Te Kōhanga Reo o Paeroa - 13/09/2016

1 He Whakamārama

He Kupu Whakataki

Ka whakahaeretia tētahi arotake tāpiri i runga o te whakataunga ā te Kaitiriwā Toihau Artake Māori i Te Tari Arotake Mātauranga.

E aromātai ana te arotake tāpiri i te whānuitanga me te whai hua o ngā mahi ā te kōhanga reo ki te whakatutuki i ngā take i whakatakotohia ai i roto i te arotake mātauranga o mua atu i tēnei, me ētahi atu wāhanga rānei kua tāutuhia whai muri o taua arotake.

Ngā Whakataunga mō ngā Whakapuakitanga

Ko tēnei arotake tāpiri i whakaritea i runga o te aromātai o te whakatutukitanga a te whānau i te whakahaeretanga o te kōhanga reo, ki ngā wāhanga i tāutuhia ai e te pūrongo a Te Tari Arotake Mātauranga, i mua atu, me ngā take rānei kua tāutuhia whai muri o taua arotake. Ko ngā whakataunga mō ngā whakapuakitanga e pā ana ki tēnei arotake, ko te titiro ki:

  • te whakahaeretanga i ngā kaimahi
  • te arotake whaiaro, tae atu ki te mahere ā-tau, te aromatawai, me te aromātai i te hōtaka
  • ngā wāhanga kāhore e tutuki ana e ai ki te ture, me
  • ētahi atu take i tāutuhia ai whai muri i te arotake o mua

2 Te Horopaki

E tū ana Te Kōhanga Reo o Paeroa ki te marae o Ngāhutoitoi, i te tapa tonu o Paeroa. He tātai whakapapa ō te nuinga o ngā whānau me ā rātou tamariki ki te marae me ngā hapū o tēnei takiwā.

Mai i te arotake o mua a Te Tari Arotake Mātauranga, i te tau 2014, kua whakaūngia tētahi kaiako hou, ā, kua piki ake te tatauranga o ngā tamariki ki te rārangi ingoa. Kua whai wāhi mai hoki ētahi whānau hou ki te kōhanga reo. Kua whakahoungia ngā whare hei whakawhānui ake i te wāhi ako mō ngā tuākana me ngā tēina, ā, kua whakaritea hoki ētahi atu wāhi hei wāhi mō ngā pēpi, hei wāhi moe hoki.

3 Ngā Whakaaturanga

Te whakamahere me te aromātai

He whakamārama

I tāutuhia ki te pūrongo a Te Tari Arotake Mātauranga i te tau 2014, ko te arotake whaiaro tētahi āhuatanga hei whakapakari ake. Ko te aroturuki me te pūrongo i te whānuitanga o ngā whakahaeretanga ki te kōhanga reo, me ngā kaupapa matua ā-tau, te aromātai hōtaka, me te aromatawai hoki i ētahi atu āhuatanga hei āta tirohia kia pai ake ai ngā mahi whakahaere, me ngā painga mō ngā tamariki.

Ngā wāhanga e pai ana te whakahaere

Kua whakawhanakehia e ngā kaimahi ngā ‘kōtaha’, arā he pūkete o ngā akoranga a ngā tamariki, i runga anō i tō rātou māramatanga ki te aromatawai. Ka whakamahi ngā kōtaha i te whānuitanga o ngā mōhiohio e pā ana ki ngā tauira mahi a ngā tamariki, ō rātou pepeha, me ngā whakaahua, ngā whakaarotanga anō hoki o ngā kaimahi. Ka whakamahi ngā kaimahi i aua mōhiohio hei hāpai i te whakamahere me te whakapuakitanga o te hōtaka mā ngā tamariki. Kei te ahu tā rātou kia haere kia iti ake te whakamārama ake i ngā mahi a ngā tamariki, ā, kia whakapakari ake kē ko ngā kōrero ake a te tamaiti mō āna mahi. Ināianei, ka tāutu ngā aromatawai i te ako me te koke a te tamaiti.

He ngātahi māramatanga ō te whānau me ngā kaimahi ki ō rātou tūranga me ā rātou kawenga mahi. Kua whakaritea ngā kaupapa here me ngā tukanga e pā ana ki te whakahaere i ngā kaimahi. He mārama te pūnaha arohaehae e whāiatia ana, ā, ka whakatutukihia tēnei i ia tau. I tēnei wā e whai wāhi atu ana ngā kaimahi ki ngā whakangungu i te taha o ngā kaupapa kaimahi ā-rohe o Te Poari Matua o Ngā Kōhanga Reo. E riro ana i ngā tamariki ngā painga e ahu mai ana i te whai huatanga ake o te whakahaeretanga o tō rātou kōhanga reo.

Ngā Whakaritenga Matua ka whai ake

Ko te aromātai hōtaka tētahi āhuatanga hei whakawhanake tonu. Ahakoa ka whakawhiti kōrero ngā kaimahi mō ngā hōtaka akoranga me ngā huarahi ka whakapai ake i te kounga o te whakapuakitanga, kāhore rātou e tohu ana i ngā take i whakarerekē ai, ā, kāhore aua whakarerekētanga e tuhia ana. Ka ākina ngā kaimahi kia whakawhanake rātou i ngā rautaki ka tohu i ngā hononga ki waenga i te whakamahere hōtaka, te aromātai hōtaka, me te aromatawai, hei whakapai ake i ngā akoranga a ngā tamariki.

Ko te arotake whaiaro tētahi wāhanga hei whakawhanake tonu. Ahakoa ka kōrero te whānau i ia te wā, ka tāutu hoki rātou i ngā huarahi ka whakapai ake i te whakahaeretanga whānui o te kōhanga reo, kāhore aua āhuatanga e tuhia ana. He mea nui kia whakawhanakehia e te whānau tētahi mahere mahi ka tāutu i ngā tāngata ka kōkiri i ngā rerekētanga, tae atu hoki ki ngā rauemi ka hāpai tika i ngā mahi, me ngā wātaka, hei aroturuki i te ahu whakamua ki ngā whāinga. Ko te ako a ngā tamariki kei te pūtake o te whakamahere mō meāke nei.

Ngā wāhanga kāhore e tutuki ana e ai ki ngā ture

He whakamārama

I tāutuhia ki te pūrongo o mua, ko te whakahaere i ngā kaimahi tētahi wāhanga kāhore e tutuki ana e ai ki te ture.

Ngā wāhanga e pai ana te whakahaere

Kua whakawhanakehia, kua whakatinanahia hoki e te whānau ngā kaupapa here me ngā tukanga o te whakahaere kaimahi, me te hāngai pū o ēnā ki te arohaehae i ngā kaimahi i ia tau, me ngā tukanga a te arowhai a ngā pirihimana. Ka whakarite te whānau kia noho ki te kōhanga reo tētahi pakeke e mau nei i te tiwhikete whakaora whāwhai.

Te Whakarāpopototanga

E tū ana Te Kōhanga Reo o Paeroa ki te marae o Ngāhutoitoi, ki te tapa o Paeroa. Mai i te arotake o mua, kua āhua whakamua te whānau ki te whakapai ake i ngā whakaritenga e pā ana ki te whakahaeretanga me te aromatawai. Heoi anō me whakawhanake tonu ngā arotake whaiaro me ngā aroturukitanga o te hōtaka ako.

Hei ā hea Te Tari Arotake Mātauranga arotake anō ai i te kōhanga reo?

Ka arotake anō Te Tari Arotake Mātauranga i Te Kōhanga Reo o Paeroa i roto i te toru o ngā tau.

Lynda Pura-Watson

Kaiurungi Whakaturuki Arotake Māori

13 Mahuru, 2016

Ngā kōrero e pā ana ki te kōhanga reo

Te tūwāhi

Kei Paeroa

Te tau a te Tāhuhu o te Mātauranga

35042

Te tau tohu o te kōhanga reo

04B011

Te tūmomo whare

He kōhanga reo

Te tokomaha mō te raihana

30 kia tokorima ki raro i te rua o ngā tau

Te tokomaha kei runga i te rārangi ingoa

14, tokotoru kei raro i te rua o ngā tau

Te ira tangata

Kōtiro 10

Tama tāne 4

Ngā hononga ā-iwi

Māori

100%

Te wā i te kōhanga reo te rōpū arotake

3 Here-turi-kōkā 2016

Te wā o tēnei pūrongo

13 Mahuru, 2016

Ngā pūrongo o mua a Te Tari Arotake Mātauranga

Arotake Mātauranga

Hōngongoi 2014

1 Background

Introduction

A supplementary review is undertaken at the discretion of the Deputy Chief Review Officer Māori in the Education Review Office (ERO).

A supplementary review evaluates the extent and effectiveness of actions a kōhanga reo has taken towards addressing issues specified in its previous ERO review and/or any additional areas identified since that review.

Terms of Reference

This supplementary review is based on an evaluation of the performance of the kōhanga reo governing body and management in relation to areas identified in the previous ERO report or issues identified since that review. The terms of reference for this review are to investigate:

  • Personnel management
  • Self-review including annual plan, assessment and programme evaluation
  • areas of non-compliance
  • any issues identified since the previous review

2 Context

Te Kōhanga Reo o Paeroa is on Te Marae o Ngahutoitoi on the outskirts of Paeroa. Most whānau and their tamariki whakapapa to the marae and hapu.

Since the last ERO review in 2014, a new kaiako has been appointed and the roll has increased. There are new whānau involved in the kōhanga reo. The buildings have been renovated to increase the learning space for tuakana, teina, a space for pepi and a dedicated sleeping area.

3 Findings

Planning and Evaluation

Background

ERO’s report 2014 identified self-review as an area for strengthening. Monitoring and reporting the overall kōhanga reo operations, annual priorities, programme evaluation and assessment needed attention to improve management practices and outcomes for children.

Areas of progress

Kaimahi have developed ‘kōtaha’, records about children’s learning based on an understanding about assessment. These are use a range of information of children’s work samples, pepeha, photos and kaimahi comments. Kaimahi use this information to support programme planning and delivery for children. They are working toward less interpretation of children’s work and more to strengthening the child’s narratives around their work. Assessments now identify children’s learning and progress.

Whānau and kaimahi have a shared understanding of their roles and responsibilities. Personnel management policies and procedures are in place. A clear appraisal system is followed and completed annually. Kaimahi are currently involved in training with the Regional Kōhanga Reo National Trust staff. Children benefit from more effective personnel management of their kōhanga reo.

Key Next Steps

Programme evaluation remains an area for development. Although kaimahi discuss learning programmes and ways to improve the quality of delivery they do not give reasons for changes nor are these recorded. Kaimahi are encouraged to develop strategies to show the links between programme planning, programme evaluation and assessment to improve children’s learning.

Self-review continues to be an area of development. Although whānau regularly discuss and identify ways to improve the overall operations of the kōhanga reo they do not document these. It is important for the whānau to develop an action plan identifying who will lead the change, resources needed to support the action and timeframes to monitor progress towards the goal/s. Children’s learning is at the heart of forward planning.

Areas of non-compliance

Background

The last report identifies personnel management as an area of non-compliance.

Areas of progress

The whānau have developed and implemented personnel management policies and procedures specifically for the appraisal of kaimahi annually and police vetting processes. Whānau ensure that an adult has a current first aid qualification in the kōhanga reo.

Conclusion

Te Kōhanga Reo o Paeroa is on Ngahutoitoi marae on the outskirts of Paeroa. Since the previous review the whānau have made progress towards improving the management and assessment practices. However self-review and programme evaluation need further development.

When is ERO likely to review the kōhanga reo again?

The next ERO review of Te Kōhanga Reo o Paeroa will be in three years.

Lynda Pura-Watson

Deputy Chief Review Officer Māori

13 September 2016

Information about the Kōhanga Reo

Location

Paeroa

Ministry of Education profile number

35042

Kōhanga Reo Identification Number

04B011

Licence type

Te Kōhanga Reo

Licensed under

Education (Early Childhood Services) Regulations 2008

Number licensed for

30 children, including up to 5 aged under 2

Kōhanga Reo roll

14 children, including up to 3 aged under 2

Gender composition

Girls 10

Boys 4

Ethnic composition

Māori

100%

Review team on site

3 August 2016

Date of this report

13 September 2016

Most recent ERO report(s)

Education Review

July 2014