Te Kōhanga Reo o Moerewa - 26/08/2014

1 Te Aromātai a te Tari Arotake Mātauranga

Ko Taumata o te Kūkū te maunga

Ko Taumārere te awa

Ko Taumatamākūkū te whenua

Ko Moerewa Te Kōhanga Reo.

E tū ana Te Kōhanga Reo o Moerewa ki te rohe o Ngāti Hine. He hou te nuinga o ngā whānau, ā, e whakapau kaha ana rātou ki te whakatutuki i ō rātou wawata, ā rātou whāinga anō hoki mō ā rātou tamariki.

E whanake hāere ana te pakari, te mōhiotanga anō hoki o ngā tamariki ki te reo Māori. Ka rongo, ka whakamahi hoki ngā tamariki i te reo Māori puta noa i te rā. Ka poipoi, ka hāpai hoki te whānau me ngā kaimahi i te whakawhanaketanga o te reo Māori o ngā tamariki. E ahu whakamua ana te whānau me ngā kaimahi ki te whakarato i tētahi hōtaka akoranga e tuituia ana ngā whenu katoa o Te Whāriki o Te Kōhanga Reo.

He mārama, he matawhānui hoki ngā kaupapa here me ngā tukanga ā te whānau, hei ārahi i tā rātou whakahaere i te kōhanga reo. Kei te tūtohinga ngā mōhiohio, kia whānui ake ai te ako a te whānau i ngā tūmanako e whai pānga ana ki te whakahaere, me ō rātou tūranga, ā rātou kawenga mahi hoki. Ka kitea ki te whānau ngā āhuatanga papai o te kaituku mahi. He pai te whakahaeretanga a te whānau i ngā pūtea o te kōhanga reo. Kua whakaritea te arotake whaiaro i ia te wā, ā, ka whai hua ngā tamariki nā taua mahi. E whakahaere ana te whānau i te kōhanga reo hei painga mō ngā tamariki.

E taunaki ana te Tari Arotake Mātauranga kia tahuri te whānau ki te whakaoti i tā rātou mahere rautaki, te hāpai i ngā kaimahi ki te whakaoti i ā rātou arohaehae, te whakapakari i te whakamahere hōtaka, me te toro atu ki te āwhina hei whakapakari ake tonu i tō rātou māramatanga, tā rātou whakatinanatanga anō hoki i te aromatawai me te aromātai.

2 Ngā Kaupapa Motuhake o te Arotake

Te Arotahi o te Arotake

I mua o te arotake, i īnoitia te whānau kia whai whakaaro ki ā rātou kaupapa motuhake mō te arotake, ā, kia whakamahia ngā aratohu me ngā rauemi i whakaratohia e te Tari Arotake Mātauranga.

Kātahi ka whakaritea ngā tino kaupapa motuhake mō te arotake, whai muri o te whakawhitiwhitinga kōrero i waenga o te rōpū arotake o te Tari Arotake Mātauranga me te whānau. I arotahi tēnei whakawhitiwhitinga ki ngā kōrero i te puritia e te kōhanga reo (tāpiri atu ki ngā kōrero arotake whaiaro) ā, me te whānui o te pānga o ngā take mō te arotake ki ngā hua ka puta ki ngā tamariki o te kōhanga reo.

I whakaritea e te whānau ko tāna kaupapa arotahi ko:

  • Mana Reo.

Ko te katoa o ngā arotake mātauranga ā te Tari Arotake Mātauranga i roto o ngā kōhanga reo e arotahi ana ki te kounga o te mātauranga. Ki tā te Tari Arotake Mātauranga, kei roto i tēnei ko te kounga o te:

  • arotake whaiaro a te whānau me te whakamahere rautaki
  • whakamahere hōtaka, te aromatawai, me te aromātai.

Ko ngā kitenga ā te Tari Arotake Mātauranga i roto i ēnei wāhanga, kei raro iho nei.

3 Ngā Whakaaturanga

Mana Reo

He whakamārama

He pēhea te poipoi i ngā tamariki, hei whakawhanake i te mōhiotanga me te pakari i roto i te reo Māori me ōna tikanga?

He pai te poipoi i ngā tamariki kia whanake ai te mōhiotanga me te pakari i roto i te reo Māori me ōna tikanga .

Ngā wāhanga e pai ana te whakahaere

He whānui ngā tūmomo whai wāhitanga mā ngā tamariki ki te ako i te reo Māori. Ko te hōtaka akoranga ōkawa e whakamahia ana hei āta whakaako i ētahi āhuatanga o te reo Māori. Ko te waiata tētahi aronga nui i aua wā. Ka ako ngā tamariki i ngā waiata, ngā karakia, ngā pepeha, me ngā whakapapa i ngā wā ōkawa ki te ako. Ka whakapuakihia ngā pepeha, ā, ka tautokona ngā tamariki ki te taki i ngā karakia me te waiata i ngā hīmene. Ka rongo, ka whakamahi hoki rātou i te reo Māori puta noa i te rā. E whanake haere ana te pakari me te mōhiotanga o ngā tamariki ki te reo Māori.

Ka whai hua ngā tamariki nā te pai o ngā tauira o te reo Māori. Ka akiaki ngā kaimahi i ngā tamariki, kia ngākau nui ai rātou ki te ako i te reo Māori. He mauritau ā rātou hononga, ā rātou taunekeneke ki te taha o ngā tamariki. Ka akiaki ngā kaimahi i ngā tamariki ki te whakamahi i ngā mihi māmā, me te whakautu i ngā pātai ngāwari. Ka whakatauira rātou i te reo e tika ana, ā, ka tāruarua hoki i ngā kōrero hei whakapūmau i ngā hanganga reo hou me ngā kupu hou.

Ka whai wā anō hoki te whānau me ngā kaimahi ki te tāutu i ngā rautaki e tika ana hei hāpai i te whakawhanaketanga o te reo Māori o ngā tamariki.

Te Whakamāherehere me te Aromātai

He whakamārama

He pēhea te whakahaeretanga a te whānau i te kōhanga reo hei painga mō ā rātou tamariki?

He pai te whakahaeretanga a te whānau i te kōhanga reo hei painga mō ngā tamariki.

Ngā wāhanga e pai ana te whakahaere

He hou te nuinga o ngā whānau ki te kōhanga reo, ā, e ako ana, e whakatairanga ana hoki rātou i tō rātou mōhiotanga ki te kaupapa o te kōhanga reo. Ka whai hua tā rātou whakatinana i ō rātou wawata, ā rātou uaratanga anō hoki ki ngā tamariki.

Ngā kaupapa here me ngā tukanga. He mārama, he matawhānui hoki ngā kaupapa here me ngā tukanga ā te whānau hei ārahi i tā rātou whakahaeretanga i te kōhanga reo mō ngā tamariki. Ka hāngai aua tuhinga ki te hauora me te haumaru, ngā kaimahi, te whakahaeretanga a te whānau, me te reo Māori. Ka whai pānga hoki ngā kaupapa here me ngā tukanga ki te tirohanga o te kōhanga reo. Kei te tūtohinga ngā mōhiohio, kia whānui ake ai te ako a ngā mema i ngā tūmanako e whai pānga ana ki te whakahaere, me ō rātou tūranga, ā rātou kawenga mahi hoki ki te whakahaere i tō rātou kōhanga reo mō ngā tamariki.

Te whakahaere i ngā kaimahi. Ka kitea ki te whānau ngā āhuatanga papai o te kaituku mahi. He tika ā rātou pūnaha hei hāpai i ngā kaimahi i roto i ā rātou mahi. Kua oti ngā tuhinga tūranga mahi, ngā kirimana mahi hoki.

Te whakahaere i te pūtea. He pai te whakahaeretanga a te whānau i ngā pūtea o te kōhanga reo. He mārama te pūrongo i ngā pūtea. Kua hokona e te whānau ngā rauemi mātauranga hei āta whakarite i te kounga kairangi o ngā rauemi mā ngā tamariki.

Te arotake whaiaro. Ka whakamahi te whānau i te arotake whaiaro hei tautuhi i ngā āhuatanga i te kōhanga reo ka whakapai ake. Ka whiwhi, ka whakatutuki haere hoki i ngā pūrongo ka whakapuakihia i ia te wā ki ngā hui. Ko ngā pūrongo mō te hōtaka akoranga, e aro nui ana ki te ako. Tū ai te arotake whaiaro i ia te wā, ā, ka whai hua ngā tamariki.

Ngā wāhanga hei whakawhanake

Te whakamahere rautaki. Ahakoa ka whakamōhio, ka ārahi hoki Te Ara Tūāpae i te kōhanga reo, kāhore anō te whānau kia tuhi i ngā mahi e whai pānga ana ki ia whāinga ā-tau, tae atu ki te tangata ka whakatutuki i te mahi, te āhua o ngā mahi, me te wā tika mō aua mahi.

Ngā arohaehae. Kāhore anō ngā tukanga arohaehae kia oti.

Te whakamahere hōtaka me te aromātai. Me kaha ake te ārahi i te whakamaheretanga o te hōtaka. Kāhore ngā mahere e whai pūtake ana, e whai hua ana rānei hei ārahi i te whakapuakitanga o ngā kaupapa. Kāhore ngā whāinga ako, ngā putanga ako hoki e mōhiotia ana. Kāhore he kiko ki te mahere ā-wiki, ā, kāhore anō hoki ngā rauemi kia tāutuhia mō te whakapuakitanga o te hōtaka akoranga. He iti noa ngā mōhiohio e tohu ana i te whai huatanga o te hōtaka ki te ako o ngā tamariki.

Te aromatawai. Kāhore te aromatawai e whai pānga ana ki ngā akoranga a ngā tamariki. He iti noa ngā mōhiohio hei tohu i te āhua o te ahu whakamua o ngā tamariki, hei whakaatu rānei ki ngā whānau.

4 Te Whakatau a te Whānau ki ngā Wāhanga Tautukunga

Te Tirohanga Whānui

I mua o te arotake, i whakakīia e te kaipupuri raihana, te whānau, me ngā kaimahi o te kōhanga reo tētahi Tauāki Kupu Tūturu a te Kōhanga Reo kua Raihanatia, o Pipiri 2013, me tētahi Rārangi Tātari Whaiaro mā te Tari Arotake Mātauranga. I roto i ēnei tuhinga i oati rātou, i whāia e rātou ngā huarahi whai take hei whakatutuki i ā rātou herenga ā-ture e pā ana ki:

  • ngā whakahaerenga ā te whānau
  • te hauora, te waiora me te whai oranga
  • ngā whakahaerenga kaimahi
  • ngā whakahaerenga pūtea me ngā whakahaerenga rawa.

I te wā o te arotake, i whakamātauhia e te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā hua ka puta ki ngā tamariki:

  • te haumaru whatumanawa (tāpiri atu ko te whakatau tamariki, ko te ārai i ngā mahi whakaweti, mahi tūkino)
  • te haumaru ā-tinana (tāpiri atu ko te whakatau tamariki; ko ngā whakaritenga whakamoe, tiaki tamariki; ko ngā aituā me te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
  • ngā tohu mātauranga me ngā whakaritenga kaimahi
  • ngā whakaritenga, tikanga hōneatanga e pā ana ki te ahi me te rū whenua.

I tāutuhia e te Tari Arotake Mātauranga te wāhanga kei raro iho nei, kāhore i te tutuki e ai ki te ture:

4.1 āta whakarite i te whakatinanatanga me te ū tonutanga ki tētahi tukanga e pā ana ki te arohaehae auau me te tautoko ngaio o ngā kaimahi
[R47 (1) (e) Ture Mātauranga (Kōhungahunga) 2008]

5 Ngā Taunakitanga

E taunaki ana te Tari Arotake Mātauranga kia tahuri te whānau ki te:

  • whakaoti i tā rātou mahere rautaki
  • hāpai i ngā kaimahi ki te whakaoti i ā rātou arohaehae
  • whakapakari ake i te whakamahere hōtaka, te aromātai, me te aromatawai.

Hei ā hea te Tari Arotake Mātauranga arotake anō a i te kōhanga reo?

Tērā ka whakahaeretia e te Tari Arotake Mātauranga te arotake whai muri, i roto i ngā tau e toru.

Lynda Pura Watson

Kaiwhakahaere ā-Motu mō ngā Ratonga Arotake Māori (Te Uepū ā-Motu)

26 Here-turi-kōkā 2014

1 The Education Review Office (ERO) Evaluation

Ko Taumata o te Kuku te maunga

Ko Taumarere te awa

Ko Taumatamakuku te whenua

Ko Moerewa te kōhanga reo.

Te Kōhanga Reo o Moerewa is located in the Ngāti Hine region. Most whānau are new and are working hard to achieve their aspirations and goals for their children.

Children are developing in their confidence and knowledge of te reo Māori. Children hear and use te reo Māori throughout the day.Whānau and kaimahi nurture and support children’s te reo Māori development. Whānau and kaimahi are working towards providing a learning programme that incorporates all strands of Te Whāriki o Te Kōhanga Reo.

The whānau has clear and comprehensive policies and procedures to guide them in managing the kōhanga reo. The charter provides information for whānau to learn more about management expectations and their roles and responsibilities. Whānau reflect elements of good employer practice. The whānau manages the kōhanga reo finances effectively. Regular self review is in place and benefits children. Whānau manage the kōhanga reo in the interests of children.

ERO recommends that whānau complete their strategic plan, support kaimahi to complete their appraisals, strengthen programme planning and seek support to strengthen understanding and practice of assessment and evaluation.

2 Review Priorities

The Focus of the Review

Before the review, the whānau were invited to consider its priorities for review using guidelines and resources provided by ERO.

The detailed priorities for review were then determined following a discussion between the ERO review team and whānau. This discussion focused on existing information held by the kōhanga reo (including self-review information) and the extent to which potential issues for review contributed to positive outcomes for children at the kōhanga reo.

The whānau chose as its focus area:

  • Mana reo.

All ERO education reviews in kōhanga reo focus on the quality of education. For ERO this includes the quality of:

  • whānau self review and strategic planning
  • programme planning, assessment and evaluation.

ERO’s findings in these areas are set out below.

3 Findings

Mana Reo

Background

How well are children nurtured to develop knowledge and confidence in te reo Māori me ōna tikanga?

Children are nurtured well to develop knowledge and confidence in te reo Māori me ōna tikanga.

Areas of good performance

Children have a range of opportunities to learn te reo Māori. The formal learning programme is used to formally teach aspects of te reo Māori. Waiata is a major focus during this time. Children learn waiata, karakia, pepeha and whakapapa during the formal learning time. Pepeha are shared and children are supported to recite karakia and sing hīmene. They hear and use te reo Māori throughout the day. Children are developing in their confidence and knowledge of te reo Māori.

Children benefit from good models of te reo Māori. Kaimahi encourage children to enjoy learning te reo Māori. They have positive relationships and interactions with children. Kaimahi encourage children to use simple greetings and respond to routine questions. They model correct language and use repetition to reinforce new language structures and vocabulary.

The whānau and kaimahi spend time identifying appropriate strategies that support children to develop as speakers of te reo Māori.

Planning and Evaluation

Background

How well do whānau manage the kōhanga reo in the interests of children?

Whānau manage the kōhanga reo well in the interests of children.

Areas of good performance

Whānau who are mostly new to the kōhanga reo are learning and increasing their knowledge about the kōhanga reo kaupapa. They successfully model their aspirations and values to children.

Policies and procedures. The whānau has clear and comprehensive policies and procedures to guide them in managing the kōhanga reo for children. These include health and safety, personnel, whānau management and te reo Māori. Policies and procedures reflect the kōhanga reo philosophy. The charter provides information for members to learn more about kōhanga reo management expectations, good practice, and their roles and responsibilities for managing their kōhanga reo for children.

Personnel management. Whānau reflect elements of good employer practice. They have appropriate systems to support kaimahi in their work. Job descriptions and employment contracts are complete.

Financialmanagement. The whānau manages the kōhanga reo finances effectively. Financial reporting is clear and transparent. Whānau have purchased education resources to ensure that there are high quality resources for children.

Self review.Whānau use self review to determine areas for improvement in the kōhanga reo. They receive and act on reports shared regularly at hui. Reports about the learning programme focus on learning. Regular self review is in place and benefits children.

Areas for development

Strategic Plan. While Te Ara Tūāpae informs and guides the kōhanga reo the whānau have not documented the actions required for each objective including who, what, and when keys tasks are to be undertaken each year.

Appraisals. Appraisal processes are incomplete.

Programme planning and evaluation. Stronger leadership is required for programme planning. Planning is not purposeful or useful to guide the delivery of the kaupapa. Goals for learning and learning outcomes are not known. The weekly plan lacks content and resources required for the delivery of the learning programme have not been identified. There is little information to indicate how effectively the programme impact on children’s learning.

Assessment. Assessment does not reflect children’s learning. There is little information to show how children have progressed or to share with whānau.

4 Whānau Management Assurance on Compliance Areas

Overview

Before the review, the licensee, whānau and staff of the kōhanga reo completed an ERO LicensedKōhanga Reo Assurance Statement June 2013 and Self-Audit Checklist. In these documents they have attested that they had taken all reasonable steps to meet their legislative obligations related to:

  • administration
  • health, safety and welfare
  • personnel management

financial and property management.

During the review, ERO checked the following items because they have a potentially high impact on outcomes for children:

  • emotional safety (including behaviour management, prevention of bullying and abuse)
  • physical safety (including behaviour management, sleeping and supervision practices; accidents and medication; hygiene and routines; travel and excursion policies and procedures)
  • staff qualifications and organisation
  • evacuation procedures and practices for fire and earthquake.

ERO identified the following areas of non-compliance:

4.1 ensure that an ongoing process for the regular appraisal and professional support for staff is in place [R47 (1) (e) Education (ECC) Regulations 2008].

5 Recommendations

ERO recommends that whānau:

  • complete their strategic plan
  • support kaimahi to complete their appraisals
  • strengthen programme planning, evaluation and assessment.

When is ERO likely to review the kōhanga reo again?

ERO is likely to carry out the next review in three years.

Lynda Pura-Watson

National Manager Review Services Māori (Te Uepū-ā-Motu)

26 August 2014

About the Kōhanga Reo

Location

Moerewa

Ministry of Education profile number

11545

Type

Kōhanga Reo

Number licensed for

25 including 5 under 2 years old

Roll number

17 including 5 under 2 years old

Gender composition

Girls 5

Boys 12

Ethnic composition

Māori

100%

Review team on site

12 June 2014

Date of this report

26 August 2014

Most recent ERO reports

Supplementary Review

Supplementary Review

Supplementary Review

November 2011

September 2009

February 2006