Te Kōhanga Reo o Whareroa

1 He Whakamārama

He Kupu Whakataki

Ka whakahaeretia tētahi arotake tāpiri i runga o te whakataunga ā te Kaiurungi Whakaturuki Arotake Māori i Te Tari Arotake Mātauranga.

E aromātai ana te arotake tāpiri i te whānuitanga me te whai hua o ngā mahi ā te kōhanga reo ki te whakatutuki i ngā take i whakatakotohia ai i roto i te arotake mātauranga o mua atu i tēnei, me ētahi atu wāhanga rānei kua tāutuhia whai muri o taua arotake.

Ngā Whakataunga mō ngā Whakapuakitanga

Ko tēnei arotake tāpiri i whakaritea i runga o te aromātai o te whakatutukitanga a te whānau i te whakahaeretanga o te kōhanga reo, ki ngā wāhanga i tāutuhia ai e te pūrongo a Te Tari Arotake Mātauranga, i mua atu, me ngā take rānei kua tāutuhia whai muri o taua arotake. Ko ngā whakataunga mō ngā whakapuakitanga e pā ana ki tēnei arotake, ko te titiro ki:

• Ngā Taumata Whakahirahira: te whakahaeretanga me te whakaritenga o te hōtaka o ia rā
• te whakamahere me te aromātai: te noho pūmau, te tau anō hoki o te whānau me ngā kaimahi, te whakamahere rautaki me te arotake whaiaro, te whakahaere i ngā kaimahi, te aromātai i te hōtaka, me te aromatawai.
• ngā wāhanga kāhore e tutuki ana e ai ki te ture, me
• ētahi atu take i tāutuhia ai whai muri i te arotake o mua.

2 Te Horopaki

E tū ana Te Kōhanga Reo o Whareroa ki te marae o Whareroa, ki te hapori o Maunganui. He hononga ā-whakapapa tō te nuinga o te whānau ki ngā hapū o Ngāi Tūkairangi ki Whareroa rāua ko Ngāti Kuku, ā, ki te iwi o Ngāi Te Rangi.

I tāutuhia ki te pūrongo a Te Tari Arotake Mātauranga i te tau 2014, ko te hōtaka akoranga me te whakahaeretanga o ngā whakaritenga ki te kōhanga reo, ētahi āhuatanga hei whakawhanake ake. Kua mahi Te Poari Matua o Ngā Kōhanga Reo ki te taha o te whānau ki te whakatutuki haere i ngā rerekētanga me ngā whakapaitanga. Whai muri i te arotake o mua, kua whakatūngia tētahi kaiako hou.

3 Ngā Whakaaturanga

Ngā Taumata Whakahirahira

He whakamārama

I tāutuhia ki te pūrongo a Te Tari Arotake Mātauranga i te tau 2014, me arotake te hōtaka o ia rā,kia whai wāhi ai ngā tamariki ki ngā akoranga, ā, me whakahaere hoki i te whanonga o ngā tamariki, me whakatutuki anō hoki i ngā take e pā ana ki te mātakitaki i ngā tamariki. Kīhai ngā hōtaka akoranga i whai pānga nui ki ngā matea ako o ia tamaiti, o ngā tūmomo rōpū tamariki rānei.

Ngā wāhanga e pai ana te whakahaere

Kua whakapai ake ngā kaimahi i te hōtaka akoranga a ngā tamariki. Ka whai pānga matua te kaitiakitanga ki te hōtaka akoranga, ā, nā tēnei ka tūhonohono ngā tamariki ki tō rātou marae, tō rātou kōhanga reo, me te hapori. He mātātoa te whai wāhi mai o ngā kaumātua me ngā kuia o te marae ki ngā akoranga, hei whakatairanga ake i te kaitiakitanga. Kei te kaiako hou ngā pūkenga me ngā mōhiotanga ka hāpai i te kounga o te ako a ngā tamariki, ā, i ō rātou hononga hoki. Kua whakapau kaha ia ki te whakarite i ngā mahinga o ia rā, kia waia ai ngā tamariki ki ngā tūmanako i te kōhanga reo. Ka hāpai ngā kaimahi i ngā tamariki ki te ako i ā rātou kawenga tikanga, i ngā wā pērā i te pōwhiri me te whakatau. E āhei ana ngā tamariki tuākana ki te āta taki i ō rātou pepeha, i ngā karakia, i ō rātou whakapapa hoki mā te reo Māori. Nā ngā wheako akoranga i te hapori, ka whai wāhi atu ngā tamariki, ā, ka whakawhanake hoki tō rātou māramatanga ki a Matariki ki Mauao, ki te pāmu noke, ā, ki tō rātou taiao tonu.

Ngā Whakaritenga Matua ka Whai Ake

Me toro atu ngā kaimahi ki te āwhina o waho ki te poipoi i ngā ngākau nuitanga o ia tamaiti, ā, ki te whakarato i ngā taumahi e hāpai ana i ngā tamariki ki te whakatau whiringa.

Te whakamahere me te aromātai

He whakamārama

I tāutuhia te pūrongo o mua, ko te aromatawai, te aromātai hōtaka, te whakamahere rautaki, te arotake whaiaro, me te whakawhanaketanga ngaio o ngā kaimahi, ētahi wāhanga hei whakawhanake ake.

Ngā wāhanga e pai ana te whakahaere

Kua pai ake te whakahaeretanga me ngā whakatūnga o ngā kaimahi.

Kei te waia haere tonu te whānau ki ō rātou tūranga, ā rātou kawenga mahi anō hoki hei kaiwhakahaere o te kōhanga reo. Kua pakari ake te āheinga ngaio o ngā kaimahi mō ngā tamariki. E uru atu ana ngā kaimahi ki ngā kaupapa whakangungu o Te Tohu Whakapakari, Te Tākai Matua, me Te Ara Tuarua. Kua riro i te nuinga o ngā kaimahi ā rātou tiwhikete whakaora whāwhai. Kua kawe ake te kaiako i te whakarerekē haere o te taiao ako me te ārahitanga o te hōtaka akoranga. Ka whai hua ngā tamariki nā te aro pū o ngā kaimahi ki ō rātou matea ako me ō rātou matea whakawhanaketanga.

Ngā Whakaritenga Matua ka Whai Ake

Ko ngā mahi aromatawai tētahi wāhanga hei whakawhanake ake. Ahakoa kei te mārama ngā kaimahi ki ngā hononga o te aromātai hōtaka, te aromatawai, me te pūrongo i te ahu whakamua a ngā tamariki, kāhore ēnei e whakahāngaitia ana ki Te Whāriki. Ka ārahi aua hononga i ngā whakapaitanga ki te hōtaka o ia rā. Me toro atu ngā kaimahi ki te tautoko o waho, hei whakapai ake i te kounga o te ako a ngā tamariki.

Ko te whakahaeretanga a te whānau tētahi āhuatanga tonu hei whakawhanake. He mea nui kia whakawhanakehia e te whānau tētahi mahere mahi e hāngai ana ki ngā wāhanga i tāutuhia ai ki te pūrongo o mua, me te āhua o ngā mahi ki te whakatutuki i ēnei. Me whakatinana te whakahaeretanga a ngā kaimahi, inā koa ko te arohaehae, hei hāpai i te tupu ngaio o ngā kaimahi. E ākina ana te tuku mai a te whānau i tētahi tauira ki Te Tari Arotake Mātauranga.

Ko te whakamahere rautaki me te arotake whaiaro ētahi wāhanga tonu hei whakawhanake. Ahakoa ka hui te whānau, ā, ka pūrongo hoki rātou i ngā pūtea, ā rātou kaupapa matua, me te hōtaka akoranga, he iti noa ngā mōhiohio e hāngai ana ki te ahu whakamua. Me tāutu te whānau i ngā kaupapa matua me te mahi ka whai atu ki te whakatutuki i ēnei, hei hāpai i ngā whakawhanaketanga ā meāke nei. Ko ngā mahi aromātai o roto ka hāpai i te whānau ki te whakamahere mō meāke nei.

Ngā wāhanga kāhore e tutuki ana e ai ki ngā ture

He whakamārama

I tāutu te pūrongo o mua i te maha o ngā wāhanga kāhore e tutuki ana e ai ki ngā ture, hei whakatutukitanga mā te whānau. I hāngai aua wāhanga ki te arowhai a ngā pirihimana, ki ngā akoako hōneatanga ki te taha o ngā tamariki inā he ahi, he rū whenua rānei, ki te tuhi haere i ngā tuhinga me te mātakitaki i ngā tamariki e moe ana, ā, ki te whakaatu hoki i ngā arowhai mō ngā āhuatanga mōrearea.

Ngā Whakaritenga Matua ka Whai Ake

He whāiti ngā pūnaha e pā ana ki te hauora me te haumaru, me ngā whakaritenga e pā ana ki te aroturuki me te whakatakoto tuhinga. Ahakoa kua whakahou ake te whānau i ētahi o ngā kaupapa here, e tika ana kia arotake, kia whakahou ake hoki i te katoa o ngā kaupapa here, ngā tukanga me ngā whakaritenga e pā ana ki te hauora me te haumaru. Me hāngai ngā kaupapa here mō ngā kaimahi me te ārai tamariki ki te Vulnerable Children’s Act 2014. Me whakatutuki te mātakitaki i ngā tamariki, ngā akoako hōneatanga, te tiaki i ngā tamariki e moe ana, me ngā āhuatanga mōrearea.

4 Te Whakatutuki i ngā herenga ā-ture

He Whakamārama

Hei whakatutuki te whānau o te kōhanga reo i ā rātou herenga ā-ture, me tahuri tātou ki te:

4.1 whakarite kia arowhaingia e ngā pirihimana ngā kaimahi me ngā tāngata katoa e mahi ana ki te taha o ngā tamariki
[R 44 Ture Mātauranga (Kōhungahunga) 2008]

4.2 whakarite i te whakatutukitanga, te tuhinga hoki o ngā akoako hōneatanga auau inā he ahi, he rū whenua rānei, puta noa i te tau, ā, kia whakangungutia ngā kaimahi ki ngā akoako hōneatanga e tika ana
[R 46 (1)(2) Ture Mātauranga (Kōhungahunga) 2008; HS4 – 8]

4.3 whakapūmau i tētahi tuhinga o te mātakitaki i ia tamaiti i a ia e moe ana
[R 46 (1)(2) Ture Mātauranga (Kōhungahunga) 2008; HS10]

4.4 whakarite i te whakaatu a te whānau me ngā kaimahi o te kōhanga reo i te otinga o tētahi arowhai o ngā āhuatanga mōrearea, hei tirohanga mā te whānau i tā rātou taenga mai ki te kōhanga reo, tae atu hoki ki te mātakitaki.
[R 45 & 46 (1)(2) Ture Mātauranga (Kōhungahunga) 2008; HS12]

5 Ngā Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā:

• Kia toro atu ki te tautoko o Te Poari Matua o Ngā Kōhanga Reo, ki te whakatutuki i ngā herenga ā-ture, te arohaehae, te whakamahere rautaki me te arotake whaiaro, ngā whakaritenga, me te kounga o te ako a ngā tamariki, i tāutuhia ai ki tēnei pūrongo.

Te Whakarāpopototanga

E tū ana Te Kōhanga Reo o Whareroa ki te marae o Whareroa, ki te hapori o Maunganui. Mai i te arotake o mua, kua ahu whakamua te whānau o te kōhanga reo ki te whakapai ake i te whakahaeretanga me te whakaritenga o te kōhanga reo mā ā rātou tamariki. Engari, he āhuatanga tonu hei whakatutukitanga mā te whānau. E hāpai tonu ana Te Poari Matua o Ngā Kōhanga Reo i te whānau ki te whakapai haere i ngā whakahaeretanga ki te kōhanga reo.

Hei ā hea Te Tari Arotake Mātauranga arotake anō ai i te kōhanga reo?

Ka arotake anō Te Tari Arotake Mātauranga i Te Kōhanga Reo o Whareroa i roto i te kotahi tau.

Lynda Pura-Watson

Kaiurungi Whakaturuki Arotake Māori

08 Mahuru, 2016

Ngā kōrero e pā ana ki te kōhanga reo

1 Background

Introduction

A supplementary review is undertaken at the discretion of the Deputy Chief Review Officer Māori in the Education Review Office (ERO).

A supplementary review evaluates the extent and effectiveness of actions a kōhanga reo has taken towards addressing issues specified in its previous ERO review and/or any additional areas identified since that review.

Terms of Reference

This supplementary review is based on an evaluation of the performance of the kōhanga reo governing body and management in relation to areas identified in the previous ERO report or issues identified since that review. The terms of reference for this review are to investigate:

• Ngā Taumata Whakahirahira: management and organisation of the daily programme
• Planning and Evaluation: whānau and kaimahi retention and stability, strategic planning and internal review, personnel management and programme evaluation and assessment
• areas of non-compliance, and
• any other issues identified during the course of the review.

2 Context

Te Kōhanga Reo o Whareroa is based on Whareroa Marae, Mount Maunganui. Most whānau affiliate to the hapū of Ngāi Tūkairangi ki Whareroa and Ngāti Kuku, and to the iwi of Ngāi Te Rangi.

ERO’s report in 2014 identified the learning programme and the management of the kōhanga reo operations as areas for development. Te Kōhanga Reo National Trust (TKRNT) has been working with the whānau to make change and improvement. Since the last review a new kaiako has been appointed.

3 Findings

Ngā Taumata Whakahirahira

Background

ERO’s report in 2014 identified the need to review the daily programme to engage children in learning, manage children’s behaviour and address supervision issues. Learning programmes did not respond appropriately to the needs of individuals or groups of children.

Areas of progress

Kaimahi have improved children’s learning programme. Kaitiakitanga is an integral part of the learning programme and allows children to make links to their marae, kōhanga reo and the community. Kaumātua and kuia of the marae actively participate in the learning to promote kaitiakitanga. The new kaiako has skills and knowledge to support the quality of children’s learning and relationships. She has worked to establish daily routines to familiarise children about expectations in the kōhanga reo. Kaimahi support children to learn about their roles during formal situations like powhiri and whakatau. Older children are able to recite their pepeha, karakia and whakapapa in te reo Māori. Learning experiences in the community enable children to participate and develop an understanding about Matariki ki Mauao, worm farming and their local environment.

Key next steps

Kaimahi need to seek external assistance to cater for individual interests and provide children with activities to foster choice.

Planning and Evaluation

Background

The last report identified assessment, programme evaluation, strategic planning, internal review and kaimahi professional development as areas for development.

Areas of Progress

Personnel management and staffing have improved.

Whānau are still coming to terms with their roles and responsibilities as managers of the kōhanga reo. The professional capability of kaimahi has improved for children. Kaimahi participate in training courses for Te Tohu Whakapakari, Te Tākai Matua and Te Ara Tuarua. Most kaimahi have completed first aid course. The kaiako has been responsible for changes in the physical learning environment and leading the learning programme. Children benefit from kaimahi who are responsive to their learning and development needs.

Key next steps

Assessment practices remains an area for development. Although kaimahi understand the links of programme evaluation, assessment and reporting children’s progress, these are not aligned to Te Whāriki. These links will guide improvement with daily programme. Kaimahi need to seek external support to improve the quality of children’s learning.

Whānau management remains an area for development. It is important for the whānau develop an action plan based on the areas identified in the last report and how these will be addressed. Personnel management, particularly appraisal needs to be implemented to support kaimahi with their professional growth. The whānau are encouraged to submit a copy to ERO.

Strategic planning and internal review remain areas for development. Although the whānau meet and report about finances, their priorities and the learning programme there is limited information about the progress. The whānau need to identify priorities and steps to meet these to support future developments. Internal evaluation practices will assist the whānau with forward planning.

Areas of non-compliance

Background

The last report identified a number of areas of non-compliance for whānau to address. These included police vetting, fire and earthquake drills with children, maintaining records and checks of sleeping children and the display of environmental hazard checks.

Key next steps

Health and safety systems, and practices of monitoring and recording are limited. While whānau have updated some policies it is important to review and update all health and safety policies, procedures and practices. Personnel and child protection policies must be aligned to the Vulnerable Children’s Act 2014. Supervision of children, emergency drills, monitoring sleeping children and hazards must be followed.

4 Actions of non-compliance

Overview

In order for the kōhanga reo whānau to meet compliance requirements they need to:

4.1 ensure all kaimahi and others working around children are police vetted
[R44 Early Childhood Education and Care Centres 2008]

4.2 ensure regular drills are carried out and recorded throughout the year for fire and earthquake, and that kaimahi are trained in the relevant emergency drills
[R46 (1)(2) Early Childhood Education and Care Centres 2008, HS4-8]

4.3 maintain a record of checks of each child during their sleep
[R46 (1)(2) Early Childhood Education and Care Centres 2008, HS10]

4.4 ensure that the kōhanga reo whānau and kaimahi display an environmental hazards checklist completed for whānau to see on arrival, including supervision.
R45 & 46 (1)(2) Early Childhood Education and Care Centres 2008, HS12]

5 Recommendation

ERO and the kōhanga reo whānau developed the following recommendation:

• Seek assistance from TKRNT to address the areas of non-compliance, appraisal, strategic planning and internal review, whānau management practices, and the quality of children’s learning, that have been identified in this report.

Conclusion

Te Kōhanga Reo o Whareroa is on Whareroa Marae, Mount Maunganui. Since the previous review the kōhanga reo whanau have made progress towards improving the management and practice of the kōhanga reo for children. However, there are areas that the whānau need to address. The TKRNT continues to assist the whānau in making improvements to the kōhanga reo operations.

When is ERO likely to review the kōhanga reo again?

The next ERO review of Te Kōhanga Reo o Whareroa will be within one year.

Lynda Pura-Watson

Deputy Chief Review Officer Māori

8 September 2016 

Information about the Kōhanga Reo