Te Kura Kaupapa Māori o Manurewa - 12/01/2017

Ngā Whakaaturanga

E tū ana Te Kura Kaupapa Māori o Manurewa ki Clendon Park, ki Manurewa. Ko te ārahitanga hou e whai hua ana ki te whakapai ake i ngā pūnaha whakahaere me ngā pūnaha kāwanatanga ki te kura. He tino uaratanga te whanaungatanga me te manaakitanga ki te kura. E whakatutukihia ana ngā matea ako o ngā ākonga katoa e ngā kaiako. Kei te pakari haere ngā ākonga ki te whakatinana i ngā mātāpono o Te Aho Matua ki te kura me te hapori whānui.

Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Manurewa i roto i ngā tau e toru, arā, ko Te Rākeitanga. 

1 Te Horopaki

E tū ana Te Kura Kaupapa Māori o Manurewa ki te tāone o Manurewa, ki Tāmaki-makau-rau ki te tonga. E tū ana te kura ki te taha o te marae o Manurewa. Whai muri i te pūrongo o mua a Te Tari Arotake Mātauranga, kua rerekē te ārahitanga, ā, kua whai pānga tēnei ki te whakapaitanga ake o te whakahaeretanga me te kāwanatanga ki te kura. Ko tā te aronga matua a te kura i tēnei wā, ko te hūnuku ngātahi, te noho ngātahi hoki ki Te Wharekura o Manurewa. Ka ū te whakaaro nui o te poari ki ngā pūmanawa o te whānau, me te aronga anō hoki o te kura mō meāke nei.

2 Te Tino Uaratanga

Ka noho tuwhera ngā ngākau o ngā ākonga ki te aroha, ki te koa, ki te hari, arā, kia ngākau nui, kia ngākau māhaki rātou.

He pēhea rawa ngā ākonga e whakaatu i ngā mātāpono o Te Aho Matua?

Kei te pakari haere te tūmāia o ngā ākonga ki te whakaatu i ngā mātāpono o Te Aho Matua ki te kura me te hapori whānui.

Te Ira Tangata

He pakari ngā ākonga – ā-tinana, ā-wairua, ā-whatumanawa hoki.

Ka rongo ngā ākonga i te whakaute me te manaaki ki ō rātou hononga e poipoi ana i a rātou. Ko te noho o te tuakana me te teina tētahi aronga matua ki te kura. Ka kitea tēnei ki te kaha tautoko i ngā ākonga tēina ki te mahi tika i ngā hui ā-kura me ngā kaupapa hākinakina. He pai ngā hononga o ngā kaimahi ki te whānau, ā, ko te noho tuwhera o te kura e akiaki ana i te noho tahi mai o ngā whānau.

He harikoa ngā ākonga i roto i ā rātou akoranga. He pakari tā rātou whai wāhi ki ngā tūnga ārahi, tae atu ki ngā pōwhiri, ngā karakia, me ngā mihi. Ka hāpai ngā kaiako i te tū o ngā ākonga i roto i ngā kaupapa e whai pānga nui ana ki te noho matatau ki te reo Māori me ngā tikanga Māori, me ngā tūmomo tūranga e hāpai ana i te mahi ngātahi me te whakakotahi mai o ngā whāinga.

Ko te waiora o ngā ākonga tētahi kaupapa matua ki te kura. Ka whakatakoto ngā mahinga i te whakatakotoranga o te rā me te mauritau. Kua arotahi te kura ki te whakapakari ake i te waiora ā-whatumanawa o ngā ākonga, me te tāutu i ngā rautaki ka whakatutuki i ngā matea o ia tamaiti, o ngā rōpū tamariki anō hoki. E tino tautokona ngā ākonga e mau ana i te whānuitanga o ngā tūmomo matea, me ō rātou whānau. He pai te āta toro atu ki ngā ratonga o waho, hei hāpai i ngā akoranga a ngā ākonga.

Kua piki ake te whai wāhi atu a te whānau. Nā tēnei, kua pai ake anō hoki te whakawhitinga kōrero ki waenga i te kāinga me te kura. He tokomaha ngā whānau kua whai wāhi ki te kura mō te roanga o ngā tau, ā, mō ētahi o ngā whānau ko ō rātou uri te whakatupuranga tuatoru o rātou e ako ana ki te kura. Kua hokihoki mai ētahi ākonga o mua ki te hāpai i ngā ākonga o tēnei wā, mā te whānuitanga o ngā tūmomo huarahi, tae atu ki te ārahi me te whakaako i te kapa haka o te kura.

He mauritau ngā ākonga, ā, e āta poipoia ana rātou ki tō rātou taiao akoranga.

Te Reo

E rumakina ana ngā ākonga ki te reo me ngā tikanga Māori.

He pakari ngā ākonga katoa ki te whakawhiti kōrero mā te reo Māori. He matatau ngā kaiako ki te kōrero i te reo Māori. Ka whakamahi rātou i te whānuitanga o ngā tūmomo rautaki kōrero hei akiaki, hei whakatairanga ake hoki i te whakamahinga a ngā ākonga i te reo Māori, ki ngā taumata katoa. Ka ako ngā ākonga i ngā tino tūmanako o ngā kaiako mō te kōrero, te whakawhiti whakaaro, me te whakahoki kōrero anō hoki ki ētahi atu mā ngā huarahi whakaute. E ai ki ngā mātua, ka mau mai rātou i ā rātou tamariki ki tēnei kura, kia matatau ai rātou ki te kōrero i te reo Māori.

E whakawhanake ana te māia me te mātau o ngā ākonga i roto i te reo Māori.

Ngā Iwi

Ka aro nui ngā ākonga ki te whakahirahiratanga o ngā tūmomo tūranga me ngā tūmomo kawenga.

He pakari ngā ākonga ki te whakatinana i ngā tikanga me ngā kawa a te iwi. E whai wāhi ana rātou ki te whakauru atu ki ngā kaupapa Māori ā-tau o Te Kīngitanga, me ngā haerenga a te kura e whakapakari ana, e whakapūmau ana hoki i ō rātou mōhiotanga ki ngā whakapapa me ngā iwi.

Nō ngā iwi maha ngā ākonga, puta noa i Aotearoa. Ko te tikanga whakaaro me ngā akoranga o Te Aho Matua e hāpai ana i te whakawhanaketanga o ngā ākonga i tō rātou tino tuakiri. He pakari ngā ākonga ki te tū hei tangata whenua - hei kaikōrero, hei kaikarakia, hei kaiwaiata, ā, hei manaaki i ngā manuhiri. Ko ngā hononga ki ngā marae o tēnei takiwā, e hāpai ana i ērā o ngā ākonga nō iwi kē atu kāhore e tino hono atu ana ki ō rātou ake tūrangawaewae.

He pakari ngā ākonga ki te whakatutuki i te whānuitanga o ngā tūmomo tūnga.

Te Ao

He mātātoa te whakatewhatewha me te tūhura o ngā ākonga i te ao Māori me te ao whānui.

He mātātoa te whai wāhi atu a ngā ākonga ki te whānuitanga o ngā tūmomo wheako akoranga ki te hapori. Ka āta whakarite ngā kaiako i te whai wāhi atu a ngā ākonga ki te whānuitanga o ngā tino wheako ahurea, wheako hākinakina, wheako puoro hoki, hei whakawhānui ake i tō rātou tirohanga ki te ao e noho nei rātou. Kua whai wāhi atu ngā ākonga ki tētahi kaupapa pūtaiao i āta hāpai ai i ā rātou taunekeneke, i tō rātou manaaki anō hoki i te taiao. Kua whai wāhi atu rātou ki ngā awheawhe e pā ana ki ngā hangarau hou, ā, kua whakatairanga ēnei i ō rātou pūkenga i roto i te pūkaha hanga karetao.

He pākiki, he pakirehua hoki tō ngā ākonga.

Āhuatanga Ako

E whakatutukihia ana ngā matea ako o ngā ākonga.

Ka ngahau ngā ākonga i a rātou e ako ana. He nui ngā tūmanako o ngā kaiako i roto i ngā akoranga, ā, ka whakarato rātou i te taiao whakaongaonga, muramura hoki mō ngā ākonga. Ka āta whakatutukihia ngā matea ako o ngā ākonga katoa e ngā kaiako, inā koa, ko ngā matea ako, ngā matea ā-tangata anō hoki o te tokomaha o ngā tama i roto i te kura. E ākina ana te whakapuaki a ngā ākonga i ā rātou akoranga me ā rātou wheako ki te taha o ētahi atu. E wātea ana ki a rātou te whānuitanga o ngā tūmomo rauemi o te kounga pai. Ka whai wāhi ngā kaiako ki te whakawhanaketanga ngaio e tika ana, e whai pānga ana hoki ki a rātou, hei whakatairanga i ā rātou mahi ki te taha o ngā ākonga.

He mātātoa te whai wāhi atu a ngā ākonga ki ā rātou akoranga.

Ngā wāhanga i tāutuhia ai e te kura hei whakawhanake ake

I hui tahi ki te whānau, ā, i tāutuhia e rātou ngā whakaritenga matua e whai ake nei, hei whakapai ake i ngā putanga ki ngā ākonga:

  • Kia whakawhanake i tētahi marau ā-kura me tētahi tuhinga raukura e whakanui ai i te tirohanga o te kura, e mau ana hoki i ngā wawata o te whānau, ā, e hono ana hoki ki Te Aho Matua
  • Kia whakapai ake ngā tuhinga – tae atu hoki ki ngā kaupapa here – kia hāngai ake ai ēnei ki tētahi kura o Te Aho Matua
  • Kia whakatakotohia ngā paetae ākonga e hāngai pū ake ana, ā, e tāutu ana i ngā ākonga hei āta kōkiri i roto i ā rātou akoranga, ā, e whakahāngai ana i te tautoko hei āta whakarite i te tino ahu whakamua o aua ākonga i roto i ā rātou akoranga
  • Kia whakapakarihia te aromātai i roto i ngā akomanga, mā ngā kaiako e tāutu ana i ia te wā i ngā whakaritenga whakaako e whai hua ana, me ngā āhuatanga tonu hei whakapai ake ā meāke nei.

3 Te Arotake Whaiaro me te Ārahitanga

Mā te ako, mā te mātauranga, ka puta te rangatiratanga”

Koia nei te tirohanga e ārahi ana i te whakahaeretanga, ngā kaimahi, me te whānau ki tēnei kura, hei āta whakarite i te whiwhinga o ngā ākonga i ngā tino putanga i roto i ā rātou akoranga.

He nui ngā pūkenga o te heamana me ngā kaitiaki o te poari, ā, e āta arotahi ana rātou ki ngā ākonga. He pai tā rātou mahi ngātahi ki te rōpū ārahi hou, ā, kua whakaritea ngā rautaki whakawhiti whakaaro e whai hua ana ki te āta whakamōhio i te whānau me ngā kaimahi, me tā rātou whai wāhi mai ki ngā whakataunga. Kua whakaritea tētahi tukanga whakawhiti whakaaro, hei arotake i ngā kaupapa here, ā, e ākina ana te whai wāhi mai o te whānau. He pakari te arotake whaiaro i ia te wā, puta noa i te nuinga o ngā wāhanga o te kura.

Ka āta whakamahi te rōpū ārahi i ngā mātanga o waho, hei whakapakari i te āheinga ki te ārahi me te whakahaere. Nā tēnei, kua tau mai ētahi whakapaitanga ki te kounga o ngā whakaakoranga me ngā akoranga, me te āta whakamahinga o ngā paetae ākonga ki te tāutu i ngā ākonga hei āta hāpai ake i roto i ngā akoranga.

He tino uaratanga te whanaungatanga me te manaakitanga ki te kura. He pai ki te whānau ngā tūmomo huarahi ka whāia e te kura, hei hāpai i a rātou ngā mātua. Mā te kaupapa ki te hūnuku me te noho ngātahi ki Te Wharekura o Manurewa ka hāpai i ngā kura e rua ki te whakawhānui ake i ngā akomanga, me te whakarato i ngā rauhanga o waho ka whakatutuki i ngā matea hākinakina me ngā matea mātauranga o ngā ākonga.

Te wāhanga hei whakawhanake ake

Me whakapakari i te whakamahere rautaki, kia whai pānga ai tēnei ki:

  • ngā whāinga rautaki e tūmanakohia ana mō ngā tau e toru, e rima rānei ka whai ake
  • tētahi mahere a-tau e mau nei i ngā whāinga ka hono ki ngā whāinga rautaki
  • ngā mahi me ngā wātaka mō ngā mahere ā-tau, me te aroturuki i ia te wā i te ahu whakamua ki te whakatutuki i ngā whāinga.

4 Te Whakatau a te Whānau ki ngā Wāhanga Tautukunga

I mua atu i te whakahaerenga o te arotake i whakatutukihia e te poari me te tumuaki he Tauāki Kupu Tūturu a te Whānau mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

  • ngā whakahaere a te poari
  • te marautanga
  • ngā whakahaere mō te hauora, te haumaru, me te oranga tinana
  • ngā whakahaere o ngā kaimahi
  • ngā whakahaere o te pūtea
  • ngā whakahaere o ngā rawa me ngā taonga.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:

  • te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
  • te haumaru ā-tinana o ngā ākonga
  • te rēhitatanga o ngā kaiako
  • ngā tukanga ki te whakatū kaimahi
  • te whakaunu, te aukati, te pana me te whakarerenga
  • te tae ā-tinana atu a ngā ākonga ki te kura.

5 Te Taunakitanga

Kia mahi ngātahi tonu te whānau ki te ahu whakamua i ngā wāhanga i tāutuhia ai ki tēnei pūrongo hei whakawhanake ake.

Te Whakarāpopototanga

E tū ana Te Kura Kaupapa Māori o Manurewa ki Clendon Park, ki Manurewa. Ko te ārahitanga hou e whai hua ana ki te whakapai ake i ngā pūnaha whakahaere me ngā pūnaha kāwanatanga ki te kura. He tino uaratanga te whanaungatanga me te manaakitanga ki te kura. E whakatutukihia ana ngā matea ako o ngā ākonga katoa e ngā kaiako. Kei te pakari haere ngā ākonga ki te whakatinana i ngā mātāpono o Te Aho Matua ki te kura me te hapori whānui.

Hei ā hea Te Tari Arotake Mātauranga arotake anō ai i te kura?

Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Manurewa i roto i ngā tau e toru, arā, ko Te Rākeitanga.

Lynda Pura-Watson

Kaiurungi Whakaturuki Arotake Māori

12 Kohitātea, 2017

Ngā Kōrero e pā ana ki te kura 

Te tūwāhi

Kei Manurewa

Te tau a te Tāhuhu o te Mātauranga

4229

Te tūmomo kura

He kura tuatahi (Tau 1 ki te 8)

Te tokomaha o ngā ākonga o te kura

71

Te ira tangata

Kōtiro 33

Tama tāne 38

Ngā hononga ā-iwi

Māori 71

100%

Ngā āhuatanga motuhake

Te Aho Matua

Te wā i te kura te rōpū arotake

16 Whiringa-ā-rangi 2016

Te rā o tēnei pūrongo

12 Kohitātea, 2017

Ngā pūrongo o mua a Te Tari Arotake Mātauranga

Arotake Mātauranga Te Aho Matua

Arotake Tāpiri

Arotake Mātauranga Te Aho Matua

Hui-tanguru 2014

Here-turi-kōkā 2010

Paenga-whāwhā 2009

Findings

Te Kura Kaupapa Māori o Manurewa is in Clendon Park, Manurewa. New leadership has had a positive impact on improved management and governance systems within the kura. Whanaungatanga and manaakitanga are strong values in the kura. The learning needs of all students are well met by kaiako. Students are building their confidence to demonstrate the principles of Te Aho Matua at kura and in the wider community.

The next ERO review of Te Kura Kaupapa Māori o Manurewa will be in three years – Te Rākeitanga – Expansive Evaluation. 

1 Context

Te Kura Kaupapa Māori o Manurewa is in Manurewa, South Auckland. The kura sits alongside the Manurewa Marae complex. Since the previous ERO report, leadership has changed and this has had a positive impact on improved management and governance within the kura. The current focus for the kura is the co-location of the Te Wharekura o Manurewa to a shared site. The board has a strong belief in the strength of the whānau and is positive about the future of the kura.

2 Te Tino Uaratanga

Students are receptive to and have a great capacity for aroha, for joy and for laughter.

How well do students demonstrate the principles of Te Aho Matua?

Students are building their confidence to demonstrate the principles of Te Aho Matua at kura and in the wider community.

Te Ira Tangata

Students are physically, spiritually and emotionally confident.

Students experience respectful, nurturing and caring relationships. The tuakana/teina relationships have been a key focus of the kura. This is evident in the support provided to younger students to behave appropriately during kura assemblies and in sporting events. Staff relationships with whānau are positive and the open door policy encourages whānau presence at the kura.

Students are happy in their learning. They participate confidently in leadership roles including pōwhiri, karakia and mihi. Kaiako tutor students in roles that require te reo Māori fluency and tikanga Māori, and roles that encourage teamwork and shared goals.

Students’ wellbeing is a priority of the kura. Routines provide students with structure for the day and a sense of personal security. The kura has focused on building the emotional wellbeing of students and to identify strategies that meet their individual and collective needs. Students with diverse learning needs and their whānau are well supported. Good use is made of external networks to assist students with their learning.

Whānau participation has increased. As a consequence communication between the home and the kura has improved. A number of whānau have been involved with the kura over many years and for some the third generation of students continue to attend the kura. Some former students have also returned to support current students in a variety of ways including mentoring and tutoring roles with the kura kapa haka.

Students are secure and well cared for in their learning environment.

Te Reo

Students are immersed in te reo me ngā tikanga Māori.

All students communicate confidently in te reo Māori. Kaiako are competent, fluent speakers of te reo Māori. They use a range of effective communication strategies to encourage and promote students use of te reo Maori at all levels. Students learn that kaiako have clear expectations for speaking, discussing and responding in respectful ways with others. Parents state that they bring their children to this kura to become competent speakers of te reo Māori.

Students are developing confidence and competence in te reo Māori.

Ngā Iwi

Students acknowledge the importance attached to different roles and responsibilities.

Students confidently demonstrate iwi specific tikanga and kawa. They have opportunities to participate in annual Māori events associated with Te Kīngitanga and in kura trips that strengthen and reinforce their knowledge about whakapapa and iwi.

Most student’s whakapapa to a number of iwi throughout Aotearoa. The philosophy and learnings of Te Aho Matua support students to develop a strong sense of identity. Students confidently carry out their roles as tangata whenua which includes kaikōrero, kaikarakia, kaiwaiata and manaaki manuhiri. Relationships with local marae support students from other iwi who have little connection with their own tūrangawaewae.

Students perform a range of roles confidently.

Te Ao

Students actively investigate and explore the Māori world and the wider world.

Students actively participate in a range of learning experiences in the local community. Kaiako ensure students are exposed to a rich range of cultural, sporting and musical experiences that broaden their perspective about the world they live in. Students have been involved in a Pūtaiao project that has encouraged their interactions with and care for the environment. They have participated in modern technologies workshops that have enhanced their skills in robotics engineering.

Students are inquisitive and enquiring learners.

Āhuatanga Ako

Students learning needs are met.

Students have fun with learning. Kaiako have high expectations for learning and provide students with stimulating and colourful environments. The learning needs of all students are well met by kaiako, in particular the learning and social needs of the large number of boys enrolled at the school. Students are encouraged to share their learning and experiences with others. They have access to a wide range of good quality resources. Kaiako participate in appropriate and relevant professional development to enhance their practices when working with students.

Students are actively engaged in their learning.

Kura-identified areas of development

These next steps were identified with and by the whānau to improve outcomes for students:

  • Develop a Marau ā kura and Graduate Profile that give recognition to the vision of the kura, includes whānau aspirations and is linked to te Aho Matua
  • Documentation, including policies are improved to be more relevant to a kura in a Te Aho Matua setting
  • Set achievement targets that are more specific, identifies students who have been hardest to shift in their learning and provides targeted support to ensure these students make accelerated progress with their learning
  • Strengthen evaluation at class level by kaiako regularly identifying what teaching practices are working well and what are the key next steps for improvement.

3 Self Review and leadership

Mā ta ako, mā te mātauranga, ka puta te rangatiratanga”

This is the vision that guides management, staff and whānau at this kura to ensure tamariki experience positive outcomes with their learning.

The highly skilled board chair and board members are strongly focussed on students. They work well with the new leadership team and have established effective communication strategies to ensure whānau and kaimahi are informed and included in decision making. A planned consultative process is in place to review policies and whānau contributions are encouraged. There is regular and robust self-review across most areas of the kura.

The leadership team makes good use of external expertise to build leadership and management capacity. This has led to improvements to the quality of teaching and learning and better use of achievement information to identify students who require extra learning support.

Whanaungatanga and manaakitanga are strong values in the kura. The whānau are positive about the ways the kura supports them in their parenting roles. The joint venture to progress the co-location with the Te Wharekura o Manurewa to a shared site will give both kura room to expand classroom spaces and provide outdoor facilities to meet the sporting and educational needs of the students.

Area for development

Strengthen strategic planning to include:

  • strategic goals that are aspirational for the next 3-5years
  • an annual plan with goals that link to the strategic goals
  • actions and timeframes for the annual plans and regularly monitoring progress being made to meet goals.

4 Whānau assurance on legal requirements

Before the review, the board of trustees and principal completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

  • board administration

  • curriculum

  • management of health, safety and welfare

  • personnel management

  • financial management

  • asset management.

During the review, ERO checked the following items because they have a potentially high impact on student achievement. There were no concerns

  • emotional safety of students (including prevention of bullying and sexual harassment)

  • physical safety of students

  • teacher registration

  • processes for appointing staff

  • stand-downs, suspensions, expulsions and exclusions

  • attendance

5 Recommendation

The whānau continue to work collaboratively to progress the areas for development identified in this report.

Conclusion

Te Kura Kaupapa Māori o Manurewa is in Clendon Park, Manurewa. New leadership has had a positive impact on improved management and governance systems within the kura. Whanaungatanga and manaakitanga are strong values in the kura. The learning needs of all students are well met by kaiako. Students are building their confidence to demonstrate the principles of Te Aho Matua at kura and in the wider community.

When is ERO likely to review the kura again?

The next ERO review of Te Kura Kaupapa Māori o Manurewa will be in three years – Te Rākeitanga – Expansive Evaluation.

Lynda Pura-Watson

Deputy Chief Review Officer Māori

12 January 2017 

Information about the Kura 

Location

Manurewa, Auckland

Ministry of Education profile number

4229

Kura type

Full Primary (Years 1 – 8)

Kura roll

71

Gender composition

Girls 33

Boys 38

Ethnic composition

Māori

100%

Special features

Te Aho Matua

Review team on site

16 November 2016

Date of this report

12 January 2017

Most recent ERO report(s)

Te Aho Matua Review

Supplementary Review

Te Aho Matua Review

February 2014

November 2010

April 2009