Te Kura Kaupapa Māori o Nga Uri A Maui - 30/06/2015

Ngā Whakaaturanga

Ka whakapūmau te whānau o Te Kura Kaupapa Māori o Ngā Uri-a-Māui i ngā mātāpono matua o Te Aho Matua, mō te ako rumaki reo i roto i te ao Māori. Ka kitea te tūmāia, te manawa whakahī, me te piki ake hoki o te mōhiotanga o ngā ākonga ki ā rātou taonga tuku iho. He mātātoa ngā mahi a te kāwanatanga hou me te whakahaeretanga hou i te kura, ki te whakatutuki i ngā whakawhanaketanga katoa e tika ana ki te kura, hei āta whakatinana i ngā paetae ākonga, hei āta whakatutuki anō hoki i ngā matea me ngā wawata o tō rātou whānau, tō rātou hapū, me tō rātou iwi.

1 Te Horopaki

E tū ana Te Kura Kaupapa Māori o Ngā Uri-a-Māui ki Tūranga-nui-a-Kiwa. Ka ahu mai te kura i ngā whakaaro me ngā mātāpono o Te Aho Matua. Nō nā tata tonu nei i pā mai ai ki te whānau me te hapori te maha o ngā tūmomo wero. Kātahi anō tētahi poari hou me tētahi tumuaki hou ka whakatūngia. Kei te ahu whakamua te whānau o te kura me te mau nei ki ngā kaupapa matua, ki ngā whakawhanaketanga matua hoki mō ā rātou ākonga, ā, kua whakamōhau ake anō te hihiri, te aronga, me te tirohanga whakamua.

Ko Te Marautanga o Māui te ingoa o te marautanga o te kura, ā, ko Te Tuakiritanga te pūkete o ngā raukura, ā, he whakawhanaketanga hou ēnei e whakatinanahia ana. Ko te marautanga o te wharekura tētahi kaupapa matua.

Kia uhi ai ki te pupuri i te aka matua o te mātauranga

Kia tae atu ā tātou nei tamariki ki tōna Toi Huarewatanga

Kia tū pakari ai, kia tū rangatira ai ā tātou tamariki hei raukura mō tōna iwi’

2 Te Tino Uaratanga

He pēhea rawa te tautoko i ngā ākonga, kia noho pūmau rātou ki te mōhiotanga ki ō rātou ihomatua ki ngā mātua tūpuna?

Ka kitea te tūmāia, te manawa whakahī, me te mōhiotanga haere o ngā ākonga ki ō rātou ihomatua ki ngā mātua tūpuna.

Te Ira Tangata

Ko te waiora o ngā ākonga tētahi āhuatanga nui ki te whānau. Ka aro nui te whānau ki Te Ira Tangata. Ka poipoia te whakawhanaketanga ā-wairua o ngā ākonga nā ngā kaupapa o ia rā, pērā i ngā karakia tūturu, ngā mōteatea, ngā waiata, me te takinga o ngā whakapapa. Kei te mārama te whānau ki te whakahirahiratanga o te waiora o ngā ākonga hei tūāpapa tonu mō tā rātou ako. He manawa whakahī tō ngā ākonga ki te tū hei Māori, ā, he tino aronga toi whenuatanga tō rātou ki tō rātou kura.

He pai te māramatanga o ngā ākonga ki ngā uaratanga e pou here ana i tō rātou ahurea me tō rātou reo. Ka whakanui te whānau i te aronga nui ki te whakawhanake i te tino tuakiri, i te tino aronga toi whenuatanga hoki o ngā ākonga. Ka whakarato ngā kaiako i ngā whai wāhitanga ka whakapakari i te kiritau me te tū māia o ngā ākonga, tae atu hoki ki tō rātou mōhiotanga ki tō rātou tuakiri. He tau ngā ākonga ki te whānuitanga o ngā tūmomo taiao. He koi tō rātou mōhiotanga, tō rātou whakaute hoki ki a rātou anō, ki ō rātou whānau, ā, ki ētahi atu i te hapori.

Te Reo

He pakari ngā ākonga ki te kōrero i te reo Māori. He pārekareka ki a rātou te ako i te hōhonutanga o te reo, ngā kupu hou, ngā kīwaha, ngā whakatauāki, me te reo ōkawa. He mātau tā rātou whakamahi i te reo Māori ki te whakapuaki i ō rātou mōhiotanga mō ā rātou taonga tuku iho. He mātātoa te whai wāhi atu a ngā ākonga ki te whakahaumanu i te reo Māori.

He matatau ngā kaiako ki te kōrero i te reo Māori, ā, ka tino whakatauira rātou i te reo ki ngā ākonga. Ka whakarato rātou i ngā whai wāhitanga ako ōkawa, ōpaki hoki i whakamaheretia ai, i pupū ake ai rānei, hei whakawhānui i te reo o ngā ākonga. Ka whai pānga ngā hōtaka ako reo ki ngā matea whakawhanaketanga o ngā ākonga i a rātou e ahu whakamua ana i roto i te kura. Ko te taputapu aromatawai a te kura e kīia ana ko Te Tuakiritanga, ka whakarato i ētahi o ngā tirohanga mō te kokenga o te reo o ngā ākonga puta noa i te kura. Ka mau tonu ngā ākonga ki te whakakōrero i te reo Māori i roto i ngā akomanga.

Ngā Iwi

He manawa whakahī tō ngā ākonga mō tō rātou tuakiri ā-whānau, ā-hapū, ā-iwi hoki. Ka whakaatuhia ngā whakapapa ā-iwi, ā, e taea ana e ngā ākonga te āta whakamārama i ngā whakapapa nei. He aronga tā ngā kaiako me te whānau ki te ako i te katoa o ngā hononga ā-iwi, ā-tangata tonu. He māia tā ngā ākonga kōrero mō tō rātou mana whenua, tae atu ki Mangamoteo me Te Whānau-a-Iwi. He pakari tā rātou whai wāhi atu ki te taha o tō rātou whānau, ki ngā huihuinga i te marae me te hapori. Kei te mōhio ngā ākonga ki ngā tūnga a ngā rangatira, ngā kaumātua, me te whānau ki te marae.

E ako ana ngā ākonga i ā rātou mahi hei kaitiaki o te taiao. Ka whai wāhi atu ki te whakatupu i ngā putiputi me ngā huawhenua. Ka whai wāhi atu rātou ki te whakamahere me te whakatinana i ngā rautaki e pā ana ki te manaaki i te taiao. Ka whakatairanga aua kaupapa i te aronga toi whenuatanga me te tākoha hoki a ngā ākonga. E mōhio ana ngā ākonga, he painga a rātou tākohatanga mō ō rātou whānau, ō rātou hapū, me tō rātou iwi.

Te Ao

He pārekareka ki ngā ākonga te ako i ō rātou hononga ki te whenua. Ka whakapūmau ngā kaiako i ngā mōhiotanga me ngā hītori tuku iho. I tuituia ai ngā kōrero e pā ana ki a Māui ki te hōtaka. Ko te ako i te ao Māori tētahi aronga matua. He whai wāhitanga anō hoki mō ngā ākonga ki te ako i te ao whānui. Ka ako rātou i ngā tūranga o ngā kuia me ngā koroua, me ā rātou kawenga mahi. Ka kitea te maioha o ngā ākonga ki te ao kikokiko, ki te ao māoriori, ā, ki te ao wairua hoki.

Āhuatanga Ako

He hīkaka ngā ākonga ki te ako. Ka whai wāhi atu rātou ki ngā akoranga takirōpū, takitahi hoki. Ka whakarato ngā kaimahi i ngā hōtaka akoranga e whakaongaongatia ana. He pai ngā rauemi ki ngā akomanga. He ātaahua ngā wāhi ako, ā, kua āta whakahāngaitia hei wāhi ako. He rite tonu tā ngā kaiako whakamahi i te whānuitanga o ngā tūmomo rautaki whakaako, tae atu ki ngā kōrero urupare ki ngā ākonga. He maha ngā ngā rautaki e whakamahia ana ki te aromatawai, ki te mātakitaki me te pūrongo i ngā angitūtanga o ngā ākonga ki ngā mātua. Ka whakamahi te kura i te hanga o te Tuakiritanga (e hāngai ana ki Te Aho Matua) ki te aromatawai me te mātakitaki i te angitū me te kokenga o ia ākonga. E whakawhiwhia ana ki ngā mātua te wā ki te hui ki ngā kaiako kia nui ake ai te mōhiotanga mō ngā akoranga a ngā ākonga.

He mātātoa ngā ākonga ki te whai wāhi atu ki te whānuitanga o ngā tūmomo wheako akoranga ka hāpai i tō rātou whakawhanaketanga mā Te Aho Matua. Ka ngākau nui rātou ki te whakanui i tēnā e mōhiotia ana e rātou mō rātou anō, mō tō rātou tūrangawaewae hoki. Ka whakarato ngā kaiako i te whānuitanga o ngā tūmomo whai wāhitanga e whakawhānui ake ana i te mōhiotanga o ngā ākonga ki ā rātou taonga tuku iho, ki tō rātou reo, ā, ki tō rātou tūranga i te ao.

Kua mārō te noho o te marau, ā, he tika tāna tautoko me tāna whakatairanga i ngā akoranga me ngā angitūtanga o ngā ākonga. Kei te tino tautokona ngā kaiako i roto i ngā akoranga whakangungu, whakapakari hoki ki te whakamomona i ō rātou pūkenga me ngā mōhiotanga ki te ako i te toi, i te pāngarau me te pūtaiao. E koke ana i roto i te whakaūtanga o te hōtaka ako i te wharekura.

He māia, he mātau ngā ākonga hei tauira.

Ngā wāhanga hei whakawhanake ake

Kāore anō te kura kia titiro mārama atu ki ngā pae tawhiti mō te angitūtanga o ngā ākonga. Me kaha ki te tautoko i ngā ākonga tuakana o te wharekura kia puta ai ō rātou ihu i ngā taumata katoa o te NCEA tae atu ki te tohu kuhu ki ngā whare wānanga.

He taumaha ngā hononga ki waenga i ngā kaimahi me te whānau, ā, he āhuatanga tēnei hei tirohanga ake. He mea nui kia ngātahi ake te hononga mahi ki waenga i te poari, ngā kaimahi, me te whānau. Mā te whakapai ake i ngā whakawhitinga kōrero ki waenga i a rātou anō, ka pai ake anō hoki te tautoko me ngā painga mō ngā tamariki.

3 Te Arotake Whaiaro me te Ārahitanga

Ko te kāwanatanga hou me te ārahitanga hou o te kura e tīmata ana ki te whai hua ki te kura. Ka noho ngākau nui tahi ki te whakapiki ake i te whai wāhi a ngā ākonga me ā rātou whakatutukitanga. Kua whai wāhi ngā kaitiaki katoa ki ngā whakangungu a Te Whakarōpūtanga Kaitiaki Kura o Aotearoa me Te Rūnanga Nui o Ngā Kura Kaupapa Māori o Aotearoa.

Ka whakamahi te tumuaki i te aronga ngātahi ki te ārahitanga. E ākina ana ngā kaimahi ki te kawe i ētahi o ngā tino tūranga ārahi. Ko te pūtake o taua rautaki, ko te tino whakapakari ake i te āheinga ki te ārahi i roto i te kura. E arahina ana te rōpū whakahaere matua e te tumuaki, ki te hāpai me te ārahi i ngā kaiako e mau nei i ngā tiwhikete whaiaro. Ka whakarato te tumuaki i te whānuitanga o ngā tūmomo mōhiohio ki te poari e pā ana ki te whakahaeretanga o te kura. Kua whakaritea ētahi ohu, ā, kua āta tāutu ngā tūmomo mahi. Ka aroturuki rātou i ā rātou wāhanga, ā, ka pūrongo hoki ki te poari.

Te Whakatau a te Whānau ki ngā Wāhanga Tautukunga

I mua atu i te whakahaerenga o te arotake i whakatutukihia e te poari me te tumuaki he Tauāki Kupu Tūturu a te Whānau mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

  • ngā whakahaere a te poari
  • te marautanga
  • ngā whakahaere mō te hauora, te haumaru, me te oranga tinana
  • ngā whakahaere o ngā kaimahi
  • ngā whakahaere o te pūtea
  • ngā whakahaere o ngā rawa me ngā taonga.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:

  • te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
  • te haumaru ā-tinana o ngā ākonga
  • te rēhitatanga o ngā kaiako
  • ngā tukanga ki te whakatū kaimahi
  • te whakaunu, te aukati, te pana me te whakarerenga
  • te tae ā-tinana atu a ngā ākonga ki te kura.

4 Ngā Taunakitanga

Kia toro atu te whānau o te kura kia tautokona rātou ki te whakakaha me te whakamārō i ngā taura here tangata puta noa i te kura.

Te Whakarāpopototanga

Ka whakapūmau te whānau o Te Kura Kaupapa Māori o Ngā Uri-a-Māui i ngā mātāpono matua o Te Aho Matua, mō te ako rumaki reo i roto i te ao Māori. Ka kitea te tūmāia, te manawa whakahī, me te piki ake hoki o te mōhiotanga o ngā ākonga ki ā rātou taonga tuku iho. He mātātoa ngā mahi a te kāwanatanga hou me te whakahaeretanga hou i te kura, ki te whakatutuki i ngā whakawhanaketanga katoa e tika ana ki te kura, hei āta whakatinana i ngā paetae ākonga, hei āta whakatutuki anō hoki i ngā matea me ngā wawata o tō rātou whānau, tō rātou hapū, me tō rātou iwi.

Hei ā hea Te Tari Arotake Mātauranga arotake anō ai i te kura?

Tērā ka whakahaeretia e te Tari Arotake Mātauranga te arotake whai muri o Te Kura Kaupapa Māori o Ngā Uri-a-Māui, i roto i ngā tau e toru – arā, ko Te Rākeitanga.

Lynda Pura-Watson

Kaiurungi Whakaturuki Arotake Māori

30 Pipiri, 2015

Ngā Kōrero e pā ana ki te kura

Te tūwāhi

Kei Tūranga-nui-a-Kiwa

Te tau a te Tāhuhu o te Mātauranga

1672

Te tūmomo kura

He kura hiato (Tau 1 ki te 15)

Te tokomaha o ngā ākonga o te kura

160

Te ira tangata

Kōtiro 80

Tama tāne 80

Ngā hononga ā-iwi

Māori

100%

Ngā āhuatanga motuhake

Te Aho Matua

Te wā i te kura te rōpū arotake

Haratua 2015

Te rā o tēnei pūrongo

30 Pipiri 2015

Ngā pūrongo o mua a Te Tari Arotake Mātauranga

Arotake Mātauranga Te Aho Matua

Arotake Mātauranga Te Aho Matua

Paenga-whāwhā 2012

Pipiri 2008

Findings

The kura whānau of Te Kura Kaupapa Māori Ngā Uri a Maui, Te Aho Matua, uphold its key principles for total immersion learning through Te Ao Māori. Students show confidence, pride and increasing knowledge about their ancestral heritage. The new kura governance and management are actively working towards all necessary kura developments to give full effect to student learning achievement, and for the needs and aspirations of their whānau, hapū and iwi.

1 Context

Te Kura Kaupapa Māori o Ngā Uri-a-Maui is in Gisborne. The kura is based on the Te Aho Matua philosophy and principles. The whānau and community have faced a significant number of challenges recently. There is a newly elected board of trustees in place, and a new principal. As the kura whānau move forward with key priorities and developments for their students, there is a strong sense of renewed energy, focus and a positive outlook.

The kura curriculum - Te Marautanga o Maui, the graduate profile, Te Tuakiritanga are recent developments being implemented. The wharekura curriculum is a high priority.

Kia uhi ai tātou ki te pupuri i te aka matua o te mātauranga Kia tae atua tātou nei tamariki ki tōna Toi Huarewatanga Kia tū pakari ai, kia tū rangatira ai ā tātou tamariki hei raukura mō tōna iwi’

2 Te Tino Uaratanga

How well are students supported to be secure in the knowledge of their ancestral links?

Students show confidence, pride and increasing knowledge about their ancestral links.

Te Ira Tangata

Students’ wellbeing is important to whānau. Whānau place a strong emphasis on Te Ira Tangata. Students’ spiritual development is fostered through daily activities such as karakia tūturu, mōteatea, waiata and recitation of whakapapa. Whānau understand the importance of student wellbeing as a foundation for learning. Students are proud to be Māori and have a strong sense of belonging to their kura.

Students have a good understanding of the values that underpin their culture and language. The whānau recognise the importance of developing a strong sense of identity and belonging for students. Kaiako provide opportunities to strengthen students self esteem, confidence and knowledge of their identity. Students are comfortable in a range of diverse environments. They have a heightened awareness of and respect for themselves, their whānau and others in the community.

Te Reo

Students speak te reo Māori confidently. They enjoy learning the nuances of the language, kupu hou, kīwaha, whakatauāki and reo ōkawa. They competently use te reo Māori to share what they know about their ancestral heritage. Students are actively involved in revitalising te reo Māori.

Kaiako are fluent speakers of te reo Māori and model the language well for students. They provide formal, informal, planned and spontaneous learning opportunities to extend student’s language. Language learning programmes recognise the developmental needs of students as they progress through the kura. The kura assessment tool, Tuakiritanga, provides some insight into students language progress across the kura. Students maintain their use of te reo Māori in the classroom.

Ngā Iwi

Students are proud of their whānau, hapū and iwi identity. Iwi whakapapa are displayed and students are able to interpret these well. Kaiako and whānau emphasise learning about all iwi and their connections. Students assert with confidence their mana whenua which include Mangamoteo and Te Whānau-a-Iwi. They participate with confidence beside their whānau at marae and community events. Students recognise the roles leaders, kaumātua and whānau on the marae.

Students are learning about their role as kaitiaki of the physical environment. They are involved in growing flowers and vegetables. They participate in planning and implementing strategies for caring for the environment. These activities promote students’ sense of belonging and contribution. Students are aware that their contributions benefit their whānau, hapū and iwi.

Te Ao

Students enjoy learning about their connections to the land. Kaiako reinforce traditional knowledge and histories. The stories of ‘Maui’ are woven into programmes. Learning about te ao Māori is given priority. Students also have opportunities to learn about the wider world. They learn about the roles and responsibilities of kuia and koroua. Students show an appreciation for the physical, natural and spiritual worlds.

Āhuatanga Ako

Students are eager to learn. They participate in group and independent learning. Staff provide stimulating learning programmes. Classrooms are well resourced. The learning spaces are attractive and conducive to learning. Kaiako use a range of teaching strategies including regular feedback to students. A range of methods are used to assess, monitor and report student achievements to parents. The kura uses Te Tuakiritanga (which is aligned to Te Aho Matua) framework to assess and monitor individual achievement and progress. Whānau have opportunities to meet with kaiako to gain a greater understanding of their child’s learning.

Students are actively involved in a range of learning experiences to support their development through Te Aho Matua. They enjoy celebrating what they know about who they are and where they come from. Kaiako provide a wide range of opportunities that expands student knowledge about their heritage, language and place in the world.

The curriculum is well developed and effectively supports and promotes student learning and achievement. Teachers are well supported through professional learning and development to build their skills and capabilities in delivering toi, pāngarau and pūtaiao. Progress has been made to establish learning programmes in the wharekura.

Students are confident and capable learners.

Key next steps

The kura has not identified clear targets for student achievement. More needs to be done to support senior secondary students to achieve at each level of NCEA including university entrance.

There are tensions between kura personnel and whānau that require attention. A more cohesive working relationship across the board of trustees, staff and whānau is important. Improved communication with one another will result in better support and outcomes for the children.

3 Self Review and leadership

Kura leadership is beginning to having a positive impact. There is a shared commitment to increasing student engagement and achievement. Board members have participated in training through the School Trustees Association, and Te Rūnanga o Ngā Kura Kaupapa Māori o Aotearoa(TRN).

The principal uses a shared leadership approach. Staff are encouraged to take on specific leadership roles. This strategy is working towards building greater leadership capability in the kura. The senior management team, guided by the principal are providing advice and guidance to provisionally registered teachers. The principal provides a range of information to the board about the management of the kura. Ohu regularly report to the board about their objectives in relation to the strategic plan.

Whānau assurance on legal requirements

Before the review, the board of trustees and principal completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

  • board administration
  • curriculum
  • management of health, safety and welfare
  • personnel management
  • financial management
  • asset management.

During the review, ERO checked the following items because they have a potentially high impact on student achievement:

  • emotional safety of students (including prevention of bullying and sexual harassment)
  • physical safety of students
  • teacher registration
  • processes for appointing Kaiako
  • stand-downs, suspensions, expulsions and exclusions
  • attendance.

4 Recommendation

The kura whānau seek support to build strong, cohesive relationships throughout the kura.

Conclusion

The kura whānau of Te Kura Kaupapa Māori Ngā Uri a Maui, Te Aho Matua, uphold its key principles for total immersion learning through Te Ao Māori. Students show confidence, pride and increasing knowledge about their ancestral heritage. The new kura governance and management are actively working towards all necessary kura developments to give full effect to student learning achievement, and for the needs and aspirations of their whānau, hapū and iwi.

When is ERO likely to review the kura again?

The next ERO review of Te Kura Kaupapa Māori o Ngā Uri-a-Māui will be in three years – Te Rākeitanga – Expansive Evaluation.

Lynda Pura-Watson

Deputy Chief Review Officer Māori

30 June 2015

Information about the Kura

Location

Gisborne

Ministry of Education profile number

1672

Kura type

Composite Year 1 - 15

Kura roll

160

Gender composition

Girls 80

Boys 80

Ethnic composition

Māori

100%

Special features

Te Aho Matua

Review team on site

May 2015

Date of this report

30 June 2015

Most recent ERO report(s)

Te Aho Matua Review

Te Aho Matua Review

April 2012

June 2008