Te Kōhanga Reo o Waiwhakaiho - 02/11/2016

Te Aromātai

E tū ana Te Kōhanga Reo o Waiwhakaiho ki Ngāmotu. Kei te pakari haere ngā tamariki me te whānau ki te whakawhiti whakaaro mā te reo Māori. He pai te tūnga o te kōhanga reo ki te ahu whakamua tonu, nā ngā whakarerekētanga i pā ai nō nā tata tonu nei ki te whānau me ngā kaimahi.

Ka arotake anō Te Tari Arotake Mātauranga i Te Kōhanga Reo o Waiwhakaiho i roto i te toru o ngā tau.

1 Te Horopaki

E tū ana Te Kōhanga Reo o Waiwhakaiho ki ngā whenua o Ngāti Ta-Uri-Kura, ki Ngāmotu. E ahu mai ana te ingoa o te kōhanga reo i te awa a Waiwhakaiho e pā tata atu ana ki a rātou, ā, e rere ana i te maunga o Taranaki, tae rawa atu ki te moana. Whai muri i te arotake o mua, kua whai wāhi mai tētahi kaiako hou me tētahi heamana hou ki te whānau.

2 Ngā Whakaaturanga o te Arotake

He pēhea rawa ngā tamariki e whakawhiti whakaaro ana mā te reo Māori?

Kei te pakari haere ngā tamariki ki te whakawhiti whakaaro mā te reo Māori.

Ngā Taumata Whakahirahira

Ka whai wāhi atu ngā tamariki ki ngā taumahi e whakanui ana i tā rātou kōkiri i a rātou anō. Kua whakaritea e ngā kaimahi ngā mahinga e hāpai ana i ngā tamariki ki te kawe ake i ētahi o ngā āhuatanga e whai pānga ana ki tō rātou atawhai. Kua whakaritea e rātou ngā tūmanako mārama, ā, ka whakapūmau hoki rātou i ngā mahinga, hei akiaki i ngā tamariki ki te tiaki i tō rātou wāhi noho. Ka taunekeneke ngā kaimahi ki ngā tamariki i a rātou e tākaro ana, ā, ka hāpai hoki i ngā tamariki ki te whakatinana i ngā nekehanga i ngā wā waiata me ngā wā tākaro. He pai ngā taunekeneke a ngā tamariki ki waenga i a rātou anō, ā, ki ngā kaimahi hoki. He harikoa, he tau hoki ngā tamariki ki tō rātou kōhanga reo.

Ka ngākau nui ngā tamariki ki ngā whai wāhitanga ki te ako i a rātou anō. Ka whai pānga matua te ao Māori me ngā tikanga ki te hōtaka o ia rā. Ka whakarato ngā kaimahi i ngā whai wāhitanga mō ngā tamariki kia kite i ngā tino pouwhenua i te hapori, me te haere ki te awa o Waiwhakaiho me te māra kai ki ngā whenua o tō rātou hapū. E whanake ana ngā tamariki i te aronga toi whenuatanga.

Ka rongo ngā tamariki i ngā hononga whakaute e whai pūtake ana. Ka whakatauira ngā kaimahi me te whānau i ngā uaratanga o te aroha, te awhi, te tautoko me te whanaungatanga. Ka akiaki rātou i ngā tamariki ki te noho tahi me te ako tahi hei tuakana, hei teina. E poipoi ana tēnei aronga i te pai o te whakawhanaketanga whakahoahoa me ngā taunekeneke whakaute. Ka hāpai ngā kaimahi i ngā tamariki ki te noho pakirehua me te tūhura haere i tō rātou wāhi ako, me te whakapuaki hoki i ā rātou akoranga. He pakari te taunekeneke a ngā tamariki ki waenga i ō rātou hoa, ā, ki ngā pākeke hoki.

Ka ako ngā tamariki ki tētahi taiao e āta mau ana i te reo Māori. Ka whakapūmau ngā kaimahi i te mita o Taranaki i roto i ā rātou taunekeneke katoa ki te taha o ngā tamariki. Ka akiaki, ka hāpai hoki rātou i ngā tamariki ki te whakapuaki i ō rātou pepeha, i ngā karakia, ā, i ngā waiata hoki. Ka whakatauirahia ngā rerenga reo papai, me ngā kupu, ngā kīanga hoki e tika ana mā ngā tamariki. E ākina ana te kōkiri a ngā tamariki tuākana i ā rātou ake whakapuakitanga o te reo Māori, inā koa, i a rātou e taki ana i ngā taumahi. He pakari te kaiako ki te kōrero i te reo Māori, ā, ka hāpai hoki ia i te whakawhanaketanga reo o ngā kaimahi me te whānau. He pakari ngā tamariki ki te ako.

Ngā Whakaritenga Matua ka Whai Ake

E whakawhanake tonu ana ngā tamariki i ngā pūkenga ki te whakawhiti kōrero mā te reo Māori. Ahakoa kua waia rātou ki ngā mahinga me ngā tohutohu i roto i te reo Māori, he iti rawa noa iho ngā wā ka whakawhiti kōrero rātou mā te reo Māori. E mōhio ana te whānau, e tika ana kia whakapūmautia tā rātou ake whakamahinga i te reo Māori ki ō rātou kāinga, hei hāpai ake i ā rātou tamariki ki te kōhanga reo. Kāhore ngā tamariki e āta whakawhiti kōrero ana mā te reo Māori.

Te Whakamahere me te Aromātai

He pai te whakarite me te whakamahere i ngā akoranga a ngā tamariki. He pai te whakatakoto ā-tuhi i te hōtaka akoranga e āta hono ana ki ngā putanga mō ngā tamariki, ā, e whai pānga ana ki ngā tūmomo reanga me ngā pūmanawa ake, ngā ngākau nuitanga ake hoki o ia tamaiti. He mārama ngā tukanga ā ngā kaimahi mō te whakamahere me te aroturuki i te hōtaka me ngā akoranga a ngā tamariki. Hui ai rātou i ia wiki ki te aromātai i te kounga o te hōtaka me ngā putanga mō ngā tamariki. Ka ārahi, ka hāpai hoki te kaiako i te rōpū kaimahi, kia tupu ai ō rātou mōhiotanga aromātai me ā rātou whakaritenga. Ka whai wāhi te whānau ki ngā mahere, ā, ka whakapuaki whakaaro rātou i ngā hui ā-whānau. Ka whakarato ngā kaimahi i ngā mōhiohio ki te whānau, mō tēnā e ākona ana e ā rātou tamariki, me ngā tūmomo huarahi ako e whāia ana. E tino tautokona ana te ako a ngā tamariki, me tō rātou whakawhanaketanga.

E ārahi ana ngā ngākau nuitanga o ngā tamariki i ngā whakataunga whakahaere a te whānau. Ka kitea te kaupapa o te kōhanga reo ki te whānuitanga o ngā whakahaeretanga me ngā mahere mō meāke nei. Kua whakawhanakehia e te whānau tētahi mahere rautaki e whakapūmau ana i tā rātou tirohanga me ētahi o ngā tino kaupapa matua e kōkirihia ana. Ka whai wāhi te whānau ki te whakatau i ngā whakaritenga, me te arotake i te tūtohinga, ngā kaupapa here, me ngā tukanga. Ko ngā tamariki kei te pūtake o ngā whakataunga katoa ki te kōhanga reo.

Ngā Whakaritenga Matua ka Whai Ake

Me whakapakari ake i te hōtaka a ngā tamariki tēina. E mōhio ana te kaiako, koia nei tētahi āhuatanga hei whakawhanake tonu. Kāhore ngā matea ake o ngā pēpi e whakatutukihia ana, i roto i ngā āhuatanga o te whakahoahoa, te whatumanawa, me te ako.

E mōhio ana te whānau, e tika ana kia whakapakari tonu rātou i te aromātai o roto ki te kōhanga reo. Kāhore te mahere rautaki e aroturukitia ana, e pūrongotia ana hoki i ia te wā. Kāhore ngā tamariki e whiwhi ana i ngā hua ka puta i te pai o te aromātai o roto.

3 Te Whakatau a te Whānau ki ngā Wāhanga Tautukunga

I te wā o te arotake, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

  • te haumaru whatumanawa (tāpiri atu ko te ārahi mauritau, ko te ārai tamariki)
  • te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
  • te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
  • ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

Te Whakarāpopototanga

E tū ana Te Kōhanga Reo o Waiwhakaiho ki Ngāmotu. Kei te pakari haere ngā tamariki me te whānau ki te whakawhiti whakaaro mā te reo Māori. He pai te tūnga o te kōhanga reo ki te ahu whakamua tonu, nā ngā whakarerekētanga i pā ai nō nā tata tonu nei ki te whānau me ngā kaimahi.

Hei ā hea Te Tari Arotake Mātauranga arotake anō ai i te kōhanga reo?

Ka arotake anō Te Tari Arotake Mātauranga i Te Kōhanga Reo o Waiwhakaiho i roto i te toru o ngā tau.

Lynda Pura-Watson

Kaiurungi Whakaturuki Arotake Māori

02 Whiringa-ā-rangi, 2016

Ngā kōrero e pā ana ki te kōhanga reo

Te tūwāhi

Kei Ngāmotu

Te tau a te Tāhuhu o te Mātauranga

52709

Te tau tohu o Te Kōhanga Reo

07A035

Te tūmomo whare

He kōhanga reo

Te raihana

Ngā Ture Mātauranga (Ratonga Kōhungahunga) 2008

Te tokomaha mō te raihana

30, kia tokoono ki raro i te rua o ngā tau

Te tokomaha kei runga i te rārangi ingoa

13, tokowhā kei raro i te rua o ngā tau

Te ira tangata

Kōtiro 4

Tama tāne 9

Ngā hononga ā-iwi

Māori

100%

Te wā i te kōhanga reo te rōpū arotake

Here-turi-kōkā 2016

Te wā o tēnei pūrongo

02 Whiringa-ā-rangi, 2016

Ngā pūrongo o mua a Te Tari Arotake Mātauranga

Arotake Mātauranga

Arotake Tāpiri

Arotake Mātauranga

Hōngongoi 2013

Paenga-whāwhā 2010

Whiringa-ā-rangi 2009

Evaluation

Te Kōhanga Reo o Waiwhakaiho, New Plymouth. Children and whānau are growing in confidence to communicate in te reo Māori. Recent changes within whānau and kaimahi enable the kōhanga reo to be well placed for future progress.

The next ERO review of Te Kōhanga Reo o Waiwhakaiho will be in three years.

1 Context

Te Kōhanga Reo o Waiwhakaiho is on Ngāti Ta-Uri-Kura land in New Plymouth. The kōhanga reo is named after the nearby river, Waiwhakaiho that flows from Maunga Taranaki to the sea. Since the previous review, a new kaiako and chairperson have joined the whānau.

2 The Review Findings

How well do children communicate in te reo Māori?

Children are growing in confidence to communicate in te reo Māori.

Ngā Taumata Whakahirahira

Children participate in activities that promote independence. Kaimahi have established routines to support children with responsibility for aspects of their own care. They have set clear expectations and reinforce routines to encourage children to look after their environment. Kaimahi engage with children as they play and support children to express themselves through movement during waiata and play. Positive interactions with others and kaimahi are in place. Children are happy and settled in their kōhanga reo environment.

Children enjoy opportunities to learn about who they are. Te ao Māori and tikanga is an integral part of the daily programme. Kaimahi provide children with opportunities to visit significant landmarks in the local community, the Waiwhakaiho River and the maara kai on their hapū land. Children are developing a sense of belonging.

Children experience meaningful and respectful relationships. Kaimahi and whānau model the values of aroha, awhi, tautoko and whanaungatanga. They encourage children to share and learn beside each other as tuakana and teina. This approach fosters positive social development and respectful interaction. Kaimahi support children to enquire and explore in their space and to share their learning. Children interact confidently with peers and adults.

Children learn in a strong te reo Māori environment. Kaimahi reinforce te mita o Taranaki in all interactions with children. They encourage and support children to recite their pepeha, karakia and waiata. Good language patterns, correct words and phrases are modelled for children. Older children are encouraged to use te reo Māori independently particularly when they are leading activities. The kaiako is a confident speaker and supports kaimahi and whānau in their language development. Children are confident learners.

Key Next Steps

Children are still developing te reo Māori communication skills. While they are familiar with routines, instructions and directions in te reo Māori, they rarely communicate in te reo Māori. Whānau acknowledge that there is a need for them to reinforce their own use of te reo Māori at home in order to support their children at kōhanga reo. Children do not readily communicate in te reo Māori.

Planning and Evaluation

Children’s learning is well organised and planned. Programme planning is well documented and clearly linked to outcomes for children that are age appropriate and reflect individual strengths and interest. Kaimahi have clear processes for planning, and monitoring the programme and children’s learning. They meet weekly to evaluate the quality of the programme and outcomes for children. The kaiako leads and supports the kaimahi team to grow their evaluation knowledge and practice. Whānau have input into planning and contribute ideas during whānau hui. Kaimahi provide whānau with information about what and how their children are learning. Children’s learning and development is well supported.

Children’s interests guides whānau management decisions. The kaupapa of kōhanga reo is reflected in the overall operation and future planning. The whānau have developed a strategic plan which reinforces their vision and specific priorities moving forward. Whānau contribute to decision making, reviewing the charter, policies and procedures. Children are at the heart of all kōhanga reo decision making.

Key Next Steps

The programme for younger children requires strengthening. The kaiako acknowledged that this is an area for further development. Babies specific social, emotional and learning needs are not well met.

Whānau acknowledge their need to continue to strengthen internal evaluation in the kōhanga reo. The strategic plan is not regularly monitored and reported. Children do not benefit from effective internal evaluation.

3 Whānau Management Assurance on Compliance Areas

During the review, ERO looked at the kōhanga reo systems for managing the following areas that have a potentially high impact on children's wellbeing:

  • emotional safety (including positive guidance and child protection)
  • physical safety (including supervision; sleep procedures; accidents; medication; hygiene; excursion policies and procedures)
  • suitable staffing (including qualification levels; police vetting; teacher registration; ratios)
  • evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

Conclusion

Te Kōhanga Reo o Waiwhakaiho, New Plymouth. Children and whānau are growing in confidence to communicate in te reo Māori. Recent changes within whānau and kaimahi enable the kōhanga reo to be well placed for future progress.

When is ERO likely to review the kōhanga reo again?

The next ERO review of Te Kōhanga Reo o Waiwhakaiho will be in three years.

Lynda Pura-Watson

Deputy Chief Review Officer Māori

2 November 2016 

Information about the Kōhanga Reo

Location

New Plymouth

Ministry of Education profile number

52709

Kōhanga Reo Identification Number

07A035

Licence type

Te Kōhanga Reo

Licensed under

Education (Early Childhood Services) Regulations 2008

Number licensed for

30 children, including up to 6 aged under 2

Kōhanga Reo roll

13 children, including up to 4 aged under 2

Gender composition

Girls 4

Boys 9

Ethnic composition

Māori

100%

Review team on site

August 2016

Date of this report

2 November 2016

Most recent ERO report(s)

Education Review

Supplementary Review

Education Review

July 2013

April 2010

November 2009