Te Kōhanga Reo o Te Pāhou

1 Te Horopaki

E tū ana Te Kōhanga Reo o Te Pāhou ki te marae o Te Pāhou, ki Tūranga-nui-a-Kiwa. He tino hononga tō te whānau ki te marae o Te Pāhou, ā, ki a Ngāti Maru, ki a Rongowhakaata hoki. He tino mātanga te kaiwhakahaere, ā, e hāpai ana ia i ngā whakahaeretanga o te kōhanga reo. He tokomaha ngā whaea rangatahi i roto i te whānau. E tautokona ana te kaiako hou i roto i tōna tūranga. E āhei ana ia ki te whakapā atu ki ngā tini tūmomo tāngata i roto i te whānuitanga o te hapori. E noho ngākau nui ana te whānau ki te whakarato i te kounga o te mātauranga ki ā rātou tamariki.

2 Ngā Whakaaturanga o te Aromātai

He pēhea rawa ngā tamariki e whakaatu i tō rātou whai wāhi nui ki te whānau o te kōhanga reo?

Ka kitea ki ngā tamariki tuākana te whanaketanga o ō rātou ngākau titikaha ki te whai wāhi atu ki ngā akoranga i te kōhanga reo me te hapori whānui.

He harikoakoa te āhua o ngā pēpi ki te ako ki te taha o ō rātou tuākana.

Ngā Taumata Whakahirahira  

He pai te taunekeneke a ngā tamariki ki ētahi atu. Kua whakaritea e ngā kaimahi tētahi taiao ako e atawhai ana, e whakahei ana, ā, e poipoi ana hoki. Ka whakatairanga rātou i te manaaki me te tiaki ki waenga i ngā pākeke me ngā tamariki, ā, ka whakatauira i aua tūmanako i roto i te hōtaka o ia rā. E poipoi ana ngā taumahi ako a ngā tamariki i te mahi ngātahi me te tohatoha. Whakanuia ai, whakamihia ai hoki e ngā kaimahi ngā whakamātau a ngā tamariki i ia te wā. Ko te whakatō me te tiaki i te māra kai e hāpai ana i ngā tamariki ki te whakawhanake i tō rātou māramatanga ki ngā atua Māori. Ka tohaina ngā hua o te māra kai ki waenga i te whānau. He pārekareka ki te whānau te kite, te rongo hoki i ngā akoranga a ā rātou tamariki. Ka manaaki, ka tautoko hoki ngā tuākana i ngā tēina. Ka aro nui ngā kaimahi ki ngā matea me te atawhai o ngā pēpi. Ka ngākau nui ngā tamariki ki te ako ki te taha o ō rātou hoa.

Ka ako ngā tamariki i ō rātou marae, ō rātou hapū, me ō rātou iwi. Ko ngā tikanga me ngā kōrero tuku iho a te marae o Te Pāhou, me Ngāti Maru rāua ko Rongowhakaata e whai wāhi ana ki ngā wheako ako a ngā tamariki. Ka tuituia ki te hōtaka o ia rā, ko ngā waiata, ngā whakapapa, ngā pepeha, me ngā kōrero tuku iho a te hapori. Ka ako ngā tamariki i ngā haka, ngā waiata, me ngā mōteatea o te hapū. Ka whakarato ngā kaimahi i ngā whai wāhitanga mō ngā tamariki ki te uru atu ki ngā kaupapa i te marae o Te Pāhou me ētahi atu o ngā marae, kia rongo ai, kia kite ai hoki ngā tamariki i ngā tikanga. Ka rongo ngā tamariki i te reo ōkawa o ngā whaikōrero, ngā karanga, me ngā waiata o te hapū. He tau ngā tamariki hei tangata whenua.

E ako ana ngā tamariki ki te whakawhiti kōrero mā te reo Māori. Ka whakamahi ngā kaimahi i te whānuitanga o ngā tūmomo rautaki e hāpai ana i te whakawhanaketanga reo o ngā tamariki. E hāpai ana ngā taumahi i te ako a ngā tamariki i ngā ingoa mō ngā kara, ngā nama, me ngā tūāhua. Ka patapatai ngā kaimahi hei akiaki i ngā tamariki ki te kōrero mō ā rātou akoranga mā te reo Māori. Ka hāpai rātou i ngā tamariki ki te waiata, me te taki karakia, me te ako anō hoki me pēhea te whakautu kōrero me te tuku mihi ki ētahi atu. E ako ana ngā tamariki tuākana ki te ārahi i ngā karakia me ngā waiata. Ka rongo ngā tamariki tēina, ā, ka whakawhiti i tō rātou māramatanga ki te reo Māori mā te tāwhai, ngā neke ā-ringa, ā-karu hoki, me te reo ā-tinana. E whanake ana ngā tamariki ki te kōrero i te reo Māori.

Te Whakamahere me te Aromātai 

He hanganga tā ngā hōtaka akoranga a ngā tamariki, ā, e whai pūtake ana hoki. Ka whai ngā kaimahi i tētahi tukanga mārama i roto i ā rātou mahi whakamahere. He hononga ki Te Whāriki, ā, e ārahi ana ēnei i te whakapuakitanga. Ka mahi ngātahi ngā kaimahi, ā, ka akiaki hoki rātou i ngā kōrero urupare a te whānau mō ngā kaupapa o ia wāhanga. Ka hāpai tētahi i tētahi, inarā i ngā tamariki e whakawhiti haere ana ki waenga i ngā taumahi o te hōtaka akoranga. He tautoko, he whakaakoranga anō hoki e haere tonu ana mō te kaiako hou i roto i tōna tūranga. Ka whakamahia ngā kōnae mokopuna hei hāpai ngā kaimahi ki te aru me te aroturuki i te ahu whakamua o ngā akoranga a ia tamaiti. Hui ai ngā kaimahi i ia te wā ki te whakawhiti whakaaro mō ngā mahere me ngā aromatawai, me te aromātai anō hoki i te hōtaka akoranga hei tāutu i ngā huarahi ki te whakapai tonu i ngā whai wāhitanga ako o ngā tamariki. Ka whakaarohia te whanaketanga ako o ngā tamariki.

E whai kawenga ana te whānau i roto i ngā mahi ki te whakahaere i te kōhanga reo. Ka hāpai te kaiwhakahaere i ngā whakahaeretanga o ia rā, hei āhuatanga tonu o ngā mahi whakahaere. Ka whakawhitiwhiti haere te wāhi o ngā hui ā-whānau o ia marama, kia āhei ai ngā whānau ki te taetae mai. Whakaratohia ai e ngā kaimahi i ia te wā ngā pūrongo e pā ana ki te ako a ngā tamariki. Ka arotakengia ngā kaupapa here kia hāngai tonu ai ēnei ki ngā herenga ā-ture o te wā. Ka aroturuki te whānau i ā rātou mahere rautaki, mahere ā-tau hoki, hei aru i tā rātou ahu whakamua ki te whakatutuki haere i ngā whāinga i whakatakotohia ai. E whakahaere ana te whānau i te kōhanga reo hei painga mō ā rātou tamariki.

Ngā Whakaritenga Matua ka Whai Ake

E whanake ana ngā mahi aromatawai. Ahakoa e whakamahi ana ngā kaimahi i ngā kōnae akoranga ki te aru i ngā akoranga, he whānui rawa ēnei. Me whai whakaaro ngā kaimahi ki te whakaemi i ngā mōhiohio e pā ana ki ia mokopuna, kia pai ake ai tā rātou aru i te ahu whakamua o ia tamaiti.

Ahakoa ngā whai wāhitanga mō ngā tamariki ki te ako hei tuakana, hei teina, ko te whakaaro anō hoki ki ngā matea o ētahi o ngā tūmomo rōpū tamariki, ka whakatairanga i te kounga o te hōtaka akoranga. 

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti) 
• ngā whakaritenga, tikanga hōneatanga e pā ana ki te ahi me te rū whenua. 

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture. 

4 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo, te taunakitanga e whai ake nei, arā, kia:

• tuhia tētahi mahere ā-tau ka hāpai i te tupu tonu me te whanake tonu o te kōhanga reo.

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Te Pāhou i roto i te toru o ngā tau.

Lynda Pura-Watson

Kaiurungi Whakaturuki Arotake Māori 

03 Paengawhāwhā, 2018

Ngā kōrero e pā ana ki te kōhanga reo 

1 Context

Te Kōhanga Reo o Te Pāhou is marae based on Te Pahou, Gisborne. The whānau have close links to Te Pahou Marae, Ngāti Maru and Rongowhakaata. The kaiwhakahaere is highly experienced and supports kōhanga reo operations. Many of the whānau are young mothers. The new kaiako is supported in his role. He has access to a range of people in the local and wider community. The whānau is committed to providing quality education for their tamariki.

2 The Evaluation Findings

How well do children display a sense of belonging in the kōhanga reo whānau?

Older children show that they are developing in confidence to participate in learning in the kōhanga reo and wider community.

Babies appear to enjoy learning alongside their tuākana.

Ngā Taumata Whakahirahira

Children interact positively with others. Kaimahi have created a warm, welcoming and nurturing learning environment. They promote manaaki and tiaki between adults and children and model these expectations in the daily programme. Children’s learning activities foster co-operation and encourage sharing. Kaimahi regularly acknowledge and praise children’s efforts. Planting and caring of the māra kai helps children to develop an understanding about atua Māori. Produce from the māra kai is shared with the whānau. Whānau enjoy seeing and hearing about their children’s learning. Tuākana care for and support tēina. Kaimahi are responsive to babies’ needs and care. Children enjoy learning with their peers.

Children learn about their marae, hapū and iwi. The traditions and histories of Te Pahou Marae, Ngāti Maru and Rongowhakaata are a part of children’s learning experiences. Waiata, whakapapa, pepeha and local stories are integrated into the daily programme. Children learn haka, waiata and mōteatea of the local hapū. Kaimahi provide children with opportunities to participate at marae events at Te Pahou and other marae to hear and see tikanga in practice. Children hear the formal language of whaikōrero, karanga and waiata of the local hapū. Children are comfortable as tangata whenua. 

Children are learning to communicate in te reo Māori. Kaimahi use a range of strategies to support children’s language development. Activities enable children to recognise names for colours, numbers and shapes. Kaimahi use questions to encourage children to talk about their learning using te reo Māori.  They support children to sing, recite karakia and know how to reply and thank others. Older children are learning to lead karakia and waiata. Younger children listen and communicate their understanding of te reo Māori through mimicking, hand actions, eye movement and body language. Children are developing as speakers of te reo Māori.

Planning and Evaluation

Children’s learning programmes are structured and purposeful. Kaimahi follow a clear process for planning. There are links to Te Whāriki that guide delivery. Kaimahi work collaboratively with each other and encourage whānau feedback related to themes for each term. They support each other particularly when children transition between activities in the learning programme. The new kaiako receives ongoing support and mentoring in their role. Kōnae mokopuna (children’s learning profiles) are used help kaimahi to track and monitor individuals general progress in learning. Kaimahi regularly meet to discuss planning, assessment and evaluate the learning programme to identify ways to improve children’s learning opportunities. Children’s learning development is considered.

Whānau are responsible managers of the kōhanga reo. The kaiwhakahaere provides support with the daily operations as part of the management practices. Whānau hui are organised monthly at alternate venues to enable whānau to attend. Kaimahi provide regular reports about children’s learning. Policies are reviewed to keep these up to date with legislative requirements. The whānau monitor their strategic and annual plans to track their progress against agreed goals. Whānau manage the kōhanga reo in the best interests of their children.

Key Next Steps

Assessment practices are developing. While kaimahi use kōnae mokopuna to track learning, these are very general. Kaimahi need to consider collecting information about each mokopuna to better track their individual learning progress.

Although there are opportunities for children to learn as tuakana teina, further consideration for the needs of specific groups of children will enhance the quality of learning programme.

3 Whānau Management Assurance on Compliance Areas

During the evaluation, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

4 Recommendation

ERO and the Kōhanga Reo whānau developed the following recommendation:

• Document an annual plan to support the ongoing growth and development of the kōhanga reo. 

When is ERO likely to evaluate the kōhanga reo again?

The next ERO evaluation of Te Kōhanga Reo o Te Pāhou will be in three years.

Lynda Pura-Watson

Deputy Chief Review Officer Māori 

3 April 2018 

Information about the Kōhanga Reo