Te Kōhanga Reo O Pūau Te Moananui -a- Kiwa - 30/09/2019

1 Te Horopaki

E tū ana Te Kōhanga Reo o Pūau Te Moananui-ā-Kiwa ki te taha o Te Kura Kaupapa Māori o Pūau Te Moananui-ā-Kiwa. Kua roa nei ngā kuia e whai wāhi nui ana ki te kōhanga reo, ā, he mātātoa tō rātou tautoko.

Mai i te pūrongo o mua a Te Tari Arotake Mātauranga i te tau 2016, he nui ngā wero i pā ai ki te kōhanga reo, ā, e pā tonu ana aua tūāhuatanga ki ngā whakaritenga me ngā mahi whakahaere a te whānau.

2 Ngā Whakaaturanga o te Aromātai

He pēhea rawa ngā tamariki e whakatinana mai i te whanaungatanga?

Kei te mārama ngā tamariki i ō rātou hononga ki ētahi atu, ā, i tō rātou tūnga hoki ki tō rātou kōhanga reo.

Ngā Taumata Whakahirahira

E ako ana ngā tamariki i te reo Māori mā ngā huarahi e whai pūtake ana. He whai wāhitanga mō rātou ki te uru atu ki ngā tūmomo horopaki ōkawa Māori. Ka rongo rātou i te reo o te paepae, i ngā kaikaranga, ngā kaumātua, ā, i ngā tini kaupapa tonu. Whakatairangatia ai e ngā kaimahi te reo Māori i ngā wā katoa, puta noa i te rā. E whai hua ana ngā rautaki ako reo e whakapuakihia ana e ngā kaimahi, ki te hāpai i te whanake haere o ngā tamariki ki te whakamahi i te reo Māori. E ai ki ngā mātua, ka whakapuaki ngā tamariki i ō rātou mōhiotanga ki te reo me ngā tikanga Māori i roto i ō rātou kāinga. E tīmata ana te puāwai o te ako a ngā tamariki i te reo Māori.

Ka whakanuia e ngā tamariki te whai wāhi mai o ngā atua Māori ki tō rātou taiao. Ka tīmata tō rātou rā mā te hui ngātahi ki te mihimihi me te karakia. I aua wā ka whakamana rātou i ngā atua Māori, ngā tūpuna, te whānau, me te whare. E whakaatuhia ana puta noa i te kōhanga reo, ko ngā karakia mō ngā tūmomo kaupapa. Ka toro atu ngā kaimahi ki ngā taonga Māori me ngā akoranga ā-kaupapa ki te whakapūmau i ngā māramatanga me te whai hononga o ngā tamariki. He aronga toi whenuatanga tō ngā tamariki ki tō rātou taiao.

Ka ako ngā tamariki ki te tiaki me te whakaute i a rātou anō, i ētahi atu, ā, i te whānau hoki. Ko te tūhuratanga kei te tūāpapa o te nuinga o ngā tūmomo taumahi ako, ā, e hāpai ana i ngā tamariki ki te whakawhanake i ō rātou hononga tangata ki waenga i a rātou anō, me te whakapakari tonu i ō rātou hononga ki te whānau. E poipoi ana ngā taunekeneke o te tuakana me te teina i te whanaungatanga. Tū ai ngā mahinga i ia te wā, hei whakatairanga i te tiaki o te tamaiti i a ia anō, ā, i te taiao hoki. E whakatairangatia ana e ngā kaimahi ngā uara o te whānau – pērā i te manaaki me te tiaki – i roto i te katoa o ngā taunekeneke me ngā hononga. Kei te harikoa, kei te mauritau hoki ngā tamariki.

E ako ana ngā tamariki i tō rātou tūnga me tō rātou hononga nui ki te whānau me te whenua. Toro ai rātou i ia te wā ki te marae o te takiwā nei, ki Ruapōtaka. He whai wāhitanga hoki ki te taunekeneke ki te kura me ētahi atu kōhanga reo. He whakaaturanga ki te tomokanga e whakamana ana i te tangata whenua me te mana motuhake. He rite te takotoranga o te kōhanga reo ki te marae, ā, ka āta whakatairangatia taua āhuatanga hei poipoi i ngā tūranga me ngā kawenga hei tangata whenua. He pakari te nekeneke haere i tō rātou taiao ako.

Te Whakamahere me te Aromātai

Kua āta whakaritea ngā tukanga whakamahere. Ka whakaatuhia ngā mahere ā-tau ki ngā rūma mō ngā pēpi me ngā tuākana. I roto i ngā tau e toru kua pahure ake nei, kua whakamātauhia e ngā kaimahi ngā tūmomo aronga whakamahere e takunetia ana hei whakatairanga i ngā mahere me ngā pūrongo ki ngā mātua mō te ako a ngā tamariki.

Ngā Whakaritenga Matua ka Whai Ake

Kua tino mimiti haere te whai wāhi atu a te whānau ki te whakahaeretanga o te kōhanga reo. E tika ana kia wawe te whai wāhi atu a ngā mātua ki te kōhanga reo. Kāhore i te tino pakari te tae ā-tinana atu ki ngā hui ā-whānau. Ka whakakanohihia atu, ka whakahaerehia hoki ēnei e ngā kaimahi. Nā te ngoikore o te whānau ki te whai wāhi atu i ia te wā, he maha ngā taumata whakahaere matua a te whānau kāhore e tino whakapūmautia ana. Ka hāngai ēnei ki te arotake auau o te tūtohinga, ngā kaupapa here me ngā tukanga, te whakamahere rautaki, te whakauru i ngā whānau hou, ngā hōtaka akoranga me te tauatanga. Kāhore anō ngā arohaehae kia whakatinanahia i tēnei tau. Ko te iti noa o te whai wāhi mai a te whānau e pā tōraro ana ki te rōnakitanga o te kōhanga reo me te whanaungatanga, hei painga mō ngā tamariki.

Ko ētahi atu wero, ko te whakatikatika i te maha o ngā hapa i tāutuhia ai ki te whare e te kaunihera ā-rohe, me te ū tonu ki ngā whakahaeretanga i te wā hanganga. Ko ētahi āhuatanga ka pā tōraro ki te kōhanga reo, ko te kaha heke iho o te rārangi ingoa, me te whai pānga o tēnā ki ngā pūtea. Me whiwhi wawe te whānau o te kōhanga reo i te tautoko o te Poari Matua o Ngā Kōhanga Reo, hei hāpai i a rātou ki te whakatutuki haere i ngā whakapaitanga ki ngā mahi whakahaere a te whānau mā ngā tamariki.

Kāhore Te Whāriki a Te Kōhanga Reo e āta kitea ana ki ngā mahere me ngā aromatawai. E mōhio ana ngā kaimahi kāhore te angamahi o Te Whāriki e āta whakamahia ana i ia te wā hei whakamōhio, hei waihanga hoki i ngā hōtaka i whakamaheretia ai. He aronga ki te whakariterite i ngā tamariki ki te whakawhiti atu ki te kura. Ko ētahi āhuatanga o te aromatawai, ko ngā whakaahua, ko ngā tauira mahi hoki i whakaritea ai, me ngā tuhi kōrero a ngā kaimahi, heoi anō, kāhore aua mahi e tohu ana i tēnā i ākona ai. Kāhore te whānau e whai wāhi atu ana ki ngā mahere, ki ngā pūkete aromatawai rānei a ngā tamariki. Kāhore ngā wawata o te whānau mō ngā tamariki e āta whakaatuhia ana ki te whakatakotoranga o te hōtaka.

Me whakapakari ake i te aromātai hōtaka. Ahakoa e whakaaro huritao ana ngā kaimahi, kāhore e hāngai nui ana ki tēnā i whai hua ai mā ia tamaiti, mā ngā tūmomo rōpū tamariki hoki. Ko ngā pūrongo kaiako ki ngā hui ā-whānau, kāhore e āta whakatinanahia ana ki te aromātai hōtaka. Ko te aro ake ki te kairangi o ngā whakaritenga, ka whai wāhi atu ki te hāpai ake i ngā putanga mā ngā tamariki. Kāhore anō kia āta tāutuhia ngā matea ako o ngā tamariki me tō rātou whakawhanake tonutanga.

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

  • te haumaru whatumanawa (tāpiri atu ko te ārahi mauritau, ko te ārai tamariki)
  • te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
  • te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
  • ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

4 Ngā Taunakitanga

I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:

  • toro atu te whānau ki te tautoko me te ārahi tonutanga o ngā kaimahi o te Poari Matua o Ngā Kōhanga Reo, ki te whakapai ake i ngā āhuatanga katoa o ngā mahi whakahaere a te whānau me te whai wāhi mai o te whānau, hei hāpai ake i te whakamahere mō te rōnakitanga
  • whakapakari ake i te whai wāhi atu o te angamahi o Te Whāriki ā Te Kōhanga Reo ki ngā mahere, te aromatawai, me te pūrongo
  • whakapakarihia te aromātai o roto puta noa i te kōhanga reo, tae atu hoki ki ngā whāinga rautaki i whakamaheretia ai me te hōtaka akoranga.

5 Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Pūau Te Moananui-ā-Kiwa i roto ngā tau e rua.

Gloria Takuira

Toka ā-nuku Whakakapi

30 Mahuru, 2019

Ngā kōrero e pā ana ki te kōhanga reo

Te tūwāhi

Kei Ukutoia, ki Tāmaki-makau-rau

Te tau a te Tāhuhu o te Mātauranga

25245

Te tau tohu o Te Kōhanga Reo

02E008

Te tūmomo raihana

He kōhanga reo

Kua raihanatia ki te ture

Ngā Ture Mātauranga (Ratonga Kōhungahunga) 2008

Te tokomaha mō te raihana

100, kia 30 ki raro i te rua o ngā tau

Te tokomaha kei te rārangi ingoa

37, kia 13 kei raro i te rua o ngā tau

Te ira tangata

Kōtiro 16

Tama 21

Ngā hononga ā-iwi

Māori

100%

Te wā i te kōhanga reo te rōpū arotake

Hōngongoi 2019

Te wā o tēnei pūrongo

30 Mahuru, 2019

Ngā pūrongo o mua a Te Tari Arotake Mātauranga

Arotake Mātauranga

Arotake Mātauranga

Arotake Mātauranga

Haratua 2016

Mahuru 2012

Here-turi-kōkā 2008

1 Context

Te Kohanga Reo o Pūau Te Moananui-ā-Kiwa is located next to Te Kura Kaupapa Māori o Pūau Te Moananui-ā-Kiwa. Long standing kuia are active supporters of the kōhanga reo.

Since the last ERO report, 2016, the kōhanga reo has faced considerable challenges that continue to affect operations, and whānau whakahaere.

2 The Evaluation Findings

How well do children demonstrate whanaungatanga?

Children understand their connections to others and their place in their kōhanga reo.

Ngā Taumata Whakahirahira

Children learn te reo Māori in meaningful ways. They have opportunities to take part in formal Māori settings. They hear the language of the paepae, kaikaranga, kaumatua and different kaupapa. Kaimahi consistently promote te reo Māori throughout the day. Effective language learning strategies that are used by kaimahi support children’s developing use of te reo Māori. Parents report that children share their knowledge of te reo and tikanga Māori at home. Children are early learners of te reo Māori.

Children acknowledge the place of ngā atua Māori in their environment. They begin the day together through mihi and karakia. During these times they acknowledge atua Māori, tūpuna, whānau and the whare. Karakia used for different kaupapa are displayed throughout the kōhanga reo. Kaimahi use taonga Māori and kaupapa learning to reinforce children’s understanding and connections. Children feel connected to their environment.

Children learn about care and respect for themselves, others and whānau. Most learning activities are based on exploration that allow children to develop social connections with each other and extend their connections with whānau. Tuakana-teina interactions foster whānaungatanga. Regular routines promote care for self, and for the environment. Whānau values of manaaki and tiaki are promoted by kaimahi for all interactions and relationships. Children are happy and settled.

Children learn about their place and belonging to whānau, and whenua. They regularly visit the local marae, Ruapōtaka. Opportunities are provided for interaction with the kura and other kōhanga reo. The entrance has displays that affirms tangata whenua and mana motuhake. The kōhanga reo design is based on a marae, which is used to foster the roles and responsibilities as tangata whenua. Children move confidently in their learning environment.

Planning and Evaluation

Processes are established for planning. Annual plans are displayed in the pepi and tuakana rooms. Over the past three years kaimahi have trialled different planning approaches intended to enhance planning and reporting to parents about children’s learning.

Key Next Steps

Whānau participation has decreased significantly with management of the kōhanga reo. There is an urgent need for parents to play a greater role of the kōhanga reo. Attendance at hui ā whānau is poor. They are attended and conducted by kaimahi. Without regular whānau participation a number of key whānau management standards have been difficult to maintain. These include the regular review of the charter, policies and procedures, strategic planning, whānau induction, learning programmes and succession. Appraisals have not been implemented this year. Limited whānau involvement and participation impacts on the sustainability of the kōhanga reo, and whānaungatanga for children.

Additional challenges include the recovery from numerous building faults identified by local council, and sustaining operations during construction. The impact on the kōhanga reo includes a significant roll drop and a detrimental effect on finances. The kōhanga reo whānau urgently need support from Te Kōhanga Reo National Trust (TKRNT) to help bring about improvements to whānau whakahaere for children.

Te Whāriki ā Te Kōhanga Reo is not reflected in planning and assessment documentation. Kaimahi acknowledge that Te Whāriki framework is not consistently used to inform and design planned programmes. There is an emphasis on preparing children for kura. While assessment methods include photos and prescribed templates with comments made by kaimahi, these do not show what learning has occurred. Whānau have no input into planning or children’s assessment portfolios. Whānau aspirations for children are not reflected in programme design.

Programme evaluation requires strengthening. While kaimahi reflection does occur, emphasis is not on what worked best for individual and different groups of children. Kaiako reports at hui ā whānau are not informed by programme evaluation. Greater attention on best practice will lead to improved outcomes for children. Children’s learning needs and further development have not been clearly defined.

3 Whānau Management Assurance on Compliance Areas

During the evaluation, ERO looked at the kōhanga reo systems for managing the following areas that have a potentially high impact on children's wellbeing:

  • emotional safety (including positive guidance and child protection)
  • physical safety (including supervision; sleep procedures; accidents; medication; hygiene; excursion policies and procedures)
  • suitable staffing (including qualification levels; police vetting; teacher registration; ratios)
  • evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

4 Recommendations

ERO and the Kōhanga Reo whānau developed the following recommendations:

  • the whānau seek ongoing support and guidance from TKRNT representatives to improve all aspects of whānau whakahaere, whānau involvement, participation to improve succession planning
  • strengthen the visibility of Te Whāriki ā Te Kōhanga Reo framework in planning, assessment and reporting
  • strengthen internal evaluation across the kohanga reo, including planned strategic goals and the learning programme.

5 When is ERO likely to evaluate the kōhanga reo again?

The next ERO evaluation of Te Kōhanga Reo o Pūau Te Moananui-ā-Kiwa will be within two years.

Gloria Takuira

Acting Toka ā-nuku

30 September 2019

Information about the Kōhanga Reo

Location

Glen Innes, Auckland

Ministry of Education profile number

25245

Kōhanga Reo Identification Number

02E008

Licence type

Te Kōhanga Reo

Licensed under

Education (Early Childhood Services) Regulations 2008

Number licensed for

100 children, including up to 30 aged under 2 years old

Kōhanga Reo roll

37 children, including up to 13 aged under 2 years old

Gender composition

Girls 16

Boys 21

Ethnic composition

Māori

100%

Review team on site

July 2019

Date of this report

30 September 2019

Most recent ERO report(s)

Education Review

Education Review

Education Review

May 2016

September 2012

August 2008