Ruataniwha Road, Wairoa
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.
Ko Taraia te maunga
Ko Te Punawai a Tangaroa te awa
Ko Te Rua o Taniwha te pā tawhito
Ko Te Rangipaekura te tangata
Ko Iwikatere te hapū
Ko Ngāti Kahungunu te iwi
E tū ana Te Kōhanga Reo o Ruataniwha ki te marae o Ruataniwha, ki Wairoa. He tino hononga ā-whakapapa tō te nuinga o ngā tamariki ki a rātou anō.
Ka whai hua, ka whai pūtake hoki ngā hononga me ngā taunekeneke a ngā mokopuna ki ētahi atu.
E poipoia ana ngā hononga o ngā mokopuna ki tētahi taiao ako e tautoko ana i a rātou. Ko te whakamihi, ko te akiaki hoki i ngā wā katoa, he rautaki e whakamahia ana e te whānau hei whakatairanga ake i te ngākau titikaha o ngā mokopuna me ngā hononga papai. Ka akiaki ngā taumahi whai pūtake i te ako ngātahi a te tuakana me te teina. He ngāwari, he atawhai hoki ngā kaimahi, ā, ka whakatauira i ngā uara o te aroha, te manaaki, te awhi, me te tautoko. He pai te taunekeneke a ngā mokopuna ki ētahi atu, ā, ka āta kitea te hononga o te tuakana me te teina. Ka akiaki ngā kaimahi i ngā mokopuna ki te ārahi me te tautoko – tētahi i tētahi – i ngā taumahi ōkawa, pērā i ngā wā karakia me ngā wā waiata. Kei te harikoa ngā mokopuna hei ākonga.
E whakawhanake ana ngā mokopuna i te tino aronga toi whenuatanga me te tuakiri. Ko te whanaungatanga te tūāpapa o ngā akoranga. E mōhio ana ngā mokopuna ki ngā ingoa o ngā awa, ngā maunga, me ngā tīpuna o te rohe nei. Ka āta whakatau ngā kaiako i te noho mōhio o ngā mokopuna ki ō rātou hononga ā-whakapapa ki waenga i a rātou anō, ā, ki tō rātou whenua hoki. E tautāwhitia ana ngā mokopuna ki te whanaungatanga.
He aronga nahanaha tā ngā kaimahi ki te ako a ngā mokopuna. Kua whakatakotohia ngā mahere ā-wāhanga, ā-marama, ā-wiki hoki. Ahakoa he hononga ki Te Whāriki a Te Kōhanga Reo, kāhore e āta kitea ana e pēhea nei ngā mahere e āta aro atu ki ngā matea me ngā ngākau nuitanga o ia mokopuna. Ka ngākau nui ngā mokopuna ki ngā wheako ako me ngā taumahi e whakaratohia ana.
Kua pou herea te whakahaeretanga o te kōhanga reo me te tari, ki te whanaungatanga. Tū ai ngā hui ā-whānau i ia marama, ā, he kaha te tae ā-tinana atu. Ka aroturuki, ka pūrongo hoki te whānau i ngā āhuatanga matua o ngā whakahaeretanga. Ka whai mōhiohio, ka whakatakotohia hoki ngā tukanga e pā ana ki ngā whakataunga. Kei te tūtohinga ngā aratohu mārama mō ngā tūranga o te whānau me ā rātou kawenga mahi. E hāngai ana ki Ngā Pou e Whā, ā, e whakapūmau ana i te ngākau nuitanga o te whānau ki te tiaki i te reo Māori. Kua whakatakotohia ngā kaupapa here matua me ngā tukanga matua e pā ana ki te hauora me te haumaru. Ka āta ārahi te mahere ā-tau i te kaiwhakahaere, ā, ka aroturuki, ka whakatutuki hoki ia i ngā mahi whakahaere i te tari. Ko ngā mokopuna te aronga matua o ngā mahi whakahaere a te whānau.
Me āta titiro ki te aromātai hōtaka me te aromatawai i ngā mokopuna. Kāhore e āta kitea ana e pēhea nei te hononga o te aromātai hōtaka me te aromatawai mokopuna ki ngā mahere o te hōtaka. E tika ana kia whai tautoko ngā kaimahi, hei whakapakari ake i ō rātou pūkenga me ō rātou āheinga ki te whakapuaki i tētahi hōtaka whai hua, e āta aro nui ana ki ngā pūmanawa ake, ki ngā ngākau nuitanga ake, me ngā matea ake o ia mokopuna.
I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:
Hei whakatutuki i ngā herenga ā-ture, me tahuri rātou ki te:
[R43 Ture Mātauranga (Kōhungahunga) 2008; C2 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:
Rita Walker
Toka ā Nuku Whakakapi
Te Uepū-a-Motu – Māori Services
27 Mahuru, 2022
|
Te tūwāhi |
Kei Wairoa |
|
Te tau a te Tāhuhu o te Mātauranga |
55198 |
|
Te tau tohu o Te Kōhanga Reo |
06C052 |
|
Te tūmomo whare |
He kōhanga reo |
|
Te raihana |
Ngā Ture Mātauranga (Ratonga Kōhungahunga) 2008 |
|
Te tokomaha mō te raihana |
20, kia tokoono ki raro i te rua o ngā tau |
|
Te tokomaha kei runga i te rārangi ingoa |
16, tokowhā kei raro i te rua o ngā tau |
|
Ngā hononga ā-iwi |
Māori 16 |
|
Te wā i te kōhanga reo te rōpū arotake |
Hōngongoi 2022 |
|
Te wā o tēnei pūrongo |
27 Mahuru 2022 |
|
Ngā pūrongo o mua a |
Arotake Mātauranga, Mahuru 2018; Arotake Mātauranga, Poutū-te-rangi 2015; Arotake Tāpiri, Whiringa-ā-nuku 2012 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO’s reports provide important information for hapū and iwi.
Ko Taraia te maunga
Ko Te Punawai a Tangaroa te awa
Ko Te Rua o Te Taniwha te pā tawhito
Ko Te Rangipaekura te tangata Ko Iwikatere te hapū
Ko Ngāti Kahungunu te iwi
Te Kōhanga Reo o Ruataniwha is at Te Marae o Ruataniwha, Wairoa. Most children have close whakapapa connections to each other.
Mokopuna have positive meaningful relationships and interactions with others.
Mokopuna relationships are nurtured in a supportive learning environment. Constant praise and encouragement are strategies used by the whānau to promote mokopuna confidence and positive relationships. Purposeful activities encourage tuākana and teina to learn alongside each other. Kaimahi are gentle and caring and model the values of aroha, manaaki, awhi and tautoko. Mokopuna interact positively with others and tuākana teina relationships are evident. Kaimahi encourage mokopuna to lead and support each other in formal activities such as karakia, and waiata. Mokopuna are happy learners.
Mokopuna are developing a strong sense of belonging and identity. Whanaungatanga provides the foundation for learning. The names of the local awa, maunga and tīpuna are familiar to mokopuna. Kaiako ensure mokopuna are aware of their whakapapa links to each other and their whenua. Mokopuna are embraced in whanaungatanga.
Kaimahi have a planned approach to mokopuna learning. These plans include term, monthly and weekly plans. While links are made to Te Whāriki ā Te Kōhanga Reo it is not clear how the plans respond to the needs and interests of individual mokopuna. Mokopuna enjoy the learning experiences and activities provided.
The operation and administration of the kōhanga reo is underpinned by whanaungatanga. Whānau hui are held monthly and are well attended. Whānau monitor and report on key aspects of operations. Decision-making processes are informed and recorded. The Tūtohinga provides clear guidelines for the roles and responsibilities of whānau. It aligns to Ngā Pou e Whā and affirms whānau commitment to the protection of te reo Māori. Core health and safety policies and procedures are in place. The annual plan provides good guidance for the kaiwhakahaere who monitors and completes administrative tasks. Mokopuna are the focus of whānau management.
Programme evaluation and mokopuna assessment require attention. It is not clear how programme evaluation and mokopuna assessment is linked to programme planning. Support is required for kaimahi to build their capability and capacity to deliver an effective programme responsive to individual mokopuna strengths, interests, and needs.
During the evaluation, ERO looked at systems for managing the following areas:
To meet compliance requirements, they must:
[Regulations 43 Education (Early Childhood Services) Regulations 2008; C2 Licensing Criteria for Kōhanga Reo affiliated with Te Kōhanga Reo National Trust 2008]
ERO and the Kōhanga reo whānau developed the following recommendation:
Rita Walker
Acting Toka-ā-Nuku – Director
Te Uepū ā-Motu – Māori Review Services
27 September 2022
|
Location |
Wairoa |
|
Ministry of Education profile number |
55198 |
|
Kōhanga Reo Identification Number |
06C052 |
|
Licence type |
Te Kōhanga Reo |
|
Licensed under |
Education Regulations 2008 |
|
Number licensed for |
20 children, including up to 6 aged under 2 |
|
Service roll |
16 children, including 4 aged under 2 |
|
Ethnic composition |
Māori 16 |
|
Review team on site |
July 2022 |
|
Date of this report |
27 September 2022 |
|
Most recent ERO report(s) |
Education Review, September 2018; Education Review, March 2015; Supplementary Review, October 2012 |
Ko Taraia te maunga
Ko Te Punawai a Tangaroa te awa
Ko Te Rua o Te Taniwha te pā tawhito
Ko Te Rangipaekura te tangata
Ko Iwikatere te hapū
Ko Ngāti Kahungunu te iwi
E tū ana Te Kōhanga Reo o Ruataniwha ki te marae o Ruataniwha, ki Wairoa. He hononga ā-whakapapa tō te nuinga o ngā tamariki ki a rātou anō. I te wā o tēnei arotake, e whā ngā whakatupuranga o tētahi whānau e whai wāhi mātātoa ana ki te kōhanga reo. Kua roa nei ngā tau e tautokona ana te kōhanga reo e te kuia me tōna whānau. I tēnei wā, e whakamahere ana te komiti o te marae, ngā kaimahi ā-rohe o te Poari Matua o Ngā Kōhanga Reo, me te whānau i te whakawhanaketanga o tētahi kōhanga reo hou.
Kei te tūmāia, kei te tākare hoki ngā tamariki hei ākonga i a rātou e whai wāhi atu ana ki te whānuitanga o ngā tūmomo wheako ako, puta noa i te hōtaka.
E ako ana ngā tamariki ki tētahi taiao e poipoi ana i tō rātou tuakiri. He hononga ā-whakapapa tō ngā kaimahi me te nuinga o ngā tamariki ki te marae o Ruataniwha. Ka hāpai ngā kaimahi i ngā tamariki ki te ako me te whakapuaki i ō rātou pepeha ki te taha o te whānau. Ka ārahi hoki rātou i ngā tamariki i roto i ngā kawa me ngā tikanga e whai pānga ana ki te whakataunga o ngā manuhiri ki te marae me te kōhanga reo. He manawa whakahī tō ngā tamariki ki te whai wāhi atu ki ngā mihi whakatau, me te tautoko anō hoki i ngā kaimahi mā ngā waiata kīnaki. Ka whakahei rātou, ā, he maha anō hoki ngā wā ka kite i a rātou e mihimihi atu ana ki ngā tāngata ka taetae mai. He pārekareka ki ngā tamariki te whakatau i te hunga e kuhu ana ki tō rātou kōhanga reo. Ka ako ngā tamariki i ō rātou tuakiri me ō rātou tūrangawaewae.
Ka whanake ngā tamariki i ngā hononga whakaute ki ētahi atu. Nā te mōhiotanga o ngā kaimahi ki ia tamaiti, ki ia whānau hoki, ka poipoia e rātou te tuakiritanga o ngā tamariki ki te kōhanga reo. Ka whakatangata-whenua tonu rātou i ngā tamariki hou me ō rātou whānau hou. Ka whakatauira te kuia i te aroha me te manaaki ki ngā kaimahi me ngā tamariki. E tino arohaina ana, e tino manaakitia ana hoki ngā tamariki e ngā pakeke i te kōhanga reo. Ka akiaki ngā kaimahi, kia mahi ngā tuākana ki te taha tonu o ō rātou tēina. He pārekareka ki ngā tēina aua taunekeneke. Ka whakatairanga ngā kaimahi i ngā uara me ngā rautaki e tohu ana ki ngā tamariki me pēhea te manaaki i ētahi atu. E whakatinana ana ngā tamariki i te aroha, te manaaki, me te āwhina. He mauritau te āhua o ngā tamariki.
E noho matua ana te reo Māori ki te taiao ako o ngā tamariki. Ka poipoi ngā kaimahi i te ngākau titikaha o ngā tamariki ki te kōrero i te reo Māori, mā te whakanui i ō rātou pūkenga reo me tō rātou whakawhanaketanga reo. E ākina ana te whakangahau o ngā tamariki i roto i te reo Māori, mā ngā waiata, ngā rotarota, ngā hākinakina, me te pānui pukapuka. Ka āta kapo atu ngā kaimahi i ngā whai wāhitanga ki te whakawhānui i te māramatanga o ngā tamariki ki te reo Māori, ā, ki te whakawero anō hoki i ō rātou whakaaro. Ka ngākau nui ngā tamariki tuākana ki te whakapuaki i ō rātou whakaaro, ā, he mātātoa tā rātou rapu i ngā whakautu ki ngā pātai i whakapuakihia ai e ngā kaimahi. Ka kitea te māramatanga o ngā tamariki tēina ki te reo Māori, mā te āhua o ō rātou kanohi me tō rātou reo ā-tinana. He harikoakoa tā rātou whai wāhi atu ki ngā taumahi e whakatairanga ana i tā rātou ako i te reo. Kei te pai te whakawhanaketanga o ngā tamariki ki te kōrero i te reo Māori.
He pakari te tūhura haere o ngā tamariki i tō rātou taiao ako. Ka hāpai ngā kaimahi i ngā tamariki ki te mahi ngātahi. Kua whakatakotohia e rātou tētahi taiao whakaahuru, wāteatea hoki e hāpai ana i ngā tamariki ki te whakawhiti haere i ngā wāhi ki roto, ki waho hoki. Ka ngākau nui ngā tamariki ki te whiriwhiri i ngā taumahi me te whai i ō rātou ake ngākau nuitanga. Kei te tākare tā rātou tūhura haere i ngā wāhi o waho ki te kōhanga reo. Ka whakarato ngā kaimahi i ngā wheako kia kite, kia rongo hoki ngā tamariki i ngā manu me ngā kararehe o te rohe nei. He ngākau titikaha ō ngā tamariki hei ākonga.
E whakawhanake ana te whānau i tō rātou māia me tō rātou āheinga ki te whakahaere i te kōhanga reo. E ngākau nui ana rātou ki te kaupapa o te kōhanga reo. I haere ētahi o ngā mātua ki tēnei kōhanga reo i a rātou e nohinohi ana, ā, kei te tākare anō hoki ngā whānau hou ki te whakapuaki i ō rātou pūkenga hei hāpai anō hoki i te kōhanga reo. E whakatutukihia ana ngā mahi a te kaiwhakahaere e ngā kaimahi me te kaitiaki pūtea, mā te tautoko anō hoki o te tari ā-rohe o te Poari Matua o Ngā Kōhanga Reo. He pai te whakahaeretanga o ngā pūnaha me ngā tukanga e pā ana ki ngā pūtea. Tū ai ngā hui ā-whānau i ia te wā, ā, he pai anō hoki ngā tuhinga kōrero o aua hui. Kua arotakengia, kua whakahoungia hoki te tūtohinga. E whakatakoto ana Te Ara Tūāpae i te tirohanga me te aronga o te kōhanga reo mō te paetawhiti. E hāpai ana tētahi mahere ā-tau i te rere pai o ngā whakahaeretanga o ia rā. Kua whakatakotohia ngā rehita me ngā akoako e pā ana ki te hauora me te haumaru. E whakahaere ana te whānau i te kōhanga reo hei painga mō ā rātou tamariki.
Ka taea ngā mahere hōtaka me ngā whakaritenga aromatawai te whakapakari ake. Ahakoa ka tuhi ngā kaimahi i ngā mōhiohio e pā ana ki ngā akoranga a ia tamaiti ki tāna ake rātaka, kāhore anō rātou kia whakaaro me pēhea te āta whakamahi i aua mōhiohio ki te whakapai ake i te hōtaka akoranga, ā, ki te ārahi anō hoki i ā rātou pūrongo ki ngā whānau. Ko te āta aro ake ki ngā whakapaitanga ka hāpai i ngā kaimahi ki te āta panoni haere i ngā mahere me te whakapuakitanga o ngā wheako ako a ngā tamariki.
Ko tētahi aronga matua a te whānau, ko te whakapakari tonu i tō rātou māramatanga, tō rātou āheinga hoki ki te whakahaere i te kōhanga reo kia whai hua ai. Ka hāngai tēnei ki ō rātou wawata ki te whakapakari ake i te whai wāhi mai o te whānau me ngā mahere tauatanga o te kōhanga reo mō meāke nei. E noho ngākau nui ana te whānau ki te whakawhanake tonutanga o tō rātou kōhanga reo.
I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:
Ka aromātai anō Te Tari Arotake Mātauranga i Te Kōhanga Reo o Ruataniwha i roto i te toru o ngā tau.
Lynda Pura-Watson
Kaiurungi Whakaturuki Arotake Māori
18 Mahuru, 2018
|
Te tūwāhi |
Kei Wairoa |
|
|
Te tau a te Tāhuhu o te Mātauranga |
55198 |
|
|
Te tau tohu o Te Kōhanga Reo |
06C052 |
|
|
Te tūmomo raihana |
He kōhanga reo |
|
|
Kua raihanatia ki te ture |
Ngā Ture Mātauranga (Ratonga Kōhungahunga) 2008 |
|
|
Te tokomaha mō te raihana |
20, kia tokoono ki raro i te rua o ngā tau |
|
|
Te tokomaha kei te rārangi ingoa |
14, tokotoru kei raro i te rua o ngā tau |
|
|
Te ira tangata |
Kōtiro 7 Tama 7 |
|
|
Ngā hononga ā-iwi |
Māori |
100% |
|
Te wā i te kōhanga reo te rōpū arotake |
Here-turi-kōkā 2018 |
|
|
Te wā o tēnei pūrongo |
18 Mahuru, 2018 |
|
|
Ngā pūrongo o mua a Te Tari Arotake Mātauranga |
Arotake Mātauranga Arotake Tāpiri Arotake Mātauranga |
Poutū-te-rangi 2015 Whiringa-ā-nuku 2012 Poutū-te-rangi 2010 |
Ko Taraia te maunga
Ko Te Punawai a Tangaroa te awa
Ko Te Rua o Te Taniwha te pā tawhito
Ko Te Rangipaekura te tangata
Ko Iwikatere te hapū
Ko Ngāti Kahungunu te iwi
Te Kōhanga Reo o Ruataniwha is located at Ruataniwha Marae in Wairoa. Most children have close whakapapa connections to each other. At the time of this review, there were four generations of whānau who actively contribute to the kōhanga reo. The kuia and her whānau have supported the kōhanga reo for many years. The marae committee, kaimahi from the district office of Te Kōhanga Reo National Trust and the whānau are currently planning for the development of a new kōhanga reo.
Children are confident and enthusiastic learners as they participate in a range of learning experiences across the programme.
Children learn in an environment where their identity is nurtured. All kaimahi and most children have whakapapa connections to Ruataniwha Marae. Kaimahi support children to learn and share their pepeha with whānau. They also guide children through the kawa and tikanga to formally welcome visitors to the marae and at the kōhanga reo. Children are proud to participate in mihi whakatau and support kaimahi with waiata tautoko. They are welcoming and are often seen warmly greeting people who come to visit. Children enjoy welcoming others to their kōhanga reo. Children learn who they are and where they come from.
Children develop respectful relationships with others. Kaimahi use their knowledge of each child and whānau to foster children’s identity within the kōhanga reo. They welcome new children and their whānau as their own. The kuia models aroha and manaaki with kaimahi and children. Children are well loved and cared for by the adults in the kōhanga reo. Kaimahi encourage tuākana to work alongside their teina. The teina enjoy these interactions. Kaimahi promote values and strategies that show children how to care for others. Children show aroha, manaaki and āwhina. Children appear secure and settled.
Children learn in an environment where te reo Māori is a priority. Kaimahi nurture children’s confidence to speak Maori by affirming their language skills and development. Children are encouraged to have fun with te reo Māori with waiata, rotarota, hākinakina and pānui pukapuka. Kaimahi make the most of opportunities to extend children’s understanding of te reo Māori and challenge their thinking. Older children enjoy sharing their thoughts and actively seek answers to questions posed by kaimahi. Younger children show their understanding of te reo Maori through their facial expressions and body language. They happily participate activities that enhance their language learning. Children are developing well as speakers of te reo Maori.
Children confidently explore their learning environment. Kaimahi support children to work together in cooperative ways. They have created a warm and open environment that enables children to move freely between the indoor and outdoor areas. Children enjoy choosing activities and following their own interests. They enthusiastically explore their outdoor area of the kōhanga reo. Kaimahi provide experiences for children to see and hear birds and animals in the local area. Children are confident learners.
The whānau are developing their confidence and capability to manage the kōhanga reo. They are passionate about the kaupapa of kōhanga reo. Some parents are graduates of this kōhanga reo and new whānau are also keen to share their skills in support of the kōhanga reo. The kaiwhakahaere role is shared between kaimahi and the treasurer, with the support from the district office of Te Kōhanga Reo National Trust. Financial systems and processes are well managed. Whānau hui are held regularly and well recorded. The charter has been reviewed and updated. Te Ara Tūāpae provides the long-term vision and direction for the kōhanga reo. An annual plan supports smooth daily operations. Health and safety registers and drills are in place. The whānau manage the kōhanga reo in the best interests of their children.
Programme planning and assessment practices can be strengthened. Although kaimahi record information about children’s learning in individual diaries, they have not yet considered how best to use this information to improve the learning programme and guide their reporting to whānau. A stronger focus on improvement will support kaimahi to confidently adapt the planning and delivery of learning experiences for children.
A key priority for the whānau is to continue building their shared understanding and capability to effectively manage the kōhanga reo. This aligns to their aspirations to improve whānau engagement and succession planning for the future of the kōhanga reo. The whānau are committed to the ongoing development of their kōhanga reo.
During the evaluation, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
ERO and the Kōhanga Reo whānau developed the following recommendation:
the whānau continue to work alongside kaimahi from Te Kōhanga Reo National Trust to strengthen the focus on improvements in planning, assessment and evaluation practices.
The next ERO evaluation of Te Kōhanga Reo o Ruataniwha will be in three years.
Lynda Pura-Watson
Deputy Chief Review Officer Māori
18 September 2018
|
Location |
Wairoa |
||
|
Ministry of Education profile number |
55198 |
||
|
Kōhanga Reo Identification Number |
06C052 |
||
|
Licence type |
Te Kōhanga Reo |
||
|
Licensed under |
Education (Early Childhood Services) Regulations 2008 |
||
|
Number licensed for |
20 children, including up to 6 aged under 2 |
||
|
Kōhanga Reo roll |
14 children, including 3 aged under 2 |
||
|
Gender composition |
Girls 7 Boys 7 |
||
|
Ethnic composition |
Māori |
100% |
|
|
Review team on site |
August 2018 |
||
|
Date of this report |
18 September 2018 |
||
|
Most recent ERO report(s) |
Education Review Supplementary Review Education Review |
March 2015 October 2012 March 2010 |
|
Ko Taraia te maunga Ko Te Punawai a Tangaroa te awa Ko Te Rua o Te Taniwha te pā tawhito Ko Te Rangipaekura te tangata Ko Iwikatere te hapū Ko Ngāti Kahungunu te iwi
E tū ana Te Kōhanga Reo o Ruataniwha ki te marae o Ruataniwha, ki Wairoa. He raihana tā te kōhanga reo mō ngā tamariki rua tekau, ā, kia tokoono anō hoki o aua tamariki ki raro i te rua o ngā tau. He tino hononga ā-whakapapa tō te nuinga o ngā tamariki ki a rātou anō.
Ka whai wheako ngā tamariki i tētahi marautanga motuhake kei raro i te korowai o ngā mātāpono me ngā uaratanga Māori. He tino mārama te aronga ki ngā ariā o Te Korowai me Te Whāriki. Ko ngā tikanga tuku iho, te hītori, me te mātauranga o te hapori tētahi āhuatanga nui o te marautanga ki tēnei kōhanga reo. He pai ki te whānau ngā hua ka kitea e rātou mō ā rātou tamariki. Ka noho pūmau te whānau ki te kaupapa o te kōhanga reo.
Mai i te pūrongo a Te Tari Arotake Mātauranga i te Whiringa-ā-nuku o 2012, kua paku rerekē haere ngā tūnga kaimahi, ā, he pai te whakatau a te whānau i aua rerekētanga. Tāpiri atu i tēnā, he maha ngā whakapaitanga i whakatutukihia ai e te whānau ki te taiao ako o ngā tamariki. Ko ētahi o aua mahi, ko te hoko i ngā rauemi hou, te whakatakoto anō hoki i te kahupeka hou, me te whakatika haere i ngā rawa maha.
E whakawhanake ana ā tātou tamariki i ngā mōhiotanga e pā ana ki tō rātou tuakiri me ō rātou kāwai whakaheke.
Ka whakamanahia te tuakiri o ngā tamariki i ia rā. Ko te taki ia rā i ngā pepeha me ngā whakapapa o ngā tamariki, e hāpai ana i ngā tamariki ki te whakahonohono ki ō rātou whānau me ō rātou hapū, me te tāutu i ngā pou whenua e tohu ana i ngā hītori motuhake. He pārekareka ki ngā tamariki te whakapuaki aua mōhiotanga, ā, he wā mīharo hoki mō te whakahoahoa. Ka tū manawa whakahī ngā tamariki i a rātou e taki ana i ō rātou pepeha me ō rātou whakapapa.
E tū manawa whakahī ana ngā tamariki hei tangata whenua. Ka rongo ngā tamariki i ngā kōrero tuku iho e hāpai ana i a rātou ki te hono atu ki ō rātou tūpuna, me te whakamana anō hoki i tō rātou tū tangata. Kua whakahaumanu ake te whānau me ngā kaumātua i te maha o ngā kōrero tuku iho e tāutu ana i ngā rangatira, ngā tohunga me ngā whānau hoki o te rohe e whai pānga nui ana ki te whānau me te hapū. Kei te mōhio ngā tamariki ki ngā pūmanawa o aua tino tauira rangatira.
Ka tino puāwai te waiora me ngā hononga o ngā tamariki ki tētahi taiao e āta whakanui ana i ngā mātāpono o te whanaungatanga me te manaakitanga. E mōhio ana te nuinga o ngā tamariki me ngā kaimahi ki a rātou anō, ā, he hononga ā-whakapapa hoki ki waenga i a rātou. He whakaute, he whakakotahi anō hoki te āhua o ngā hononga ki waenga i ngā kaimahi, te whānau, me ngā tamariki. Ka whakatauira ngā tuākana i te aroha, te awhi, me te tautoko ki te taha o ngā tēina, ki waenga hoki i a rātou anō. Ka hāpaitia ngā tamariki e ngā kaimahi mā ngā huarahi atawhai e whakakoia ana i a rātou. He pai te tū tangata, te aronga toi whenuatanga hoki o ngā tamariki.
Ka whakatairangatia ngā taonga tuku iho, te tuakiri hoki o ngā tamariki i a rātou e whai wāhi atu ki ngā kaupapa i te marae. Ka whai wāhi atu ngā tamariki ki te pōwhiri, te whakatau, ngā tangihanga, me ngā kaupapa whakanui. He tino wāhi huihuinga tangata te marae e hāpai ana i te tuakiri o ngā tamariki me tō rātou mōhiotanga ki ngā tikanga Māori. He tau te mauri o ngā tamariki ki te marae.
Ka rumakina ngā tamariki ki te hōhonutanga o tētahi taiao reo Māori e hāpai ana i a rātou. Ka rongo ngā tamariki i te pai o ngā tauira reo, puta noa i te rā. He maha ngā tūmomo aronga e whakamahia ana e ngā kaimahi me te whānau, hei akiaki i te whakawhanaketanga reo o ngā tamariki, me tā rātou whakamahinga hoki. He tokomaha ngā mema o te whānau e haere ana ki ngā akoranga o te reo Māori. Ka tino kōkiri tēnei rautaki i te whanaketanga reo o ngā tamariki. He whai wāhitanga mā ngā tamariki pakari ake, māia hoki, ki te kawe i ētahi o ngā tūmomo taumahi, mahinga anō hoki. Ka whakamahi, ka kōrero hoki ētahi o aua tamariki i te reo Māori i ia te wā, i ngā wā ōkawa me ngā wā ōpaki. He tika te whanake haere o ngā tamariki i runga anō i ō rātou āheinga, ō rātou reanga whanaketanga anō hoki.
Taunekeneke ai ngā tamariki i ia te wā ki ō rātou kuia, ō rātou kaumātua, me ō rātou whānau ki ngā horopaki ōkawa, ōpaki hoki. Kite ai ngā tamariki i ia te wā i ngā kuia, ngā kaumātua, me te whānau e kawe ana i ngā tikanga. Ka whakapūmau aua wā i te tuakiri o ngā tamariki, ō rātou hononga ā-whakatupuranga, me tō rātou mōhiotanga ki te ao Māori. He tau ngā tamariki ki waenga i te whānuitanga o ngā tūmomo tāngata.
Ka atawhaitia ngā tamariki ki tētahi taiao ātaahua i āta whakaritea ai, ā, e whakaatu ana i te ao Māori. Ka kitea te tino whai wāhitanga atu o ngā tamariki i a rātou e whakatutuki ana i ō rātou ngākau nuitanga, me ā rātou tākaro. He whānui te āhua o ngā tūmomo rauemi e whakaratohia ana. Ka rere pai ai ngā mahinga me ngā whakawhitinga, ā, me te mārama hoki ki ngā tamariki. Nā te wāteatea o te taiao, he māmā mō ngā tamariki ki te whakawhiti haere ki roto, ki waho, ki ngā taumahi hoki. He mātātoa te tautoko o ngā kaimahi i ngā tamariki i a rātou e tūhura ana, e hīraurau hopanga ana hoki. Ka whiwhi ngā tamariki i ngā wheako akoranga e whakaongaonga ana i a rātou.
E tino tautokona ana ngā akoranga a ngā tamariki mā te pakari anō hoki o te ārahitanga, te whai huatanga o ngā tukanga whakahaere, me te āta whakapuakitanga o te tirohanga. He mārama ngā tukanga hei hāpai i te whānau ki te whakahaere i ngā tūmomo āhuatanga o te kōhanga reo. Ka whakawhiti kōrero, ka aroturuki, ka pūrongo hoki i aua āhuatanga i ia te wā. He mātātoa te whai wāhi atu a te whānau ki ngā tūmomo taumahi ki te kōhanga reo, ā, e noho pūmau ana hoki ki te kaupapa o te kōhanga reo. Nā te whakaraupapa o ngā wāhanga matua hei whakawhanake, he nui ngā whakapaitanga mō ngā tamariki. Ko ngā painga mō ngā tamariki, me tō rātou tuakiri ahurea, kei te pūtake o ngā whakaritenga a te whānau.
Kāhore te whānau e arohaehae ōkawa ana i te āhua o ngā mahi a ngā kaimahi. E mōhio ana rātou, e tika ana kia whakatinanahia ngā arohaehae kaimahi, hei whakapai ake hoki i ngā painga mō ngā tamariki.
Kāhore te ahunga whakamua a ngā tamariki i āta tuhia ai, ā, kāhore ā rātou wheako akoranga e aromātaihia ana i ia te wā. Ahakoa hui ai ngā kaimahi i ia te wā, he whāiti te aromātai o te hōtaka akoranga a ngā tamariki. Kāhore i roto i ngā mahi aromatawai ētahi tino kiko kōrero, pērā i ngā rā, ngā kōrerorero, me ngā mōhiohio hoki e pā ana ki ngā ngākau nuitanga me ngā pūmanawa o ia tamaiti.
I te wā o te arotake, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā:
Ka whiwhi ngā tamariki o Te Kōhanga Reo o Ruataniwha, ki Wairoa i te whānuitanga o ngā tūmomo wheako, whai wāhitanga anō hoki e whakakoia ana i tō rātou tuakiri ahurea, me tō rātou aronga toi whenuatanga hoki. Ka rumakina ngā tamariki ki te hōhonutanga o tētahi taiao tautoko o te reo Māori, ā, ki te ao Māori hoki. Tērā pea ka hoki mai anō Te Tari Arotake Mātauranga i roto i ngā tau e toru.
Ka arotake anō Te Tari Arotake Mātauranga i Te Kōhanga Reo o Te Kōhanga Reo o Ruataniwha i roto i te toru o ngā tau.
Lynda Pura-Watson
Kaiurungi Whakaturuki Arotake Māori
16 Poutū-te-rangi, 2015
Ko Taraia te maunga Ko Te Punawai a Tangaroa te awa Ko Te Rua o Te Taniwha te pā tawhito Ko Te Rangipaekura te tangata Ko Iwikatere te hapū Ko Ngāti Kahungunu te iwi
Te Kōhanga Reo o Ruataniwha is at Ruataniwha Marae, Wairoa. The kōhanga reo is licensed for twenty children including 6 under two year olds. Most children have close whakapapa connections to each other.
Children experience a unique curriculum which is underpinned by Māori principles and values. There is a clear focus on the concepts in Te Korowai and Te Whāriki. Local traditions, history and knowledge are an important part of the curriculum in this kōhanga reo. The whānau are positive about the outcomes for their children. There is an unwavering commitment by whānau to the kaupapa of kōhanga reo.
Since the October 2012 ERO report, there have been minor staffing changes which the whānau are managing well. Additionally, the whānau have made several improvements to the children’s learning environment. These have included purchasing new resources, laying new linoleum and carrying out numerous repairs.
Children are developing understanding about their ancestral connections.
Children’s identity is affirmed daily in uplifting ways. Daily recitation of children’s pepeha and whakapapa help link children to their whānau and hapū and identify geographical landmarks that are of historical importance. Children enjoy sharing this information which is a special time for socialising. Children stand with pride when they recite their pepeha and whakapapa.
Children stand proudly as tangata whenua. Children hear about traditional stories that help connect them to their ancestors and affirm who they are. Whānau and kaumātua have resurrected several stories that identify local chiefs, tohunga and whānau who had a significant impact on the whānau and hapū. Children are familiar with the attributes of these important role models.
Children’s wellbeing and relationships thrive in an environment where the principles of whanaungatanga and manaakitanga are evident. Most children and kaimahi are known to each other and are connected through whakapapa. Relationships among kaimahi, whānau and children are respectful and inclusive. Older children model aroha, awhi and tautoko when they are with the toddlers and each other. Children are supported by kaimahi in affirming and affectionate ways. Children have a positive sense of self and belonging.
Children are enriched in their cultural heritage and identity when involved in marae activities. Children participate in pōwhiri, whakatau, tangihanga and celebrations. The marae is a significant meeting place which is used to support children’s sense of identity and knowledge of tikanga Māori. Children are at ease on the marae.
Children are immersed in a rich, supportive te reo Māori environment. Children hear effective language models throughout the day. Various approaches are used by kaimahi and whānau to encourage children’s language development and use. Several whānau members attend te reo Māori classes. This strategy greatly benefits children’s language development. The more able and confident children have opportunities to lead different activities and routines. Some of these children regularly use and speak te reo Māori during formal and informal occasions. Children are developing in appropriate ways according to their abilities and developmental levels.
Children regularly interact with their kuia, kaumātua and whānau in formal and informal settings. Children often observe kuia, kaumātua and whānau in their traditional roles. These encounters help reinforce children’s identity, intergenerational connections and knowledge of te ao Māori. Children are comfortable among a range of people.
Children are welcomed into a well-planned, attractive environment which reflects te ao Māori. Children demonstrate high levels of engagement as they follow their interests and play. There are a wide range of resources provided. Routines and transitions flow smoothly and are understood by children. The open-plan environment allows children to move freely between the indoors and outdoors activities. Kaimahi actively support children as they explore and problem solve. Children receive stimulating learning experiences.
Children are well supported in their learning through strong leadership, effective management processes and a clearly articulated vision. There are clear processes to help whānau manage different aspects of the kōhanga reo operations. There is regular discussion, monitoring and reporting on these areas. Whānau take an active role in different activities at the kōhanga reo and are committed to the kaupapa of kōhanga reo. Prioritising key areas for development have resulted in major improvements for children. Children’s interests and cultural identity are central to whānau practice.
Whānau do not formally appraise the performance of kaimahi. They acknowledge that the implementation of kaimahi appraisals is vital for improving children’s outcomes.
Children’s progress is not clearly documented and their learning experiences are not regularly evaluated. Although kaimahi meet frequently there is limited evaluation of the children’s learning programme. Assessment practices lack important details including dates, annotations and information about each child’s interests and strengths.
During the review, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
ERO and the kōhanga reo whānau developed the following recommendation(s):
Children at Te Kōhanga Reo o Ruataniwha, Wairoa receive various experiences and opportunities that affirm their cultural identity and sense of belonging. Children are immersed in a rich supportive te reo Māori environment and also in te ao Māori. ERO is likely to return in three years.
The next ERO review of Te Kōhanga Reo o Ruataniwha will be in three years.
Lynda Pura-Watson
Deputy Chief Review Officer Māori
16 March 2015
|
Location |
Wairoa |
|
|
Ministry of Education profile number |
55198 |
|
|
Kōhanga Reo Identification Number |
06C052 |
|
|
Licence type |
Te Kōhanga Reo |
|
|
Licensed under |
Education (Early Childhood Services) Regulations 2008 |
|
|
Number licensed for |
20 children, including up to 6 aged under 2 |
|
|
Kōhanga Reo roll |
13 children, including up to 2 aged under 2 |
|
|
Gender composition |
Girls 8 Boys 5 |
|
|
Ethnic composition |
Māori 13 |
|
|
Review team on site |
January 2015 |
|
|
Date of this report |
16 March 2015 |
|
|
Most recent ERO report(s) |
Supplementary Review Education Review Supplementary Review |
October 2012 March 2010 November 2006 |