Te Kōhanga Reo O Ngai Tāne - 10/03/2017

Te Aromātai

E tū ana Te Kōhanga Reo o Ngai Tāne ki Raupunga, e noho whakatetonga noa o Wairoa. Ka ako ngā tamariki i te taiao o tō rātou hapori, mā te āta whai wāhi atu ki ngā tūmomo kaupapa tūturu. E mōhio ana ngā tamariki ki a rātou anō, ā, ki tō rātou tūrangawaewae hoki.

Ka arotake anō Te Tari Arotake Mātauranga i Te Kōhanga Reo o Ngai Tāne i roto i te toru o ngā tau.

1 Te Horopaki

E tū ana Te Kōhanga Reo o Ngai Tāne ki te hapori tuawhenua o Raupunga, e pā tata atu ana ki Wairoa. Nō Ngati Kapekape te nuinga o ngā whānau me ā rātou tamariki. He hiahia tō te whānau kia mōhio ā rātou tamariki ki ō rātou tātai whakapapa, ā rātou taonga tuku iho anō hoki hei uri o Ngati Kapekape rāua ko Ngati Pāhauwera, mā tō rātou reo, ngā tikanga, me ngā kawa.

2 Ngā Whakaaturanga o te Arotake

He pēhea te whakaatu a ngā tamariki e mārama ana rātou, ko wai rātou?

E whakawhanake ana, ā, e mārama ana hoki ngā tamariki he uri whakaheke rātou mai I a Ngati Kapekape me Ngati Pāhauwera.

Ngā Taumata Whakahirahira

E mōhio ana ngā tamariki ki te reo Māori. Ka whakarato ngā kaimahi i ngā whai wāhitanga mō ngā tamariki ki te ako i ā rātou hītori, mā ngā waiata, ngā mōteatea, ngā kōrero tuku iho, ngā haka, ngā whakaari, me ngā pepeha. Ko te mahi whakaari me ngā kaupapa waiata e hāpai ana i ngā tamariki ki te whakapuaki i ā rātou akoranga e pā ana ki ō rātou tūpuna. He matatau te kaiako hou ki te kōrero i te reo Māori. E arotahi ana ia ki te whakamahi me te whakatauira hoki o te reo ki te kōhanga reo i ngā wā katoa. Ka ako ngā tamariki i ngā kupu e whai pānga matua ana ki tō rātou iwi. E whanake ana ngā tamariki ki te kōrero i te reo Māori.

Ka rongo ngā tamariki i ngā hononga papai e poipoi ana i a rātou. Ka whakatauira ngā kaimahi i ngā uaratanga o te awhi, te aroha, me te manaaki. Ka whakatairangatia, ka whakapūmautia hoki te whanaungatanga me ngā tikanga puta noa i te hōtaka o ia rā. Ka ako ngā tamariki i te tū o te tangata whenua me te manuhiri mā ngā kaupapa i te marae me te hapori. Ka manaaki ngā tamariki i a rātou anō, ā, ka ako ngā tuākana ki te taha i ō rātou tāina. Ko ngā matea me ngā ngakau nuitanga o ia tamaiti tētahi aronga matua a ngā kaimahi. Ka tūmāia ngā tamariki ki te ao o te kōhanga reo me te marae.

E whai pūtake ana ngā taunekeneke a ngā tamariki ki te taiao tūturu, māori hoki. E wātea ana ki a rātou ngā marautanga tino pāhekoheko e āta whakanui ana i tō rātou ao Pāhauweratanga. Whai wāhi ai ngā tamariki i ia te wā ki te tūhonohono ki te taiao, i a rātou e tiaki ana i te māra kai, ā, i ngā haerenga hoki ki te moana me te ngahere. Ka ako rātou ki te hī ika me te hao/whakarapu tuna I runga i ngā tikanga tuku iho, me te whakatupu huawhenua hoki, te āta whakamahi anō hoki i tō rātou taiao hei pātaka kai. Ka ako ngā tamariki i te reo Māori me ngā tikanga e whai pānga ana ki aua mahi. Ka whakamana ngā tamariki i te taiao tūturu, māoriori nei.

E whakawhanake ana ngā tamariki i tō rātou tino mōhiotanga ki ō rātou hononga ki a Ngati Kapekape. Ka whai wāhi rātou ki ngā akoranga e whakapūmau ana i tō rātou tuakiri. Ka whakarato ngā kaimahi i ngā wheako akoranga e hāpai ana i ngā tamariki ki te ako i tō rātou marae, i ngā kawa, i ngā tikanga, ā, i te tū anō hoki o te tangata whenua. Ka ako ngā tamariki i ō rātou whakapapa, ā, e whakamana ana tēnei i tō rātou tuakiri me tā rātou whai wāhi nui ki tō rātou whānau, tō rātou hapū, me tō rātou iwi. Ka kitea te tino aronga toi whenuatanga o ngā tamariki.

Te Whakamahere me te Aromātai

He pai te whakahaere a te whānau i te kōhanga reo. E noho pūmau ana rātou kia tupu hāere tonu me te whakapai tonu. He rawaka te taumata o ngā mahi aromātai o roto e whakatutukihia ana. Kua arotakengia ngā wāhanga matua o ngā whakahaeretanga, pērā i ngā kaupapa here me ngā tukanga, te tūtohinga, me te aromātai hōtaka. Ka mahi ngatahi te whānau ki te whakatakoto i te aronga rautaki, me te aroturuki anō hoki i ā rātou whakaritenga. Kei te tūtohinga ngā aratohu mārama mō ngā whakahaeretanga i te kōhanga reo i ia rā.

He pai te whakamahere i ngā wheako akoranga a ngā tamariki. Ka whakamahere ngā kaimahi mō ngā akoranga e tika ana, e whai pānga nui ana hoki ki te taiao o te hapori, tae atu ki ngā matea ako o ngā tamariki me tō rātou taiao. Kua āta waihangatia ngā taumahi ako kia ū tonu ai te ngakau nuitanga o ngā tamariki. Hui ai ngā kaimahi ia wā ki te aromātai i ngā hōtaka akoranga. Ka whakamahia aua mōhiohio hei tātari i ngā mahere ka whai ake, me te whakatakotoranga anō hoki o te hōtaka. Ka arotahi ngā kaimahi ki te whakamahere i ngā hōtaka ka whakaongaonga i te ako a ngā tamariki. Ka whai pūtake ngā akoranga a ngā tamariki, ā, ka whai pānga anō hoki ki tā rātou horopaki.

Ka āta tuhia, ka āta pūrongotia hoki te ako a ngā tamariki me tā rātou ahu whakamua. Ka kapohia atu te whānuitanga o ngā tūmomo wheako akoranga ki ngā pūkete a ngā tamariki. Ka āta tohu aua mōhiohio i te ahu whakamua a ngā tamariki, ā, e tino hono ana hoki ki Te Whāriki. Ka āta tuhia hoki te ako me te whakatinanatanga o ngā tamariki i te whanaungatanga. He pai te whakamōhio i te whānau, mō te ako a ngā tamariki me ō rātou whakawhanaketanga. Ka whakamahia ngā mōhiohio aromātai hei whakatairanga ake i te kounga o te hōtaka akoranga, me te āta whakatau mārika i ngā whakaritenga matua. Ka ngakau nui ngā tamariki ki te ako.

Ngā Whakaritenga Matua ka Whai Ake

Kāhore te nuinga o ngā kaimahi me te whānau katoa e noho pakari ana ki te reo Māori i te kōhanga reo. E akiaki ana, e hāpai ana te kaiako hou i ngā kaiāwhina me ngā mema o te whānau ki te ako kit e whakapakari ake i tō rātou mōhiotanga ki te reo Māori. E mōhio ana te whānau, me ako tonu, me tautoko tonu i te reo Māori, kia tutuki ai ō rātou wawata mō tō rātou kōhanga reo me ā rātou tamariki hoki.

3 Te Whakatau a te Whānau ki ngā Wāhanga Tautukunga

I te wā o te arotake, i whakamātauhia e te Tari Arotake Mātauranga ngā pūnaha o te ratonga ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

  • te haumaru whatumanawa (tāpiri atu ko te ārahi mauritau, ko te ārai tamariki)
  • te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
  • te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
  • ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

4 Ngā Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

  • whakatinanahia ngā rautaki ka whakawhanake ake i te reo Māori, puta noa i te kōhanga reo.

Te Whakarāpopototanga

E tū ana Te Kōhanga Reo o Ngai Tāne ki Raupunga, e noho whakatetonga noa o Wairoa. Ka ako ngā tamariki i te taiao o tō rātou hapori, mā te āta whai wāhi atu ki ngā tūmomo kaupapa tūturu. E mōhio ana ngā tamariki ki a rātou anō, ā, ki tō rātou tūrangawaewae hoki.

Hei ā hea Te Tari Arotake Mātauranga arotake anō ai i te kōhanga reo?

Ka arotake anō Te Tari Arotake Mātauranga i Te Kōhanga Reo o Ngai Tāne i roto i te toru o ngā tau.

Lynda Pura-Watson

Kaiurungi Whakaturuki Arotake Māori

10 Poutūterangi, 2017 

Ngā kōrero e pā ana ki te kōhanga reo 

Te tūwāhi

Kei Raupunga

Te tau a te Tāhuhu o te Mātauranga

50034

Te tau tohu o Te Kōhanga Reo

08A114

Te tūmomo whare

He kōhanga reo

Te raihana

Ngā Ture Mātauranga (Ratonga Kōhungahunga) 2008

Te tokomaha mō te raihana

19, kia tokotoru ki raro i te rua o ngā tau

Te tokomaha kei runga i te rārangi ingoa

14, tokorua kei raro i te rua o ngā tau

Te ira tangata

Kōtiro 9

Tama tāne 5

Ngā hononga ā-iwi

Māori

100%

Te wā i te kōhanga reo te rōpū arotake

Hui-tanguru 2017

Te wā o tēnei pūrongo

10 Poutūterangi, 2017

Ngā pūrongo o mua a Te Tari Arotake Mātauranga

Arotake Mātauranga

Arotake Mātauranga

Whiringa-ā-nuku 2013

Haratua 2010

Evaluation

Te Kōhanga Reo o Ngai Tāne is in Raupunga, just south of Wairoa. Children learn about their local environment through practical activities. Children know who they are and where they are from.

The next ERO review of Te Kōhanga Reo o Ngai Tāne will be in three years.

1 Context

Te Kōhanga Reo o Ngai Tāne is in the rural community of Raupunga close to Wairoa. Most whānau and their children are of Ngati Kapekape descent. Whānau want their children to know about their Ngati Kapekape/Ngati Pahauwera ancestral connections and heritage through their language, customs and traditions.

2 The Review Findings

How well do children demonstrate an understanding of their identity?

Children are developing a good understanding of being Ngati Kapekape and Ngati Pāhauwera.

Ngā Taumata Whakahirahira

Children are familiar with te reo Māori. Kaimahi provide opportunities for children to learn about their history through waiata, mōteatea, stories, haka, drama and pepeha. Role play and singing activities enable children to share learning about their ancestors. The new kaiako is a fluent speaker of te reo Māori. She is focussed on consistent language use and modelling at kōhanga reo. Children learn vocabulary specific to their iwi. Children are developing as speakers of te reo Māori.

Children experience positive and nurturing relationships. Kaimahi model the values of awhi, aroha and manaaki. Whanaungatanga and tikanga is promoted and reinforced throughout the daily programme. Children learn about the roles of tangata whenua and manuhiri through marae-based and community events. Children care for each other and tuakana learn alongside their taina. Individual children’s needs and interests are a priority for kaimahi. Children are confident in the kōhanga reo and marae settings.

Children have meaningful interactions with the physical and natural environments. They have access to a highly interactive learning curriculum that strongly promotes Pahauweratanga. There are frequent opportunities for children to interact with the environment when they care for the maara kai and go on trips to the moana and ngahere. They learn to fish and to catch eel by traditional methods, to grow vegetables and to use their environment as a food source. Children learn te reo Māori me ngā tikanga relating to these activities. Children respect the natural and physical environment.

Children are developing a strong awareness of their connections to Ngati Kapekape. They participate in learning where their identity is reinforced. Kaimahi provide learning experiences that allow children to learn about their marae, kawa, tikanga and roles as tangata whenua. Children learn about their whakapapa which affirms who they are and their place within their whānau, hapū and iwi. Children reflect a strong sense of belonging.

Planning and Evaluation

The kōhanga reo is managed well by whānau. They are committed to continual growth and improvement. A satisfactory level of internal evaluation occurs. Key areas of operations have been reviewed such as policies and procedures, charter and programme evaluation. The whānau work together set the strategic direction and monitor their practices. The charter provides clear guidelines for the day to day operations.

Children’s learning experiences are well planned. Kaimahi plan for learning appropriate to the local environment, the learning needs of children and their environment. Learning activities are well designed to maintain children’s interest. Kaimahi meet regularly to evaluate learning programmes. This information is used to determine future planning and the organisation of the programme. Kaimahi focus on planning programmes to stimulate children’s learning. Children’s learning is meaningful and relevant to their context.

Children’s learning and progress is well documented and reported. A wide range of learning experiences are captured in children’s portfolios. This information clearly shows children’s progress with strong links to Te Whāriki. Children’s learning and demonstration of whanaungatanga is well documented. Whānau are well informed about children’s learning and development. Evaluation information is used to raise the quality of the learning programme and make clear decisions about what matters most. Children enjoy learning.

Key Next Steps

Te reo Māori is not a strength among all staff and whānau at the kōhanga reo. The new kaiako encourages and supports kaiāwhina and whānau members to increase their proficiency in te reo Māori. Whānau acknowledge that te reo Māori requires ongoing learning and support in order to meet their future aspirations for their kōhanga reo and their children.

3 Whānau Management Assurance on Compliance Areas

During the review, ERO looked at the service’s systems for managing the following areas that have a potentially high impact on children's wellbeing:

  • emotional safety (including positive guidance and child protection)

  • physical safety (including supervision; sleep procedures; accidents; medication; hygiene; excursion policies and procedures)

  • suitable staffing (including qualification levels; police vetting; teacher registration; ratios)

  • evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

4 Recommendation

ERO and the Kōhanga Reo whānau developed the following recommendation:

  • implement strategies to further develop te reo Māori across the kōhanga reo.

Conclusion

Te Kōhanga Reo o Ngai Tāne is in Raupunga, just south of Wairoa. Children learn about their local environment through practical activities. Children know who they are and where they are from.

When is ERO likely to review the kōhanga reo again?

The next ERO review of Te Kōhanga Reo o Ngai Tāne will be in three years.

Lynda Pura-Watson

Deputy Chief Review Officer Māori

10 March 2017 

Information about the Kōhanga Reo 

Location

Raupunga

Ministry of Education profile number

50034

Kōhanga Reo Identification Number

08A114

Licence type

Te Kōhanga Reo

Licensed under

Education (Early Childhood Centres) Regulations 2008

Number licensed for

19 children, including up to 3 aged under 2

Kōhanga Reo roll

14 children, including up to 2 aged under 2

Gender composition

Girls 9

Boys 5

Ethnic composition

Māori

100%

Review team on site

February 2017

Date of this report

10 March 2017

Most recent ERO report(s)

Education Review

Education Review

October 2013

May 2010