Te Kōhanga Reo o Te Kohao o Te Ngira - 31/08/2015

1 Te Horopaki

E tū ana Te Kōhanga Reo o Te Kōhao o Te Ngira ki Kirikiriroa, ā, he wāhanga hoki o tētahi wāhi e tū ai te marae o Kirikiriroa, me ngā ratonga e pā ana ki te hauora, te pāpori, me te taha ahurea. Ko ngā tikanga me ngā whakapono tuku iho o Te Kīngitanga e pou here ana i ngā akoranga katoa a ngā tamariki ki te kōhanga reo.

Ka rumakina ngā tamariki ki te tūturutanga me te hōhonutanga o ngā horopaki o Te Kīngitanga i a rātou e ako ana i te reo Māori me ōna tikanga.

2 Ngā Whakaaturanga o te Arotake

He pēhea rawa te whakaatu a ngā tamariki i te kaha o tō rātou tuakiri?

Ka tūmāia ngā tamariki, ā, he tau rātou ki te kōhanga reo me ōna taiao katoa.

Ngā Taumata Whakahirahira

He harikoa, he pai hoki ngā tamariki i a rātou e taunekeneke ana ki ētahi atu. Ka whakatauiratia ngā kaiako i te āhua o te whakaute me te tiaki mō ngā tamariki, mō te te whānau, mō rātou anō hoki. Ka ako ngā tamariki ki te whakawhanaunga ki o rātou hoa ā tōnā wā, i a rātou e tuari haere, e kori ana hoki. Ka whai wā ngā tamariki, ā, ka ākina hoki ki te whakahoahoa ki ō rātou hoa. He pai, he manaakitanga hoki tō ngā taunekeneke ki waenga i ngā kaimahi me ngā pēpi. Ka whai wā, ka whai wāhi hoki ngā pēpi ki te whakarongo, ki te aro atu ki ngā tohutohu a ngā kaimahi. Ka rumakina ngā tamariki ki tētahi taiao ako mārie.

Kei te whanake haere te māia o ngā tamariki ki te whakamahi i te reo Māori. Ka whakamahi ngā kaimahi i te whānuitanga o ngā tūmomo rautaki hei whakakaha ake i ō rātou pūkenga whakawhiti kōrero. Ka whakamahi ngā tamariki i ngā kupu me ngā rerenga kōrero māmā i a rātou e kōreroreo ana ki ngā kaimahi. Ka whakarong ngā tamariki ki te reo Māori, ā, e āhei ana ki te whai atu i ng1a tohutohu māmā. He pārekareka ki ngā tamariki te whakarongo ki te reo Māori e kōrerohia ana e ō rātou kuia ki a rātou. Kei te piki haere te āheinga o ngā tamariki ki te reo Māori.

Ka wheako ngā tamariki i ngā akoranga e whai whakaaro nui ana ki ngā tikanga me ngā kawa o Tainui. Ka ako rātou i ngā karakia me ngā mōteatea o Tainui. Ko te ‘karanga mō te kai’ tētahi kawa kua āta taungia ki te kōhanga reo. Haere ai ngā tamariki ki ngā pōwhiri ki te marae, ā, ka mātakitaki hoki rātou i ngā tikanga me ngā kawa i tētahi horopaki tūturu tonu. E mōhio ana ngā tamariki ki te hanganga me ngā wāhanga o te whare tupuna, ā, he kaha tā rātou tāutu i aua wāhi. Kei te mārama ki a rātou tō rātou whai wāhi nui ki tō rātou whānau me tō rātou hapori e whakamanahia ana ngā tikanga Māori hei āhuatanga nui tonu o tō rātou taiao.

Ka ako ngā tamariki ki tētahi taiao o te whanaungatanga, ā, ka poipoi tēnei i te whai pūtaketanga o ngā hononga. Ka whakahaerehia ngā whanonga o ngā tamariki mā ngā rautaki papai e hāpai ana i a rātou. Ka manaaki, ka whakaaro nui hoki ngā kaimahi mō ngā tamariki. Ka whakamahi rātou i te whānuitanga o ngā tūmomo rautaki hei hāpai i ngā tamariki. I ngā wā katoa ka whakamihia ngā tamariki, ā, ka whakanuia hoki ā rātou whakatutukitanga.

E whanake ana te māia o ngā tamariki hei ākonga. Ka whai wāhi rātou ki te whānuitanga o ngā tūmomo taumahi ako whakahihiri. E āhei ana rātou ki te whiriwhiri ki te mahi takitahi, ki te mahi takirōpū iti, takirōpū nui rānei. Ka whakamahia ngā rauemi hei whakatairanga ake i te mahi ngātahi, me te tūhura, ā, hei whakawhānui anō hoki i ngā whakaaro. E arotahi ana ngā tamariki, ā, ka whai wāhi nui ki ngā taumahi e ngākau nuitia ana e rātou.

Kua waia ngā tamariki ki ngā mahinga o ia rā. He pai te whakahaeretanga o ngā whakawhitinga i roto i te hōtaka. Ka whakapai haere ngā tamariki whai muri i ā rātou tūmomo mahi, ā, ka whai kawenga hoki rātou mō ā rātou rauemi, mō tō rātou taiao hoki. He harikoa ngā tamariki, ā, he pārekareka ki a rātou te taetae atu ki tō rātou kōhanga reo.

Te Whakamahere me te Aromātai

Ka āta kitea te tautoko o te whānau i a rātou anō, i ā rātou tamariki hoki. E ai ki te whānau, ka āta whakataungia rātou ki te kōhanga reo. Ka āta whakanui, ka āta whakatinana hoki te whānau i ngā mātāpono matua o te kotahitanga me te manaakitanga. Ka whakatauirahia aua uaratanga e te whānau me ngā kaimahi i ngā wā katoa. Ka hāpaitia, ka ākina hoki te whanaketanga a te whānau i tō rātou āheinga ki te kōrero i te reo Māori. Ka whakawhanake rātou i te tino hononga ki te whānau o te kōhanga reo.

Ka tautokona hoki te whānau kia kawe ai rātou i ngā tūranga ki te kōhanga reo. Ka whai wāhi atu rātou ki ngā mahi tari, ā, ka mahi hoki rātou hei kaimahi. Kei te whakatutuki rātou i te kawenga ki te whakawhanake i te reo Māori, mā te whai wāhi atu ki tētahi hōtaka whakawhanake reo e whakamātauhia ana e Te Poari Matua o Ngā Kōhanga Reo.

He tūtohinga mārama tā te whānau e whakaraupapa ana i tā rātou tirohanga me te aronga whakamua. He matawhānui ngā kaupapa here me ngā tukanga. Ka whakatutukihia ngā rehita e pā ana ki te hauora me te haumaru, ā, ka hāngai hoki ēnei ki te rā.

He matawhānui te whakamahere hōtaka, ā, ka whai kiko hoki. Ka whai hua ngā tamariki nā te whānuitanga o ngā tūmomo taumahi e whakahihiritia ana, e whakaongaongatia ana. He pārekareka ki ngā tamariki te ako.

Ngā Whakaritenga Matua ka Whai Ake

Me whakawhanake te whānau i tētahi mahere rautaki, mahere ā-tau hoki e āta whakatakotohia ana ngā mahi matua me ngā kaupapa matua. I tēnei wā, kāhore te mahere rautaki me te mahere ā-tau e āta ārahi ana i te whānau i roto i ngā mahi me ngā kaupapa e tika ana.

Me whakarite te whānau i te whakahaere auau o te aromatawai, te aromātai, me te pūrongo i te hōtaka akoranga. Kāhore ngā hui ā-kaimahi e hāngai mārika ana ki ngā whakawhitinga kōrero ngaio e pā ana ki te ako a ngā tamariki me ngā huarahi ki te aroturuki me te whakatairanga i ngā akoranga a ngā tamariki.

Me whakapai ake ngā whakaritenga e pā ana ki te whakahaeretanga a ngā kaimahi. Kāhore ngā tuhinga tūranga mahi me ngā kirimana e hāngai ana ki te rā. Me whakarite te whānau i te whakahaere auau o ngā arohaehae mō ngā kaimahi katoa.

3 Te Whakataunga a te Kōhanga Reo ki ngā Wāhanga Tautukunga

I te wā o te arotake, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

  • te haumaru whatumanawa (tāpiri atu ko te ārahi mauritau, ko te ārai tamariki)
  • te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
  • te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
  • ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

Te Whakarāpopototanga

E tū ana Te Kōhanga Reo o Te Kōhao o Te Ngira ki Kirikiriroa. Kei tētahi o ngā whare o te marae o Kirikiriroa te kōhanga reo e tū ana, e pā tata atu ana ki Te Whare Wānanga o Waikato. Ka tūmāia ngā tamariki, ā, he tau hoki rātou ki te kōhanga reo me tōna taiao whānui. Kua whakapūmau i ngā mātāpono me ngā tikanga o Te Kīngitanga ki te kōhanga reo. Ka arohaina, ka tiakina, ka whakautehia te mana āhua ake o tēnā me tēnā o ngā tamariki.

Hei ā hea Te Tari Arotake Mātauranga arotake anō ai i te kōhanga reo?

Ka arotake anō Te Tari Arotake Mātauranga i Te Kōhanga Reo o Te Kōhao o Te Ngira i roto i te toru o ngā tau.

Lynda Pura-Watson

Kaiurungi Whakaturuki Arotake Māori

31 Here-turi-kōkā, 2015

Ngā kōrero e pā ana ki te kōhanga reo

Te tūwāhi

Kei Kirikiriroa

Te tau a te Tāhuhu o te Mātauranga

35057

Te tau tohu o Te Kōhanga Reo

04C055

Te tūmomo whare

He kōhanga reo

Te raihana

Ngā Ture Mātauranga (Ratonga Kōhungahunga) 2008

Te tokomaha mō te raihana

35, kia tokorua ki raro i te rua o ngā tau

Te tokomaha kei runga i te rārangi ingoa

18, tokorua kei raro i te rua o ngā tau

Te ira tangata

Kōtiro 9

Tama tāne 9

Ngā hononga ā-iwi

Māori

100%

Te wā i te kōhanga reo te rōpū arotake

24 – 25 Pipiri 2015

Te wā o tēnei pūrongo

31 Here-turi-kōkā 2015

Ngā pūrongo o mua a Te Tari Arotake Mātauranga

Arotake Mātauranga

Arotake Tāpiri

Arotake Mātauranga

Pipiri 2012

Whiringa-ā-nuku 2008

Pipiri 2007

1 Context

Te Kōhanga Reo Te Kōhao o Te Ngira is situated in Hamilton and is part of a larger community complex that includes Kirikiriroa Marae, health, social and cultural services. The Kīngitanga heritage and beliefs underpin all learning for children at the kōhanga reo.

Children are immersed in relevant, rich and real Kīngitanga contexts for learning te reo Māori me ōnā tīkanga.

2 The Review Findings

How well do children show they have a strong sense of identity?

Children are confident and content in the kōhanga reo and surrounding environments.

Ngā Taumata Whakahirahira

Children are happy and positive in their interactions with others. Kaiako model respect and care for children, whānau and each other. Children learn to socialise with their peers over time through sharing and play. Interactions between kaimahi and babies are positive and caring. Babies have time and space to listen and respond to kaimahi instructions. Children are immersed in a calm learning environment.

Children are developing confidence in using te reo Māori. Kaimahi use a range of strategies to build children's communications skills. Children use words and simple sentence structures in their conversations with kaimahi. Children listen to te reo Māori and are able to follow simple instructions. Children enjoy listening to te reo Maori being spoken to them especially by their kuia. Children’s ability to understand te reo Māori is growing.

Children experience learning where Tainui tikanga and kawa are prioritised. They learn karakia and mōteatea specific to Tainui. ‘Karanga mō te kai’ is a kawa that is carried out naturally within the kōhanga reo. Children attend pōwhiri at the marae complex where they observe tikanga and kawa in an authentic context. Children know and are able to clearly identify the structure and parts of the whare tūpuna. They understand their place in their whānau and community where Māori practices are valued and a natural part of their environment.

Children learn in an environment where whanaungatanga fosters meaningful relationships. Children’s behaviours are managed in positive and supportive ways. Kaimahi are caring and considerate with children. They use a range of strategies to support children. Children constantly receive praise and their achievements are acknowledged.

Children are developing confidence as learners. They participate in a range of interesting learning activities. They can choose to work as individuals or in small and or larger groups. Resources are used to promote working together, exploration and extending thinking. Children are focused and engaged in activities that interest them.

Children are familiar with daily routines. Transitions in the programme are managed well. Children clean up after themselves and take responsibility for their resources and surroundings. Children are happy and enjoy attending their kōhanga reo.

Planning and Evaluation

Whānau support for each other and their children is evident. Whānau report that they feel welcome at the kōhanga reo. Kōtahitanga and manaakitanga are key principles that the whānau value and practice. These values are role modelled by the whānau and kaimahi at all times. Whānau are supported and encouraged to develop te reo Māori capability. They develop a strong sense of belonging to the kōhanga reo whānau.

Whānau are also supported to take on roles within the kōhanga reo. They participate in administrative and kaimahi duties. They take responsibility for te reo Māori development as participants in a trial language development programme being run by the Kōhanga Reo National Trust.

The whānau have a clear charter that outlines their vision and future direction. Policies and procedures are comprehensive. Health and safety registers and records are well kept and up to date.

Programme planning is comprehensive and detailed. Children benefit from a range of activities that are exciting and stimulating. Children enjoy learning.

Key Next Steps

Whānau need to develop a strategic and annual plan with clear priority tasks and activities. The current strategic and annual plans do not give the whānau sufficient guidance regarding tasks and actions required.

Whānau need to ensure that regular assessment, evaluation and reporting of the learning programme takes place. Kaimahi hui do not focus sufficiently on professional discussions about children's learning and how children's learning can be monitored and enhanced.

Personnel management practices need improving. Job descriptions and contracts are out of date. Whānau need to ensure that appraisals for all staff take place on a regular basis.

3 Whānau Management Assurance on Compliance Areas

During the review, ERO looked at the kōhanga reo systems for managing the following areas that have a potentially high impact on children's wellbeing:

  • emotional safety (including positive guidance and child protection)
  • physical safety (including supervision; sleep procedures; accidents; medication; hygiene; excursion policies and procedures)
  • suitable staffing (including qualification levels; police vetting; teacher registration; ratios)
  • evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

Conclusion

Te Kōhanga Reo Te Kōhao o Te Ngira is in Hamilton. It is based on the Kirikiriroa Marae complex in close proximity to Waikato University. Children are confident and content in the kōhanga reo and surrounding environments. The principles and philosophy of the Kīngitanga is embedded in the kōhanga reo. Children are loved, cared for and respected as unique individuals.

When is ERO likely to review the kōhanga reo again?

The next ERO review of Te Kōhanga Reo o Te Kōhao o Te Ngira will be in three years.

Lynda Pura-Watson

Deputy Chief Review Officer Māori

31 August 2015

Information about the Kōhanga Reo

Location

Hamilton

Ministry of Education profile number

35057

Kōhanga Reo Identification Number

04C055

Licence type

Te Kōhanga Reo

Licensed under

Education (Early Childhood Services) Regulations 2008

Number licensed for

35 children, including up to 2 aged under 2

Kōhanga Reo roll

18 children, including 2 aged under 2

Gender composition

Girls 9

Boys 9

Ethnic composition

Māori

100%

Review team on site

24 - 25 June 2015

Date of this report

31 August 2015

Most recent ERO report(s)

Education Review

Supplementary Review

Education Review

June 2012

October 2008

June 2007