Te Kōhanga Reo o Koutu - 24/01/2019

• On this page:

• 1 He Whakamārama
• 2 Te Horopaki
• 3 Ngā Whakaaturanga
• 4 Te Taunakitanga
• Ngā kōrero e pā ana ki te kōhanga reo
• 1 Background
• 2 Context
• 3 Findings
• 4 Recommendation
• Information about the Kōhanga Reo

He Kupu Whakataki

Ka whakahaeretia tētahi aromātai tāpiri i runga o te whakataunga ā te Toihau Arotake i Te Tari Arotake Mātauranga.

E aromātai ana Te Tari Arotake Mātauranga i te whānuitanga me te whai hua o ngā mahi ā te kōhanga reo ki te whakatutuki i ngā take i whakatakotohia ai i roto i te pūrongo aromātai mātauranga o mua atu i tēnei, me ētahi atu wāhanga rānei i tāutuhia ai whai muri o taua aromātai.

Ngā Whakataunga mō ngā Whakapuakitanga

Ko tēnei aromātai tāpiri i whakaritea i runga i te aromātai o te whakatutukitanga a te whānau i te whakahaeretanga o te kōhanga reo, ki ngā wāhanga i tāutuhia ai e te pūrongo a Te Tari Arotake Mātauranga, i mua atu, me ngā take rānei kua tāutuhia whai muri o taua aromātai. Ko ngā whakataunga mō ngā whakapuakitanga e pā ana ki tēnei aromātai, ko te titiro ki:

• te whakamahere me te aromātai – tae atu ki te waiora ā-tinana, ā-whatumanawa hoki o ngā tamariki, te whakahaere i ngā kaimahi me ngā pūtea, te arotake o roto me te whakamahere rautaki, te whakamahere ā-tau hoki
• ngā wāhanga kāhore e tutuki ana e ai ki te ture – tae atu ki te whakatutukitanga o ngā kaupapa here me ngā tukanga o te hauora me te haumaru i ngā herenga ā-ture me ngā paearu o te wā
• ētahi atu take i tāutuhia ai whai muri i te arotake o mua.

2 Te Horopaki

E tū ana Te Kōhanga Reo o Koutu ki te marae o Koutu, ki Rotorua. I tāutuhia ki te pūrongo a Te Tari Arotake Mātauranga i te tau 2018, ko ngā āhuatanga o ngā mahi whakahaere a te whānau e āwangawangatia ana. Kua whakatū ētahi kaiako hou, ā, kua whakaratohia hoki te ako ngaio me te whakawhanaketanga ngaio hei whakatutuki i ngā whakaritenga whakahaere tamariki i roto i ngā akoranga. He pai kē atu te tūnga o te whānau ki te whakapai ake i te kounga o ngā putanga ako o ngā tamariki.

3 Ngā Whakaaturanga

Te Whakamahere me te Aromātai

E poipoia ana, e tino hāpaitia ana hoki ngā tamariki ki te kōhanga reo. Ka poipoi ngā kaimahi i te whakawhanaungatanga ki te taha o ngā tamariki me ngā pakeke. He pakari te hononga ki waenga i ngā tuākana me ngā tēina. Kei te harikoa ngā tamariki ki te ako, ā, ka ngahau rātou i roto i ā rātou akoranga. Ka akiaki ngā kaimahi i ngā tamariki ki te whakaaro huritao ki ā rātou akoranga mā te hokihoki ki ngā kaupapa ako e whakaatuhia ana ki ngā pakitara. Kei te harikoa, kei te māia hoki te āhua o ngā pēpi. Kei te mauritau ngā tamariki i roto i ā rātou akoranga.

He hua tā ngā whakapaitanga ki ngā whakaritenga a ngā kaimahi. E hiki ana aua whakapaitanga i te poipoitanga o te taiao ako me te whai huatanga o ngā taunekeneke mō ngā akoranga. Kua whakaratohia te ako ngaio me ngā whakawhanaketanga ngaio i whakahāngaitia ai, ā, i arotahi hoki ki te whakapai ake i ngā whakaritenga e pā ana ki te whakahaere tamariki. Ka tautāwhitia ngā tamariki ki ngā awhi me ngā kupu whakamihi. Ka hāngai pū te titiro a ngā kaimahi ki ngā akoranga a ngā tamariki mā Te Whāriki. Kei te harikoa, kei te māia te āhua o te tamaiti, ā, e whakaongaongatia ana i roto i āna akoranga.

E aro atu ana, e whai whakaaro nui ana ngā mahere hōtaka ki ngā matea o ia tamaiti. Hui ai ngā kaimahi i ia te wā ki te whakawhiti kōrero mō te ahu whakamua a ngā tamariki. Kua āta whakatakotohia ngā whakaritenga e pā ana ki te aromātai hōtaka. Ko ngā mahi e aromatawai ana i ngā tamariki, e tohu tonu ana hoki i ngā hononga ki tā Te Whāriki. He pai te whakamōhio i te whānau mō te ahu whakamua a ngā tamariki, mā ngā huarahi maha e whai hua ana.

Kei te tutuki i te whānau te nuinga o ngā take i tāutuhia i te pūrongo o mua a Te Tari Arotake Mātauranga i te tau 2018 mō te whakahaeretanga o te kōhanga reo. Kua whakahoungia e te whānau te nuinga o ngā kaupapa here me ngā tukanga e pā ana ki te hauora me te haumaru, kia hāngai ai ki ngā herenga ā-ture o te wā. Kua pai ake te taumata o ngā whakaritenga e pā ana ki te hauora me te haumaru, tae atu hoki ki te arowhai me te pūrongo i ia te wā i ngā āhuatanga mōrearea.

Ko te whakapaitanga ake o te pūrongo me te aroturuki e whai wāhi atu ana ki te whai huatanga ake o ngā mōhiohio e whakatakotohia ana ki ngā hui ā-whānau o ia marama. Kua toro atu te whānau ki te tautoko me te ārahitanga o waho, ki te whakawhanake i tā rātou mahere rautaki. Kua whakatakotohia tētahi mahere ā-tau hei ārahi i te whānau ki te whakatinana haere i ngā kaupapa rautaki matua. Kua ū te tirohanga ki te whakapai ake i te whakahaeretanga o ngā kaimahi me ngā pūtea. E whakamahia ana ngā arohaehae a ngā kaimahi hei aroturuki i te whakaritenga ngaio, te āhua mahi, me te tupu ngaio.

Ngā Whakaritenga Matua ka whai ake

Kei te whakatōpū tonu te whānau me ngā kaimahi i ngā āhuatanga o te aromātai o roto. Kua toro atu te whakahaeretanga o te whānau me ngā kaimahi ki te tautoko o waho, hei whakatōpū i tā rātou mahere rautaki. Ko ngā whakaritenga ka whai ake, ko te aromātai o roto mā ā rātou whāinga me ā rātou mahi. Ka whai hua ngā tamariki i te wā e āta whakatinanahia ana ngā whakataunga ki ngā mōhiohio.

4 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

• whakapakari tonu, kia whakatōpū tonu te whānau i ā rātou whakaritenga e pā ana ki te aromātai o roto.

Hei ā hea Te Tari Arotake Mātauranga arotake anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Koutu i roto i te toru o ngā tau.

Charles Rolleston Toka ā-nuku

24 Kohitātea, 2019

Ngā kōrero e pā ana ki te kōhanga reo

1 Background

Introduction

A supplementary evaluation is undertaken at the discretion of the Chief Review Officer of the Education Review Office (ERO).

ERO evaluates the extent and effectiveness of actions a kōhanga reo has taken towards addressing issues specified in its previous ERO evaluation and/or any additional areas identified since that evaluation.

Terms of Reference

This supplementary evaluation is based on an evaluation of the performance of the kōhanga reo governing body and management in relation to areas identified in the previous ERO report or issues identified since that evaluation. The terms of reference for this evaluation are to investigate:

• planning and evaluation – including the physical and emotional well-being of children, personnel and financial management, internal review and strategic and annual planning
• areas of non-compliance including health and safety policies and procedures complying with current regulations and criteria
• any other issues identified during the course of the review.

2 Context

Te Kōhanga Reo o Koutu is based at Koutu Marae in Rotorua. The 2018 ERO report identified areas of concern with whānau management. New kaiako have been appointed, and professional learning and development has been provided to address child management practice for learning. The whānau is better placed to improve the quality of learning outcomes for children.

3 Findings

Planning and Evaluation

Children are nurtured and well supported in the kōhanga reo. Kaimahi foster positive relationships with children and adults. Tuākana-tēina relationships are strong. Children are happy learners and have fun in their learning. Kaimahi encourage children to reflect on their learning by revisiting past kaupapa ako displayed on the walls. Pēpi appear happy and confident. Children are settled in their learning.

Improvements in kaimahi practice are positive. These improvements are contributing to a nurturing learning environment, and positive interactions for learning. Targeted professional learning and development has been provided and focused on improving child management practices. Children receive affirmation through hugs and praise. Kaimahi maintain a strong focus on children’s learning through Te Whāriki. Individual children appear happy, confident and stimulated in their learning.

Programme planning is responsive and considers the needs of individual children. Kaimahi meet regularly to discuss the progress of children. Programme evaluation practice is well established. Children’s assessment continues to show links to Te Whāriki. The whānau are well informed about children’s progress in a number of effective ways.

Most kōhanga reo management matters raised in the previous ERO report in 2018 are being addressed by the whānau. The whānau have updated and renewed most health and safety policies and procedures to align to the current regulations. Health and safety practice standards have improved, including regular hazard checks and reporting.

Improved reporting and monitoring contributes to better information provided at monthly whānau hui. The whānau have accessed external support and guidance to develop their strategic plan. An annual plan is in place to guide whānau in the implementation of strategic priorities. There has been a sustained focus on improving personnel and financial management. Appraisals of kaimahi are now used to monitor professional practice, performance and growth.

Key Next Steps

The whānau and kaimahi continue to consolidate aspects of internal evaluation. Whānau management and kaimahi have engaged in external support to consolidate their strategic plan. Their next steps are to undertake internal evaluation against their goals and actions. Children benefit when whānau decision making is well informed.

4 Recommendation

ERO and the kōhanga reo whānau developed the following recommendation:

• the whānau continue to strengthen and consolidate their internal evaluation practices.

When is ERO likely to evaluate the kōhanga reo again?

The next ERO evaluation of Te Kōhanga Reo o Koutu will be in three years.

Charles Rolleston Toka ā-nuku

24 January 2019

Information about the Kōhanga Reo