Moteo Pa Road, Puketapu
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, ngā hapū, me ngā iwi.
Ko Tuhirangi te maunga
Ko Tūtaekurī te awa
Ko Tākitimu te waka
Ko Mōteo te marae
Ko Ngāti Kahungunu te iwi
E tū ana Te Kōhanga Reo o Mōteo ki Puketapu, ki te taha o te marae o Timi Kara. E whakapakari tonu ana tētahi rōpū whānau iti i tō rātou māramatanga ki ō rātou tūranga me ā rātou kawenga mahi.
He pēhea rawa te whakaatu mai a ngā mokopuna i tō rātou māramatanga ki tō rātou tuakiri me tō rātou tūrangawaewae?
Ka kitea ki ngā mokopuna tō rātou māramatanga ki tō rātou tuakiri me tō rātou tūrangawaewae mā roto mai i ngā wheako ako e hāngai pū ana ki a Ngāti Kahungunu.
E rumakina ana ngā mokopuna ki tētahi hōtaka e hāpai ana i a rātou ki te whai māramatanga ki tō rātou tuakiri me tō rātou tūrangawaewae. Ka whakamahi ngā kaimahi i ngā waiata me ngā taumahi e whakawhanake ai i te mōhiotanga o ngā mokopuna ki ngā pepeha me ngā pou whenua o te takiwā. E hono ana te aronga ako ki a Ngāti Kahungunu. He āhuatanga tēnā e whakapūmau ana i te māramatanga o ngā mokopuna ki a rātou anō, ā, ka whakawhanake hoki i te aronga toi whenuatanga. Ka kitea ki ngā mokopuna tō rātou mōhiotanga ki tō rātou tuakiri.
E hāpaitia ana te tupu haere a ngā mokopuna ki te kōrero i te reo Māori. Ka whakawhiti kōrero ngā kaimahi mā te reo Māori. Ka whakamahi rātou i ngā rautaki pērā i te whakatauira, te tāruarua, te patapatai, me ngā mihi, ki te whakawhanake me te whakapakari i ngā āheinga reo o ngā mokopuna. E whai hua ana ngā waiata hei aronga, ā, he kaha ngā kaimahi ki te whakapuaki me te whakatairanga. Ka tahuri nui ngā mokopuna ki ngā rautaki hopu reo a ngā kaimahi.
Kei te mauritau, kei te harikoa hoki ngā mokopuna hei ākonga. Ka whakatairanga ngā kaimahi i te aroha, i te manaaki, me te tautoko ki ngā mokopuna. Kei te tino mōhio rātou ki ngā mokopuna, ā, nā aua māramatanga ka aro pū rātou ki ngā matea o ia mokopuna. E manaakitia ana ngā mokopuna.
Kua whakawhanake ngātahitia ngā mahere me ngā pūkenga o te kaiako matua. Kei te mahere ā-tau ngā kaupapa whānui e hono pū ana ki Te Whāriki me Ngā Taumata Whakahirahira. E whakatakoto ana i ngā aratohu mō ngā mahere ā-wāhanga, ā-wiki hoki. Ka whakatakotohia ki ngā mātai mokopuna te ako me te ahu whakamua a ngā mokopuna. Ka whakapuakihia aua mōhiohio ki te whānau, mā te hui kanohi ki te kanohi, mā ngā kōnae, ā, mā te pae tukutuku hoki. Ka whakaaro huritao ngā kaimahi, ā, ka arotahi ki te whakapai tonu.
E mahi tahi ana te whānau ki te whakatinana me te whakawhanake i tō rātou tino māramatanga ki ō rātou tūranga me ā rātou kawenga mahi. Hui ai, whakawhiti kōrero ai hoki rātou i ia te wā, mā te tangongitanga o ngā huarahi. E whakatinanahia ana tā rātou mahere rautaki ki Te Ara Tūāpae me Te Ara Tūāpae ā-Rohe. Kua tautuhia ngā whāinga, ā, e hāpaitia ana te whakatutukitanga o te whānau i aua whāinga mā tētahi mahere whakatinana. He aronga ki te whakatupu i te reo Māori me ngā pūkenga o ngā kaimahi i roto i ngā kaupapa, mā tētahi aronga ngātahi. E whakatakoto ana te mahere ā-tau i te tino ārahitanga o ngā wāhanga whakahaere katoa. E whakahaerehia ana ngā pūtea mā te tautoko o te tari ā-rohe. Kua whakatakotohia ngā kaupapa here me ngā tukanga, ā, ka āta ārahi i te whānau. Kua āta tuhia hoki ngā rēhita. Kei ngā kōpaki whakahaere kaimahi ngā mōhiohio katoa e tika ana. Ko ngā matea o ngā mokopuna me te whānau kei te pūtake o ngā whakaritenga e whanakehia ana.
Me titiro ki ngā arohaehae. Ahakoa kua whakatakotohia ngā arohaehae whaiaro, kāhore e āta kitea ana te whai pānga o ērā ki te tupu ngaio e whakapakari ai i ō rātou āheinga kia whai hua ai ā rātou whakaritenga. E ākina ana te whai wāhi atu a te whānau ki te tukanga, hei āta whakatau i te tautuhi o ngā whāinga ako ngaio, me te whakatinanatanga o aua whāinga mā te whai tautoko. Ka whai hua ngā mokopuna nā te pakari o ngā tukanga arohaehae.
Kāhore ngā whānau e mārama ana ki ō rātou tūranga me ā rātou kawenga. I tēnei wā, e kawe ana te kaiako matua i ngā mahi matua e tika ana kia kawea kētia e te whānau. I roto i ngā whakawhitinga kōrero ki te taha o te whānau, i whakataungia e tika ana kia whai māramatanga ake ki ngā tūranga matua i raro i Te Pou Tuarua. He mea nui kia rapu tautoko te whānau ki te whakatakoto i ngā rautaki e whakapakari ai i tō rātou māramatanga me ā rātou whakaritenga e pā ana ki te whakahaeretanga o te kōhanga reo. Ko ngā wheako o ngā mokopuna i roto i te kaupapa, ka whakatairangatia mā te ū pūmau o te whānau i roto i ō rātou tūranga.
I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:
te haumaru ā-whatumanawa, tae atu ki te ārahi mauritau me te ārai tamariki
te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho
te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti
ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.
Hei whakatutuki i ngā herenga ā-ture, me tahuri rātou ki te:
āta whakarite i ngā whai wāhitanga mō te whānau ki te whai wāhi atu ki te whakawhanaketanga me te arotakenga o ngā mahi whakahaere ki te kōhanga reo.
[R47 Ture Mātauranga (Kōhungahunga) 2008; GMA4 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
E taunaki ana Te Tari Arotake Mātauranga kia mahi te kōhanga reo ki te taha o te tari ā-rohe o Te Poari Matua o Ngā Kōhanga Reo, ki te whakawhanake i tētahi mahere e whakatutuki ana i ngā take i whakaraupapahia ai ki runga ake nei.
Darcy Te Hau
Toka ā Nuku
Te Uepū-a-Motu – Māori Services
13 Whiringa ā-nuku, 2023
|
Te tūwāhi |
Kei Puketapu, ki Heretaunga |
|
Te tau a te Tāhuhu o te Mātauranga |
55104 |
|
Te tau tohu o Te Kōhanga Reo |
08B083 |
|
Te tūmomo whare |
Te Kōhanga Reo |
|
Te raihana |
Ngā Ture Mātauranga (Ratonga Kōhungahunga) 2008 |
|
Te tokomaha mō te raihana |
15 ngā tamariki, kia tokorima ki raro i te rua o ngā tau |
|
Te tokomaha kei runga i te rārangi ingoa |
Tokowaru ngā tamariki, tokotoru kei raro i te rua o ngā tau |
|
Ngā hononga ā-iwi |
Māori 7, Iwi kē 1 |
|
Te wā i te kōhanga reo te rōpū arotake |
Here-turi-kōkā 2023 |
|
Te wā o tēnei pūrongo |
13 Whiringa-ā-nuku 2023 |
|
Ngā pūrongo o mua a Te Tari Arotake Mātauranga |
Arotake Mātauranga, Mahuru 2018; Arotake Mātauranga, Whiringa-ā-rangi 2015; Arotake Mātauranga, Paenga-whāwhā 2011 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO’s reports provide important information for whānau, hapū and iwi.
Ko Tuhirangi te maunga
Ko Tutaekurī te awa
Ko Takitimu te waka
Ko Moteo te marae
Ko Ngāti Kahungunu te iwi
Te Kōhanga Reo o Moteo is located in Puketapu next to Te Marae o Timi Kara. A small whānau group continue to strengthen their understanding of their roles and responsibilities.
Mokopuna demonstrate an understanding of who they are and where through learning experiences centred around Ngāti Kahungunu.
Mokopuna are immersed in a programme that supports them to grow an understanding of who they are and where they come from. Kaimahi use waiata and activities to develop mokopuna knowledge and awareness of pepehā and local landmarks. The learning focus is linked to Ngāti Kahungunu. This reinforces mokopuna understanding of themselves and cultivates a sense of belonging. Mokopuna show an awareness of their identity.
Mokopuna are supported to progress as speakers of te reo Māori. Kaimahi communicate in te reo Māori and use strategies such as role modelling, repetition, questioning and praises to develop and consolidate mokopuna language capabilities. Waiata are an effective approach that kaimahi enthusiastically espouse and promote to reinforce mokopuna learning of te reo. Mokopuna respond positively to kaimahi language acquisition strategies.
Mokopuna are settled and happy learners. Kaimahi show aroha, manaaki and tautoko towards mokopuna. They know them intimately and use their understanding to respond to mokopuna individual needs appropriately. Mokopuna are cared for.
Programme planning is a strength. The māhere a tau includes kaupapa whānui with clear links to Te Whāriki and Ngā Taumata Whakahirahira. This provides clear guidelines for the term and week planning. Mātai mokopuna capture mokopuna learning and progress. This information is shared with whānau kanohi ki te kanohi, through konae and online. Kaimahi are reflective and improvement focused.
Whānau are working together to realise and develop a sound understanding of their roles and responsibilities. They meet and communicate regularly through a range of ways. Their strategic plan is informed by Te Ara Tuapae and Te Ara Tuapae a Rohe. Goals have been identified and whānau are supported to realise them through an implementation plan. There is a focus on growing te reo Māori and kaimahi capability in the kaupapa through a collaborative approach. The annual plan provides clear guidance for all areas of operation. Finances are managed with the support of Te Tari a Rohe. Policies and procedures are in place and include clear guidance for whānau. Registers are well documented. Personnel files include all required information. Mokopuna and whānau needs are at the centre of management practices.
Whanau are not fully clear about their roles and responsibilities. Currently, the kaiako matua is carrying out key tasks that is the responsibility of whānau. During discussions with whānau, it was agreed that a developing guidelines for Te Pou Tuarua was necessary to develop clarity for kaimahi and to ensure they work effectively for the benefit of mokopuna.
During the evaluation, ERO looked at systems for managing the following areas:
emotional safety including positive guidance and child protection
physical safety including supervision, sleep procedures, accidents, medication, excursion policy and procedures
suitable staffing including appropriate qualifications, police vetting, ratios
emergency procedures and practices for earthquakes, fire, flood, tsunami and pandemic.
To meet compliance requirements, they must:
ensure whānau are provided with opportunities to contribute in relation to development and review into the management of the kōhanga reo.
[Regulation 47 Education (Early Childhood Services) Regulations 2008; GMA4 Licensing Criteria for Kōhanga Reo affiliated with Te Kōhanga Reo National Trust 2008]
ERO recommends working alongside Te Tari a Rohe and develop a plan to respond to the matters outlined above.
Darcy Te Hau
Toka-ā-Nuku – Director
Te Uepū ā-Motu – Māori Review Services
13 October 2023
|
Location |
Puketapu, Hastings |
|
Ministry of Education profile number |
55104 |
|
Kōhanga Reo Identification Number |
08B083 |
|
Licence type |
Te Kōhanga Reo |
|
Licensed under |
Education (Early Childhood Services) Regulations 2008 |
|
Number licensed for |
15 children, including up to 5 aged under 2 |
|
Service roll |
8 children, including 3 aged under 2 |
|
Ethnic composition |
Māori 7, Other 1 |
|
Review team on site |
August 2023 |
|
Date of this report |
13 October 2023 |
|
Most recent ERO reports |
Education Review, September 2018; Education Review, November 2015; Education Review, April 2011 |
E tū ana Te Kōhanga Reo o Mōteo ki te taha o ngā marae o Timi Kara rāua ko Mōteo. He whenua tēnei nō te whānau, ā, e karapotia ana ki ngā māra waina e mōhio whānuitia ana ki Te Matau-a-Māui. Ka noho te whānau ki Ahuriri, ā, e wātea ana ki a rātou te wēne o te kōhanga reo hei kawe i ā rātou tamariki. Whai muri i te arotake o mua a Te Tari Arotake Mātauranga, kua whakatūngia tētahi kaiako hou.
He ngākau titikaha ō ngā tamariki ki te whai wāhi atu ki ngā akoranga, ā, kei te harikoa hoki rātou i a rātou e ako ana.
E rongo ana ngā tamariki i te pai o ngā taunekeneke me te whakawhanaungatanga. Ka whakahei ngā kaimahi i ngā tamariki mā ngā menemene me ngā awhiawhi i tō rātou taenga mai ki te kōhanga reo i ia rā. Ka whakataka te kōhanga reo i te parakuihi mā ngā tamariki. He pārekareka ki ngā tamariki taua wā, hei wā anō hoki mō rātou ki te whakawhitiwhiti kōrero ki waenga i a rātou anō, ki ngā kaimahi hoki. Ko te waiora o ngā tamariki tētahi aronga matua. He pai ngā taunekeneke a ngā kaimahi ki ngā tamariki, puta noa i te rā. Ka whai wāhi atu ngā kaimahi ki ngā tamariki mā ngā huarahi e whakangahau ana, ā, e whakamāhanahana ana hoki i te wairua. Ka whakarato rātou i ngā taumahi e whakangahau ana, e āta kapo atu ana hoki i ngā tamariki. Ka āta rongo i te whanaungatanga ki waenga i ngā tamariki me ngā pakeke. He mauritau ngā tamariki, kei te tūmāia hoki.
E whai hononga ana ngā tamariki ki tō rātou ahurea me tō rātou tū tangata. Ka whakarato ngā kaimahi i ngā wheako e whai pūtake ana ki ngā tamariki i runga i te marae. Ka whai wāhi atu ngā tamariki ki ngā pōwhiri ki te taha o ngā kuia me ngā kaumātua. Ka kite rātou i ngā mahi i te wharekai o te marae. Ka ako rātou i te manaakitanga me ngā huarahi ki te atawhai i ētahi atu. Ka tūmāia ngā tamariki ki te whakatau i ngā manuhiri ki tō rātou kōhanga reo. Ka ngākau nui ngā tamariki ki te whai wāhi mātātoa atu hei tangata whenua. Whakarato ai ngā kaimahi i ia te wā i ngā whai wāhitanga mō ngā tamariki ki te tūhura i tō rātou whenua me ētahi atu wāhi e noho whakahirahira ana ki te hapū me te iwi. E mōhio ana ngā tamariki ki ō rātou tuakiri me tō rātou tūrangawaewae.
E hāpaitia ana te ako a ngā tamariki i te reo Māori. Kōrero ai ngā kaimahi i te reo Māori ki ngā tamariki i ngā wā katoa, ā, ka whakamahi anō hoki rātou i ngā rautaki whakangahau e whakawhānui ana, e whakapakari ana hoki i te whakawhanaketanga o tō rātou reo. E pātai ana, e whakautu kōrero ana, e whakapuaki whakaaro ana hoki ētahi o ngā tuākana ki te taha o ngā kaimahi, ā, ki waenga tonu i a rātou anō. Ka ngākau nui ngā pēpi ki te whakapuaki i tō rātou māramatanga ki tēnā e ākona ana, e whakaarohia ana hoki e rātou mā te kupu kotahi, mā ngā nekehanga rānei o ō rātou tinana. Ka ngākau nui ngā tamariki ki ngā whai wāhitanga ki te āta arataki i ētahi wāhanga o te hōtaka akoranga, pērā i ngā karakia me ngā mihimihi. He wawe te whakamihi atu a ngā kaimahi i ngā tamariki mō tā rātou kōrero i te reo Māori. E whanake ana ngā tamariki hei ākonga o te reo Māori.
He maha ngā whai wāhitanga mō ngā tamariki ki te tūhura i ō rātou taiao ako. Hīkoi haere ai ngā kaimahi me ngā tamariki i ia te wā ki te marae e pā tata atu ana ki a rātou, otirā, e whai pānga nui ana ki te ako a ngā tamariki. He pārekareka ki ngā tamariki te whakatupu me te hauhake kai i ngā māra o te kōhanga reo. Ka ako rātou i ngā atua Māori, i ētahi karakia, me te whai pānga o ēnei ki ngā āhuatanga whakatupu o ngā māra kai. Ka hāpai ngā kaimahi i ngā tamariki ki te tū hei kaitiaki o te whenua. Ka whakarato ngā kaimahi i ngā taumahi me ngā mahi e whakapūmau ana i te ako a ngā tamariki, e whakawero ana i ō rātou whakaaro, ā, e whakawhānui ana anō hoki i ā rātou puna kupu. Ka ngahau ngā tamariki i a rātou e tūhura ana i tō rātou taiao.
Ka mahi ngātahi te kaiwhakahaere me te kaiako ki te whakapūmau i ngā pūnaha e hāpai ana i te whakahaeretanga o te kōhanga reo. Kua arotakengia, kua whakahoungia hoki te tūtohinga. Kua whakatakoto katoatia ngā kaupapa here me ngā tukanga e pā ana ki te hauora me te haumaru, ā, i ngā wā e tika ana kua whakahāngaitia hoki ki Te Ture Oranga Tamariki o 2014. Kua whakatakotohia tētahi mahere ā-tau, ā, ka āta whakaatuhia hoki. E ārahi ana tēnei i ngā whakahaeretanga o ia wiki i te kōhanga reo. Tū ai ngā hui ā-whānau i ia te wā, ā, he pai te tae ā-tinana atu. E whakahaere ana te kaiwhakahaere me te kaiako i te kōhanga reo hei painga mō ngā tamariki.
Me whakapakari ake i te whakamahere hōtaka, te aromātai hōtaka, me te aromatawai. Kāhore ngā kaimahi e āta tuhi ana i ngā putanga ako o ngā tamariki, kāhore rānei e tāutu ana i ngā taumahi ako e tika ana mō ō rātou matea ako. Kāhore te ako me te ahu whakamua a ngā tamariki e āta aroturukitia ana. Kāhore he tuhinga e tohu ana i ngā whakarerekētanga me ngā whakapaitanga i tutuki ai i roto i te hōtaka. He mea nui kia toro atu ngā kaimahi ki te ako ngaio me te whakawhanaketanga ngaio, hei whakapiki ake i ō rātou pūkenga me ō rātou mōhiotanga ki aua tūāhuatanga. Kāhore te ako a ngā tamariki e āta aroturukitia ana, e āta whakawhānuihia ana hoki.
E kawe ana te kaiako me te kaiwhakahaere i te nuinga o ngā mahi whakahaere i te kōhanga reo. He nui te wā e aro ana te kaiako ki te hāpai i ngā mahi a te kaiwhakahaere i roto i ngā whakahaeretanga o ia rā. He mea nui kia noho wātea ake ai te kaiako ki te arotahi atu ki te hōtaka akoranga me te mahi ki te taha o ngā tamariki. Me whakarite anō hoki i te whānau awhi mō ia rā, hei hāpai i ngā kaimahi. Ka whakatairanga anō hoki tēnei i te māia o te whānau ki te whai wāhi ake mā te reo Māori. Kua tae ki te wā kia whai wāhi ake te whānau ki te kawe atu i ngā whakahaeretanga o te kōhanga reo.
Kāhore anō te whānau kia whakawhanake i tētahi mahere rautaki e whai pānga ana ki ā rātou kaupapa matua mō te paetawhiti. I tēnei wā, e whakarato ana Te Ara Tūāpae ā-Rohe i te aronga mō ngā kōhanga reo katoa o te rohe nei. E tūmanakohia ana kia whakawhanake ia kōhanga reo i ā rātou ake mahi rautaki e whakatutuki ai i ngā wawata o te mahere. Kāhore anō taua mahi kia whakatutukihia. Kia whakariterite te whānau mō meāke nei, me tāutu rātou i ngā mahi matua, ā, me aroturuki i aua mahi hei āta whakatau i te rōnaki tonutanga o te kōhanga reo.
I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā:
Ka aromātai anō Te Tari Arotake Mātauranga i Te Kōhanga Reo o Mōteo i roto i te toru o ngā tau.
Lynda Pura-Watson
Kaiurungi Whakaturuki Arotake Māori
12 Mahuru, 2018
|
Te tūwāhi |
Kei Ahuriri |
|
|
Te tau a te Tāhuhu o te Mātauranga |
55104 |
|
|
Te tau tohu o Te Kōhanga Reo |
08B034 |
|
|
Te tūmomo raihana |
He kōhanga reo |
|
|
Kua raihanatia ki te ture |
Ngā Ture Mātauranga (Ratonga Kōhungahunga) 2008 |
|
|
Te tokomaha mō te raihana |
22, kia tokowaru ki raro i te rua o ngā tau |
|
|
Te tokomaha kei te rārangi ingoa |
17, tokorima kei raro i te rua o ngā tau |
|
|
Te ira tangata |
Kōtiro 11 Tama 6 |
|
|
Ngā hononga ā-iwi |
Māori |
100% |
|
Te wā i te kōhanga reo te rōpū arotake |
Here-turi-kōkā 2018 |
|
|
Te wā o tēnei pūrongo |
12 Mahuru, 2018 |
|
|
Ngā pūrongo o mua a Te Tari Arotake Mātauranga |
Arotake Mātauranga Arotake Mātauranga Arotake Tāpiri |
Whiringa-ā-rangi 2015 Paenga-whāwhā 2011 Whiringa-ā-rangi 2007 |
Te Kōhanga Reo o Mōteo is next to Timi Kara Marae and Mōteo Marae. The kōhanga reo is on whānau land and surrounded by vineyards which are well known in the Hawke’s Bay area. Most whānau live in Napier and have access to the kōhanga reo van for their children. Since the previous ERO review, a new kaiako has been appointed.
Children confidently participate in learning and are happy as they learn.
Children experience positive interactions and relationships. Kaimahi welcome children with warm smiles and hugs as they arrive each day. The kōhanga reo provides breakfast for the children. Children enjoy this time as they are able to talk with each other and their kaimahi. Children’s wellbeing is a priority. Kaimahi interactions with children throughout the day are positive. Kaimahi engage with children in fun and animated ways. They provide activities that keep children entertained and interested. Whanaungatanga is strong amongst children and adults. Children are settled and confident.
Children are connected to their cultural heritage and ways of being. Kaimahi provide meaningful experiences for children on the marae. Children participate in pōwhiri alongside kuia and kaumātua. They see what happens in the kitchen while on the marae. They learn about manaakitanga and how to care for others. Children confidently welcome visitors to their kōhanga reo. Children enjoy being active participants as tangata whenua. Kaimahi regularly provide opportunities for children to explore their whānau land and other areas of significance to the hapū and iwi. Children know who they are and where they come from.
Children are supported to learn te reo Māori. Kaimahi speak te reo Māori consistently with children and use fun strategies to extend and build their language development. Some tuākana are often asking and answering questions and sharing their thoughts with kaimahi and each other. Pēpi enjoy communicating their understanding of what they are learning and thinking through single words or body gestures. Children enjoy opportunities to confidently lead aspects of the learning programme such as karakia and mihimihi. Kaimahi promptly praise children for speaking te reo Māori. Children are developing as learners of te reo Māori.
Children have many opportunities to explore their learning environments. Kaimahi often walk children to the nearby marae which play a significant role in children’s learning. Children enjoy growing and harvesting kai from the gardens at the kōhanga reo. They learn about atua Māori, relevant karakia, and how these influence the conditions required for māra kai. Kaimahi support children to become kaitiaki of the whenua. Kaimahi provide activities and tasks for children that reinforce their learning, challenge their thinking and extend their vocabulary. Children have fun exploring their environment.
The kaiwhakahaere and kaiako work together to maintain systems that support the management of the kōhanga reo. The charter has been reviewed and updated. All health and safety policies and procedures are in place and align, where appropriate, to the Vulnerable Children’s Act 2014. An annual plan is in place and well displayed. This guides the weekly operation of the kōhanga reo. Whanau hui are held regularly and well attended. The kaiwhakahaere and kaiako manage the kōhanga reo in the best interest of the children.
Programme planning, programme evaluation and assessment require strengthening. Kaimahi do not clearly document learning outcomes for children or identify learning activities appropriate to their learning needs. Children’s learning and progress is not clearly monitored. There is no record to show what changes and improvements have been made to the programme. It is important that kaimahi seek professional learning and development to increase their skills and knowledge in these areas. Children’s learning is not effectively monitored and extended.
The kaiako and kaiwhakahaere are carrying most of the responsibilities for the operation of the kōhanga reo. The kaiako spends a lot of time supporting the kaiwhakahaere to manage the daily operations. It is important that the kaiako is able to focus more on the learning programme and work with the children. Whānau awhi on a day to day basis is also required to support kaimahi. This will support whānau to gain confidence in their abilities to engage more with te reo Māori. It is now time for the whānau to take on more responsibility for the operations of the kōhanga reo.
Whanau have yet to develop a strategic plan based on their long-term priorities. Currently Te Ara Tūāpae-ā-Rohe provides direction for all the kōhanga reo in the district. It is then expected that each kōhanga reo will develop a set of strategic actions to achieve the aspirations of the plan. This has not yet been fulfilled. In order for the whānau to prepare well for the future, they must identify key actions and monitor these to ensure the future of the kōhanga reo is sustainable.
During the evaluation, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
ERO and the Kōhanga Reo whānau developed the following recommendation:
Continue to work alongside the TKRNT to support the sustainability of the kōhanga reo, in particular for whānau to confidently support the daily operations of the kōhanga reo.
The next ERO evaluation of Te Kōhanga Reo o Mōteo will be in three years.
Lynda Pura-Watson
Deputy Chief Review Officer Māori
12 September 2018
|
Location |
Napier |
||
|
Ministry of Education profile number |
55104 |
||
|
Kōhanga Reo Identification Number |
08B034 |
||
|
Licence type |
Te Kōhanga Reo |
||
|
Licensed under |
Education (Early Childhood Services) Regulations 2008 |
||
|
Number licensed for |
22 children, including up to 8 aged under 2 |
||
|
Kōhanga Reo roll |
17 children, including 5 aged under 2 |
||
|
Gender composition |
Girls 11 Boys 6 |
||
|
Ethnic composition |
Māori |
100% |
|
|
Review team on site |
August 2018 |
||
|
Date of this report |
12 September 2018 |
||
|
Most recent ERO report(s) |
Education Review Education Review Supplementary Review |
November 2015 April 2011 November 2007 |
|
E tū ana Te Kōhanga Reo o Moteo i te taha o te marae o Timi Kara, kei tuawhenua o Ahuriri. He hononga tō ngā tamariki o te rēhita iti noa nei ki a rātou anō, ki te takiwā hoki. Ka noho ngā whānau ki Ahuriri, ā, mai i reira, ka kawea ai a rātou tamariki ki Moteo ka hoki anō ai ia rā.
I tohua e te pūrongo tōmua a ERO ētehi āhuatanga pai, arā, ko te hōtaka o ia rā a ngā tamariki, ko te taiao ako, ko ngā whakapakaritanga te reo Māori, ko te whanaungatanga me ngā whakatōmenetanga o te ao whānui. Ko te rite tonu o te pūrongotanga o te hōtaka ako a ngā tamariki me ngā mahare mā ia tamaiti ngā āhuatanga whai ake i kitea hei whakapakaritanga mā rātou.
E pakari haere ana ngā tamariki i roto i tō rātou mōhio ki ngā herenga ki o rātou whānau, hapū, iwi hoki?
He māia ngā tamariki i roto i tō rātou taiao ako. E waia ana rātou ki ngā kawenga, ki ngā tikanga me ngā kaupapa. He pai te urutau o ngā tamariki i roto i te ako i te wā e tautokona ana rātou e ngā mātua kanohi kitea. E whakahaumarutia ana ngā tamariki i roto i te taiao o tō rātou kōhanga reo.
Kei te ako ngā tamariki i te wāhi ki a rātou hei tangata whenua. He nui tonu ngā wā ka whai wāhi atu rātou ki ngā tangihanga, ki ngā pōwhiri me ngā kaupapa whakahirahira a te marae. Ka whakaūngia ngā tikanga me te kawa i te tatūtanga o tangata kē atu ki te kōhanga reo. He kaha te whanaungatanga, te manaaki me te aroha i waenganui i ngā tamariki, i te whānau me ngā manuhiri.
Kei te pakari haere te whakamanatanga a ngā tamariki i te ao tūroa me te ao kikokiko. Kei te ako ngā tamariki i te pepehā e mihi ai rātou ki ngā tūtohu whenua, ki te whānau, ki te hapū me te iwi. He nui tonu ngā wā ka haere ngā tamariki ki ngā wāhi whakahirahira o te hāpori. Kei te tino rongo ngā tamariki i te tūrangawaewaetanga.
Kei te ako ngā tamariki i tētehi taiao reo Māori tautoko nei. Ka kōrero ngā kaimahi i te reo Māori i ngā wā katoa. Ka whakamahi rātou i te huhua o ngā rautaki hei whakapakari i te reo o ngā tamariki me te whakahāngai i ngā akoranga. E taea ana e te nuinga o ngā tamariki te mārama, te whai tohutohu me te whakautu pātai. E waia ana ētehi tamariki ki ngā whakatakotoranga reo e hāngai ana ki te karakia, ki te hīmene, ki te waiata me te pepehā. He pai te pakari haere o ngā tamariki hei kaikōrero reo Māori.
Ka whai wheako ngā tamariki ki ngā momo akoranga whakakipakipa. He tinana tō te hōtaka ako, ā, he tino pai te whakahaeretanga. He wā tōna ka whai wāhi atu ngā tamariki ki te ako hei rōpū iti, hei rōpū nui hoki, ki te takaro takitahi, ki ngā kaupapa e ārahitia ana e te kaiako me ngā kaupapa mahi. E tāpiri ana ki te hōtaka mā ngā tamariki i raro i te rua tau ngā kaupapa tākirikiri i te hinengaro. Ka whakatōmene ngā tamariki pakeke i ngā kaupapa huhua e whakatairanga ana i tō rātou ao pōhewa, i tō rātou auahatanga, i te takaro me ngā mahi pāngarau, tuhituhi hoki. E whakawhanake ana ngā tamariki hei ākonga māia, mahira hoki.
He pai te whakahaeretanga o te kōhanga reo e te whānau. He mārama ngā tukanga mō ngā kaupapa tāngata, ngā whakahaere pūtea, ngā āhuatanga o te tari, te haumarutanga me te manaakitanga o ngā rawa. E hāngai ana ngā tino rautaki ki Te Ara Tūāpae, ā, e aro ana ki te reo Māori o ngā tamariki me te tūrangawaewae o ngā tamariki. He rite tonu tā te whānau kōrero me te mātakitaki i a rātou tino rautaki me ngā whakanekeneketanga a te kōhanga reo e tutuki ai ngā kawenga mō ngā here, me te whakatutuki i ngā whāinga. He pai te kōtahi o te whakaaro ki ngā putanga mā ngā tamariki.
He mārama, he māhuki hoki ngā tukanga mō ngā mahere, mō ngā arotake me ngā aromatawai. E hono ana ngā pae tawhiti me ngā pae tata ki Te Whāriki, arā, e aro ana ki te tuakiritanga, ki te tūrangawaewae me te āta ārahi i ngā tikanga mahi a ngā kaiako. E tāpiri ana ki ngā arotakenga hōtaka ko ngā kōrero ōpaki, ōkawa hoki. E hāngai ana ngā arotake a ngā kaimahi ki te whakakaha i te tuakiritanga o ngā tamariki. E tāpiri ana ki ngā tikanga aromatawai ko te wāhi ki te whānau, ā, ko te pukapukatanga o te koke me te angitū o ngā tamariki. He mea nui te mōhio ō ngā tamariki ki tō rātou whānau, hapū me tō rātou iwi i roto i ngā mahi ako, whakapakari hoki.
Kei te whakawhanake tonu te kaiako hou i tāna hei kaiarahi, me te whakawhanaunga ki ngā tamariki me ō rātou whanaunga. Kei te tautokona ia e Te Pōari Matua o Te Kōhanga Reo (TKRNT) i roto i tēnei āhuatanga.
I te wā o te arotake, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
E whakaae ana Te Tari Arotake Mātauranga me te whānau kia rite tonu te āwhinatanga o rātou e Te Kōhanga Reo National Trust.
E tū ana Te Kōhanga Reo o Moteo ki tuawhenua o Ahuriri. E hono ana ngā kaimahi me ngā tamariki mā roto mai i te whakapapa. E whanake pai ana ngā tamariki i roto i tō rātou mōhio ki ngā hononga ki tō rātou whānau, hapū me tō rātou iwi, ā, he mea whakakipakipa ngā wheako ako. Ka whakahaere pai te whānau i ngā mata katoa o nekenekehanga a te kōhanga reo.
Ka arotake anō Te Tari Arotake Mātauranga i Te Kōhanga Reo o Moteo i roto i te toru o ngā tau.
Lynda Pura-Watson
Kaiurungi Whakaturuki Arotake Māori
09 Whiringa-ā-rangi, 2015
|
Te tūwāhi |
Moteo, Ahuriri |
|
|
Te tau a te Tāhuhu o te Mātauranga |
55104 |
|
|
Te tau tohu o te kōhanga reo |
08B034 |
|
|
Te tūmomo raihana |
Te Kōhanga Reo |
|
|
Te taha ture |
Education (Early Childhood Services) Regulations 2008 |
|
|
Te tokomaha mō te raihana |
20, tokorima kei raro i te rua o ngā tau |
|
|
Te tokomaha kei runga i te rārangi ingoa |
7, tokotoru kei raro i te rua o ngā tau |
|
|
Te ira tangata |
Kōtiro 4 Tama tāne 3 |
|
|
Ngā hononga ā-iwi |
Māori |
100% |
|
Te wā i te kōhanga reo te rōpū arotake |
Mahuru 2015 |
|
|
Te wā o tēnei pūrongo |
09 Whiringa-ā-rangi, 2015 |
|
|
Ngā pūrongo o mua a Te Tari Arotake Mātauranga |
Arotake Mātauranga Arotake Tāpri Arotake Tāpiri |
Paenga-whāwhā 2011 Whiringa-ā-rangi 2007 Hepetema 2006 |
Te Kōhanga Reo o Moteo is next to Timi Kara Marae, which is inland from Napier. The small number of children on the roll has whakapapa links to each other and the area. Whānau live in Napier and take their children to and from Moteo each day.
The previous ERO report identified several positive features including the children’s daily programme, the learning environment, te reo Māori development, interactions and relationships and exploration of the wider world. Regular reporting about the children’s learning programme and planning for each child’s next steps were areas for development.
Children are developing well in their understanding of their whānau, hapū and iwi links.
Children are confident in their learning environment. They know daily routines, protocols and events. Children adapt well to familiar adults who support them in their learning. Children are secure in their kōhanga reo environment.
Children are learning their roles as tangata whenua. They often participate in tangihanga, pōwhiri and special events at local marae. Tikanga and kawa are reinforced when other kōhanga reo visit. There is a strong sense of whanaungatanga, manaaki and aroha between children, whānau and visitors.
Children have a growing appreciation of the natural and physical worlds. Children learn pepeha to acknowledge their links to local landmarks, whānau, hapū and iwi. Children often go to places of interest in the community. Children have a strong sense of belonging.
Children learn in a supportive te reo Māori environment. Kaimahi speak te reo Māori at all times. They use various strategies to develop children’s language and to make learning interesting. Most children are able to understand and follow instructions and answer questions. Some children are familiar with the language structures associated with karakia, hīmene, waiata and pepehā. Children are developing well as emerging speakers of te reo Māori.
Children experience stimulating learning activities. The learning programme has structure and is well managed. There are opportunities for children to engage in small and large group learning, independent play, teacher directed activities and kaupapa mahi. The programme for the under twos includes stimulating sensory activities. The older children experience a range of activities which promote imaginative play, creativity, physical play and numeracy and literacy. Children are developing as confident and curious learners.
Whānau manage the kōhanga reo well. There are clear processes for personnel matters, financial management, office administration, health and safety and property management. Strategic priorities link to Te Ara Tūāpae and focus on te reo Māori and children’s sense of belonging. Whānau regularly discuss and monitor their strategic priorities and kōhanga reo operations to meet their accountability responsibilities and achieve their goals. Their commitment impacts positively on outcomes for children.
Processes for planning, evaluation and assessment are clear and comprehensive. Long and short term plans link to Te Whāriki, focus on identity and belonging and effectively guide kaimahi practice. Programme evaluations include informal and formal discussions. Kaimahi reflections are focussed on strengthening children’s sense of identity. Assessment practices include whānau input and documents children’s progress and successes. Children’s knowledge of their whānau, hapū and iwi links is essential to their learning and development.
The new kaiako is still developing her practice as the leader and getting to know the children and their families. She is being supported by Te Kōhanga Reo National Trust (TKRNT) during this phase.
During the review, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
ERO and the whānau agreed that the kaiako continue to receive professional support from Te Kōhanga Reo National Trust.
Te Kōhanga Reo o Moteo is located inland from Napier. Children and kaimahi are all connected through whakapapa. Children are developing well in their understanding of their whānau, hapū and iwi links and receive stimulating learning experiences. Whānau manage different aspects of the kōhanga reo operations well.
The next ERO review of Te Kōhanga Reo o Moteo will be in three years.
Lynda Pura-Watson
Deputy Chief Review Officer Māori
9 November 2015
|
Location |
Moteo, Napier |
|
|
Ministry of Education profile number |
55104 |
|
|
Kōhanga Reo Identification Number |
08B034 |
|
|
Licence type |
Te Kōhanga Reo |
|
|
Licensed under |
Education (Early Childhood Services) Regulations 2008 |
|
|
Number licensed for |
20 children, including up to 5 aged under 2 |
|
|
Kōhanga Reo roll |
7 children, including up to 3 aged under 2 |
|
|
Gender composition |
Girls 4 Boys 3 |
|
|
Ethnic composition |
Māori |
100% |
|
Review team on site |
September 2015 |
|
|
Date of this report |
9 November 2015 |
|
|
Most recent ERO report(s) |
Education Review Supplementary Review Supplementary Review |
April 2011 November 2007 September 2006 |
>