Te Kōhanga Reo o Te Ara Hou

1 Te Horopaki

Ko Te Ara Hou tōku kōhanga reo
Ko Whitau te purapura
Ko Te Whanganui ā-Ōrotu te wāhi noho
Te Ara Hou ki te hoe!

E tū ana Te Kōhanga Reo o Te Ara Hou ki ngā papa o Te Kura Kaupapa Māori o Te Ara Hou ki Ahuriri.

Ahakoa he uaua ki te whānau te heke iho o te tatauranga tamariki ki te kōhanga reo, kei te aro tonu rātou ki ngā painga ka pā tonu ki te kōhanga reo hei te paetawhiti. Kua whakatakotohia e te whānau ngā tino tūmanako kia uru atu ngā tamariki o te kōhanga reo ki te kura ki te haere tonu i ā rātou mātauranga.

2 Ngā Whakaaturanga o te Aromātai

He pēhea rawa ngā tamariki e whakaatu i tō rātou tūmāia ki te whakamahi i te reo Māori?

Kei te piki haere te tūmāia me te āheinga o ngā tamariki ki te whakamahi i te reo Māori.

Ngā Taumata Whakahirahira

Ka rumakina ngā tamariki ki te reo Māori. Ka whakatauira te whānau i ngā kīanga me ngā rerenga kōrero e whai hua ana ki ngā tamariki. Kua waia rātou ki te āhua me te whakamahinga o te ōkawa me te ōpaki o te reo Māori i ngā pōwhiri me ngā mihi whakatau. Ka whakauru ngā pākeke i ngā tamariki ki ngā whakawhitinga kōrero hei akiaki i tā rātou patapatai me te whakawhiti kōrero ki waenga i a rātou anō. Ka whakapuaki rātou i ngā hanganga reo hou e hāngai ana ki te pāngarau, ngā tae, ngā mihimihi, me te kai. He rerekē te iti me te nui o te reo Māori e whakamahia ana e ia tamaiti, i ā rātou ngā tamariki e tākaro ana, e taunekeneke ana hoki ki ētahi atu.

He tau ki ngā tamariki, kua waia hoki rātou ki tā rātou hōtaka o ia rā. He muramura, he wāteatea hoki te taiao ako. Ka whakapuaki rātou i ā rātou mahi ki te taha o ngā kaimahi, ō rātou whānau, me ō rātou hoa. E āhei ana ngā tamariki ki te whiriwhiri me te kōkiri i ā rātou ake tākaro, mō ngā wā roa. Ka whakarato ngā kaimahi i te whānuitanga o ngā tūmomo wheako ka hāpai i te taha auaha o ngā tamariki. Ka whakarato rātou i ngā whai wāhitanga mō ngā tamariki ki te ako i ētahi atu ahurea. Mā tēnei, ka whakawhanakehia e ngā tamariki te māramatanga pai ki te mana āhua ake o ētahi atu. He ākonga mātātoa ngā tamariki.

E mōhio ana ngā tamariki ki a rātou anō, ki ētahi atu hoki ki tō rātou taiao. Ka ngākau nui rātou ki ngā taunekeneke me ngā hononga mauritau, whakaute hoki ki ō rātou hoa, ā, ki ngā pākeke hoki. Ka toro wawe atu ngā tamariki ki te tautoko me te āwhina o ngā pākeke. He mātātoa te whakaatu mai o ngā kaimahi i te ngākau nui me te aroha mō ā rātou mahi ki te taha o ngā tamariki. He harikoa ngā tamariki.

Te Whakamahere me te Aromātai

He pai te whakahaeretanga o te hōtaka akoranga. He matawhānui te whakamahere ngātahi a ngā kaimahi, hei whakatutuki i te whānuitanga o ngā tūmomo matea o ngā tamariki. Ka whiwhi ngā mātua i ngā mōhiohio e whai hua ana mō te ako a ā rātou tamariki. He whai wāhitanga mō rātou ki te whakapuaki whakaaro hei whakatinana i ngā whāinga ako mō ā rātou tamariki ki te taha o ngā kaimahi. E āta whakamaheretia ana, e āta whakatutukihia ana hoki te ako a ngā tamariki.

Ko ngā tamariki me te whānau te aronga o te kōhanga reo. Ka kitea te ngākau nuitanga me te whakapūmautanga o te whānau ki te kōhanga reo. Tae ai rātou ki ngā hui i ia te wā, ā, ka āta tuhi haere i ia te wā i ngā meneti.

Ngā Whakaritenga Matua ka Whai Ake

E mōhio ana te whānau, e tika ana kia whakahoungia tā rātou tūtohinga, tā rātou whakamahere i ngā rautaki, me ā rātou kaupapa here. Me whakapakari ake te pūrongo ōkawa.

3 Te Whakatau a te Whānau ki ngā Wāhanga Tautukunga

I te wā o te arotake, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

I tāutuhia e Te Tari Arotake Mātauranga ētahi wāhanga kāhore e tutuki ana e ai ki te ture. Kia tutukihia ai e te whānau āna herenga ā-ture, me tahuri rātou ki te:

• whakapūmau i te tuhi haere o ngā mauhanga tōtika e pā ana ki te katoa o ngā aituā, ngā māuiui, me ngā akoako hōneatanga ohorere
  [R 45 & 46 Ture Mātauranga (Kōhungahunga) 2008; (GMA7) Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
• whakarite i ngā pūnaha ka tāutu i ngā āhuatanga mōrearea, ā, me whakatutuki i ia te wā, me tuhi haere hoki i te arowhai o te taiao.
  [R 46 (1) (2) Ture Mātauranga (Kōhungahunga) 2008; (GMA7) Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]

4 Te Taunakitanga

I whakaae Te Tari Arotake Mātauranga me te whānau o te kōhanga reo ki te arotahi ki ngā whakaritenga matua i tāutuhia ai ki tēnei pūrongo hei whai ake.

Hei ā hea Te Tari Arotake Mātauranga arotake anō ai i te kōhanga reo?

Ka arotake anō Te Tari Arotake Mātauranga i Te Kōhanga Reo o Te Ara Hou i roto i te toru o ngā tau.

Lynda Pura-Watson

Kaiurungi Whakaturuki Arotake Māori

22 Haratua, 2017 

Ngā kōrero e pā ana ki te kōhanga reo 

1 Context

Ko Te Ara Hou tōku kōhanga reo
Ko Whitau te purapura
Ko Te Whanganui ā Ōrotu te wāhi noho
Te Ara Hou ki te hoe!

Te Kōhanga Reo o Te Ara Hou is on the grounds of Te Kura Kaupapa Māori o Te Ara Hou in Napier.

Although a decrease in the roll has been challenging for the whanau they are positive about the long term future of the kōhanga reo. The whānau has set clear expectations that children enrolled at the kōhanga reo will be enrolled at the kura to continue their journey in education.

2 The Evaluation Findings

How well do children show confidence to use te reo Māori?

Children use te reo Māori with increasing confidence and ability.

Ngā Taumata Whakahirahira

Children are immersed in te reo Maori. Whānau role model useful phrases and sentences for children. They are familiar with the formal and informal aspects and use of te reo Māori for pōwhiri and mihi whakatau. Adults engage children in conversations to encourage them to ask questions and to communicate with other children. They expose children to new language structures related to maths, colours, greetings and food. Children use te reo Māori to varying degrees in their play and interactions with others.

Children are comfortable and familiar with their daily programme. The learning environment is bright and spacious. They share their work with kaimahi, their whānau and their peers. Children are able to choose and initiate their own play for sustained periods of time. Kaimahi offer a range of experiences to support children’s creativity. They provide opportunities for children to learn about other cultures. Through this, children develop a positive understanding of difference in others. Children are active learners.

Children are aware of themselves and others in their environment. They enjoy positive and respectful interactions and relationships with their peers and adults. Children readily seek support and direction from adults. Kaimahi actively demonstrate a passion and love for the work they do with children. Children are happy.

Planning and Evaluation

The learning programme is well managed. Kaimahi collaboratively and comprehensively plan to meet the diverse needs of children. Parents receive useful information about their children’s learning. They have opportunities to contribute to learning goals for their children with kaimahi. Children’s learning is well planned and catered for.

Children and whānau are the focus of the kōhanga reo. Whānau demonstrate a willingness and commitment to the kōhanga reo. They attend meetings regularly and keep well documented minutes.

Key Next Steps

Whānau recognise the need to update their charter, strategic planning and policies. Formal reporting needs to be strengthened.

3 Whānau Management Assurance on Compliance Areas

During the review, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

ERO identified areas of non-compliance. In order for the kōhanga reo whānau to meet compliance requirements they need to:

• maintain accurate records of all accidents, illnesses and emergency evacuation drills
  [Regulation 45 & 46 Education (Early Childhood Services) Regulations 2008, (GMA7) Licensing Criteria for Kōhanga Reo affiliated with Te Kōhanga Reo National Trust 2008]

• ensure systems for the identification of hazards and regular environment checks are undertaken and recorded.
  [Regulation 46 (1) (2) Education (Early Childhood Services) Regulations 2008, (GMA7) Licensing Criteria for Kōhanga Reo affiliated with Te Kōhanga Reo National Trust 2008].

4 Recommendation

ERO and the Kōhanga Reo whānau agree to focus on the next steps identified in this report. 

When is ERO likely to review the kōhanga reo again?

The next ERO review of Te Kōhanga Reo o Te Ara Hou will be in three years.

Lynda Pura-Watson

Deputy Chief Review Officer Māori

22 May 2017 

Information about the Kōhanga Reo