Te Kōhanga Reo o Manu Kōrero - 07/12/2020

Te Pūtake

Hei wāhanga tonu o āna mahi, ko Te Tari Arotake Mātauranga te tari kāwanatanga ka aromātai i ngā kōhanga reo puta noa i Aotearoa. He pārongo kōrero ki ngā pūrongo a Te Tari Arotake Mātauranga mā te whānau, mā ngā hapū, mā ngā iwi, me ngā hapori.

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, me ngā hapori ki te whakatakoto i ngā tirohanga aromātai e whai wāhi nui ai ki te hāpai i ngā whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai.

2 Te Horopaki

E tū ana Te Kōhanga Reo o Manu Kōrero ki te marae o Maungārongo i Ōhākune, ki te pūtake o te maunga o Ruapehu. He pakari tonu ngā hononga ki te papakāinga. Kua hāpai te tari ā-rohe o te Poari Matua o Ngā Kōhanga Reo me te purapura i te kōhanga reo, ki te whakatutuki i ngā take i whakatakotohia ai ki te pūrongo o mua.

3 Te Aronga o te Aromātai

He pēhea rawa te riro i ngā mokopuna ngā whai wāhitanga papai me ngā tūāhuatanga papai e aro nui ana ki ō rātou matea?

He kakama te āhua o ngā mokopuna, ā, ka riro i a rātou ngā whai wāhitanga papai ki te ako.

4 Ngā Whakaaturanga

Kei te whanake ngā mokopuna ki te kōrero i te reo Māori. Ka whakamahi ngā kaimahi i ngā rautaki e hāpai ana i te whakawhanaketanga o te reo Māori o ngā mokopuna. He mātātoa te whai wāhi atu a ngā mokopuna ki ngā pōhiri, hei poipoi i tō rātou māramatanga ki te whakahirahiratanga o ngā kawa me ngā tikanga. Kua whakapuakihia e te whānau me ngā kaimahi tētahi taiao ako e whakatairanga ana i te manaaki, i te aroha, me te tiaki. E whai pānga nui ana ngā matea ake o ia pēpi ki te āhua tonu o te tautāwhi a ngā kaimahi, i a rātou ngā pēpi e ako ana, e tupu ana. Ka kitea ki ngā tuākana ō rātou pūmanawa ki te ārahi me te poipoi i a rātou e taunekeneke ana ki ngā tēina. Kei te harikoa, kei te mauritau hoki ngā mokopuna ki te kōhanga reo.

E whakahaere ana te whānau i te kōhanga reo hei tino painga mō ā rātou mokopuna. He huringa taiāwhiotanga tonu kia arotakengia ai ngā kaupapa here i ia te wā. Pūrongo atu ai ki te whānau i ia marama, ki ngā hui ā-whānau. E hāpai tonu ana te purapura i te whai māramatanga o te whānau ki te aromātai o roto. E ārahi ana Te Ara Tūāpae i ngā mahere rautaki a te whānau. E arotahi ana ngā whāinga me ngā tūmanako ki te whakapakari, ki te whakamana, ki te poipoi, ā, ki te whakamāoriori hoki i te kaupapa o te kōhanga reo. E whakatakoto ana ngā mahere hōtaka i ngā aratohu mārama mā ngā kaimahi, ā, ka hāpai i tā rātou whakapuakitanga o te hōtaka akoranga mā ngā mokopuna. Ka whakamahi ngā kaimahi i te mātai tamaiti, hei kapo atu, hei aroturuki hoki i te ako me te ahu whakamua a ngā tamariki. Kua whakatutukihia ngā mahi e arohaehae ana i ngā kaimahi, ā, ka noho pūmau te aronga i ia te wā ki te whakawhanaketanga ngaio. E whai wāhi atu ana ngā wānanga o te purapura ki te noho mārama o ngā kaimahi ki ō rātou tūranga me ā rātou kawenga mahi i te kōhanga reo. Kua tutuki ngā mahi arowhai a ngā pirihimana, ki tā te Children’s Act 2014. Ko ngā mokopuna kei te pūtake o ngā mahi whakahaere me ngā whakaritenga a te whānau.

Ngā Whakaritenga Matua ka whai ake

Kāhore anō kia whakatakotohia te aromātai hōtaka. Ka whakatūngia e ngā kaimahi ngā hui i ia te wā, kia kōrerohia te hōtaka akoranga. Ko ngā whakaritenga hei whai ake, ko te whakaaro huritao ki ngā āhuatanga i whai hua ai, ki ērā hoki kīhai i whai hua ai, ā, ki ngā whakaritenga tonu ka whai ake ki te whakatairanga tonu i te kounga o te hōtaka. Tē taea te whakatau ki ngā mokopuna, te whakatutukitanga o ō rātou matea ako mā te kounga o te hōtaka.

5 Te Whakatau ki ngā Wāhanga Tautukunga

Ngā mahi kia tutuki ngā herenga ā-ture

I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei:

  • te haumaru ā-whatumanawa, tae atu ki te ārahi mauritau me te ārai tamariki
  • te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho
  • te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti
  • ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.

6 Te Taunakitanga

I whakawhanakehia e Te Tari Arotake Mātauranga me Te Kōhanga Reo o Manu Kōrero te taunakitanga e whai ake nei:

  • kia mahi tonu te kōhanga reo ki te taha o te tari ā-rohe o te Poari Matua o Ngā Kōhanga Reo me te purapura, hei hāpai i a rātou mahi ki te aromātai i te hōtaka ako.

Darcy Te Hau

Toka ā Nuku

Te Uepū ā Motu - Māori Review Services

07 Hakihea, 2020

Ngā kōrero e pā ana ki te kōhanga reo

Te tūwāhi

Kei Ōhākune

Te tau a te Tāhuhu o te Mātauranga

52750

Te tau tohu o Te Kōhanga Reo

071004

Te tūmomo whare

He kōhanga reo

Te raihana

Ngā Ture Mātauranga (Ratonga Kōhungahunga) 2008

Te tokomaha mō te raihana

40, kia 15 ki raro i te rua o ngā tau

Te tokomaha kei runga i te rārangi ingoa

17, tokoono kei raro i te rua o ngā tau

Te ira tangata

Kōtiro 9

Tama 8

Ngā hononga ā-iwi

Māori

100%

Te wā i te kōhanga reo te rōpū arotake

Whiringa-ā-nuku 2020

Te wā o tēnei pūrongo

07 Hakihea, 2020

Ngā pūrongo o mua a Te Tari Arotake Mātauranga

Arotake Mātauranga Haratua 2019

Arotake Mātauranga Haratua 2016

Arotake Mātauranga Pipiri 2013

Purpose

The Education Review Office (ERO) is the government department that, as part of its work, evaluates kōhanga reo throughout Aotearoa. ERO’s reports provide information for whānau, hapū, iwi and communities.

1 Introduction

The Education Review Office, whānau, leaders and communities to provide evaluation insights that foster improvement, identify progress and build evaluation capability.

2 Context

Te Kōhanga Reo o Manu Kōrero is situated at Maungārongo Marae in Ōhākune, beneath Mount Ruapehu. Strong relationships remain with the papakāinga. Te Kōhanga Reo Regional Office and local Purapura have supported the kōhanga reo with addressing issues raised in the previous report.

3 Evaluation Focus

To what extent do mokopuna experience positive learning opportunities and conditions that responds to their needs?

Mokopuna appear active and experience positive opportunities to learn.

4 Findings

Mokopuna are developing as speakers of te reo Maori. Kaimahi use strategies to support mokopuna te reo Maori development. Mokopuna actively participate in pohiri to foster understanding of the importance of protocols and tikanga. The whānau and kaimahi have created a learning environment that promotes manaaki, aroha and tiaki. The individual needs of babies influence the way kaimahi support them as they learn and grow. Tuakana display leadership and nurturing qualities as they interact with tēina. Mokopuna are happy and settled at kōhanga reo.

Whānau manage the kōhanga reo in the best interest of their mokopuna. There is an ongoing cycle of policy review. Reporting to whānau occurs at monthly whānau hui. Purapura continue to contribute to building whānau understanding of internal evaluation. Te Ara Tūāpae guides strategic planning for the whānau. Goals and aspirations focus on strengthening, empowering, nurturing and normalising the kaupapa o te kōhanga reo. Programme planning provides clear guidelines for kaimahi to implement the learning programme for mokopuna. Kaimahi use mātai tamaiti to capture and monitor children’s learning and progress. Kaimahi appraisals are complete with an ongoing focus on professional development. Purapura wananga contributes to kaimahi understanding their roles and responsibilities in the kōhanga reo. Police vetting is completed in accordance with Children’s Act 2014. Mokopuna are at the centre of whānau management and operations.

Key Next Steps

Programme evaluation is developing. Kaimahi hold regular hui to discuss the learning programme. The next steps are to reflect on what the successes were, what didn’t work and what needs to happen to improve the quality of the programme. Mokopuna cannot be assured that the quality of programme will meet their learning needs.

5 Assurance on Legal Requirement

Actions for Compliance

During the evaluation, ERO looked at systems for managing the following areas:

  • emotional safety including positive guidance and child protection

  • physical safety including supervision, sleep procedures, accidents, medication, excursion policy and procedures

  • suitable staffing including appropriate qualifications, police vetting, ratios

  • emergency procedures and practices for earthquakes, fire, flood, tsunami and pandemic.

6 Recommendation

ERO and Te Kōhanga Reo o Manu Korero developed the following recommendation:

  • kōhanga reo to continue to work alongside Te Kōhanga Reo Regional office and local Purapura for support with evaluating learning programme.

Darcy Te Hau

Toka ā Nuku - Director

Te Uepū ā-Motu - Māori Review Services

7 December 2020

Information about the Kōhanga Reo

Location

Ōhākune

Ministry of Education profile number

52750

Kōhanga Reo Identification Number

07I004

Licence type

Te Kōhanga Reo

Licensed under

Education (Early Childhood Services) Regulations 2008

Number licensed for

40 children, including up to 15 aged under 2

Kōhanga Reo roll

17 children, including up to 6 aged under 2

Gender composition

Girls 9

Boys 8

Ethnic composition

Māori

100%

Review team on site

October 2020

Date of this report

7 December 2020

Most recent ERO report(s)

Education Review

Education Review

Education Review

June 2019

May 2016

June 2013