Te Kōhanga Reo o Te Kiriwera Hana - 28/06/2019

1 Te Horopaki

E tū ana Te Kōhanga Reo o Te Kiriwera Hana ki te marae o Te Māpou, ki Te Teko. E whakahaerehia ana te kōhanga reo nō roto mai i ngā whare e rua i hangaia ai hei kōhanga reo. Ka whakanuia e ngā tamariki me te whānau te mana whenua o te marae o Te Māpou, ā, ko Ngāti Hāmua te hapū, ko Ngāti Awa te iwi. E noho matua ana te hāhi Ringatū ki ngā akoranga me ngā mahi whakahaere a te whānau.

2 Ngā Whakaaturanga o te Aromātai

He pēhea rawa ngā tamariki e whakaatu i te whanaungatanga?

He ngākau titikaha ō ngā tamariki, ā, kua whai hononga rātou ki tō rātou taiao ako ā-whānau.

Ngā Taumata Whakahirahira

E poipoia ana ngā tamariki ki te aroha i tō rātou wāhi ako. Ka whakatauira ngā kaimahi i ngā hononga papai ki ngā tamariki. Ka manaaki, ka tiaki hoki ngā tuākana i ngā tēina. E arahina ana ngā pēpi me ngā tēina e ō rātou tuākana i roto i ngā mahinga o ia rā me ngā tākaro. Kei te tino mōhio ngā kaimahi ki ngā tamariki, ā, ka aro nui ki ō rātou matea. Ka awhi, ka whakamihi hoki rātou i ngā tamariki. He tino pakari ngā hononga o ngā pēpi ki ngā kaimahi. Ka toro atu rātou ki ngā kaimahi, kia tautāwhitia, kia manaakitia. He whai wāhitanga mō ngā tamariki o ngā reanga katoa ki te kawe atu i ngā mahi ārahi. Ka kitea te tūmāia o ngā tamariki i a rātou e ārahi ana i ngā karakia, ngā waiata, me ngā mihimihi. Ka ngākau nui rātou ki te whakapuaki i ā rātou akoranga ki te taha o ētahi atu. Ka āta whakanuia, ka āta whakakoia hoki ngā whakapuakitanga a ngā tamariki.

Ka whakanuia, ka whakatairangatia hoki te tuakiri ahurea o ngā tamariki. Ka whakapūmau te whānau i ō rātou hononga ki te marae o Te Māpou. Tīmatahia ai ia wiki ki ngā karakia Ringatū i roto i te whare tīpuna. Ka whakatauira ngā kaimahi me te whānau i te whakapuakitanga ā-hinengaro nei i ngā karakia Ringatū, kia rongo ai, kia ako ai hoki ngā tamariki i aua whiti. E whai wāhi atu ana ngā tamariki ki ngā akoranga e hāpai ana i tō rātou tuakiri me tō rātou aronga toi whenuatanga anō hoki ki te marae o Te Māpou. Ka toro atu hoki te taiao ako o ngā tamariki ki tua atu i te marae. Ka ngākau nui rātou ki te korikori tinana ki te marae ātea. E tūhonohono ana ngā tamariki ki tō rātou marae, ki tō rātou hapū, ki tō rātou iwi.

Kua tau, kua ngākau titikaha hoki ngā tamariki ki te tūhura haere i tō rātou taiao. Ka whakamahere ngā kaimahi i ngā haerenga ki waho atu i te kōhanga reo hei whakawhānui ake i te mōhiotanga o ngā tamariki ki te ao whānui. Ka hono atu rātou ki tō rātou purapura, ā, ka toro atu hoki ki ētahi atu marae o te takiwā. Ka hāpai ngā kaimahi i ngā tamariki ki te ako ngātahi me te tākaro ngātahi. Ka tiakina te whakapā atu o ngā tamariki ki ngā wāhi ako katoa me ngā papa tākaro hoki o waho. Ko tā ngā kaimahi whāinga, he whakarato i ngā whai wāhitanga ako me ngā wheako ako e whakangahau ana i ngā tamariki. He whānui ngā tūmomo kēmu me ngā tūmomo rauemi mā ngā tamariki. Kei te tūmāia, kei te mauritau hoki ngā tamariki.

Te Whakaritenga Matua ka Whai Ake

Ahakoa e kitea ana te māramatanga o ngā tamariki ki te reo Māori, ka kōrero kē rātou i te reo Pākehā ki waenga i a rātou anō. E āta whakatauira ana, e āta whakamahi ana hoki ngā kaimahi me ngā pakeke i te reo Māori ki te kōhanga reo. Me rapu ngā kaimahi me te whānau i ngā huarahi auaha e akiaki ai i ngā tamariki ki te whakakaha ake i tā rātou kōrero i te reo Māori ki te kōhanga reo.

Te Whakamahere me te Aromātai

He pai te whakahaeretanga o te kōhanga reo. Kei te pakari ngā pūnaha kua whakatakotohia hei hāpai i ngā whakahaeretanga me ngā whakaritenga. Kei te mātātoa te tū o ngā mema o te whānau ki ō rātou tūranga, ā, ka whakapuaki ngātahi rātou i ō rātou mātauranga me ō rātou mōhiotanga e hāpai ana i te kōhanga reo. E āta arahina ana te whānau e tā rātou mahere rautaki. Ko te ako a te whānau me tō rātou whakawhanaketanga e haere tonu ana i ngā wā katoa. Ka kitea te tupu tonu o te whānau ki te whānuitanga o ngā tūmomo tohu mātauranga i whakatutukihia mā ngā kaupapa whakangungu a te Poari Matua o Ngā Kōhanga Reo, whai muri i te arotake o mua a Te Tari Arotake Mātauranga. Tū ai ngā hui ā-whānau i ia te wā, ā, he pai te taetae atu a te tokomaha. Ka whai wāhi atu te whānau ki ngā whakataunga, ā, ka āta tūhonohono atu hoki ki ngā akoranga a ā rātou tamariki me tō rātou atawhai.

He maha ngā huarahi aromatawai e whāia ana, ā, nā ērā e puta mai ai ngā mōhiohio papai mā ngā mātua mō ngā wheako ako a ā rātou tamariki ki te kōhanga reo. Ka whakaatuhia ngā mahi toi me ngā mahi auaha a ngā tamariki ki ā rātou pūkete. Ka whakarato ngā kaimahi i ngā pūrongo ki ngā mātua mā te huarahi aromatawai o Mātai i te Mokopuna. Ka aro nui ngā mahi aromatawai ki te ako a ngā tamariki me ō rātou whakawhanaketanga. Kua āta whakaritea anō hoki te aromātai hōtaka, ā, ka whakamōhio i ngā kaimahi ki ngā āhuatanga hei whakapai ake, hei whakarerekē rānei i roto i ā rātou whakaritenga, i ngā hōtaka akoranga, ā, i ngā ratonga anō hoki mā ngā tamariki.

Ngā Whakaritenga Matua ka Whai Ake

He whānui rawa ngā mahere hōtaka, ā, kāhore i te rawaka te kiko o roto e tohu ai me pēhea te whakatutuki i ngā ngākau nuitanga me ngā matea o ngā tūmomo rōpū tamariki. E mōhio ana ngā kaimahi, mā te whakarahi ake i te kiko o ngā mahere ka mārama ake anō hoki te huarahi hei whai atu ki te tautoko i ngā matea tonu o ngā tamariki.

Ka taea e te whānau te whakapakari ake te āhua o ā rātou mahi ki te tuhi haere i ō rātou whakaaro huritao me tā rātou arotake, hei whakaatu i ngā whakarerekētanga i whakatutuki ai i roto i te roanga o te wā, me te whai pānga o aua tūāhuatanga ki te tupu o tō rātou kōhanga reo. Ko ngā wāhanga o ngā tuhinga hei whakaarotanga kia pakari ake ai, ko ngā whakataunga me ngā whakawhitinga kōrero ki ngā hui ā-whānau mō te arotake tonutanga o ngā kaupapa here, me tā rātou ahu whakamua anō hoki ki te whakatutuki i tā rātou mahere rautaki.

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

  • te haumaru whatumanawa (tāpiri atu ko te ārahi mauritau, ko te ārai tamariki)
  • te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
  • te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
  • ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

4 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

  • mahi te whānau ki te taha o tō rātou purapura me te Poari Matua o Ngā Kōhanga Reo, ki te whakatairanga i ngā mahi e whakamahere ana i te hōtaka, ā, ki te whakapakari anō hoki i te āhua o ā rātou mahi ki te tuhi haere i tā rātou aromātai o roto.

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Te Kiriwera Hana i roto i te toru o ngā tau.

Charles Rolleston

Toka ā-nuku

28 Pipiri, 2019

Ngā kōrero e pā ana ki te kōhanga reo

Te tūwāhi

Kei Te Teko

Te tau a te Tāhuhu o te Mātauranga

40178

Te tau tohu o Te Kōhanga Reo

12E001

Te tūmomo raihana

He kōhanga reo

Kua raihanatia ki te ture

Ngā Ture Mātauranga (Ratonga Kōhungahunga) 2008

Te tokomaha mō te raihana

50 ngā tamariki, kia 20 ki raro i te rua o ngā tau

Te tokomaha kei te rārangi ingoa

34 ngā tamariki, 14 kei raro i te rua o ngā tau

Te ira tangata

Kōtiro 22

Tama 12

Ngā hononga ā-iwi

Māori

100%

Te wā i te kōhanga reo te rōpū arotake

Pipiri 2019

Te wā o tēnei pūrongo

28 Pipiri, 2019

Ngā pūrongo o mua a Te Tari Arotake Mātauranga

Arotake Mātauranga

Arotake Mātauranga

Arotake Tāpiri

Haratua 2016

Haratua 2013

Hui-tanguru 2010

1 Context

Te Kōhanga Reo o Te Kiriwera Hana is based at Te Māpou marae in Te Teko. The kōhanga reo operates out of two purpose-built whare. Children and whānau acknowledge the mana whenua of Te Māpou marae, Ngāti Hāmua as the hapū and Ngāti Awa as the iwi. The Hāhi Ringatū is integral to learning and whānau whakahaere.

2 The Evaluation Findings

How well do children show whanaungatanga?

Children are confident and connected in their whānau learning environment.

Ngā Taumata Whakahirahira

Children are nurtured in a loving environment. Kaimahi model positive relationships for children. Tuākana care and look out for tēina. Babies and tēina are guided in the daily routines and play by their tuākana. Kaimahi know children well and are responsive to their needs. They hug and praise children. Babies have close bonds with kaimahi. They look to kaimahi for reassurance and care. There are opportunities for children of all ages to take the lead. Children show confidence when they lead karakia, waiata and mihimihi. They enjoy sharing their learning with others. Children’s contribution is warmly celebrated and affirmed.

Children’s cultural identity is celebrated and enhanced. The whānau maintain their connections with Te Māpou marae. They begin each week in the tipuna whare with Ringatū karakia. Kaimahi and whānau model the delivery of the Ringatū karakia from memory so that children hear and learn these verses. Children are involved in learning that contributes to their identity and belonging to Te Māpou marae. Children’s learning environment extends to the marae. They enjoy korikori tinana on the marae ātea. Children’s connections extend to their marae, hapū and iwi.

Children explore their environment with familiarity and confidence. Kaimahi plan trips outside the kōhanga reo to extend children’s knowledge of the wider world. They connect with their local purapura and visit the local marae. Kaimahi support children to learn and play alongside each other. Children have supervised access to all learning spaces and outside playgrounds. Kaimahi aim to provide learning opportunities and experiences that are fun for children. There are a range of games and resources for children to enjoy. Children are confident and settled.

Key Next Steps

While children show an understanding of te reo Māori, they speak English with each other. Kaimahi and adults provide good modelling and use of te reo Māori in the kōhanga reo. Kaimahi and whānau should look for creative ways to encourage children to speak te reo Māori more at kōhanga reo.

Planning and Evaluation

The kōhanga reo is well managed. There are robust systems in place that support kōhanga reo operations and management. Whānau members are active in their roles and collectively contribute their expertise and knowledge to support the kōhanga reo. The whānau are well guided by their strategic plan. Whānau learning and development is ongoing. Success with whānau growth is evident in the range of qualifications completed through Te Kohanga Reo National Trust training since the previous ERO review. Whānau hui are held regularly and well attended. The whānau are involved in decision making and actively connected with their children’s learning and care.

Assessment is gathered in a variety of ways that provide useful information to parents about their children’s learning experiences at kōhanga reo. Children’s artwork and creations are displayed in their profile books. Kaimahi provide reports to parents using the Mātai i te Mokopuna assessment method. Assessment practices highlight children’s learning and development. Programme evaluation is also well established and informs kaimahi about where they can make improvements and changes to their practice, the learning programmes and other provisions for children.

Key Next Steps

Programme planning is very broad and does not have sufficient detail to show how the interests and needs of groups of children will be met. Kaimahi acknowledge that more detail in planning will give clearer direction about how children’s specific needs can be supported.

The whānau can strengthen how they document their own reflections and reviews to show the changes made over time that have contributed to the growth of their kōhanga reo. Areas of documentation to consider strengthening include decisions and discussions at whānau hui about ongoing policy review and their progress towards their strategic plan.

3 Whānau Management Assurance on Compliance Areas

During the evaluation, ERO looked at the kōhanga reo systems for managing the following areas that have a potentially high impact on children's wellbeing:

  • emotional safety (including positive guidance and child protection)
  • physical safety (including supervision; sleep procedures; accidents; medication; hygiene; excursion policies and procedures)
  • suitable staffing (including qualification levels; police vetting; teacher registration; ratios)
  • evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

4 Recommendation

ERO and the Kōhanga Reo whānau developed the following recommendation:

  • that the whānau work with their purapura and the Te Kohanga Reo National Trust to enhance programme planning practices, and strengthen how they document their internal evaluation.

When is ERO likely to evaluation the kōhanga reo again?

The next ERO evaluation of Te Kōhanga Reo o Te Kiriwera Hana will be in three years.

Charles Rolleston

Toka ā-nuku

28 June 2019

Information about the Kōhanga Reo

Location

Te Teko

Ministry of Education profile number

40178

Kōhanga Reo Identification Number

12E001

Licence type

Te Kōhanga Reo

Licensed under

Education (Early Childhood Services) Regulations 2008

Number licensed for

50 children, including up to 20 aged under 2

Kōhanga Reo roll

34 children, including 14 aged under 2

Gender composition

Girls 22

Boys 12

Ethnic composition

Māori

100%

Review team on site

June 2019

Date of this report

28 June 2019

Most recent ERO report(s)

Education Review

Education Review

Supplementary Review

May 2016

May 2013

February 2010