Te Kōhanga Reo o Nukutere - 09/11/2016

1 He Whakamārama

He Kupu Whakataki

Ka whakahaeretia tētahi arotake tāpiri i runga o te whakataunga ā te Kaiurungi Whakaturuki Arotake Māori i Te Tari Arotake Mātauranga.

E aromātai ana te arotake tāpiri i te whānuitanga me te whai hua o ngā mahi ā te kōhanga reo ki te whakatutuki i ngā take i whakatakotohia ai i roto i te arotake mātauranga o mua atu i tēnei, me ētahi atu wāhanga rānei kua tāutuhia whai muri o taua arotake.

Ngā Whakataunga mō ngā Whakapuakitanga

Ko tēnei arotake tāpiri i whakaritea i runga o te aromātai o te whakatutukitanga a te whānau i te whakahaeretanga o te kōhanga reo, ki ngā wāhanga i tāutuhia ai e te pūrongo a Te Tari Arotake Mātauranga, i mua atu, me ngā take rānei kua tāutuhia whai muri o taua arotake. Ko ngā whakataunga mō ngā whakapuakitanga e pā ana ki tēnei arotake, ko te titiro ki:

  • te aromatawai, te aromātai hōtaka, te whakamahere rautaki, me te arotake whaiaro
  • ētahi atu take i pupū ake ai pea i te wā o te arotake.

2 Te Horopaki

E tū ana Te Kōhanga Reo o Nukutere ki ngā papa o te marae o Ōmarumutu, e pā tata atu ana ki Ōpōtiki. Whai muri i te arotake o mua, kua ū tonu te whānau ki te whakatutuki haere i ngā rerekētanga me te whakapaitanga e tika ana ki ngā whakahaeretanga o te kōhanga reo. Ka aromātai tēnei arotake i te ahu whakamua me ngā whakapaitanga kua whakatutukihia, mai i te tau 2014.

3 Ngā Whakaaturanga

Te Whakamahere me te Aromātai

He whakamārama

E ai ki te pūrongo o mua, i te mārama ngā kaimahi ki te pūtake o te aroturuki i te ako a ngā tamariki. Engari, me whakawhanake rātou i ngā mahi aromatawai e tohu ana i te ako a ia tamaiti i tōna ahurea, i tōna tuakiri tuku iho, mā te tūhura i te ao māoriori me te ao tūturu.

Ngā wāhanga e pai ana te whakahaere

Kua whakaritea e ngā kaimahi tētahi tukanga ōkawa, hei aromātai i te hōtaka akoranga. Ka āta whakawhitiwhiti whakaaro hōhonu rātou mō te hōtaka akoranga. He tino pai ētahi o ngā tauāki aromātai ā ngā kaimahi. Ka arotahi aua tauāki ki te whakapaitanga ake o te hōtaka. Ka tuhia aua take kōrero katoa ki ngā hui kaimahi. Ka whai hua ngā tamariki nā te kaha ki te aromātai i ngā hōtaka akoranga.

Kua tīmata te whānau ki te whakawhiti kōrero, ki te tuhi hoki i te whakatōpūtanga o ō rātou whakaaro e pā ana ki ngā kaupapa matua mō te pae tawhiti. E mōhio ana te whānau, ko te whakaoti i tēnei whakaritenga, ka ārahi i a rātou ki te whakatutuki i ā rātou whāinga me ā rātou tūmanako. Ko ngā tamariki kei te pūtake o ngā whakaritenga mō meāke nei.

Kua whakapakarihia e te whānau me ngā kaimahi te arotake whaiaro, puta noa i te nuinga o ngā wāhanga o te kōhanga reo. Kua whakapakarihia te whakatau, te whakahaere, me ngā kawenga mahi hoki a te whānau, nā te riterite/orite o ngā mahi ki te aroturuki me te pūrongo. Ka tino whakamōhiotia rātou mō ngā whakahaeretanga o te kōhanga reo i ia rā. He auau te arotake i ngā kaupapa here, ā, ka whai atu, ka aroturuki hoki te whānau i te ahu whakamua. Ka whai hua ngā tamariki nā te āta whakahaeretanga o ngā mahi ki te kōhanga reo.

Ngā Whakaritenga Matua ka Whai Ake

Me whai kiko ake ngā pūkete a ngā tamariki. Ka whakamahia ngā pūkete hei putu i ngā mahi toi a ngā tamariki. Nā tēnei, he iti noa ngā mōhiohio e aroturuki ana i te ako a ngā tamariki. Kāhore ngā kaimahi e arotake ana i ngā pūkete, kāhore hoki rātou e whai whakaaro ana ki ngā mōhiohio e hāngai pū ana ki te ako a ngā tamariki, me ngā wā e tika ana ki te whakatutuki, ki te tuhi haere rānei i te ahu whakamua a ngā tamariki. Kāhore te ako a ngā tamariki e āta aroturukitia ana.

Kua whakawhanakehia e te whānau tētahi mahere rautaki e whakamōhiotia ana e Te Ara Tūāpae. E mōhio ana rātou ki ā rātou whāinga me ā rātou kaupapa matua mō tēnei wā, mō meāke hoki. Engari, kāhore i te whānau tētahi mahere mahi hei aroturuki i te ahu whakamua i runga anō i ā rātou whāinga rautaki me ā rātou kaupapa matua. Kāhore i te āta pūrongo, i te aroturuki, i te tuhi hoki ki ngā hui ā-whānau, ngā mahi i whakatutukihia ai. Ko te pūrongo i te ahu whakamua me ngā whakatutukitanga o ngā whāinga ā-tau me ngā kaupapa matua, e whakatakoto ana i te aronga o te kōhanga reo mō te whānau, mō meāke nei.

4 Ngā Taunakitanga

I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:

  • whakapakari ngā kaimahi i ngā mahi aromatawai, inā koa i a rātou e whakatakoto haere ana i te ahu whakamua a ngā tamariki
  • whakaōkawa te whānau i tētahi mahere ā-tau hei aroturuki i te whānuitanga o te āhua mahi me ngā putanga, i runga anō i ā rātou kaupapa rautaki matua.

Te Whakarāpopototanga

E tū ana Te Kōhanga Reo o Nukutere ki ngā papa o te marae o Ōmarumutu, e pā tata atu ana ki Ōpōtiki. I aromātai Te Tari Arotake Mātauranga i te whānuitanga me te whai huatanga o ngā mahi a te whānau ki te whakatutuki i ngā take i tāutuhia ai ki te pūrongo o mua. He maha ngā wāhanga i whakapaitia ai e te whānau.

Hei ā hea Te Tari Arotake Mātauranga arotake anō ai i te kōhanga reo?

Ka arotake anō Te Tari Arotake Mātauranga i Te Kōhanga Reo o Nukutere i roto i te toru o ngā tau.

Lynda Pura-Watson

Kaiurungi Whakaturuki Arotake Māori

09 Whiringa-ā-rangi, 2016

Ngā kōrero e pā ana ki te kōhanga reo

Te tūwāhi

Kei Ōpōtiki

Te tau a te Tāhuhu o te Mātauranga

41009

Te tau tohu o te kōhanga reo

12B052

Te tūmomo whare

He kōhanga reo

Te raihana

Nga ture Matauranga (Ratonga Kohungahunga) 2008

Te tokomaha mō te raihana

27, kia tokowhā ki raro i te rua o ngā tau

Te tokomaha kei runga i te rārangi ingoa

9, kotahi kei raro i te rua o ngā tau

Te ira tangata

Kōtiro 4

Tama tāne 5

Ngā hononga ā-iwi

Māori

100%

Te wā i te kōhanga reo te rōpū arotake

5 Mahuru 2016

Te wā o tēnei pūrongo

09 Whiringa-ā-rangi, 2016

Ngā pūrongo o mua a Te Tari Arotake Mātauranga

Arotake Mātauranga

Arotake Mātauranga

Arotake Tāpiri

Hui-tanguru 2014

Whiringa-ā-rangi 2010

Whiringa-ā-rangi 2009

1 Background

Introduction

A supplementary review is undertaken at the discretion of the Deputy Chief Review Officer Māori in the Education Review Office (ERO).

A supplementary review evaluates the extent and effectiveness of actions a kōhanga reo has taken towards addressing issues specified in its previous ERO review and/or any additional areas identified since that review.

Terms of Reference

This supplementary review is based on an evaluation of the performance of the kōhanga reo governing body and management in relation to areas identified in the previous ERO report or issues identified since that review. The terms of reference for this review are to investigate:

  • Assessment, programme evaluation, strategic planning and self-review

  • Any other area that may arise during the course of the review.

2 Context

Te Kōhanga Reo o Nukutere is on the grounds of Omarumutu Marae near Opotiki. Since the last review whānau have continued to address and bring about the necessary changes and improvements to the kōhanga reo operations. This review evaluates progress and improvements made since 2014.

3 Findings

Planning and Evaluation

Background

The last report stated that kaimahi understand the purpose of monitoring children’s learning. However, they should develop assessment practices that show each child’s learning about their cultural and ancestral identity through the exploration of the natural and physical worlds.

Areas of progress

Kaimahi have in place a formal process to evaluate the learning programme. The learning programme is discussed in depth. Kaimahi make some very good evaluative statements. These are focused on programme improvement. All these discussion points are recorded at kaimahi hui. Children benefit from well evaluated learning programmes.

Whānau have begun discussions and to document their shared thinking around their long term priorities. Whānau acknowledge that completion of this plan should guide them to achieve their goals and objectives. Children are at the heart of future planning.

Whānau and kaimahi have strengthened self-review across most areas of the kōhanga reo. Whānau decision-making, management and responsibilities have been strengthened by consisted monitoring and reporting. They are well informed about the day to day operations of the kōhanga reo. Policy reviews are regular and whānau follow up and monitor progress. Children benefit from a kōhanga reo where the operations are well managed.

Key Next Steps

Children’s portfolios require more work. Portfolios are used as a place to store children’s artwork. Consequently there is little information to monitor children’s learning. Kaimahi do not review portfolios and consider what information is specific to how children are learning and how often to carry out or record children’s progress. Children’s learning is not well monitored.

Whānau have developed a strategic plan that is informed by Te Ara Tūāpae. They know their goals and priorities now and into the future. However, whānau do not have an action plan to monitor progress against their strategic goals and priorities. There is no formal reporting, monitoring and recording of completed tasks at whānau hui. Reporting on the progress and successes of annual goals and priorities provide whānau with direction for the future of the kōhanga reo.

4 Recommendations

ERO and the kōhanga reo whānau developed the following recommendations:

  • Kaimahi to strengthen assessment practices in particular when recording children’s progress

  • Whānau formalise an annual plan to monitor the overall performance and outcomes against their strategic priorities.

Conclusion

Te Kōhanga Reo o Nukutere is on the grounds of Omarumutu Marae near Opotiki. ERO evaluated the extent and effectiveness of actions the whānau has taken towards addressing the concerns specified in its previous report. The whānau have made improvements to many of the areas of concern.

When is ERO likely to review the kōhanga reo again?

The next ERO review of Te Kōhanga Reo o Nukutere will be in three years.

Lynda Pura-Watson

Deputy Chief Review Officer Māori

9 November 2016

Information about the Kōhanga Reo

Location

Opotiki

Ministry of Education profile number

41009

Kōhanga Reo Identification Number

12B052

Licence type

Te Kōhanga Reo

Licensed under

Education (Early Childhood Services) Regulations 2008

Number licensed for

27 children, including up to 4 aged under 2

Kōhanga Reo roll

9 children, including up to 1 aged under 2

Gender composition

Girls 4

Boys 5

Ethnic composition

Māori

100%

Review team on site

5 September 2016

Date of this report

9 November 2016

Most recent ERO report(s)

Education Review

Education Review

Supplementary Review

February 2014

November 2010

November 2009