Te Kōhanga Reo o Mihiwairua - 30/03/2016

Te Aromātai

E tū ana Te Kōhanga Reo o Mihiwairua ki Pāharakeke, i Heretaunga. E tino tautokona ana ngā tamariki kia whanake ai te reo Māori me te aronga toi whenuatanga. He pai ngā hononga o ngā tamariki ki ō rātou hoa, ngā kaimahi, me te whānau. Ka arotahi te whānau ki te kounga o ngā akoranga a ngā tamariki i a rātou e whakatau ana i ngā whakaritenga e pā ana ki te kōhanga reo.

Ka arotake anō Te Tari Arotake Mātauranga i Te Kōhanga Reo o Mihiwairua i roto i te toru o ngā tau.

1 Te Horopaki

E tū ana Te Kōhanga Reo o Mihiwairua ki Pāharakeke, i Heretaunga. Koia nei tētahi o ngā kōhanga reo e toru e noho tūhonohono ana. Kua whakangungutia ngā kaimahi i ētahi atu kōhanga reo, ā, kātahi anō ka whakatūngia i roto i ngā marama e ono kua pahure ake nei. Ka tautoko te whānau i te whakahaeretanga me ngā whakaritenga ki te kōhanga reo.

Mai i te arotake o mua, kua ahu whakamua ngā kaimahi i roto i ngā āhuatanga i tāutuhia ai e Te Tari Arotake Mātauranga. E arotahi ana ngā kaimahi me te whānau ki te whakapai ake.

2 Ngā Whakaaturanga o te Arotake

He pēhea rawa te whakamahinga a ngā tamariki i te reo Māori, he pēhea rawa hoki tā rātou whakaatu i tō rātou aronga toi whenuatanga?

Kei te pakari haere te māia o ngā tamariki ki te whakamahi i te reo Māori, ā, he aronga toi whenuatanga hoki tō rātou.

Ngā Taumata Whakahirahira 

Ka rumakina ngā tamariki ki te reo Māori. He matatau ngā kaimahi ki te reo Māori, ā, ka whakamahi rātou i ngā rautaki reo hei whakatairanga ake i te ako a ngā tamariki. Ka whakapuaki rātou i ngā kupu hou, ka patapatai hei akiaki i ngā whakaaro o ngā tamariki, ā, ka whakatauira hoki i ngā tūmomo rerenga kōrero. He aronga ki te hōtaka akoranga ōkawa, hei hāpai ngā wheako reo tūturu a ngā tamariki. Ka ako ngā tamariki i te whakahirahiratanga o ngā mōteatea, ngā mihi whakatau, ngā karakia, me ngā pepeha. Kei te pakari haere ngā tamariki ki te kōrero i te reo Māori.

Ka whakawhanake ngā tamariki i ngā tino hononga. Ka whai pānga matua te whanaungatanga ki te hōtaka akoranga. Ka ākina ngā tuākana kia whai aroha, kia whai tautoko hoki o rātou taunekeneke ki ō rātou tēina. Ka whakapūmau ngā kaimahi i ngā uaratanga o te manaaki, te tiaki, me te aroha ki te hōtaka o ia rā. He harikoa ngā tamariki, he tau hoki.

Ka hāpaitia ngā akoranga a ngā tamariki. He whānui ngā tūmomo rauemi ako e wātea ana. Kua whakaritea e ngā kaimahi ngā wāhi ako e poipoi ana i te whānuitanga o ngā tūmomo matea o ngā tuākana me ngā tēina. Nā aua wāhi, ka whakatau ngā tuākana i ā rātou ake whakaritenga mō ā rātou akoranga. Ka whakatutuki ngā kaimahi i te atawhai, i ngā matea hoki o ia teina. Kua waia ngā tamariki ki ngā mahinga me ngā tūmanako o ia rā. Kei te mārama ngā kaimahi, he mea nui ngā matea o ia tamaiti. He harikoa ngā tamariki.

Te Whakamahere me te Aromātai 

Kua āta whakamaheretia ngā hōtaka akoranga a ngā tamariki. Ka whai ngā kaimahi i ngā tukanga mārama e pā ana ki te whakamahere, te aromatawai, me te aromātai hōtaka. Ka whakamahi rātou i te angamahi a te kōhanga reo, ngā kaupapa o ia tau, me ngā ngākau nuitanga o ngā tamariki. Kei ngā mahere ngā whāinga ako e hono ana ki ngā kaupapa ako o ia wāhanga. Whakaemihia ai e ngā kaimahi ngā mōhiohio e pā ana ki te ahu whakamua a ngā akoranga a ngā tamariki, ō rātou ngākau nuitanga, me ngā taumahi hoki i te kōhanga reo. Ka whakapuakihia ngā mōhiohio ki ngā pūrongo mā ngā mātua me ngā hui kōrero i te mutunga o te tau. Hui ai ngā kaimahi i ia te wā, ki te whakaaro huritao mō ngā akoranga a ngā tamariki, me te whakawhiti kōrero mō ngā rautaki ka whakapai ake i te hōtaka. Ka noho matua te ako a ngā tamariki.

Ka āta whakamahia te aromātai o roto hei tāutu i ngā wāhanga kua pai ake. Ka aroturuki te whānau i tā rātou ahu whakamua ki te whakatutuki i ā rātou whāinga rautaki. Arotake ai rātou i te tūtohinga i ia te wā. Kua whakatakotohia tētahi mahere mahi, kia ū ai te whānau ki ā rātou whāinga. Ka whakapuakihia ngā pūrongo i ia te wā mō ngā whakahaeretanga o te kōhanga reo, tae atu ki te hauora, te haumaru, me ngā herenga ā-ture. Ka arotahi te whānau ki te kounga o ngā akoranga a ngā tamariki, i a rātou e whakatau ana i ngā whakaritenga mō te kōhanga reo.

Ngā Whakaritenga Matua ka Whai Ake

E whanake ana ngā mahi aromatawai. Ka whakaemi ngā kaimahi i te whānuitanga o ngā tūmomo mōhiohio e pā ana ki ngā tamariki, ā, ka pūrongo ki ngā whānau. Kāhore i te rite te kounga o ngā pūkete, ā, kāhore anō ētahi o ngā pūkete a ngā tamariki kia oti, he iti noa hoki ngā kōrero o roto e pā ana ki tēnā e ākona ana e te tamaiti.

3 Te Whakataunga a te Kōhanga Reo ki ngā Wāhanga Tautukunga

I te wā o te arotake, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

  • te haumaru whatumanawa (tāpiri atu ko te ārahi mauritau, ko te ārai tamariki)
  • te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
  • te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti) 
  • ngā whakaritenga, tikanga hōneatanga e pā ana ki te ahi me te rū whenua. 

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture. 

4 Ngā Taunakitanga

I whakawhanakehia e Te Tari Arotake Mātauranga te taunakitanga e whai ake nei, arā, kia mahi te whānau me ngā kaimahi ki te taha o te kaupapa kaimahi ā-rohe, ki te whakapai ake i te kounga me te riterite o ngā mahi aromatawai.

Te Whakarāpopototanga

E tū ana Te Kōhanga Reo o Mihiwairua ki Pāharakeke, i Heretaunga. E tino tautokona ana ngā tamariki kia whanake ai te reo Māori me te aronga toi whenuatanga. He pai ngā hononga o ngā tamariki ki ō rātou hoa, ngā kaimahi, me te whānau. Ka arotahi te whānau ki te kounga o ngā akoranga a ngā tamariki i a rātou e whakatau ana i ngā whakaritenga e pā ana ki te kōhanga reo.

Hei ā hea Te Tari Arotake Mātauranga arotake anō ai i te kōhanga reo?

Ka arotake anō Te Tari Arotake Mātauranga i Te Kōhanga Reo o Mihiwairua i roto i te toru o ngā tau. 

Lynda Pura-Watson

Kaiurungi Whakaturuki Arotake Māori 

30 Poutū-te-rangi, 2016

Ngā kōrero e pā ana ki te kōhanga reo 

Te tūwāhi

Kei Pāharakeke, ki Heretaunga

Te tau a te Tāhuhu o te Mātauranga

55312

Te tau tohu o Te Kōhanga Reo

08D105

Te tūmomo whare

He kōhanga reo

Te raihana

Ngā Ture Mātauranga (Ratonga Kōhungahunga) 2008

Te tokomaha mō te raihana

18, kia tokowaru ki raro i te rua o ngā tau

Te tokomaha kei runga i te rārangi ingoa

15, tokoono kei raro i te rua o ngā tau

Te ira tangata

Kōtiro  8

Tama tāne  7

Ngā hononga ā-iwi

Māori           

100%

Te wā i te kōhanga reo te rōpū arotake

Hui-tanguru 2016

Te wā o tēnei pūrongo

30 Poutū-te-rangi, 2016

Ngā pūrongo o mua a Te Tari Arotake Mātauranga 

Arotake Mātauranga

Arotake Mātauranga  Arotake Tāpiri

Paenga-whāwhā 2013

Hui-tanguru 2010

Here-turi-kōkā 2006

Evaluation

Te Kōhanga Reo o Mihiwairua is in Flaxmere Hastings. Children are well supported to develop te reo Māori and a sense of belonging. Children have positive relationships with their peers, kaimahi and whānau. Whānau focus on the quality of children’s learning when making decisions about the kōhanga reo.

The next ERO review of Te Kōhanga Reo o Mihiwairua will be in three years.

1 Context

Te Kōhanga Reo o Mihiwairua is in Flaxmere Hasting. It is one of three kōhanga reo that are linked to each other. The kaimahi have been trained in the other kōhanga reo and newly appointed in the last six months. Whānau support kōhanga reo management and operations.

Since the previous review kaimahi have made progress in the areas identified by ERO. Kaimahi and whānau are focused on improvement.

2 The Review Findings

How well do children use te reo Māori and demonstrate a sense of belonging?

Children are developing confidence to use te reo Māori and have a sense of belonging.

Ngā Taumata Whakahirahira

Children are immersed in te reo Māori. Kaimahi are strong te reo Māori speakers and they use language strategies to enhance children’s learning. They introduce new words, use questions to prompt children’s thinking and model sentence structures. There is a focus on the formal learning programme to support children with practical language experiences. Children learn the value of mōteatea, mihi whakatau, karakia, and pepeha. Children are becoming confident speakers of te reo Māori.

Children develop positive relationships. Whanaungatanga is integral to the learning programme. Tuakana are encouraged to interact in a loving and supportive way with their teina. Kaimahi maintain the values of manaaki, tiaki and aroha in the daily programme. Children are happy and settled.

Children’s learning is supported. There are a range of learning resources available. Kaimahi have created learning areas that cater for diverse needs of tuakana and teina. These areas enable tuakana to make choices about their learning. Kaimahi attend to the individual care and needs of teina. Children are familiar with daily routines and expectations. Kaimahi understand that children’s individual needs are important. Children are happy.

Planning and Evaluation

Children’s learning programmes are well planned. Kaimahi follow clear processes for planning, assessment and programme evaluation. They use the kōhanga reo framework, annual events and children’s interests. Planning includes learning objectives linked to kaupapa ako each term. Kaimahi regularly gather information about children’s progress in learning, their individual interests and kōhanga activities. Information is shared with parents in reports and end of year interviews. Kaimahi regularly meet to reflect on children’s learning and discuss strategies to improve the programme. Children’s learning is a priority.

Internal evaluation is used well to identify areas of improvement. Whānau monitor their progress in meeting their strategic goals. They regularly review the charter. An action plan is in place to keep whānau focused on their goals. Regular reports are shared about kōhanga reo operations including health and safety and legislative requirements. Whānau focus on the quality of children’s learning when making decisions about the kōhanga reo.

Key Next Steps

Assessment practices are developing. Kaimahi gather a range of information about children and report to whānau. The quality of profiles are inconsistent as some children’s profiles are incomplete with limited annotations about what children are learning.

3 Whānau Management Assurance on Compliance Areas

During the review, ERO looked at the kōhanga reo systems for managing the following areas that have a potentially high impact on children's wellbeing:

  • emotional safety (including positive guidance and child protection)
  • physical safety (including supervision; sleep procedures; accidents; medication; hygiene; excursion policies and procedures)
  • suitable staffing (including qualification levels; police vetting; teacher registration; ratios)
  • evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

4 Recommendation

ERO developed the following recommendation that whānau and kaimahi work with the district kaupapa kaimahi to improve the quality and consistency of assessment practices.

Conclusion

Te Kōhanga Reo o Mihiwairua is in Flaxmere Hastings. Children are well supported to develop te reo Māori and a sense of belonging. Children have positive relationships with their peers, kaimahi and whānau. Whānau focus on the quality of children’s learning when making decisions about the kōhanga reo.

When is ERO likely to review the kōhanga reo again?

The next ERO review of Te Kōhanga Reo o Mihiwairua will be in three years. 

Lynda Pura-Watson

Deputy Chief Review Officer Māori 

30 March 2016

Information about the Kōhanga Reo 

Location

Flaxmere, Hastings

Ministry of Education profile number

55312

Kōhanga Reo Identification Number

08D105

Licence type

Te Kōhanga Reo

Licensed under

Education (Early Childhood Services) Regulations 2008

Number licensed for

18 children, including up to 8 aged under 2

Kōhanga Reo roll

15 children, including 6 aged under 2

Gender composition

Girls 8

Boys 7

Ethnic composition

Māori

100%

Review team on site

February 2016

Date of this report

30 March 2016

Most recent ERO report(s)

Education Review

Education Review

Supplementary Review

April 2013

February 2010

August 2006