Te Kōhanga Reo o Puawairua

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, me ngā hapori ki te whakatakoto i ngā tirohanga aromātai e whai wāhi nui ai ki te hāpai i ngā whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai.

2 Te Horopaki

“Whāngai i te reo, kia puāwai te wairua”

Ko Te Kōhanga Reo o Puawairua, tētahi kōhanga reo noho tāone ki te hapori o Massey, ki Tāmaki-makau-rau ki te uru. He kōhanga reo nui tēnei, ā, e poipoia ana ngā mokopuna 48 e ngā kaimahi 15. Ko tō te whānau wawata, kia ako ngā tamariki i te reo Māori mā roto mai i tētahi taiao ako o te reo Māori.

3 Te Aronga o te Aromātai

He pēhea rawa te ako, te whakamahi hoki a ngā mokopuna i te reo Māori i a rātou e noho ana ki te kōhanga reo? 

Ka tūmāia ngā mokopuna ki te ako me te whakamahi i te reo Māori, ā, he harikoa ō rātou āhua ki tētahi taiao e poipoi ana i a rātou.

4 Ngā Whakaaturanga

Kei te rumakina ngā mokopuna ki te reo Māori. Ka whakamahi ngā kaimahi i ngā rautaki hopu reo e whai wāhi atu ana ki te whakapakari i te reo o ngā mokopuna ki ngā tūmomo taumata ako. Ka whāngai kupu rātou, ka tāruarua kōrero, ā, ka whakatauira hoki i te reo hei akiaki i ngā mokopuna ki te kōrero ki waenga i a rātou anō, ki ngā kaimahi hoki mā te reo Māori. Ka toro atu hoki ki te reo hei akiaki i te taha whakarongo. Ka kōrero, ka tautohetohe, ka whakapuaki whakaaro hoki ngā tuākana mā te reo Māori. Ka kitea ki ngā pēpi tō rātou māramatanga ki te reo Māori nā te āhua tonu o ngā nekehanga o ō rātou tinana me ō rātou kanohi. He whai wāhitanga mō ngā tuākana me ngā tēina ki te taki kōrero i ngā wā mihimihi me ngā wā karakia, ā, ka tautoko hoki tētahi i tētahi. E whanake ana ngā mokopuna ki te kōrero i te reo Māori.

E whai wāhi atu ana ngā mokopuna ki tētahi hōtaka e poipoi ana i ō rātou tuakiri. Ka noho mōhio rātou ki te āhua tonu o te tikanga me te kawa i tō rātou whare. Ka āta whakarite ngā kaimahi i te whai wāhi mai a ngā mokopuna ki ngā whakatau. E whakatauira ana rātou i te whanonga e tika ana mō ngā mokopuna ki te whai. Mā taua mahi ka kite ngā mokopuna i te āhua o te noho tahi e hiahiatia. Ka tū takitahi ngā tuākana ki te taki i ō rātou ake pepeha, ā, ka māia hoki rātou ki te tautoko i ngā tēina ki te taki anō hoki i ō rātou pepeha. Ka ako hoki ngā mokopuna i ngā mōteatea e hāngai ana ki tō rātou rohe. Kei te whanake te māramatanga o ngā mokopuna ki ō rātou tuakiri.

Kua tautāwhitia ngā mokopuna ki te whanaungatanga. Ka whakatauira ngā kaimahi i te aroha, te manaaki, me te tiaki i roto i te hōtaka akoranga. Ka whai wāhi atu ngā mokopuna ki ngā hononga papai e manaaki ana i a rātou ki te taha o ngā kaimahi, ā, ki waenga hoki i a rātou anō. Ka hiki, ka tautāwhi ngā kaimahi i ngā pēpi i roto i ngā mahi ā-rōpū. Kei te mauritau ngā pēpi i ngā wā ōkawa ki te whāriki, ā, i a rātou hoki e tākaro ana. E ākina ana te tautoko o ngā tuākana i ngā tēina i roto i ā rātou akoranga me ā rātou tākaro. He tākare rātou ki te whakaatu i ō rātou āheinga ki te ārahi i ngā taumahi. Ka whakamihi, ka akiaki hoki ngā kaimahi i ngā whakamātau me ngā whakatutukitanga a ngā mokopuna. Kei te harikoa, kei te mauritau hoki ngā mokopuna ki te kōhanga reo.

E ākina ana te tūhura a ngā mokopuna i tō rātou taiao ako. Ka whakamahere ngā kaimahi i te whānuitanga o ngā tūmomo wheako ako mā ngā mokopuna. He mātātoa te whai wāhi atu, te ārahi hoki a ngā tuākana i ētahi o ngā wāhanga ōkawa o te hōtaka akoranga, pērā i ngā karakia, ngā mihimihi, me ngā pepeha. Ka kitea te māramatanga o ngā tū reanga katoa ki ngā mahinga o ia rā. E mōhiotia ana ngā whakawhitinga, ā, he ngāwari tonu te whakawhitiwhiti. Ka ako ngā mokopuna i ngā ao o ngā atua. E toro atu ana ā rātou akoranga ki tua atu i te kōhanga reo. He ākonga pākiki ngā mokopuna.

Whānau Whakahaere

He tūtohinga tā te whānau i āta whakawhanakehia ai, ā, e kapo atu ana tēnei i ō rātou wawata me te āhua tonu o tā rātou ahu whakamua. He mārama ngā aratohu e hāpai ai i te whānau ki te whakatau i ngā whakaritenga me te whakatutuki i ngā kawenga whakahaere. He pai te taetae atu ki ngā hui ā-whānau o ia marama. Kua whakatakotohia ngā kaupapa here matua me ngā tukanga matua e pā ana ki te hauora me te haumaru, tae atu hoki ki ngā mahi ki te whakahaere i ngā kaimahi. Kua oti i ngā kaimahi ā rātou arohaehae. Whiwhi ai te whānau i ngā pūrongo i ia te wā, ki ngā hui. Ka arotahi aua pūrongo ki te whakapai haere, puta noa i te katoa o ngā wāhanga whakahaere. Ko ngā mokopuna kei te pūtake o ngā whakataunga.

Ka kitea te ngākau nuitanga o te whānau me ngā kaimahi ki te tautoko i ngā mokopuna. Ka whakamahi rātou i te whānuitanga o ngā tūmomo rautaki e arotahi atu ana ki te waiora. I te hōtaka o ia rā, ka whakatinanahia aua tūāhuatanga ki te aroha me te manaaki mō ngā mokopuna, ki te noho ngākau nui hoki o ngā mokopuna ki te hōtaka akoranga, ā, ki tō rātou mauritau hoki i roto i ā rātou mahinga. Tāpiri atu ki tēnā, he rōpū āwhina e ārahi ana, e tohutohu ana hoki. Ka whakatutuki wawe hoki taua rōpū ina he take, he āwangawanga rānei ka pupū ake. Ka arotahi te rōpū ki te whakapai tonutanga. Ko tētahi tauira o taua mahi, ko te whakawhanaketanga i tētahi tukanga pakari mō te mātakitaki i ngā tamariki, hei painga tonu mō ngā mokopuna me ngā kaimahi. Ka noho mātua tonu te hauora, te haumaru, me te waiora o ngā mokopuna.

Ka mahi ngātahi ngā kaimahi ki te whakawhanake i te mahere ako. Ka whakarato rātou i te whānuitanga o ngā tūmomo wheako ako mā ngā mokopuna, ā, ka tāutu hoki rātou i ngā tino hononga ki Te Whāriki a Te Kōhanga Reo. Ka aromatawai mā ngā huarahi o Mātai Tamaiti, ā, ka kapo atu i te ako me te ahu whakamua puta noa i ngā horopaki o te ao Māori. E ako ana ngā mokopuna i tēnā e whai pānga nui ana ki a rātou, ā, ki tō rātou whakawhanaketanga anō hoki.

Ngā Whakaritenga Matua ka whai ake

Kōrero ai te whānau me ngā kaimahi i ia te wā i tēnā e mahia ana, e ākona ana hoki e ngā mokopuna ki te kōhanga reo. Ka whakapuaki rātou i ngā tūmomo mahi e ngākau nuitia ana e ā rātou pēpi, kia whai wāhi ake ai aua kaupapa. Me tuhi i taua whakaritenga papai, ā, me whakaatu hoki ki ētahi atu.

5 Te Whakatau ki ngā Wāhanga Tautukunga

I te wā o te aromātai, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei:

• te haumaru ā-whatumanawa, tae atu ki te ārahi mauritau me te ārai tamariki
• te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho
• te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti 
• ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.

6 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

• tuhi te whānau i ngā whakaritenga e pā ana ki te aromātai hōtaka hei whakaōkawa i ngā whakaritenga papai e whai wāhi atu ana ki ngā tino putanga ki ngā mokopuna.

Darcy Te Hau
Toka-ā-Nuku
Te Uepū ā-Motu - Māori Review Services

06 Paengawhāwhā, 2021

7 Ngā kōrero e pā ana ki te kōhanga reo

 

Te tūwāhi	Kei Tāmaki-makau-rau
Te tau a te Tāhuhu o te Mātauranga	20579
Te tau tohu o Te Kōhanga Reo	02C051
Te tūmomo whare	He kōhanga reo
Te raihana	Ngā Ture Mātauranga (Ratonga Kōhungahunga) 2008
Te tokomaha mō te raihana	50, kia 15 ki raro i te rua o ngā tau
Te tokomaha kei runga i te rārangi ingoa	48, 14 kei raro i te rua o ngā tau
Te ira tangata	Kōtiro 21 Tama 27
Ngā hononga ā-iwi	Māori	100%
Te wā i te kōhanga reo te rōpū arotake	Hui-tanguru 2021
Te wā o tēnei pūrongo	06 Paengawhāwhā, 2021
Ngā pūrongo o mua a Te Tari Arotake Mātauranga	Arotake Mātauranga Arotake Mātauranga Arotake Mātauranga	Paenga-whāwhā 2017 Haratua 2014 Mahuru 2011

1 Introduction

The Education Review Office, whānau, leaders and communities provide evaluation insights that foster improvement, identify progress and build evaluation capability.

2 Context

“Whāngai i te reo, kia puāwai te wairua”

“Nurture with the language that the spirit may blossom”

Te Kōhanga Reo o Puawairua is an urban kōhanga reo located in Massey, West Auckland. It is a large kōhanga reo that caters for 48 mokopuna who are supported by 15 kaimahi. The whānau aspiration is that children will learn te reo Māori, within a te reo Māori language learning environment.

3 Evaluation Focus

How well do mokopuna learn and use te reo Maori while at kōhanga reo?

Mokopuna learn and use te reo Māori with confidence and appear happy in a nurturing environment.

4 Findings

Mokopuna are immersed in a te reo Māori environment. Kaimahi use language acquisition strategies to help build knowledge of language for mokopuna at various levels of learning. They use language prompts, repetition, and modelling to encourage mokopuna to use te reo Māori to talk with each other and to kaimahi. They also use language to prompt listening. Tuakana talk, debate, and share their thoughts and ideas in te reo Māori. Babies demonstrate an understanding of te reo Māori through body language and facial expression. There are opportunities as tuakana and teina to recite and support each other during mihimihi and karakia. Mokopuna are developing as speakers of te reo Māori.

Mokopuna participate in a programme that nurtures their identity. They are aware of the tikanga and kawa of their whare. Kaimahi ensure that they are included in whakatau. They demonstrate expected behaviour for mokopuna to follow. Through this mokopuna observe how to act. Tuakana independently recite their pepeha, then confidently support teina to do the same. They also learn moteatea relevant to their surrounding area. Mokopuna are developing an understanding of who they are.

Mokopuna are embraced in whanaungatanga. Kaimahi model aroha, manaaki and tiaki in the learning programme. Mokopuna experience caring and positive relationships with kaimahi and each other. Kaimahi hold and comfort babies during whole group activities. Babies are calm and settled during formal whariki times and when playing. Tuakana are encouraged to support teina in their learning and play. They are keen to show their abilities to lead activities. Kaimahi praise and encourage mokopuna efforts and achievements. Mokopuna appear happy and settled at kōhanga reo.

Mokopuna are encouraged to explore their learning environment. Kaimahi plan a range of learning experiences for mokopuna. Tuakana actively engage in and lead some of the formal parts of the learning programme such as karakia mihimihi and pepeha. All age groups clearly showed understanding of the daily routine. Transitions are familiar and smooth. Mokopuna learn about the domains of Ngā Atua. Their learning extends beyond the kōhanga reo. Mokopuna are curious learners.

Whānau Whakahaere

Whānau have developed a Tūtohinga that captures their aspirations and provides direction. There are clear guidelines for whānau decision making and management responsibilities. Monthly whānau hui are well attended. Key health and safety policies and procedures and personnel management are in place. Kaimahi have completed their appraisals. Whānau receive regular reports at hui. These reports focus on improvement across all operational areas. Mokopuna are the focus of decision making.

Whānau and kaimahi show commitment to supporting mokopuna. They use a range of strategies that focus on wellbeing. In the daily programme this looks like mokopuna are loved and cared for, motivated by the learning programme and secure in their routines. In addition, a rōpu awhina provides guidance and advice. This group are also responsible for dealing quickly with any issues and concerns that may arise. Their focus is on improvement. A recent example is the development of a robust process of supervision for both mokopuna and kaimahi. Mokopuna health, safety and wellbeing are prioritised.

Kaimahi work collaboratively to develop the mahere ako. They provide mokopuna with a range of learning experiences and identify clear links to Te Whāriki a te kōhanga reo. Matai tamaiti assessment methods capture learning and progress across a range of te ao Māori contexts. Mokopuna are learning about what matters most to them and their development.

Key Next Steps

Whānau and kaimahi regularly talk about what mokopuna are doing and learning at kōhanga. They share the things that their babies enjoy and would like more of. This good practice needs to be documented and shared with others.

5 Assurance on Legal Requirement

During the evaluation, ERO looked at systems for managing the following areas:

• emotional safety including positive guidance and child protection
• physical safety including supervision, sleep procedures, accidents, medication, excursion policy and procedures
• suitable staffing including appropriate qualifications, police vetting, ratios
• emergency procedures and practices for earthquakes, fire, flood, tsunami and pandemic.

6 Recommendations

ERO and the kōhanga reo whānau developed the following recommendation:

• whānau document programme evaluation practices to formalise the positive practice that contributes to outcomes for mokopuna.

Darcy Te Hau
Toka-ā-Nuku - Director
Te Uepū ā-Motu - Māori Review Services

6 April 2021

7 Information about the Kōhanga Reo

Location	Auckland
Ministry of Education profile number	Profile Number
Kōhanga Reo Identification Number	02C051
Licence type	Te Kōhanga Reo
Licensed under	Education (Early Childhood Services) Regulations 2008
Number licensed for	50 children, including up to 15 aged under 2
Kōhanga Reo roll	48 children, including up to 14 aged under 2
Gender composition	Girls       21 Boys       27
Ethnic composition	Māori	100%
Review team on site	February 2021
Date of this report	6 April 2021
Most recent ERO report(s)	Education Review Education Review Education Review	April 2017 May 2014 September 2011