Te Kōhanga Reo o Paeroa

1 Te Horopaki

E tū ana Te Kōhanga Reo o Paeroa ki te marae o Ngahutoitoi. He tokoiti ngā tamariki ki te rārangi ingoa, ā, he hou hoki ngā mātua ki te kaupapa o te kōhanga reo.

Kua pā ētahi wero ki te whānau, ā, nā taua tūāhuatanga kua whakahou anōtia ngā tūranga kaimahi, ā, kua whakapakarihia ake ngā mahi e whakahaere ana i ngā pūtea. Kei te mauritau ngā tamariki, kei te whai wāhi atu hoki ki ngā mahi.

2 Ngā Whakaaturanga o te Aromātai

He pēhea rawa te whakaatu mai o ngā tamariki i ō rātou ngākau titikaha i roto i ō rātou hononga ki ētahi atu?

Kei te tūmāia, kei te mauritau hoki ngā tamariki i roto i ō rātou hononga ki ō rātou hoa, ā, ki ngā pakeke hoki.

Ngā Taumata Whakahirahira

Kei te rongo ngā tamariki i te whakaute me te manaaki i roto i te whakawhanaungatanga. E whakatauira ana ngā kaimahi me te whānau i te atawhai o ngā taunekeneke ki waenga i a rātou anō, ā, ki ngā tamariki hoki. E ākina ana te noho hūmārika o ngā tamariki ki ētahi atu. Kua whakaritea e rātou ngā hononga e whai pūtake ana, ā, ka ngākau nui rātou ki te mahi ki te taha o ō rātou hoa me te whakapuaki i ā rātou wheako, te tohatoha hoki i ngā rauemi. He mārama ngā tūmanako o ngā kaimahi mō te āhua o te whanonga e tika ana. Kei te mōhiotia, kei te whāia hoki e ngā tamariki ngā mahi e tau ana, e riterite ana hoki ki a rātou. He ngāwari tā rātou whakawhitiwhiti haere ki ngā tūmomo taumahi ako. Kei te harikoa, kei te mauritau hoki ngā tamariki.

E ākina ana, e āta hāpaitia ana hoki te whai mōhiotanga o ngā tamariki ki a rātou anō. He tākare ngā kaimahi me te whānau ki te āta whakarite i te ako a ngā tamariki i te whānau me ngā hononga ā-whakapapa. Ko te rongo, ko te whakapuaki mai hoki i ngā pepeha i ia te wā, e hāpai ana i ngā tamariki ki te whai māramatanga ki te āhua o tā rātou whai wāhi nui ki te ao whānui tonu o ngā tāngata me ngā wāhi. Ka whakariterite ngā kaimahi i ngā haerenga ki ngā wāhi me ngā pou whenua e mōhiotia ana. Tae atu ai rātou ki ngā kaupapa ahurea o te hapori i ia te wā. Ka kitea ki ngā tamariki tō rātou māramatanga ki ngā tikanga me ngā kawa i a rātou e whai wāhi atu ana ki te tini o ngā pōhiri me ngā whakatau. E ako ana rātou i tō rātou tū hei tangata whenua. E whakawhanake ana te māramatanga o ngā tamariki ki tō rātou tuakiri tangata.

E whakatairangatia ana te ako a ngā tamariki nā te whai wāhi atu ki ngā akoranga tūturu, akoranga ā-ringa hoki. Ka whakamahere ngā kaimahi kia whai wāhi atu ai ngā tamariki ki ngā wheako ako tūturu e whakatairanga ake ana i ngā kaupapa. Ko te noho wātea mai o te whānuitanga o ngā tūmomo rauemi e hāpai ana i te aro pū o ngā tamariki ki ngā akoranga. Ka kitea ki ngā whakaaturanga i ngā pakitara, ki ngā whakaahua hoki i ngā pūkete a ngā tamariki, ko te whānuitanga o ngā tūmomo horopaki ako e whāia ana e ngā tamariki. Kei te hōtaka akoranga ngā whai wāhitanga mō ngā tamariki ki te tūhura me te mahi auaha i roto i ā rātou akoranga. He ākonga pākiki ngā tamariki.

Te Whakamahere me te Aromātai

Ko te ako a ngā tamariki tētahi aronga matua ki ngā kaimahi me te whānau. He hou tonu te rōpū whakaako ki ō rātou tūranga, ā, e āta hāpaitia ana rātou e tētahi pouārahi i mahi ai i mua hei kaiako ki te kōhanga reo. He pai te whakatakotoranga o ngā mahere, ngā aromatawai, me te aromātai hōtaka, me te whai hononga o ēnei ki Te Whāriki. E whakatairangatia ana te aromatawai mā te whakamahi i ngā hangarau ki te tikiake i ngā mōhiohio e pā ana ki te ahu whakamua o te ako a ngā tamariki me tō rātou whakawhanaketanga. Kua āta tuhia ngā whakawhitinga kōrero e pā ana ki ngā huarahi whakaako, ā, ka whai wāhi atu hoki ki ngā whakapaitanga e hāpai ake ai i ngā tamariki. E whai wāhi nui ana ngā tamariki ki ngā akoranga.

Ko te waiora me te haumaru o ngā tamariki e noho matua ana ki te whānau. He pai ngā hononga ki waenga i te whānau, ā, e hāpai atu ana taua tūāhuatanga i te whānau, i a rātou e kawe atu ana i te whakahaeretanga o te kōhanga reo. He nui ngā pūkenga o te heamana, ā, e āta whakarite ana ia i te whai wāhi mai o ngā mātua ki ngā whakataunga e noho matua ana ki te whakapūmautanga o te kōhanga reo hei tino huarahi mātauranga ki Paeroa.

Ngā Whakaritenga Matua ka Whai Ake

Ahakoa kei te tino pai ngā whakaritenga whakaako, ko tētahi āwangawanga ko te haere tonutanga o te tautoko o te pouārahi. Kua tino whai hua tōna tautoko, ā, e tika ana kia haere tonu mō te wā roa, i ngā kaimahi e waia haere ana, e māia haere ana hoki ki ō rātou tūranga. He mea nui kia whai whakaaro te whānau ki ngā huarahi e āta whakapūmau ai i taua tautoko. Tērā ētahi tino take hei whakatutuki mā te āta whakarite me te whai whakaaro nui. Ko ētahi o aua āhuatanga, ko:

• te whakarite i te tukanga aromātai o roto hei aroturuki i te whakapai tonutanga o ngā whakahaeretanga me ngā whakaritenga
• te whakawhanaketanga o tētahi mahere rautaki, mahere mahi hoki e whakatakoto ai i te aronga me ngā kaupapa matua i te kōhanga reo mō meāke nei
• te whakatinanatanga o ngā mahi e arohaehae ana i ngā kaimahi. Ahakoa he tukanga kē tā te kōhanga reo, kāhore anō kia whakapuaki
• te whakahou ake i te tūtohinga me ngā kaupapa here, inarā, i ērā e whai pānga ana ki te hauora me te haumaru o ngā tamariki. Tē taea te noho haumaru o ngā tamariki te whakatūturu.

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

I tāutuhia e Te Tari Arotake Mātauranga ngā wāhanga kāhore e tutuki ana e ai ki te ture. Kia tutuki i te whānau o te kōhanga reo ngā herenga ā-ture, me tahuri rātou ki te:

• whakarite i tētahi tukanga o te arotake whaiaro, te aromātai o roto rānei e whakahaerehia ana i ia te wā, hei hāpai i ngā mahi ki te whakapūmau me te whakapai ake i te kounga o ngā whakaritenga mā ngā tamariki
• [R47 Ture Mātauranga (Kōhungahunga) 2008; GMA6 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
• whakapau kaha ki te whakatinana i tētahi pūnaha auau e arohaehae ai i ngā kaimahi, ā, e whakarato ana hoki i ngā whai wāhitanga mō rātou ki te toro atu ki ngā tūmomo whakawhanaketanga ngaio me ngā rauemi
• [R47 Ture Mātauranga (Kōhungahunga) 2008; GMA7 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
• arotake me te whakahou ake i ngā kaupapa here me ngā tukanga, hei āta whakarite i te whakatutukitanga me te whakapūmautanga o ngā mahi e whakatairanga ake ai i te hauora me te haumaru o ngā tamariki, hei painga ā-whatumanawa, ā-tinana hoki mō ngā tamariki katoa.
• [R46 Ture Mātauranga (Kōhungahunga) 2008; HS1-33 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]

4 Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Paeroa i roto ngā tau e rua.

Gloria Takuira

Acting Toka ā-nuku

21 Kohitātea, 2020

Ngā kōrero e pā ana ki te kōhanga reo

1 Context

Te Kōhanga reo o Paeroa is located on Ngahutoitoi Marae. The roll is small, and parents are new to the philosophy of kōhanga reo.

The whānau has had to deal with some challenges that resulted in a restructuring of personnel and adopting tighter financial management practices. Children are settled and engaged.

2 The Evaluation Findings

How well do children show confidence in their relationship with others?

Children are confident and secure in their relationships with their peers and adults.

Ngā Taumata Whakahirahira

Children experience respectful and caring relationships. Kaimahi and whānau model nurturing interactions with each other and with children. Children are encouraged to be courteous to others. They have established meaningful relationships and work alongside their peers where they willingly share their experiences and resources. Kaimahi have clear expectations of acceptable behaviour. Children recognise and engage in practices that are familiar and predictable. They transition smoothly between learning activities. Children are happy and settled

Children are encouraged and well-supported to know about who they are. Kaimahi and whānau are eager to ensure children learn about whānau and whakapapa links. Daily practice and exposure to formal use of pēpēhā helps children to understand how they fit in the wider world of people and places. Kaimahi plan excursions to familiar places and landmarks. They regularly attend local cultural events community activities. Children demonstrate an understanding of tikanga and kawa as they participate in numerous pōhiri and whakatau. They are learning about their role as tangata whenua. Children are developing an understanding of their identity.

Children’s learning is enhanced by participating in practical, hands on learning. Kaimahi plan for children to experience authentic learning experience that enhance kaupapa. Access to a range of resources keeps children engaged in their learning. Displays on walls, and photographs in children’s profile books show the range of learning contexts children experience. The learning programme provides children with opportunities to explore and be creative in their learning. Children are curious learners.

Planning and Evaluation

Children’s learning is a priority for kaimahi and the whānau. The teaching team are very new to their roles and are being well-supported by a mentor who is the previous kaiako. Planning, assessment and programme evaluation are well-structured and links to Te Whāriki. Assessment is enhanced with the use of technology to download the information about children’s learning progress and development. Regular discussion about teaching practice are well-documented and contribute to making improvements to better support children. Children are engaged.

Children’s wellbeing and safety are important to the whānau. Whānau relationships are positive and this is helping as whānau take responsibility for managing the kōhanga reo. The chair is highly skilled and ensures parents have opportunities to contribute to making decisions that are important for maintaining the kōhanga reo as a viable educational option in Paeroa.

Key Next Steps

While teaching practices are very good the concern is about the ongoing support of the mentor. This support has been invaluable and is required on a longer-term basis as kaimahi become more familiar and confident with their roles. It is important for whānau to consider ways to ensure this support is maintained. There are some important matters that must be addressed in a planned and considered way. These include:

• The establishment of internal evaluation process to monitor ongoing improvements to operations and to practice
• the development of a strategic and action plan to provide future directions and priorities for the kōhanga reo
• implementation of kaimahi appraisals. While there is a process in place, these have not yet been actioned
• the update of the charter and policies, particularly those related to the health and safety of children. Children’s safety cannot be guaranteed.

3 Whānau Management Assurance on Compliance Areas

During the evaluation, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements. These include;

• establish an ongoing process of self- review or internal evaluation to help maintain and improve the quality of practice for children [Regulation 47 (Early Childhood Services) Regulations 2008; GMA6 Licensing Criteria for Kōhanga Reo affiliated with Te Kōhanga Reo National Trust 2008]

• take all reasonable steps to implement a regular system of appraisal that provide staff opportunities to engage in professional development opportunities, and resources [Regulation 47 (Early Childhood Services) Regulations 2008; GMA7 Licensing Criteria for Kōhanga Reo affiliated with Te Kōhanga Reo National Trust 2008]

• review and update policies and procedures to ensure that all reasonable steps to promote the health and safety of children are met and maintained for the emotional and physical wellbeing of all children. [Regulation 46 (Early Childhood Services) Regulations 2008; HS1-33 Licensing Criteria for Kōhanga Reo affiliated with Te Kōhanga Reo National Trust 2008]

4 When is ERO likely to evaluate the kōhanga reo again?

The next ERO evaluation of Te Kōhanga Reo o Paeroa will be within two years.

Gloria Takuira 

Acting Toka ā-nuku

21 January 2020

5 Information about the Kōhanga Reo