28 Huia Street, Taihape
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, ngā hapū, me ngā iwi.
Ko Te Kōhanga Reo o Mōkai Pātea o Taihape tētahi o ngā kōhanga reo e rua ki te tāone o Taihape. Kua hūnuku te kōhanga reo ki tētahi wāhi hou kei tua atu i te whare o mua. Ka whai pānga nui ngā pou whenua whakahirahira o te takiwā nei ki ngā akoranga a ngā mokopuna.
Ka whakapuaki ngā mokopuna i te whanaungatanga mā roto mai i te papai o ā rātou taunekeneke me ngā wheako ako hōhonu.
E ako ana ngā mokopuna ki tētahi taiao e mau ana i ngā hononga e whai pūtake ana. Ka whakatauira ngā kaimahi i ngā uara o te aroha, te tiaki, me te manaaki, i a rātou e tūhono atu ana ki ngā mokopuna. Nā aua aronga, he māoriori, he mārie hoki te wāhi mō ngā mokopuna katoa. Ka kitea te whai whakaaro nui o ngā tuākana i a rātou e taunekeneke ana ki ō rātou tēina. Ka whakamahi ngā kaimahi i te whānuitanga o ngā tūmomo rautaki, pērā i ngā waiata, te whāngai kupu, te tāruarua, te rotarota, me ngā tohutohu, hei hāpai i te whakawhanaketanga reo o ngā mokopuna. He ngākau titikaha ō ngā mokopuna tuākana ki te whai wāhi mātātoa atu i roto i ngā wāhanga e taea ana e rātou. Ka menemene, ka katakata hoki ngā pēpi, i a rātou e whakaatu ana i tō rātou whai māramatanga. Ka whai wāhi atu ngā mokopuna ki ngā taumahi papai, ā, he ngahau, he pārekareka ki a rātou. E poipoi ana ngā mahinga i te tū riterite, i te taunga hoki o ngā whakaritenga ki ngā mokopuna. E whakatairanga ana ngā wāhi ako o roto i te tākaro, te auaha, me te tūhura. E tino mōhio ana ngā kaimahi ki ngā mokopuna, ā, ka whakakoro ki te poipoi i ō rātou matea ake. Whakamihi ai ngā kaimahi i ia te wā, i ngā whakatutukitanga a ngā mokopuna. Kei te harikoa te āhua o ngā mokopuna, ā, he pārekareka ki a rātou te ako ki te taha o ētahi atu.
He tukanga ā ngā kaimahi mō te whakamahere me te aromatawai. Ka toro atu hoki ki ngā whakaaro o ngā whānau i roto i ngā mahi whakamahere, ā, ko tā ngā mahere, he tautuhi i te kiko o ngā mahi, i ngā taumahi, me ngā putanga ako. Ka āta ārahi ngā mahere i te whakatinanatanga o ngā kaimahi i te hōtaka akoranga. Ka tuhia ngā huarahi ako o ngā mokopuna ki ngā pūkete me te Story Park. Ka kitea ki aua tuhinga, te whakawhanaketanga me te ahu whakamua o ia mokopuna i roto i te roanga o te wā. Ka whakamōhiotia ngā whānau ki tēnā e ākona ana e ngā mokopuna, ā, ka ākina kia kōrero urupare mō te whakawhanaketanga o ngā mokopuna. Ka whai hua ngā mokopuna nā te tōpūtanga o ngā whakaritenga.
He pūnaha whai hua ā te whānau mō te whakahaeretanga o tō rātou kōhanga reo. Ka tautuhi te tūtohinga i ngā tukanga, ā, ka whakatakoto i te aronga me te huarahi nahanaha mō te whānau. He pai te taetae atu ki ngā hui ā-whānau, ā, ka tuhia hoki ngā kōrero, ka whai pūtake hoki. He mārama ngā tukanga pūrongo, puta noa i ngā whakahaeretanga. Ko ngā kaupapa here matua me ngā tukanga matua e pā ana ki te hauora, te haumaru, me ngā kaimahi, ka hāngai ki te wā me ngā herenga ā-ture e tika ana, kia āta whakaarotau ai te hauora, te haumaru, me te waiora o ngā mokopuna. Kua whakamōhiotia te mahere rautaki ki Te Ara Tūāpae. Kua āta tautuhia ngā kaupapa matua me ngā mahi o te pae tawhiti me te pae tata, ā, he whakatakotoranga whakawhanake mō te kōhanga reo, mō meāke nei. Ka aroturuki tētahi mahere mahi i te ahu whakamua o ngā whāinga. Kua āta whakatakotohia te mahere ā-tau, ā, ka tautuhi i ngā mahi whānui e pā ana ki te whakahaeretanga o te kōhanga reo me te tari, me ngā wā hoki e tika ana kia whakatutukihia aua mahi. He pai te whakahaeretanga o ngā take kaimahi. Kei ngā tuhinga tuku mahi, ko ngā kirimana o ia kaimahi, ko ngā tuhinga tūranga mahi, me ngā arowhai e pā ana ki te haumaru o ngā kaimahi. Kua whakatutukihia ngā arohaehae whaiaro a ngā kaimahi. He aronga ki te whakapakari ake i ngā pūkenga me ngā āheinga o ngā kaimahi, kia tū hei kaiārahi whai hua ā meāke nei. Ka tohaina ngā kawenga mahi ki waenga i te whānau, kia tutuki ai ngā kaupapa whakahaere. Ko ngā mokopuna kei te pūtake o te whakatau ngātahi a te whānau i ngā whakaritenga.
He ōpaki te aromātai hōtaka. He uaua ki te āta tātari i te āhua tonu o ngā mahi e aroturuki ana i te whai huatanga o te hōtaka akoranga. Ahakoa ka kōrero ngā kaimahi mō tēnā e whai hua ana, mō tēnā hoki kāhore e whai hua ana, he iti noa ngā tuhinga o aua whakawhitinga kōrero. Ka whai hua ngā mokopuna mā te whakapiki ake i te mōhiotanga o ngā kaimahi ki te aromātai hōtaka mō te whakapai tonutanga.
I kōrero te whānau me ngā kaimahi mō tō rātou whakapau kaha tonu ki te whakatairanga ake i tō rātou mōhiotanga me tō rātou māramatanga ki te Children’s Act 2014. E whakaae ana hoki Te Tari Arotake Mātauranga, ka hāpai te wānanga tonu i aua tūāhuatanga i tā rātou whakaatu i ō rātou āheinga ki te whakatutuki i ngā takohanga o taua ture.
I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:
te haumaru ā-whatumanawa, tae atu ki te ārahi mauritau me te ārai tamariki
te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho
te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti
ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.
E taunaki ana Te Tari Arotake Mātauranga me te whānau o te kōhanga reo kia whakapakari tonu te whānau i ngā whakaritenga e pā ana ki te aromātai hōtaka, kia whakarato tonuhia ai te papai o ngā akoranga me ngā putanga ki ngā mokopuna.
Darcy Te Hau
Toka ā Nuku
Te Uepū-a-Motu – Māori Services
06 Mahuru, 2023
|
Te tūwāhi |
Kei Taihape |
|
Te tau a te Tāhuhu o te Mātauranga |
52746 |
|
Te tau tohu o Te Kōhanga Reo |
07H023 |
|
Te tūmomo whare |
Te Kōhanga Reo |
|
Te raihana |
Ngā Ture Mātauranga (Ratonga Kōhungahunga) 2008 |
|
Te tokomaha mō te raihana |
35 ngā tamariki, kia 15 ki raro i te rua o ngā tau |
|
Te tokomaha kei runga i te rārangi ingoa |
31 ngā tamariki, tokorima kei raro i te rua o ngā tau |
|
Ngā hononga ā-iwi |
Māori 31 |
|
Te wā i te kōhanga reo te rōpū arotake |
Here-turi-kōkā 2023 |
|
Te wā o tēnei pūrongo |
6 Mahuru 2023 |
|
Ngā pūrongo o mua a |
Arotake Mātauranga, Paenga-whāwhā 2019; Arotake Mātauranga, Hui-tanguru 2016; Arotake Tāpiri, |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO’s reports provide important information for whānau, hapū and iwi.
Te Kōhanga Reo o Mōkai Pātea o Taihape is one of two kōhanga reo in Taihape. The kōhanga reo has relocated to a new site opposite the original premises. Significant landmarks in the local area are integral to mokopuna learning.
Mokopuna demonstrate whanaungatanga through their positive interactions and enriching learning experiences.
Mokopuna learn in an environment where relationships are meaningful. Kaimahi model values of aroha, tiaki and manaaki in their engagement with mokopuna. These approaches result in a natural and calm setting for all mokopuna. Tuakana demonstrate thoughtfulness in their interactions with their tēina. Kaimahi utilise a variety of strategies such as waiata, prompts, repetition, rotarota and instruction to support mokopuna language development. Older mokopuna are confident to actively participate where they are able to. Pēpi smile and laugh as they express their understanding. Mokopuna engage in activities that are fun, entertaining and enjoyable. Routines foster consistent and predictable practices for mokopuna. The indoor learning areas promote play, creativity, and exploration. Kaimahi know their mokopuna well and endeavour to cater to their unique needs. Kaimahi consistently acknowledge mokopuna for their achievements. Mokopuna appear happy and enjoy learning alongside others.
Kaimahi have processes in place for planning and assessment. Whānau are invited to contribute to planning which identifies content, activities, and learning outcomes. Planning clearly guide kaimahi implementation of the learning programme. Mokopuna learning journeys are documented in portfolios and story park. These recognise individual mokopuna development and progression overtime. The whānau are informed of what mokopuna are learning and are encouraged to comment on mokopuna development. Mokopuna benefit from collaborative practices.
Whānau have efficient systems in place to manage their kōhanga reo. The Tūtohinga defines processes and sets out a planned approach and direction for whānau. Whānau hui are well attended, recorded and purposeful. There are clear reporting procedures across operations. Core health, safety and personnel policies and procedures are up to date and align to relevant legislation to ensure mokopuna health, safety and wellbeing is prioritised. The strategic plan is informed by Te Ara Tuapae. Long and short-term priorities and actions are clearly identified and provides future development of the kōhanga reo. An action plan monitors the progress of goals achieved. The annual plan is well set out and identifies overall operational and administrative tasks and when these are to be completed. Personnel matters are well managed. Employment documentation includes individual employment contracts, position descriptions and kaimahi safety checks. Kaimahi self-appraisals are completed. There is a focus on building kaimahi skill and capability to become effective, future leaders. Responsibilities are shared amongst whanau to meet operational matters. Mokopuna are the centre of collective whānau decision making.
Programme evaluation is informal. It is difficult to gauge how the learning programme is monitored for its effectiveness. While kaimahi talk about what is working, or not working, there is limited documentation of these conversations. Mokopuna would benefit from increasing kaimahi knowledge of programme evaluation for ongoing improvement.
Whānau and kaimahi acknowledge their ongoing efforts to enhance their awareness and understanding of the Children’s Act 2014. ERO agree that further wananga will enable them to demonstrate their commitment to fulfilling the obligations of the Act.
During the evaluation, ERO looked at systems for managing the following areas:
emotional safety including positive guidance and child protection
physical safety including supervision, sleep procedures, accidents, medication, excursion policy and procedures
suitable staffing including appropriate qualifications, police vetting, ratios
emergency procedures and practices for earthquakes, fire, flood, tsunami and pandemic.
ERO and the Kōhanga reo whānau recommends that whānau continue to strengthen programme evaluation practices to further provide positive learning and outcomes for mokopuna.
Darcy Te Hau
Toka-ā-Nuku – Director
Te Uepū ā-Motu – Māori Review Services
6 September 2023
|
Location |
Taihape |
|
Ministry of Education profile number |
52746 |
|
Kōhanga Reo Identification Number |
07H023 |
|
Licence type |
Te Kōhanga Reo |
|
Licensed under |
Education (Early Childhood Services) Regulations 2008 |
|
Number licensed for |
35 children, including up to 15 aged under 2 |
|
Service roll |
31 children, including up to 5 aged under 2 |
|
Ethnic composition |
Māori 31 |
|
Review team on site |
August 2023 |
|
Date of this report |
6 September 2023 |
|
Most recent ERO report(s) |
Education Review, April 2019; Education Review, February 2016; Supplementary Review, April 2013 |
Ko Te Kōhanga Reo o Mōkai Pātea o Taihape tētahi o ngā kōhanga reo e rua ki Taihape. Ko te marae o Winiata me ētahi atu tino pou whenua whakahirahira o te takiwā e whai wāhi matua ana ki ngā akoranga a ngā tamariki. E rapu huarahi ana te whānau me ngā kaimahi ā-rohe o te Poari Matua o Ngā Kōhanga Reo, kia taea ai e ngā tamariki tō rātou mātauranga i roto i te reo Māori te whai tonu i tā rātou wehenga atu i te kōhanga reo.
E whakapuaki ana ngā tamariki i ō rātou ngākau titikaha mā te hōtaka akoranga whakaongaonga, mā te whai pūtaketanga hoki o ō rātou hononga ki ētahi atu.
E rumakina ana, e whai wāhi nuitia ana ngā tamariki ki te reo Māori mā te whānuitanga o ngā tūmomo huarahi. He pakari, he matatau hoki ngā kaimahi ki te kōrero i te reo Māori. Ka āta poipoi rātou i te wairua pakirehua mā te whakapuaki i ngā patapatai me ngā whakawhitinga kōrero. He pakari ngā tamariki tuākana ki te tono me te patapatai i ngā take kia whai māramatanga. He pakari anō hoki rātou ki te whakautu i ngā pātai ka pupū ake. Ka kitea te māramatanga o ngā pēpi ki te reo Māori mā ā rātou mahi ā-ringa, ō rātou reo ā-tinana, ā, mā tā rātou tāruarua anō hoki i ngā oro me ngā kupu Māori. E whanake ana ngā tamariki ki te kōrero i te reo Māori.
E rongo ana ngā tamariki i te aroha me te whakaute i roto i ō rātou hononga ki ētahi atu. Ka akiaki ngā kaimahi i ngā tamariki kia whai whakaaro rātou, kia whakaatu aroha hoki rātou ki ō rātou kuia, ki ngā kaimahi, ā, ki waenga hoki i a rātou anō. Ka whakatauira rātou i te atawhai o ngā taunekeneke e mau ana i te awhi me te manaaki. Ka tautāwhi, ka manaaki hoki ngā tuākana i ngā pēpi. Ko te pai o aua taunekeneke e whakatūturu ana i te rongo haumaru o ngā pēpi. Ka whakangahau, ka kōrero paki, ka katakata hoki ngā kaimahi ki te taha o ngā tamariki, puta noa i te rā. Kei te harikoa ngā tamariki i roto i ō rātou hononga ki ētahi atu. He pākiki ngā tamariki i ngā wā katoa ki ngā manuhiri ka taetae mai ki tō rātou kōhanga reo. He tūmāia tā rātou whakatata atu ki ngā manuhiri me te uiui i ngā tini pātai. Kei te mauritau, kei te harikoa hoki te āhua o ngā tamariki.
E ako ana ngā tamariki ki tētahi taiao e poipoi ana i ō rātou tuakiri. Ka āta whakarite ngā kaimahi kia taetae atu ngā tamariki ki ngā kaupapa katoa i te marae. E tohu ana te tangi a te pūtātara ki ngā tamariki, kei te eke mai ētahi manuhiri. Kei te mārama haere ngā tamariki ki ngā tikanga me ngā kawa o te marae, tae atu ki ō rātou tū, ā rātou kawenga hoki hei tangata whenua. Kei te pakitara o te kōhanga reo ngā whakaaturanga o ngā marae o te hapori, kei te kaupae tonu e tika ana kia āhei ai ngā tamariki ki te whakapā atu, hei kōrerotanga anō hoki mā rātou. E whanake ana te māramatanga o ngā tamariki ki a rātou anō, ki tō rātou tūrangawaewae hoki.
E whai wāhi atu ana ngā tamariki ki ngā akoranga e āta hāpai ana i te tūhura. Ka whai pānga nui ngā atua Māori ki ngā akoranga a ngā tamariki. Ka whakapuaki māhorahora ngā kaimahi i ō rātou mōhiotanga e pā ana ki ngā atua Māori, tae atu ki ō rātou tūmomo pūmanawa me ō rātou whai pānga nui ki te āhua o te taiao. E whai wāhi atu ana ngā tamariki ki ngā akoranga e whakapuaki ana i te whānuitanga o ngā tūmomo rauemi me ngā tūmomo taumahi. Ka āta kitea te ngākau nuitanga o ngā tamariki tuākana, nā te kaha o tō rātou whai wāhi nui ki ngā akoranga mō ngā wā roroa. E ako ana ngā pēpi mā tētahi hōtaka e mau nei i te pakari o ngā hononga me te whakawhirinakitanga hei tino tūāpapa. Ka aro wawe ngā kaimahi ki ō rātou matea ā-tinana me ō rātou matea ā-whatumanawa hoki. Kei te harikoa, kei te pākiki hoki ngā tamariki hei ākonga.
Ka mahi ngātahi te whānau me ngā kaimahi ki te whakapūmau i ngā pūnaha e hāpai ana i te whakahaeretanga o te kōhanga reo. E whai pūtake ana ngā mahi e whakamahere ana i te hōtaka akoranga. E ārahi ana aua mahere i te whakaritenga me te whakatinanatanga o te hōtaka akoranga i ia rā. Ka riro i ngā tamariki ngā painga o ngā mahere e whai hua ana. Kua whakatakotohia te tūtohinga o te kōhanga reo. Ka arotakengia ngā kaupapa here i ngā hui ā-whānau. Kua oti te tātari o te tau 2018. E arotahi ana ngā mahere rautaki ki te tirohanga a te kōhanga reo mō ngā tamariki. Kua āta whakamaheretia ngā kaupapa matua o te kōhanga reo mō te pae tawhiti. Kua whakatakotohia tētahi rārangi wā hei āta whakarite i te whakatutukitanga o ngā wawata o te whānau. Tū ai ngā hui ā-whānau i te mutunga o ia marama. Whakatakotohia ai ngā pūrongo pūtea me ngā pūrongo kaiako i ia te wā. E hāngai ana ngā tuhinga kaimahi ki te wā. Ka whakaatuhia ngā tuhinga e tika ana ki te tomokanga o te kōhanga reo. Kua whakaritea te nuinga o ngā kaupapa here me ngā rehita e pā ana ki te hauora me te haumaru. Ka aro nui te whānau me ngā kaiako ki te whakahaere i te kōhanga reo hei painga mō ngā tamariki.
Ko te aromatawai i ngā tamariki me te aromātai hōtaka ētahi āhuatanga hei tirohanga ake. Kei ngā pūkete a ngā tamariki ngā kohinga o ā rātou mahi, ā, he maha rawa ngā wā kāhore aua mahi e tohua ana ki te rā, ki ngā kōrerorero rānei, ki te whai pānga rānei o aua mahi ki ngā mahere. Kāhore he tuhinga e tohu ana i te ahu whakamua a ngā tamariki i roto i te roanga o te wā. Kāhore ngā hui kaimahi e tū auau ana i ia te wā, ā, ka pā tōraro tēnei ki tō rātou āheinga ki te aromātai i te whai huatanga o te hōtaka akoranga me ngā āhuatanga hei whakapai ake. Kāhore e āta kitea ana ngā mahi e aroturuki ana i te whai huatanga o te hōtaka akoranga ki te whakatutuki i te whānuitanga o ngā matea o ngā tamariki. Me hāpai i ngā kaimahi ki te whakapakari i ō rātou mōhiotanga me ō rātou pūkenga ki te aromatawai i ngā tamariki me te aromātai i te hōtaka.
Me tahuri wawe ki te whakapai ake i ētahi āhuatanga o te hauora me te haumaru. Me arotake te whānau i āna tukanga ohorere e pā ana ki te waipuke me te rū whenua, ā, me āta whakarite ki te whakatutuki me te tuhi haere anō hoki i ngā akoako hōneatanga ohorere.
I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
I tāutuhia e Te Tari Arotake Mātauranga ngā wāhanga kāhore e tutuki ana e ai ki te ture. Kia tutuki i te whānau o te kōhanga reo ngā herenga ā-ture, me tahuri rātou ki te:
I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:
Ka aromātai anō Te Tari Arotake Mātauranga i Te Kōhanga Reo o Mōkai Pātea o Taihape i roto i te toru o ngā tau.
Charles Rolleston
Toka ā-nuku
16 Paengawhāwhā, 2019
|
Te tūwāhi |
Kei Taihape |
|
|
Te tau a te Tāhuhu o te Mātauranga |
52746 |
|
|
Te tau tohu o Te Kōhanga Reo |
07H023 |
|
|
Te tūmomo raihana |
He kōhanga reo |
|
|
Kua raihanatia ki te ture |
Ngā Ture Mātauranga (Ratonga Kōhungahunga) 2008 |
|
|
Te tokomaha mō te raihana |
31, kia 15 ki raro i te rua o ngā tau |
|
|
Te tokomaha kei te rārangi ingoa |
18, tokowhitu kei raro i te rua o ngā tau |
|
|
Te ira tangata |
Kōtiro 7 Tama 11 |
|
|
Ngā hononga ā-iwi |
Māori |
100% |
|
Te wā i te kōhanga reo te rōpū arotake |
27 Hui-tanguru 2019 |
|
|
Te wā o tēnei pūrongo |
16 Paengawhāwhā, 2019 |
|
|
Ngā pūrongo o mua a Te Tari Arotake Mātauranga |
Arotake Mātauranga Arotake Tāpiri Arotake Tāpiri |
Hui-tanguru 2016 Paenga-whāwhā 2013 Haratua 2009 |
Te Kōhanga Reo o Mōkai Pātea o Taihape is one of two kōhanga reo in Taihape. Winiata Marae and other significant landmarks in the local area are integral to children’s learning. The whānau and local kaimahi from Te Kōhanga Reo National Trust are seeking options for children to continue their education in te reo Māori once they move on from kōhanga reo.
Children express confidence through a stimulating learning programme and meaningful relationships with others.
Children are immersed in and experience te reo Māori in a number of ways. Kaimahi are confident and articulate speakers of te reo Māori. They foster an environment of inquiry through the use of questions and conversations. The older children are confident to make requests and query issues in order to seek clarity. They are also confident in their responses when asked questions. Babies display their understanding of te reo Māori through hand signs, body language, and repeating sounds and Māori words. Children are developing as speakers of te reo Māori.
Children enjoy loving and respectful relationships. Kaimahi encourage children to be mindful and to express aroha to their kuia, kaimahi and each other. They model caring interactions based on awhi and manaaki. Tuākana embrace and care for the babies. These positive interactions provide babies with reassurance that they are safe. Kaimahi have fun, share jokes and laughter with children throughout the day. Children are happy in their relationships with others. Children are always curious about visitors to their kōhanga reo. They approach the visitors with confidence and many questions. Children appear secure and happy.
Children learn in an environment where their identity is nurtured. Kaimahi ensure children attend all activities on the marae. The sound of the pūtātara alerts children that manuhiri are approaching. Children are coming to understand the tikanga and kawa of the marae as well as their roles and responsibilities as tangata whenua. Displays of local marae hang on the wall of the kōhanga reo at eye level for children to touch and talk about. Children are developing an understanding of who they are and where they come from.
Children are engaged in learning which encourages exploration. Atua Māori play a significant role in children’s learning. Kaimahi openly share their knowledge about atua Māori including their characteristics and the influence they have on the environment. Children experience learning where they have access to a wide range of resources and activities. The interest level of the older children is evident as engage in learning for long periods of time. Babies learn through a programme that is based on secure relationships and trust. Kaimahi respond to their physical and emotional needs instantly. Children are happy and inquisitive learners.
The whānau and kaimahi work together to maintain systems that support the management of the kōhanga reo. Planning for the learning programme is meaningful. These plans guide the organisation and implementation of the day-to-day learning programme. Children benefit when planning is effective. The kōhanga reo charter is in place. Policies are reviewed at whānau hui. The 2018 audit is completed. Strategic planning focusses on the kōhanga reo vision for children. Long-term priorities for the kōhanga reo are well planned. A timeline is in place to ensure whānau aspirations are realised. Whānau hold hui at the end of every month. Financial and kaiako reports are regularly tabled. Personnel documents are up-to-date. Relevant documentation is displayed in the foyer. Most health and safety policies and registers are in place. The whānau and kaiako seek to manage the kōhanga reo in the best interest of the children.
Children’s assessments and programme evaluation requires attention. Children’s profiles include a collection of children’s’ work, which are often not dated, annotated or aligned to planning. There are no records to show children’s progress over time. Kaimahi hui are not held regularly which impacts on their ability to evaluate the effectiveness of the learning programme and where they can improve. It is not clear how the effectiveness of the learning programme is monitored to meet the diverse needs of children. Kaimahi require support to build their knowledge and skills in children’s assessment and programme evaluation.
Aspects of health and safety require urgent improvement. The whānau must review its emergency procedures for flood and earthquake and ensure that regular evacuation drills are carried out and documented.
During the evaluation, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
ERO identified areas of non-compliance. In order for the kōhanga reo whānau to meet compliance requirements, they need to:
ensure adults providing education and care are familiar with relevant emergency drills for flooding and earthquake and carry these out with the children with supporting documentation.
[R46 Education (Early Childhood Services) Regulations 2008; HS8 Licensing Criteria for Kōhanga Reo affiliated with Te Kōhanga Reo National Trust 2008]
ERO and the Kōhanga Reo whānau developed the following recommendations:
strengthen children’s assessment and programme evaluation
establish policies and procedures to ensure emergency evacuation drills for flood and earthquake are carried out and appropriately documented.
The next ERO evaluation of Te Kōhanga Reo o Mōkai Pātea o Taihape will be in three years.
Charles Rolleston Toka ā-nuku
16 April 2019
|
Location |
Taihape |
||
|
Ministry of Education profile number |
52746 |
||
|
Kōhanga Reo Identification Number |
07H023 |
||
|
Licence type |
Te Kōhanga Reo |
||
|
Licensed under |
Education (Early Childhood Services) Regulations 2008 |
||
|
Number licensed for |
31 children, including up to 15 aged under 2 |
||
|
Kōhanga Reo roll |
18 children, including 7 aged under 2 |
||
|
Gender composition |
Girls 7 Boys 11 |
||
|
Ethnic composition |
Māori |
100% |
|
|
Review team on site |
27 February 2019 |
||
|
Date of this report |
16 April 2019 |
||
|
Most recent ERO report(s) |
Education Review Supplementary Review Supplementary Review |
February 2016 April 2013 May 2009 |
|
Ka whakahaeretia tētahi arotake tāpiri i runga o te whakataunga ā te Kaiurungi Whakaturuki Arotake Māori i Te Tari Arotake Mātauranga.
E aromātai ana te arotake tāpiri i te whānuitanga me te whai hua o ngā mahi ā te kōhanga reo ki te whakatutuki i ngā take i whakatakotohia ai i roto i te arotake mātauranga o mua atu i tēnei, me ētahi atu wāhanga rānei kua tāutuhia whai muri o taua arotake.
Ko tēnei arotake tāpiri i whakaritea i runga o te aromātaitanga o te whakatutukitanga a te rōpū kāwanatanga, whakahaeretanga o te kōhanga reo, e pā ana ki ngā wāhanga i tāutuhia ai e te pūrongo a Te Tari Arotake Mātauranga, i mua atu, me ngā take rānei kua tāutuhia whai muri o taua arotake. Ko ngā whakataunga mō ngā whakapuakitanga e pā ana ki tēnei arotake, ko te titiro ki:
E tū ana Te Kōhanga Reo o Mōkai Pātea o Taihape ki te tāone o Taihape. Kua tino tau te noho o te kōhanga reo ki tō rātou whare hou. He mīharo rawa atu ngā rauhanga o roto, o waho hoki ki te kōhanga reo mō ngā tamariki. Kei ngā tuākana tō rātou ake whare, ā, kei ngā tēina hoki tētahi. He tino pai ngā taiepa e karapoti ana i ngā whare, ā, he tika hoki ngā kēti.
Mai i te arotake o mua, kua pā mai ētahi rerekētanga ki ngā tūnga kaimahi. Engari kua arotahi tonu te rōpū matua o te whānau ki te whakapai i te hōtaka akoranga me te whakawhanake tonu i tā rātou whakahaeretanga i te kōhanga reo.
I tāutu te pūrongo o mua i ngā take i hāngai ai ki ngā mahere, te ratonga ako me te atawhai mō ngā tamariki katoa. Kua whakaritea ngā tukanga atawhai. Kua whakahou ake, kua whakapai ake hoki ngā kaimahi i te whakapuakitanga o ngā wheako akoranga papai mō ā rātou tamariki. Kua tino pai ake ngā rauemi me ngā matea ako o ngā tamariki kei raro i te rua o ngā tau. Kua tautoko ngā kaimahi i a rātou anō, ā, he pai tō rātou māramatanga i nāianei ki ā rātou whakaritenga ngaio.
He pēhea rawa ngā tamariki e hāpaitia ana i roto i ā rātou akoranga, ō rātou whakawhanaketanga hoki?
E tino hāpaitia ana ngā tamariki i roto i ā rātou akoranga me tō rātou whakawhanaketanga.
Kei te pakari haere ngā tamariki i roto i te ao Māori. He ratarata, he mauritau hoki rātou, ā, e ako ana rātou ki te tautoko i ētahi atu. He pākiki ngā tamariki, ā, ka patapatai rātou. E mōhio ana rātou ki a rātou anō, ki ētahi atu hoki ki tō rātou taiao. Ka whakawhiti kōrero ngā tamariki ki waenga i a rātou anō, ā, e noho ngākau nui ana hoki ki te whakawero i a rātou anō. Ka noho pūmau te ao Māori i ngā wā karakia, ngā waiata, me ngā mihimihi, ā, ka pupū ake ngā tikanga, te reo Māori, me te ako i a rātou anō mā te taki i ngā pepeha me ngā whakapapa. E tino tautokona ana, e tino arahina ana te tū o ngā tamariki ki te ao Māori e ngā kaimahi. E whakawhanake ana te āheinga o ngā tamariki ki te kite i ngā rerekētanga ki waenga i te ao Māori me te ao whānui.
He pai ngā ratonga mō ngā pēpi. He ātaahua, he muramura hoki tō rātou taiao whakaongaonga. He pai te whakatutuki o ngā tūmomo rauemi i ngā matea ā-tinana, ā-hinengaro, ā-tangata, ā-whatumanawa hoki o ngā pēpi. Ka āta aroturukitia, ka āta tuhia hoki ō rātou matea me ngā mahinga e pā ana ki tō rātou atawhai. Ka whakamātau haere, ka tūmāia hoki ngā pēpi, ā, ka whakamahi rātou i te whānuitanga o ngā tūmomo rauemi. He mātau ngā kaimahi ki te taunekeneke me te akiaki i ngā pēpi e whai wāhi ana ki te tākaro takitahi, ki te taha rānei o tētahi hoa, ki ngā rōpū rānei. Ka whai pūtake, ka whai wāhi hoki rātou katoa. Ka whakamātau rātou i ngā āhuatanga katoa. He harikoa ngā pēpi, ā, ka tino manaakitia.
Rongo ai ngā tamariki i te reo Māori e kōrerohia ana i ngā wā katoa, puta noa i te rā. He pai tō rātou māramatanga ki te reo. He tokomaha o rātou ka aro tika ana ki ngā tono me ngā tohutohu. Ko ngā taunekeneke a ngā tamariki tētahi wā ki te arotahi, ā, he māhorahora te whakapuaki mai o ngā whakautu a ngā tamariki. He pai te whakamahi a ngā kaimahi i te tāruarua me te reo ā-tinana. E whakawhanake ana te reo Māori o ngā tamariki.
Hei whakawhānui i te mōhiotanga me te whakawhanaketanga reo o ngā tamariki, e tika ana kia whakapakari ake ngā kaimahi i a rātou anō i roto i te reo Māori. Ka whai hua ngā tamariki inā ka hāpai te whānau i ngā kaimahi ki te wāhi atu i te whakawhanaketanga ngaio o te reo Māori.
I tāutuhia te pūrongo o mua i ngā wāhanga hei whakawhanake ake, tae atu ki ētahi āhuatanga i hāngai ai ki ngā herenga ā-ture, te whai wāhi ake o te whānau ki ngā whakaritenga me te whakahaeretanga o tō rātou kōhanga reo. Ko te arotake whaiaro me te pūrongo ētahi atu āhuatanga hei tirohanga ake i taua wā. Me whakapai ake te whakamahere, te aromatawai me ngā mahi aromātai puta noa i te kōhanga reo.
Ka whai hua, he tika hoki te whakamahere mō ngā akoranga a ngā tamariki me ō rātou whakawhanaketanga. He riterite ngā angamahi whakamahere ā-tau, ā-wāhanga, ā-wiki hoki ki te whakapuakitanga ā-tau, ā-wiki hoki o ngā kaupapa. Kua āta tuhia ngā āhuatanga matua o ngā akoranga ā-kaupapa, puta noa i te kōhanga reo. Ka whakaarohia ngā matea me ngā ngākau nuitanga o ngā tamariki. Kei te mārama ngā kaimahi ki ō rātou tūranga me ā rātou kawenga mahi. Ka whai hua ngā tamariki nā te pai o ngā mahi whakamahere.
Kei ngā pūkete a ia tamaiti te pai o ngā mōhiohio e pā ana ki ngā wheako a ngā tamariki, mā ngā mātua. He pai te whakatakoto haere i ēnei, ā, e mau ana i ngā pepeha, ngā whakapapa me ngā tūmomo wheako ā-kaupapa. Kua tāpirihia hoki ngā kohinga whakaahua me ngā pikitia e mau ana i ngā kōrerorero. Ka arotahi ngā aromatawai ki ngā pūkenga ā-tangata, tae atu ki ngā tohu wheako, te ahu whakamua o te whakawhanaketanga ā-tinana, te kori tinana hoki. Ka whiwhi ngā tamariki i te whānuitanga o ngā tūmomo wheako i whakamaheretia ai.
He pai te kounga o te hōtaka, ngā pūnaha, me ngā whakaritenga, ā, ka kōrerohia, ka tuhia hoki i ia te wā e ngā kaimahi. Ka pūrongotia hoki aua kōrero ki ngā hui ā-whānau. Nā te pai o ngā kitenga me ngā mahi arotake, kua tau mai ngā rerekētanga, kua tūhuratia hoki ngā wero e whai pānga ana ki ngā tamariki, ā, kua pai ake te whakahaere i ngā tamariki. Ka whai hua ngā tamariki nā te pai o ngā whakaritenga a ngā kaimahi.
He pakari te arotake whaiaro ki te kōhanga reo. Pūrongotia ai i ia te wā ki ngā hui ā-whānau. Kua oti te arotake o ngā kaupapa here me ngā tukanga a ngā kaimahi. Kei te pūkete a te kaimahi tana kirimana, te tuhinga tūranga mahi, me te arohaehae. Kua whakawhiti kōrero mō te whakawhanaketanga ako ngaio, ā, kua whakaaetia hoki ngā whāinga i roto i ngā mahi. Ka ngākau nui ngā tamariki ki tētahi kōhanga reo i āta arotakengia ai e te whānau.
He maha ngā āhuatanga i tāutuhia ai ki te pūrongo a Te Tari Arotake Mātauranga, kāhore e tutuki ana i ngā herenga ā-ture. I hāngai ēnei ki ngā akoako hōneatanga, te rehita o ngā āhuatanga mōrearea, me te rehita o ngā maiki, ngā tukanga tīni kope, me te hau e tika ana mō ngā pēpi ki te rūma moe, ngā rauemi ako ā ngā pēpi.
E tautokona ana ngā tamariki nā te pakari o te whānau ki te whakatutuki i ngā herenga ā-ture. Kua tutuki katoatia ngā āhuatanga o mua i hāngai ai ki ngā herenga ā-ture. Kua whakaritea te katoa o ngā rehita i arotakengia ai, me ngā tukanga e tika ana, ā, e whakahaerehia ana ēnei. Kua nuku te rūma moe o ngā pēpi, ki tētahi rūma pai ake. He rawe te hau o roto, ā, he pai ake te moe o ngā pēpi. Ko te waiora o ngā tamariki e noho matua ana ki te whānau o te kōhanga reo.
E tautokona ana te kōhanga reo e tētahi rōpū iti o ngā mātua. E taunakihia ana, kia whakawhanake taua rōpū i tētahi mahere mahi, tae atu ki ngā tūranga o ngā mātua, me ā rātou kawenga. Kei roto hoki i taua mahere, ko ngā tino tūranga mahi, ngā tino kawenga hoki, ngā tāngata ka kawe ake, me te wā ka oti aua mahi. E tika ana kia tū ētahi wānanga ā-whānau mō Te Korowai, hei whakatairanga i te mōhiotanga o ngā mātua. Ka whakatairangatia te huarahi ako o ngā tamariki nā te noho pūmau ake ki te kaupapa.
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei:
Kia toro atu te whānau o te kōhanga reo ki te tautoko o te purapura me te tari ā-rohe o Te Poari Matua o Ngā Kōhanga Reo, arā, te tari o Aotea.
E tū ana Te Kōhanga Reo o Mōkai Pātea o Taihape ki te tāone o Taihape. E tino tautokona ana te ako me te whakawhanaketanga o ngā tamariki. He pai te whakarite, te whakahaere hoki o te rōpū whānau matua i te kōhanga reo mō ā rātou tamariki. Kua rite ngā tamariki ki te whakawhānui ake i tō rātou whakawhanaketanga reo.
Ka arotake anō Te Tari Arotake Mātauranga i Te Kōhanga Reo o Mōkai Pātea o Taihape i roto i te toru o ngā tau.
Lynda Pura-Watson
Kaiurungi Whakaturuki Arotake Māori
18 Hui-tanguru, 2016
|
Te tūwāhi |
Kei Taihape |
|
|
Te tau a te Tāhuhu o te Mātauranga |
52746 |
|
|
Te tau tohu o te kōhanga reo |
07H023 |
|
|
Te tūmomo whare |
He kōhanga reo |
|
|
Te tokomaha mō te raihana |
31, kia 15 ki raro i te rua o ngā tau |
|
|
Te tokomaha kei runga i te rārangi ingoa |
18, tokowhitu kei raro i te rua o ngā tau |
|
|
Te ira tangata |
Kōtiro 9 Tama tāne 9 |
|
|
Ngā hononga ā-iwi |
Māori |
100% |
|
Te wā i te kōhanga reo te rōpū arotake |
15 Hakihea 2015 |
|
|
Te wā o tēnei pūrongo |
18 Hui-tanguru, 2016 |
|
|
Ngā pūrongo o mua a Te Tari Arotake Mātauranga |
Arotake Tāpiri Arotake Tāpiri Arotake Tāpiri |
Paenga-whāwhā 2013 Haratua 2009 Hakihea 2007 |
A supplementary review is undertaken at the discretion of the Deputy Chief Review Officer Māori in the Education Review Office (ERO).
A supplementary review evaluates the extent and effectiveness of actions a kōhanga reo has taken towards addressing issues specified in its previous ERO review and/or any additional areas identified since that review.
This supplementary review is based on an evaluation of the performance of the kōhanga reo governing body and management in relation to areas identified in the previous ERO report or issues identified since that review. The terms of reference for this review are to investigate:
Te Kōhanga Reo o Mōkai Pātea o Taihape is situated in the Taihape Township. The kōhanga reo has settled into their new premises well. The kōhanga reo has exceptional indoor and outdoor facilities for children. The tuakana and teina have their own separate buildings. The complex is very well fenced with appropriate gates in the right places.
Since the last review there has been staff changes. However, the core whānau group has continued to focus on improving the programme of learning and further develop their management of the kōhanga reo.
The previous report identified concerns about addressing planning and learning provision and care for all children. Care procedures are in place. Kaimahi have revised and improved delivery of good learning experiences for their children. The resources and learning needs for their under two year olds has improved extensively. Kaimahi have supported each other well and now have a good understanding of their professional practices.
How well are children supported in their learning and development?
Children are well supported in their learning and development
Children are becoming more confident in te qo Māori. They are friendly, positive and learning about supporting each other. Children are curious and ask questions. They are aware of themselves and others in their environment. Children talk to each other and are willing to also challenge each other. te āo Māori comes to the fore during karakia, waiata, mihimihi which provide tikanga, te reo Māori and learning about themselves through reciting pepeha and whakapapa. Children are well supported and guided by kaimahi in presenting te ao Māori. Children are developing an ability to differentiate between te ao Māori and te ao whānui.
Provision for babies is well resourced. They have an attractive, colourful and stimulating environment. Various resources cater well for the individual physical, intellectual, social and emotional needs of the babies. Their care needs and routines are well monitored and documented. Babies are adventurous and confident and use a wide range of resources. Kaimahi are diligent in interacting and encouraging babies who have opportunities to play alone, with a friend or in groups. They all have a purpose and place to go. They try everything out. Babies are happy and very well cared for.
Children hear te reo Māori spoken consistently throughout the day. They have a good understanding of the language. Many respond appropriately to requests and instruction. Kaimahi interactions provide a time to focus and children’s responses are forthcoming. Kaimahi use repetition and body language well. Children’s te reo Māori is developing.
In order to extend children’s knowledge and language development, it is important for kaimahi to upskill themselves in te reo Māori. Children would benefit if whānau supported kaimahi to pursue further professional development in te reo Māori.
The previous report identified areas for development including some areas of compliance, more whānau participation in operations and management of their kōhanga reo. Self-review and reporting needed attention. Planning, assessment and evaluation practices need improvement across the kōhanga reo.
Planning for children’s learning and development is effective and efficient. Annual, term and weekly planning frameworks are consistent in terms of links made from annual to weekly delivery of kaupapa. The essential elements of kaupapa learning are well documented across the kōhanga reo. Children’s needs and interests are considered. Kaimahi understand their roles and responsibilities. Children benefit from effective planning.
Children’s individual profiles provide good information about children’s experiences for parents. These are presented well and contain personal pepeha, whakapapa and numerous kaupapa experiences. They have a collection of photos and individual pictures with stories attached. Assessments focus on life skills including milestones, progress in physical development and co-ordination. Children experience a range of planned experiences.
Good quality programme, systems and practices are regularly discussed and documented among kaimahi. These are reported to whānau hui. Positive observations and review practices has led to change, exploring challenges for children and managing children better. Children benefit from good kaimahi practices.
Self-review of the kōhanga reo is robust. There is regular reporting at whānau meetings. Review of the personnel policies and procedures has been completed. The personnel portfolio includes individual contracts, job description and appraisal for each kaimahi. Professional learning development has been discussed and performance goals have been agreed too. Children enjoy a kōhanga reo that has been efficiently reviewed by whānau.
A number of areas of non-compliance were identified in the ERO report. These included evacuation drills, hazard and incident registers, nappy hygiene procedures, appropriate ventilation of the babies sleeping room and learning resources for babies.
Children are supported through efficient compliance management by the whānau. The outstanding compliance issue have been meet. All reviewed registers and necessary procedures are in place and operational. The sleeping room for babies has been moved to a more appropriate room. Ventilation is excellent and is beneficial to babies sleeping undisturbed. Children’s wellbeing is paramount to the kōhanga reo whānau.
The kōhanga reo is supported by a small core of parents. It is recommended that this group develop an action plan that includes meeting the roles and responsibilities of the parents. The plan would include specific roles and responsibility, who is responsible and when they are to be completed. Whānau wānanga on Te Korowai to enhance the parent’s knowledge is essential. The children’s learning journey will be enhanced with more commitment to the kaupapa.
ERO and the kōhanga reo whānau developed the following recommendations:
The kōhanga reo whānau to seek support from the local purapura and the regional Aotea office of Te Kōhanga reo National Trust.
Te Kōhanga Reo o Mōkai Pātea o Taihape is situated in Taihape Township. Children are well supported in their learning and development. The core whānau group manage and operate their kōhanga reo well for their children. The children are ready to extend their language development.
The next ERO review of Te Kōhanga Reo o Mōkai Pātea o Taihape will be in three years.
Lynda Pura-Watson
Deputy Chief Review Officer Māori
18 February 2016
|
Location |
Taihape |
||
|
Ministry of Education profile number |
52746 |
||
|
Kōhanga Reo Identification Number |
07H023 |
||
|
Licence type |
Te Kōhanga Reo |
||
|
Licensed under |
Education (Early Childhood Services) Regulations 2008 |
||
|
Number licensed for |
31 children, including up to 15 aged under 2 |
||
|
Kōhanga Reo roll |
18 children, including 7 aged under 2 |
||
|
Gender composition |
Girls 9 Boys 9 |
||
|
Ethnic composition |
Māori |
100% |
|
|
Review team on site |
15 December 2015 |
||
|
Date of this report |
18 February 2016 |
||
|
Most recent ERO report(s) |
Supplementary Review Supplementary Review Supplementary Review |
April 2013 May 2009 December 2007 |
|