Te Kōhanga Reo o Te Manawanui ki Kimiora - 02/11/2016

Te Aromātai

E tū ana Te Kōhanga Reo o Te Manawanui ki Kimiora ki Pā Harakeke, i Heretaunga. Ka ako ngā tamariki ki tētahi taiao ātaahua e whakanui ana i te whanaungatanga, ā, e whakarato ana i ngā whai wāhitanga mō ngā tamariki ki te kōkiri i ā rātou ake tākaro. He tākare ngā whānau hou ki te ako i ō rātou tūnga i roto i te kaupapa o te kōhanga reo. Ko te tūmāia o ngā tamariki ki te whakamahi i te reo Māori tētahi kaupapa matua ki te whānau.

Ka arotake anō Te Tari Arotake Mātauranga i Te Kōhanga Reo o Te Manawanui ki Kimiora i roto i te toru o ngā tau.

1 Te Horopaki

E tū ana Te Kōhanga Reo o Te Manawanui ki Kimiora, ki Pā Harakeke, i Heretaunga. He maha ngā wā kua hūnuku te kōhanga reo, ā, nō te tau 2004 te kōhanga reo i whakahaerehia ai ki tētahi whare i hangaia hei kōhanga reo. He mātātoa te whai wāhi atu a te whānau o te kōhanga reo ki te hapori. He hononga ā-whakapapa tō te nuinga o ngā kaimahi me ngā tamariki.

‘Tākiri manawanui. Tākiri manawaroa’

2 Ngā Whakaaturanga o te Arotake

He pēhea rawa ngā tamariki e whakapuaki i ō rātou whakaaro ki tētahi wāhi reo Māori?

Ka kitea te pakari haere o ngā tamariki ki te whakapuaki i ō rātou whakaaro mā te reo Māori. He whāiti rawa ngā tūmomo horopaki mō rātou ki te āta whakapuaki i ō rātou whakaaro mā te reo Māori.

Ngā Taumata Whakahirahira

He māia ngā tamariki i a rātou e ako ana. Ka hāpai ngā kaimahi i ngā tamariki i roto i te whānuitanga o ngā tūmomo horopaki, tae atu ki ngā wā karakia, ngā wā mihimihi, me ngā wā e kōkiri ana ngā tamariki i ā rātou ake tākaro. Whakamihia ai, whakanuia ai hoki ngā whakamātau me ngā whakatutukitanga o ngā tamariki i ia te wā. Ka ngākau nui ngā tuākana ki te manaaki i ō rātou tēina, ā, ka kitea i te wā e tika ana te kaha o tō rātou manawaroa, tō rātou mānawanawa, me tō rātou māramatanga anō hoki mō ō rātou hoa. Ka whakarato ngā kaimahi i te whānuitanga o ngā tūmomo whiringa hei whakahikohiko, hei whakapūmau hoki i ngā ngākau nuitanga o ngā tamariki, me tō rātou pākiki. He harikoa ngā tamariki, ā, he pārekareka ki a rātou ngā taunekeneke ki waenga i a rātou anō.

He tau ngā tamariki ki te taiao o tō rātou kōhanga reo. Ka akiaki ngā kaimahi i ngā tamariki ki te noho whakaute mō tō rātou wāhi noho. Ka ngākau nui ia tamaiti ki te kōkiri i āna ake akoranga. He nui ngā rauemi ki te kōhanga reo. Kua āta whakawhanakehia te wāhi o waho, ā, e poipoi ana i ngā tūmomo reanga tamariki katoa. Ka hāngai te wāhi ako ki te ao Māori, ā, he hōhonu, he whānui hoki ngā tūmomo taumahi ako e whakaratohia ana. Ka hāpai ngā kaimahi i ngā tamariki ki te ako i ngā waiata o Ngāti Kahungunu me te whakapuaki i ō rātou pepeha i ia rā. He aronga toi whenuatanga tō ngā tamariki.

Ka ngākau nui ngā tamariki ki te pai o ō rātou taunekeneke ki ētahi atu. Ka whakarato ngā kaimahi i tētahi taiao e whakawātea ana i ngā tamariki ki te noho takitahi, takirōpū rānei i a rātou e tūhura ana, e tākaro ana hoki. Ka hāpai ngā kaimahi i te mōhiotanga o ngā tamariki ki ō rātou hononga ā-whakapapa ki waenga i a rātou anō, ki ētahi atu hoki. Ka whakanuia, ka whakamaumaharatia hoki ngā kuia me ngā koroua mā ngā whakaahua me te whakapuakitanga anō hoki o ngā kōrero tuku iho. He mauritau ngā tamariki ki te kōhanga reo.

Rongo ai ngā tamariki i te reo Māori i ngā wā katoa, puta noa i te rā. Ka whakarato ngā kaimahi i ngā whai wāhitanga e poipoi ana i te ako i te whānuitanga ake o te reo. Ka whakapūmau rātou i ngā hanganga reo mā ngā waiata, ngā karakia, me ngā pepeha. Ka whakatairanga hoki ngā kaimahi i ngā whai wāhitanga mō te ako i te reo mā te tūhura me te kōkiri a ia tamaiti i āna ake tākaro. Ka whakatauira, ka whakapūmau hoki ngā pākeke i ngā tikanga e whai pānga ana ki ngā wā ōkawa, pērā i ngā pōwhiri. E whanake ana ngā tamariki ki te kōrero i te reo Māori.

Ngā Whakaritenga Matua ka Whai Ake

E whakawhanake tonu ana ngā tamariki i ngā pūkenga ki te whakawhiti kōrero mā te reo Māori. Ahakoa kua waia rātou ki ngā mahinga me ngā tohutohu i roto i te reo Māori, he whāiti rawa ngā tūmomo horopaki ka āta whakapuaki ngā whai wāhitanga ki te whakawhiti kōrero mā te reo Māori. I tēnei wā, kāhore te whakawhanaketanga reo Māori o ngā tamariki e whakawhānuihia ana.

Te Whakamahere me te Aromātai

He pai te whakatakoto ā-tuhi i ngā hōtaka akoranga a ngā tamariki. Ka whakarato ngā kaimahi i tētahi hōtaka e arotahi ana ki ngā rautaki ka kōkiri i ngā akoranga. Kua tāutuhia ngā rauemi e tika ana mā ngā tamariki. He mārama ngā hononga ki waenga i ngā mahere me te whakapuakitanga. Kua tīmata ngā kaimahi ki te arotake i tā rātou hōtaka me tā rātou whakaritenga, kia whakaaro huritao ai rātou ki tēnā e whai hua ana, me tēnā hei whakapai ake mā ngā tamariki. He pārekareka ki ngā tamariki te whānuitanga o ngā tūmomo taumahi ki te hōtaka o ia rā.

Ngā Whakaritenga Matua ka Whai Ake

Me āta titiro ki te whakahaeretanga o te kōhanga reo. Kei te tīmata te kōhanga reo ki te poipoi i te tūnga o ētahi o ngā mema o te whānau ki te whakahaere i te kōhanga reo. He iti noa te whai wāhi mai o ngā mātua ki ngā whakahaeretanga o ia rā, te whakamahere rautaki, me te whakahaeretanga o ngā pūtea. I tēnei wā, kei te whakatutuki haere te kaiako i ētahi o ngā mahi whakahaere tari, ā, kāhore e taea te arotahi ki ngā putanga mō ngā tamariki. Ka pupū ake te pakari me te rōnakitanga o te kōhanga reo i noho ngātahi o ngā pūmanawa o te whānau. Mā te whakapakari ake i te āheinga o te whānau puta noa i te whakahaeretanga me ngā whakaritenga o te kōhanga reo, ka āta whai hua ngā tamariki.

3 Te Whakataunga a te Kōhanga Reo ki ngā Wāhanga Tautukunga

I te wā o te arotake, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

  • te haumaru whatumanawa (tāpiri atu ko te ārahi mauritau, ko te ārai tamariki)
  • te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
  • te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
  • ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

4 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

  • mahi tonu ki te taha o Te Poari Matua o Ngā Kōhanga Reo, ki te whakapakari ake i te āheinga o te whānau ki te whakahaere i tō rātou kōhanga reo.

Te Whakarāpopototanga

E tū ana Te Kōhanga Reo o Te Manawanui ki Kimiora ki Pā Harakeke, i Heretaunga. Ka ako ngā tamariki ki tētahi taiao ātaahua e whakanui ana i te whanaungatanga, ā, e whakarato ana i ngā whai wāhitanga mō ngā tamariki ki te kōkiri i ā rātou ake tākaro. He tākare ngā whānau hou ki te ako i ō rātou tūnga i roto i te kaupapa o te kōhanga reo. Ko te tūmāia o ngā tamariki ki te whakamahi i te reo Māori tētahi kaupapa matua ki te whānau.

Hei ā hea Te Tari Arotake Mātauranga arotake anō ai i te kōhanga reo?

Ka arotake anō Te Tari Arotake Mātauranga i Te Kōhanga Reo o Te Manawanui ki Kimiora i roto i te toru o ngā tau.

Lynda Pura-Watson

Kaiurungi Whakaturuki Arotake Māori

02 Whiringa-ā-rangi, 2016

Ngā kōrero e pā ana ki te kōhanga reo

Te tūwāhi

Kei Pā Harakeke, ki Heretaunga

Te tau a te Tāhuhu o te Mātauranga

55147

Te tau tohu o Te Kōhanga Reo

08D050

Te tūmomo whare

He kōhanga reo

Te raihana

Ngā Ture Mātauranga (Ratonga Kōhungahunga) 2008

Te tokomaha mō te raihana

25, kia tokoono ki raro i te rua o ngā tau

Te tokomaha kei runga i te rārangi ingoa

15, kotahi kei raro i te rua o ngā tau

Te ira tangata

Kōtiro 7

Tama tāne 8

Ngā hononga ā-iwi

Māori

100%

Te wā i te kōhanga reo te rōpū arotake

Mahuru 2016

Te wā o tēnei pūrongo

02 Whiringa-ā-rangi, 2016

Ngā pūrongo o mua a Te Tari Arotake Mātauranga

Arotake Mātauranga

Arotake Mātauranga

Arotake Matawhāiti

Haratua 2013

Hōngongoi 2009

Hakihea 1999

Evaluation

Te Kōhanga Reo o Te Manawanui ki Kimiora is in Flaxmere, Hastings. Children learn in an attractive environment that reflects whanaungatanga and provides opportunities for independent play. New whānau are enthusiastic to learn about their roles within the kaupapa of kōhanga reo. Children’s confidence to use te reo Māori is a priority for whānau.

The next ERO review of Te Kōhanga Reo o Te Manawanui ki Kimiora will be in three years.

1 Context

Te Kōhanga Reo o Te Manawanui ki Kimiora is in Flaxmere, Hastings. The kōhanga reo has moved several times and operates in a purpose built facility since 2004. The kōhanga reo whānau is active in the local community. Most staff and children have whakapapa connections.

Tākiri manawanui. Tākiri manawaroa’

2 The Review Findings

How well do children express themselves in a te reo Māori environment?

Children show a growing confidence to express themselves in te reo Māori. The range of situations where they can communicate in te reo Māori with confidence is limited.

Ngā Taumata Whakahirahira

Children are confident in their learning. Kaimahi support children in a range of settings including karakia, mihimihi and independent play. Praise and acknowledgement for children’s efforts and achievements are regularly given. Tuakana enjoy caring for their teina and show strong resilience, patience and understanding towards their peers when required. Kaimahi provide a variety of choices to ignite and sustain children’s interests and curiosities. Children are happy and enjoy interactions with each other.

Children are comfortable in their kōhanga reo environment. Kaimahi encourage children to show respect for their surroundings. Individuals enjoy taking charge of their learning. The kōhanga reo is well resourced. The outdoor areas is well developed and caters for children of all ages. The learning environment is based on te ao Māori and provides for rich and diverse learning activities. Kaimahi support children to learn waiata of Ngāti Kahungunu and share their pepeha on a daily basis. Children have a sense of belonging.

Children enjoy positive interactions with others. Kaimahi provide an environment where children can explore and play in groups or independently. Kaimahi support children to know their whānau connections to their peers and others. Kuia and koroua are acknowledged and remembered in photos on display and by sharing stories. Children are settled at kōhanga reo.

Children hear te reo Māori consistently throughout the day. Kaimahi provide opportunities to foster new language learning. They reinforce language structures through waiata, karakia and pepeha. Kaimahi also promote opportunities for language learning through exploration and independent play. Adults model and reinforce tikanga associated with formal occasions such as pōwhiri. Children are developing as speakers of te reo Māori.

Key Next Steps

Children are still developing te reo Māori communication skills. While they are familiar with routines, instructions and directions in te reo Māori, the range of situations where they confidently communicate in te reo Māori is limited. Children’s te reo Māori development is not currently extended.

Planning and Evaluation

Children’s learning programmes are well documented. Kaimahi provide a programme focussed on strategies to facilitate learning. Resources are identified and appropriate for children. There are clear links between planning and delivery. Kaimahi have begun to review their programme and practice to reflect on what’s working well and what could be improved for children. Children enjoy the range of activities in the daily programme.

Key Next Steps

The management of the kōhanga reo needs attention. The kōhanga reo is in the early stages of nurturing individual whānau members into their management roles. There is little involvement by parents in the daily operations, strategic planning and financial management. The kaiako currently attends to some aspects of daily administration and is not able to focus on outcomes for children. The strength and sustainability of kōhanga reo comes from the collective knowledge of whānau. Building whānau capability across the kōhanga reo management and operations will greatly benefit children.

3 Whānau Management Assurance on Compliance Areas

During the review, ERO looked at the kōhanga reo systems for managing the following areas that have a potentially high impact on children's wellbeing:

  • emotional safety (including positive guidance and child protection)
  • physical safety (including supervision; sleep procedures; accidents; medication; hygiene; excursion policies and procedures)
  • suitable staffing (including qualification levels; police vetting; teacher registration; ratios)
  • evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

4 Recommendation

ERO and the kōhanga reo whānau developed the following recommendation:

  • Continue to work alongside Te Kōhanga Reo National Trust to build whānau capability to manage their kōhanga reo.

Conclusion

Te Kōhanga Reo o Te Manawanui ki Kimiora is in Flaxmere, Hastings. Children learn in an attractive environment that reflects whanaungatanga and provides opportunities for independent play. New whānau are enthusiastic to learn about their roles within the kaupapa of kōhanga reo. Children’s confidence to use te reo Māori is a priority for whānau.

When is ERO likely to review the kōhanga reo again?

The next ERO review of Te Kōhanga Reo o Te Manawanui ki Kimiora will be in three years.

Lynda Pura-Watson

Deputy Chief Review Officer Māori

2 November 2016 

Information about the Kōhanga Reo

Location

Flaxmere, Hastings

Ministry of Education profile number

55147

Kōhanga Reo Identification Number

08D050

Licence type

Te Kōhanga Reo

Licensed under

Education (Early Childhood Services) Regulations 2008

Number licensed for

25 children, including up to 6 aged under 2

Kōhanga Reo roll

15 children, including up to 1 aged under 2

Gender composition

Girls 7

Boys 8

Ethnic composition

Māori

100%

Review team on site

September 2016

Date of this report

2 November 2016

Most recent ERO report(s)

Education Review

Education Review

Discretionary Review

May 2013

July 2009

December 1999