Te Kōhanga Reo o Ngā Puāwai - 26/07/2019

1 Te Horopaki

E tū ana Te Kōhanga Reo o Ngā Puāwai ki te taha o Te Whare Wānanga o Te Tauihu o Te Waka o Māui me te māra kai o te hapori, ki Te Waiharakeke. Koia nei anake te ratonga mātauranga rumaki reo Māori mō ngā tamariki kōhungahunga. He pakari ngā pātuitanga ā-hapori o ngā mema o te whānau e hāpai ana i te whakawhanaketanga me te tupu o te kōhanga reo.

2 Ngā Whakaaturanga o te Aromātai

He pēhea rawa te whai wāhi atu a ngā tamariki ki ngā akoranga?

He ngākau titikaha ō ngā tamariki ki te whai wāhi atu ki ngā wheako ako katoa.

Ngā Taumata Whakahirahira

E ako ana ngā tamariki ki te kōrero i te reo Māori. Ka whakamahi ngā kaimahi i ngā rautaki – pērā i te reo ā-tinana, te reo rotarota, ngā waiata me ngā kēmu – hei whakatairanga i te whakawhanaketanga reo o ngā tamariki. Ahakoa te maha o ngā wā ka kōrero ētahi o ngā tamariki tuākana i te reo Pākehā, ka whakatauira tonu ngā kaimahi i ngā kīanga e whai hua ana, hei whakapakari ake i te mōhio o ngā tamariki ki te reo Māori, ā, i tā rātou whakamahinga anō hoki i te reo. Ka akiaki rātou i ngā tamariki ki te whakawhiti kōrero ki waenga i a rātou anō, ā, ki ngā pakeke hoki puta noa i te rā. Ka mārama ngā tamariki i ngā tohutohu, ā, he tika anō hoki tā rātou aro atu. E whakawhanake ana ngā tamariki i ō rātou ngākau titikaha kia nui ake tā rātou kōrerorero i te reo Māori ki tō rātou kōhanga reo.

He pakari te tūhura haere a ngā tamariki i tō rātou taiao ako. Ka ako rātou i ngā taonga māoriori mā te tākaro ā-tairongo me ngā taumahi ā-ringa. Ka whakarato ngā kaimahi i ngā whai wāhitanga mō ngā tamariki ki te ako i ngā atua Māori, hei āhuatanga tonu o ā rātou mahi, puta noa i ia rā ki te kōhanga reo, taka rawa atu ki te ako mā ā rātou mahinga o ia rā me ngā whakaari. Ka ngākau nui ngā tamariki ki te noho ngātahi ki te taha o ētahi atu tamariki me ngā kaimahi i te kōhanga reo. Ka ngahau ngā tamariki i tō rātou taiao ako.

E hāpaitia ana te ako a ngā tamariki i ō rātou tuakiri me ō rātou tūrangawaewae. Ka ārahi ngā kaimahi i te taki me te whakapuaki a ngā tamariki i ō rātou pepeha ki ētahi atu ki te kōhanga reo. Ka whai wāhi atu ngā tamariki ki ngā pōwhiri me ngā mihi whakatau. Ka kite rātou, ka whai wāhi atu hoki ki te whakatau i ngā manuhiri ki tō rātou wāhi. Ka whakamihia ngā tamariki i tō rātou manaaki tangata, tō rātou noho whakaute hoki. Ka whakanuia te whanaungatanga ki te kōhanga reo. Kei te mauritau, kei te pakari hoki ngā tamariki hei ākonga.

Te Whakamahere me te Aromātai

E whanake ana te māia o te whānau ki te whakahaere i ngā whakaritenga o te kōhanga reo i ia rā, mā te tautoko hoki o te kaiwhakahaere. Tū ai ngā hui ā-whānau i ia te wā, ā, he pai te taetae atu a ngā mema o te whānau. Kua whakaritea ngā tukanga o te arotake whaiaro. Kua arotakengia, kua whakahoungia hoki te tūtohinga, tae atu hoki ki te katoa o ngā kaupapa here me ngā tukanga e pā ana ki te hauora me te haumaru. Kua āta tāutuhia te katoa o ngā take whakahaere matua ki te mahere ā-tau, ā, ka āta aroturukitia e te kaiwhakahaere. Ka whakamahia Te Ara Tūāpae hei angamahi mō te whakamahere rautaki. Ko tētahi kaupapa rautaki matua, ko te whakapiki ake i te whai wāhi atu a te whānau ki ngā whakaritenga i te kōhanga reo. E whakakoia ana te waiora, te hauora me te haumaru o ngā tamariki.

Ngā Whakaritenga Matua ka Whai Ake

Me whakapakari ake i te whakamahere, te aromatawai, me te aromātai. Me whai kiko ake ngā mahere hōtaka hei whakaraupapa i ngā rautaki matua me ngā rauemi e tika ana ki te whakapuaki i ngā kaupapa ako i tāutuhia ai. Kāhore i te mārama te pūtake o ētahi o ngā taumahi i whakamaheretia ai mā ngā tamariki. Kāhore ngā mōhiohio aromatawai e tohu ana i te hōkaitanga o ngā akoranga me te ahu whakamua a ia tamaiti. Ahakoa e whakawhiti kōrero ana, e whakaaro huritao ana hoki ngā kaimahi mō ngā akoranga a ngā tamariki, kāhore aua whakawhitinga kōrero e āta tuhia ana hei whakatinana haere i ngā aromātai, ā, hei whakapai ake hoki i te kounga o te hōtaka akoranga. Me whakawhanake tonu hei āta whakatakoto i ngā whakaritenga pakari o te whakamahere, te aromatawai, me te aromātai mā ngā kaimahi.

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

  • te haumaru whatumanawa (tāpiri atu ko te ārahi mauritau, ko te ārai tamariki)
  • te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
  • te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
  • ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

4 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

  • whakapakarihia ngā whakaritenga e pā ana ki te whakamahere, te aromatawai, me te aromātai ki te kōhanga reo.

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Ngā Puāwai i roto i te toru o ngā tau.

Charles Rolleston

Toka ā-nuku

26 Hōngongoi, 2019

Ngā kōrero e pā ana ki te kōhanga reo

Te tūwāhi

Kei Te Waiharakeke

Te tau a te Tāhuhu o te Mātauranga

65507

Te tau tohu o Te Kōhanga Reo

10A025

Te tūmomo raihana

He kōhanga reo

Kua raihanatia ki te ture

Ngā Ture Mātauranga (Ratonga Kōhungahunga) 2008

Te tokomaha mō te raihana

24, kia tokoono ki raro i te rua o ngā tau

Te tokomaha kei te rārangi ingoa

20, tokotoru kei raro i te rua o ngā tau

Te ira tangata

Kōtiro 7

Tama 13

Ngā hononga ā-iwi

Māori

Te Moana-nui-a-Kiwa

18

2

Te wā i te kōhanga reo te rōpū arotake

Pipiri 2019

Te wā o tēnei pūrongo

26 Hōngongoi, 2019

Ngā pūrongo o mua a Te Tari Arotake Mātauranga

Arotake Mātauranga

Arotake Mātauranga

Arotake Mātauranga

Pipiri 2016

Haratua 2013

Pipiri 2009

1 Context

Te Kōhanga Reo o Ngā Puāwai is located next to the Nelson Marlborough Educational Institute of Technology in Blenheim and the community māra kai. It is the only service that provides total immersion education for pre-schoolers. Whānau members have strong community networks to support the development and growth of the kōhanga reo.

2 The Evaluation Findings

How well do children participate in learning?

Children confidently participate in all learning experiences.

Ngā Taumata Whakahirahira

Children are learning to speak te reo Māori. Kaimahi use strategies such as body language, sign language, waiata and games to enhance children’s language development. Although English is frequently used by some of the older children, kaimahi model useful phrases to strengthen the knowledge and use of te reo Māori by children. They encourage children to converse with each other and with adults throughout the day. Children understand and respond appropriately to instructions. Children are developing their confidence to speak te reo Māori more regularly at their kōhanga reo.

Children confidently explore their learning environment. They learn about natural resources through sensory play and hands-on activities. Kaimahi provide opportunities for children to learn about atua Māori as part of what they do each day in the kōhanga reo, including through their daily routines and in whakaari. Children enjoy the company of other children and kaimahi while at kōhanga reo. Children have fun in their learning environment.

Children are supported to learn about who they are and where they are from. Kaimahi guide children to recite and share their pepeha with others in the kōhanga reo. Children take part in pōwhiri and mihi whakatau. They observe and participate in the process to welcome visitors into their space. Children are praised for their manaakitanga and the respect they show others. Whanaungatanga is valued in the kōhanga reo. Children appear settled and secure learners.

Planning and Evaluation

The whānau is developing confidence to manage the daily operations of the kōhanga reo with the support from the kaiwhakahaere. Whānau hui are held regularly and are well attended by whānau members. Processes for self review are in place. The charter has been reviewed and updated including all health and safety policies and procedures. All key operational matters are clearly identified on the annual plan and are closely monitored by the kaiwhakahaere. Te Ara Tūāpae is used as the framework for strategic planning. A key strategic priority is to increase whānau participation and involvement in the kōhanga reo. Children’s wellbeing, health and safety are assured.

Key Next Steps

Planning, assessment and evaluation requires strengthening. More detail is needed in programme planning to outline the specific strategies and resources required to deliver the identified kaupapa ako. The purpose of some planned activities for children is unclear. Assessment information does not show the scope of learning and progress of individual children. While kaimahi discuss and reflect on children’s learning, these discussions are not well documented to inform ongoing evaluation and improve the quality of the learning programme. Further development is required to establish robust planning, assessment and evaluation practices for kaimahi.

3 Whānau Management Assurance on Compliance Areas

During the evaluation, ERO looked at the kōhanga reo systems for managing the following areas that have a potentially high impact on children's wellbeing:

  • emotional safety (including positive guidance and child protection)
  • physical safety (including supervision; sleep procedures; accidents; medication; hygiene; excursion policies and procedures)
  • suitable staffing (including qualification levels; police vetting; teacher registration; ratios)
  • evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

4 Recommendation

ERO and the Kōhanga Reo whānau developed the following recommendation:

  • strengthen planning, assessment and evaluation practices in the kōhanga reo.

When is ERO likely to evaluate the kōhanga reo again?

The next ERO evaluation of Te Kōhanga Reo o Ngā Puāwai will be in three years.

Charles Rolleston

Toka ā-nuku

26 July 2019

Information about the Kōhanga Reo

Location

Blenheim

Ministry of Education profile number

65507

Kōhanga Reo Identification Number

10A025

Licence type

Te Kōhanga Reo

Licensed under

Education (Early Childhood Services) Regulations 2008

Number licensed for

24 children, including up to 6 aged under 2

Kōhanga Reo roll

20 children, including 3 aged under 2

Gender composition

Girls 7

Boys 13

Ethnic composition

Māori

Pasifika

18

2

Review team on site

June 2019

Date of this report

26 July 2019

Most recent ERO report(s)

Education Review

Education Review

Education Review

June 2016

May 2013

June 2009