Te Kura Kaupapa Māori o Ngati Kahungunu Ki Heretaunga - 18/11/2016

Ngā Whakaaturanga

E tū ana Te Kura Kaupapa Māori o Ngāti Kahungunu ki Heretaunga, ki te tāone o Pāharakeke, i Heretaunga. E arahina ana, e pou herea ana hoki ngā akoranga katoa puta noa i te marautanga o te kura e ngā mātāpono o Te Aho Matua. Ka mahi ngātahi te whānau ki te poipoi me te hāpai i te tū o ngā ākonga hei raukura mō Ngāti Kahungunu mō meāke nei.

Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Ngāti Kahungunu ki Heretaunga i roto i ngā tau e toru. 

1 Te Horopaki

Hopukia! Piki ake, kake ake ki te tihi o Mānono! Tomokia!

E tū ana Te Kura Kaupapa Māori o Ngāti Kahungunu ki Heretaunga, ki te tāone o Pāharakeke i Heretaunga. E whakahaerehia ana te kura i raro i te maru o ngā mātāpono o Te Aho Matua, ā, e whakarato ana i te mātauranga rumaki reo Māori mō ngā ākonga o ngā tau 1 ki te 15. E pou herea ana ngā akoranga a ngā ākonga e ngā tikanga whakaaro o Te Aho Matua i āta whakatōngia ai ki te reo me ōna tikanga o Ngāti Kahungunu. Ka tātai whakapapa ngā ākonga me te whānau o te kura ki a Ngāti Kahungunu. Koia nei te tau rua tekau i whakaratohia ai te mātauranga rumaki reo Māori o Te Aho Matua ki te hapori, ngā whānau, ngā hapū, me te iwi o Ngāti Kahungunu.

Whai muri i te arotake o mua a Te Tari Arotake Mātauranga, kua whakawhanake katoatia e te whānau o te kura tā rātou marau ā-kura, ā rātou tohu raukura hoki, hei hāpai i te whakaako me te ako.

2 Te Tino Uaratanga

He pēhea rawa ngā ākonga e whakatinana ana i ngā tūmanako me ngā wawata o te whānau, ngā hapū, me te iwi?

He pakari te whakatinana o ngā ākonga i te whanonga me ngā waiaro e hāpai nui ana i ngā wawata o te whānau, ngā hapū, me te iwi.

Te Ira Tangata

E poipoia ana ngā ākonga ki tētahi taiao e akiaki ana, e hāpai ana hoki i te tū rangatira. He ngākau nui, he manawa whakahī anō hoki tō ā rātou whakapuakitanga kōrero e pā ana ki a rātou anō, ā, ki ō rātou hononga ki te whānau, ngā hapū, me te iwi. Ka whakapūmau ngā ākonga i ō rātou hononga mā ngā karakia, ngā mōteatea, me ngā waiata. E tino tautokona ana rātou mā te whai wāhi mātātoa o ngā kaumātua ki te taiao akoranga o te kura. Kei te tino māramahia, ka whakamanahia hoki e ngā ākonga te tirohanga, ngā tikanga, me ngā uaratanga o tō rātou kura. He kōkiritanga ā-kura e kīia ana ko Pīpīwharauroa, ā, ka whakatairanga tēnei i te oranga me te waiora o ngā ākonga mā te aronga nui ki te manaakitanga me te whanaungatanga. Ka whai hua te whakamahinga a te whānau i taua angamahi hei whakamōhio i ngā rautaki papai e whakapakari ana i te haumaru me te atawhai o te taiao ako. E ai ki te kura, nā tēnei angamahi, he nui ngā hua kua whai pānga mārika ki te rārangi ingoa, te whai wāhi mai o te whānau, me te piki ake i te tūnga o te kura ki te hapori. Ko te kaha whakatōpū i ngā ratonga tautoko ako o waho mō ngā ākonga i tāutuhia ai, e whakatairanga ana i te waiora o ngā ākonga mō tō rātou aronga toi whenuatanga. Ko ngā whakatutukitanga o ia ākonga, o ngā rōpū ākonga hoki e whakanuia ana e te whānau o te kura. Ka whakamana ngā ākonga i tō rātou tuakiri, ka tū pakari rātou, ā, ka arotahi ki te ako.

Te Reo

He māia, he manawa whakahī hoki tō ngā ākonga i a rātou e kōrero ana i te reo Māori. Ka rumakina rātou ki te hōhonutanga o ngā tūmomo horopaki ako, ngā tūmomo wheako ako hoki o te reo Māori, ā, e arotahi ana aua huarahi ki te kōkiri i tō rātou māramatanga me tā rātou matatau ki te reo Māori. He pai te whakawhiti whakaaro a ngā ākonga mō ā rātou akoranga ki ētahi atu mā te reo Māori. Kei ngā akomanga te kounga o ngā rauemi ako reo, hei hāpai, hei kōkiri hoki i te whakawhanaketanga reo o ngā ākonga, puta noa i te marautanga o te kura. Ko te whakapūmautanga me te whakahāngaitanga o te whakawhanaketanga ngaio o ngā kaiako ki te kura tuatahi - ngā tau 1 ki te 8 – e whai hua ana i roto i te whakawhanaketanga reo o ngā ākonga. Ka aro atu ngā ākonga o te kura tuatahi ki ō rātou tuākana, ā, he tino tauira rātou o te reo. Ka aro nui ngā kaiako ki te whakamahere me te whakarato mō ngā matea whakawhanaketanga reo o ia ākonga. Ko ngā wheako ako reo i whakahāngaitia ai ki te ākonga, ko ngā wheako ako reo hoki mō te katoa e whakatairanga ana i ngā akoranga mō ngā ākonga. Ka ngākau nui ngā ākonga ki te ako ngātahi i te reo ki ō rātou akomanga, ā, ki te kura whānui hoki.

Ngā Iwi

Ka rumakina ngā ākonga ki ngā akoranga hōhonu e whai pānga ana, e whai pūtake ana hoki ki a rātou, ki ō rātou whānau, ā, ki ngā taonga tuku iho a ō rātou hapū me tō rātou iwi. Ka kitea te ihumanea o ngā tuākana ki te mau i ngā mōteatea hōhonu, roa hoki a te iwi. He pakari tō rātou tū ki te kawe i te whānuitanga o ngā tūmomo mahi ārahi, ā, ka kitea tō rātou whakaaro nui ki te āta kawe i aua mahi mā te whānau. Ka āta kitea te tū pakari o ngā ākonga mō Ngā Iwi i roto i te māia, te mōhiotanga, me tō rātou pūmanawa e kawea ana e rātou ki aua tūnga. Ka whakatairangatia te ako a ngā ākonga i Ngā Iwi, mā te whai wāhi mātātoa o tō rātou whānau puta noa i ngā kaupapa me ngā huihuinga ki tua atu i te marautanga, tae atu ki te kapa haka, ngā hākinakina, me ngā haerenga. He aronga nui tā te whānau o te kura ki te whakawhanake i ngā uri o Ngāti Kahungunu kia tūmāia, kia mātau, kia whai aronga hoki.

Te Ao

E whiwhi ana ngā ākonga i te whānuitanga o ngā tūmomo wheako akoranga e whakawhānui ana i tō rātou tirohanga ki te ao, mā ngā horopaki tuku iho me ngā horopaki o tēnei ao hurihuri. Ko te whai wāhi nui mai o ngā kaumātua ki ngā akoranga a ngā ākonga i ia te wā, e hāpai ana i ngā ākonga ki te noho pakirehua me te ako i ngā tirohanga tuku iho a te Māori ki te ao, me ngā whakapono tuku iho anō hoki. Ka whakarato te whānau o te kura i ngā haerenga o ia tau, hei whakawero, hei whakakoia hoki i te tupu o ngā tirohanga o ngā ākonga ki te kanorau me tō rātou ao Māori. Ka whai hua ngā ākonga ki te whakawhiti kōrero ki ētahi atu, ka whakapuaki i ā rātou wheako, ā, ka whakatau i ngā whakaritenga e whai pānga ana ki te kura me te whānau. He maha ngā whai wāhitanga o ngā ākonga ki te mahi ngātahi me te whakapuaki i ō rātou whakaaro mā te reo Māori ki ngā horopaki ōkawa pērā i te kapa haka, te Koroneihana, Te Matatini, me ētahi atu kaupapa ka tū ki te hapori. Nā te hangarau ka toro atu ngā ākonga ki te ao whānui. E whanake ana te maioha me te māramatanga o ngā ākonga ki ngā tini āhuatanga o te ao māoriori, te ao tūturu, te ao hou, me te ao tuku iho e noho nei rātou.

Āhuatanga Ako

E noho hihiri ana ngā ākonga, ā, ka whai wāhi rātou ki ngā akoranga e whai pūtake ana puta noa i te kura. Ka ārahi ngā mātāpono o Te Aho Matua i te whakapuakitanga o ngā kaiako i te marautanga o te kura mō ngā whakaakoranga me ngā akoranga. Ka whakarato ngā hōtaka i ngā whai wāhitanga mō ngā ākonga ki te ako mā te pakirehua. Ka whakamanahia ngā kaumātua hei puna o te mātauranga me ngā whakaakoranga. Ka whakanuia hoki te reo o ngā ākonga e ngā kaiako, mō te whakatakotoranga o ia akomanga me ngā hōtaka akoranga. Ka whiwhi ngā ākonga i ngā taunekeneke ako papai ki waenga i a rātou anō, ki ngā kaiako, ā, ki te whānau whānui tonu o te kura. Ka kitea te manaaki me te whakaute ki waenga i a rātou anō. He matawhānui ngā mahi whakamahere me ngā mahi whakariterite, ā, ka āta whai kiko, ka kitea hoki te whai pānga o te āta tātari i ngā paetae ākonga ki aua mahi. He pai te aro atu a ngā kaiako ki ngā matea ako o ia ākonga. Ka whakamahia e ngā kaiako me te kura te whānuitanga o ngā tūmomo rautaki e tautoko ana i te ako o ngā ākonga i tāutuhia ai hei hāpai ake. Ko ētahi o ēnei, ko ngā ratonga a te Kaiako Takawaenga o te Ako me te Whanonga me te Kaituitui i te Mātauranga Matea Tauwhāiti. Ko ngā taumata ā-tau a te kura mō ngā paetae ākonga o Me Reo Matatini me te Pāngarau, e whai pānga ana hoki ki te āta whakahāngaitanga o ngā akoranga ngaio me te whakawhanaketanga ngaio o ngā kaiako.

Ka āta aroturukitia te ahu whakamua me ngā whakatutukitanga o ngā ākonga i roto i Te Reo Matatini me te Pāngarau, mā Ngā Whanaketanga Rumaki Māori. Pūrongotia ai aua mōhiohio i ia te wā ki te whānau me te poari. He pai te noho whakakotahi a ngā kaimahi, tae atu ki ngā hui kaiako i ia te wā ki te aroturuki i te ahu whakamua, te ako, te whai wāhi, me ngā paetae whānui a ngā ākonga. He aronga rautaki tā te kura ki ngā mahi whakaako, hei whakatairanga ake i ngā paetae ākonga. He pai te whakatakotoranga o ngā pūkete o ngā ākonga, e kapo atu ana ēnei i te huarahi ako o ia ākonga. E whakaongaongatia ana ngā ākonga ki tētahi taiao e hāpai nui ana i te ako, ā, e aro nui ana ki te whakatairanga i ngā paetae ākonga.

Ngā wāhanga i tāutuhia ai e te kura hei whakawhanake ake

E taunaki ana Te Tari Arotake Mātauranga kia whai whakaaro te whānau o te kura ki ngā huarahi ka whakatairanga ake tā rātou kōkiritanga a Pīpīwharauroa i te whai wāhi mai, te ako, me ngā paetae o ngā ākonga o te wharekura. Tāpiri atu ki tēnā, me whakatutuki te poari me ngā kaiwhakahaere o te kura i te arohaehae mō ngā kaiako o te wharekura, hei whakarato i ia te wā i ngā mōhiohio aromātai o roto mō te whai pānga o ngā mahi whakaako ki te wharekura mō te whai wāhi, te ako, me ngā paetae a ngā ākonga.

3 Te Arotake Whaiaro me te Ārahitanga

Ko ngā matea me ngā wawata o ngā ākonga, o ō rātou whānau, o ngā hapū me te iwi kei te pūtake o te kāwanatanga me te ārahitanga. Ko te pakari o te kāwana, me te āta tuhi i te arotake e hāpai ana i te whakaritenga a te whānau i te whakaratonga o te kura i te mātauranga o te kounga kairangi e tika ana mō ngā ākonga.

He pai te whakamōhio i te poari mō ngā whakahaeretanga o te kura i ia rā, ā, he pakari anō hoki te whakatutukitanga a te poari i āna kawenga kāwanatanga katoa. Ka tohaina ngā rauemi o te kura hei whakatutuki i ngā kaupapa matua ā-tau me ngā whāinga o te kura mō ngā akoranga me ngā whakatutukitanga o ngā ākonga. Ko ngā whakawhanaketanga ngaio i whakamaheretia ai mō ngā kaiako o te kura whānui, e hāngai ana ki ngā paetae ākonga e pūrongohia ana mā te tumuaki me te poari. Ka whakamahia ngā tukanga aromātai o roto hei aroturuki i te whai huatanga o te marau o te kura, hei whakapai i te whai wāhi me te eke angitu o ngā ākonga. He pai te tūnga o te whānau ki te kōkiri i ngā akoranga me ngā paetae ākonga e pou herea ana e te reo me ōna tikanga o Ngāti Kahungunu. Ka hāngai hoki tēnei ki te whai wāhi mātātoa mai, te ārahitanga anō hoki o ngā kaumātua ki ngā āhuatanga katoa o te kura me te kāwanatanga, te whakahaeretanga hoki.

4 Te Whakatau a te Whānau ki ngā Wāhanga Tautukunga

I mua atu i te whakahaerenga o te arotake i whakatutukihia e te poari me te tumuaki he Tauāki Kupu Tūturu a te Whānau mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

  • ngā whakahaere a te poari
  • te marautanga
  • ngā whakahaere mō te hauora, te haumaru, me te oranga tinana
  • ngā whakahaere o ngā kaimahi
  • ngā whakahaere o te pūtea
  • ngā whakahaere o ngā rawa me ngā taonga.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:

  • te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
  • te haumaru ā-tinana o ngā ākonga
  • te rēhitatanga o ngā kaiako
  • ngā tukanga ki te whakatū kaimahi
  • te whakaunu, te aukati, te pana me te whakarerenga
  • te tae ā-tinana atu a ngā ākonga ki te kura.

5 Ngā Taunakitanga

  • Kia āta tirohia tonuhia ngā āhuatanga o te aromātai o roto puta noa i te kura, tae atu ki ngā mahi rautaki me ngā whakaakoranga, hei whakatairanga ake, hei kōkiri ake hoki i ngā paetae ākonga me ngā whāinga rautaki e pā ana ki te kura whānui.

Te Whakarāpopototanga

E tū ana Te Kura Kaupapa Māori o Ngāti Kahungunu ki Heretaunga, ki te tāone o Pāharakeke, i Heretaunga. E arahina ana, e pou herea ana hoki ngā akoranga katoa puta noa i te marautanga o te kura e ngā mātāpono o Te Aho Matua. Ka mahi ngātahi te whānau ki te poipoi me te hāpai i te tū o ngā ākonga hei raukura mō Ngāti Kahungunu mō meāke nei.

Hei ā hea Te Tari Arotake Mātauranga arotake anō ai i te kura?

Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Ngāti Kahungunu ki Heretaunga i roto i ngā tau e toru.

Lynda Pura-Watson

Kaiurungi Whakaturuki Arotake Māori

18 Whiringa-ā-rangi, 2016

Ngā Kōrero e pā ana ki te kura

Te tūwāhi

Kei Pāharakeke, ki Heretaunga

Te tau a te Tāhuhu o te Mātauranga

2445

Te tūmomo kura

He kura hiato (he wharekura)

Te tokomaha o ngā ākonga o te kura

142

Te ira tangata

Kōtiro 83

Tama tāne 59

Ngā hononga ā-iwi

Māori

100%

Ngā āhuatanga motuhake

Kura Kaupapa Māori Te Aho Matua

Te wā i te kura te rōpū arotake

Mahuru 2016

Te rā o tēnei pūrongo

18 Whiringa-ā-rangi, 2016

Ngā pūrongo o mua a Te Tari Arotake Mātauranga

Arotake Mātauranga Te Aho Matua

Arotake Mātauranga Te Aho Matua

Arotake Tāpiri

Poutū-te-rangi 2013

Hakihea 2009

Hui-tanguru 2007

Findings

Te Kura Kaupapa Māori o Ngāti Kahungunu ki Heretaunga is in Flaxmere, Hastings. Te Aho Matua principles guide and underpin all learning across the kura marautanga. The whānau work together to nurture and support students towards becoming future leaders for Ngāti Kahungunu.

The next ERO review of Te Kura Kaupapa Māori o Ngāti Kahungunu ki Heretaunga will be in three years. 

1 Context

Hopukia! Piki ake kake ake ki te tihi o Mānono! Tomokia!”

Te Kura Kaupapa Māori o Ngāti Kahungunu ki Heretaunga is in Flaxmere, Hastings. The kura operates in accordance with the principles of Te Aho Matua, providing Māori immersion education for students from Years 1 to 15. Student learning is underpinned by Te Aho Matua philosophy embedded in te reo me ōna tikanga of Ngāti Kahungunu. Students and kura whānau have strong whakapapa links to Ngāti Kahungunu. This year marks twenty years of Te Aho Matua Māori immersion education service to the local community, whānau, hapū and iwi of Ngāti Kahungunu.

Since the last ERO review, the kura whānau have developed fully their marau ā-kura and graduate profile to support teaching and learning.

2 Te Tino Uaratanga

How well do students exemplify the hopes and aspirations of whānau, hapū and iwi?

Students confidently display behaviour and attitudes that reflect the aspirations of whānau, hapū and iwi.

Te Ira Tangata

Students are nurtured in an environment that encourages and supports tū rangatira. They express themselves with passion and pride to others about who they are and their connections to whānau, hapū and iwi. Students reinforce their connections through karakia, mōteatea and waiata. They are well supported by the active involvement and participation of kaumātua in the kura learning environment. Student’s understand well and show respect for their kura philosophy, protocols and values. The kura wide initiative Pīpīwharauroa enhances student wellness and wellbeing focused on manaakitanga and whanaungatanga. Kura whānau effectively use this framework to inform positive strategies that build a safe and caring learning environment. The kura reports that this has had a marked positive impact on the roll, whānau participation and a rise in the public profile of the kura. Strong collaboration between external learning support agencies for students identified enhance the overall wellbeing of students and their sense of belonging. The individual and collective achievements of students are celebrated by kura whānau. Students value their identity, are confident and focused on learning.

Te Reo

Students speak Māori with confidence and pride. They are immersed in rich and relevant language learning contexts and experiences that focus on advancing their understanding and fluency in te reo Māori. Students communicate well to others about their learning through te reo Māori. Classrooms are equipped with quality language learning resources to support and advance students language development across the kura curriculum. Sustained and targeted professional development for kaiako of kura tuatahi, Y1-8, is having a positive impact on student language development. Kura tuatahi students look to their tuākana who are positive language role models. Kaiako are highly responsive to planning and providing for the individual language development needs of their students. Personalised and shared language learning experiences enhance learning for students. Students enjoy the collaborative language learning culture in their classrooms and across the kura.

Ngā Iwi

Students are immersed in learning that is relevant, rich and meaningful to them, their whānau, hapū and iwi traditions. Tuākana demonstrate an outstanding capacity to retain complex and lengthy iwi mōteatea. They assume with confidence the various leadership roles and responsibilities and show mindfulness to model these well to whānau. Student ownership of ngā iwi is particularly seen in the way they carry these roles out with confidence, knowledge and ability. Students learning about ngā iwi is enhanced through the active involvement of their whānau across the various extra-curricular activities and events, including kapa haka, sports and haerenga. There is a strong focus by the kura whānau to develop confident, competent and focused contributors to Ngāti Kahungunu.

Te Ao

Students receive a diverse range of learning experiences that broadens their world view from traditional to contemporary contexts. Regular participation and involvement of kaumātua for student learning enables students to inquire and learn about traditional Māori world views and beliefs. The kura whānau provide annual haerenga that challenge and affirm students developing views about diversity, and their Māori world. Students effectively communicate with others, share experiences and make decisions that contribute to the kura and the whānau. Students have many opportunities to work together and express their views through te reo Māori in more formal settings such as kapa haka, Koroneihana, Te Matatini and other community held events. Access to technology allows students to participate in the global community. Students are developing an appreciation and understanding about the complexities of the natural, physical, contemporary and traditional worlds they are part of.

Āhuatanga Ako

Students are motivated and engaged in purposeful learning across the kura. Te Aho Matua principles guide kaiako in the delivery of their kura Marautanga for teaching and learning. Programmes provide students with opportunities to learn through inquiry. Kaumātua are honoured as repositories of knowledge and learning. Student’s voice is highly valued by kaiako for the design of classroom environments and programmes of learning. Students experience positive learning interactions between each other, kaiako and the wider kura whānau. They show care and respect for each other. Planning and preparation is comprehensive and detailed, informed by good analyses of student achievement information. Kaiako respond well to the individual learning needs of their students. Wider learning support strategies are used by kaiako and kura wide for individual students identified as needing additional support. These include services by the Resource Teacher of Learning and Behaviour (RTLB) and SENCO. The kura achievement annual targets around Te Reo Matatini and Pāngarau also include focused kaiako professional learning and development.

Student progress and achievement across Te Reo Matatini and Pāngarau is monitored well through Ngā Whanaketanga Rumaki Māori (NWRM). This information is reported regularly to whānau and to the board. There is good collaboration between staff, including regular kaiako hui to monitor student progress, learning, engagement and overall achievement. There is a strategic focus by the kura on teaching practice to lift achievement of students. Well-presented student profiles summarise the student’s learning journey. Students are stimulated in an environment conducive to learning and focused on raising achievement.

Kura identified areas of development

ERO recommends that the kura whānau consider ways that their current initiative, Pīpīwharauroa, can raise Wharekura student engagement, learning and achievement. In addition, the kura board and management need to carry out staff appraisal for Wharekura kaiako to provide regular internal evaluation information about the impact of Wharekura teaching practice on student engagement, learning and achievement.

3 Self Review and leadership

Students, their whānau, hapū and iwi needs and aspirations are at the centre of governance and leadership. Strong governance and well documented review support the whānau to ensure that the kura provides an appropriate and high quality education for its students.

The board are kept well informed on the daily management of the kura and ably carry out all governance responsibilities. Kura resources are allocated to meet the kura annual priorities and goals for student learning and achievement. Kura wide planned professional development for kaiako are informed by student achievement information reported to the Tumuaki and board. Internal evaluation processes are used to monitor the effectiveness of kura Marau to improve student engagement and achievement. The whānau are well placed in their pursuit for student learning and achievement underpinned by te reo me ōna tikanga o Ngāti Kahungunu. This includes the active involvement and guidance of local kaumātua in all aspects of kura life, governance and management.

4 Whānau assurance on legal requirements

Before the review, the board of trustees and principal completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to: 

  • board administration
  • curriculum
  • management of health, safety and welfare
  • personnel management
  • financial management
  • asset management. 

During the review, ERO checked the following items because they have a potentially high impact on student achievement: 

  • emotional safety of students (including prevention of bullying and sexual harassment)
  • physical safety of students
  • teacher registration
  • processes for appointing staff
  • stand-downs, suspensions, expulsions and exclusions
  • attendance. 

5 Recommendation

  • Continue to examine aspects of internal evaluation across the kura, including strategic and teaching, that will further enhance and accelerate student achievement and kura wide strategic goals.

Conclusion

Te Kura Kaupapa Māori o Ngāti Kahungunu ki Heretaunga is in Flaxmere, Hastings. Te Aho Matua principles guide and underpin all learning across the kura marautanga. The whānau work together to nurture and support students towards becoming future leaders for Ngāti Kahungunu.

When is ERO likely to review the kura again?

The next ERO review of Te Kura Kaupapa Māori o Ngāti Kahungunu ki Heretaunga will be in three years.

Lynda Pura-Watson

Deputy Chief Review Officer Māori

18 November 2016 

Information about the Kura

Location

Kei Pāharakeke, ki Heretaunga

Ministry of Education profile number

2445

Kura type

Composite (Wharekura)

Kura roll

142

Gender composition

Girls 83

Boys 59

Ethnic composition

Māori

100%

Special features

Kura Kaupapa Māori Te Aho Matua

Review team on site

September 2016

Date of this report

18 November 2016

Most recent ERO report(s)

Te Aho Matua Review

Te Aho Matua Review

Supplementary Review

March 2013

December 2009

February 2007