Te Kōhanga Reo o Te Hau Kapua

1 Te Horopaki

E tū ana Te Kōhanga Reo o Te Hau Kapua ki ngā papa o te kura tuatahi o Bayswater, ki te takiwā tonu o Bayswater, ki Tāmaki-makau-rau. Kua roa nei te kōhanga reo e whai hononga atu ana ki Te Tauā Moana o Aotearoa. Ka whakawhitiwhiti haere te nuinga o ngā whānau. Kua tāoki te kaiako whai muri i te arotake o mua. Kāhore anō kia taea e te whānau tētahi atu kaiako whai tohu te whakatū.

2 Ngā Whakaaturanga o te Aromātai

He pēhea rawa te whakatinanatanga o ngā tamariki i te whanaungatanga?

He ngākau titikaha ō ngā tamariki ki te whakatinana i te whanaungatanga ki waenga i a rātou anō, ā, ki ētahi atu hoki.

Ngā Taumata Whakahirahira

Ka tūhonohono atu ngā tamariki ki ētahi atu mā te tangongitanga o ngā tūmomo horopaki. He maha ngā whai wāhitanga o te taiao e whakaratohia ana e te whānau kia tūhonohono ai ngā tamariki ki ētahi atu. Ka taunekeneke ngā tamariki ki a Ranginui rāua ko Papatūānuku, ā, ka ako hoki i a rāua. Ka whai rātou i ngā mahinga, ā, ka toro atu ki ngā tikanga Māori i ia rā. Ka kitea tō rātou whakaute, tō rātou manaakitanga hoki mō ētahi atu. Ko te mahi ngahau, te katakata, te waiata, me te kanikani hoki ki te taha o ētahi atu ngā tūmomo taumahi i ia te wā. Kei te harikoa ngā tamariki.

E ako ana ngā tamariki i ō rātou tuakiri me ō rātou tūrangawaewae. Ka whai wāhi atu rātou ki tētahi hōtaka e poipoi ana i tō rātou tuakiri. Ka āta whakarite ngā kaimahi i te whai wāhi atu a ngā tamariki ki ngā pōwhiri me ngā whakatau. Ka kite ngā tamariki i te whakatinanatanga o ngā tikanga me ngā kawa. Ka whai wāhi atu, ka ako hoki rātou i ō rātou tūranga me ā rātou kawenga mahi hei tangata whenua. Kei te mōhio hoki ngā tamariki ki ngā kawa me ngā tikanga o tō rātou kōhanga reo. Kei te mauritau ngā tamariki.

E whai wāhi nui ana ngā tamariki ki tētahi taiao e poipoi mārika ana i ngā hononga e whai pūtake ana. Ka whakatairanga ngā kaimahi i ngā uara o te aroha, te manaaki, me te āwhina. Ka kaha poipoi rātou i ngā tamariki e manaakitia ana e rātou. He whai wāhitanga mō ngā tamariki ki te ārahi i ngā tūmomo wāhanga o te hōtaka akoranga. Ka whakamihia ngā tamariki mō ā rātou whakamātau. He pakari ngā tamariki nohinohi ki te toro atu ki ngā ringa tautāwhi o te whānau. E poipoia ana te wairua aroha ki ngā awhi me ngā kihi. E tino manaakitia ana ngā tamariki.

E hāpaitia ana te ako a ngā tamariki i te reo Māori. E whakamahi ana ngā kaimahi i ngā rautaki e whakawhānui ana i te mōhiotanga o ngā tamariki ki te reo Māori, me tā rātou whakapuakitanga i te reo. Ka tūmāia ngā tamariki tuākana ki te taki i ngā karakia me ngā hīmene, ā, kei te harikoakoa tā rātou whai wāhi atu ki ngā wā waiata. Ka whakamahi ngā tamariki tēina i te reo ā-tinana hei tohu i tō rātou māramatanga ki te ao, ā, hei whakawhitiwhiti whakaaro hoki ki ētahi atu. E whanake ana ngā tamariki ki te kōrero i te reo Māori.

E ako ana ngā tamariki mā te nui o ngā rauemi ki te kōhanga reo. He maha ngā rauemi ako o ngā wāhi o roto e hāpai ana i ngā kaimahi ki te whakamahere i te whānuitanga o ngā tūmomo wheako ako mā ngā tamariki. E pērā ana hoki te tini o ngā rauemi i whakaratohia ai e te whānau ki ngā wāhi o waho, e akiaki ana, e whakaongaonga ana hoki i te tūhura haere a ngā tamariki, ā, e wero ana i ngā nekehanga o ō rātou tinana. Ka tūhura ngā tamariki i ngā tūāhua, ngā tae, ngā kakano, ngā nekehanga, te wai, me ngā tauira. He ngākau titikaha ō rātou ki te whakamātau i ngā āhuatanga hou. Kei te mātātoa ngā tamariki hei ākonga.

Te Whakamahere me te Aromātai

He pai ngā mahi a te whānau ki te whakahaere i te kōhanga reo. Hui ai rātou i ia te wā, ā, he pai te tae ā-tinana atu me te āhua o ngā tukanga i whakatakotohia ai hei arotake i ā rātou mahi whakahaere. Kei te mātātoa rātou ki te tautoko i ngā whakahaeretanga o ia rā. Kua whakahoungia te tūtohinga, ngā kaupapa here, me ngā tukanga. E ārahi ana, e hāpai ana hoki te mahere rautaki i te ahu whakamua a te kōhanga reo. E whakaatuhia ana te mahere ā-tau hei tirohanga mā te katoa, ā, e noho mōhio ana te whānau ki ngā whakahaeretanga matua me ngā wātaka mahi, puta noa i te maramataka. Kua whakatakotohia ngā whakaritenga papai e pā ana ki te whakahaeretanga o ngā pūtea me ngā kaimahi. E whai hua ana ngā tamariki nā te pai o ngā mahi whakahaere a te whānau.

Ngā Whakaritenga Matua ka Whai Ake

Ahakoa kua whakaritea ngā kaupapa here matua e pā ana ki te hauora me te haumaru, kāhore anō te whānau kia whakarite, kia whakatinana hoki i tētahi mahere mō te moe o ngā tamariki, hei aroturuki i te āhua o ō rātou wā moe. He mea nui kia pūmautia e te whānau ngā herenga ā-ture o te wā, kia aroturukitia te noho haumaru o ngā tamariki katoa.

Me arotake i ngā mahere, te aromatawai, me te aromātai. Kāhore ngā kaimahi e noho mārama ana ki ngā hononga ki waenga i aua āhuatanga. Kua tae ki te wā kia toro atu te whānau ki te tautoko e tika ana mō ngā kaimahi, kia whanakehia ai tō rātou māramatanga ki ngā huarahi e whakatairanga ake ai i te kounga o ngā akoranga a ngā tamariki mā te whai hononga tonu o ngā mahere, ngā aromatawai, me te aromātai.

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

I tāutuhia e Te Tari Arotake Mātauranga ngā wāhanga kāhore e tutuki ana e ai ki te ture. Kia tutuki i te whānau o te kōhanga reo ngā herenga ā-ture, me tahuri rātou ki te:

• whakarite i te tukanga mō te aroturuki i te moe a ngā tamariki.
  [R46 Ture Mātauranga (Kōhungahunga) 2008; HS9 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]

4 Ngā Taunakitanga

I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:

• whakatinanahia tētahi tukanga mō te aroturuki i te moe a ngā tamariki
• whakawhanakehia tō rātou māramatanga ki ngā hononga ki waenga i ngā mahere, ngā aromatawai, me te aromātai hōtaka.

5 Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Te Hau Kapua i roto i te toru o ngā tau.

Gloria Takuira

Acting Toka ā-nuku

23 Poutūterangi, 2020

Ngā kōrero e pā ana ki te kōhanga reo

1 Context

Te Kōhanga Reo o Te Hau Kapua is located on the grounds of Bayswater Primary School in Bayswater, Auckland. It has a long association with the Navy. Many whānau are transient. Since the previous review, the kaiako has retired. Whānau have not been able to acquire a trained kaiako.

2 The Evaluation Findings

How well do children display whanaungatanga?

Children confidently display whanaungatanga with each other and others.

Ngā Taumata Whakahirahira

Children connect with others across a wide variety of contexts. Whānau provide an environment with many opportunities for children to connect with others. Children interact with and learn about Rangi and Papa. They follow routines and experience tikanga Māori every day. They demonstrate respect and care for others. Having fun, laughing, singing and dancing in the company of others are regular activities. Children are happy.

Children are learning about who they are and where they come from. They participate in a programme that nurtures their identity. Kaimahi ensure children are involved in pōwhiri or whakatau. Children observe tikanga and kawa in action. They participate and learn about their roles and responsibilities as tangata whenua. Children also know the kawa and tikanga of their kōhanga reo. Children are settled.

Children experience an environment where relationships are meaningful. Kaimahi promote values of aroha, manaaki and āwhina. They have a positive nurturing approach to caring for children. Children have opportunities to lead different aspects of the learning programme. Children are praised for their efforts. Young children confidently reach out to whānau for comfort. Hugs and kisses reinforce a loving environment. Children are well cared for.

Children are supported to learn te reo Māori. Kaimahi use strategies to extend children’s knowledge and use of te reo Māori. Older children confidently recite karakia, himene and participate with delight during waiata. Younger children use body language to express their understanding of the world and as a way of communicating with others. Children are developing as speakers of te reo Māori.

Children are learning in a well-resourced kōhanga reo. The indoor spaces have many learning resources that enable kaimahi to plan a range of learning experiences for children. Outdoors, whānau similarly have provided a variety of resources that encourage and stimulate exploration and physical challenges for children. Children explore shapes, colours, textures, movement, water and patterns. They are confident to try new things. Children are active learners.

Planning and Evaluation

Whānau manage the operations of the kōhanga reo well. They meet regularly, have good attendance and good processes in place to review their operations. They actively support daily operations. The charter, policies and procedures have been updated. The strategic plan guides and supports the future direction of the kōhanga reo. A publicly displayed annual plan ensures whānau are aware of key operations and timeframes across the calendar. Good financial and personnel management practices are in place. Children benefit from good whānau whakahaere.

Key Next Steps

Planning, assessment and evaluation needs to be reviewed. Kaimahi are not clear about the relationship between each component. It is timely that whānau seek support for kaimahi to develop their understanding of how the quality of children’s learning is enhanced through the linked activities of planning, assessment and evaluation.

3 Whānau Management Assurance on Compliance Areas

During the evaluation, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

ERO identified areas of non-compliance. In order for the kōhanga reo whānau to meet compliance requirements they need to:

• ensure there is a procedure for monitoring children’s sleep.
  [R46 Education (Early Childhood Services) Regulations 2008; HS 9 Licensing criteria for Kōhanga Reo affiliated to Te Kōhanga Reo National Trust 2008]

4 Recommendation

ERO and the Kōhanga Reo whānau developed the following recommendations:

• develop their understanding of the relationship between planning, assessment and programme evaluation.

5 When is ERO likely to evaluate the kōhanga reo again?

The next ERO evaluation of Te Kōhanga Reo o Te Hau Kapua will be in three years.

Gloria Takuira

Acting Toka ā-nuku

Te Uepū ā-Motu - Māori Review Services

23 March 2020

Information about the Kōhanga Reo