana, e noho ana rānei ki tōna takiwā. E tū ana te marae o Waipapa ki te taha o te kōhanga reo. E āta whakahaerehia ana te kōhanga reo e te whare wānanga, ā, kua whakaritea hei āta whakatutuki i tō rātou aronga kia kōkirihia te mātauranga e te kaiako, me te ngākau nui hoki o te whānau.

2 Ngā Whakaaturanga o te Aromātai

He pēhea rawa ngā tamariki e whakamahi i te reo Māori i a rātou e mahi ana, e tākaro ana hoki?

He ngākau titikaha tō ngā tamariki ki te whakamahi i te reo Māori i tō rātou taiao ako.

Ngā Taumata Whakahirahira

Ka whai wāhi atu ngā tamariki ki te whānuitanga o ngā tūmomo wheako reo Māori e whai pūtake ana. I ngā wā katoa, ka kōrero ngā kaiako me ngā tamariki ki waenga i a rātou anō mā te reo Māori. Ka whakangahau ngā kaiako me ngā tamariki mā te reo Māori. He whānui ngā whakawhitinga kōrero a ngā tuākana ki ngā kaiako i roto i te reo Māori, mō ngā āhuatanga katoa o tō rātou ao, ā rātou wheako, me ā rātou mahi. Ka rongo ngā tamariki i te whānuitanga o ngā tūmomo hanganga reo o te reo Māori e kōrerohia ana e ngā kaiako. E whakawhitiwhiti whakaaro ana, e kōrerorero ana hoki ngā kaiako i ngā wā katoa mā te reo Māori, hei whakamihi, hei akiaki, hei patapatai, ā, hei whakapuaki anō hoki i te tirohanga o te pakeke hei whakaarotanga huritao mō ngā tamariki. I ngā wā katoa ka whakauru ngā kaiako i ngā tamariki ki te hōhonutanga o ngā whakawhitinga kōrero mā te reo Māori, i a rātou e tūhura haere ana i tō rātou taiao. He pakari ngā tamariki ki te taki i te pepeha o te kōhanga reo, ā, ka whakamahi i ngā mahi ā-ringa e whai pānga ana, hei whakapuaki i tō rātou māramatanga ki te taha o ngā kaiako. E tino tautokona ana te puāwai mai o te reo Māori o ngā tamariki.

He tau, he pakari hoki ngā tamariki ki tō rātou taiao. Ka whakanui ngā kaiako i ngā akoranga me ngā tikanga ka kitea e ngā tamariki ki te marae o te whare wānanga, e pā tata atu ana ki te kōhanga reo. Ka hokihoki rātou ki ngā akoranga e pā ana ki te whare nui, ngā whakairo, ngā tūpuna, ngā whakapapa, me ngā hītori o te takiwā. Ka hāpai ngā kaiako i ngā tamariki, kia mārama ai rātou i te whai hua nui o ngā tikanga o te marae. Ka whakatauira rātou i ngā tikanga ki ngā tamariki, mā te whakatau i ngā manuhiri e taetae mai ana ki tō rātou kōhanga reo. Ka ngahau ngā tamariki, ā, he pakari rātou ki te tūhura haere i te marae ātea, me te whakamahi anō hoki i taua wāhi mō te korikori tinana me te tī rākau. He tino kaha te aronga toi whenuatanga me te whai hononga o ngā tamariki ki tō rātou kōhanga reo me te marae o te whare wānanga.

E whakawhanake ana ngā tamariki i te mōhiotanga ki ō rātou hononga ā-ahurea. Ka aro nui ngā kaiako ki ngā tikanga, kia tirohia, kia whai wāhi atu hoki ngā tamariki. Ka whakanuia ngā pūmanawa me ngā ngākau titikaha o ngā tuākana ki te taki i ngā karakia. Ka tūmāia ngā tamariki ki te taki i ngā waiata koroua. Ka whakapuaki ngā tamariki i tō rātou whakaute ki te kaikarakia o te rā, ā, ka whai wā anō hoki rātou ki te whakamihi i a ia me āna mahi ki te tuku i ngā whakamoemiti, hei āhuatanga tonu o ngā tikanga. E ako ana ngā tamariki i ō rātou tūnga kia whai wāhi atu ai ki ētahi tūmomo tikanga Māori.

He pārekareka ki ngā tamariki te taunekeneke ki waenga i a rātou anō, puta noa i te rā. He tau ngā tēina ki te taiao o te kōhanga reo. E puāwai mai ana ngā tuākana hei kaiārahi o ā rātou akoranga, ā, e tautoko ana hoki rātou i ngā tēina. He whakaute, he ngahau hoki ngā hononga o ngā kaiako ki ngā tamariki. Ka tūmāia ngā tamariki ki te tohutohu me te whakariterite i ngā taumahi, ā, ka taea hoki e rātou te whakamārama ā rātou akoranga mā te reo Māori, ki waenga i a rātou anō, ā, ki ngā kaiako hoki. Ka ngākau nui ngā tamariki ki te whai wāhi atu ki ngā tākaro pohewa ki te taha o ngā kaiako. He whitawhita, he pārekareka hoki te waiata ki ngā tamariki. E whai wāhi atu ana ngā tamariki ki te pai o ngā taunekeneke ki te taha o ngā kaiako, ā, e āhei ana hoki ki te ako ngātahi, tētahi ki tētahi.

He mātātoa te whai wāhi atu a ngā tamariki ki te ao e noho nei rātou. Ka āta kapo atu ngā kaiako i ngā whai wāhitanga ki te hikoi haere i te whare wānanga i ia te wā, ki te taha o ngā tamariki. Ka taea e ngā tamariki te whakahonohono ki tō rātou taiao i a rātou e tūhura haere ana, ā, ka whakahono i ngā tirohanga o te ao Māori ki ā rātou akoranga. E whai wāhi atu ana ngā tamariki ki te kaitiakitanga, i a rātou e ako ana ki te manaaki i a Papatūānuku. I ngā wā katoa e whakapakari tonu ana ngā kaiako i ngā puna kupu me te reo o ngā tamariki mā ā rātou tūmomo wheako, tae atu ki te tiaki i tā rātou māra, te tūhura i te whare wānanga, me te ako i ngā tino pou whenua o te hapori, te haereere hoki ki ngā whare kōhungahunga e pā tata atu ana ki a rātou. He hihiri, he whakahei, he wāteatea hoki ngā wāhi o roto, o waho hoki i te whare o te kōhanga reo, ā, e whakatakoto ana i te maha o ngā whai wāhitanga kia ngākau nui ai ngā tamariki ki te ako. Ka whakarato ngā kaiako i ngā taumahi kia ngana ai ngā tamariki, ā, e whakawero ana hoki i ō rātou āheinga, e whakawhānui ana hoki i ā rātou akoranga. Ka taea e ngā tamariki ō rātou pūkenga hangarau te whakapuaki mā te whakamahi i ngā i-papa. E hāpaitia ana, e whakamanahia ana ngā tamariki kia whakatau rātou i ā rātou ake whakaritenga e pā ana ki ā rātou mahi me ā rātou tākaro. He māia, he mātātoa hoki te whai wāhi atu a ngā tamariki ki ā rātou mahi me ā rātou tākaro.

Te Whakamahere me te Aromātai

Kua āta whakamaheretia, kua āta whakaritea hoki te hōtaka akoranga. E whakamōhio ana ngā mahere, te aromatawai, me te aromātai i te whānau, mō tēnā e mahia ana, e ākona ana hoki e ngā tamariki i roto i ā rātou rōpū. Hui ai ngā kaiako i ia te wā, ā, ka whakamahere ngātahi. He pai te whakahaeretanga me te aroturukitanga o ngā mahi e whakapakari ake ai i te āheinga me te tūmāia o ngā tamariki ki te kōrero i te reo Māori ki waenga i a rātou anō. Whakaaro huritao ai ngā kaiako i ia te wā mō ā rātou whakaritenga, kia whai hua ai ā rātou whakarerekētanga me ā rātou whakapuakitanga mahi.

E hāpai ana, e tautoko ana hoki ngā kaiārahi i ngā kaiako, ā, ka whakanuia ngā kaiārahi hei kaiako. Kua whakaritea ngā pūnaha arohaehae, ā, kua āta tuhia hoki ngā mauhanga. He pai te ārahi i te kōhanga reo, ā, e hāpaitia ana e ngā kaiwhakahaere mātanga e mahi ana i te whare wānanga, ā, e noho ngākau nui ana hoki ki te kaupapa. Ko te kaiwhakahaere tuarua tētahi tūnga hou, ā, nā tēnei tūnga e āhei ana te kōhanga reo ki te whakapakari tonu i te ārahitanga me te rōnakitanga ki te whakarato tonu i te kounga o te atawhai me te mātauranga ki ngā tamariki.

E whakapono ana te whānau ki te kounga me te atawhai e whakaratohia ana e te kōhanga reo. Kei te tau haere te heamana ki tōna tūranga. E whai wāhi atu ana ngā mema o te whānau ki ngā noho marae me ngā wānanga ka tū ai puta noa i te tau, hei whakapiki ake i ō rātou mōhiotanga me ō rātou māramatanga ki te kaupapa o te kōhanga reo. Tū ai ngā hui ā-whānau i ia marama, ā, e āta whakarite ana i te noho mōhio o te whānau ki tēnā e whakatutukihia ana mā ā rātou tamariki ki te kōhanga reo. E noho ngākau nui ana te whānau ki te whakapakari tonu i tō rātou āheinga i roto i te kōhanga reo.

Ka whakahoungia te katoa o ngā kaupapa here me ngā tukanga, ā, e wātea ana hoki ēnei ki ngā tamariki. He pai te whakahaere i ngā take pūtea. Kua whakaritea ngā pūnaha me ngā tukanga, ā, e hāpai ana i te rere pai o ngā whakahaeretanga ki te kōhanga reo. I ngā wā katoa e arotake o roto ana i te mahere rautaki, ā, e kōkirihia ana taua mahi e ngā kaimahi. E mōhio ana rātou, e tika ana kia āta toro atu rātou ki ngā whakaaro me ngā māramatanga o te whānau mō te kaupapa o te kōhanga reo, ō rātou tūranga, me ā rātou kawenga mahi.

Ngā Whakaritenga Matua ka Whai Ake

E noho pūmau ana ngā kaiako ki te whakatupu tonu i ō rātou āheinga me ā rātou rautaki e hāpai ai i te ako a ngā tamariki. Me whakapakari tonu ngā kaiako i tō rātou māramatanga ki Te Whāriki o Te Kōhanga Reo, hei āta whakatairanga ake tonu i te toro atu o ngā tamariki ki te whānuitanga me hōhonutanga o te ao Māori. Tāpiri atu ki tēnei, me whakapā tonu ngā kaiako ki ngā ako ngaio me ngā whakawhanaketanga ngaio e pā ana ki Te Tohu Whakapakari, hei whakanikoniko tonu i ngā wheako akoranga o ngā tamariki.

Kua tāutuhia e Te Tari Arotake Mātauranga me ngā kaiārahi ētahi wāhanga hei whakapaitanga ake mā te whānau. Me mahi te whānau ki te taha o te Poari Matua o Ngā Kōhanga Reo, ki te whakahōhonu ake i ō rātou māramatanga ki ō rātou tūranga me ā rātou kawenga i roto i te kaupapa o te kōhanga reo. Ko te ārahitanga a te Poari Matua o Ngā Kōhanga Reo ka whakapakari ake anō hoki i te whai wāhi mai a te whānau me tō rātou whakapuaki whakaaro mō te mahere rautaki, ā, ka whakahāngaitia ki te kaupapa o te kōhanga reo.

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

4 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

• whakapā tonu ki te ārahitanga me te tautoko mai o te Poari Matua o Ngā Kōhanga Reo, kia pūmau ai te rōnakitanga.

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Hineteiwaiwa i roto i te toru o ngā tau.

Lynda Pura-Watson

Kaiurungi Whakaturuki Arotake Māori

14 Haratua, 2018

Ngā kōrero e pā ana ki te kōhanga reo

1 Context

Te Kōhanga Reo o Hineteiwaiwa is located on the main campus of University of Auckland. The kōhanga reo provides for whānau attending the university, and those whānau who are working or living within the surrounding area. Waipapa Marae sits next to the kōhanga reo. The kōhanga reo is well managed by the university and structured to best fit their teacher-led environment and passionate whānau.

2 The Evaluation Findings

How well do children use te reo Māori in their work and play?

Children confidently use te reo Māori in their learning environment.

Ngā Taumata Whakahirahira

Children participate in a range of purposeful te reo Māori experiences. Kaiako and children consistently speak te reo Māori to each other. Kaiako and children have fun with te reo Māori. Tuākana have extended conversations in te reo Māori with kaiako about their lives, their experiences and their work. Children hear a variety of language structures in te reo Māori spoken by kaiako. Kaiako provide constant communication and dialogue in te reo Māori through praise, encouragement, ongoing questioning and sharing adult perspectives for children to reflect on. Kaiako constantly engage children in in-depth conversation in te reo Māori as they explore their environment. Children confidently recite in te reo Māori the pepeha of the kōhanga reo and use related hand actions to express their understanding alongside the kaiako. Children are well supported as developing speakers of te reo Māori.

Children are settled and confident in their environment. Kaiako value the learning and tikanga children experience on the campus marae, which is next to the kōhanga reo. They revisit learning about the whare, the carvings and tupuna, whakapapa and history specific to the local area. Kaiako support children to understand the value of marae tikanga. They model tikanga for children through the process of welcoming visitors to their kōhanga reo. Children have fun and are confident exploring the marae ātea and using this space for their korikori tinana and tī rākau. Children have a strong sense of belonging and connection to their kōhanga reo and the campus marae.

Children are developing an awareness of their cultural connections. Kaiako prioritise tikanga practices for children to observe and participate in. Tuākana are valued for their capability and confidence to lead karakia. Children are confident to lead waiata koroua. Children express their respect for the kaikarakia of the day and take the time to mihi back to the kaikarakia for their blessings as part of the tikanga. Children are learning about their roles to participate in aspects of tikanga Māori.

Children enjoy interacting with each other throughout the day. Tēina are settled in the kōhanga environment. Tuākana thrive as leaders in their learning and supporting tēina. Kaiako have respectful and fun relationships with children. Children confidently stand to give instructions, set up activities and are able to explain what they are learning in te reo Māori to each other and kaiako. Children enjoy engaging with kaiako in imaginative play. Singing is lively and fun for children. Children experience positive interactions with kaiako and are able to learn from each other.

Children are active participants in their world around them. Kaiako make the most of opportunities to take children regularly on walks within the campus. Children are able to make connections to their surroundings as they explore and link te ao Māori perspectives to their learning. Children experience kaitiakitanga as they learn to care for Papatūānuku. Kaiako continually build children’s vocabulary and language base through the experiences they have including caring for their māra, exploring the campus base, learning about local landmarks and visiting neighbouring centres. The vibrant, welcoming and spacious indoor and outdoor environments provide many opportunities for children to enjoy learning. Kaiako provide activities that engage children, challenge children’s capability, and extend their learning. Children are able to exercise their technology skills through the use of iPads. Children are supported and empowered to make their own decisions about their work and play. Children are confident and active participants in their work and play.

Planning and Evaluation

The learning programme is well planned and prepared. Planning, assessment and evaluation informs whānau of what children are doing and learning in their groups. Kaiako regularly meet and plan together. Building children’s capability and confidence in speaking te reo Māori with each other is well managed and monitored. Kaiako regularly reflect on their practices to make positive changes and contributions.

Leadership provides guidance and support for kaiako and are well respected kaiako. Systems for appraisal are in place and well evidenced. The kōhanga reo is well lead and supported by an experienced and passionate kaiwhakahaere employed by the University. The new kaiwhakahaere tuarua role enables the kōhanga reo to build leadership and sustainability to continue to provide quality care and education for children.

Whānau members are confident in the quality and care provided by the kōhanga reo. The new chairperson is settling into her role. Whānau members participate in marae noho and wānanga over the year to increase their knowledge and understanding of the kaupapa of kōhanga reo. Whānau hui are held monthly and ensure whānau are well informed of what is happening for their children in the kōhanga reo. The whānau is committed to continuing build their capability within the kōhanga reo.

Policies and procedures are all updated and accessible by whānau. Financial matters are well managed. Systems and processes are in place and support smooth operations for the kōhanga reo. Internal review of the strategic plan is ongoing and led by kaimahi. They recognise the need to further engage whānau input and understanding aligned to the kōhanga reo kaupapa, their roles and responsibilities.

Key Next Steps

Kaiako are committed to growing their capability and strategies that support children in their learning. Kaiako will need to continue to strengthen their understanding of Te Whāriki o Te Kōhanga Reo to enable children further access to the breadth and depth of te ao Māori. In addition, kaiako need to continue to access professional learning and development towards Tohu Whakapakari to further enhance learning experiences for children.

ERO and leaders have identified some areas for the whānau to improve. The whānau need to work alongside the Te Kōhanga Reo National Trust to further deepen their understanding of their roles and responsibilities towards the kaupapa of kōhanga reo. Guidance from the National Trust will also strengthen whānau participation and input into the strategic plan and align this to the kaupapa of kōhanga reo.

3 Whānau Management Assurance on Compliance Areas

During the evaluation, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

4 Recommendation

ERO and the Kōhanga Reo whānau developed the following recommendation:

• To continue to access guidance and support from Te Kōhanga Reo National Trust for sustainability.

When is ERO likely to evaluate the kōhanga reo again?

The next ERO evaluation of Te Kōhanga Reo o Hineteiwaiwa will be in three years.

Lynda Pura-Watson

Deputy Chief Review Officer Māori

14 May 2018

Information about the Kōhanga Reo