Te Kōhanga Reo o Toroa - 08/06/2017

1 He Whakamārama

He Kupu Whakataki

Ka whakahaeretia tētahi aromātai tāpiri i runga o te whakataunga ā te Kaitiriwā Toihau Arotake Māori i Te Tari Arotake Mātauranga.

E aromātai ana Te Tari Arotake Mātauranga i te whānuitanga me te whai hua o ngā mahi ā te kōhanga reo ki te whakatutuki i ngā take i whakatakotohia ai i roto i te pūrongo aromātai mātauranga o mua atu i tēnei, me ētahi atu wāhanga rānei i tāutuhia ai whai muri o taua aromātai.

Ngā Whakataunga mō ngā Whakapuakitanga

Ko tēnei aromātai tāpiri i whakaritea i runga i te aromātai o te whakatutukitanga a te whānau i te whakahaeretanga o te kōhanga reo, ki ngā wāhanga i tāutuhia ai e te pūrongo a Te Tari Arotake Mātauranga, i mua atu, me ngā take rānei kua tāutuhia whai muri o taua aromātai. Ko ngā whakataunga mō ngā whakapuakitanga e pā ana ki tēnei aromātai, ko te titiro ki:

  • te whanaungatanga – ngā hononga, te whai wāhi, me te mahi tahi a te whānau
  • te whakamahere rautaki, te aroturuki, me te pūrongo
  • te whakahaere i ngā kaimahi – ngā tuhinga tūranga mahi, ngā kirimana mahi, me ngā arohaehae.

2 Te Horopaki

E tū ana Te Kōhanga Reo o Toroa ki te marae i Pupuaruhe, e pā tata atu ana ki Whakatāne. Ko Ngāti Awa te iwi. Ko Patuwai te hapū, ā, he tino hononga ki te motu o Motītī.

Kua whakatutuki haere te whānau i te maha o ngā take i te kōhanga reo, i roto i te tau kua pahure ake nei. Kua pai ake te whakamahere me te whakahaere i te kōhanga reo. I roto hoki i tēnei wā, kua hāpaitia te whānau e te Poari Matua o Ngā Kōhanga Reo ki te whakarite i tētahi taiao ako e noho haumaru ana mō ngā tamariki. E tautoko ana ngā kaimahi me te whānau i te aronga whakamua o te kōhanga reo.

3 Ngā Whakaaturanga o te Arotake

He pai, he tautoko hoki tō ngā hononga o te whānau. Ka mahi ngātahi te whānau puta noa i ngā wāhanga katoa o te kōhanga reo. Kua tata eke ki te mōrahi o te tatauranga tamariki. He tokomaha ngā whānau hou. Kua whakauru rātou i ā rātou tamariki ki te kōhanga reo i runga anō i ngā kōrero tūtohu a ētahi atu. Ka whai wāhi matua te heamana ki te āta whakarato i tētahi taiao mauritau, tautoko hoki mō ngā tamariki. Kua tae atu ngā mema o te komiti ki ngā kaupapa whakangungu, ā, he māia ake, he pakari ake hoki rātou i nāianei ki te whakatutuki i ō rātou tūranga me ā rātou kawenga mahi. He auau, he mārama, ā, ka whai hua hoki ngā whakawhitinga kōrero ki te whānau. Kua whakaritea ngā mahere rautaki me ngā mahere ā-tau. Kua tāutuhia ngā kaupapa matua a te whānau mō meāke nei. He ngāwari ake te whakawhiti atu a ngā tamariki ki te kura nā te pai o ngā hononga ki waenga i te kura me te kōhanga reo. E whai hua ana ngā tamariki nā te pai o tētahi taiao e āta whakahaerehia ana.

E whai hua ana te whakahaeretanga a ngā kaimahi. Ka whakanuia ngā kaimahi e te whānau. E tino tautokohia ana ngā kaimahi i roto i ā rātou mahi. He mārama ngā tuhinga tūranga mahi me ngā kirimana ā ngā kaimahi, ā, e hāngai ana hoki ēnei ki te wā. E whakatutukihia ana ngā arohaehae ā-tau, ā, kua tāutuhia ngā matea whakawhanaketanga ka whai ake. E whakatutuki ana te whānau i ngā mahi a te kaituku mahi pai. He harikoa ngā kaimahi, ā, he pai tā rātou mahi ngātahi.

Ngā Whakaritenga Matua ka Whai Ake

Kei te tīmata te whakawhanaketanga o te arotake whaiaro. Kāhore te whānau e arotake ana, e pūrongo ana hoki i ia te wā, i te ahu whakamua o ngā whāinga rautaki me ngā whāinga ā-tau. Ko te whakapiki ake i te whai wāhi atu a te whānau ki te kōhanga reo me ngā hui ā-whānau, tētahi kaupapa matua a te komiti whānau. E noho pūmau ana te whānau ki te rōnakitanga o te kōhanga reo mō ā rātou tamariki.

4 Te Taunakitanga

Kia arotake, kia pūrongo hoki te whānau i ia te wā, i ā rātou whāinga rautaki me ā rātou whāinga ā-tau.

Kia kōkiri, kia whakatinana hoki te whānau i ngā rautaki ka whakapiki ake i te whai wāhi atu a ngā mema ki ngā hui o ia marama.

Hei ā hea Te Tari Arotake Mātauranga aromātai anō ai i te kōhanga reo?

Ka arotake anō Te Tari Arotake Mātauranga i Te Kōhanga Reo o Toroa i roto i te toru o ngā tau.

Lynda Pura-Watson

Kaiurungi Whakaturuki Arotake Māori

08 Pipiri, 2017

Ngā kōrero e pā ana ki te kōhanga reo 

Te tūwāhi

Kei Whakatāne

Te tau a te Tāhuhu o te Mātauranga

40186

Te tau tohu o te kōhanga reo

12D023

Te tūmomo raihana

Te Kōhanga Reo

Kua raihanatia ki te ture

Ngā Ture Mātauranga (Ratonga Kōhungahunga) 2008

Te tokomaha mō te raihana

30 ngā tamariki, kia tekau ki raro i te rua o ngā tau

Te tokomaha kei te rārangi ingoa

26 ngā tamariki, tekau kei raro i te rua o ngā tau

Te ira tangata

Kōtiro 12

Tama 14

Ngā hononga ā-iwi

Māori

100%

Te wā i te kōhanga reo te rōpū arotake

1 Haratua 2017

Te wā o tēnei pūrongo

08 Pipiri, 2017

Ngā pūrongo o mua a Te Tari Arotake Mātauranga

Arotake Mātauranga

Arotake Mātauranga Arotake Mātauranga

Kohi-tātea 2015

Hui-tanguru 2012

Kohi-tātea 2005

1 Background

Introduction

A supplementary evaluation is undertaken at the discretion of the Deputy Chief Review Officer Māori in the Education Review Office (ERO).

ERO evaluates the extent and effectiveness of actions a kōhanga reo has taken towards addressing issues specified in its previous ERO evaluation and/or any additional areas identified since that evaluation.

Terms of Reference

This supplementary evaluation is based on an evaluation of the performance of the kōhanga reo governing body and management in relation to areas identified in the previous ERO report or issues identified since that evaluation. The terms of reference for this evaluation area to investigate:

  • Whanaungatanga –Whānau relationships, participation and collaboration

  • Strategic planning, monitoring and reporting

  • Personnel management – job descriptions, employment contracts and appraisals.

2 Context

Te Kōhanga Reo o Toroa is on Pupuaruhe marae, near Whakatāne. The iwi is Ngāti Awa. The hapū Patuwai, has strong ties to the island of Mōtītī.

The whānau have successfully worked through a number of internal issues over the past year. Planning and management of the kōhanga reo has improved. During this time, Te Kōhanga Reo National Trust (TKRNT) has supported the whānau to establish a learning environment that is safe for children. Kaimahi and whānau support the future direction of the kōhanga reo.

3 Findings

Whānau relationships are positive and supportive. Whānau work together across all areas of the kōhanga reo. The roll is almost at its maximum. A number of whānau are new. They have enrolled their children based on recommendations made by others. The chairperson plays a key role in ensuring a positive and supportive environment is provided for the children. Committee members have attended training and are now more confident and able to fulfil their roles and responsibilities. Communication with whānau is regular, clear and positive. Strategic and annual plans are in place. Future priorities for the whānau have been identified. Children’s transition to school is smoother as a result of positive relationships between the school and kōhanga reo. Children benefit from a positive and well managed environment.

Personnel management is effective. Kaimahi are held in high regard by the whānau. They are well supported in their work. Kaimahi have clear and current job descriptions and employment contracts. Annual appraisals are being conducted and further development needs have been identified. Whānau are acting in good faith as employers. Kaimahi are happy and work well together.

Key Next Steps

Self-review is in the early stages of development. Whānau do not regularly review and report on progress of the strategic and annual goals. Increasing whānau participation in the kōhanga reo and at whānau meetings is a priority for the whānau committee. Whānau are committed to the sustainability of the kōhanga reo for their children.

4 Recommendation

The whānau regularly review and report on their strategic and annual goals.

The whānau initiate and implement strategies to incease member participation at monthly meetings.

When is ERO likely to evaluate the kōhanga reo again?

The next ERO review of Te Kōhanga Reo o Toroa will be in three years.

Lynda Pura-Watson

Deputy Chief Review Officer Māori

8 June 2017 

Information about the Kōhanga Reo 

Location

Whakatane

Ministry of Education profile number

40186

Kōhanga Reo Identification Number

12D023

Licence type

Te Kōhanga Reo

Licensed under

Education (Early Childhood Services) Regulations 2008

Number licensed for

30 children, including up to 10 aged under 2

Kōhanga Reo roll

26 children, including up to 10 aged under 2

Gender composition

Girls 12

Boys 14

Ethnic composition

Māori

100%

Review team on site

1 May 2017

Date of this report

8 June 2017

Most recent ERO report(s)

Education Review

Education Review

Education Review

January 2015

February 2012

January 2005