Te Kura Kaupapa Māori o Nga Uri A Maui - 09/07/2019

1 Te Horopaki

E tū ana Te Kura Kaupapa Māori o Ngā Uri a Māui ki Tūranga-nui-a-Kiwa. E whakahaerehia ana te kura mā ngā mātāpono o Te Aho Matua, ā, e whakarato ana i te mātauranga rumaki reo Māori ki ngā ākonga o ngā tau 1 ki te 15.

He nui ngā rerekētanga ki te kura whai muri i te arotake o mua a Te Tari Arotake Mātauranga i te tau 2015. Ko ētahi o aua rerekētanga, ko te heke iho i te tatauranga o ngā tamariki ki te kura, me te wehenga atu a te tumuaki me ētahi o ngā kaimahi whakaako i te mutunga o te tau 2018. Nō te wāhanga tuatahi o te tau 2019 tētahi tumuaki whakakapi i whakatūngia ai, hei hāpai i ngā ākonga me te whānau i roto i ngā whakarerekētanga.

Ahakoa te nui o ngā rerekētanga i pā ai ki te ārahitanga me ngā tūnga kaimahi, kua ū tonu ngā kaimahi matua i te poari me te whānau. Kua kopoua tētahi tumuaki tūturu hou ka tīmata ā te wāhanga tuarua o te tau 2019.

Mō tēnei arotake, i whakaaetia kia arotahi pū Te Tari Arotake Mātauranga ki ēnei o ngā mātāpono o Te Aho Matua, arā, ki Te Ira Tangata, Te Reo, me Āhuatanga Ako hoki. I aromātai hoki Te Tari Arotake Mātauranga i te kounga o te arotake whaiaro me te ārahitanga.

2 Te Tino Uaratanga

He pēhea rawa ngā ākonga e whakaatu mai i tō rātou manaakitanga, i tō rātou whai whakaaro nui ki ētahi atu, ā, i tā rātou āheinga hoki ki te mahi tahi?

Ka kitea ki ngā ākonga tō rātou manaaki, tō rātou whai whakaaro nui, me tō rātou āheinga ki te mahi tahi i ō rātou hononga ki ētahi atu.

Te Ira Tangata

Ka kitea ki ngā ākonga tō rātou atawhai me tō rātou whakaute ki ētahi atu. Ka whakamahi te whānau me ngā kaimahi i tō rātou māramatanga ki Te Aho Matua, i ō rātou mōhiotanga ki ā rātou ākonga, i ngā tikanga Māori hoki e whakapūmau ai i ngā mahinga me ngā tūmanako e pā ana ki te whanonga a ngā ākonga. E mōhio ana ngā ākonga ki aua tūmanako me aua mahinga. Ka whakatūngia ngā ākonga ki te ārahi i ngā karakia, ngā mihimihi, te kapa haka, me ngā huringa akomanga. Ka kitea te tūmāia o ngā ākonga i roto i ā rātou taunekeneke ki ētahi atu.

Te Reo

Rongo ai ngā ākonga i te reo Māori e kōrerohia ana puta noa i te rā. Ka kōrero ngā kaimahi i te reo Māori i ngā wā katoa, ā, ka āta whakarite rātou i te noho mōhio o ngā ākonga he mea nui te kōrero i te reo Māori ki te kura. Ka whakatauira hoki rātou i te whakamahinga o te reo ki ngā horopaki ōkawa me ngā horopaki ōpaki. Ka taea e ngā ākonga ngā kōrero te whakautu tika ki ngā tūmomo horopaki o te reo Māori. Ka rongo ngā ākonga i te reo ōkawa e whakaputaina ana ki ngā pōhiri, tae atu hoki ki te reo kōrerorero, te reo ōpaki ake o te reo Māori ki ō rātou akomanga. E whakawhanake tonu ana ngā ākonga i ō rātou ngākau titikaha me ō rātou pūkenga ki te kōrero i te reo Māori.

Āhuatanga Ako

Ka whai wāhi atu ngā ākonga ki ngā hōtaka akoranga i whakamaheretia ai. Ka whakarato ngā kaimahi i ngā taumahi me ngā rauemi e hāpai ana i te ako a ngā ākonga. Ka kitea ngā tauira o ngā takune ako e whakamahia ana hei akiaki i te kōkiri me te whakahaere a ngā ākonga i ā rātou ake akoranga. E arotahi ana ngā hononga i te akomanga ki te ako. Ka akiaki ngā kaiako i ngā ākonga ki te ako ngātahi, ā, ki te tautoko hoki - tētahi i tētahi - i te akomanga. Ka arotahi, ka whai wāhi nui hoki ngā ākonga ki ngā mahi.

Ngā wāhanga hei whakawhanake ake

Tērā ētahi whakaaturanga papai o ngā whakaritenga a ngā kaiako me ngā whakaratonga e atawhai ana i ngā ākonga. Kua whakatinanahia ētahi whakarerekētanga ki ngā mahi a ngā kaiako, hei āta whakatau i te tirohanga ki ngā mahere me te whakatakotoranga o aua mahere ki ia akomanga. Ahakoa te pai o ngā whakahaeretanga ki te nuinga o ngā akomanga, kāhore aua tūmanako e āta kitea ana i ia te wā ki ngā akomanga katoa. He mahi anō hei whakatutuki, kia taea ai e ngā kaiako katoa te mahi ngātahi me te whakarato i ia te wā i te kounga kairangi o te mātauranga me te atawhai mā ngā ākonga, puta noa i te kura.

Kāhore e āta whakamaheretia ana, e āta whakaritea ana rānei te ū pūmau ki te reo Māori puta noa i te kura. Kāhore anō te whānau me ngā kaimahi kia whakawhanake i tētahi hōtaka whakawhiti mō rātou o ngā ākonga e mau ana i te iti noa o te reo Māori. Ko ētahi atu āhuatanga matua hei hāpai i te reo Māori, ko te tāutu me te whakanui i ngā whakaakoranga reo me ngā akoranga reo i te kura whānui e whai hua ana, ko te whakatinana i tētahi aronga nahanaha ki te whakapakari ake i te āheinga reo o ngā kaimahi, ā, ko te āta whakarite i te whakapuakitanga o te marautanga mā te reo Māori.

Me whakawhanake i te waihanga me te ratonga o te mātauranga ki te wharekura. Kua whakaurua ngā ākonga o ngā tau 9 ki te 13 ki ngā kaupapa ako mā Te Kura. Nā te wehenga o ētahi o ngā kaimahi matua, me tahuri ngā kaiako ki te arotake i te āhua o tā rātou whakapuaki mai i ō rātou ake pūkenga, i te whakatōpūtanga hoki o aua pūkenga, hei kōkiri i te ratonga o te mātauranga wharekura. Me āta whakangungu, me āta tautoko hoki i ngā kaiako kia matawhānui ake ai te hōtaka akoranga e whakaratohia ana mā ngā ākonga o te wharekura, ā, kia kaha ake anō hoki te mahi tahi me te aronga ngātahi ki ngā whakaakoranga i te wharekura. Ahakoa te pukumahi me te mātātoa o ngā ākonga o te wharekura puta noa i te rā, kāhore ngā hōtaka akoranga e āta whakawhānui mārika ana, e āta wero mārika ana hoki i ngā ākonga o te wharekura.

3 Te Arotake Whaiaro me te Ārahitanga

Ko ngā whakarerekētanga me ngā wero nō nā tata tonu nei i tau ai i roto i te kura, kua whai pānga anō hoki ki ngā mahi a te whānau me te hapori o te kura. Mai i te tīmatanga o te tau 2019, kua aro atu te poari me te tumuaki whakakapi ki te whakarato i tētahi wāhi nahanaha, wāhi tautoko tonu e hāpai ai i te ako a ngā ākonga me tō rātou waiora. Kua whai wāhi ki tēnei, ko te whakatau i te whānau me te āta toro atu ki a rātou, ko te whakatakoto anō i ngā tūmanako ngaio o ngā kaimahi, ā, ko te whakapakari ake i ngā pūnaha me ngā tukanga a ngā kaimahi.

Ngā wāhanga hei whakawhanake ake

Nā te nui o ngā whakarerekētanga ki ngā tūranga kaimahi i te kura, kua whāiti noa ngā pūmanawa me ngā āheinga ki te whakapūmau i ngā tino mahi e pā ana ki te kāwanatanga me te whakahaeretanga i te kura. He tuhinga hukihuki kē te tūtohinga, te tirohanga, te mahere rautaki, me te mahere ā-tau. Kāhore i āta ū ki te arotake tonu i ia te wā i ngā whakahaeretanga o te kura me ngā kaupapa here. I te mea e tīmata ana tētahi tumuaki tūturu hou ā te wāhanga tuarua, e noho pūmau ana te poari ki te whakapuaki anō i te kāwanatanga me te ārahitanga e riterite ana, e tau ana hoki ki te kura.

He ngoikore ngā pūnaha ki te aroturuki i te ako a ngā ākonga me ā rātou whakatutukitanga. I tēnei wā, kāhore he pūnaha ā-kura hei aroturuki, hei whai hoki i te ahu whakamua a ngā ākonga. Kāhore anō kia āta whakaritea, kia āta whakatinanahia hoki ngā tūmanako e pā ana ki te ako a ngā ākonga, ki ā rātou whakatutukitanga, ā, ki tā rātou ahu whakamua hoki. Me whiwhi ngā kaiako i te tautoko o waho hei hāpai ake i tō rātou mōhiotanga me ō rātou āheinga i roto i ngā whakaritenga ngaio. Kua tāutuhia e te poari, e tika ana kia whakapakarihia te tukanga whakauru a ngā kaimahi hou ki te kura.

Me arotake wawe i te pūnaha e whakahaere ana i te āhua mahi, hei āta whakatau i te ngāwari tonu o te tukanga, me te whakatairanga pū o taua tukanga i te kounga o te whakaako me te ārahitanga ki te kura. He pīroiroi rawa te pūnaha o tēnei wā, ā, he maha anō hoki ngā whāinga ngaio me ngā whāinga marau o roto. Kāhore anō te ako ngaio me ngā whakawhanaketanga ngaio o ngā kaiako kia āta tāutuhia. Me tāutu i ngā whai wāhitanga whakawhanaketanga ngaio e tika ana, ā, me whakahāngai anō hoki i ēnei ki ngā matea o ngā kaiako.

4 Te Whakatau a te Whānau ki ngā Wāhanga Tautukunga

I mua atu i te whakahaerenga o te arotake i whakatutukihia e te poari me te tumuaki he Tauāki Kupu Tūturu a te Whānau mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

  • ngā whakahaere a te poari
  • te marautanga
  • ngā whakahaere mō te hauora, te haumaru, me te oranga tinana
  • ngā whakahaere o ngā kaimahi
  • ngā whakahaere o te pūtea
  • ngā whakahaere o ngā rawa me ngā taonga.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:

  • te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
  • te haumaru ā-tinana o ngā ākonga
  • te rēhitatanga o ngā kaiako
  • ngā tukanga ki te whakatū kaimahi
  • te whakaunu, te aukati, te pana me te whakarerenga
  • te tae ā-tinana atu a ngā ākonga ki te kura.

Kia tutuki i te poari āna herenga ā-ture, me tahuri rātou ki te:

  • āta whakarite i te whakatinanatanga o ngā kaupapa here me ngā tukanga e pā ana ki te tuku mahi me te arohaehae auau, tae atu ki te whakaratonga o te ako ngaio me te whakawhanaketanga ngaio o ngā kaimahi, me te arowhai a ngā pirihimana i ngā tūranga mahi whānui.
    [s77c Te Ture Kaimahi Kāwanatanga 1998; Te Kahiti o Aotearoa me ngā Kirimini ā-tōpū mō te Whiwhi Mahi e whai pānga ana]

5 Te Taunakitanga

E taunaki ana Te Tari Arotake Mātauranga kia mahi te whānau me te poari ki te taha o Te Rūnanga Nui o Ngā Kura Kaupapa Māori o Aotearoa ki te whakawhanake i tētahi mahere ka whakatutuki i ngā wāhanga i tāutuhia ai ki tēnei pūrongo hei whakawhanake ake.

Hei ā hea Te Tari Arotake Mātauranga arotake anō ai i te kura?

Ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Ngā Uri a Māui hei arotake o Te Pupuketanga.

Gloria Takuira

Acting Toka ā-nuku

09 Hōngongoi, 2019

Ngā Kōrero e pā ana ki te kura

Te tūwāhi

Kei Tūranga-nui-a-Kiwa

Te tau a te Tāhuhu o te Mātauranga

1672

Te tūmomo kura

He kura whakahiato (Tau 1 ki te 15)

Te tokomaha o ngā ākonga o te kura

149

Te ira tangata

Kōtiro 73

Tama tāne 76

Ngā hononga ā-iwi

Māori

100%

Ngā āhuatanga motuhake

Te Aho Matua

Te wā i te kura te rōpū arotake

4 Paenga-whāwhā 2019

Te rā o tēnei pūrongo

09 Hōngongoi, 2019

Ngā pūrongo o mua a Te Tari Arotake Mātauranga

Arotake Mātauranga Te Aho Matua

Arotake Mātauranga Te Aho Matua

Arotake Mātauranga Te Aho Matua

Pipiri 2015

Paenga-whāwhā 2012

Pipiri 2008

1 Context

Te Kura Kaupapa Māori o Ngā Uri ā Māui is in Gisborne. The kura operates in line with the principles of Te Aho Matua, and provides Māori medium education for students from Year 1 to 15.

Since the previous ERO review in 2015, there have been considerable changes within the kura. These changes include a decrease in the roll and the departure of the tūmuaki and some teaching staff at the end of 2018. An interim tūmuaki was appointed in Term 1 2019 to support students and whānau through these changes.

Although there have been a high number of leadership and staff changes, key personnel in the board of trustees and whānau have remained consistent. A new permanent tūmuaki has been appointed who will start of Term 2, 2019.

For this review, it was agreed that ERO would focus on specific wāhanga of Te Aho Matua, Te Ira Tangata, Te Reo and Āhuatanga Ako. ERO also evaluated the quality of self-review and leadership.

2 Te Tino Uaratanga

To what extent do students show they are caring, considerate and cooperative?

Students show they are caring, considerate and cooperative in their relationships with others.

Te Ira Tangata

Students display kindness and respect to others. The whānau and staff use their understanding of Te Aho Matua, what they know about their students, and Māori tikanga to establish consistent routines and expectations for student behaviour. Students are aware of these expectations and routines. Students are given leadership roles in karakia, mihimihi, kapa haka and classroom rotations. Students appear confident in their interactions with others.

Te Reo

Students hear te reo Māori spoken throughout the day. Kaimahi consistently speak te reo Māori and ensure students are aware of the importance of speaking te reo Māori while at kura. They also model language use in a range of formal and informal situations. Students can respond appropriately in different te reo Māori contexts. Students hear formal language used in pōhiri as well as the more social and informal use of te reo Māori in their classrooms. Students continue to develop their confidence and skills as speakers of te reo Māori.

Āhuatanga Ako

Students participate in planned learning programmes. Kaimahi provide activities and resources to support students’ learning. There are examples of the use of learning intentions to encourage student ownership and management of their learning. Classroom relationships are focused on learning. Kaiako encourage students to learn together and support each other in the classroom. Students appear focused and on task.

Areas for development

There are examples of good teacher practice and provision of care for students. Changes to teacher practice have been implemented to ensure classroom planning is sighted and in place. While most classrooms are well managed, these expectations are not consistently evident in all classrooms. Further work is required to ensure all kaiako can work collaboratively and provide consistently high-quality education and care for students across the kura.

The sustained use of te reo Māori across the kura is not well planned or established. The whānau and staff have not yet developed a transition programme for students with limited ability in te reo Māori. Other priority areas for te reo Māori include identifying and celebrating current good language teaching and learning practices within the kura, implementing a planned approach to building the language capability of staff, and ensuring the curriculum can be delivered through te reo Māori.

The design and provision of wharekura education requires development. Year 9 to 13 students are enrolled in subject courses through Te Kura. Following the departure of key senior staff members, kaiako need to review how they use their individual and collective skills to facilitate the provision of wharekura education. Kaiako require specific training and support to provide a comprehensive learning programme for wharekura students, and to promote more collegial and collaborative approaches to teaching in the wharekura. Although wharekura students are busy and active during the day, learning programmes do not sufficiently extend and challenge wharekura students.

3 Self Review and Leadership

Recent changes and challenges within the kura have impacted on the whānau and local kura community. Since the beginning of 2019, the focus of the board of trustees and interim tumuaki has been to provide an orderly and supportive environment that is conducive to student learning and wellbeing. This includes settling and engaging with the whānau, resetting professional expectations of staff, and strengthening systems and processes for staff.

Areas for development

With the significant personnel changes within the kura, there has been limited capacity and capability to maintain important governance and management tasks. The charter and vision, strategic plan and annual plan are in draft. Regular and ongoing review of kura operations and policies have not been maintained. With the new permanent tūmuaki to commence in Term 2 of 2019, the board of trustees is committed to re-establishing consistent and stable governance and leadership in the kura.

Systems to monitor student learning and achievement are lacking. There is currently no school-wide system in place to monitor and track student progression. Expectations for student learning, achievement and progress have not been well established and implemented. Kaiako require external support to improve their knowledge and capability in professional practices. The board of trustees has identified the need to strengthen the induction process for new staff into the kura.

The performance management system requires urgent review to ensure it is a manageable process that directly enhances the quality of teaching and leadership in the kura. The current system is intensive and contains a high number of professional and curriculum goals. Professional learning and development needs of kaiako have not been well identified. Appropriate professional development opportunities must be identified and clearly aligned to the needs of kaiako.

4 Whānau assurance on legal requirements

Before the review, the board of trustees and tumuaki completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

  • board administration
  • curriculum
  • management of health, safety and welfare
  • personnel management
  • financial management
  • asset management.

During the review, ERO checked the following items because they have a potentially high impact on student achievement:

  • emotional safety of students (including prevention of bullying and sexual harassment)
  • physical safety of students
  • teacher registration
  • processes for appointing staff
  • stand-downs, suspensions, expulsions and exclusions
  • attendance.

In order for the board of trustees to meet compliance requirements, they must:

  • ensure policies and procedures for employment and regular appraisal are implemented, including the provision of professional learning and development for staff, and police vetting for non-teaching positions.
    [Section 77C State Sector Act 1988; NZ Gazette and relevant Collective Employment Agreement]

5 Recommendation

ERO recommends the whānau and board of trustees work with Te Rūnanga Nui o Nga Kura Kaupapa Māori o Aotearoa to develop a plan to address the areas for development identified in this report.

When is ERO likely to review the kura again?

The next ERO review of Te Kura Kaupapa Māori o Ngā Uri a Māui will be a Te Pupuketanga – Development Evaluation.

Gloria Takuira

Acting Toka ā-nuku

9 July 2019

Information about the Kura

Location

Gisborne

Ministry of Education profile number

1672

Kura type

Composite (Year 1-15)

Kura roll

149

Gender composition

Girls 73

Boys 76

Ethnic composition

Māori

100%

Special features

Te Aho Matua

Review team on site

4 April 2019

Date of this report

9 July 2019

Most recent ERO report(s)

Te Aho Matua Review

Te Aho Matua Review

Te Aho Matua Review

June 2015

April 2012

June 2008