Te Kōhanga Reo o Manurewa - 31/07/2018

1 He Whakamārama

He Kupu Whakataki

Ka whakahaeretia tētahi aromātai tāpiri i runga o te whakataunga ā te Toihau Arotake i Te Tari Arotake Mātauranga.

E aromātai ana Te Tari Arotake Mātauranga i te whānuitanga me te whai hua o ngā mahi ā te kōhanga reo ki te whakatutuki i ngā take i whakatakotohia ai i roto i te pūrongo aromātai mātauranga o mua atu i tēnei, me ētahi atu wāhanga rānei i tāutuhia ai whai muri o taua aromātai.

Ngā Whakataunga mō ngā Whakapuakitanga

Ko tēnei aromātai tāpiri i whakaritea i runga i te aromātai o te whakatutukitanga a te whānau i te whakahaeretanga o te kōhanga reo, ki ngā wāhanga i tāutuhia ai e te pūrongo a Te Tari Arotake Mātauranga, i mua atu, me ngā take rānei kua tāutuhia whai muri o taua aromātai. Ko ngā whakataunga mō ngā whakapuakitanga e pā ana ki tēnei aromātai, ko te titiro ki:

te whakamahere me te aromātai, tae atu ki te mahere rautaki, te aromātai o roto, te aromatawai, me te aromātai i te hōtaka

ngā wāhanga kāhore e tutuki ana e ai ki te ture, tae atu ki te arohaehae, me ngā tukanga, ngā whakaritenga hoki e pā ana ki te hauora me te haumaru, me

ētahi atu take i tāutuhia ai whai muri i te arotake o mua.

2 Te Horopaki

E tū ana Te Kōhanga Reo o Manurewa ki te hapori o Manurewa, ki Tāmaki-makau-rau ki te tonga. Whai muri i te arotake o mua a Te Tari Arotake Mātauranga, kua piki ake te tatauranga tamariki o te kōhanga reo. He mātātoa ngā mema hou o te whānau ki te tautoko i te whakahaeretanga o te kōhanga reo, me ngā whakahaeretanga anō hoki o ia rā. Ko ngā wawata me te noho pūmau hoki o te whānau tētahi āhuatanga e noho matua tonu ana. Kua whakatutukihia ngā wero katoa. Ko te ako tonu a te whānau, ko te whanake ngaio me te tautoko ngaio i ngā kaimahi, e whai pānga matua ana ki te whakapai tonutanga, te tupu tonutanga anō hoki o te kōhanga reo mō ngā tamariki.

3 Ngā Whakaaturanga

Te Whakamahere me te Aromātai

E whakaatuhia ana te tino aronga rautaki ā te whānau mō te kōhanga reo, ā, ka māramahia anō hoki e te katoa. Kua whakatū wānanga, ā, nā aua huihuinga kua āta whakamaheretia te huarahi rautaki e anga atu ana ki te tau 2021. Ko ngā kaupapa matua o roto e hāngai ana ki te hauora me te haumaru, te whakahaere a te whānau, me te haere tonutanga o te ako. Ka whakatakotohia anō hoki ki te whakatakotoranga o te angamahi, ko ngā tūmanako e pā ana ki te aromātai o roto me te arotake. Kua tino whai hua ngā wānanga ki te karapinepine i te whānau ki te whakahou ake me te tuhi haere i ō rātou wawata mō ngā tamariki me te kōhanga reo. He pakari ngā pūnaha whakahaere a te whānau.

E ai ki ngā mātua, ka āta tuhia te ako a ā rātou tamariki, e tāutu ana hoki i te tupu me te whakawhanaketanga o ā rātou tamariki, ā, ka whakapuaki ki a rātou ngā mātua i ia te wā. Ko tētahi o ngā tū mōhiohio mō ngā tamariki hei tirohanga mā ngā mātua, ko ā rātou pūkete ako. E ai ki ngā mema o te whānau, e wātea ana rātou ki te pātai me te kōrero tahi ki ngā kaimahi mō te ako a ā rātou tamariki. E tino māramahia ana, e āta aroturukitia ana hoki ngā matea ako o ngā tamariki e ngā kaimahi. Whai muri i te pūrongo o mua a Te Tari Arotake Mātauranga, kua tū ētahi atu wānanga, ā, i whānui ake te whakapuaki ngaio i roto i te purapura mō ngā whakaritenga aromatawai papai. Ka mātakitaki, ka tuhi haere hoki i te ako a ngā tamariki.

Kua whakaritea te aromātai o roto a te whānau, tae atu ki ngā mahi ki te aromātai me te arotake i te hōtaka. Kua whakatutukihia te katoa o ngā take i tāutuhia ai ki te pūrongo o mua a Te Tari Arotake Mātauranga. Ko ngā kaupapa here me ngā tukanga o te hauora me te haumaru e hāngai katoa ana ki te wā, ā, kua whakatakotohia anō hoki ki te tūtohinga. Kua whakatutukihia anō hoki ngā herenga ā-ture e pā ana ki Te Ture Oranga Tamariki. He mārama ngā tuhinga e tohu ana i te whakahoutanga a te whānau i ia te wā i ētahi wāhanga o te tūtohinga. Kua āta whakawhanakehia, kua āta whakatinanahia hoki te pūnaha arohaehae. He mārama te aronga ki te whakapai ake hei painga mō ngā tamariki me te tupu ngaio tonu i ngā kaimahi. Kua āta whakaritea ngā tūmanako me ngā tukanga e pā ana ki te arotake, ā, e whakamōhio ana i te whakahaeretanga a te whānau i te āhua tonu o ngā mahi me te whakawhanaketanga o tō rātou kōhanga reo. Ko te whakapai tonu me te tupu tonu te aronga ngātahi o te whānau.

4 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

whakamahi tonu i te aromātai o roto ki te whakapakari i ngā whakahaeretanga a te whānau, me te āta whakarite i ngā tino putanga papai mō ngā tamariki.

Hei ā hea Te Tari Arotake Mātauranga aromātai anō ai i te kōhanga reo?

Ka whakahaere anō Te Tari Arotake Mātauranga i te aromātai whai muri o Te Kōhanga Reo o Manurewa i roto i te toru o ngā tau.

Lynda Pura-Watson

Kaiurungi Whakaturuki Arotake Māori

31 Hōngongoi, 2018

Ngā kōrero e pā ana ki te kōhanga reo

Te tūwāhi

Kei Manurewa, ki Tāmaki-makau-rau ki te tonga

Te tau a te Tāhuhu o te Mātauranga

25031

Te tau tohu o te kōhanga reo

03H011

Te tūmomo raihana

Te kōhanga reo

Kua raihanatia ki te ture

Ngā Ture Mātauranga (Ratonga Kōhungahunga) 2008

Te tokomaha mō te raihana

40 ngā tamariki, kia tokoiwa ki raro i te rua o ngā tau

Te tokomaha kei te rārangi ingoa

29 ngā tamariki, tokoono kei raro i te rua o ngā tau

Te ira tangata

Kōtiro 15

Tama 14

Ngā hononga ā-iwi

Māori

100%

Te wā i te kōhanga reo te rōpū arotake

Pipiri 2018

Te wā o tēnei pūrongo

31 Hōngongoi, 2018

Ngā pūrongo o mua a Te Tari Arotake Mātauranga

Arotake Tāpiri

Arotake Mātauranga

Arotake Mātauranga

Hōngongoi 2016

Whiringa-ā-rangi 2012

Whiringa-ā-rangi 2009

1 Background

Introduction

A supplementary evaluation is undertaken at the discretion of the Chief Review Officer of the Education Review Office (ERO).

ERO evaluates the extent and effectiveness of actions a kōhanga reo has taken towards addressing issues specified in its previous ERO evaluation and/or any additional areas identified since that evaluation.

Terms of Reference

This supplementary evaluation is based on an evaluation of the performance of the kōhanga reo governing body and management in relation to areas identified in the previous ERO report or issues identified since that evaluation. The terms of reference for this evaluation area to investigate:

  • planning and evaluation including strategic plan, internal evaluation, assessment and programme evaluation

  • areas of non-compliance including appraisal, health and safety procedures and practice

  • and any issues identified since the previous review.

2 Context

Te Kōhanga Reo o Manurewa is based in Manurewa, South Auckland. Since the previous ERO review, the roll has increased. New whānau members actively support the management and daily operations of the kōhanga reo. Whānau aspirations and commitment is still a strong feature. All challenges have been worked through. Ongoing whānau learning, kaimahi professional development and support are key to sustained improvements and growth of the kōhanga reo for children.

3 Findings

Planning and Evaluation

The whānau has clear strategic direction for the kōhanga reo that is visible and understood by all. Planned wānanga have resulted in a well-planned strategic pathway through to 2021. The key priorities include health and safety, whānau whakahaere, and ongoing learning. Expectations for internal evaluation and review are included in the framework design. Wānanga have been especially valuable to bring whānau together to revise and document their aspirations for children and the kōhanga reo. The whānau management systems are strong.

Parents report that their children’s learning is well documented, regularly shared with them and identifies their children’s growth and development. Information available to parents about children’s learning includes their learning portfolios. Whānau members state they are welcome to ask and talk with kaimahi about their children’s learning. Children’s learning needs are well understood and monitored by kaimahi. Since the previous ERO report, additional wānanga have occurred and included wider professional sharing within their purapura about good assessment practices. Children’s learning is observed and documented.

Whānau internal evaluation including programme evaluation and review is in place. All matters identified in the previous ERO report have been addressed. Health and safety policies and procedures are current and included in the charter. Requirements for the Vulnerable Children’s Act are met. Clear documentation show that sections of the charter are regularly revised and updated by the whānau. The appraisal system is well developed and implemented. There is a clear focus on improvement for children and professional growth of kaimahi. Review expectations and processes are well established and inform whānau whakahaere about the overall performance and development of their kōhanga reo. Continual improvement and growth is a shared focus for whānau.

4 Recommendation

ERO and the kōhanga reo whānau developed the following recommendation:

Continue to use internal evaluation information to strengthen whānau operations and ensure positive outcomes for children.

When is ERO likely to evaluate the kōhanga reo again?

The next ERO evaluation of Te Kōhanga Reo o Manurewa will be in three years.

Lynda Pura-Watson

Deputy Chief Review Officer Māori

31 July 2018

Information about the Kōhanga Reo

Location

Manurewa, South Auckland

Ministry of Education profile number

25031

Kōhanga Reo Identification Number

03H011

Licence type

Te Kōhanga Reo

Licensed under

Education (Early Childhood Services) Regulations 2008

Number licensed for

40 children, including up to 9 aged under 2

Kōhanga Reo roll

29 children, including 6 aged under 2

Gender composition

Girls 15

Boys 14

Ethnic composition

Māori

100%

Review team on site

June 2018

Date of this report

31 July 2018

Most recent ERO report(s)

Supplementary Review

Education Review

Education Review

July 2016

November 2012

November 2009