Te Kōhanga Reo o Papatahi - 16/06/2014

1 Te Aromātai a te Tari Arotake Mātauranga

Ko Tuhipa te maunga

Ko Tereawatea te awa

Ko Tūmatauenga te whare tupuna

Ko Te Puna i Keteriki te whare manaaki

Ko Ngāti Kōpaki me Ngāti Te Ara ngā hapū

Ko Ngāpuhi-nui-tonu te iwi

E tū ana Te Kōhanga Reo o Papatahi ki te tāone iti, tuawhenua hoki o Moerewa, e pā tata atu ana i Whangārei. Ka whakanui te whānau i a Ngāti Hine hei tangata whenua. Ka tautāwhi, ka whakaute hoki ngā tāngata o tēnei hapori i ngā iwi maha o ngā tamariki e haere ana ki te kōhanga reo. Ko ngā wawata o te whānau mō ā rātou tamariki, kia whakawhanake rātou i ngā pūkenga ārahitanga ki te tiaki i tō rātou marae, i ō rātou iwi hoki hei te wā kei te heke mai. I whakaritea ana e te whānau ko Mana Reo te kaupapa arotahi mō tēnei arotake. E whakapono ana rātou ko te reo o Ngāti Hine, o Ngāpuhi hoki ka kawe i te ako o ā rātou tamariki ki a rātou anō hei uri o aua iwi. 

Ka rumakina ngā tamariki ki te reo Māori me ngā tikanga o Ngāti Hine. He pai tō rātou māramatanga ki ngā kawa me ngā tikanga e hāngai pū ana ki a Ngāti Hine. Haere ai ngā kuia ki te kōhanga reo i ia rā, ā, ka noho tahi ki ngā tamariki i ia te wā. He maha ngā rauemi ki te kōhanga reo. He nui ngā whai wāhitanga mō ngā tamariki ki te hou atu ki ngā akoranga e whai pūtake ana ki a rātou. He kaha te whanaungatanga ki te kōhanga reo. He aronga toi whenuatanga tō te whānau ki te kōhanga reo, hei wāhi hoki mō rātou ki te ako ngātahi me ā rātou tamariki. 

He pai ngā tukanga whakamahere, aromātai hoki i whakaritea ai. He pai te whakamōhio i te whānau mō tēnā e ākona ana e ā rātou tamariki, ā, ka kite hoki i te whakapai tonutanga i te hōtaka i ia te wā.  Ka hāngai te tūtohinga ki ngā wawata o te whānau mō ā rātou tamariki. He matawhānui ngā kaupapa here, ngā tukanga hoki e pā ana ki te hauora me te haumaru. Kua whakapau kaha te whānau kia noho ai te kōhanga reo hei wāhi haumaru, hei wāhi hauora hoki, kia āhei ai ngā tamariki ki te ako. He pai te tae ā-tinana atu ki ngā hui ā-whānau, ā, ka whakatau ngātahi i ngā whakaritenga.  Ka noho mōhio te whānau ki te ahunga whakamua i roto i ngā wāhanga maha o te whakahaeretanga o te kōhanga reo. Ka āta whakatakotohia ngā tuhinga e pā ana ki ngā kaimahi, ā, ka hāngai hoki ki te rā. Mārama pai ana ngā kaimahi ki ō rātou tūranga me ā rātou kawenga mahi anō hoki. 

E rua ngā wāhanga hei whakapaitanga ake mā te whānau. Me whakapakari ake i te aroturuki o ngā akoranga me te ahunga whakamua o ngā tamariki. Kua tae hoki ki te wā kia whakatinana te whānau i ngā arohaehae mā ngā kaimahi. Mā tēnei, ka āhei te whānau ki te whai whakaaro ki te whakawhanaketanga ngaio e tika ana hei whakapakari ake i ngā whakaritenga a ngā kaimahi.

2 Ngā Kaupapa Motuhake o te Arotake

Te Arotahi o te Arotake

I mua o te arotake, i īnoitia te whānau kia whai whakaaro ki ā rātou kaupapa motuhake mō te arotake, ā, kia whakamahia ngā aratohu me ngā rauemi i whakaratohia e te Tari Arotake Mātauranga.

Kātahi ka whakaritea ngā tino kaupapa motuhake mō te arotake, whai muri o te whakawhitiwhitinga kōrero i waenga o te rōpū arotake o te Tari Arotake Mātauranga me te whānau.  I arotahi tēnei whakawhitiwhitinga ki ngā kōrero i te puritia e te kōhanga reo (tāpiri atu ki ngā kōrero arotake whaiaro) ā, me te whānui o te pānga o ngā take mō te arotake ki ngā hua ka puta ki ngā tamariki o te kōhanga reo. 

I whakaritea e te whānau ko tāna kaupapa arotahi ko:

  • Mana Reo 

Ko te katoa o ngā arotake mātauranga ā te Tari Arotake Mātauranga i roto o ngā kōhanga reo e arotahi ana ki te kounga o te mātauranga.  Ki tā te Tari Arotake Mātauranga, kei roto i tēnei ko te kounga o te:

  • arotake whaiaro a te whānau me te whakamahere rautaki
  • whakamahere hōtaka, te aromatawai, me te aromātai. 

Ko ngā kitenga ā te Tari Arotake Mātauranga i roto i ēnei wāhanga, kei raro iho nei.

3 Ngā Whakaaturanga

Mana Reo

He whakamārama

He pēhea te kite i te mōhiotanga o ngā tamariki ki a Ngāti Hine me Ngāpuhi mā te reo Māori?

Ka āta kitea te tino māramatanga o ngā tamariki ki te kawa me ngā tikanga e hāngai pū ana ki a Ngāti Hine me Ngāpuhi. 

Ngā wāhanga e pai ana te whakahaere

Mana Reo. Ka whakarato ngā kaimahi me te whānau i tētahi taiao e rumakina ana ngā tamariki ki te reo Māori me ngā tikanga o Ngāti Hine. Ka kite i te angitu o tēnei hōtaka ki ngā tūmomo āhuatanga e whai ake nei:

Ka rongo ngā tamariki i ngā waiata, ngā mōteatea, me te reo Māori e hāngai pū ana ki a Ngāti Hine me Ngāpuhi. 

Noho ai ngā kuia ki te kōhanga reo i ia rā. Nā ngā whakawhitinga kōrero ki waenga i ngā kuia me ngā tamariki, ka rongo rātou i ngā whakawhitinga kōrero e hāngai ana ki te whanaungatanga, ngā kaupapa i te hapori, me ngā huihuinga. Ka wheako ngā tamariki i tētahi taiao akoranga e whakamahi ana i te reo Māori hei reo māhorahora ki te whakawhiti kōrero. 

Ka ako ngā tamariki mā te reo Māori.  Ka whakawerohia, ka whakawhānuihia ō rātou whakaaro, nā te whai wāhi o ngā kuia me ngā kaimahi i a rātou ki ngā whakawhitinga kōrero. Ko te whakamahi a ngā pākeke i ia te wā i ngā pātai whānui me ngā whakaaro, e hāpai ana i ngā whakaaro o ngā tamariki, me te whakawhanaketanga o tō rātou reo. 

He tino wāteatea te kōhanga reo o roto, o waho hoki, ā, he maha hoki ngā rauemi. He pukumahi ngā tamariki i ngā wā katoa. He maha ngā whai wāhitanga mō ngā tamariki ki te uru atu ki ngā tūmomo akoranga e whai pūtake ana ki a rātou. 

Ka hāngai ngā haerenga katoa ki te hītori me ngā wāhi whakahirahira o Ngāti Hine. 

Nō Ngāti Hine, nō Ngāpuhi rānei te nuinga o te whānau. He tino kaha te whanaungatanga. Ka tae ā-tinana atu te tokomaha o te whānau ki te kōhanga reo i ia rā. He aronga toi whenuatanga tō te whānau ki te kōhanga reo, hei wāhi hoki mō rātou ki te ako ngātahi me ā rātou tamariki. 

Te Whakamahere me te Aromātai

He whakamārama

He pēhea te whai pānga o ngā whakaritenga me te whakahaeretanga o te kōhanga reo ki te reo me ngā tikanga o Ngāti Hine?

Ka whakahaere te whānau i te kōhanga reo hei painga mō ā rātou tamariki. Ko ngā uaratanga me ngā whakaaro tuku iho o Ngāti Hine e noho pū ana ki ngā whakahaeretanga katoa. 

Ngā wāhanga e pai ana te whakahaere

Te whakamahere me te aromātai. He pakari, he matawhānui, ā, ka whai kiko hoki ngā tukanga whakamahere, aromātai hoki. Ka hāngai te kiko o te hōtaka ki ngā mōhiotanga e pā ana ki te hapori.  Ka noho mōhio te whānau ki tēnā e akohia ana e ā rātou tamariki. Ka hāngai pū ngā whakawhitinga kōrero a ngā kaimahi ki te kiko o te hōtaka me ngā whakapaitanga. Ka whai hua ngā tamariki nā ngā hōtaka i āta whakamaheretia ai, i āta aromātaihia ai hoki. 

Te tūtohinga. Ka hāngai te tūtohinga ki ngā wawata o te whānau mō ā rātou tamariki. He hiahia tō te whānau kia tū pakari, kia manawa whakahī anō hoki ā rātou tamariki nā tō rātou tuakiri Ngāpuhi, kia mātau hoki rātou ki te reo ā-iwi o Ngāpuhi, ā, kia whai wāhi mātātoa ki runga i tō rātou marae. Koia nei ngā tino mātāpono matua e ārahi ana, ā, e whai hua ana ki te kāwana i te whakahaeretanga o te kōhanga reo. 

Te hauora me te haumaru. Kua whakaritea te katoa o ngā kaupapa here me ngā tukanga e pā ana ki te hauora me te haumaru. Ka whakapau kaha te whānau kia āta whakarite i te haumaru me te hauora o te kōhanga reo mō ngā akoranga a ngā tamariki. 

Te whai wāhi atu a te whānau. He pai te tae ā-tinana mai ki ngā hui ā-whānau. Ka whakatau ngātahi te whānau i ngā whakaritenga. Ka tino pūrongo i ngā wāhanga katoa o te whakahaeretanga o te kōhanga reo. He pai te whakamōhio i te whānau mō te ahunga whakamua o te kōhanga reo. 

Te whakahaere i ngā kaimahi. He matawhānui ngā tuhinga e pā ana ki ngā kaimahi, ā, ka hāngai ki te rā. He mārama ki ngā kaimahi ō rātou tūranga, me ā rātou kawenga mahi anō hoki. 

Ngā wāhanga hei whakawhanake

Te aromatawai. Me whakapakari i te aroturuki i ngā akoranga me te ahunga whakamua a ngā tamariki, kia riterite mārika ai ngā pūrongo puta noa i ngā pūkete katoa a ngā tamariki. Me arotahi  e ngā kaimahi ki tēnā i ākona ai e ngā tamariki, kaua kē ki tēnā i mahia ai e rātou. 

Ngā arohaehae.  Kāhore anō te tukanga arohaehae kia oti.  Kāhore anō te whānau kia arohaehae i ngā kaimahi.  Ka hāpai ngā arohaehae ki te tāutu i ngā pūmanawa o ngā kaimahi, kia āhei ai te whānau ki te whai whakaaro ki te whakawhanaketanga ngaio e tika ana hei whakapakari ake tonu i ā rātou mahi ki te taha o ngā tamariki.

4 Te Whakatau a te Whānau ki ngā Wāhanga Tautukunga

Te Tirohanga Whānui

I mua o te arotake, i whakakīia e te kaipupuri raihana, te whānau, me ngā kaimahi o te kōhanga reo tētahi Tauāki Kupu Tūturu a te Kōhanga Reo kua Raihanatia, o Pipiri 2013, me tētahi Rārangi Tātari Whaiaro mā te Tari Arotake Mātauranga.  I roto i ēnei tuhinga i oati rātou, i whāia e rātou ngā huarahi whai take hei whakatutuki i ā rātou herenga ā-ture e pā ana ki:

  • ngā whakahaerenga ā te whānau;
  • te hauora, te waiora me te whai oranga;
  • ngā whakahaerenga kaimahi;
  • ngā whakahaerenga pūtea me ngā whakahaerenga rawa.

I te wā o te arotake, i whakamātauhia e te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā hua ka puta ki ngā tamariki:

  • te haumaru whatumanawa (tāpiri atu ko te whakatau tamariki, ko te ārai i ngā mahi whakaweti, mahi tūkino);
  • te haumaru ā-tinana (tāpiri atu ko te whakatau tamariki; ko ngā whakaritenga whakamoe, tiaki tamariki; ko ngā aituā me te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho);
  • ngā tohu mātauranga me ngā whakaritenga kaimahi; me
  • ngā whakaritenga, tikanga hōneatanga e pā ana ki te ahi me te rū whenua.

5 Ngā Taunakitanga

E taunaki ana te Tari Arotake Mātauranga kia rapu tautoko te whānau hei whakapakari i ngā mahi aromatawai, ā, me whakatinana hoki i tētahi tukanga arohaehae mā ngā kaimahi. 

6 Hei ā hea te Tari Arotake Mātauranga arotake anō a i te kōhanga reo?

Tērā ka whakahaeretia e te Tari Arotake Mātauranga te arotake whai muri, i roto i ngā tau e toru. 

Lynda Pura Watson
Kaiwhakahaere ā-Motu mō ngā Ratonga Arotake Māori (Te Uepū ā-Motu)

16 Pipiri 2014 

1 The Education Review Office (ERO) Evaluation

Ko Tuhipa te maunga

Ko Tere Awatea te awa

Ko Tūmatauenga te whare tūpuna

Ko Puna i Kete Riki te whare manaaki

Ko Ngāti Kōpaki me Ngāti Te Ara ngā hapū

Ko Ngāpuhi nui tonu te iwi.

Te Kōhanga Reo o Papatahi is situated in the small rural township of Moerewa a short distance from Whangarei. The whānau acknowledge Ngāti Hine as tangata whenua. The people of this community embrace and respect the diversity of iwi that are represented by the children who attend the kōhanga reo. Whānau aspirations for their children are that they will develop the leadership skills to serve their marae and iwi in the future. The whānau chose mana reo as a focus for this review. They believe te reo o Ngāti Hine and Ngāpuhi is the vehicle through which their children will learn about who they are as descendants of these iwi.

Children are immersed in te reo Māori and tikanga of Ngāti Hine. They have a good understanding of kawa and tikanga that is distinctly Ngāti Hine. Kuia attend the kōhanga reo daily and regularly interact with the children. The kōhanga reo is well resourced. There are many opportunities for children to engage in learning that is meaningful to them. There is a strong sense of whānaungatanga. The kōhanga reo is a place where whānau feel they belong and can learn alongside their children.

Good planning and evaluation processes are in place. Whānau are well informed about what their children learn and there is evidence of ongoing improvements in the programme. The charter reflects the aspirations whānau have for their children. Health and safety policies and procedures are comprehensive. The whānau have taken all reasonable steps to make the kōhanga reo a safe and healthy place in which children are able to learn. Whānau hui are well attended and decision making is done collectively. Whānau are well informed about the progress made in a number of areas of the kōhanga reo operations. Personnel documentation is clearly set out and up to date. Kaimahi are clear about their roles and responsibilities.

There are two areas the whānau need to improve. The monitoring of children’s learning and progress requires strengthening. It is time for whānau to implement kaimahi appraisals. This will enable whānau to consider what professional development is required to strengthen kaimahi practice.

2 Review Priorities

The Focus of the Review

Before the review, the whānau were invited to consider its priorities for review using guidelines and resources provided by ERO.

The detailed priorities for review were then determined following a discussion between the ERO review team and whānau. This discussion focused on existing information held by the kōhanga reo (including self-review information) and the extent to which potential issues for review contributed to positive outcomes for children at the kōhanga reo.

The whānau chose as its focus area:

  • Mana Reo

All ERO education reviews in kōhanga reo focus on the quality of education. For ERO this includes the quality of:

  • whānau self review and strategic planning
  • programme planning, assessment and evaluation.

ERO’s findings in these areas are set out below.

3 Findings

Mana Reo

Background

How well do children’s demonstrate knowledge of Ngāti Hine and Ngāpuhi through te reo Māori?

Children demonstrate a clear understanding of kawa and tikanga that is distinctly Ngāti Hine and Ngāpuhi.

Areas of good performance

Mana Reo. The kaimahi and whānau provide an environment where children are immersed in te reo Māori and ngā tikanga of Ngāti Hine.  The success of this programme is evident in the following ways:

Children hear waiata, mōteatea and te reo Māori that is particular to Ngāti Hine and Ngāpuhi.

Kuia attend the kōhanga reo daily. Discussions between kuia and children allow them to hear conversations that refer to whānaungatanga, community activities and events. Children experience a learning environment where te reo Māori is the natural language of communication.

Children are taught through te reo Māori. Their ideas are challenged and extended as kuia and kaimahi engage them in conversations. The constant use of open ended questions and ideas by adults helps support children’s thinking and the development of their language.

The kōhanga reo is very spacious inside and the outdoors and is well resourced. Children are always busy. There are many opportunities for children to engage in learning that is meaningful to them.

All outings are focus on the history and places of significance to Ngāti Hine.

Most whānau affiliate to Ngāti Hine or Ngāpuhi. There is a strong sense of whānaungatanga. Many whānau are present at kōhanga reo on a day to day basis. It is a place where whānau feel they belong and can learn alongside their children.

Planning and Evaluation

Background

How well do the operations and management of the kōhanga reo reflect te reo Māori and tikanga of Ngāti Hine?

The whānau manage the kōhanga reo in the best interests of their children. Ngāti Hine values and ideals remain central to all operations.

Areas of good performance

Planning and evaluation. Planning and evaluation processes are robust, comprehensive and detailed. Programme content is focused on local knowledge. Whānau are well informed of what children learn. Kaimahi discussions focus specifically on programme content and improvements. Children benefit from well planned and evaluated programmes.

The charter. The charter reflects the aspirations whānau have for their children. Whānau want their children to be confident and proud of their Ngāpuhi identity, fluent in the dialect of Ngāpuhi and active contributors on their marae. These are major guiding principles that effectively govern the operations of the kōhanga reo.

Health and safety. All health and safety policies and procedures are in place. The whānau takes all reasonable steps to ensure the kōhanga reo is a safe and healthy place for children to learn in.

Whānau participation. Whānau hui are well attended. Decision making among whānau is collective. There is a high level of reporting on all areas of kōhanga reo operations. Whānau are well informed about the progress of the kōhanga reo.

Personnel management. Personnel documentation is comprehensive and up to date. Kaimahi are clear about their roles and responsibilities.

Areas for development

Assessment. Monitoring children’s learning and progress requires strengthening to ensure that reporting is consistent across all children’s profiles. Kaimahi need to focus on what children learn rather than what they do.

Appraisals. The appraisal process is incomplete. Whānau have not appraised the kaimahi.  Appraisals will help identify kaimahi strengths and enable whānau to consider what professional development is required to strengthen their practice when they work with children.

4 Whānau Management Assurance on Compliance Areas

Overview

Before the review, the licensee, whānau and staff of the kōhanga reo completed an ERO Licensed Kōhanga Reo Assurance StatementJune 2013. In these documents they have attested that they had taken all reasonable steps to meet their legislative obligations related to:

  • administration
  • health, safety and welfare
  • personnel management
  • financial and property management.

During the review, ERO checked the following items because they have a potentially high impact on outcomes for children:

  • emotional safety (including behaviour management, prevention of bullying and abuse)
  • physical safety (including behaviour management, sleeping and supervision practices; accidents and medication; hygiene and routines; travel and excursion policies and procedures)
  • staff qualifications and organisation
  • evacuation procedures and practices for fire and earthquake.

5 Recommendations

ERO recommends the whānau seek support to strengthen assessment practices and implement an appraisal process for kaimahi.

6 When is ERO likely to review the kōhanga reo again?

ERO is likely to carry out the next review in three years. 

Lynda Pura Watson
National Manager Review Services
Māori (Te Uepū-ā-Motu)

16 June 2014

About the Kōhanga Reo 

Location

Moerewa

Ministry of Education profile number

11532

Type

Kōhanga Reo

Number licensed for

30 including 10 under 2 years old

Roll number

30 including 10 under 2 years old

Gender composition

Girls 10

Boys 20

Ethnic composition

Māori

100%

Review team on site

May 2014

Date of this report

16 June 2014

Most recent ERO reports

Education Review

Education Review

Assurance Audit

February 2011

March 2004

December 1995