103 Alexandra Cres, Mayfair, Hastings
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, ngā hapū, me ngā iwi.
E tū ana Te Kōhanga Reo o Te Reo Aroha ki Heretaunga. E whakatairanga ana te whānau i ngā whakareretanga o tō rātou kuia, ā, ko ia tērā te māreikura o tō rātou whare. Ko ngā mokopuna ētahi o ngā ākonga takitini o ngā whakatupuranga kua poipoia ki te kōhanga reo. Ko aua hononga katoa e pai here ana i te āhua o tō rātou whanaungatanga.
Ka whai wāhi atu ngā mokopuna ki ngā wheako pērā i te ako i ngā waiata, ngā karakia, me ngā tikanga, e poipoi katoatia ana te āhurutanga o te ao Māori.
E rumakina ana ngā mokopuna ki ngā akoranga e whakamana ana i ō rātou hononga ā-whānau, ā-hapū, ā-iwi hoki. Ka arahina e ngā kaumātua me ngā kuia, ā, ka whakatauira rātou i ngā tikanga me ngā kawa mō te whakatau manuhiri ki tō rātou whare. Ka rongo ngā mokopuna i te reo ōkawa i aua wā, ā, ka whai wāhi atu ki ngā tūāhuatanga katoa o te pōwhiri. Ka hāpai ngā kaimahi i te whakawhanaketanga reo o ngā mokopuna mā ngā rautaki pērā i te whaikōrero, te haka pōwhiri, te waiata, te patapatai, te whāngai kupu, me te tohutohu. Ka whakarato rātou i ngā whai wāhitanga mō ngā mokopuna ki te taki i ō rātou whakapapa, me te kōrero mō ō rātou tūrangawaewae. He tino tauira ngā tuākana mō ō rātou tēina, ā, ka tāwhai ngā tēina i ngā mahi a ō rātou tuākana. Ka whakamihi, ka akiaki i ngā wā katoa, hei rautaki ā ngā kaimahi ki te whakatairanga i te ngākau titikaha me te aronga toi whenuatanga o ngā mokopuna. E whiwhi ana ngā mokopuna i ngā akoranga e poipoi ana, e tuitui ana hoki i te mātauranga Māori.
He ngākau titikaha ō ngā mokopuna ki te tūhura i tō rātou taiao. Ka whakamahi ngā kaimahi i te tangongitanga o ngā aronga ki te whakaongaonga me te wero i ngā whakaaro o ngā mokopuna. Kei ngā mahinga o ia rā ngā whai wāhitanga mō ngā mokopuna ki te ārahi me te tautoko i ngā karakia, ngā mihimihi, me ngā mōteatea. He ngāwari, he taunga hoki ngā whakawhitinga ki waenga i ngā wāhi ako. Ka hāpai te wāhi o waho i te taha tūhura. E āhei ana ngā mokopuna ki te taunekeneke me te whai māramatanga ki ō rātou hononga ki te taiao māoriori. E pou here ana ngā tikanga o te manaakitanga me te aroha i ngā taunekeneke katoa ki waenga i nga mokopuna. Kei te mauritau, kei te harikoa hoki ngā mokopuna, ā, ka tūhonohono rātou ki ētahi atu, ki tō rātou taiao anō hoki.
Ka mahi ngātahi ngā kaimahi ki te whakamahere i te hōtaka akoranga. Ka whakatau tahi i ngā putanga ako e hiahiatia ana, i ngā rautaki hoki, me ngā rauemi e hāpai ai i te whakatinanatanga o ngā akoranga. Ka whakamahere i te tangongitanga o ngā taumahi o roto, o waho, hei whakaongaonga, hei whakawhānui hoki i ngā akoranga a ngā mokopuna. Ka whai wāhi atu te whānau ki te whakamahere i ngā whakaakoranga me te hōtaka akoranga. Whakaaro huritao ai ngā kaimahi ki te kounga o te hōtaka, ā, he aronga ki te whakapai tonu. He pai te aro atu a ngā mokopuna ki ā rātou akoranga e pā ana ki te ao Māori, mā roto mai anō hoki i te ao Māori.
Ko te whanaungatanga te tūāpapa whakaioio o ngā mahi whakahaere a te whānau ki te kōhanga reo. Kua whakaritea e te whānau tētahi pae ipurangi kia noho mōhio ai ngā mema katoa o te whānau ki ngā kaupapa. Tū ai ngā hui i ia marama, ā, ka whakawhāriki i ngā mōhiohio papai e whai pānga nui ana ki te waiora o ngā mokopuna me tā rātou ako. He kaupapa here, he tukanga hoki e pā ana ki te hauora, te haumaru, me ngā kaimahi, ā, e hāngai ana ki ngā herenga ā-ture e tika ana. Ka aroturukitia ngā take e pā ana ki te hauora me te haumaru, ā, he matawhānui ngā rēhita e whakamahia ana. Ka whakahaerehia ngā take e pā ana ki ngā kaimahi. Kei ngā tuhinga whiwhi mahi, ko te kirimana a ia kaimahi, ko ngā tuhinga tūranga mahi, me ngā arowhai haumaru e pā ana ki ngā kaimahi. Ka whakatutukihia ngā arohaehae whaiaro a ngā kaimahi, ā, he aronga pūmau ki te whakapai tonutanga. Ko te waiora o ngā mokopuna, ko tā rātou ako hoki te aronga matua o te whakatau ngātahi a te whānau i ngā whakaritenga.
Ka whakamōhiotia te mahere rautaki ki Te Ara Tūāpae. Kua tautuhia ngā kaupapa matua me ngā mahi o te pae tawhiti me te pae tata, ā, ka aro pū ki te whakawhanaketanga o te kōhanga reo ki anamata. E whakatakoto ana te mahere ā-tau i te whānuitanga tonu o ngā mahi whakahaere i te tari, me ngā wā hoki e tika ana kia whakatutukihia. Ka tohatoha i ngā kawenga ki waenga i te whānau kia tutuki ngā kaupapa whakahaere. Ko ngā mokopuna kei te pūtake o ngā mahi whakahaere a te whānau.
E taea ana ngā akoranga a ngā mokopuna te whakatairanga ake. Me whakaōkawa i ngā whakaritenga aromatawai. He mea nui kia nahanaha te aronga a ngā kaimahi e whakaatu ai i te ako me te ahu whakamua a ngā mokopuna i roto i te roanga o te wā.
Ahakoa kua whakatakotohia e te whānau ngā kaupapa here me ngā tukanga e pā ana ki te hauora me te haumaru, e mōhio ana rātou, e tika ana kia whakapau kaha tonu ki te whakatairanga ake i tō rātou mōhiotanga me tō rātou māramatanga ki te Children’s Act 2014. E whakatau ana hoki Te Tari Arotake Mātauranga, ko te haere tonu i ngā wānanga ka hāpai ake i tā rātou whakatutukitanga i ngā takohanga ki te ture.
I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:
Kia tutuki i te whānau ngā herenga ā-ture, me tahuri rātou ki te:
E taunaki ana Te Tari Arotake Mātauranga kia whakaōkawa tonuhia e te whānau ngā whakaritenga aromatawai, ā, kia mahi hoki ki te taha o tari ā-rohe o Te Poari Matua o Ngā Kōhanga Reo, kia whai tautoko ai rātou ki te whakatutuki i ngā takohanga o te Children’s Act 2014.
Darcy Te Hau
Toka ā Nuku
Te Uepū-a-Motu – Māori Services
06 Hakihea, 2023
| Te tūwāhi | Kei Mayfair, ki Heretaunga |
| Te tau a te Tāhuhu o te Mātauranga | 55138 |
| Te tau tohu o Te Kōhanga Reo | 08E014 |
| Te tūmomo whare | Te Kōhanga Reo |
| Te raihana | Ngā Ture Mātauranga (Ratonga Kōhungahunga) 2008 |
| Te tokomaha mō te raihana | 20 ngā tamariki, kia tekau ki raro i te rua o ngā tau |
| Te tokomaha kei runga i te rārangi ingoa | 16 ngā tamariki, tekau kei raro i te rua o ngā tau |
| Ngā hononga ā-iwi | Māori 14, Iwi kē 2 |
| Te wā i te kōhanga reo te rōpū arotake | Whiringa-ā-nuku 2023 |
| Te wā o tēnei pūrongo | 6 Hakihea 2023 |
| Ngā pūrongo o mua | Arotake Mātauranga, Pipiri 2019; Arotake Mātauranga, Pipiri 2016; Arotake Mātauranga, Pipiri 2013 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO’s reports provide important information for whānau, hapū and iwi.
Te Kōhanga Reo o Te Reo Aroha is in Hastings. The whānau promote the legacy of their kuia, as the matriarch and guardian of their whare. Mokopuna contribute to the legacy of intergenerational learners who have attended the kōhanga reo. These connections form the basis of longstanding their relationships amongst the whānau.
Mokopuna engage in experiences that includes learning waiata, karakia and tikanga that nurtures awareness of the uniqueness of te ao Māori.
Mokopuna are immersed in learning that affirms their connections to whānau, hapū and iwi. Kaumātua and kuia provide leadership and role model tikanga and kawa when welcoming manuhiri into their whare. Mokopuna hear te reo ōkawa during this time and participate in all aspects of pōwhiri. Kaimahi support mokopuna language development by using strategies such as whaikōrero, haka pōwhiri, waiata, questions, prompts and instructions. They provide mokopuna with opportunities to recite their whakapapa and talk about their tūrangawaewae. Tuākana are role models for their teina who like to mimic the actions of their tuākana. Constant praise and encouragement are strategies used by kaimahi to promote mokopuna confidence and belonging. Mokopuna experience learning that nurtures and integrates mātauranga Māori.
Mokopuna confidently explore their environment. Kaimahi use a range of approaches to stimulate and challenge mokopuna thinking. The daily routine consists of regular opportunities for mokopuna to lead and participate in karakia, mihimihi and mōteatea. Transitions between learning spaces are smooth and familiar. The outdoor space supports exploration. This allows mokopuna to interact and understand their relationships with the natural environment. The tikanga of aroha and manaakitanga underpins the interactions among the mokopuna. They are settled, happy, and enjoy positive relationships with others and their taiao.
Kaimahi work together as they plan the learning programme. This includes agreeing on desired learning outcomes, strategies, and resourcing to support implementation. A variety of indoor and outdoor activities are planned to stimulate and extend mokopuna learning. Whānau contribute to planning of the teaching and learning programme. Kaimahi regularly reflect on the quality of the programme with a focus for further improvement. Mokopuna respond positively to their learning about te ao Māori.
Whanaungatanga provides a solid foundation for the way in which whānau manage their kōhanga reo. Whānau have established an online platform to ensure all whānau members stay well-informed. Monthly hui occur and minutes provide good information about what is important to the wellbeing and learning of mokopuna. Health, safety and personnel policies and procedures exist and are in accordance with relevant legislation. Health and safety matters are monitored with detailed registers in place. Personnel matters are managed. Employment documentation includes individual employment contracts, position descriptions and completed kaimahi safety checks. Kaimahi self-appraisals are carried out, with an ongoing commitment toward improvement. Mokopuna wellbeing and learning are the focus of collective whānau decision making.
The strategic plan is informed by Te Ara Tuapae. Long and short-term priorities and actions are identified and is well focused on the future development for the kōhanga reo. An annual plan sets out the overall administrative tasks and the relevant completion dates. Responsibilities are shared amongst whānau to achieve operational activities. Mokopuna are at the centre of whānau whakahaere.
Mokopuna learning could be further enhanced. Assessment practises needs to be formalised. It is important that kaimahi take a planned approach to better show mokopuna are learning and progressing over time.
Whilst whānau have health and safety policies and procedures in place, they acknowledge the must be ongoing efforts to enhance their awareness and understanding of the Children’s Act 2014. ERO agree that further wānanga will enable them to demonstrate their commitment to fulfilling the obligations of the Act.
During the evaluation, ERO looked at systems for managing the following areas:
To meet compliance requirements, they must:
ERO recommends that whānau continue formalise assessment practices and work alongside the district office for support with meeting the obligations of the Children’s Act 2014.
Darcy Te Hau
Toka-ā-Nuku – Director
Te Uepū ā-Motu – Māori Review Services
6 December 2023
| Location | Mayfair, Hastings |
| Ministry of Education profile number | 55138 |
| Kōhanga Reo Identification Number | 08E014 |
| Licence type | Te Kōhanga Reo |
| Licensed under | Education (Early Childhood Services) Regulations 2008 |
| Number licensed for | 20 children, including up to 10 aged under 2 |
| Service roll | 16 children, including up to 10 aged under 2 |
| Ethnic composition | Māori 14, Other 2 |
| Review team on site | October 2023 |
| Date of this report | 6 December 2023 |
| Most recent ERO report(s) | Education Review, June 2019; Education Review, June 2016; Education Review, June 2013 |
E tū ana Te Kōhanga Reo o Te Reo Aroha ki Heretaunga. Mō te nuinga o ngā whānau e hono ana ki te kōhanga reo nei, he ākonga o mua rātou, he mātua rānei rātou o ētahi tamariki kua ako kētia i te kōhanga reo. E kī ana te whakataukī, ‘Whakatika i te tamaiti i runga i tōna ara tika’, ā, he āhuatanga tēnei o te tikanga whakaaro a te kōhanga reo.
Ka whakapuaki ngā tamariki i te whanaungatanga i roto i ō rātou hononga ki ngā tāngata me ngā wāhi.
E whiwhi ana ngā tamariki i ngā taunekeneke e whakakoia ana, e akiaki ana hoki i a rātou. He pai ngā taunekeneke a ngā kaimahi ki ia tamaiti. Ko te ngāwari o ō rātou āhua e tino poipoi ana i te mauritau o ngā tamariki. He rangimārie, he tau hoki te wairua ako. Ko ngā wāhanga ōkawa o te hōtaka akoranga, ko ngā mahinga hoki e hāpai katoa ana i ngā tamariki ki te āta whakawhiti atu ki te āhua o tō rātou rā ki te kōhanga reo. Ka tūmāia ngā tamariki tuākana ki te ārahi i ētahi o ngā wāhanga o te hōtaka akoranga, ā, he tino tauira anō hoki rātou ki ngā pēpi. Ka ākina, ka whakamihia hoki ngā whakamātau me ngā whakapuakitanga whakaaro a ngā tamariki. Ka rangona te manaakitanga me te whakawhirinakitanga ki ngā taunekeneke i waenga i ngā kaimahi me ngā tamariki. Ka whakapuakihia e ngā tamariki te whakaute me te manaakitanga ki waenga i a rātou anō.
Ka tūhonohono ngā tamariki ki ō rātou taiao ako mā ngā huarahi e whai pūtake ana. Kua āta whakawhanakehia ngā wāhi o roto, o waho hoki o ngā whare o te kōhanga reo. He wāteatea te wāhi o waho, ā, he māra kai, he rākau hua anō hoki i reira. Tērā anō tētahi rākau motuhake, ā, he whakahirahira te rākau nei ki ngā whakapapa o ngā tamariki. Ka whakamahi ngā kaimahi i ngā taonga māoriori, hei kōkiri i te māramatanga o ngā tamariki ki ngā tūhonotanga ki waenga i te whenua, ngā atua Māori, me ō rātou nei ao. Ka ngākau nui ngā tamariki ki te tūhura me te pakirehua mā te tākaro. He pārekareka ki a rātou te whai māramatanga ki ngā tūmomo nekehanga o ngā mea katoa, i a rātou e whai wāhi atu ana ki ngā mahi e hāpai nui ana i te hīraurau hopanga. Kei te mātātoa, kei te whakahihiritia hoki ngā tamariki hei ākonga.
E whakapakari ana ngā tamariki i tō rātou māramatanga me tā rātou whakamahinga o te reo Māori. Ka akiaki ngā kaimahi i ngā tamariki ki te kōrero i te reo Māori mā te whāngai kupu me ngā pātai māmā. E hāpaitia ana hoki te whakawhanaketanga reo o ngā tamariki mā te whai wāhi atu a ngā tamariki ki ngā karakia, ki ngā hīmene, ki ngā waiata, ki ngā whakaari. Ka rongo i tētahi rōpū iti o ngā tamariki tuākana e whakapuaki māhorahora ana i te reo Māori. Ka taea e ngā tamariki ngā tohutohu te mārama, ā, he tika anō tā rātou aro atu ki aua kōrero. Ka kōrero ngā kaimahi i te reo Māori kia areare mai ai ngā taringa o ngā tamariki. Ka whakamana, ka whakanui hoki ngā kaimahi i te tupu haere o ngā ngākau titikaha o ngā tamariki ki te whakapuaki me te whakawhiti kōrero mā te reo Māori. E whanake ana ngā tamariki ki te kōrero i te reo Māori.
He pai ngā mahi whakahaere a te whānau ki tō rātou kōhanga reo. Tū ai ngā hui i ia te wā kia taea ai e te whānau te whakawhitiwhiti whakaaro mō ngā āhuatanga whakahaere. Ka whakatakotohia ki ngā hui o ia marama, ko ngā pūrongo e pā ana ki ngā pūtea, ki te ako a te whānau me ō rātou whakawhanaketanga, ā, ki ngā hōtaka akoranga hoki a ngā tamariki. Kua whakahoungia te tūtohinga, tae atu ki te arotakenga, me te whakahāngaitanga hoki o ngā kaupapa here ki ngā herenga ā-ture o te wā. He pai ngā mōhiohio e tohu ana i te tū auau o ngā mahi ki te aroturuki i te hauora, i te haumaru, i te atawhai o ngā tamariki. Kua āta whakaraupapahia ngā kaupapa matua a te whānau mō te kōhanga reo ki ā rātou whāinga rautaki me ngā mahere mahi. Ko te kaupapa o te kōhanga reo e whai wāhi nui ana ki ngā tino painga mō ngā tamariki me ō rātou whānau.
Ko ngā ngākau nuitanga me ngā matea o ngā tamariki e āta whakaarohia ana ki te whakamaheretanga o te hōtaka. E whakatakoto ana ngā mahere i te aronga pai mā ngā kaimahi ki te whakapuaki i te whānuitanga o ngā tūmomo wheako ako ā-kaupapa nei e whai pūtake ana. Ka whakapuakihia te angamahi o ngā mahere ki te taha o te whānau. Ka kitea ki ngā mahere, ko te kaha o te atawhai me te whakaaro nui e whakapuakihia ana mā ia tamaiti, ā, mā ngā rōpū tamariki hoki. E āta whakaritea ana, e āta whakahaerehia ana hoki te hōtaka akoranga.
Me whakapakari ake i ngā mahi ki te aromatawai i ngā tamariki me te aromātai i te hōtaka. Kāhore ngā aromatawai e hāngai ana ki te hōtaka akoranga i whakamaheretia ai, ki ngā putanga anō hoki i tāutuhia ai mā ngā tamariki. Kua āta tuhia ngā āhuatanga e pā ana ki te aromātai hōtaka. Me whai whakaaro ngā kaimahi ki ngā āhuatanga o te hōtaka akoranga i whai hua ai ki ngā tamariki, me ngā huarahi anō hoki e tika ana mō rātou ki te whakapai ake i ā rātou whakaritenga me ā rātou whakaratonga, hei whakatairanga ake i te ako a ngā tamariki. Ka taea te kounga o te hōtaka akoranga te whakawhānui ake mā te whakapakari ake i ngā mahi e pā ana ki te aromatawai me te aromātai.
Kāhore ngā whakataunga a te whānau i ngā hui e āta tuhia ana. Kāhore te whakatakotoranga o ngā meneti e āta tohu ana i ngā mahi nō te hui o mua i whakatutukihia ai. Ka taea te arotake o roto te whakatairanga ake mā te whakariterite ake me te āta whakatakoto haere i ngā pūrongo.
I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:
Ka aromātai anō Te Tari Arotake Mātauranga i Te Kōhanga Reo o Te Reo Aroha i roto i te toru o ngā tau.
Charles Rolleston
Toka ā-nuku
25 Pipiri, 2019
Te tūwāhi | Kei Heretaunga | |
Te tau a te Tāhuhu o te Mātauranga | 55138 | |
Te tau tohu o Te Kōhanga Reo | 08E041 | |
Te tūmomo raihana | He kōhanga reo | |
Kua raihanatia ki te ture | Ngā Ture Mātauranga (Ratonga Kōhungahunga) 2008 | |
Te tokomaha mō te raihana | 30, kia tekau ki raro i te rua o ngā tau | |
Te tokomaha kei te rārangi ingoa | 23, tokoono kei raro i te rua o ngā tau | |
Te ira tangata | Kōtiro 12 Tama 11 | |
Ngā hononga ā-iwi | Māori | 100% |
Te wā i te kōhanga reo te rōpū arotake | Haratua 2019 | |
Te wā o tēnei pūrongo | 25 Pipiri, 2019 | |
Ngā pūrongo o mua a Te Tari Arotake Mātauranga | Arotake Mātauranga Arotake Mātauranga Arotake Mātauranga | Pipiri 2016 Pipiri 2013 Whiringa-ā-nuku 2009 |
Te Kōhanga Reo o Te Reo Aroha is located in Hastings. Most whānau have connections as either graduates or parent of graduates of the kōhanga reo. The whakataukī ‘Whakatika i te tamaiti i runga i tōna ara tika’ is part of the kōhanga reo philosophy.
Children express whanaungatanga in their relationships with people and places.
Children experience interactions that are affirming and encouraging. Kaimahi interact positively with individual children. Their gentle manner with children is very settling. The learning atmosphere is peaceful and calm. The formal part of the learning programme and routines enable children to transition smoothly into their day at the kōhanga reo. The older children confidently lead parts of the learning programme and are good role models for the babies. Children are encouraged and praised for their efforts and contributions. Interactions amongst kaimahi and children show care and trust. Children show respect and care for each other.
Children connect in meaningful ways with their learning environments. The indoor and outdoor areas of the kōhanga reo facilities are well developed. The outdoors area is spacious and includes a māra kai and fruit trees. There is also a special tree that holds a place of significance to the whakapapa of the children. Kaimahi use natural resources to facilitate children’s understanding about how the land, atua Māori and their domains are connected. Children love to explore and inquire through play. They enjoy finding out what makes things work as they engage in problem solving tasks. Children are active and interested learners.
Children are building their understanding and use of te reo Māori. Kaimahi encourage children to speak te reo Māori through prompts and simple questions. Children’s language development is also supported by children being involved in karakia, hīmene, waiata and whakaari. A small group of older children can be heard speaking te reo Māori spontaneously. Children can understand instructions and respond accordingly. Kaimahi speak te reo Māori to focus children’s listening. Kaimahi value and acknowledge children’s growing confidence to express and communicate in te reo Māori. Children are developing as speakers of te reo Māori.
The whānau manage their kōhanga reo well. Hui are held regularly so that whānau can discuss kōhanga reo operations. There is reporting at monthly hui about finances, whānau learning and development, and the learning programmes for children. The charter has been revised and includes reviewing and aligning policies to current legislation. There is good information to show regular monitoring of the health, safety and care of children. Whānau priorities for the kōhanga reo are clearly outlined in their strategic goals and action plans. The kaupapa of kōhanga reo contributes to positive outcomes for children and their whānau.
Children’s interests and needs are well considered in programme planning. Planning provides good direction for kaimahi to deliver a variety of meaningful kaupapa-based learning experiences. The framework for planning is shared with whānau. Planning shows care and attention given to individual children and groups of children. The learning programme is well organised and managed.
Children’s assessments and programme evaluation require strengthening. Assessments do not align to planned learning programme and the outcomes identified for children. Programme evaluation is well documented. Kaimahi must consider what aspects of the learning programme worked well for children and how they can improve their practices and provision to enhance children’s learning. The quality of the learning programme can be extended through stronger assessment and evaluation practices.
Whānau decision making at hui is not clearly recorded. The organisation of minutes do not identify clearly what has been achieved against actions from previous hui. Internal review can be further enhanced when reporting is more organised and deliberate.
During the evaluation, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
ERO and the Kōhanga Reo whānau developed the following recommendation:
The next ERO evaluation of Te Kōhanga Reo o Te Reo Aroha will be in three years.
Charles Rolleston
Toka ā-nuku
25 June 2019
| Location | Hastings | ||
| Ministry of Education profile number | 55138 | ||
| Kōhanga Reo Identification Number | 08E041 | ||
| Licence type | Te Kōhanga Reo | ||
| Licensed under | Education (Early Childhood Services) Regulations 2008 | ||
| Number licensed for | 30 children, including up to 10 aged under 2 | ||
| Kōhanga Reo roll | 23 children, including 6 aged under 2 | ||
| Gender composition | Girls 12 Boys 11 | ||
| Ethnic composition | Māori | 100% | |
| Review team on site | May 2019 | ||
| Date of this report | 25 June 2019 | ||
| Most recent ERO report(s) | Education Review Education Review Education Review | June 2016 June 2013 October 2009 | |
E tū ana Te Kōhanga Reo o Te Reo Aroha ki te pokapū o Heretaunga. He pai te whakawhanaketanga o te māramatanga o ngā tamariki ki ō rātou hononga ā-wairua, ā-ahurea hoki mā te reo Māori me ngā tikanga Māori. He pai tā rātou taunekeneke ki ētahi atu, ā, e ako ana rātou ki te kōrero i te reo Māori. E noho pūmau ana te whānau ki te rōnakitanga o te kaupapa me ngā uaratanga anō hoki o tō rātou kōhanga reo.
Ka arotake anō Te Tari Arotake Mātauranga i Te Kōhanga Reo o Te Reo Aroha i roto i te toru o ngā tau.
E tū ana Te Kōhanga Reo o Te Reo Aroha ki te pokapū o Heretaunga. He nui ngā mōhiotanga me te mātauranga o ngā kuia me ngā kaimahi ki te kōhanga reo. He hononga tō te nuinga o te whānau ki te kōhanga reo, he ākonga o mua rātou, he mātua rānei rātou o ētahi tamariki kua tupu kē ki te kōhanga reo. Ko te whakataukī e mea ana, ‘Whakatika i te tamaiti i runga i tōna ara tika’ e whai wāhi ana ki te tirohanga o te kōhanga reo.
E hono ā-whakapapa ana ngā tamariki ki ngā iwi o Te Moana-nui-a-Kiwa me Āhia. Ka whakamanahia, ka whakanuia hoki ngā ahurea me te reo o ngā tamariki ki te hōtaka akoranga.
Mai i te pūrongo o mua a Te Tari Arotake Mātauranga i te tau 2013, kua hūnuku te whānau ki tētahi whare hou i hangaia ai hei kōhanga reo. Ko te waihanga o te wāhi o waho e hāngai ana ki tētahi papakāinga. Nā ngā matū māoriori, ngā rākau Māori, ngā pou me ngā whare e hāpai ana i ngā tamariki ki te tūhura i te ao Māori.
He pai te whakawhanaketanga i te māramatanga o ngā tamariki ki ō rātou hononga ā-wairua, ā-ahurea hoki mā te reo Māori me ngā tikanga Māori.
E ako ana ngā tamariki i ngā painga o ō rātou whakapono ā-wairua, ā-ahurea hoki. Ka whai pānga matua ngā uaratanga o te aroha, te tiaki, me te wairua ki te hōtaka o ia rā. Ka whakamahi ngā kaimahi i ngā karakia, ngā hīmene, ngā pepeha me ngā whakapapa kia puāwai te manaaki, me te aroha i roto i ngā mahi e hāpai ana i te waiora o ngā tamariki. Nā te taiao ako ka whakawhanake ngā pūkenga o ngā tamariki ki te tiaki me te whakahaere i a rātou anō. He tau ngā tamariki, ā, kei te pupū ake tō rātou āheinga ki te kōkiri i a rātou anō.
Ka whakaongaongatia te ako a ngā tamariki. Whakaritea ai e ngā kaimahi i ia te wā te whai wāhi atu a anga tamariki ki ngā kaupapa i te marae me te hapori whānui. Ka poipoi ngā taumahi i ngā rōpū me ngā matea, ngā ngākau nuitanga hoki o ia tamaiti. E wātea ana ki ngā tamariki te whānuitanga o ngā tūmomo rauemi hei tūhura, hei whakatewhatewha, ā, hei waihanga hoki i ā rātou akoranga. Ka whakarato ngā kaimahi i ngā whai wāhitanga mō ngā tamariki ki te waia haere ki ngā wāhanga ako o tō rātou taiao ako. Ka kitea te pakari o te aronga toi whenuatanga me te tuakiri o ngā tamariki.
E ako ana ngā tamariki ki te taunekeneke pai ki te taha o ētahi atu. Ka whai wāhi nui te whanaungatanga ki te ako a ngā tamariki. Ko te whānuitanga o ngā tūmomo taumahi e hāpai ana i ngā tamariki ki te ako ngātahi hei tuakana, hei teina. E hāpaitia ana tō rātou whakapuaki whakapapa ki te taha o ō rātou hoa me te ako hoki ki ētahi atu ahurea. Ka whakarato ngā kaimahi i ngā whai wāhitanga mō ngā tamariki ki te whakawhanake i ngā kawenga a te kaiārahi e whai wāhi atu ki ā rātou akoranga. Ka ngākau nui ngā tamariki ki te ako i ngā āhuatanga e pā ana ki ētahi atu.
Ka ako ngā tamariki i te ao māoriori me te ao tūturu. Ka hāpai ngā atua Māori me ngā tikanga i te ako a ngā tamariki i te ao Māori. Nā te whānuitanga o ngā tūmomo taumahi, he whai wāhitanga mō ngā tamariki ki te tūhura i tō rātou māramatanga i te ao māoriori me te ao tūturu. Mā ngā rauemi māoriori, ka whai wā ngā tamariki ki te raweke haere me te waihanga haere i roto i ā rātou akoranga me ā rātou tākaro. Ka ngākau nui ngā tamariki ki te ako mā te whakahura me te tūhura.
Ka rongo ngā tamariki i te reo Māori me ngā tikanga. Ka whakamahi ngā kaimahi i te whānuitanga o ngā tūmomo rautaki ka whakatairanga i te reo Māori i roto i te hōtaka o ia rā. Nā ngā karakia, ngā mihimihi, me ngā waiata ka rongo ngā tamariki i te pai o ngā hanganga reo. Ka whakamahia ngā taumahi me ngā rauemi hei whakawhanake, hei whakawhānui hoki i te whakamahinga a ngā tamariki i te reo Māori. E ako ana ngā tamariki ki te whakawhiti kōrero, ā, e puāwai haere ana tā rātou ako i te reo Māori.
Ko te reo Pākehā te reo whakawhitiwhiti kōrero a ngā tamariki i te nuinga o te wā. Ahakoa ka whakatauira ngā kaimahi i te reo Māori, ka akiaki hoki rātou i ngā tamariki ki te kōrero i te reo Māori, kāhore rātou e whakapuaki māhorahora ana i te reo. Me whakawhanake, me whakatinana hoki ngā kaimahi me te whānau i tētahi rautaki ka whakatairanga i te reo Māori. Me whakapakari ake te reo o ngā tamariki.
Ko ngā tamariki kei te pūtake o te katoa o ngā whakaakoranga me ngā akoranga. Ka arotahi ngā mahere hōtaka ki ngā matea me ngā ngākau nuitanga o ngā tamariki i roto i tā rātou ako me tō rātou whakawhanaketanga. Kua āta whakatakotohia tētahi angamahi marautanga, ā, e hāngai ana tēnei ki Te Whāriki. Ka whai ngā kaimahi i tētahi tino tukanga whakamahere, hei whakapakari i te whakatakotoranga o ngā akoranga a ngā tamariki. He kaha tā rātou whakapuaki, tā rātou whakawhiti kōrero, me tā rātou tuhi haere i ia te wā i ō rātou whakaaro huritao, hei whakapai ake i te kounga o ngā akoranga a ngā tamariki. Ka whai pānga nui ngā matea o ia tamaiti.
Ka whakaemi ngā kaimahi i ngā mōhiohio e pā ana ki ngā ngākau nuitanga o ia tamaiti, tae atu ki ā rātou wheako akoranga, me ā rātou tauira mahi. Whiwhi ai ngā whānau i ngā mōhiohio i ia te wā, mō te ako o ā rātou tamariki. Ka hāngai te ako a ngā tamariki ki te whakawhanaketanga i te katoa o ia tamaiti. Ka aroturukitia te ahu whakamua a ngā tamariki.
Ka whai hua te whakahaeretanga i te kōhanga reo, ā, he haumaru hoki te wāhi mō ngā tamariki. Kua āta whakaotia e te whānau ngā whakawhanaketanga o te wāhi hou nei, i a rātou e whakahaere ana hoki i ngā whakaritenga o ia rā. Ko Te Ara Tūāpae te tūāpapa mō te whakawhanake tonutanga o te kōhanga reo i tāna aronga rautaki. Ka whakahaere te whānau i te kōhanga reo hei painga mō ngā tamariki.
Ko te kounga o ngā akoranga a ngā tamariki tētahi āhuatanga hei whakapai ake. Ahakoa ka whakaaro huritao ngā kaimahi mō tā rātou whakapuakitanga i te hōtaka akoranga, kāhore te kiko o aua whakaaro e tuhia ana hei hāpai i ngā mahi whakamahere mō meāke nei. Me whakaaro ngā kaimahi i tētahi rautaki ka whakapai ake i ā rātou whakaritenga. Me tahuri ki te whakatutuki ake i ngā putanga ako o ngā tamariki.
Kāhore te whakawhanaketanga o te katoa o te tamaiti e whakamahia ana hei āta whakarite i te whakatutukitanga o te whānau i āna kawenga whakahaere. Ahakoa e whakahou ake ana te whānau i ngā kaupapa here, kāhore tēnei e whakatutukihia ana i ia te wā. Me titiro wawe ki ngā matea hauora me ngā matea haumaru, hei āta whakarite i te whakatutukitanga o ngā tūmanako e pā ana ki ngā kaupapa here. Me whakawhanake te whānau i tētahi rautaki ki te aroturuki me te whakahou ake i ia te wā, i ngā kaupapa here ka whakapakari ake i ngā whakaritenga. Me noho matua te haumaru o ngā tamariki.
I te wā o te arotake, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
I whakawhanakehia e Te Tari Arotake Mātauranga me te whānau o te kōhanga reo ngā taunakitanga I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:
E tū ana Te Kōhanga Reo o Te Reo Aroha ki te pokapū o Heretaunga. He pai te whakawhanaketanga o te māramatanga o ngā tamariki ki ō rātou hononga ā-wairua, ā-ahurea hoki mā te reo Māori me ngā tikanga Māori. He pai tā rātou taunekeneke ki ētahi atu, ā, e ako ana rātou ki te kōrero i te reo Māori. E noho pūmau ana te whānau ki te rōnakitanga o te kaupapa me ngā uaratanga anō hoki o tō rātou kōhanga reo.
Ka arotake anō Te Tari Arotake Mātauranga i Te Kōhanga Reo o Te Reo Aroha i roto i te toru o ngā tau.
Lynda Pura-Watson
Kaiurungi Whakaturuki Arotake Māori
21 Pipiri, 2016
| Te tūwāhi | Kei Heretaunga | |
| Te tau a te Tāhuhu o te Mātauranga | 55138 | |
| Te tau tohu o Te Kōhanga Reo | 08E041 | |
| Te tūmomo whare | He kōhanga reo | |
| Te raihana | Ngā Ture Mātauranga (Ratonga Kōhungahunga) 2008 | |
| Te tokomaha mō te raihana | 30, kia tekau ki raro i te rua o ngā tau | |
| Te tokomaha kei runga i te rārangi ingoa | 17, tokoono ngā tamariki kei raro i te rua o ngā tau | |
| Te ira tangata | Kōtiro 11 Tama tāne 6 | |
| Ngā hononga ā-iwi | Māori, iwi paparua hoki | |
| Te wā i te kōhanga reo te rōpū arotake | Poutū-te-rangi 2016 | |
| Te wā o tēnei pūrongo | 21 Pipiri, 2016 | |
| Ngā pūrongo o mua a Te Tari Arotake Mātauranga | Arotake Mātauranga Arotake Mātauranga Arotake Mātauranga | Paenga-whāwhā 2013 Whiringa-ā-nuku 2009 Poutū-te-rangi 2006 |
Te Kōhanga Reo o Te Reo Aroha is located in central Hastings. Children’s understanding of their spiritual and cultural connections are developing well through te reo Māori and tikanga Māori. They relate positively with others and are learning to speak te reo Māori. Whānau are committed to the sustainability of the kaupapa and values of their kōhanga reo.
The next ERO review of Te Kōhanga Reo o Te Reo Aroha will be in three years.
Te Kōhanga Reo o Te Reo Aroha is located in central Hastings. Kuia and kaimahi have a lot of knowledge and experience in kōhanga reo. Most whānau have connections as either graduates or parent of graduates of the kōhanga reo. The whakataukī ‘Whakatika i te tamaiti i runga i tōna ara tika’ is part of the kōhanga reo philosophy.
Children whakapapa to Polynesian and Asian iwi. Children’s cultures and language is acknowledged and celebrated in the learning programme.
Since the last ERO Report 2013 the whānau have moved into a purpose built, modern building. The outdoor area in its design based on a papakāinga. Natural materials, native trees, pou and whare allows children to explore te ao Māori.
Children’s understanding of their spiritual and cultural connections are developing well through te reo Māori and tikanga Māori.
Children are learning about the value of their spiritual and cultural beliefs. Values of aroha, tiaki and wairua are an integral part of daily programme. Kaimahi use karakia, hīmene, pepehā and whakapapa to encourage care and aroha to support children’s well-being. The learning environment allows children to develop self-care and self-management skills. Children are settled and have a sense of their independence.
Children are stimulated to learn. Kaimahi regularly plan for children to participate in activities on local marae and at community events. Activities cater for groups and individual needs and interests. A range of resources are available for children to explore, investigate and be creative in their learning. Kaimahi provide opportunities for children to familiarise themselves with their learning environment. Children display a strong sense of belonging and identity.
Children are learning to relate positively with others. Whanaungatanga is an integral part of children’s learning. A variety of activities allow children to learn cooperatively as tuakana, teina. They are supported to share their whakapapa with each other and to learn about other cultures. Kaimahi provide opportunities for children to develop leadership responsibilities that contribute to their learning. Children enjoy learning about others.
Children learn about the natural and physical worlds. Atua Māori and tikanga support children to learn about te ao Māori. A variety of activities provide children with opportunities to explore their understanding of the natural and physical worlds. Natural materials enable children to manipulate and create in their learning and play. Children enjoy learning through discovery and exploration.
Children are exposed to te reo Māori and tikanga. Kaimahi use a range of strategies to promote te reo Māori in the daily programme. Karakia, mihimihi and waiata expose children to hearing good language structures. Activities and resources are used to develop and extend children’s use of te reo Māori. Children are learning to converse to be confident early learners of te reo Māori.
Children preferred language of communication is English. Although kaimahi model and encourage children to speak te reo Māori they do not use the language spontaneously. Kaimahi and whanau need to develop and implement a strategy to promote te reo Māori. Children’s language needs to be strengthened.
Children are central to all teaching and learning practices. Programme planning focuses on children’s learning and developmental needs and interests. A well-structured curriculum framework is based on Te Whāriki. Kaimahi follow a robust process for planning to scaffold children’ learning. They regularly share, discuss and record their reflections to improve the quality of children’s learning. Children’s individual needs are important.
Kaimahi gather information about individual’s interests, learning experiences and samples of work. Whānau receive regularly information about their children’s learning. Children’s learning is based on each individual’s holistic development. Children’s progress is monitored.
Kōhanga reo management is effective and the premises are safe for children. Whānau have actively completed the new property developments whilst managing day to day operations. Te Ara Tūāpae provides a basis for the kōhanga reo to further develop its strategic direction. Whānau manage the kōhanga reo in the best interest of their children.
Children’s quality of learning is an area for improvement. Although kaimahi reflect on the delivery of the learning programme, they do not record the detail to support forward planning. Kaimahi need to consider a strategy to improve their practices. Children’s learning outcomes needs to be addressed.
Children’s holistic development is not used to ensure whānau meet management responsibilities. Although whānau are updating policies this is not regularly addressed. Health and safety needs immediate attention to ensure records fulfil policy expectations. Whānau need to develop a strategy to regularly monitor and update policies to strengthen practice. Children’s safety is paramount.
During the review, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
ERO and the Kōhanga Reo whānau developed the following recommendations:
Te Kōhanga Reo o Te Reo Aroha is located in central Hastings. Children’s understanding of their spiritual and cultural connections are developing well through te reo Māori and tikanga Māori. They relate positively with others and are learning to speak te reo Māori. Whānau are committed to the sustainability of the kaupapa and values of their kōhanga reo.
The next ERO review of Te Kōhanga Reo o Te Reo Aroha will be in three years.
Lynda Pura-Watson
Deputy Chief Review Officer Māori
21 June 2016
| Location | Hastings | |
| Ministry of Education profile number | 55138 | |
| Kōhanga Reo Identification Number | 08E041 | |
| Licence type | Te Kōhanga Reo | |
| Licensed under | Education (Early Childhood Services) Regulations 2008 | |
| Number licensed for | 30 children, including up to 10 aged under 2 | |
| Kōhanga Reo roll | 17 children, including up to 6 aged under 2 | |
| Gender composition | Girls 11 Boys 6 | |
| Ethnic composition | Māori and some of dual - ethnicity | |
| Review team on site | March 2016 | |
| Date of this report | 21 June 2016 | |
| Most recent ERO report(s) | Education Review Education Review Education Review | April 2013 October 2009 March 2006 |