Te Kōhanga Reo o Rāhui Pōkeka

Te Aromātai

E tū ana Te Kōhanga Reo o Rāhui Pōkeka ki Rāhui Pōkeka. Kei te kitea te māramatanga o ngā tamariki ki ngā tikanga me ngā kawa o Waahi Pā. Ka kitea tēnei āhuatanga nā tā rātou whai wāhi atu ki te whakatau i ngā manuhiri, te kawe i ngā karakia, te taki i ō rātou pepeha, me tā rātou whai wāhi atu ki ngā tūmomo hui ki te marae me te hapori. I tēnei wā, kei te rerekē haere te āhua o ngā whakahaeretanga ki te kōhanga reo.

Ka arotake anō Te Tari Arotake Mātauranga i Te Kōhanga Reo o Rāhui Pōkeka i roto i te toru o ngā tau. 

1 Te Horopaki

E tū ana Te Kōhanga Reo o Rāhui Pōkeka ki Waahi Pā, ki Rāhui Pōkeka. Kua whakatūngia tētahi komiti matua, a Takitini, hei ārahi i te whakakotahitanga o Te Kōhanga Reo o Rāhui Pōkeka me Te Kōhanga Reo o Kaitumutumu. Ka hāpai a Takitini i te kāwana, ā, e mau ana i ngā mema ā-whānau o ngā kōhanga reo e rua. Kua whakaritea e te komiti te whenua me tētahi whare mō ngā kōhanga reo e rua nei. Kua whakawhanakehia e rātou tētahi tirohanga o te kōhanga reo. Kia whakaaetia ēnei e ngā whānau, ka arotakengia te tūtohinga, ngā kaupapa here, ngā tukanga, me te mahere rautaki kia hāngai ai tēnei ki te tirohanga.

2 Ngā Whakaaturanga o te Arotake

He pēhea rawa tā ngā tamariki whakaatu i tō rātou māramatanga ki ngā tikanga me ngā kawa o Waahi Pā?

Kei te kitea te māramatanga o ngā tamariki ki ngā tikanga me ngā kawa o Waahi Pā.

Mana Whenua 

He tino māramatanga tō ngā tamariki ki tō rātou whai wāhi nui ki te marae me te hapori. Ko te ako i Te Kīngitanga tētahi āhuatanga nui o te hōtaka akoranga. Haere ai ngā tamariki ki ngā hui i Tainui, pērā i ngā tangihanga, ngā poukai, me te Koroneihana. Ka whai wāhi te kōhanga reo ki ngā taumahi i te marae. E mātau ana ngā tamariki ki te pōwhiri me te whakatau manuhiri. Kua waia rātou ki tō rātou tūnga hei tangata whenua. He manawa whakahī tō ngā tamariki hei uri o Tainui.

Ka ako ngā tamariki ki tētahi taiao e poipoi ana i te ngākaunui ki te ako nā runga i te kaha o te whanaungatanga. He hononga ā-whakapapa tō ngā tamariki me ngā kaimahi. E pou here ana te whanaungatanga i ngā taunekeneke katoa. He whakaute te āhua o ngā mahi a ngā kaimahi ki te taha o ngā tamariki, ā, ka whai pūtake hoki. Ka whakakoia ngā mahi angitu a ngā tamariki, ā, ka whakarangatira i a rātou. Kua waia rātou ki ngā mahinga, ā, he ngāwari ngā whakawhitinga ki waenga i ngā taumahi. Ka kitea te whakaute o ngā taunekeneke me ngā hononga o ngā tamariki ki ētahi atu. He harikoa, he tau hoki ngā tamariki.

E tino tautokona ana te whakawhanaketanga o ngā tamariki ki te kōrero i te reo Māori. Ka whiwhi ngā tamariki i tētahi wāhi ako e mau nei i te reo Māori hei reo whakawhitinga kōrero o ia rā. Ka rongo rātou i te reo e hāngai ana ki tō rātou whakapapa, pērā i ngā pepeha, ngā karakia, ngā mōteatea, me ngā waiata. Ka whakamahi ngā kaimahi i te whānuitanga o ngā tūmomo rautaki hei hāpai i te whakawhanaketanga reo, pērā i te akiaki, ngā whakawhitinga kōrero, me ngā pātai. Ka aro nui ki te ako i āta whakatakotohia ai, hei hāpai i te hopu reo, pērā i te maramataka, ngā tae, ngā āhua, me ngā nama. Ka aro mārika ngā tamariki ki ngā tono, ngā pātai, me ngā tohutohu a ngā kaimahi. He pakari ngā tamariki tuākana ki te kōrero, ā, e whakawhanake ana ngā tēina i tō rātou māramatanga ki te reo Māori.

Te Whakamahere me te Aromātai 

Ka whakatutuki a Takitini i ngā kawenga kāwanatanga katoa o Te Kōhanga Reo o Rāhui Pōkeka. I tēnei wā e whai ana Te Kōhanga Reo i te tirohanga me ngā aratohu ki te tūtohinga o Te Poari Matua o Ngā Kōhanga Reo. Ko tā te whānau kawenga, he whakapūmau i te reo Māori me te whakahaeretanga o ia rā. Ko ngā māngai o te whānau i runga i a Takitini e whai wāhi atu ana ki ngā whakataunga matua. Kua whakaritea ngā kaupapa here me ngā tukanga e pā ana ki te hauora me te haumaru. Ka whakapūmautia ngā rehita katoa e ngā kaimahi. Ka whai hua ngā tamariki nā ngā pūnaha whakahaere e poipoi ana i tō rātou waiora me tā rātou ako.

Ka whiwhi ngā tamariki i tētahi hōtaka e āta whakaritea ana, ā, e āta whakahaerehia ana hoki. Kua āta tuhia ngā mahere a ngā kaimahi. He mārama ngā putanga ako mō ngā tamariki. Ka whakamahi ngā kaimahi i ngā rautaki whakaako me ngā rauemi e tika ana. He mārama ngā hononga ki waenga i ngā mahere me te hōtaka akoranga. He pārekareka ki ngā tamariki te ako.

Ka aroturuki, ka whakatutuki hoki te whānau i ngā whakahaeretanga o te kōhanga reo. He pai te tae ā-tinana atu ki ngā hui ā-whānau, ā, he pakari ngā whakawhitinga kōrero. Ka pūrongotia ngā āhuatanga katoa e pā ana ki te pūtea, me ngā take e pā ana ki ngā kaimahi, te hauora, te haumaru me te tiaki i ngā whare. Ka arotahi te arotake whaiaro ki ngā whakapaitanga. He nui ngā painga ka riro i ngā tamariki nā te arotake tonu a te whānau i ā rātou whakaritenga, hei whakatairanga i te kounga o te mātauranga.

Ngā Whakaritenga Matua ka Whai Ake

Kāhore anō te whānau kia whakatinana i Te Paki o Matariki, arā, te tirohanga me te tikanga whakaaro i whakawhanakehia ai mō te whakakotahitanga o Te Kōhanga Reo o Rāhui Pōkeka me Te Kōhanga Reo o Kaitumutumu. Ka hāngai pū tēnei ki te whakamahere rautaki me te aronga whakamua o te kōhanga reo. Kāhore e taea te whakawhanake ngā whāinga rautaki me ngā wawata, mehemea kāhore anō kia riro i te kōhanga reo tētahi tino tikanga whakaaro mārama.

Me hāpai ngā kaimahi ki te whakarite i ngā tukanga mō te aromātai i te hōtaka akoranga me te aromatawai i ngā akoranga a ngā tamariki me tā rātou ahu whakamua. Kāhore ngā tukanga o tēnei wā e hono ana ki ngā mahere. Kāhore ngā kaimahi e tuhi ana i ngā rerekētanga ki te hōtaka akoranga, me ngā take i pēnei ai. Kāhore ngā aromatawai e whakatakoto ana i tēnā e mōhiotia ana e ngā tamariki, me tēnā e ako ana rātou.

Kāhore anō kia oti te arohaehae i ngā kaimahi. Kāhore he mōhiohio e pā ana ki ngā pūmanawa me ngā matea ako ngaio o ngā kaimahi.

3 Te Whakataunga a te Kōhanga Reo ki ngā Wāhanga Tautukunga

I te wā o te arotake, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti) 
• ngā whakaritenga, tikanga hōneatanga e pā ana ki te ahi me te rū whenua. 

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture. Me tahuri te whānau ki te:

3.1   whakapau kaha ki te whakarato i te tautoko ngaio, ngā whai wāhitanga whakawhanaketanga ngaio, me ngā rauemi ki ngā kaimahi, mā tētahi pūnaha arohaehae e tika ana.
[R 47 Ture Mātauranga (Kōhungahunga) 2008; GM1-12]

4 Ngā Taunakitanga

I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:

• whakatinanahia tētahi aronga tikanga whakaaro hou mō te kōhanga reo
• whakawhanakehia tētahi mahere rautaki
• whakatinanahia te aromātai hōtaka me ngā tukanga aromatawai
• whakaoti i te tukanga arohaehae e pā ana ki ngā kaimahi katoa.

Te Whakarāpopototanga

E tū ana Te Kōhanga Reo o Rāhui Pōkeka ki Rāhui Pōkeka. Kei te kitea te māramatanga o ngā tamariki ki ngā tikanga me ngā kawa o Waahi Pā. Ka kitea tēnei āhuatanga nā tā rātou whai wāhi atu ki te whakatau i ngā manuhiri, te kawe i ngā karakia, te taki i ō rātou pepeha, me tā rātou whai wāhi atu ki ngā tūmomo hui ki te marae me te hapori. I tēnei wā, kei te rerekē haere te āhua o ngā whakahaeretanga ki te kōhanga reo.

Hei ā hea Te Tari Arotake Mātauranga arotake anō ai i te kōhanga reo?

Ka arotake anō Te Tari Arotake Mātauranga i Te Kōhanga Reo o Rāhui Pōkeka i roto i te toru o ngā tau. 

Lynda Pura-Watson

Kaiurungi Whakaturuki Arotake Māori 

15 Here-turi-kōkā, 2016

Purpose

The Education Review Office (ERO) is the government department that, as part of its work, reviews kōhanga reo throughout Aotearoa. ERO’s reports provide information for whānau, hapū, iwi and communities.

Ngā kōrero e pā ana ki te kōhanga reo 

Evaluation

Te Kōhanga Reo o Rāhui Pōkeka is in Huntly. Children demonstrate a good understanding of tikanga and kawa of Waahi Pā. This is evident through their participation in whakatau manuhiri, karakia, reciting their pepeha and participating in activities on the marae and in the community. The kōhanga reo is currently undergoing structural changes.

The next ERO review of Te Kōhanga Reo o Rāhui Pōkeka will be in three years.

1 Context

Te Kōhanga Reo o Rāhui Pōkeka is on Waahi Pā in Huntly.  An executive committee (Takitini) has been established to oversee the amalgamation of Rāhui Pokeka and Te Kōhanga Reo o Kaitumutumu.  Takitini provides governance support and consists of whānau members from both kōhanga reo. The committee has secured land and a building for the two kōhanga reo. They have developed a vision for the kōhanga reo. Once accepted by the whānau, the charter, policies, procedures, and strategic plan will be reviewed to align with the vision.

2 The Review Findings

To what extent do children demonstrate an understanding of tikanga and kawa of Waahi Pā?

Children demonstrate a good understanding of tikanga and kawa of Waahi Pā.

Children have a clear understanding of their place on the marae and in the community. Learning about the Kingitanga is an important part of the learning programme. Children attend Tainui events such as tangihanga, poukai and the Koroneihana. The kōhanga reo participate in marae activities. Children know how to perform pōwhiri and whakatau to manuhiri. They are familiar with their role as tangata whenua.  Children are proud to be Tainui.

Children learn in an environment where supportive relationships foster a love of learning. Children and kaimahi are connected through whakapapa. Whanaungatanga underpins all interactions. Kaimahi work with children in respectful and meaningful ways. Children’s successes are affirmed and they are made to feel special. They are familiar with routines and transitions between activities are smooth. Children demonstrate respectful interactions and relationships with others. Children are happy and settled.

Children are well supported as developing speakers of te reo Māori. Children experience a learning environment where te reo Māori is the everyday language of communication. They hear language that is associated with their whakapapa such as pepeha, karakia, mōteatea and waiata.  Kaimahi use a range of strategies to support language development such as prompts, conversations and questions. There is an emphasis on structured learning to support language acquisition such as maramataka, ngā tae, ngā ahua and ngā nama. Children readily respond to kaimahi requests, questions and instructions. The older children are confident speakers while the younger ones are developing in their understanding of te reo Māori. 

Planning and Evaluation

Takitini undertakes all governance responsibilities for Rāhui Pokeka. The kōhanga reo currently follows the vision and guideline of the Te Kōhanga Reo National Trust Charter.  The whānau responsibility is to maintain te reo Māori and day to day management. Whānau representatives on Takitini participate in key decision making.  Health and safety policies and procedures are in place. All registers are maintained by kaimahi. Children benefit from management systems that nurture their wellbeing and learning.

Children experience a programme that is well organised and managed. Kaimahi planning is well documented. Learning outcomes for children is clear. Kaimahi use appropriate teaching strategies and resources. There are clear links between planning and the learning programme. Children are enjoy learning.

Whānau monitor and respond to kōhanga reo operations. Whānau hui are well attended and discussions are robust. Financial reporting, personnel matters, health and safety issues and building maintenance are all reported against. Internal review is focused on improvements. Children gain immensely as whānau continue to review their practices to raise the quality of education.

Key Next Steps

The whānau have yet to implement Te Paki o Matariki, the vision and philosophy developed for the amalgamation of Rāhui Pokeka and Kaitumutumu. This will have a direct impact on strategic planning and the future direction of the kōhanga reo. Strategic goals and aspirations can only be developed when the kōhanga reo has a clear guiding philosophy.

Kaimahi require support to establish processes for evaluating the learning programme and assessing children’s learning and progress. The current processes do not link to planning. Kaimahi do not document changes to the learning programme and why this has come about. Assessments do not record what children know and what they are learning.

Kaimahi appraisals are incomplete. There is no information about kaimahi strengths and professional learning needs.

3 Whānau Management Assurance on Compliance Areas

During the review, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements. The whānau must:

3.1 ensure all reasonable steps are taken to provide staff with professional support, professional development opportunities and resources through an appropriate appraisal system.
(R47ECS2008/GM1-12)

4 Recommendations

ERO and the kōhanga reo whānau developed the following recommendations to:

• implement the new philosophical direction for the kōhanga reo
• develop a strategic plan
• implement programme evaluation and assessment processes
• complete appraisals process for all kaimahi.

Conclusion

Te Kōhanga Reo o Rāhui Pōkeka is in Huntly. Children demonstrate a good understanding of tikanga and kawa of Waahi Pā. This is evident through their participation in whakatau manuhiri, karakia, reciting their pepeha and participating in activities on the marae and in the community. The kōhanga reo is currently undergoing structural changes.

When is ERO likely to review the kōhanga reo again?

The next ERO review of Te Kōhanga Reo o Rāhui Pōkeka will be in three years. 

Lynda Pura-Watson

Deputy Chief Review Officer Māori 

15 August 2016 

Information about the Kōhanga Reo