Te Kōhanga Reo o Paimārie - 08/05/2017

1 He Whakamārama

He Kupu Whakataki

Ka whakahaeretia tētahi aromātai tāpiri i runga o te whakataunga ā te Kaitiriwā Toihau Arotake Māori i Te Tari Arotake Mātauranga.

E aromātai ana Te Tari Arotake Mātauranga i te whānuitanga me te whai hua o ngā mahi ā te kōhanga reo ki te whakatutuki i ngā take i whakatakotohia ai i roto i te pūrongo aromātai mātauranga o mua atu i tēnei, me ētahi atu wāhanga rānei i tāutuhia ai whai muri o taua aromātai.

Ngā Whakataunga mō ngā Whakapuakitanga

Ko tēnei aromātai tāpiri i whakaritea i runga i te aromātai o te whakatutukitanga a te whānau i te whakahaeretanga o te kōhanga reo, ki ngā wāhanga i tāutuhia ai e te pūrongo a Te Tari Arotake Mātauranga, i mua atu, me ngā take rānei kua tāutuhia whai muri o taua aromātai. Ko ngā whakataunga mō ngā whakapuakitanga e pā ana ki tēnei aromātai, ko te titiro ki:

  • te hauora me te haumaru – te aroturuki i te atawhai, te hauora, me te haumaru o ngā tamariki
  • te hōtaka akoranga – te aroturuki i te ako me te ahu whakamua a ngā tamariki
  • te whakamahere me te aromātai – te whakatau a te whānau i ngā whakaritenga, te noho hāngai o ngā mauhanga ki te wā, te whakarite i ngā mahi ki te whakahaere i ngā kaimahi, me te arotake auau i ngā kaupapa here me ngā tukanga
  • ngā wāhanga kāhore e tutuki ana e ai ki te ture – te whakatinanatanga o ngā whakaritenga i whakaraupapahia ai ki te kaupapa here e pā ana ki te moe
  • ētahi atu take i tāutuhia ai i te wā o tēnei arotake.

2 Te Horopaki

Ko Paimārie te kōhanga reo

Ko Rangitīkei te taiwhenua

Ko Aotea te rohe

Ko Ngāti Apa te iwi

E tū ana Te Kōhanga Reo o Paimārie ki Mātene. He hononga tō te whānau ki a Ngāti Apa. E whakahaere tonuhia ana te kōhanga reo e te Poari Matua o Ngā Kōhanga Reo. Whai muri i te tau 2016, kua piki ake te tatauranga tamariki ki te kōhanga reo, ā, kua whakatūngia tētahi kaiwhakahaere ukiuki ki te tari, me tētahi kaiako. Kua mahi te whānau me ngā kaimahi ki te taha o te Poari Matua o Ngā Kōhanga Reo ki te whakatutuki i te atawhai me te ako a ngā tamariki. He nui te ahu whakamua ki te hāpai i te whakamaheretanga o te hōtaka, me te aromātai i te hōtaka o ngā akoranga a ngā tamariki. He hononga ki Te Whāriki, ā, ka arotahi hoki ki te reo me ngā tikanga Māori.

3 Ngā Whakaaturanga

He ākonga pākiki ngā tamariki. Kua whakaritea te hōtaka o ia rā kia āhei ai ngā tamariki ki te kōkiri i ā rātou ake akoranga, ki te tīpako i ngā taumahi, me te āta tākaro ki roto, ki waho hoki. Ka ngākau nui ngā tamariki ki ngā taumahi i te papa tākaro. Ka whakarato ngā kaimahi i ngā whai wāhitanga mō ngā tamariki ki te ako i ngā uaratanga o te awhi me te tautoko. Ka rongo ngā tamariki i ngā karakia me ngā waiata i ngā wā ōkawa me ngā wā ōpaki. Ka whakamahi ngā kaimahi i ngā waiata me ngā kēmu ki te whakawhanake i te reo o ngā tamariki. Ka tautoko rātou i te ako a ngā tamariki i te reo Māori. He harikoa ngā tamariki.

E hāngai ana ngā hōtaka akoranga a ngā tamariki ki Te Whāriki. Kua whakahāngaitanga ngā hōtaka ki ngā kaupeka o te tau, ā, e mau ana hoki i ngā mahere mō te tau, ngā wāhanga, ngā wiki, me ia rā. He matawhānui te ako ā-kaupapa, ā, he whānui anō hoki ngā tūmomo taumahi ako me ngā tūmomo whai wāhitanga ako. He rawaka ngā mōhiohio a ngā kaimahi hei ārahi i a rātou ki te whakapuaki i tā rātou hōtaka akoranga. Ka aroturuki ngā kaimahi i te whai huatanga o te hōtaka akoranga mā ngā whakaaro huritao ōpaki me ngā whakaaro huritao ōkawa. E whai hua ana ngā tamariki nā ngā akoranga e whai pānga nui ana ki ō rātou matea ake.

E arotake ana te whānau i ngā kaupapa here me ngā tukanga. Kua tata te oti ngā hononga o ngā kaupapa here me ngā tukanga ki ngā whakaritenga. Kua whakatūngia tētahi kaiwhakahaere ukiuki ki te tari, ā, māna te whakatakotoranga, te whakaputu, me te noho wātea mai o ngā tuhinga e kawe ana. E hāngai ana ngā tuhinga tūranga mahi ki te wā, ā, kua āta whakaritea. He pai kē atu te whakahaeretanga o te kōhanga reo mō ngā tamariki.

Ngā Whakaritenga Matua ka whai ake

Ko ngā pūkete te tino huarahi e whāia ana hei aroturuki i te ako a ngā tamariki. Engari, kāhore ēnei e tāutu ana i tēnā e mōhiotia ana e ngā tamariki. Ko te arotahi ki tēnā e ākona ana e ngā tamariki, me ō rātou mōhiotanga kē, ka whai wāhi nui ki te aroturuki i tā rātou ahu whakamua.

Ngā wāhanga kāhore e tutuki ana e ai ki te ture

Te wāhanga e ahu whakamua ana

Kua whakaritea tētahi rehita moe, ā, e hāngai ana tēnei ki te wā.

4 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

  • whakapakari tonu te whānau i te aromatawai. 

Hei ā hea Te Tari Arotake Mātauranga arotake anō ai i te kōhanga reo?

Ka arotake anō Te Tari Arotake Mātauranga i Te Kōhanga Reo o Paimārie i roto i te toru o ngā tau.

Lynda Pura-Watson

Kaiurungi Whakaturuki Arotake Māori

08 Haratua, 2017

Ngā kōrero e pā ana ki te kōhanga reo 

Te tūwāhi

Kei Mātene

Te tau a te Tāhuhu o te Mātauranga

52741

Te tau tohu o te kōhanga reo

07G021

Te tūmomo raihana

Te Kōhanga Reo

Kua raihanatia ki te ture

Ngā Ture Mātauranga (Ratonga Kōhungahunga) 2008

Te tokomaha mō te raihana

35 ngā tamariki, kia tekau ki raro i te rua o ngā tau

Te tokomaha kei te rārangi ingoa

20 ngā tamariki, tokowhitu kei raro i te rua o ngā tau

Te ira tangata

Kōtiro 9

Tama 11

Ngā hononga ā-iwi

Māori

100%

Te wā i te kōhanga reo te rōpū arotake

Poutū-te-rangi 2017

Te wā o tēnei pūrongo

08 Haratua, 2017

Ngā pūrongo o mua a Te Tari Arotake Mātauranga

 

Arotake Tāpiri

Arotake Mātauranga Arotake Mātauranga

Poutū-te-rangi 2016

Hakihea 2014

Whiringa-ā-rangi 2011

1 Background

Introduction

A supplementary evaluation is undertaken at the discretion of the Deputy Chief Review Officer Māori in the Education Review Office (ERO).

ERO evaluates the extent and effectiveness of actions a kōhanga reo has taken towards addressing issues specified in its previous ERO evaluation and/or any additional areas identified since that evaluation.

Terms of Reference

This supplementary evaluation is based on an evaluation of the performance of the kōhanga reo governing body and management in relation to areas identified in the previous ERO report or issues identified since that evaluation. The terms of reference for this evaluation area to investigate:

  • Health and Safety – monitoring children’s care and health, safety
  • Learning programme – monitoring children’s learning and progress
  • Planning and Evaluation – whānau decision making, records are up to date, personnel management practices are in place and policies and procedures are regularly reviewed
  • Areas of non-compliance – sleeping policy is implemented into practice
  • Any issues identified during the on-site review.

2 Context

Ko Paimārie te kōhanga reo

Ko Rangitīkei te taiwhenua

Ko Aotea te rohe

Ko Ngāti Apa te iwi.

Te Kōhanga Reo o Paimārie is in Marton. The whānau have connections to Ngāti Apa. The kōhanga reo remains under management of Te Kōhanga Reo National Trust (TKRNT). Since 2016 the roll has increased and appointments of a fulltime administrator and kaiako. Whānau and kaimahi have worked with TKRNT to address children’s care and learning. Significant progress has been made to support programme planning and programme evaluation of children’s learning. There are links to Te Whāriki and a focus on te reo me ngā tikanga Māori.

3 Findings

Children are inquisitive learners. They daily programme is organised to allow children to initiate their learning, make choices in activities and enjoy play indoors and outdoors. Children enjoy activities on the papa tākaro. Kaimahi provide children with opportunities to learn the values of awhi and tautoko. Children are exposed to karakia and waiata in formal and informal settings. Kaimahi use waiata, and games to develop children’s language. They support children to learn te reo Māori. Children are happy.

Children learning programmes are based on Te Whāriki. Programmes are based on seasons which includes annual, term, weekly and daily plans. Kaupapa learning is comprehensive and includes a wide variety of learning activities and opportunities. Kaimahi have sufficient information to guide them in the delivery of their learning programme. Kaimahi monitor the effectiveness of the learning programme using informal and formal reflections. Children benefit from learning that is based on their individual needs.

Whānau are reviewing policies and procedures. Policies and procedures links to practice are nearly complete. A fulltime administrator has been appointed who is responsible for filing, storage and access to documents. Employment documentation is current and in place. The kōhanga reo is better managed for children.

Key Next Steps

Profiles are the main method of monitoring children’s learning. However these do not identify what children know. A focus on what children are learning and what they know will make a valued contribution to monitoring their progress.

Areas of non-compliance

Areas of progress

A sleep register is current and in place.

4 Recommendation

ERO and the kōhanga reo whānau developed the following recommendation:

  • Whānau continue to strengthen assessment.

When is ERO likely to review the kōhanga reo again?

The next ERO review of Te Kōhanga Reo o Paimārie will be in three years.

Lynda Pura-Watson

Deputy Chief Review Officer Māori

8 May 2017 

Information about the Kōhanga Reo

Location

Marton

Ministry of Education profile number

52741

Kōhanga Reo Identification Number

07G021

Licence type

Te Kōhanga Reo

Licensed under

Education (Early Childhood Services) Regulations 2008

Number licensed for

35 children, including up to 10 aged under 2

Kōhanga Reo roll

20 children, including up to 7 aged under 2

Gender composition

Girls 9

Boys 11

Ethnic composition

Māori

100%

Review team on site

15 March 2017

Date of this report

8 May 2017

Most recent ERO report(s)

Supplementary Review

Education Review

Education Review

March 2016

December 2014

November 2011