Te Kōhanga Reo o Nga Tamariki O Te Kohu - 16/11/2015

1 Te Horopaki

E tū ana Te Kōhanga Reo o Ngā Tamariki o Te Kohu ki te marae o Te Rewarewa ki Ruātoki. He tino hononga tō te kōhanga reo ki te hapū o Mahurehure.

Mai i te tau 2014, he maha ngā wero i pā ai ki te whānau me ngā kaimahi. I pā tōraro aua wero ki ngā āhuatanga katoa o te whakahaeretanga o te kōhanga reo, tae atu ki ngā hononga ā-whānau. I whakatūngia e te whānau tētahi kaitakawaenga i te purapura, hei hāpai i aua take. He maha ngā whakapaitanga e whakatutuki haere ana, ā, nā tēnei kei te pakari ake te whānau i roto i ō rātou tūranga, me tā rātou aronga.

2 Ngā Whakaaturanga o te Arotake

He pēhea rawa te whakaatu a ngā tamariki i ngā uaratanga o te whānau, te hapū, me te iwi?

I ngā wā katoa ka whakaatu ngā tamariki i ngā uaratanga o te whānau, te hapū, me te iwi.

Ngā Taumata Whakahirahira

Ka rumakina ngā tamariki ki te reo o Tūhoe. Ka whakamahi tētahi kuia i te whānuitanga o ngā rautaki e hāpai ana i te hopu reo a ngā tamariki. Kei te mōhio ngā tamariki ki ngā karakia, ngā hīmene, ngā pepehā, ngā whakapapa, ngā mōteatea, ngā mihimihi me ngā waiata. He maha ngā wā ka tū ngā tamariki ki te ārahi i aua kaupapa. Ko te waiata tētahi tino huarahi mō te ako i te reo. He pakari te whakamahinga a ngā tamariki i te reo Māori.

Ka ako ngā tamariki ki tētahi taiao e manaaki ana i a rātou. He rite, he ngāwari hoki ngā mahinga, ā, ka hāpai i te atawhai me ngā matea o ngā tamariki tēina. Ka hāpai ngā kaimahi me te whānau i ngā tamariki i a rātou e tūhura ana, e whai wāhi atu ana hoki ki ngā kaupapa, puta noa i te rā. E pou here ana te whanaungatanga me te manaaki i ngā hononga. Ka poipoia te waiora o ngā tamariki.

He pakari te tūhura haere o ngā tamariki i ō rātou taiao ako. E wātea ana ki ngā tamariki te whānuitanga o ngā tūmomo taumahi whakahirahira, tae atu ki te tunu kai. I ngā tamariki e tūhura ana i tō rātou taiao, ka kite rātou i tō rātou awa, tō rātou maunga, me tō rātou marae. He tino wāhi ako te marae, ā, ka whai wāhi atu ngā tamariki ki ngā tūmomo kaupapa, huihuinga hoki, ā, ka mātakitaki i ngā kaumātua me te whānau e whakatutuki haere ana i ngā tikanga. Ko te tikanga o te marae me te hapū tētahi āhuatanga matua o ngā akoranga a ngā tamariki i ia rā. Ka whakamanahia te tuakiri o ngā tamariki.

Te Whakamahere me te Aromātai

I whakatūngia e te whānau tētahi kaitakawaenga o te purapura, hei hāpai i tā rātou whakahaere i ngā whakaritenga ki te kōhanga reo. He whānui te mōhiotanga, te mātanga hoki o te kaitakawaenga mō te kaupapa o te kōhanga reo me ngā mahi whakahaere. Kua tāutuhia e ia ngā kaupapa matua hei hāpai i te whakapaitanga ake o te kōhanga reo. Ka noho pūmau te whānau me ngā kaitakawaenga ki te whakatutuki haere i ngā painga mō ngā tamariki.

Ngā Whakaritenga Matua ka Whai Ake

Kāhore ngā hōtaka akoranga a ngā tamariki e āta whakamaheretia ana, e āta aromātaitia ana rānei. Kāhore ngā mahere hōtaka e mau ana i te tino kiko o ngā kōrero o roto, ā, kāhore e hāpai ana i te whakapuakitanga o ngā kaimahi i ngā hōtaka. Kātahi anō ngā kaimahi ka tīmata ki te whakawhiti kōrero, te aromātai hoki i te whai huatanga o te hōtaka akoranga me ngā kaupapa mahi. Kāhore ngā tamariki e whiwhi ana i ngā tino whai wāhitanga ako.

Kāhore ngā kaimahi e āta aroturuki ana i te ahu whakamua a ngā tamariki. Kua tīmatahia ngā pūkete e pā ana ki ia tamaiti, engari kāhore ēnei e āta whakamahia ana, e āta whakatakotohia ana rānei. He whāiti noa te māramatanga o ngā kaiako me ngā kaiāwhina ki te pūtake me te whai huatanga o te aromatawai. Kāhore ia tamaiti i whiwhi ana i te tautoko e hāngai pū ana ki tāna ake ako.

He whāiti te whakamahere rautaki. Ahakoa kua mahi nahanaha te whānau, mai i te tautoko mai o ngā kaupapa kaimahi ā-rohe, e mōhio ana rātou kāhore he mahere nahanaha e whakaraupapa ana i ā rātou kaupapa matua mō meāke nei. Kāhore ngā painga pae tawhiti mō ngā tamariki e whakamahere nahanahatia ana.

3 Te Whakataunga a te Kōhanga Reo ki ngā Wāhanga Tautukunga

I te wā o te arotake, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

  • te haumaru whatumanawa (tāpiri atu ko te ārahi mauritau, ko te ārai tamariki)
  • te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
  • te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
  • ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

4 Ngā Taunakitanga

I whakaae ngātahi Te Tari Arotake Mātauranga me te whānau, ka toro atu rātou ki te tautoko o te purapura me Te Poari Matua o Ngā Kōhanga Reo, ki te:

  • whakatutuki i te whakamahere hōtaka, me ngā whakaritenga e pā ana ki te aromātai me te aromatawai
  • whakawhānui me te whakatairanga i te ako reo a ngā tamariki
  • whakapai tonu, te whakapūmau tonu hoki i te ahunga whakamua ki te whakatutuki i ngā tūmanako e pā ana ki te whakahaeretanga
  • whakawhanake i tētahi mahere rautaki ka ārahi i te ahu whakamua o te kōhanga reo i roto i te wā kei te heke mai.

Te Whakarāpopototanga

E tū ana Te Kōhanga Reo o Ngā Tamariki o Te Kohu ki te marae o Te Rewarewa, ki Ruātoki. Ka tautāwhitia ngā tamariki e ngā uaratanga o te whānau, te hapū, me te iwi, tae atu ki te whanaungatanga me te manaakitanga, ā, ka rumakina hoki ki te reo o Tūhoe. Kei te tautoko te kaupapa kaimahi ā-rohe i te whānau, ki te whakapai ake i te whakamahere, te aromātai, me te aromatawai hoki mā ngā tamariki. Kei te āta whakawhanake haere te whakamahere rautaki.

Hei ā hea Te Tari Arotake Mātauranga arotake anō ai i te kōhanga reo?

Ka arotake anō Te Tari Arotake Mātauranga i Te Kōhanga Reo o Ngā Tamariki o Te Kohu i roto i te toru o ngā tau.

Lynda Pura-Watson

Kaiurungi Whakaturuki Arotake Māori

16 Whiringa-ā-rangi, 2015

Ngā kōrero e pā ana ki te kōhanga reo

Te tūwāhi

Kei te marae o Te Rewarewa, ki Ruātoki

Te tau a te Tāhuhu o te Mātauranga

40167

Te tau tohu o Te Kōhanga Reo

12C029

Te tūmomo whare

He kōhanga reo

Te raihana

Ngā Ture Mātauranga (Ratonga Kōhungahunga) 2008

Te tokomaha mō te raihana

25, kia tekau ki raro i te rua o ngā tau

Te tokomaha kei runga i te rārangi ingoa

13, tokorima kei raro i te rua o ngā tau

Te ira tangata

Kōtiro 11

Tama tāne 2

Ngā hononga ā-iwi

Māori

100%

Te wā i te kōhanga reo te rōpū arotake

26 Here-turi-kōkā 2015

Te wā o tēnei pūrongo

16 Whiringa-ā-rangi, 2015

Ngā pūrongo o mua a Te Tari Arotake Mātauranga

Arotake Mātauranga

Arotake Mātauranga Arotake Mātauranga

Poutū-te-rangi 2012

Hōngongoi 2009

Poutū-te-rangi 2005

1 Context

Te Kōhanga Reo o Ngā Tamariki o Te Kohu is at Te Rewarewa Marae in Ruātoki. The kōhanga reo has strong links with the hapū of Mahurehure.

Whānau and kaimahi have faced several challenges which began in 2014. These challenges impacted negatively across all aspects of the kōhanga reo operations including whānau relationships. Whānau appointed a kaitakawaenga from the purapura to assist with these matters. Several improvements have begun to occur resulting in whānau being more confident in their roles and direction.

2 The Review Findings

How well do children demonstrate whānau, hapū and iwi values?

Children consistently demonstrate whānau, hapū and iwi values.

Ngā Taumata Whakahirahira

Children are immersed in te reo o Tūhoe. The kuia uses a range of strategies to support children with their language acquisition. Children are familiar with karakia, hīmene, pepehā, whakapapa, mōteatea, mihimihi and waiata. Children often take lead roles during these activities. Waiata is a particularly effective tool for language learning. Children use te reo Māori with confidence.

Children learn in a caring environment. Routines are regular, smooth and support the care and needs of the younger children. Kaimahi and whānau support children as they explore and participate throughout the day. Whanaungatanga and manaaki underpin relationships. Children’s well-being is nurtured.

Children confidently explore their learning environments. Children have access to a range of interesting activities including baking. When children explore the physical environment children are able see their awa, maunga and marae. The marae is a valuable context for learning where children to participate in different events and ceremonies and observe kaumātua and whānau in their traditional roles. Tikanga of the marae and hapū is an integral part of children’s daily learning. Children’s identity is affirmed.

Planning and Evaluation

Whānau appointed a purapura kaitakawaenga to assist them to manage the kōhanga reo operations. The kaitakawaenga has extensive knowledge and experience in the kaupapa of kōhanga reo and management functions. He has indentified priorities to support kōhanga reo improvement. Whānau and the kaitakawaenga are committed to bringing about positive change for children.

Key Next Steps

Childrens’ learning programmes are not clearly planned or evaluated. Programme planning is lacking in vital detail and does not assist kaimahi with the delivery of programmes. Until recently, kaimahi did not meet regularly to discuss and evaluate the effectiveness of the learning programme and kaupapa mahi. Children miss valuable learning opportunities.

Kaimahi do not monitor children’s progress well. Profiles about individual children have begun, but are not consistently maintained or clearly recorded. Kaiako and kaiāwhina have a limited understanding of the purpose or value of assessment. Children do not receive individualised learning support.

Strategic planning is limited. Although whānau have worked in a strategic way since seeking the support of the district kaupapa kaimahi, they acknowledge they do not have a formal plan that outlines their future priorities. Long-term outcomes for children are not systematically planned.

3 Whānau Management Assurance on Compliance Areas

During the review, ERO looked at the kōhanga reo systems for managing the following areas that have a potentially high impact on children's wellbeing:

  • emotional safety (including positive guidance and child protection)
  • physical safety (including supervision; sleep procedures; accidents; medication; hygiene; excursion policies and procedures)
  • suitable staffing (including qualification levels; police vetting; teacher registration; ratios)
  • evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

4 Recommendation

ERO and the whānau agreed to seek support from the purapura and the local Te Kōhanga Reo National Trust kaupapa kaimahi to:

  • address programme planning, evaluation and assessment practices
  • extend and enrich children’s language learning
  • continue to improve and maintain progress towards meeting management expectations
  • develop a strategic plan to guide the future direction of the kōhanga reo.

Conclusion

Te Kōhanga Reo o Ngā Tamariki o Te Kohu is on Te Rewarewa Marae, Ruatoki. Children are embraced by whānau, hapū and iwi values including whanaungatanga and manaakitanga and are immersed in te reo o Tūhoe. The district kaupapa kaimahi is providing support to the whānau to improve planning, evaluation and assessments for children. Strategic planning is slowly developing.

When is ERO likely to review the kōhanga reo again?

The next ERO review of Te Kōhanga Reo o Ngā Tamariki o Te Kohu will be in three years.

Lynda Pura-Watson

Deputy Chief Review Officer Māori

16 November 2015

Information about the Kōhanga Reo

Location

Te Rewarewa Marae, Ruatoki

Ministry of Education profile number

40167

Kōhanga Reo Identification Number

12C029

Licence type

Te Kōhanga Reo

Licensed under

Education (Early Childhood Services) Regulations 2008

Number licensed for

25 children, including up to 10 aged under 2

Kōhanga Reo roll

13 children, including up to 5 aged under 2

Gender composition

Girls 11

Boys 2

Ethnic composition

Māori

100%

Review team on site

26 August 2015

Date of this report

16 November 2015

Most recent ERO report(s)

Education Review

Education Review

Education Review

March 2012

July 2009

March 2005