Te Kōhanga Reo o Te Rangiora

1 Te Horopaki

E tū ana Te Kōhanga Reo o Te Rangiora ki Inglewood, i Taranaki, ki te taha o te marae o Pukerangiora. Tekau ngā tamariki ki te rārangi ingoa i tēnei wā. Nō nā tata tonu nei te whānau i whakatū ai i tētahi kaimahi hou, ā, he tino hononga ōna ki te hapori nei.

2 Ngā Whakaaturanga o te Aromātai

He pēhea rawa ngā tamariki e mārama ana, e whakamahi ana hoki i te reo Māori?

E whakawhanake ana ngā tamariki i tō rātou mārama me tā rātou whakamahinga i te reo Māori. Engari, e tika ana kia whakawhanake tonuhia hei hāpai i te whānau ki te whakapai ake i ngā putanga ki ngā ākonga.

Ngā Taumata Whakahirahira

E tūhura ana ngā tamariki i te reo Māori ki tētahi taiao e tautoko ana i a rātou. Ka whakatauira ngā kaimahi i te kounga kairangi o te reo Māori. Ka whakamahi rātou i te reo ā-iwi o Taranaki, ā, he hōhonu tō rātou māramatanga ki ngā hītori me ngā kōrero tuku iho o te hapori. Ka whakamahi rātou i te whānuitanga o ngā tūmomo taumahi pārekareka, tae atu ki te whāngai kupu, te patapatai, me te tāruarua, hei akiaki i ngā tamariki ki te kōrero i te reo Māori. Ka aro ngā tamariki tuākana ki ngā tohutohu me ngā pātai kati i roto i te reo Māori. Ka whakawhiti kōrero ngā tamariki tēina mā ngā tohu ā-kanohi me te reo ā-tinana. E āhei ana ētahi o ngā tamariki ki te whakamahi i ngā kupu me ngā kīanga māmā. E tino mōhio ana ngā tamariki ki ā rātou mahinga o ia āta, ā, he pakari tā rātou whai wāhi atu ki ngā karakia, ngā mihimihi, me ngā waiata. He whai wāhitanga anō hoki mō rātou ki te taki i ngā karakia o te ata me te kai. E whakawhanake ana ngā tamariki ki te kōrero i te reo Māori.

E pou herea ana te ako a ngā tamariki ki ngā hononga papai. Ka kitea ki ngā kaimahi te pai o ā rātou taunekeneke ki te taha o ngā tamariki. Ka aroha, ka manaaki hoki rātou. Ka tautoko, ka ārahi hoki rātou i ngā tamariki kia māia ai tā rātou whai wāhi ki ngā taumahi ako ōkawa, ōpaki hoki. Ka whakapau kaha rātou ki te whakamihi i ngā whakamātau a ngā tamariki katoa. He koi tā rātou whakamahinga i te whānuitanga o ngā tūmomo rautaki hei akiaki i te whanonga pai. Ka whakaatu ngā tamariki tuākana i ngā āhuatanga o te noho tahi o te tuakana me te teina, mā tō rātou tautoko i ngā tamariki tēina ki te whai wāhi mai ki ngā taumahi ā-rōpū. Ka whai wāhi nui ngā tamariki tēina, ā, ka kitea tō rātou pārekareka ki te tākaro ki te taha o ō rātou hoa me ngā pākeke. He pai te taunekeneke a ngā tamariki ki waenga i a rātou anō, ā, ki ngā pākeke hoki.

Te Whakamahere me te Aromātai

Kua āta whakawhanakehia ngā mahere hōtaka, ā, kua whakahāngaitia anō hoki ki te whakapuakitanga me ngā whakaritenga o te hōtaka. He mahere pae tawhiti, pae tata anō hoki ā ngā kaimahi, ā, e āta hono mārika ana ēnei ki Te Whāriki me Te Korowai. Kei ngā mahere o ia rā, ko ngā putanga ako, ngā taumahi, me ngā rauemi. Ka whai hua ngā tamariki nā tētahi hōtaka akoranga e āta whakamaheretia ana.

Ka whakaemi ngā kaimahi i ngā mōhiohio e pā ana ki te ako a ngā tamariki, mā ngā pūkete mokopuna. Ka whai kiko ngā pūkete, ā, ka arotahi ki te ako a ngā tamariki. E āhei ana ngā mātua ki te titiro ki ngā mōhiohio, me te kōrero ki ngā kaimahi mō te ako a ā rātou tamariki.

Ngā Whakaritenga Matua ka Whai Ake

Kāhore ngā akoranga a ngā tamariki e tino whakatinanahia ana mā te āta aromātai i te hōtaka. Ahakoa ka kōrerorero ngā kaimahi mō tēnā e whai hua ana, ā, mō ngā whakapaitanga anō hoki e tika ana ki te hōtaka akoranga, kāhore rātou e tuhi ana i aua kōrerorero. Me tuhi ngā kaimahi i ngā whakawhitinga kōrero e pā ana ki te aromātai hōtaka, hei hāpai i ngā mahi ki te aroturuki me te whakapai ake i ngā putanga ako o ngā tamariki.

Kāhore te kōhanga reo e āta whakahaerehia ana. Kāhore te whānau e mārama ana, e whakatutuki ana rānei i ā rātou kawenga whakahaere e hāpai ana i te kaupapa o te kōhanga reo. Ka hāngai hoki tēnei ki te whakamahere rautaki, te whakahaere i ngā kaimahi, te arohaehae, te arotake i te kaupapa here, me ngā take e pā ana ki te hauora me te haumaru. E kawe ana te kaiako i te nuinga o ngā mahi e pā ana ki te whakahaeretanga o te kōhanga reo me te hōtaka akoranga anō hoki o ngā tamariki. Nā te iti noa o te whai wāhi mai o te whānau, e whakahaerehia ana te kōhanga reo i tēnei wā e te Poari Matua o Ngā Kōhanga Reo. Me whai whakaaro te whānau, me pēhea rātou e whakatutuki i ō rātou tūranga me ā rātou kawenga mahi, i runga anō i te kaupapa o te kōhanga reo.

3 Te Whakatau a te Whānau ki ngā Wāhanga Tautukunga

I te wā o te arotake, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

I te wā o te arotake, i tāutuhia e Te Tari Arotake Mātauranga ngā wāhanga kāhore e tutuki ana e ai ki te ture. Me tahuri te whānau ki te:

• āta whakarite i te whai huatanga o ngā mahi ki te kāwana me te whakahaere anō hoki i te kōhanga reo, i runga anō i ngā mahi whakahaere papai, tae atu hoki ki Te Korowai
  [R47 Ture Mātauranga (Kōhungahunga) 2008; GMA1-12 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
• whakarite i tētahi tukanga arotake whaiaro ka haere tonu i ia te wā, hei hāpai i te kōhanga reo ki te whakapūmau me te whakapai ake i te kounga o ngā whakaritenga mō ngā tamariki
  [R47 Ture Mātauranga (Kōhungahunga) 2008; GMA6 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
• āta whakarite i te whakatinanatanga o ngā mahi ki te arohaehae i ngā kaimahi katoa
  [R47 Ture Mātauranga (Kōhungahunga) 2008; GMA7 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
• whakarite i tētahi tukanga ki te aromātai i te whai huatanga o te hōtaka akoranga.
  [R43 Ture Mātauranga (Kōhungahunga) 2008; C1-4 me C7-10 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]

4 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

• mahi ki te taha o ngā kaimahi o te Poari Matua o Ngā Kōhanga Reo ki te whakatutuki i ngā take i tāutuhia ai ki tēnei pūrongo, ā, kia aro matua tonu ki te whakapakari i te whai wāhi mai me te whakahaeretanga a te whānau i te kōhanga reo.

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Te Rangiora i roto ngā tau e rua.

Lynda Pura-Watson

Kaiurungi Whakaturuki Arotake Māori

23 Kohitātea, 2018

Ngā kōrero e pā ana ki te kōhanga reo

1 Context

Te Kōhanga Reo o Te Rangiora is in Inglewood, Taranaki. The kōhanga reo is located next to Pukerangiora Marae. There are currently 10 children on the roll. The whānau has recently hired a new kaimahi who has strong links to the local community.

2 The Evaluation Findings

How well do children understand and use te reo Māori?

Children are developing their understanding and use of te reo Māori. However further development is essential to support whānau to improve outcomes for learners.

Ngā Taumata Whakahirahira

Children explore te reo Māori in a supportive environment. Kaimahi model high quality te reo Māori. They use the dialect of Taranaki and have a deep understanding of local histories and traditions. They use a range of fun activities including prompts, questions and repetition to encourage children to speak te reo Māori. Older children respond to commands and closed questions in te reo Māori. Younger children communicate through facial expressions and body language. Some children are able to use basic words and phrases. Children know their morning routines well and participate confidently in karakia, mihimihi and waiata. They are provided with opportunities to lead karakia in the morning and for kai. Children are developing as emergent speakers of te reo Māori.

Children’s learning is underpinned by positive relationships. Kaimahi demonstrate positive interactions with children. They are loving and caring. They support and guide children to confidently participate in formal and informal learning activities. They take every opportunity to praise the efforts of all children. They skilfully use a range of strategies to encourage positive behaviour. Older children demonstrate tuakana/teina by supporting younger children to take part in group activities. Younger children participate freely and appear to enjoy playing with their peers and adults. Children interact well with each other and adults.

Planning and Evaluation

Programme planning is well developed and aligned with programme delivery and practices. Kaimahi have long term and short term plans in place which are clearly linked to Te Whāriki and Te Korowai. Daily planning includes learning outcomes, activities and resources. Children benefit from a well-planned learning programme.

Kaimahi gather information about children’s learning through mokopuna profiles. Profiles are informative and focus on children’s learning. Parents are able to view information and talk with kaimahi about their children’s learning.

Key Next Steps

Children’s learning is not well informed by effective programme evaluation. While kaimahi informally discuss what is working and where improvements can be made to the learning programme, they are not documenting these discussions. Kaimahi need to document discussions about programme evaluation to help monitor and improve learning outcomes for children.

The kōhanga reo is not well managed. Whānau do not understand or fulfil their management responsibilities to the kōhanga reo kaupapa. This includes strategic planning, personnel management, appraisal, policy review, and health and safety issues. The kaiako carries most of the work relating to kōhanga reo operations as well as the learning programme for children. Due to a lack of whānau participation and involvement, the kōhanga reo is currently under the management of Te Kōhanga Reo National Trust. The whānau must consider how they can fulfil their roles and responsibilities in line with the kaupapa of kōhanga reo.

3 Whānau Management Assurance on Compliance Areas

During the evaluation, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

During the course of the review, ERO identified areas of non-compliance. The whānau must:

• ensure that the kōhanga reo is effectively governed and managed in accordance with good management practices, including Te Korowai
  [Regulation 47 Education (Early Childhood Services) Regulations 2008; GMA 1-12 Licensing Criteria for Kōhanga Reo affiliated with Te Kōhanga Reo National Trust 2008]
• establish an ongoing process of self review to help maintain and improve the quality of practice for children
  [Regulation 47 Education (Early Childhood Services) Regulations 2008; GMA6 Licensing Criteria for Kōhanga Reo affiliated with Te Kōhanga Reo National Trust 2008]
• ensure appraisal for all employed staff is regularly implemented
  [Regulation 47 Education (Early Childhood Services) Regulations 2008, GMA7 Licensing Criteria for Kōhanga Reo affiliated with Te Kōhanga Reo National Trust 2008]
• establish a process for evaluating the effectiveness of the learning programme.
  [Regulation 43 Education (Early Childhood Service) Regulations 2008; C1-4 and C7-10]

4 Recommendation

ERO and the Kōhanga Reo kaimahi developed the following recommendation:

Work with Te Kōhanga Reo National Trust kaimahi to address the issues identified in this report, with particular focus on strengthening whānau involvement and management in the kōhanga reo.

When is ERO likely to evaluate the kōhanga reo again?

The next ERO evaluation of Te Kōhanga Reo o Te Rangiora will be within two years.

Lynda Pura-Watson

Deputy Chief Review Officer Māori

23 January 2018

Information about the Kōhanga Reo