Te Kōhanga Reo o Pipiwharauroa - 08/05/2019

1 Te Horopaki

E tū ana Te Kōhanga Reo o Pīpīwharauroa ki te marae o Mātaatua, ki Rotorua. Kāhore anō kia whakatutukihia ngā take matua i tāutuhia ai ki te pūrongo o mua a Te Tari Arotake Mātauranga i te tau 2016. Kāhore te whānau e whai wāhi mai ana, kāhore hoki he pūnaha whakahaere tari, ā, kei te pā tōraro aua āhuatanga ki te kounga o te atawhai, te hauora, me te waiora o ngā tamariki ki te kōhanga reo.

2 Ngā Whakaaturanga o te Aromātai

He pēhea rawa ngā tamariki e whakaatu i tō rātou mauritau me tā rātou whai wāhi nui ki ā rātou akoranga?

Ka tau haere ngā tamariki, ā, ka whai wāhi rātou ki ngā akoranga puta noa i te rā.

Ngā Taumata Whakahirahira

He whai wāhitanga mō ngā tamariki ki te whakawhanake i tā rātou whakamahinga i te reo Māori. Ka whakamahi ngā kaimahi i ētahi rautaki e whakawhānui ana i ngā puna kupu a ngā tamariki me tā rātou whakamahinga i te reo Māori. Ko ētahi o aua rautaki, he patapatai, he kōrerorero ngātahi hoki. Ka taki ngā tamariki i ngā karakia, ngā mihimihi, me ngā pepeha, ā, he whai wāhitanga aua tūāhuatanga mō rātou ki te ako me te mau ā-hinengaro hoki i ngā hanganga reo. He tika te aro atu a ngā tamariki tuākana ki ngā pātai me ngā tohutohu. Ka whakaatu ngā pēpi i tō rātou māramatanga ki tēnā e kōrerohia ana mā te reo ā-tinana, mā te āhua o ō rātou kanohi, mā ā rātou paku whakawhitinga kōrero hoki. E ako ana ngā tamariki ki te whakamahi i te reo Māori ki te kōhanga reo.

E tino tautokona ana ngā tamariki e ngā pakeke ki tō rātou taiao ako. E arahina ana te hōtaka akoranga e ngā kaimahi e whakahaere ana, e whakapūmau ana hoki i ngā mahinga o ia rā. Kei te tūmāia ngā tamariki i te wā e riterite ana te hōtaka o ia rā. Ka āta whakarite ngā kaimahi kia wātea ai ngā taumahi me ngā rauemi ki ngā tamariki, hei hāpai i tā rātou ako. Ka kitea ngā ngākau titikaha o ngā tamariki ki tō rātou taiao. Tērā ētahi wā i kitea ai ngā tamariki e ū mārika ana ki ngā akoranga mō ētahi wāhanga o te rā. Kei te tākare te whai wāhi atu a ngā tamariki ki te ako.

Ngā Whakaritenga Matua ka Whai Ake

He iti noa te whai wāhi atu a te whānau ki ngā wāhanga maha o ngā whakahaeretanga o te kōhanga reo. Kāhore ngā whakahaeretanga me ngā pūnaha o ia rā e āta whakahaerehia ana kia whai hua ai. Kāhore he tukanga arotake whaiaro i āta whakaritea ai, ā, nā tēnei kei te haere tonu ngā āwangawanga e pā ana ki ngā mahi whakahaere a te whānau.

Me aro wawe, me whai tautoko wawe hoki o waho, kia āhei ai te whānau, ngā kaimahi, me ngā kaiwhakahaere ki te:

  • arotake me te whakahou ake i te tūtohinga
  • whakapiki ake i te whai wāhi atu a te whānau ki te whakahaeretanga o te kōhanga reo, me te whakapiki ake hoki i tō rātou māramatanga ki ō rātou tūranga me ā rātou kawenga mahi
  • whakatinana i tētahi mahere ā-tau hei āta whakarite i te whakatutukitanga o ngā mahi whakahaere matua i roto i te wā e tika ana
  • whakawhanake i tētahi mahere rautaki e whakaraupapa ana i ngā kaupapa matua o te pae tawhiti, ā, e hāpai ana i te rōnaki tonutanga o te kaupapa o te kōhanga reo
  • arotake me te whakahou ake i ngā kaupapa here me ngā tukanga, inarā, i te rēhita e pā ana ki ngā aituā, i te arowhai i ngā āhuatanga mōrearea, ā, i ngā akoako hōneatanga ohorere
  • whakawhanake me te whakatinana i ngā kaupapa here me ngā tukanga e pā ana ki te whakahaeretanga o ngā kaimahi, tae atu ki te arohaehae, ki ngā mahi arowhai a ngā pirihimana, ki te whakawhanaketanga me te tautoko ngaio
  • whakapakari i te whakamahere hōtaka me ngā whakaritenga ki te aromatawai i ngā tamariki
  • whakatinana i te aromātai hōtaka, tae atu hoki ki te tū auau o ngā hui kaimahi, te tuhi haere i ngā whakawhitinga kōrero a ngā kaimahi mō te whai huatanga o te hōtaka akoranga, me te pūrongo atu ki te whānau.

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

  • te haumaru whatumanawa (tāpiri atu ko te ārahi mauritau, ko te ārai tamariki)
  • te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
  • te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
  • ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

I te wā o te arotake, i tāutuhia e Te Tari Arotake Mātauranga ngā wāhanga kāhore e tutuki ana e ai ki te ture. Kia tutuki i te whānau ā rātou herenga ā-ture, me tahuri rātou ki te āta whakarite i

  • tētahi tukanga arotake whaiaro ka haere tonu i ia te wā, hei hāpai i te kōhanga reo ki te whakapūmau me te whakapai ake i te kounga o te mātauranga me te atawhai
    [R47 Ture Mātauranga (Kōhungahunga) 2008; GMA6 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
  • te kāwana me te whakahaeretanga o te kōhanga reo kia whai hua ai, i runga anō i ngā whakaritenga papai o te whakahaeretanga, tae atu hoki ki Te Korowai
    [R47 Ture Mātauranga (Kōhungahunga) 2008; GMA 1-12 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
  • tētahi mahere ā-tau ka ārahi i te whakahaeretanga o te kōhanga reo
    [R47 Ture Mātauranga (Kōhungahunga) 2008; GMA8 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
  • te whakapūmautanga o ngā mahi katoa ki te arowhai, te tuhi, me te pūrongo i ngā āhuatanga mōrearea, kia haumaru ai ngā tamariki
    [R46 Ture Mātauranga (Kōhungahunga) 2008; HS12 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
  • te whakatutukitanga o ngā akoako hōneatanga ohorere katoa ki te taha o ngā tamariki, ā, me tuhi hoki i ngā tuhinga e whai pānga ana ki aua mahi
    [R46 Ture Mātauranga (Kōhungahunga) 2008; HS8 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
  • te whakatinanatanga i ia te wā i ngā mahi e arohaehae ana i ngā kaimahi katoa
    [R47 Ture Mātauranga (Kōhungahunga) 2008; GMA7 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
  • aromātai a ngā kaimahi i te marautanga o Te Kōhanga Reo hei whakarato i te pai o ngā wheako ako mā ngā tamariki.
    [R43 Ture Mātauranga (Kōhungahunga) 2008; C1-2 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]

4 Te Taunakitanga

E taunaki ana Te Tari Arotake Mātauranga:

  • kia toro wawe atu te whānau me ngā kaimahi ki te tautoko o te Poari Matua o Ngā Kōhanga Reo, ki te whakatutuki i te katoa o ngā whakaritenga matua me ngā herenga ā-ture i tāutuhia ai ki tēnei pūrongo.

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Pīpīwharauroa i roto i te kotahi tau.

Charles Rolleston Toka ā-nuku

08 Haratua, 2019

Ngā kōrero e pā ana ki te kōhanga reo

Te tūwāhi

Kei Rotorua

Te tau a te Tāhuhu o te Mātauranga

40118

Te tau tohu o Te Kōhanga Reo

05C017

Te tūmomo raihana

He kōhanga reo

Kua raihanatia ki te ture

Ngā Ture Mātauranga (Ratonga Kōhungahunga) 2008

Te tokomaha mō te raihana

40, kia tekau ki raro i te rua o ngā tau

Te tokomaha kei te rārangi ingoa

30, tokowaru kei raro i te rua o ngā tau

Te ira tangata

Kōtiro 12

Tama 18

Ngā hononga ā-iwi

Māori

100%

Te wā i te kōhanga reo te rōpū arotake

Poutū-te-rangi 2019

Te wā o tēnei pūrongo

08 Haratua, 2019

Ngā pūrongo o mua a Te Tari Arotake Mātauranga

Arotake Mātauranga

Arotake Mātauranga

Arotake Mātauranga

Paenga-whāwhā 2016

Paenga-whāwhā 2013

Mahuru 2009

1 Context

Te Kōhanga Reo o Pipiwharauroa is located on the site of Mataatua Marae in Rotorua. Key concerns identified in the previous ERO report from 2016 have not been addressed. The lack of whānau involvement and administrative systems are compromising the quality of care, health and wellbeing for children in the kōhanga reo.

2 The Evaluation Findings

How well do children show they are settled and engaged in their learning?

Children settle and are engaged in learning throughout the day.

Ngā Taumata Whakahirahira

Children have opportunities to develop their use of te reo Māori. Kaimahi use some strategies to extend children’s vocabulary and use of te reo Māori. These strategies include questions and informal conversations. Children recite karakia, mihimihi and pepeha which provide opportunities for them to learn and memorise language structures. The older children reply appropriately to questions and instructions. The babies use body language, facial expressions and quiet verbal exchanges to show their understanding of what is being said. Children are learning to use te reo Māori in the kōhanga reo.

Children experience an environment where they are well supported by the adults. The learning programme is guided by kaimahi who manage and maintain daily routines. Children are confident when the daily programme is consistent. Kaimahi ensure that activities and resources are made available to support children’s learning. Children display confidence in their physical environment. They were observed in moments of sustained learning during certain periods of the day. Children are eager participants in learning.

Key Next Steps

There is limited whānau involvement in many areas of the kōhanga reo operations. Daily operations and systems are not effectively managed. A lack of well-established self review processes has resulted in ongoing concerns with whānau management.

Urgent attention and external support is required for the whānau, kaimahi and kaiwhakahaere to:

  • review and update the charter

  • increase whānau involvement in managing the kōhanga reo and increasing their understanding of their roles and responsibilities

  • implement an annual plan to ensure key operational tasks are completed in a timely manner

  • develop a strategic plan that outlines long-term priorities and supports the sustainability of the kōhanga reo kaupapa

  • implement, monitor and record health and safety procedures including the accident register, hazard checks and emergency evacuation drills

  • develop and implement personnel management policies and procedures, including appraisal, police vetting and professional development and support

  • strengthen programme planning and children’s assessment practices

  • implement programme evaluation including regular kaimahi hui, document kaimahi discussions about the effectiveness of the learning programme, and reporting to whānau.

3 Whānau Management Assurance on Compliance Areas

During the evaluation, ERO looked at the kōhanga reo systems for managing the following areas that have a potentially high impact on children's wellbeing:

  • emotional safety (including positive guidance and child protection)
  • physical safety (including supervision; sleep procedures; accidents; medication; hygiene; excursion policies and procedures)
  • suitable staffing (including qualification levels; police vetting; teacher registration; ratios)
  • evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

ERO identified areas of non-compliance. In order for the kōhanga reo whānau to meet compliance requirements, they need to ensure:

  • there is an ongoing process of self-review to help the kōhanga maintain and improve the quality of its education and care
    [Regulation 47 Education (Early Childhood Services) Regulations 2008; GMA6 Licensing Criteria for Kōhanga Reo affiliated with Te Kōhanga Reo National Trust 2008]
  • the kōhanga reo is effectively governed and managed in accordance with good management practices, including Te Korowai
    [Regulation 47 Education (Early Childhood Services) Regulations 2008; GMA 1-12 Licensing Criteria for Kōhanga Reo affiliated with Te Kōhanga Reo National Trust 2008]
  • there is an annual plan to guide kōhanga reo operation
    [Regulation 47 Education (Early Childhood Services) Regulations 2008; GMA8 Licensing Criteria for Kōhanga Reo affiliated with Te Kōhanga Reo National Trust 2008]
  • all hazard checking, recording and reporting requirements are up held for the safety of children
    [Regulation 46 Education (Early Childhood Services) Regulations 2008; HS12 Licensing Criteria for Kōhanga Reo affiliated with Te Kōhanga Reo National Trust 2008]
  • all required emergency drills are regularly carried out with the children and record supporting documentation
    [Regulation 46 Education (Early Childhood Services} Regulations 2008; HS8 Licensing Criteria for Kōhanga Reo affiliated with Te Kōhanga Reo National Trust 2008]
  • appraisal for all employed staff is regularly implemented
    [Regulation 47 Education (Early Childhood Services) Regulations 2008, GMA7 Licensing Criteria for Kōhanga Reo affiliated with Te Kōhanga Reo National Trust 2008]
  • kaimahi evaluate the Te Kōhanga Reo curriculum to provide positive learning experiences for children.
    [Regulation 43 Education (Early Childhood Services) Regulations 2008; C1-2 Licensing Criteria for Kōhanga Reo affiliated with Te Kōhanga Reo National Trust 2008]

4 Recommendation

ERO recommends:

  • the whānau and kaimahi seek urgent support from Te Kōhanga Reo National Trust to address all key next steps and areas of non-compliance in this report.

When is ERO likely to evaluate the kōhanga reo again?

The next ERO evaluation of Te Kōhanga Reo o Pīpīwharauroa will be within one year.

Charles Rolleston Toka ā-nuku

8 May 2019

Information about the Kōhanga Reo

Location

Rotorua

Ministry of Education profile number

40118

Kōhanga Reo Identification Number

05C017

Licence type

Te Kōhanga Reo

Licensed under

Education (Early Childhood Services) Regulations 2008

Number licensed for

40 children, including up to 10 aged under 2

Kōhanga Reo roll

30 children, including up to 8 aged under 2

Gender composition

Girls 12

Boys 18

Ethnic composition

Māori

100%

Review team on site

March 2019

Date of this report

8 May 2019

Most recent ERO report(s)

Education Review

Education Review

Education Review

April 2016

April 2013

September 2009