Te Kōhanga Reo o Te Puna O Te Aroha

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, me ngā hapori ki te whakatakoto i ngā tirohanga aromātai e whai wāhi nui ai ki te hāpai i ngā whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai.

2 Te Horopaki

E tū ana Te Kōhanga Reo o Te Puna o Te Aroha ki te marae o Ōpeke, ki Waiōeka. He hononga pai tō te kōhanga reo ki Te Kura Kaupapa Māori o Waiōeka, ki ngā whānau, ā, ki ngā hapū hoki. Manaaki te tangata ahakoa ko wai.

3 Te Aronga o te Aromātai

He pēhea rawa te whakaatu mai o ngā mokopuna i tō rātou harikoa i roto i ā rātou akoranga? 

E whai wāhi nui ana ngā mokopuna ki ā rātou akoranga, ā, he tākare hoki rātou.

4 Ngā Whakaaturanga

E rumakina ana ngā mokopuna ki ngā akoranga e whakakoia ana i te manaakitanga. Ka whai whakaaro nui ngā tuākana i a rātou e taunekeneke ana ki ō rātou tēina. Ka whakatauira rātou i te whanonga e tika ana ki te taha o ngā pēpi. Ka whakamahi ngā kaimahi i te whānuitanga o ngā tūmomo rautaki e akiaki ana i ngā mokopuna ki te whakamahi i te reo Māori. E ako ana ngā mokopuna i ō rātou whakapapa me ō rātou hononga ki te whānau, ki te hapū, ā, ki te iwi. Ka ākina, ka hāpaitia hoki tā rātou whakapuaki i ō rātou pepeha. He ngākau titikaha ō ngā mokopuna tuākana ki te tū hei kaiārahi i ngā wā pērā i te karakia me ngā wā mihimihi. Ka toro atu ki te waiata me te kori tinana hei rautaki e hāpai ai i te whakawhanaketanga o te manawataki me te korikori o ngā mokopuna. Whakamihi ai ngā kaimahi i ngā mokopuna i ia te wā. Kei te harikoa, kei te mauritau hoki ngā mokopuna ki tō rātou taiao ako.

Kua whakaritea e ngā kaimahi ngā tukanga e pā ana ki te whakamahere hōtaka, te aromatawai, me te aromātai hōtaka. E whai kiko ana, kua āta whakaritea hoki ngā mahere. Ka ārahi ēnei i te whakatinanatanga o ngā kaimahi i te hōtaka, ā, ka āta whakatau hoki i te whai aronga me te whai pūtaketanga o te hōtaka. Ka whakaemihia, ka kapohia hoki ngā mōhiohio aromatawai ki ngā pūkete a ngā mokopuna. Ka tuhia te ahu whakamua a ngā mokopuna me tō rātou whakawhanaketanga ki ngā Mātai Tamaiti. Ka whakapuakihia te whakawhanaketanga o ia mokopuna ki te taha o te whānau. Aromātai ai ngā kaimahi i te hōtaka i ia te wā, hei panoni haere kia whai hua ai. E whai wāhi atu ana ngā mokopuna ki tētahi hōtaka akoranga i āta whakaritea ai, i āta whakahaerehia ai hoki.

E whakahaere ana te whānau i te kōhanga reo hei tino painga mō ngā mokopuna, ā, ka āta tautokona hoki rātou e te kura e tū pā tata mai ana. Tū ai ngā hui ā-whānau i ia te wā, ā, he kaha te taetae atu. E whai mōhiohio ana, he mārama hoki ngā pūrongo e pā ana ki te nuinga o ngā wāhanga whakahaere, e āta whakahaerehia ana ngā pūtea, ā, i te noho wātea hoki ngā tahua i tātarihia ai. Kua whakahoungia ngā tukanga e pā ana ki ngā kaimahi, ā, e whai wāhi atu ana ki ēnei, ko ngā herenga ā-ture o te wā e pā ana ki te utu, te arowhai a ngā pirihimana, me te arohaehae. E whakaraupapa ana te mahere rautaki i ngā whāinga o te whānau mō ngā tau e rua kei te heke mai, ā, e kōkirihia ana te ahu whakamua ki te whakatū i tētahi whare hou mā te tautoko o Te Poari Matua o Ngā Kōhanga Reo. Ko ngā kaupapa here me ngā tukanga mō te hauora me te haumaru, me te whakahaeretanga o ngā kaimahi, e hāngai katoa ana ki ngā herenga ā-ture o tēnei wā. Kua oti te arohaehae kaimahi, ā, he aronga pūmau ki te whakawhanaketanga ngaio. Tū ai ngā akoako ohotata i ia te wā hei āta whakatau i te noho mōhio o ngā mokopuna me ngā kaiako ki ngā tukanga me ngā whakaritenga e whai wāhi atu ana ki te noho haumaru o ngā mokopuna. Ko ngā mokopuna kei te pūtake o ngā mahi whakahaere a te whānau.

5 Te Whakatau ki ngā Wāhanga Tautukunga

I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:

• te haumaru ā-whatumanawa, tae atu ki te ārahi mauritau me te ārai tamariki
• te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho
• te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti 
• ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.

6 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei:

Kua tautuhia te arotake kaupapa here hei wāhanga whakapai, ā, e tautokona ana ngā kaimahi o te tari ki te whakatinana i tētahi mahere, hei āta whakatau i te whakatutukitanga o taua mahi i ia te wā.

Darcy Te Hau
Toka-ā-Nuku
Te Uepū ā-Motu – Māori Review Services

20 Mahuru, 2021

7 Ngā kōrero e pā ana ki te Kōhanga Reo

1 Introduction

The Education Review Office, whānau, leaders and communities have collaborated to provide evaluation insights that foster improvement, identify progress and build evaluation capability.

2 Context

Te Kōhanga Reo o Te Puna o Te Aroha is on Opeke Marae at Waioeka. The Kōhanga Reo has a good relationship with Te Kura Kaupapa Māori o Waioeka, whānau, and hapū. Manaaki te tangata ahakoa ko wai.

3 Evaluation Focus

How well do mokopuna show they are happy in their learning?

Mokopuna are engaged and enthusiastic in their learning.

4 Findings

Mokopuna are immersed in learning that affirms manaakitanga. Tuakana are considerate when interacting with their tēina. They model appropriate behaviour when around the pēpi. Kaimahi use a range of strategies to encourage mokopuna to use te reo Māori. Mokopuna are learning about their whakapapa and connections to whānau hapū and iwi. They are encouraged and supported to share their pepeha. Older mokopuna are confident to take on leadership roles such as karakia and mihimihi. Waiata and kori tinana are methods used to help mokopuna develop rhythm and active movement. Kaimahi frequently praise mokopuna successes. Mokopuna are happy and settled in their leaning environment.

Kaimahi have in place processes for programme planning, assessment, and programme evaluation.   Planning is detailed and organised. This guides kaimahi programme implementation and ensures the programme is focussed and purposeful. Assessment information is gathered and captured in mokopuna profile books. Mokopuna progress and development are documented in mātai tamaiti. Individual development of each mokopuna is shared with whānau. Kaimahi evaluate the programme regularly to make positive changes. Mokopuna experience a learning programme that is organised and managed.

Whānau manage the kōhanga reo in the best interests of mokopuna, with the close support of the nearby kura. Whānau hui are held regularly and well attended. Reporting across most areas of operation are informative and clear, finances are well managed and audited accounts were available. Personnel processes have been updated and include current pay legislation, police vetting and appraisal. A strategic plan outlines whānau goals for the next two years, and progress towards the building of a new whare is being facilitated with the support of Te Kōhanga Reo National Trust. Health and safety and personnel management policies and procedures align to current legislation. Kaimahi appraisals are completed with an ongoing focus of professional development. Emergency drills are practiced regularly to ensure that mokopuna and kaiako are aware of procedures and practices that contribute to mokopuna safety. Mokopuna are at the heart of whānau management.

5 Assurance on Legal Requirement

Actions for Compliance

During the evaluation, ERO looked at systems for managing the following areas:

• emotional safety including positive guidance and child protection
• physical safety including supervision, sleep procedures, accidents, medication, excursion policy and procedures
• suitable staffing including appropriate qualifications, police vetting, ratios
• emergency procedures and practices for earthquakes, fire, flood, tsunami, and pandemic.

6 Recommendation

ERO and the (kōhanga reo whānau/kura board) developed the following recommendation:

Policy review is identified as an area of improvement and the kaimahi tari is being supported to implement a plan to ensure this is carried out in a regular planned manner.

Darcy Te Hau
Toka-ā-Nuku – Director
Te Uepū ā-Motu – Māori Review Services

20 September 2021

7 Information about the Kōhanga Reo