Te Kura Kaupapa Māori o Otara - 19/10/2018

Ngā Whakaaturanga

E tū ana Te Kura Kaupapa Māori o Piripono ki Ōtara, ki Tāmaki-makau-rau ki te tonga. Ka kitea ki ngā ākonga ō rātou ngākau titikaha, ō rātou ngākau nui anō hoki ki te ako. E ako ana rātou ki tētahi taiao e poipoi ana i tō rātou waiora. Kua roa nei ngā tau e whai wāhi atu ana te wawaotanga manatū ki te kura, heoi, kua tae ki te wā ki te arotake me te āta whakarite i te hāngaitanga o te tautoko tonutanga ki ngā kaupapa matua me ngā matea o ngā ākonga o tēnei wā tonu. E noho pūmau ana te whānau ki te whakapakari i tō rātou māramatanga ki Te Aho Matua.

1 Te Horopaki

E tū ana Te Kura Kaupapa Māori o Piripono ki Ōtara, ki Tāmaki-makau-rau ki te tonga. E whakarato ana te kura i te mātauranga mō ngā ākonga o ngā tau 1 ki te 8, mā ngā mātāpono hoki o Te Aho Matua. I tēnei wā, e 59 ngā ākonga ki te kura nei.

Nō te tau 2004 te wawaotanga manatū i whai wāhi atu ai ki te kura, ā, i takune ki te whakatutuki i ngā tino take nui i te haere tonu i taua wā, otirā, i hāngai ai ki te kounga o ngā putanga ki ngā ākonga, ki ngā hononga, ki te ārahitanga me te whakahaeretanga, ā, ki te kāwanatanga. He maha ngā rerekētanga kua pā ki te ārahitanga, ā, kua pā tōraro ērā ki te āheinga ki te whakapūmau i ngā whakapaitanga.

Whai muri i te arotake o mua a Te Tari Arotake Mātauranga i te Pipiri o 2015, kua pā ētahi atu anō rerekētanga ki te kura. Kua aro te titiro a te whānau ki te whakapakari ake i ngā hononga ki ngā kaimahi. I te tau 2016 i whakatūngia tētahi poari hou. Nō nā tata nei tētahi tumuaki i whakatū ai ki te tūranga pūmau, ā, kua riro i ngā kaiako katoa i nāianei ā rātou tiwhikete ngaio tūturu.

He tino aronga tō te whānau o te kura ki te whakahihiko ake anō i tō rātou noho pūmau, i tō rātou māramatanga anō hoki ki Te Aho Matua. E tāutu ana te arotake nei i tā rātou kapo atu i ētahi āhuatanga o Te Ira Tangata, me tā rātou whakauru i aua tūāhuatanga matua ki ngā wāhanga katoa o Te Aho Matua. Ko aua tūāhuatanga matua te tūāpapa o ngā whakataunga i whakatutukihia ai i ia wāhanga, i ia wāhanga.

2 Te Tino Uaratanga

He pēhea rawa te whakawhanaketanga o te tūmāia o ngā ākonga ki te ako?

Ka kitea ki ngā ākonga tō rātou tūmāia, tō rātou ngākau nui anō hoki ki te ako.

Te Ira Tangata

Kia pakeke te tangata, kei a ia anō āna tikanga, māna anō e whakatau ko tēwhea te huarahi e hiahia ana ki te whai, otirā, e tika ana mōna. Hēoi anō, ahakoa iti, ahakoa rahi, kei a ia tēnei. Engari, mehemea i tipu ora tōna katoa, e kore ia i pāheke ki te hē.

E ako ana ngā ākonga ki tētahi taiao e poipoi ana i tō rātou waiora me tō rātou aronga toi whenuatanga. Ka āta whakarite te whānau i te whakamanatanga o ngā tikanga, me te whai wāhi atu anō hoki o ngā tikanga ki te marautanga. Ka tuitui ngātahi ngā kaiako i ō rātou mōhiotanga ki ngā tikanga me Te Aho Matua i a rātou e whakarato ana i tētahi tino taiao ako mō ngā ākonga. E mōhio ana rātou ki ngā ākonga me ō rātou matea ake. Ka whakamanahia, ka whakamihia hoki ngā ākonga mō ā rātou mahi angitu. Nā tēnei, ka āwhina, ka tautoko anō hoki ngā ākonga i ō rātou hoa. Ka tautoko ngā tuākana i ō rātou tēina i ngā taumahi ako e whai pūtake ana, ā, i ngā kaupapa hoki o te kura whānui. Kei te harikoa, kei te mauritau hoki te āhua o ngā ākonga.

Te Reo

Tino motuhake ēnei āhuatanga katoa. Ko tēnei hoki te kākano i ruia mai i Rangiātea. E kore ia e ngaro. Engari, ko tā ngā mātua, ko tā te whānau, ko tā te kura hoki, he mea awhi, he mea whāngai, he mea whakaako i te tamaiti kia tipu ora ai tōna katoa i roto i te tika me te maungārongo.

E rumakina ana ngā ākonga ki te reo Māori i tētahi taiao ako e mau ana i te hōhonutanga tonu o te reo. Ka whakapuaki te whānau i tō rātou whakaaro nui ki te mātauranga rumaki reo. Ka whakarato ngā kaiako i te whānuitanga o ngā tūmomo whai wāhitanga ako e whakatairanga ana i te kōrero, te whakarongo, te pānui, me te tuhituhi i roto i te reo Māori. He mātātoa tā rātou akiaki i te reo Māori, mā te pai o te whāngai kupu me te patapatai ki te taha o ngā ākonga, me te whakamihi i ō rātou tohenga atu. Ka noho mai ngā kaumātua ki te kura, ā, ka whakatauira rātou i ngā hanga ōkawa me ngā hanga ōpaki o te reo i a rātou e akiaki ana i te whakamahinga o te reo Māori. Ka whai wāhi ngā ākonga ki ngā whakawhitinga whakaaro, kōrerorero hoki ki te taha o ētahi atu. E whakawhanake ana rātou i ngā pūkenga me te ngākau titikaha ki te whiu pātai me te whakapuaki i ō rātou ake whakaaro mā te reo Māori. Me hāpai tonu hei āta whakarite i te whakawhanaketanga o te mātau o ngā ākonga ki te kōrero, ki te pānui, ki te tuhituhi hoki i te reo Māori. Ka whai wāhi atu ki tēnei tūāhuatanga, ko te hōhonutanga ake o ngā whakaaro ki te whakatairanga ake i ngā rautaki whakaako.

Ngā Iwi

Ko te ngākau te mata me te kūaha o te wairua. Otirā, ko te whiu o te kupu, ko te wero, ko te riri, ko te aroha, ko te hūmārie, me ēnei āhuatanga katoa, he mea kuhu ki te ngākau, titi tonu ki te wairua. Koia nei te tīmatanga o te kōrero ‘kia ngākau māhaki’. Mā tēnei hoki ka tika te kōrero ‘he oranga ngākau, he pikinga waiora’.

E whai wāhi atu ana ngā ākonga ki ngā akoranga e tino whakamana ana i te noho maioha ki ētahi atu. Ka aro atu te whānau ki te mana o te whanaungatanga ki te kura. He hononga ā-whakapapa ki waenga i ngā mema tokomaha o te whānau, ā, ka ako ngā ākonga i ō rātou tātai hono ki ētahi atu. Ka whai wāhi atu ngā mema o te whānau ki ngā tini āhuatanga o te kura, ā, ka whakanui hoki rātou i ngā whai wāhitanga mai o ētahi atu ki ngā akoranga a ngā ākonga. Ka kitea e ngā ākonga te noho pūmau o tō rātou whānau ki tā rātou mātauranga. He nui te whakawhirinaki atu a ngā ākonga me te whānau ki ngā kaimahi. He whakaute, he ngākau titikaha hoki ki ā rātou taunekeneke ki ētahi atu. Ka whakaatu ngā ākonga i tō rātou whakawhanaungatanga tūturu, tētahi ki tētahi.

Te Ao

He tapu te tangata ahakoa ko wai. Kōhungahunga mai, tamariki mai, taipakeke mai, kaumātua mai, he tapu katoa. Kia kaua te hunga o ngā Kura Kaupapa Māori e tūkino, e whakaiti, e whakaparahako i te tangata, e mahi pūhaehae rānei ki ētahi atu. Kia ngākau māhaki rātou ki a rātou, ki te iwi whānui, ki a tauiwi hoki.

Ka kitea te tūmāia o ngā ākonga ki te whānuitanga o ngā tūmomo horopaki ako. Ka akiaki, ka tautoko hoki te whānau kia uru atu ngā ākonga ki ngā mahi i waho atu o te kura. Ka kitea te noho tuwhera o ngā ākonga ki ngā wheako hou, ā, ka whai wāhi atu rātou ki ngā tūmomo horopaki hākinakina, ahurea hoki. He māia ngā ākonga ki te whakataetae atu i ngā ākonga o te rohe whānui tonu o Tāmaki-makau-rau. Ka akiaki te whānau i ngā ākonga ki te tū ki te ārahi. He māhorahora ā rātou whakawhitinga kōrero e pā ana ki ngā uara, ki ngā pūkenga, me ngā mōhiotanga e tika ana mō aua tūranga me aua kawenga mahi. Ka kitea e ngā ākonga ngā hononga ki waenga i a rātou me tō rātou tū ki te ao whānui.

Āhuatanga Ako

Kia mārama rawa te hunga whakaako ki te āhua o te tangata, kātahi anō ka taea te hanga kaupapa whakaako mō te hunga tamariki.

E whakawhanake pūkenga ana ngā ākonga, ā, e whai wāhi atu ana, e noho ngākau nui ana hoki ki ngā akoranga. Ka whakamahi ngā kaiako i ō rātou mōhiotanga ki ngā ākonga ki te whakapai ake i te kounga o te hōtaka whakaako me te hōtaka akoranga. Kua whakatau te whānau i ngā huarahi e pai ake ai te whakamahi i te taiao ako hei hāpai tonu i aua whakapaitanga. Ka hāngai anō hoki tēnei ki te whakawhānui ake i ngā mōhiotanga ngaio, puta noa i te whānuitanga o ngā tūmomo wāhanga. E whakapakari ana ngā kaiako i tō rātou āheinga ki te aromatawai i te tino whai pūtaketanga, me te aroturuki i te ahu whakamua o ngā ākonga. Ko ngā akoranga e hāngai ana ki ngā mātāpono o Te Aho Matua, e aromatawaihia ana, e pūrongotia ana hoki. He whānui ngā tūmomo huarahi aromatawai e whakamahia ana hei whakaemi i ngā hōtuku paetae puta noa i te kura i roto i te pānui, te tuhituhi, me te pāngarau, engari he mahi anō e toe ana ki te hiki ake i te whānui tonutanga o ngā paetae. Me whai pānga anō hoki ki tēnei, ko te whakahāngaitanga ake o ngā mahi pakirehua i roto i ngā whakaritenga ngaio ka tahi; ka rua ko te whakawhanaketanga ngaio i roto i te whakaako me te ako.

Ngā wāhanga i tāutuhia ai e te kura hei whakawhanake ake

E noho ngākau nui ana te whānau me ngā kaiako ki te whakapaipai ake i ngā paetae ākonga me te whakapūmau anō hoki i te ahurea pai ki te kura. Kua pai ake te tae ā-tinana o ngā ākonga ki te kura, ā, kua heke iho anō hoki te taetae tōmuri mai o ētahi. E ai ki ngā hōtuku paetae, tata ki te 50% o ngā ākonga e noho ana ki raro noa rānei, ki raro rawa rānei i ngā taumata e tūmanakohia ana i roto i te pānui me te tuhituhi. Me wawe rawa te tirohanga atu ki ngā paetae i pāngarau. Kua whakatakotohia ngā taumata e tika ana, me ngā mahere anō hoki hei whakatairanga ake i ngā paetae ākonga i roto i aua wāhanga. Me tātaritari tonu, me aroturuki tonu hoki kia taetae atu ngā mōhiohio tūturu ki te tumuaki me ngā kaiako, hei ārahi atu i mahi whakapaipai. Me āta kawe tonu, me āta ū tonu te aronga nui ki tēnei āhuatanga.

3 Te Arotake Whaiaro me te Ārahitanga

Kua piki ake te whai wāhi atu a te whānau ki te kura, whai muri i te arotake o mua a Te Tari Arotake Mātauranga. Kua whakapau kaha rātou ki te hiki ake i te tūnga o te kura ki te hapori. E tautokona ana hoki te poari e te whānau. Ka whai wāhi atu ngā mema o te whānau ki te whakariterite i tā rātou pūtea ā-tau. Kua arotakengia te tūtohinga me ētahi o ngā kaupapa here. E mahi tonu ana Te Rūnanga Nui o Ngā Kura Kaupapa Māori o Aotearoa ki te taha o te whānau, ki te whakapakari ake i ō rātou āheinga ki te kāwana, ā, ki te whakatinana anō hoki i Te Aho Matua ki ngā whakahaeretanga katoa o te kura.

Ka kitea ki te kura, ko te kaha ake o te ahurea whakakotahi me te ahurea ngaio. Kua tāutuhia e te tumuaki hou, ko ngā kaupapa matua me ngā mahi ka whakatairanga ake i ngā taumata o ngā paetae ākonga. Huihui ai ngā kaiako ki te whakawhiti kōrero mō ngā akoranga a ngā ākonga. Kua tohaina ake anō ngā tūnga kaiako, hei whakatutuki ake i ngā matea o ngā ākonga. Ka whiwhi te whānau i ngā mōhiohio e pā ana ki te ako a ā rātou tamariki, me ngā huarahi hei whai atu ki te tautoko i a rātou. E whakawhanakehia ana tētahi hōtaka whakawhiti hei hāpai i ngā tamariki e puta mai ana i ngā kōhanga reo.

Ko te haere tonutanga o te tautoko e poipoi ai i te hōhonutanga o te ārahitanga ngaio, ka hāpai i te rōnaki tonutanga o te kura hei te pae tawhiti, me tōna aronga ki te whakapai ake, ki ngā putanga hoki e whai hua ai ki āna ākonga.

Te Wawaotanga Manatū

Kua roa nei te wawaotanga manatū e whai wāhi atu ana ki te kura. Tērā ētahi whakawhanaketanga papai i whakakotahi ai te whānau me ngā kaimahi ki te mahi tahi hei painga mō ā rātou ākonga. Kua ahu whakamua hoki ki te whakapakari ake i te āheinga o te whānau me ngā kaimahi i roto i ō rātou tūranga me ā rātou kawenga i raro i te maru o Te Aho Matua.

Kua tae ki te wā ki te arotake i te taumata me te aronga o te wawaotanga manatū o tēnei wā, me te āta whakarite i te hāngaitanga tonu o te tautoko o waho ā meāke nei ki ngā wāhanga e whai ake ana i roto i te whakawhanaketanga matua ki te kura. Me hāngai ake te aronga i nāianei ki te whakaako me te ako, tae atu hoki ki tā rātou marau. Ko te aro ki tēnā e whakatutukihia ai ki ngā akomanga, ka whakatau, ka hiki ake anō hoki i ngā tūmanako me ngā whakatutukitanga anō hoki ka whai ake mō ngā ākonga, puta noa i te kura.

4 Te Whakatau a te Whānau ki ngā Wāhanga Tautukunga

I mua atu i te whakahaerenga o te arotake i whakatutukihia e te poari me te tumuaki he Tauāki Kupu Tūturu a te Whānau mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

  • ngā whakahaere a te poari
  • te marautanga
  • ngā whakahaere mō te hauora, te haumaru, me te oranga tinana
  • ngā whakahaere o ngā kaimahi
  • ngā whakahaere o te pūtea
  • ngā whakahaere o ngā rawa me ngā taonga.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:

  • te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
  • te haumaru ā-tinana o ngā ākonga
  • te rēhitatanga o ngā kaiako
  • ngā tukanga ki te whakatū kaimahi
  • te whakaunu, te aukati, te pana me te whakarerenga
  • te tae ā-tinana atu a ngā ākonga ki te kura.

I te wā o te arotake nei, kāhore he herenga ā-ture i tāutuhia ai hei whakapai ake.

5 Ngā Taunakitanga

E taunaki ana Te Tari Arotake Mātauranga kia mahi tonu te whānau, te tumuaki, me ngā kaimahi ki te taha o Te Rūnanga Nui o Ngā Kura Kaupapa Māori o Aotearoa ki te:

  • whakatinana i te tautoko e tika ana mō ngā kaiako kia whakapakari tonu i ngā whakapaitanga o te kounga o te whakaako me te ako i roto i ō rātou akomanga
  • āta whakarite i te whiwhinga o te tumuaki i te ārahitanga me te tautoko e tika ana mōna hei tumuaki tuatahi ki tētahi kura o Te Aho Matua
  • whakapai ake i ngā paetae ākonga i roto i te reo matatini me te pāngarau
  • whakapakari i tō rātou āheinga ki te kāwana, me tō rātou māramatanga hoki ki Te Aho Matua.

E taunaki ana hoki Te Tari Arotake Mātauranga kia arotakengia e Te Tāhuhu o te Mātauranga te wawaotanga manatū o tēnei wā, me te whai whakaaro anō hoki i te haerenga tonutanga o te tautoko o waho mā te wāhanga 78T o te Ture Mātauranga o 1989. Mō te taumata o te tautoko wawaotanga i raro i te Wāhanga 7A o te Ture Mātauranga o 1989, ka whakapuakihia mā ngā tūāhuatanga pea ka whai ake nei, mā ētahi atu anō mahi rānei, heoi, mā:

  • tētahi hui ngaio e aro atu ana ki te whakarite i ngā mahi e tika ana ki te whakatutuki i ngā whakaritenga matua hei whai atu, ā, i tāutuhia ai e Te Tari Arotake Mātauranga ki tēnei pūrongo – wāhanga 78I (1)(ca)
  • te whakarite, te whakatinana hoki i tētahi mahere mahi ka hāpai i ngā taunakitanga o runga ake nei – wāhanga 78I (1)(c)

Te Whakarāpopototanga

E tū ana Te Kura Kaupapa Māori o Piripono ki Ōtara, ki Tāmaki-makau-rau ki te tonga. Ka kitea ki ngā ākonga ō rātou ngākau titikaha, ō rātou ngākau nui anō hoki ki te ako. E ako ana rātou ki tētahi taiao e poipoi ana i tō rātou waiora. Kua roa nei ngā tau e whai wāhi atu ana te wawaotanga manatū ki te kura, heoi, kua tae ki te wā ki te arotake me te āta whakarite i te hāngaitanga o te tautoko tonutanga ki ngā kaupapa matua me ngā matea o ngā ākonga o tēnei wā tonu. E noho pūmau ana te whānau ki te whakapakari i tō rātou māramatanga ki Te Aho Matua.

Lynda Pura-Watson

Kaiurungi Whakaturuki Arotake Māori

19 Whiringa ā-nuku, 2018

Ngā Kōrero e pā ana ki te kura

Te tūwāhi

Kei Ōtara, ki Tāmaki-makau-rau  

Te tau a te Tāhuhu o te Mātauranga

4205

Te tūmomo kura

He kura tuatahi (Tau 1 ki te 8)

Te tokomaha o ngā ākonga o te kura

59

Te ira tangata

Kōtiro 29

Tama tāne 30

Ngā hononga ā-iwi

Māori

Iwi kē

95%

5%

Ngā āhuatanga motuhake

Te Aho Matua

Te wā i te kura te rōpū arotake

24 Hōngongoi 2018

Te rā o tēnei pūrongo

19 Whiringa ā-nuku, 2018

Ngā pūrongo o mua a Te Tari Arotake Mātauranga 

Arotake Te Pupuketanga

Arotake Te Pupuketanga

Arotake Mātauranga Te Aho Matua

Here-turi-koka 2016

Whiringa-ā-nuku 2013

Whiringa-ā-nuku 2010

Findings

Te Kura Kaupapa Māori o Piripono is in Ōtara, South Auckland. Students show confidence and a passion for learning. They learn in an environment that nurtures their wellbeing. After several years of statutory intervention, it is timely to review and ensure ongoing support is aligned to current priorities and student needs. Whānau are committed to strengthening their understanding of Te Aho Matua.

1 Context

Te Kura Kaupapa Māori o Piripono is located in Ōtara, South Auckland. The kura provides education for Year 1 to 8 students in line with the principles of Te Aho Matua. There are currently 59 students attending this kura.

Statutory intervention in place since 2004 was intended to address significant ongoing issues relating to the quality of student outcomes, relationships, leadership and management, and governance. A number of leadership changes have occurred, and these changes have negatively impacted on the ability to sustain improvement.

Since the previous ERO review in June 2015, there have been further changes within the kura. The kura whānau has worked to strengthen relationships with staff. In 2016 a new board of trustees was elected. A permanent principal has recently been appointed and all teachers are now fully registered.

The kura whānau has a strong focus on reinvigorating their commitment and understanding of Te Aho Matua. This review identifies how they have taken elements of Te Ira Tangata and included these as core components across all the wāhanga of Te Aho Matua. These elements provide a foundation for the judgements made within each of the wāhanga.

2 Te Tino Uaratanga

How well are students developing as confident learners?

Students show confidence in and a passion for learning.

Te Ira Tangata

Kia pakeke te tangata, kei a ia anō āna tikanga, māna anō e whakatau ko tēwhea te huarahi e hiahia ana ki te whai, otirā, e tika ana mōna. Hēoi anō, ahakoa iti, ahakoa rahi, kei a ia tēnei. Engari, mehemea i tipu ora tōna katoa, e kore ia i pāheke ki te hē.

Students learn in an environment that nurtures their wellbeing and sense of belonging. Whānau ensure that tikanga practices are valued and reflected in the curriculum. Kaiako combine their knowledge of tikanga and Te Aho Matua to provide a sound learning environment for students. They are familiar with students and their individual needs. Students are affirmed and praised for their successes. They in turn are helpful and supportive of their peers. Tuākana support their tēina in meaningful learning activities and in kura-wide events. Students appear to be happy and secure.

Te Reo

Tino motuhake ēnei āhuatanga katoa. Ko tēnei hoki te kākano i ruia mai i Rangiātea. E kore ia e ngaro. Engari, ko tā ngā mātua, ko tā te whānau, ko tā te kura hoki, he mea awhi, he mea whāngai, he mea whakaako i te tamaiti kia tipu ora ai tōna katoa i roto i te tika me te maungārongo.

Students are immersed in a te reo Māori language-rich learning environment. Whānau articulate their value for immersion education. Kaiako provide a range of learning opportunities that promote speaking, listening, reading and writing in te reo Māori. They actively encourage te reo Māori by using effective prompts and questions with students and praising their efforts. Kaumātua are present in the kura and use formal and informal language structures as they encourage the use of te reo Māori. Students engage in conversations and discussions with others. They are developing skills and confidence to ask questions and express their ideas in te reo Māori. Further support is required to ensure students develop as competent speakers, readers and writers of te reo Māori. This will include more in-depth consideration to enhancing teaching strategies.

Ngā Iwi

Ko te ngākau te mata me te kūaha o te wairua. Otirā, ko te whiu o te kupu, ko te wero, ko te riri, ko te aroha, ko te hūmārie, me ēnei āhuatanga katoa, he mea kuhu ki te ngākau titi tonu ki te wairua. Koia nei te tīmatanga o te kōrero ‘kia ngākau māhaki’. Mā tēnei hoki ka tika te kōrero ‘he oranga ngākau, he pikinga waiora’.

Students participate in learning where an appreciation of others is highly valued. Whānau recognise the value of whanaungatanga in the kura. Many whānau are related and students learn about their connections to others. Whānau members are involved in many aspects of the kura and value the contributions others make to student learning. Students observe the commitment their whānau have to their education. Students and whānau have a high level of trust in the kaimahi. They are respectful and confident in their interaction with others. Students demonstrate meaningful relationships with others.

Te Ao

He tapu te tangata ahakoa ko wai. Kōhungahunga mai, tamariki mai, taipakeke mai, kaumātua mai, he tapu katoa. Kia kaua te hunga o ngā Kura Kaupapa Māori e tūkino, e whakaiti, e whakaparahako i te tangata, e mahi pūhaehae rānei ki ētahi atu. Kia ngākau māhaki rātou ki a rātou, ki te iwi whānui, ki a tauiwi hoki.

Students show confidence in a range of learning contexts. Whānau encourage and support students to participate in activities outside the kura. Students display openness to new experiences and participate in various sporting and cultural contexts. Students confidently compete against other students from the wider Auckland region. Whānau encourage students to accept responsibility for leadership. They openly discuss the values, skills and knowledge required of those roles and responsibilities. Students see the connections between themselves and their place in the wider world.

Āhuatanga Ako

Kia mārama rawa te hunga whakaako ki te āhua o te tangata, kātahi anō ka taea te hanga kaupapa whakaako mo te hunga tamariki.

Students are developing skills, participating in and enjoying learning. Kaiako use their knowledge of students to improve the quality of teaching and learning programmes. The whānau has made decisions about how the learning environment can be better utilised to support these improvements. This includes expanding on professional knowledge across a range of areas. Kaiako are building their capability to assess for a clear purpose and to monitor student progress. Learning in line with the principles of Te Aho Matua is assessed and reported. While a range of assessment tools are used to gather achievement data across the kura for pānui, tuhituhi and pāngarau, further work is required to lift overall levels of achievement. This will also require more focused inquiry into professional practice and then professional development for teaching and learning.

Kura-identified areas of development

Whānau and kaiako are committed to improving student achievement and maintaining a positive culture within the kura. Attendance has improved and instances of recurring student lateness have declined. Achievement data shows that almost 50% of students are below or well below the expected levels in pānui and tuhituhi. Achievement in pāngarau is an urgent area of concern. Realistic targets have been set and plans are in place to lift student achievement in these areas. Ongoing analysis and monitoring is required to ensure the principal and kaiako have reliable information to guide improvements. This area requires ongoing and significant focus.

3 Self Review and Leadership

Whānau participation in the kura has increased since the previous ERO review. They have worked to lift the profile of the kura in the local community. The board of trustees is also supported by the whānau. Whānau members contributed to the preparation of their annual budget. The charter and some policies have been reviewed. Te Rūnanga Nui o Ngā Kura Kaupapa Māori o Aotearoa continue to work with whānau to build their capability in governance and to implement Te Aho Matua across kura operations.

A more collaborative and professional culture is evident within the kura. The new principal has identified priorities and actions to raise the levels of student achievement. Kaiako meet regularly to discuss student learning. Staffing has been reallocated to better meet student needs. The whānau receive information about their children’s learning and how they can support them. A transition programme is being developed to support kōhanga reo graduates.

Ongoing support to foster deep professional leadership will support the long-term sustainability of the kura as it focuses on improvement and successful outcomes for its students.

Statutory Intervention

There is a long history of statutory intervention in the kura. There have been positive developments which have brought whānau and kaimahi together to work in the best interests of their students. Progress has been made to build the capability of whānau and staff in relation to their roles and responsibilities under Te Aho Matua.

It is timely to review the current level and focus of statutory intervention, and ensure external support moving forward is clearly aligned to the next phases of critical development for the kura. This should now include a stronger focus on teaching and learning as well as their curriculum. The focus on what happens in classrooms will create balance and lift expectations and consequent achievements for students across the kura.

4 Whānau assurance on legal requirements

Before the review, the board of trustees and principal completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

  • board administration

  • curriculum

  • management of health, safety and welfare

  • personnel management

  • financial management

  • asset management.

During the review, ERO checked the following items because they have a potentially high impact on student achievement:

  • emotional safety of students (including prevention of bullying and sexual harassment)

  • physical safety of students

  • teacher registration

  • processes for appointing staff

  • stand-downs, suspensions, expulsions and exclusions

  • attendance.

There were no issues of non-compliance identified during this review.

5 Recommendations

ERO recommends the whānau, principal and staff continue to work with Te Rūnanga Nui o Ngā Kura Kaupapa Māori o Aotearoa to:

  • implement specific support for kaiako to build upon improvements in the quality of teaching and learning in their classrooms

  • ensure the new principal has appropriate mentoring and support as a first time tumuaki within a Te Aho Matua kura

  • improve student achievement in te reo matatini and pāngarau

  • strengthen their governance capability and their understanding of Te Aho Matua.

ERO also recommends that the Ministry of Education review the current statutory intervention and consider ongoing external support in line with section 78T of the Education Act 1989. The level of ongoing intervention support under Part 7A of the Education Act 1989 should not be limited to, but could include:

  • a case conference aimed at establishing the actions required to address the key next steps identified by ERO in this report – section 78I (1)(ca)

  • preparation and implementation of an action plan to support the above recommendations– section 78I (1)(c)

Conclusion

Te Kura Kaupapa Māori o Piripono is in Ōtara, South Auckland. Students show confidence and a passion for learning. They learn in an environment that nurtures their wellbeing. After several years of statutory intervention, it is timely to review and ensure ongoing support is aligned to current priorities and student needs. Whānau are committed to strengthening their understanding of Te Aho Matua.

Lynda Pura-Watson

Deputy Chief Review Officer Māori

19 October 2018

Information about the Kura

Location

Ōtara, Auckland

Ministry of Education profile number

4205

Kura type

Full Primary (Year 1 to 8)

Kura roll

59

Gender composition

Girls 29

Boys 30

Ethnic composition

Māori

Other

95%

5%

Special features

Te Aho Matua

Review team on site

24 July 2018

Date of this report

19 October 2018

Most recent ERO report(s)

Te Pupuketanga Review

Te Pupuketanga Review

Te Aho Matua Review

August 2016

October 2013

October 2010