Te Kōhanga Reo o Kaikohe

1 Te Horopaki

E tū ana Te Kōhanga Reo o Kaikohe ki te tāone tonu o Kaikohe. Kotahi te kaiako, ā, kotahi hoki te kaiāwhina e whakangungu ana mō tana Tohu Whakapakari. He rangatahi tonu te whānau, ā, e hiahia ana rātou ki te noho mōhio ki ō rātou tūranga me ā rātou kawenga mahi.

2 Ngā Whakaaturanga o te Aromātai

He pēhea rawa ngā tamariki e whakaatu i te whanaungatanga?

E tupu haere ana ngā ngākau titikaha o ngā tamariki i a rātou e ako ana i te whai hononga ki ō rātou hoa, ki ngā pakeke hoki nō waho atu i ō rātou whānau ake.

Ngā Taumata Whakahirahira

E ako ana ngā tamariki ki te manaaki i a rātou anō, ā, i ō rātou hoa hoki. Kua whakaritea e ngā kaimahi ngā tino hononga tautoko ki ngā tamariki katoa. Ka poipoi rātou i te hononga ki waenga i te tuakana me te teina. Ka whakapuakihia e ngā tamariki tuākana tō rātou manaaki, tō rātou whai whakaaro nui hoki ki ngā pēpi i a rātou e noho tahi ana. E ākina ana tō rātou tiaki i a rātou anō. I a rātou e tupu haere ana, kei te pakari haere tō rātou tū takitahi, tō rātou tiaki i a rātou anō. Ka kitea ki ngā tamariki tō rātou whai whakaaro nui i a rātou e taunekeneke ana ki ō rātou hoa.

E ako ana ngā tamariki i te kaitiakitanga. Ka āta whakarite ngā kaimahi kia whai wāhi atu ngā tamariki ki ngā ariā o te kaitiakitanga mā ngā kōrero, ngā waiata, me ngā taonga māoriori e hāngai ana ki ngā atua Māori. Ka toro atu ki ngā karakia, ngā hīmene, me ngā waiata hei whakatairanga ake i te māramatanga o ngā tamariki ki ngā atua Māori. Ka whakarato ngā kaimahi i ngā taumahi ako e akiaki ana i ngā tamariki ki te ako i ō rātou tūranga me ā rātou kawenga hei kaitiaki. E whanake ana te whai mōhiotanga o ngā tamariki ki ngā hononga ā-wairua, ā-ahurea hoki.

E hāpaitia ana te ako a ngā tamariki i te reo Māori. Ka whakamahi ngā kaimahi i te whānuitanga o ngā tūmomo taumahi māmā e whakatairanga ake ana i te whakawhanaketanga reo o ngā tamariki. Ko ētahi o aua taumahi, ko ngā karakia, ngā waiata, te patapatai, te whāngai kupu, ngā tohutohu, me te whakapuaki hoki i ngā kupu Māori e hāpai ai i te māramatanga o ngā tamariki. Ka whakamahi hoki i te reo rotarota kia āhei ai ngā tamariki ki te whakahonohono i ngā tohu ā-ringa ki ngā kupu Māori. Kei te tūmāia ake ētahi o ngā tamariki tuākana ki te whakapuaki i ō rātou whakaaro mā ngā rerenga kōrero poto. E whanake ana ngā tamariki kia puāwai ai tō rātou reo Māori.

Ngā Whakaritenga Matua ka Whai Ake

Kua tae ki te wā kia āta whakaarohia e ngā kaimahi me pēhea te āta whakapuaki rawa i te ako a ngā tamariki. I tēnei wā, kei te putua ngā rauemi ki ngā kāpata. He pakeke rawa mā ngā tamariki ki te whiriwhiri haere me te kōkiri i ā rātou ake akoranga, ina tē taea te āta toro atu ki ngā rauemi. He mea nui kia arotake haere ngā kaimahi i te hōtaka, mā te aro nui hoki ki te āhua o ngā mahi ki te āta whakamahi i ngā rauemi ako, hei tino painga mō ngā akoranga a ngā tamariki.

Te Whakamahere me te Aromātai

E whakahaere ana te whānau i te kōhanga reo hei tino painga mō ā rātou tamariki. He pai te taetae atu ki ngā hui ā-whānau katoa. E āta whakamōhiotia ana te whānau ki ngā whakawhanaketanga o te kōhanga reo mā ngā pānui. He mātātoa te whai wāhi atu a ngā mema o te whānau ki te whakahaeretanga o te kōhanga reo me te tari. Kei ngā kaimahi ngā tukanga ki te whakamahere i te hōtaka. He māhorahora te whakapuaki mai i aua tūāhuatanga ki te taha o te whānau. Kei ngā hui a ngā kaimahi ngā whakaaro huritao papai mō te hōtaka akoranga a ngā tamariki. Ka tuhia ngā aromātai e pā ana ki te hōtaka. Ko ngā tamariki kei te pūtake o ngā mahi whakahaere me ngā mahi whakarite a te whānau.

Ngā Whakaritenga Matua ka Whai Ake

Me āta titiro ki te aromātai o roto. Kua tae ki te wā kia whai whakaaro te whānau ki ngā tukanga e arotake ai i te katoa o ngā kaupapa here me ngā tukanga. Kei te rawaka ngā kaupapa here o tēnei wā, heoi, me whakahou ake tonu kia hāngai ake ai ēnei ki ngā herenga ā-ture o te wā. Kāhore anō te whānau kia whakatakoto i tētahi mahere rautaki. He pakeke ki te tātari me pēhea te kōhanga reo e aroturukitia ai hei āta whakatau i te whakaritenga me te whakatutukitanga o ngā kaupapa matua a te whānau mō meāke nei.

Kāhore te ako me te ahu whakamua a ngā tamariki e āta aroturukitia ana. E mōhio ana ngā kaimahi, e tika ana kia whakapakarihia ake te aromatawai. I tēnei wā ka kohikohia ngā whakaahua, me te iti noa o ngā kitenga. Kāhore te whānau e āta whakamōhiotia ana mō te āhua o te ahu whakamua a ā rātou tamariki.

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

I whakaae ngātahitia e Te Tari Arotake Mātauranga me te whānau, kia whakatutukihia e rātou tēnei o ngā herenga ā-ture, arā, me tahuri ki te:

• whakarite i tētahi tukanga arotake whaiaro ka haere tonu i ia te wā, hei hāpai i te kōhanga reo ki te whakapūmau me te whakapai ake i te kounga o ngā whakaritenga mā ngā tamariki.
  [R47 Ture Mātauranga (Kōhungahunga) 2008; GMA6 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]

4 Ngā Taunakitanga

I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:

• hāpai tonu te Poari Matua o Ngā Kōhanga Reo i te kōhanga reo ki te whakatutuki i ngā taunakitanga e whai ake nei
• whakaritea tētahi tukanga mō te aromātai o roto
• arotakengia ngā kaupapa here me ngā tukanga e pā ana ki te hauora me te haumaru
• whakaritea tētahi mahere rautaki
• whakapakarihia ngā mahi aromatawai.

5 Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Kaikohe i roto i te toru o ngā tau.

Gloria Takuira

Toka ā-nuku Whakakapi

04 Whiringa ā-rangi, 2019

Ngā kōrero e pā ana ki te kōhanga reo

1 Context

Te Kōhanga Reo o Kaikohe is in the Kaikohe town centre. There is one kaiako and a kaiawhina that is currently training for her Tohu Whakapakari. The young whānau are keen to know their roles and responsibilities.

2 The Evaluation Findings

How well do children express whanaungatanga?

Children are growing in confidence as they learn about relationships with their peers and adults outside of their own immediate whānau.

Ngā Taumata Whakahirahira

Children learn about caring for themselves and their peers. Kaimahi have established meaningful and supportive bonds with all children. They foster tuākana and teina relationships. The older children show care and consideration for the babies when they around them. They are encouraged to manage aspects of self-care themselves. They are becoming increasingly independent and self-reliant as they get older. Children show they are considerate and thoughtful when interacting with their peers.

Children are learning about kaitiakitanga. Kaimahi ensure that the children are introduced to the concepts of kaitiaki through stories, waiata and natural resources that are related to ngā atua Māori. Karakia, himene and waiata are used to enhance children’s understanding of ngā atua Māori. Kaimahi provide learning activities that encourage children to learn about their roles and responsibilities as kaitiaki. Children are developing an awareness of spiritual and cultural connections.

Children are supported to learn te reo Māori. Kaimahi use a range of simple activities to enhance children’s language development. These include karakia, waiata, questions, prompts, instructions and provide kupu Māori to support children’s understanding. The use of sign-language is also used where children can make associations between hand signs and kupu Māori. Some of the older children are more confident to express themselves in short sentences. Children are developing as early speakers of te reo Māori.

Key Next Steps

It is time for kaimahi to think about how children’s learning can be maximised. Currently resources are stored away in cupboards. It is difficult for children to make choices and initiate their own learning when access to resources are restricted. It is important for kaimahi to carry out a review on the programme with an emphasis on the use of learning resources and how these can best benefit children’s learning.

Planning and Evaluation

Whānau manage the kōhanga reo in the best interest of their children. There is good attendance at all whānau hui. Whānau are well informed about kōhanga reo developments through pānui. Whānau members actively participate in the management and administration of kōhanga reo operations. Kaimahi have in place processes for programme planning. This is shared openly with whānau. Kaimahi hui provide good reflections about the learning program for children. Programme evaluation is documented. Children are at the centre of whānau management and operations.

Key Next Steps

Internal evaluation requires attention. It is time for whānau to consider processes to review all policies and procedures. The current policies are adequate but are required to be updated to align with current regulations and legislation. The whānau have not yet established a strategic plan. It is difficult to gauge how the future of the kōhanga reo will be monitored to ensure future priorities by the whānau will be organised and achieved.

Children’s learning and progress is not well monitored. Kaimahi recognise the need to strengthen assessment. Currently photos are collected with limited observations. Whānau are not well informed of their children’s progress.

3 Whānau Management Assurance on Compliance Areas

During the evaluation, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

ERO and whānau agree that the following area of non-compliance be attended to;

• establish an ongoing process of internal evaluation to help maintain and improve the quality of practice for children.
  [Regulation 47 (Early Childhood Services) Regulations 2008; GMA6 Licensing Criteria for Kōhanga Reo affiliated with Te Kōhanga Reo National Trust 2008]

4 Recommendations

ERO and the Kōhanga Reo whānau developed the following recommendations:

• TKRNT will continue to support the kōhanga reo to meeting the following recommendations

• establish a process of internal evaluation

• review health and safety policies and procedures

• establish a strategic plan

• strengthen assessment practice.

5 When is ERO likely to evaluate the kōhanga reo again?

The next ERO evaluation of Te Kōhanga Reo o Kaikohe will be in three years.

Gloria Takuira

Acting Toka ā-nuku

Te Uepū-ā-Motu - Māori Review Services

4 November 2019

Information about the Kōhanga Reo

Te Aromātai

E tū ana Te Kōhanga Reo o Kaikohe ki te tāone o Kaikohe. Ka kitea ki te nuinga o ngā tamariki tō rātou māramatanga ki te reo Māori. He pai te whakamahi, te kōrero hoki a ngā tamariki tuākana i te reo Māori. Ka tū pakari ngā tamariki ki te taiao reo Māori. Ka whai hua ngā mahi a te whānau ki te whakahaere i te kōhanga reo.

Ka arotake anō Te Tari Arotake Mātauranga i Te Kōhanga Reo o Kaikohe i roto i te toru o ngā tau.

1 Te Horopaki

E tū ana Te Kōhanga Reo o Kaikohe ki te tāone o Kaikohe. He wāteatea te kōhanga reo - o roto, o waho hoki. He hou te nuinga o te whānau ki te kaupapa o te kōhanga reo, ā, e tino tautokona ana rātou. He tākare rātou ki te ako i ō rātou tūranga me ā rātou kawenga mahi. E mōhio ana te whānau, e tika ana kia whakatairanga ake rātou i te tū o te kōhanga reo i roto i te hapori whānui.

I tāutu te pūrongo o mua a Te Tari Arotake Mātauranga i te maha o ngā whanaketanga papai, tae atu ki te reo Māori me te hōtaka a ngā tamariki. Ko te whakamahere rautaki, te arotake whaiaro, te hauora, te haumaru me te ārahi a ngā kaimahi ētahi atu o ngā wāhanga pakari.

2 Ngā Whakaaturanga o te Arotake

He pēhea te mārama o ngā tamariki i te reo Māori, he pēhea hoki tā rātou kōrero i te reo Māori?

Ka kitea te māramatanga o te nuinga o ngā tamariki ki te reo Māori. He pai te whakamahi, te kōrero hoki a ngā tamariki tuākana i te reo Māori.

Mana Reo

Ka rumakina ngā tamariki ki te hōhonutanga o te reo Māori. He mātanga ngā kaiako ki te mita me ngā tikanga o te hapori nei. Ka kōrero rātou ki ngā tamariki, ka patapatai hoki hei akiaki i ngā whakautu kōrero mā te reo Māori. Ka whakarato ngā kaiako i ngā taumahi reo me ngā rauemi ka kapo atu i ngā ngākau nuitanga o ngā tamariki. He pārekareka ki ngā tamariki ngā waiata, ngā waiata ā-ringa, ngā kēmu, me te kori tinana, ā, he hihiri, ka whai pūtake hoki aua kaupapa ki a rātou. Ka tāwhai ngā pēpi i te reo ka rangona e rātou. Ka tūmāia ngā tamariki ki tētahi taiao reo Māori.

E whakawhanake ana ngā tamariki i te reo mā te reo matatini. Pānui pukapuka ai ngā kaiako ki ngā tamariki i ia rā. He pārekareka ki ngā tamariki te pānui, te tirotiro hoki ki ngā pukapuka. Ka whai wāhi atu ki ngā pakiwaitara, mā te matapae i ngā āhuatanga ka whai ake, mā te patapatai, ā, mā te pānui ngātahi me te kaiako. He whai wāhitanga mō ngā tamariki ki te hoki atu ki ngā kōrero e pā ana ki ō rātou tūpuna, ngā tohu pou whenua, me ngā kaupapa matua. Ka whakamahi ngā tamariki i ngā pukapuka me te reo hei waihanga i ā rātou ake kōrerorero.

Ka ako ngā tamariki i te reo Māori ki taha o tō rātou whānau. Ka whai wāhi atu rātou ki ngā mahinga reo i āta whakaritea ai, ā, i konei ka whakamātauhia ngā momo rerenga kōrero me te reo hou. He māoriori te whakapuaki mai o te reo whakahoahoa puta noa i te rā. Kua whakawhanakehia e te whānau tētahi tino hōtaka ako reo. Ka whakaongaongatia ngā tamariki me te whānau kia ako i te reo Māori.

Te Whakamahere me te Aromātai

Ka wheako ngā tamariki i ngā hōtaka akoranga i āta whakamaheretia ai, ā, e hono ana ki Te Whāriki o Te Kōhanga Reo. He whānui te mōhiotanga o ngā kaiako ki te ako a ngā tamariki. Ka whakamahi rātou i ngā mōhiohio e pā ana ki ngā ngākau nuitanga me ngā matea o ngā tamariki hei whakamōhio i ngā mahere, ā, kia hāngai ai te aronga ki te ako i te reo Māori.

He pai ngā mahi a te whānau ki te whakahaere i te kōhanga reo. He mārama ngā tukanga e pā ana ki te whakahaeretanga o ngā wāhanga katoa o te kōhanga reo, tae atu ki ngā pūtea, te whakahaere tari, ngā kaimahi, te hauora, me te haumaru. Ka tāutuhia ngā kaupapa matua, ā, ka whakaritea ngā mahi ki te whakatutuki i aua āhuatanga. He pai te whakamahinga o te arotake whaiaro hei whakamōhio i ngā whakataunga e hāngai pū ai ki ngā tamariki.

Ngā Whakaritenga Matua ka Whai Ake

E mōhio ana ngā kaiako, e tika ana kia whakapakari ake rātou i te aromatawai me te aromātai hōtaka. He hou te rōpū kaiako. Kāhore anō rātou kia whakarite i ā rātou tukanga e pā ana ki te aromātai hōtaka me te aromatawai.

3 Te Whakataunga a te Kōhanga Reo ki ngā Wāhanga Tautukunga

I te wā o te arotake, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

I tāutuhia e Te Tari Arotake Mātauranga te wāhanga e whai ake nei, kāhore e tutuki ana e ai ki te ture:

• me whakarite i ngā rehita mō te mātakitaki i ngā tamariki e moe ana, me te arowhai hoki i ngā āhuatanga mōrearea. [R 46 Ture Mātauranga (Kōhungahunga) 2008; Paearu Raihana HS9, HS12]

4 Te Taunakitanga

E taunaki ana Te Tari Arotake Mātauranga me te whānau kia whakapakari ake ngā kaiako me te whānau i te aromatawai me te aromātai hōtaka.

Te Whakarāpopototanga

E tū ana Te Kōhanga Reo o Kaikohe ki te tāone o Kaikohe. Ka kitea ki te nuinga o ngā tamariki tō rātou māramatanga ki te reo Māori. He pai te whakamahi, te kōrero hoki a ngā tamariki tuākana i te reo Māori. Ka tū pakari ngā tamariki ki te taiao reo Māori. Ka whai hua ngā mahi a te whānau ki te whakahaere i te kōhanga reo.

5 Hei ā hea Te Tari Arotake Mātauranga arotake anō ai i te kōhanga reo?

Ka arotake anō Te Tari Arotake Mātauranga i Te Kōhanga Reo o Kaikohe i roto i te toru o ngā tau.

Lynda Pura-Watson

Kaiurungi Whakaturuki Arotake Māori

11 Mahuru, 2015

Ngā kōrero e pā ana ki te kōhanga reo

Evaluation

Te Kōhanga Reo o Kaikohe is in Kaikohe town centre. Most children show that they understand te reo Māori. Older children use and speak te reo Māori well. Children are confident in a Māori speaking environment. Whānau manage the kōhanga reo effectively.

The next ERO review of Te Kōhanga Reo o Kaikohe will be in three years.

1 Context

Te Kōhanga Reo o Kaikohe is in the Kaikohe town centre. The premises are spacious both inside and outdoors. Most whānau are new to the kaupapa of kōhanga reo and are well supported. They are keen to learn their roles and responsibilities. Whānau recognise the need to raise the profile of kōhanga reo in the wider community.

The previous ERO report identified a number of positive developments including te reo Māori, the children’s programme. Strategic planning, self review, health and safety and kaimahi leadership were other areas of strength.

2 The Review Findings

How well do children understand and speak te reo Māori?

Most children show that they understand te reo Māori. Older children use and speak te reo Māori well.

Mana Reo

Children are immersed in a rich te reo Māori environment. Kaiako have expert knowledge of the local mita and tikanga. They talk to children and ask questions to encourage responses in te reo Māori. Kaiako provide language activities and resources that capture children’s interests. Children enjoy waiata, waiata-ā- ringa, games and kori tinana which are interesting and meaningful to them. Babies mimic the language they hear. Children are confident in a Māori speaking environment.

Children are developing language through literacy. Kaiako routinely read stories to children each day. Children enjoy being read to and looking through books. They share in storytelling by predicting events, asking questions and reading along with kaiako. Children have opportunities to revisit stories of their ancestors, landmarks and significant events. Children use books and language to create their own stories.

Children learn te reo Māori with their whānau. They participate in well established language routines where sentence structures and new language is practiced. Social language is used naturally throughout the day. Whānau have developed a specific language learning programme. Children and whānau are stimulated to learn te reo Māori.

Planning and Evaluation

Children experience well planned learning programmes that link to Te Whāriki o Te Kōhanga Reo. Kaiako have extensive knowledge about children’s learning. They use information about children’s interests and needs to inform planning and focus on te reo Māori learning.

Whānau manage the kōhanga reo effectively. There are clear processes for managing all areas of the kōhanga reo, including finances, administration, personnel and health and safety. Priorities are identified and plans to achieve these are in place. Self review is used well to inform decision making that is focussed on children.

Key Next Steps

Kaiako acknowledge they need to strengthen assessment and programme evaluation. The kaiako team is new. They have yet to establish their processes for programme evaluation and assessment.

3 Whānau Management Assurance on Compliance Areas

During the review, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

ERO identified the following areas of non-compliance:

• ensure registers are established for monitoring sleeping children and hazards checks. [R46 Education (ECS) Regulations 2008, Licensing Criteria HS9, HS12]

4 Recommendation

ERO and the whānau recommend that kaiako and whānau strengthen assessment and programme evaluation.

Conclusion

Te Kōhanga Reo o Kaikohe is in Kaikohe town centre. Most children show that they understand te reo Māori. Older children use and speak te reo Māori well. Children are confident in a Māori speaking environment. Whānau manage the kōhanga reo effectively.

5 When is ERO likely to review the kōhanga reo again?

The next ERO review of Te Kōhanga Reo o Kaikohe will be in three years.

Lynda Pura-Watson

Deputy Chief Review Officer Māori

11 September 2015

Information about the Kōhanga Reo