Te Kura Akonga o Manurewa - 30/01/2019

1 Te Horopaki

Kia kaha, kia toa, kia manawanui

E tū ana Te Kura Ākonga o Manurewa ki te hapori o Manurewa, ki Tāmaki-makau-rau ki te tonga. E whakarato ana te whānau i te mātauranga rumaki reo Māori ki ngā ākonga o ngā tau 1 ki te 8. E whakahaere ana te kura ki ngā whare o tētahi papa e puritia ana, e whakahaerehia ana hoki e te Poari o Ngā Whare Ākonga Kotahitanga.

Whai muri i te arotake o mua a Te Tari Arotake Mātauranga i te tau 2013, kua pā ki te whānau, te poari, ngā kaiārahi matua, me ngā kaimahi ētahi tino whakarerekētanga, tino wero anō hoki hei whakatutukitanga mā rātou. Kua tino rongo ngā kaiārahi me ngā kaimahi i te ngarotanga atu o te tumuaki o mua. Ko ētahi o ngā kaupapa matua i nā tata nei, ko te whakatū i tētahi tumuaki hou, me te whakakī i ngā tūranga kaiako i roto i ngā marama 12 kua pahure ake nei.

2 Ngā Whakaaturanga

Te ako me te whai wāhi atu

E ako ana ngā ākonga ki tētahi taiao e whakapūmautia ana e te kaiako kia piki ake ai te taumata o te mātauranga. E hāngai ana te tikanga whakaaro o te kura ki ngā pūmanawa o te aihe, ā, he kupu whakarite tēnei e whakamārama ana i ngā huarahi ako ā-tinana, ā-wairua, ā-whakaaro, ā-hinengaro hoki o ngā ākonga me te whānau mā te mātauranga rumaki reo Māori. E tautuhi ana tēnei i te kounga o te mātauranga mō ngā ākonga o tēnei kura. E whakawhanake ana ngā kaiako i ngā hōtaka akoranga hei āta whakarite i te pai o te whakawhanaungatanga ki waenga i ngā ākonga, hei tuākana, hei tēina. Ka whakarato rātou i ngā whai wāhitanga mō ngā ākonga ki te whakapakari i ngā pūkenga e tika ana mō te mahi ngātahi, te hāpai i ngā rōpū, me te ārahi anō hoki mā te whakatauira tonu. Ko te aronga o ngā akoranga i ngā hōtaka o te ata puta noa i te kura, ko te hāpai me te kōkiri i te reo matatini me te pāngarau o ngā ākonga mā roto mai i ā rātou rōpū reanga me ā rātou akomanga. I te hōtaka o te ahiahi, ka tahuri ngā kaiako ki ētahi atu wāhanga o te marautanga pērā i te pūtaiao, te hangarau, ngā toi, me te tikanga ā-iwi mā te tini o ngā reanga ki ia rōpū ākonga. E whanake ana te whai wāhi atu a ngā ākonga ki ngā akoranga.

Te whakaako me ngā paetae ākonga

He tāupe te ako a ngā ākonga. E arotahi ana te tumuaki whakakapi ki te whakatairanga ake i te kounga o te whakapuakitanga, puta noa i te kura. I whakamahia ngā hōtuku o te tau 2017 hei whakawhanake i tētahi mahere ka kōkiri ai i te ako a ngā ākonga i te tau 2018. Ko te tātari i ngā hōtuku i tāutu ai i ia ākonga, i ngā rōpū ākonga hoki hei hāpai ake i roto i te reo matatini me te pāngarau. Kei tētahi kaiāwhina te kawenga o te rautaki ki te hāpai i te kohikohi, te whakaemi, me te tātari i ngā aromatawai. Ahakoa kua whakawhanakehia e te kaiāwhina tētahi tukanga kia tutuki haere ngā aromatawai ako matua ki te kura whānui, tē taea pea taua aronga te whakapūmau rawa mō te roanga o te wā.

Ka taea e te nuinga o ngā ākonga te whakawhitiwhiti whakaaro mā te reo Māori. Kua whakaaetia e te tumuaki whakakapi, e te poari hoki te urunga mai o ngā ākonga e iti ana te reo Māori ki te kura. E tautokona ana te whakawhanaketanga o aua ākonga i ō rātou mōhiotanga me ō rātou māramatanga ki te reo Māori. Ka whakamahi ngā kaiako i te whānuitanga o ngā tūmomo rautaki whakawhanake reo, tae atu ki te āta whakapuakitanga mai o ngā kupu hou, te whakatauira mai i ngā whakatakotoranga reo, me te aronga anō hoki ki te tika o te wetewete reo. Ka mahi ngātahi ngā kaiako me ngā kaiāwhina ki te tautoko i ngā ākonga i roto i ngā akomanga, puta noa i ngā rōpū reanga katoa. E ako ana ngā ākonga ki te whakamahi i te reo Māori ki tētahi taiao rumaki reo.

Te ārahitanga

E aro pūmau ana te tumuaki whakakapi ki te whakatairanga ake i ngā paetae ākonga. I whakamahia ngā paetae ākonga o te tau 2017 hei whakatinana haere i tētahi aronga ā-kura e whakatairanga ake ai, e kōkiri ai hoki i ngā putanga o ngā ākonga i te tau 2018. Nā taua āhuatanga, kua whakatinanahia e ia ngā tūmanako ngaio riterite mō ngā kaimahi katoa, puta noa i te kura. Kua whakatakotohia ngā pūnaha me ngā tukanga e ārahi ai i te whakatinanatanga o te marau, hei whakapai ake i te kounga o te whakaako me te ako o ngā ākonga. E whanake ana ngā tūranga me ngā kawenga e whai pānga ana ki te whakahaeretanga.

Te kāwanatanga

E whakapakari ana te poari i tō rātou mōhiotanga ki ngā tūranga me ngā kawenga mahi e pā ana ki te kāwanatanga o te kura. Kua tāutuhia e rātou ngā kaupapa matua e pā ana ki te whakaritenga o ngā hononga papai ki te whānau me ngā rangatira o ngā papa whenua nei. Kua whakatakotohia ngā pūnaha me ngā tukanga hei āta whakarite i te auau o ngā pūrongo e pā ana ki ngā ākonga me ngā whakahaeretanga i te kura. Ahakoa kua whakawhanakehia e te poari ngā tuhinga matua e hāpai ai i te aronga rautaki o te kura, ko te aromātai o roto tētahi wāhanga tonu hei whakawhanake ake.

Ngā wāhanga i tāutuhia ai hei whakawhanake ake

E whanake ana ngā whakaritenga e pā ana ki te kāwana me te whakahaeretanga. Ko te whakamahine tonu i ngā tūranga me ngā kawenga mahi te papa hei whakapiki ake i ngā putanga o ngā ākonga, ka hāpai hoki i te aronga rautaki. Kua tāutu hoki te tumuaki whakakapi me te poari i ngā kaupapa here ake me ngā tukanga ake hei arotake, hei whakapuaki.

He whāiti rawa ngā tūmomo rautaki hei poipoi i ngā matea whakaehu o ngā ākonga. He maha anō hoki ngā tūmomo kōkiritanga whakahirahira e whakawhanake tonuhia ana, kua tata rānei te whakaoti - tae atu ki te āhua o te ākonga i tana putanga i te kura, te marau ā-kura, me te whakatinanatanga o tētahi pūnaha hou mō te whakahaere ākonga - hei hāpai i ngā mahi ki te whakamahere me te pūrongo i te ako a ngā ākonga, tā rātou ahu whakamua, me ā rātou whakatutukitanga. He mahi anō e whai ake ana ki te whakapakari ake i te āheinga o ngā kaiako ki te aroturuki me te kōkiri i ngā paetae ākonga i roto i te pāngarau, me te whakatinana i tētahi aronga e noho nahanaha ake ana ki te whakapuaki i te whakamahinga o te reo Māori ki te kura.

3 Te Whakatau a te Poari ki ngā Wāhanga Tautukunga

I mua atu i te whakahaerenga o te aromātai i whakatutukihia e te poari me te tumuaki he Tauāki Kupu Tūturu a te Poari mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

  • ngā whakahaere a te poari
  • te marautanga
  • ngā whakahaere mō te hauora, te haumaru, me te oranga tinana
  • ngā whakahaere o ngā kaimahi
  • ngā whakahaere o te pūtea
  • ngā whakahaere o ngā rawa me ngā taonga.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki te hauora me te haumaru o ngā ākonga:

  • te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
  • te haumaru ā-tinana o ngā ākonga
  • te rēhitatanga me te whai tiwhiketetanga o ngā kaiako
  • ngā tukanga ki te whakatū kaimahi
  • te whakaunu, te aukati, te pana me te whakarerenga;
  • te tae ā-tinana atu a ngā ākonga ki te kura
  • te whakatutuki i ngā herenga ā-ture e pā ana ki Te Ture Oranga Tamariki 2014.

4 Te Taunakitanga

I whakawhanakehia e Te Tari Arotake Mātauranga te taunakitanga e whai ake nei, arā, kia:

  • whakapakarihia e te poari, te whānau, te tumuaki, me ngā kaiako te aromātai o roto, kia pai ake ai hoki te kounga o ngā akoranga a ngā ākonga, ā, hei whakatakoto anō hoki i tētahi tauira ārahitanga e noho pūmau ai ki te kura.

Hei ā hea Te Tari Arotake Mātauranga arotake anō ai i te kura?

Tērā ka whakahaeretia e Te Tari Arotake Mātauranga te arotake whai muri o Te Kura Ākonga o Manurewa i roto i te kotahi ki te rua o ngā tau.

Charles Rolleston Toka ā-nuku

30 Kohitātea, 2019

Ngā Kōrero e pā ana ki te kura

Te tūwāhi

Kei Manurewa, ki Tāmaki-makau-rau

Te tau a te Tāhuhu o te Mātauranga

1619

Te tūmomo kura

He kura tuatahi (Tau 1-8)

Te tokomaha o ngā ākonga o te kura

84

Te ira tangata

Kōtiro 36

Tama 48

Ngā hononga ā-iwi

Māori

100%

Ngā āhuatanga motuhake

Taumata 1 - 81-100%

Te wā i te kura te rōpū arotake

Whiringa-ā-rangi 2018

Te rā o tēnei pūrongo

30 Kohitātea, 2019

Ngā pūrongo o mua a Te Tari Arotake Mātauranga

Arotake Mātauranga

Arotake Mātauranga

Arotake Mātauranga

Haratua 2015

Poutū-te-rangi 2013

Whiringa-ā-rangi 2009

1 Context

Kia kaha, kia toa, kia manawanui

Te Kura Ākonga o Manurewa is in Manurewa, South Auckland. The whānau provide Māori medium education for students from Years 1 to 8. The kura operates from buildings on a site that is owned and administered by Ngā Whare Ākonga Kotahitanga Trust.

Since the previous ERO review in 2013, the whānau, board, senior leaders and staff have had to deal with significant changes and challenges. The passing of the previous tumuaki has impacted on leadership and staff. Recent priorities have included the appointment of a new tumuaki and filling kaiako vacancies that have been in place for the past 12 months.

2 Findings

Learning and engagement

Students learn in an environment where kaiako are committed to improving the standard of education. The kura philosophy is based on the attributes of the aihe which is a metaphor to describe the physical, spiritual, mental and psychological learning pathways for students and whānau in a Māori medium setting. This defines what quality education is for students in this kura. Kaiako are developing learning programmes to establish positive relationships amongst students as tuākana and tēina. They provide opportunities for students to build skills required to work cooperatively with others, to guide groups, and to lead by example. The learning focus for morning programmes across the kura is to support and accelerate literacy and numeracy for students within their age-based groups and classes. The afternoon programme enables kaiako to deliver other curriculum areas such as pūtaiao, hangarau, ngā toi and tikanga ā-iwi with mixed-age groups of students. Students’ engagement in learning is developing.

Teaching and achievement

Students’ learning is variable. The acting tumuaki is focused on raising the quality of delivery across the kura. Data from 2017 was used to develop a plan to accelerate student learning in 2018. The analysis of the data identified individuals and groups of students requiring additional support in literacy and numeracy. A strategy to support assessment gathering, collating and analysis has been delegated to a kaiāwhina. Although the kaiāwhina has developed a process to carry out key learning assessments across the kura, this approach is not likely to be sustainable in the longer term.

Most students can communicate in te reo Māori. The acting tumuaki and board of trustees have allowed students with limited te reo Māori to enrol in the kura. These students are supported to develop their knowledge and understanding of te reo Māori. Kaiako use a variety of language development strategies including the deliberate introduction of new vocabulary, modelling language conventions and focussing on grammatical correctness. Kaiako and kaiāwhina work together to provide in-class support for students across all year groups. Students are learning to use te reo Māori in an immersion setting.

Leadership

The acting tumuaki is committed to raising student achievement. Student achievement data from 2017 was used to inform a kura-wide approach to raise and accelerate learner outcomes in 2018. As a result, she has implemented consistent professional expectations for all kaimahi across the kura. Systems and processes to guide curriculum implementation are in place to improve the quality of teaching and learning for students. Management roles and responsibilities are developing.

Governance

The board of trustees is strengthening their knowledge of governance roles and responsibilities. They have identified priorities related to establishing positive relationships with the whānau and proprietors. Systems and processes are in place to ensure regular reporting about students and kura operations. Although the board of trustees has developed key documents to support the strategic direction of the kura, internal evaluation is an area for development.

Identified areas of development

Governance and management practices are developing. Ongoing refinement related to roles and responsibilities is based on improving outcomes for students and supporting the strategic direction. The acting tumuaki and board of trustees have also identified specific policies and procedures that need to be reviewed and actioned.

The range of strategies to cater for the diverse needs of students is limited. There are also a number of important initiatives that are under development or near completion, including the graduate profile, the marau ā-kura and the implementation of the new student management system to support the planning and reporting of students’ learning, progress and achievement. Further work is required to build kaiako capability to monitor and accelerate student achievement in pāngarau and to implement a more deliberate approach to grow the use of te reo Māori within the kura.

3 Board assurance on legal requirements

Before the evaluation, the board of trustees and principal completed the Board Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

  • board administration

  • curriculum

  • management of health, safety and welfare

  • personnel management

  • financial management

  • asset management.

During the evaluation, ERO checked the following items because they have a potentially high impact on student safety and wellbeing:

  • emotional safety of students (including prevention of bullying and sexual harassment)

  • physical safety of students

  • teacher registration and certification

  • processes for appointing staff

  • stand-downs, suspensions, expulsions and exclusions

  • attendance

  • compliance with the Vulnerable Children Act 2014.

4 Recommendation

ERO has developed the following recommendation that:

  • the board, whānau, tumuaki and kaiako strengthen internal evaluation in order to improve the quality of student learning and to create a sustainable leadership model in the kura.

When is ERO likely to evaluate the kura again?

The next ERO evaluation of Te Kura Ākonga o Manurewa will be over the course of 1-2 years.

Charles Rolleston Toka ā-nuku

30 January 2019

About the Kura

Location

Manurewa, Auckland

Ministry of Education profile number

1619

Kura type

Full Primary (Year 1-8)

Kura roll

84

Gender composition

Girls 36

Boys 48

Ethnic composition

Māori

100%

Māori language provision

Level 1 - 81-100%

Review team on site

November 2018

Date of this report

30 January 2019

Most recent ERO report(s)

Education Review

Education Review

Education Review

May 2015

March 2013

November 2009