Te Kōhanga Reo o Rongowhakaata - 04/04/2019

1 He Whakamārama

He Kupu Whakataki

Ka whakahaeretia tētahi aromātai tāpiri i runga o te whakataunga ā te Toihau Arotake i Te Tari Arotake Mātauranga.

E aromātai ana Te Tari Arotake Mātauranga i te whānuitanga me te whai hua o ngā mahi a te kōhanga reo ki te whakatutuki i ngā take i whakatakotohia ai i roto i te pūrongo aromātai mātauranga o mua atu i tēnei, me ētahi atu wāhanga rānei i tāutuhia ai whai muri o taua aromātai.

Ngā Whakataunga mō ngā Whakapuakitanga

Ko tēnei aromātai tāpiri i whakaritea i runga i te aromātai o te whakatutukitanga a te whānau i te whakahaeretanga o te kōhanga reo, ki ngā wāhanga i tāutuhia ai e te pūrongo a Te Tari Arotake Mātauranga, i mua atu, me ngā take rānei kua tāutuhia whai muri o taua aromātai. Ko ngā whakataunga mō ngā whakapuakitanga e pā ana ki tēnei aromātai, ko te titiro ki:

  • Ngā Taumata Whakahirahira, tae atu ki te whakamahinga o te reo Māori me te whakaritenga o ngā wāhi ako
  • te whakamahere me te aromātai, tae atu ki te aromatawai me te aromātai, te whakahaeretanga a te whānau, me te aromātai o roto
  • ngā wāhanga kāhore e tutuki ana e ai ki te ture, tae atu ki te arowhai a ngā pirihimana, te ū ki te tuhi haere i ngā mauhanga me te pūrongo i ngā aituā, te whāngai rongoā, ngā haerenga, te tū auau o ngā akoako hōneatanga, te arowhai i ngā āhuatanga mōrearea i te kōhanga reo, te moe, te tīni kope, me te āta whakarite kia whakatutukihia, kia whakapūmautia hoki te katoa o ngā paerewa e pā ana ki te kāwana, te whakahaeretanga, me ngā whakaritenga, me
  • ētahi atu take i tāutuhia ai whai muri i te arotake o mua.

2 Te Horopaki

E tū ana Te Kōhanga Reo o Rongowhakaata ki te marae o Whakatō, ki Manutuke, e pā tata atu ana i Tūranga-nui-a-Kiwa. I te marama o Hōngongoi, i te tau 2018 i toro atu te whānau ki te tautoko me te ārahitanga o ngā kaimahi ā-rohe o te Poari Matua o Ngā Kōhanga Reo. I whakatūngia tētahi Kaiārahi SELO. Mai i te arotake o mua, kua whai hua te whānau ki te whakatutuki haere i ngā take i tāutuhia ai ki taua arotake a Te Tari Arotake Mātauranga.

3 Ngā Whakaaturanga

Ngā wāhanga e ahu whakamua ana

E wātea ana ki ngā tamariki ngā rauemi e whakatairanga ana i tā rātou ako i te reo Māori. Ka whakamahi ngā kaimahi i ngā rautaki reo pērā i te whakatauira, te tāruarua, me ngā kupu akiaki hei hāpai i te whakawhanaketanga reo o ngā tamariki. E hāpaitia ana te taki a ngā tamariki i ō rātou pepeha, me tā rātou ārahi i ngā karakia me ngā waiata, puta noa i te rā. Ko ngā whakaaturanga ataata i te kōhanga reo e whakapuaki ana ki ngā tamariki, ko ngā pūkenga reo matatini tuatahi o te reo Māori. Ka whai ngā tamariki tuākana i ngā tohutohu, ā, ka mārama hoki rātou i tēnā e kōrerohia ana e ngā kaimahi. Ka whakapuaki ngā pēpi i tō rātou māramatanga ki te reo Māori mā ā rātou nekehanga, mā tō rātou reo ā-tinana hoki. Ka taetae atu ngā kaimahi ki ngā wānanga hei whakatupu i ō rātou āheinga me ō rātou pūmanawa ki te āta whakawhitiwhiti whakaaro ake mā te reo Māori. E mahi ana te whānau ki te taha o te iwi ki te tūhonohono ki tā te iwi rautaki reo Māori. E mōhio ana te whānau, he mea nui ki te whakamahi i te reo Māori ki te kāinga, kia pakari ai te tupu o ā rātou tamariki ki te kōrero i te reo Māori. E whanake ana te ako a ngā tamariki i te reo Māori.

He pai te whakaritenga me te whakahaeretanga o ngā wāhi ako. Mai i te arotake o mua a Te Tari Arotake Mātauranga, kua whakapuakihia tētahi atu rūma. Kua whakauru ki ngā wāhi ako rahi ake e rua, ko ngā pūrere pōkākā me ngā pūrere whāhauhau. Kua whakatakotohia tētahi whāriki hou ki te rūma o ngā pēpi, kia hāneanea ake ai te rūma. E noho wātea ana ngā rauemi ako ki ngā tamariki. He pai te whakatakotoranga o te wāhi tari i waihangatia ai. He pai te whakaritenga o te katoa o ngā mauhanga me ngā tuhinga, ā, he māmā noa hoki ki te whakapā atu. E aro nui ana ki te waiora o ngā tamariki.

Kua pai ake ngā mahi aromatawai. He pai te āhua o ngā kōnae, ā, e kapo atu ana hoki i tēnā e mahia ana e ngā tamariki, i ngā kupu anō hoki e whakamahia ana e rātou. Ka hāngai te aromatawai i ngā tamariki ki tēnā i whakamaheretia ai. He pai te whakamōhio i te whānau ki tēnā e ākona ana e ā rātou tamariki, ā, ki tā rātou ahu whakamua anō hoki i roto i te roanga o te wā.

Kua tino pai ake ngā mahi whakahaere a te whānau, mā te tautoko me te ārahitanga o te kaiārahi SELO. Kua whakahou ake te whānau i tā rātou tūtohinga, ā, e hāngai ana tēnei ki Ngā Pou e Whā o Te Korowai i nāianei. Kua whakahoungia hoki ngā kaupapa here me ngā tukanga, ā, e hāngai ana ēnei ki ngā herenga o Te Ture Oranga Tamariki. Kua arotakengia, kua whakahoungia ngā tuhinga tūranga mahi. E whai pūtake ana ngā mahi arohaehae, ā, kua waihangatia hei whakapakari ake i te āheinga o ngā kaimahi me ā rātou whakaritenga. E āta whakarite ana te mahere ā-tau i te hāngaitanga o ngā āhuatanga matua o ngā whakahaeretanga - o ngā pūrongo hoki i ngā hui ā-whānau - ki ngā whakapaitanga. Kua whakatutukihia e te whānau ngā herenga ā-ture katoa i tāutuhia ai ki te pūrongo o mua hei whakatika ake. Kua whakatūturuhia te kore pā tōraro o aua tūāhuatanga o mua ki te ako a ngā tamariki me tō rātou waiora i nāianei.

Ngā Whakaritenga Matua ka whai ake

Ka taea te whakamahere hōtaka me te aromātai hōtaka te whakatairanga ake. E tika ana kia rahi ake te kiko o ngā tuhinga whakamahere a ngā kaimahi, tae atu ki ngā tino putanga ki ngā tamariki, hei āhuatanga tonu o ā rātou mahere. Me aro hoki ēnei ki ngā tūmomo rōpū reanga me ngā matea ake o ia tamaiti. I tēnei wā, kei te uaua ki te tātari i te āhua o ngā mahi e aroturuki ana i te hōtaka kia tāutuhia ai ngā whakapainga ki ngā akoranga a ngā tamariki. Me whakawhiti kōrero, me tuhi hoki ngā kaimahi i ia te wā, i tēnā e whai hua ana, i tēnā hoki hei whakapai ake, ā, i ngā mahi ka whai ake tonu ki te whakapai ake i te hōtaka akoranga. He hiahia tō ngā kaimahi ki te rapu i ngā huarahi ka whakapakari ake i ō rātou āheinga i roto i aua wāhanga.

Me titiro ki te mahere rautaki. Ahakoa he tirohanga tā te mahere rautaki ki tēnā e takunetia ana mō ngā kōhanga reo o tēnei o ngā purapura, me whai wāhi anō hoki ki te mahere nei, ko ngā matea ake, ngā kaupapa matua ake hoki o tēnei kōhanga reo tonu. Me whai whakaaro te whānau ki ngā huarahi e āta whakarite ai i te whai wāhi mai o ā rātou whāinga me ā rātou kaupapa matua mō te paetawhiti.

4 Ngā Taunakitanga

I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:

  • whakapakarihia te whakamahere hōtaka me te aromātai hōtaka
  • arotakengia te mahere rautaki, kia whai wāhi mai ai hoki ko ngā kaupapa matua ake o te kōhanga reo.

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Rongowhakaata i roto i te toru o ngā tau.

Charles Rolleston Toka ā-nuku

04 Paengawhāwhā, 2019

Ngā kōrero e pā ana ki te kōhanga reo

Te tūwāhi

Kei Manutuke, ki Tūranga-nui-a-Kiwa

Te tau a te Tāhuhu o te Mātauranga

55118

Te tau tohu o Te Kōhanga Reo

06A006

Te tūmomo raihana

Te Kōhanga Reo

Kua raihanatia ki te ture

Ngā Ture Mātauranga (Ratonga Kōhungahunga) 2008

Te tokomaha mō te raihana

28 ngā tamariki, kia tekau ki raro i te rua o ngā tau

Te tokomaha kei te rārangi ingoa

11 ngā tamariki, tokotoru kei raro i te rua o ngā tau

Te ira tangata

Kōtiro 7

Tama 4

Ngā hononga ā-iwi

Māori

100%

Te wā i te kōhanga reo te rōpū arotake

1 Hui-tanguru 2019

Te wā o tēnei pūrongo

04 Paengawhāwhā, 2019

Ngā pūrongo o mua a Te Tari Arotake Mātauranga

Arotake Mātauranga

Arotake Mātauranga

Arotake Tāpiri

Mahuru 2016

Hōngongoi 2013

Pipiri 2009

1 Background

Introduction

A supplementary evaluation is undertaken at the discretion of the Chief Review Officer of the Education Review Office (ERO).

ERO evaluates the extent and effectiveness of actions a kōhanga reo has taken towards addressing issues specified in its previous ERO evaluation and/or any additional areas identified since that evaluation.

Terms of Reference

This supplementary evaluation is based on an evaluation of the performance of the kōhanga reo governing body and management in relation to areas identified in the previous ERO report or issues identified since that evaluation. The terms of reference for this evaluation are to investigate:

  • Ngā Taumata Whakahirahira including the use of te reo Māori and organisation of learning spaces

  • Planning and Evaluation including assessment and evaluation, whānau management and internal evaluation

  • areas of non-compliance – including police vetting, maintaining records and reporting accidents, administering of medications, excursions, regular evacuation drills, property hazards, sleep and nappy changing and ensuring all governance, management and administration practice standards are fully met and maintained

and any issues identified since the previous review.

2 Context

Te Kōhanga Reo o Rongowhakaata is based on Whakatō Marae in Manutuke near Gisborne. In July 2018, the whānau accessed support and guidance from local kaimahi of Te Kōhanga Reo National Trust. A Supporting Early Learning Opportunities (SELO) contractor was put in place. Since the last review, the whānau have worked well to address concerns raised in the previous ERO review.

3 Findings

Areas of progress

Children have access to resources that enhance their learning in te reo Māori. Kaimahi use language strategies such as modelling, repetition and prompts to support children’s language development. Children are supported to recite their pepeha and lead karakia and waiata throughout the day. The visual displays in the kōhanga reo provide children with early literacy skills in te reo Māori. The older children follow instructions and understand what kaimahi are saying. Babies express their understanding of te reo Māori through their gestures and body language. Kaimahi attend wānanga to grow their capability and capacity to communicate more confidently in te reo Māori. The whānau are working alongside the local iwi to link into their Māori language strategy. They acknowledge the importance of supporting the use of te reo Māori in the home so that their children grow as confident speakers of the Māori language. Children are developing as learners of te reo Māori.

Learning spaces are well organised and managed. Since the previous ERO review, an extra room has been created. Heat pumps and air conditioning have been installed in the two larger learning spaces. New carpet has been laid in the babies room for further comfort. Learning resources are accessible and within children’s reach. A designated office space has been well designed. All records and documentation are well organised and accessible. Children’s wellbeing is a priority.

Assessment practices have improved. Kōnae are well presented and capture what the child is doing and the words they use. Children’s assessments reflect what has been planned. Whānau are well informed of what their children are learning and their progress over time.

Whānau management has improved significantly with the support and guidance from SELO. The whānau have updated their charter which now aligns to Ngā Pou e Whā of Te Korowai. Policies and procedures have been updated and align to the requirements of the Vulnerable Children’s Act. Job descriptions have been reviewed and updated. Appraisal is purposeful and is designed to further strengthen the capability of kaimahi practices and personnel. The annual plan ensures that key aspects of operations and reporting to whanau hui are focussed on improvements. All areas of non-compliance identified in the previous report have been addressed by the whānau. Children can be assured that their learning and wellbeing is no longer compromised.

Key Next Steps

Programme planning and programme evaluation can be enhanced. Kaimahi should include more detail and specific outcomes for children’s learning as part of their planning documents. These should be responsive to the different age groups and specific needs of individual children. Currently it is difficult to gauge how the programme is monitored in order to identify improvements in children’s learning. Kaimahi should regularly discuss and document what is working well, what can be improved and the next steps they will take to improve the learning programme. Kaimahi are keen to find ways to strengthen their capability in these areas.

The strategic plan requires attention. While the strategic plan provides an overview of what is intended for the kōhanga reo that belong to the purapura, the specific needs and priorities of this kōhanga reo should also be included in this plan. The whānau should consider ways to ensure their long-term goals and priorities are considered.

4 Recommendations

ERO and the kōhanga reo whānau developed the following recommendations:

  • strengthen programme planning and programme evaluation

  • review the strategic plan to include priorities specific to the kōhanga reo.

When is ERO likely to evaluate the kōhanga reo again?

The next ERO evaluation of Te Kōhanga Reo o Rongowhakaata will be in three years.

Charles Rolleston Toka ā-nuku

4 April 2019

Information about the Kōhanga Reo

Location

Manutuke, Gisborne

Ministry of Education profile number

55118

Kōhanga Reo Identification Number

06A006

Licence type

Te Kōhanga Reo

Licensed under

Education (Early Childhood Services) Regulations 2008

Number licensed for

28 children, including up to 10 aged under 2

Kōhanga Reo roll

11 children, including 3 aged under 2

Gender composition

Girls 7

Boys 4

Ethnic composition

Māori

100%

Review team on site

1 February 2019

Date of this report

4 April 2019

Most recent ERO report(s)

Education Review

Education Review

Supplementary Review

September 2016

July 2013

June 2009