Te Kōhanga Reo o Tāwerawera Ki Te Kūao o Taupiri

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.

2 Te Horopaki

Ko Taupiri te maunga, ko Waikato te awa

He piko he taniwha, Waikato Taniwharau

Ko Tainui te waka, ko Waikato te iwi

Ko Ngāti Mahuta te hapū, ko Taupiri te marae

Ko Te Kūao o Taupiri te wharenui

Ko Te Kōhanga Reo o Tāwerawera ki te Kūao o Taupiri

E tū ana Te Kōhanga Reo o Tāwerawera ki te Kūao o Taupiri ki te marae o Taupiri, e pā tata atu ana i Rāhui Pōkeka. He tino hononga ō te kōhanga reo ki Te Kīngitanga. E arotahi ana te whānau ki te whakatairanga tonutanga me te noho pūmau ki te kaupapa o te kōhanga reo.

3 Te Aronga o te Aromātai

He pēhea rawa te whakaatu mai o ngā mokopuna i tō rātou māramatanga ki te whanaungatanga?

Ka kitea ki ngā mokopuna tō rātou ngākau titikaha hei ākonga, ki tētahi taiao e akiaki ana, e poipoi ana hoki i te whanaungatanga.

4 Ngā Whakaaturanga

E rumakina ana ngā mokopuna ki te whanaungatanga. Ka hāpai ngā kaimahi i ngā mokopuna ki te whai wāhi atu ki ngā wāhanga ōkawa o te hōtaka akoranga, pērā i ngā whakatau. Ka ārahi ngā kaumātua i aua wā, ā, ka whakatauira i te āhua o te whaikōrero. Ka whai wāhi mātātoa ngā mokopuna ki ngā mōteatea, te harirū, me te hongi, ā, ka ako i ngā tikanga me ngā kawa e whai pānga ana ki te kōhanga reo. Ka whakamahi ngā kaimahi i te whānuitanga o ngā tūmomo rautaki e hāpai ai i te whakawhanaketanga reo o ngā mokopuna. Ko ētahi o aua rautaki, ko te tāruarua, te tohutohu, me te whakatauira i te hanganga reo e tika ana. Ka whai wāhi nui te Pai Mārire ki te hōtaka akoranga. Ka ako ngā mokopuna i tō rātou takiwā, ā, ka whakapakari aua akoranga i tō rātou māramatanga ki ngā hononga ā-whakapapa, mā ngā waiata, ngā pao, me ngā mōteatea. He ngākau titikaha ō ngā tuākana ki te taki i ō rātou pepeha, mā ngā waiata e whai pānga nui ana ki a Tainui. E hāpaitia ana te ārahi a ngā pēpi i taua tukanga. E whiwhi ana ngā mokopuna i ngā hononga papai, me ngā wheako akoranga e whai pūtake ana.

Kua whakaongaongatia ngā mokopuna kia tūhura haere, kia whai aronga hoki i tō rātou taiao. Kei te mōhio rātou ki ō rātou wāhi ako, ā, he pārekareka ki a rātou te taiao i āta whakawhanakehia ai, ā, e mau ana hoki i te nui o ngā rauemi. He māmā noa ki a rātou te whakapā atu ki te whānuitanga o ngā tūmomo rauemi e whakaongaonga ai i tō rātou whakawhanaketanga me ō rātou ngākau nuitanga. Kua taunga ngā mokopuna ki ngā mahinga, ā, he pai tā rātou whakawhitiwhiti haere, puta noa i tō rātou taiao. Ka whakapuakihia e ngā kaimahi te aroha me te whakaute, i a rātou e mahi ana ki te taha o ngā mokopuna. Kei te tino mōhio rātou ki ngā mokopuna, ā, ka whakakoro ki te poipoi i ō rātou matea ake. I ngā wā katoa, ka whakamihi ngā kaimahi i ngā mokopuna mō ā rātou whakatutukitanga. Kei te harikoa, kei te mauritau, kei te ngana hoki ngā mokopuna hei ākonga.

Ko te whanaungatanga kei te pūtake o ngā mahi a ngā kaimahi, i a rātou e whakamahere ana i te hōtaka akoranga, e aroturuki ana i te ako a ngā mokopuna, ā, e aromātai ana i te kounga o te hōtaka akoranga. Kei ngā mahere ngā whakapuakitanga whakaaro a ngā mema o te whānau. Ka hono pū te mahere ako ki Te Whāriki a Te Kōhanga Reo, ā, e whakatakoto ana i ngā whāinga kua tuhia, ngā putanga ako, ngā akoranga o te reo hou, me te whānuitanga hoki o ngā taumahi e whakahihiri ai, e kapo atu ai hoki i te taha pākiki o ngā mokopuna. Ka whakamahi ngā kaimahi i te tangongitanga o ngā huarahi aromatawai. Ko ētahi o aua tūāhuatanga, ko ngā pūkete me ngā mātai tamaiti. Kua tino tautuhia te huarahi ako o ngā mokopuna, me tā rātou ahu whakamua. Ka arotahi te aromātai hōtaka ki te kounga o te hōtaka akoranga, ki ngā putanga o ngā mokopuna, me ngā whakawhanaketanga hei whakatutuki. Ka whakaaro huritao ngā kaimahi ki ā rātou whakaritenga, ā, ka whakawhanake ake i ngā wā e tika ana. Ka arotahi ngā tuhinga whakawhitinga kōrero ki ngā putanga ki ngā mokopuna, me ngā huarahi ka whāia e ngā kaimahi hei āta whakatau i te whiwhinga a ngā mokopuna i tētahi hōtaka akoranga i āta whakamaheretia ai. Ka whai hua ngā mokopuna nā te whakarite ngātahi i pou herea ai ki te whanaungatanga.

Ko ngā uara o te whanaungatanga e hāpai ana, e whai pānga ana hoki ki te āhua o ngā mahi whakahaere a te whānau i tō rātou kōhanga reo. E tautuhi ana te tūtohinga i ngā tukanga whakahaere a te kōhanga reo, ā, e whakatakoto ana i te aronga nahanaha me te huarahi mō te whānau. Kei te mahere rautaki te tirohanga me ngā wawata, ā, ka whakatakoto hoki i ngā kaupapa matua ki te whānau. Ka tautuhi te mahere mahi i ngā mahi me ngā tāngata e kawe ana i ngā haepapa, hei hāpai i te ahu whakamua. Ka whai mōhiohio, ka whai kiko hoki ngā meneti e pā ana ki ngā hui ā-whānau. Ka whai wāhi nui ngā mōhiohio ki te āhua o ngā whakataunga i ngā hui ā-whānau. Kei te ārahi te mahere ā-tau i ngā mahi whakahaere i te tari me te kōhanga reo. Ka taetae atu te whānau me ngā kaimahi ki ngā wānanga e poipoi ai i ngā hononga ki te hapori me ōna kaumātua. Ko ngā mokopuna kei te pūtake o ngā whakataunga a te whānau.

Ngā Whakaritenga Matua ka whai ake 

Me titiro wawe ki ngā take kaimahi. Kāhore anō kia whakatutukihia ngā mahi kia arowhaingia ngā kaimahi e ngā pirihimana, hei whakatutuki i ngā tikanga o te Children’s Act 2014. E ai ki taua ture, me whakarite te whānau kia arowhaingia e ngā pirihimana ngā kaimahi katoa e mahi ana ki te taha o ngā mokopuna. E mōhio ana te whānau, he kaupapa matua tēnei kia whakatutuki wawe.

I whakapuaki te whānau me ngā kaimahi i tā rātou takunetanga ki te whakatairanga tonu i ngā whakaritenga ngaio a ngā kaimahi, i ngā tūranga o te whānau me ā rātou kawenga, i ngā mahere tauatanga hoki. E tautoko ana Te Tari Arotake Mātauranga i tēnei o ngā whakaritenga matua hei mahi kia whai ake, nā te whai wāhi atu o taua aronga ki te whakatairanga ake i te akoranga me ngā painga e whai hua ana ki ngā mokopuna.

5 Te Whakatau a te Whānau o te Kōhanga Reo ki ngā Wāhanga Tautukunga

I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:

• te haumaru ā-whatumanawa, tae atu ki te ārahi mauritau me te ārai tamariki

• te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho

• te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti 

• ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.

Hei whakatutuki i ngā herenga ā-ture, me tahuri rātou ki te:

• āta whakatau kia arowhaingia te haumaru o ngā kaimahi katoa e whai wāhi atu ana ki ngā tamariki, hei tā te Children’s Act 2014.

[R47 Ture Mātauranga (Kōhungahunga) 2008; GMA7A Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]

6 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

• aroturuki tonu te whānau i ngā pūnaha, ngā tukanga me ngā whakaritenga, hei āta whakatau i ngā putanga e whai hua ai ki ngā mokopuna.

Darcy Te Hau
Toka ā Nuku
Te Uepū-a-Motu – Māori Services

23 Kohitātea, 2023

 

7 Ngā kōrero e pā ana ki te Kōhanga

Te tūwāhi	Kei Taupiri
Te tau a te Tāhuhu o te Mātauranga	30327
Te tau tohu o Te Kōhanga Reo	04A087
Te tūmomo whare	He kōhanga reo
Te raihana	Ngā Ture Mātauranga (Ratonga Kōhungahunga) 2008
Te tokomaha mō te raihana	25, kia tokoono ki raro i te rua o ngā tau
Te tokomaha kei runga i te rārangi ingoa	21 ngā tamariki
Ngā hononga ā-iwi	Māori 21
Te wā i te kōhanga reo te rōpū arotake	Whiringa-ā-nuku 2022
Te wā o tēnei pūrongo	23 Kohitātea, 2023
Ngā pūrongo o mua a Te Tari Arotake Mātauranga	Arotake Tāpiri, Paenga-whāwhā 2021; Arotake Mātauranga, Pipiri 2018; Arotake Mātauranga, Pipiri 2015

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO reports provide important information for hapū and iwi.

2 Context

Ko Taupiri te maunga , Ko Waikato te awa

He piko he taniwha, Waikato Taniwharau

Ko Tainui te waka, Ko Waikato te iwi

Ko Ngāti Mahuta te hapu, Ko Taupiri te marae

Ko Te Kuao o Taupiri te wharenui

Ko te Kōhanga Reo o Tāwerawera ki te Kuao o Taupiri

Te Kōhanga Reo o Tāwerawera Ki Te Kūao o Taupiri is situated within Te Marae o Taupiri, near Huntly. The kōhanga reo has close connections to Te Kīngitanga. The whānau is focused on continual improvement and commitment to the kōhanga reo kaupapa. 

3 Evaluation Focus

How well do mokopuna show their understanding of whanaungatanga?

Mokopuna demonstrate they are confident learners in an environment that fosters and nurtures whanaungatanga.

4 Findings

Mokopuna are immersed in whanaungatanga. Kaimahi support mokopuna to participate in formal parts of the learning programme such as whakatau. Kaumatua provide leadership during these times and role model whaikorero. Mokopuna actively participate in mōteatea, harirū and hongi and learn about tikanga and  kawa of the kōhanga reo. Kaimahi use a range of strategies to support mokopuna language development. These include repetition, instruction and modelling correct language structure. Paimarire is an important part of the learning programme. Mokopuna learn about their local area that strengthens their understanding of whakapapa connections through waiata, pao and moteatea. Tuakana recite their pepehā confidently through waiata relevant to Tainui. Pēpi are supported to lead this process. Mokopuna enjoy positive relationships and meaningful learning experiences. 

Mokopuna are stimulated to explore and make sense of their taiao. They know their learning spaces and enjoy the well-developed and resourced environment. They can easily access a wide range of resources to stimulate their development and interests. Mokopuna are familiar with routines and transition well throughout their environment. Kaimahi show aroha and respect when working with mokopuna. They know their mokopuna well and endeavour to cater for their specific needs. Kaimahi consistently praise mokopuna for their successes. Mokopuna appear happy, settled and engaged learners. 

Kaimahi work from a basis of whanaungatanga as they plan the learning programme, monitor mokopuna learning and evaluate the quality of the learning programme. Planning includes the ideas and contributions from whānau members. The mahere ako makes clear links to Te Whāriki a Te Kōhanga Reo and includes documented goals, learning outcomes, new language learning, and a range of activities to excite and capture the curiosity of mokopuna. Kaimahi use a variation of assessment methods. These include profiles and matai tamaiti. Mokopuna learning journeys and progress is clearly identified. Programme evaluation focuses on the quality of the learning programme, outcomes for mokopuna and improvements to be made. Kaimahi reflect on their practice and make improvements when appropriate. Documented discussions focus on outcomes for mokopuna and how kaimahi can ensure mokopuna receive a well-planned learning programme. Mokopuna benefit from collaborative practices underpinned by whanaungatanga.  

Values of whanaungatanga support and reflects how whānau manage their kōhanga reo operations. The Tūtohinga defines processes to manage kōhanga reo operations and sets out a planned approach and direction for whānau. The strategic includes the vision and aspirations and sets out the priorities for whanau. The action plan identifies actions and delegated individuals with responsibilities to support progress. Whānau hui minutes are informative and detailed. Decision making processes at whānau hui are well informed. The annual plan guides operational and administrative tasks. Whānau and kaimahi attend wananga that fosters connections with the community and local kaumātua. Mokopuna are at the centre of whānau decision making. 

Key Next Steps

Personnel matters require attention. Police vetting has not been followed in accordance with the Children’s Act 2014. The Act requires whānau to complete police vetting of all kaimahi working with mokopuna.  Whānau acknowledge this is a priority that requires urgent action.  

Whānau and kaimahi shared their intention to continue to enhance kaimahi professional practise, whānau roles and responsibilities and succession planning. ERO supports this key next step which will further enhance learning and positive outcomes for mokopuna.

5 Kōhanga Whānau Assurance on Legal Requirements

During the evaluation, ERO looked at systems for managing the following areas:

• emotional safety including positive guidance and child protection

• physical safety including supervision, sleep procedures, accidents, medication, excursion policy and procedures

• suitable staffing including appropriate qualifications, police vetting, ratios

• emergency procedures and practices for earthquakes, fire, flood, tsunami and pandemic.

Actions for Compliance

To meet compliance requirements they must: 

• ensure all children’s workers who have access to children are safety checked in accordance with the Children Act 2014. 
  [Regulation 47 Education (Early Childhood Services] Regulations 2008; GMA7A Licensing Criteria for Kōhanga Reo affiliated with Te Kōhanga Reo National Trust 2008]

6 Recommendation

ERO and the Kōhanga reo whānau developed the following recommendation:

• whānau continue to monitor systems, processes and practices to ensure positive outcomes for mokopuna. 

Darcy Te Hau
Toka-ā-Nuku – Director
Te Uepū ā-Motu – Māori Review Services

23 January 2023

7 Information about the Kōhanga Reo

Location	Taupiri
Ministry of Education profile number	30327
Kōhanga Reo Identification Number	04A087
Licence type	Te Kōhanga Reo
Licensed under	Education (Early Childhood Services) Regulations 2008
Number licensed for	25 children, including up to 6 aged under 2
Service roll	21 children
Ethnic composition	Māori 21
Review team on site	October 2022
Date of this report	23 January 2023
Most recent ERO report(s)	Supplementary Review; April 2021, Education Review; June 2018, Education Review; June 2015