Te Kōhanga Reo o Te Puna o Te Reo o Takiwira - 12/04/2017

1 Te Horopaki

Ko Te Kōhanga Reo o Te Puna o Te Reo o Takiwira te kōhanga reo anake e tū ana ki Tākiwira. E whakahaere tonu ana te whānau i te kōhanga reo hei painga mō ngā tamariki, i runga anō i te āhua o te whanaungatanga. Ko tētahi kaupapa matua a te whānau mō meāke nei, ko te whakatū i tētahi kura ki tēnei takiwā, kia āhei ai te mātauranga o ngā tamariki ki te haere tonu mā te reo Māori. Ka mahi ngātahi te whānau ki te āta whakatutuki i ngā tino painga ako mō ngā tamariki.

2 Ngā Whakaaturanga o te Arotake

He pēhea rawa ngā tamariki e whai wāhi atu ana mā te reo Māori?

Ka tino aro nui ngā tamariki me ngā pēpi ki ngā tohutohu, ngā waiata, ngā karakia, me ngā whakawhitinga kōrero o te reo Māori.

Ngā Taumata Whakahirahira

Ka tautāwhitia / tauawhi ngā tamariki ki te whanaungatanga. Ka rongo ngā tamariki i te manaaki, te awhi, me te tiaki o ngā kaimahi katoa. Ka whiwhi, ka whakaatu hoki rātou i ngā wā o te harikoa me te mārie. Ka kōkiri, ka whakapūmau, ka whai wāhi nui hoki ngā tamariki ki ngā hononga ki ētahi atu. Ka akiaki ngā kaimahi i te whai wāhi a ngā tamariki ki ngā karakia me ngā waiata i te wā o ngā mihimihi, ā, tae noa ki te mutunga o te rā. He maha ngā wā, he tino pai te tākaro ngātahi a ngā tuākana me ngā tēina. Ka tautoko ngā kaimahi i a rātou anō, ā, he kaha anō hoki tā rātou whakatau wawe i te taenga mai o ngā whānau. Ka kitea te mauritau o ngā tamariki, ā, he pakari tā rātou tūhura haere i tō rātou wāhi. He whai wāhitanga mō rātou ki te whakawhanake i ō rātou pūkenga ārahi i ngā wā karakia, i ngā mahinga o ia rā, ā, i ngā wā tākaro hoki. E whakarato ana te whānau i tētahi wāhi haumaru mō ngā tamariki, ā, ka āta whakaritea e rātou he kaitirotiro mo ngā tamariki i ia te wā. Ka kitea te aronga toi whenuatanga o ngā tamariki ki tō rātou kōhanga reo.

Kei te tupu haere te whai kawenga a ngā tamariki. Ka hāpai ngā kaimahi i te taki a ngā tamariki i ō rātou pepeha, ā, ka ako hoki rātou i ngā waiata me ngā mōteatea ō tō rātou rohe. Ka moe, ka kai hoki ngā tamariki me ngā pēpi i runga anō i ngā wā e tika ana ki a rātou, ā, ka kawe hoki rātou i ētahi o ngā āhuatanga ki te tiaki ia ratou ano. Kua āta whakaritea ngā mahinga me ngā tūmanako, ā, e hāpai ana ēnei i te mauritau o ngā tamariki. Ka whiriwhiri ngā tamariki i ngā taumahi e ngākau nuitia ana e rātou. Ka whai rātou i ngā tohutohu, ā, ka patapatai ki ngā pākeke i ngā wā kāhore rātou i te tino mārama. Ka whakanui, ka whakamana hoki ngā kaimahi me te whānau i ngā tamariki. He harikoa, he mauritau hoki ngā tamariki.

Ka whakahihiri, ka whakaongaonga hoki te taiao ako reo i ngā tamariki. Rongo ai ngā tamariki i te reo Māori, mo te ra katoa. Ka ngākau nui ngā tuākana ki te kōrerorero ki ō rātou hoa. E āhei ana ngā tamariki tēina ki te tāwhai i ngā kupu me ngā kīanga māmā, ā, ka whakamahi ngā pēpi i te reo ā-tinana hei tohutohu i ō rātou whakaaro, ā, hei whakaatu anō hoki i tō rātou māramatanga. Ka whai wāhi atu ngā tamariki ki te reo Māori mā ngā tūmomo taki kōrero, tae atu ki te reo tuhituhi me ngā pukapuka. Ka whakatangihia ngā waiata Māori i ngā wā tākaro, ā, ka whakamahia hoki ngā waiata kia warea ngā tamariki e te moe. Ka hāpai, ka ārahi hoki te kuia i ngā tamariki me te whānau i roto i te reo Māori. Ka kōrero anake ngā kaimahi i te reo Māori ki ngā tamariki, ā, ka aroturuki, ka tuhi haere hoki i te whanaketanga reo o ngā tamariki. Ko te reo Māori te kaupapa matua ki te whānau. E whanake ana ngā tamariki ki te kōrero i te reo Māori.

Te Whakamahere me te Aromātai

E whai hua ana ngā tamariki nā te hōtaka akoranga i āta whakamaheretia ai, ā, i āta whakaritea ai hoki. Kua wetekina e ngā kaimahi te mahere ā-tau. Kua tuhia ngā whāinga me ngā taumahi ki ngā mahere mo ia wiki. E hono ana ngā mahere hōtaka ki Te Whāriki. Ka whakamahere ngātahi ngā kaimahi, ā, ka whakamahi rātou i te whānuitanga o ngā tūmomo huarahi ki te aroturuki me te tuhi haere i te ahu whakamua a ngā tamariki. Ko ētahi o aua huarahi, ko ngā kitenga me te mātai mokopuna. Ka pūrongotia aua mōhiohio ki te whānau mā ngā pūkete me ngā kōrerorero. E tino mōhio ana ngā kaimahi ki ngā tamariki, ā, ka whakawhitiwhiti kōrero rātouki waenga i a rātou anō, mo te rā katoa kia ahu whakamua ai ngā tamariki. E whakawhanake ana ngā kaimahi hou i ō rātou pūkenga me ō rātou mōhiotanga kia hāngai ai ēnei ki ngā matea o ngā tamariki. Ko ngā ngākau nuitanga me ngā matea o ngā tamariki kei te pūtake o te whakamahere, te aromatawai, me te aromātai.

He pai te whakahaeretanga a te whānau i tō rātou kōhanga reo. He hou te heamana ki tōna tūnga, engari kua roa nei ia e whai wāhi atu ana ki te kōhanga reo. Ka mahi ngātahi rātou ki te whakapakari i whakaritenga i te kōhanga reo. Ka hāngai ēnei ki te arotake whaiaro, te whai wāhi mai o te whānau, te āheinga i roto i te reo Māori, me te whakapiki ake i te tatauranga tamariki. I tēnei wā, tokotoru ngā kaimahi e whakangungutia ana ki Te Whakapakari, ā, kua tāutuhia ngā matea whakawhanake o ngā kaimahi mā te tukanga arohaehae. He mārama ngā whakaritenga pūtea, ā, he tau te tūnga pūtea o te kōhanga reo. Arotakengia ai te tūtohinga, ngā kaupapa here, me ngā tukanga kia hāngai ai ēnei ki te wā. Ko ngā tamariki kei te pūtake o ngā whakataunga ki te kōhanga reo.

Ngā Whakaritenga Matua ka Whai Ake

Kāhore ngā kaimahi e tāutu ana, kāhore hoki e tuhi ana i ngā taumata ako a ngā tamariki. Ka hāngai nui ngā hui kaimahi ki ngā take noa e pā ana ki te whakahaeretanga i ia rā. E mōhio ana ngā kaimahi, mā te arotake ki ngā hui kaimahi i te whai huatanga o te hōtaka akoranga me ngā taumata ako tonu o ngā tamariki, ka hāpai i tā rātou aronga ki te whakapai tonutanga. Ka hāpai hoki tēnei i te kaiako ki te pūrongo ōkawa ki te whānau mō te ahu whakamua o ngā tamariki. Kāhore te whakawhānuitanga ake o te ako a ngā tamariki e āta hāpaitia ana. 

3 Te Whakatau a te Whānau ki ngā Wāhanga Tautukunga

I te wā o te arotake, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

  • te haumaru whatumanawa (tāpiri atu ko te ārahi mauritau, ko te ārai tamariki)
  • te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
  • te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
  • ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

I tāutuhia e Te Tari Arotake Mātauranga ētahi wāhanga kāhore e tutuki ana e ai ki te ture. Hei whakatutukihia e te whānau o te kōhanga reo ngā herenga ā-ture, me tahuri rātou ki te:

3.1 whakawhanake i ngā kaupapa here me ngā tukanga mō te whakahaere i ngā āhuatanga mōrearea i ngā haerenga.
[R 46 Ture Mātauranga (Kōhungahunga) 2008; HS17 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]

4 Ngā Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

mahi ngātahi tonu te whānau ki te:

  • whakatutuki i ngā take i whakatakotohia ai ki tēnei pūrongo, me te
  • whakahaere i te kōhanga reo hei painga mō ngā tamariki.

Hei ā hea Te Tari Arotake Mātauranga arotake anō ai i te kōhanga reo?

Ka arotake anō Te Tari Arotake Mātauranga i Te Kōhanga Reo o Te Puna o Te Reo o Takiwira i roto i te toru o ngā tau.

Lynda Pura-Watson

Kaiurungi Whakaturuki Arotake Māori

12 Paengawhāwhā, 2017

Ngā kōrero e pā ana ki te kōhanga reo 

Te tūwāhi

Kei Tākiwira

Te tau a te Tāhuhu o te Mātauranga

11556

Te tau tohu o Te Kōhanga Reo

01A005

Te tūmomo whare

He kōhanga reo

Te raihana

Ngā Ture Mātauranga (Ratonga Kōhungahunga) 2008

Te tokomaha mō te raihana

30, kia tekau ki raro i te rua o ngā tau

Te tokomaha kei runga i te rārangi ingoa

18, tokorima kei raro i te rua o ngā tau

Te ira tangata

Kōtiro 8

Tama tāne 10

Ngā hononga ā-iwi

Māori

100%

Te wā i te kōhanga reo te rōpū arotake

Hui-tanguru 2017

Te wā o tēnei pūrongo

12 Paengawhāwhā, 2017

Ngā pūrongo o mua a Te Tari Arotake Mātauranga

Arotake Mātauranga

Arotake Tāpiri

Arotake Mātauranga

Haratua 2014

Whiringa-ā-nuku 2010

Haratua 2009

1 Context

Te Kōhanga Reo oTe Puna Reo o Te Reo o Takiwira is the only kōhanga reo in Dargaville. The whanau continue to manage the kōhanga reo in the interests of the children according to whanaungatanga. A future priority for the whānau is to establish a kura in the area so children can continue their education in te reo Māori. Whānau work together to ensure positive learning outcomes for children.

2 The Evaluation Findings

How well do children engage in te reo Māori?

Children and babies are highly responsive to instruction, waiata, karakia and conversation in te reo Māori.

Ngā Taumata Whakahirahira

Children are embraced by whānaungatanga. Children experience manaaki, awhi and tiaki from all kaimahi. They experience and reflect times of happiness and calm. Children initiate, maintain and enjoy, relationships with others. Kaimahi encourage children to participate in karakia and waiata during mihimihi and throughout the day. Tuakana and teina often play very well together. The kaimahi are supportive of one another and readily welcome whānau. Children appear secure and explore their environment confidently. They have opportunities to develop their leadership skills during karakia, daily routines and play. Whānau provide a safe environment for children and ensure they are well supervised. Children display a sense of belonging to their kōhanga reo.

Children have a growing sense of responsibility. Kaimahi support children to recite their pepeha and learn waiata and mōteatea about their local area. Children and babies sleep and eat according to their needs and manage some aspects of their own care. Well established routines and expectations help children to feel secure. Children choose the activities that interest them. They follow instructions and ask questions of the adults when not clear. Kaimahi and whānau are positive and affirming of children. Children are happy and settled.

Children are interested and motivated by the language learning environment. Children hear te reo Māori throughout the day. Tuakana enjoy talking with their peers. Younger children can mimic words and simple phrases and babies use body language to convey messages and display understanding. Children are exposed to te reo Māori through different media including print and books. Māori music is played in the background during play and used to settle children for sleeping. The kuia provides support and guidance in te reo Māori for both children and the whānau. Kaimahi speak only te reo Maori to the children and monitor and record children’s language development. Te reo Māori is a priority for the whanau. Children are developing as speakers of te reo Māori.

Planning and Evaluation

Children benefit from a well-planned and organised learning programme. Mahere-ā-tau are broken down by kaimahi. Whāinga and activities are documented in weekly planning. Programme planning is linked to Te Whariki. Kaimahi plan together and use a variety of methods to monitor and record children’s progress. This includes observations and mātai mokopuna. This information is reported to whānau through profile books and informal conversations. The kaimahi know the children well and regularly discuss children’s progress with one another during the day. New kaimahi are developing their skills and knowledge to focus on children’s needs. Children’s interests and needs are the focus of planning, an assessment and evaluation.

Whānau manage their kōhanga reo well. The chairperson is new to the position but has had a long association with the kōhanga reo. There is a combined effort to strengthen kōhanga reo practices. This includes self-review, whānau participation, capability in te reo Māori and to increase the roll. Three staff are currently on the Whakapakari training programme and kaimahi development needs are identified through the appraisal process. Financial practices are clear and transparent and the kōhanga reo is in a sound financial position. The charter including policies and procedures are reviewed to remain up to date. Children are at the heart of kōhanga reo decision making.

Key Next Steps

Kaimahi do not identify and record children’s next learning steps. The kaimahi hui are largely about day to day management matters. Kaimahi acknowledge that reviewing the effectiveness of the learning programme and next steps for children during kaimahi hui will support their improvement focus. This will also assist the kaiako to report formally to the whānau on children’s progress. Extending children’s learning is not fully supported.

3 Whānau Management Assurance on Compliance Areas

During the review, ERO looked at the kōhanga reo systems for managing the following areas that have a potentially high impact on children's wellbeing:

  • emotional safety (including positive guidance and child protection)
  • physical safety (including supervision; sleep procedures; accidents; medication; hygiene; excursion policies and procedures)
  • suitable staffing (including qualification levels; police vetting; teacher registration; ratios)
  • evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

ERO identified areas of non-compliance. In order for the kōhanga reo whānau to meet compliance requirements they need to:

  • Develop risk management policy and procedures for outings.

[R46 Education (Early Childhood Services) Regulations 2008,HS17 Licensing Criteria for Kōhanga Reo affiliated with Te Kōhanga Reo National Trust]

4 Recommendations

ERO and the kōhanga reo whānau developed the following recommendation:

Whānau continue to work together to:

  • address the matters raised in this report and

  • manage the kōhanga reo in the interests of the children.

When is ERO likely to review the kōhanga reo again?

The next ERO review of Te Kōhanga Reo o Te Puna o Te Reo o Takiwira will be in three years.

Lynda Pura-Watson

Deputy Chief Review Officer Māori

12 April 2017 

Information about the Kōhanga Reo 

Location

Dargaville

Ministry of Education profile number

11556

Kōhanga Reo Identification Number

01A005

Licence type

Te Kōhanga Reo

Licensed under

Education (Early Childhood Services) Regulations 2008

Number licensed for

30 children, including up to 10 aged under 2

Kōhanga Reo roll

18 children, including up to 5 aged under 2

Gender composition

Girls 8

Boys 10

Ethnic composition

Māori

100%

Review team on site

February 2017

Date of this report

12 April 2017

Most recent ERO report(s)

Education Review

Supplementary Review

Education Review

May 2014

October 2010

May 2009